Zyrtarisht ka duel Panuçi-Nishani, Gjykata pranon padinë

Sport Ekspres — Mon, 17 Sep 2018 14:00:39 +0000

Gjykata këtë herë nuk ka çfarë bën. Padia e bërë nga Kristian Panuçi për ish-presidentin Bujar Nishani është pranuar këtë herë, pasi avokati i trajnerit të kombëtares ka bërë plotësimet e duhura në dosjen e dorëzuar.

Tashmë palët do të përballen në gjykatë dhe Panuçi ka kërkuar një dëmshpërblim prej 100 mijë eurosh. Nga ana tjetër Nishani duhet të përgatitet për mbrojtjen në Gjykatë. Për këtë do të ketë një afat prej 30 ditësh. Mbetet për t’u përcaktuar data e gjyqit.

Ish-presidenti e quajti sharlatan Panuçin pas humbjes që Shqipëria pësoi me Kosovën dhe trajneri italian nuk ngurroi dhe e dërgoi çështjen në gjyq.

Panuçi në gjyq me Bujar Nishanin, 100 mijë euro dëmshpërblim!

Sport Ekspres — Wed, 05 Sep 2018 14:47:45 +0000

Kristian Panuçi nuk ka qëndruar duarkryq pas postimit të bërë nga ish-presidenti Bujar Nishani në rrjetet sociale. Gjithçka ndodhi pas humbjes që kuqezinjtë pësuan 3-0 me Kosovën, ndërkohë që trajnerit aktual të kombëtares nuk i ka pëlqyer aspak ajo që shkruante asokohe Nishani.

Që në korrik italiani është paraqitur në gjykatë dhe ka paditur ish-presidentin. “Dritarja.net” ka publikuar edhe padinë për Shkaktim Dëmi që Panuçi ka bërë. Tashmë ai kërkon 100 mijë euro dëmshpërblim nga Bujar Nishani për prishje të imazhit.