Ka qenë trajneri Marcelo Sarri ai që ua ka kërkuar drejtuesve një lëvizje të tillë dhe tashmë Bufon ndodhet në Torino. Ai është paraqitur në J Medical, aty ku do të kryejë testet mjekësore dhe më pas do të vijë firma dhe zyrtarizimi.

Sigurisht që nuk mungojnë edhe tifozët, të cilët kanë dalë për ta pritur portierin legjendar të Juventusit dhe Italisë. Foto dhe autografe të shumta, ndërkohë që shumëkush shpreson që në fund të sezonit të ardhshëm ta shohin duke ngritur Ligën e Kampioneve.

Indovina chi è arrivato al J|Medical? ? @gianluigibuffon! pic.twitter.com/qc8iZAV54P

— JuventusFC (@juventusfc) July 4, 2019

Portieri 40-vjeçar ka rënë dakord që të pranojë statusin si zgjedhje e dytë dhe në ditët në vijim do të vijë zyrtarizimi. Një ndër të parët që ishte vënë në dijeni të kësaj lëvizjeje ishte portieri i njohur spanjoll Iker Kasijas, i cili me anë të postimi në twitter paralajmëroi në mënyrë koduar transferimin e Bufon.

Los fichajes de la @juventusfc los hace Houdini. Magia pura… ? pic.twitter.com/iCrV8Zvaps

— Iker Casillas (@IkerCasillas) June 25, 2019

PERIN – Me ardhjen e Bufon natyrshëm që s’ka më vend në stol për Matia Perin. 26-vjeçari kërkohet me ngulm nga skuadra e Romës dhe negociatat për shitjen e kartonit kanë filluar.

Bufon është fotografuar ndërkohë që ecën mbi normat e shpejtësisë, me 155 km/orë. Shkelja vazhdon me mungesën e rripit të sigurimit. Më pas nëse vështron me kujdes, dallon praninë e një pakete duhani në xhepin e derës së mjetit. Të gjitha këto janë pikasur nga komentuesit e shumtë në rrjetet sociale, që kanë kritikuar legjendën italiane.

?? L’unica regola del viaggio è non tornare come sei partito. Torna diverso.
?? Travel only has one rule don’t come back the same as you left. Come back different. pic.twitter.com/TnEsPgNty1

— Gianluigi Buffon (@gianluigibuffon) June 20, 2019

Si destinacion të ardhshme për 41-vjeçarin janë përfolur shumë ekipe si Atalanta, Parma apo edhe Porto. Në një rrëfim për “Gazzetta dello Sport”, legjenda italiane ka treguar se është në kërkim të emocioneve, si dhe ka zbuluar largimin nga PSG.

“Këto ditë kam lexuar një frazë që më ka pëlqyer shumë. Françesko Guidolin u pyet nëse do të ishte i lumtur me rikthimin te Verona dhe ai u përgjigj: ‘Janë emocionet që po kërkoj.’ Të them të vërtetën edhe unë gjithashtu jam në kërkim të emocioneve.

Prej pesë muajsh PSG më kishte komunikuar se në sezonin e ardhshëm do të isha portieri i dytë. Kisha kohën e mjaftueshme për ta menduar dhe për të vendosur. Dola në konkluzionin që nuk ishte për mua diçka e tillë, kështu që u largova duke hequr dorë nga shumë para dhe nga kontrata për një tjetër vit.

Dua të jem i qartë, eksperienca në Paris ishte e jashtëzakonshme në çdo mënyrë, por kishte vetëm diçka negative: Më mori shumë kohë nga gruaja dhe fëmijët dhe nuk kam qëndruar shumë me ta. Gjithsesi, do të kem mundësi ta korigjoj këtë gjë.”

Kontrata nuk iu rinovua dhe Bufon është një lojtar i lirë. Ekipi që po interesohet për shërbimet e tij, është Porto. “Dragonjtë” nuk do të kenë më në portën e tyre Iker Kasijasin, i cili e mbylli me futbollin e luajtur në moshën 38-vjeçare, pas një problemi shëndetësor.

Si pasojë, Porto po mendon të marrë një tjetër portier me eksperiencë dhe ka zgjedhur Bufon. Gardiani italian po mendohet për këtë ofertë, teksa Portugalia e tundon shumë. Mbetet për t’u parë nëse Xhixhi do të zgjedhë Porton për të vazhduar karrierën e tij.

Ai ndjen se mund të luajë akoma në nivele të larta dhe klubi portugez është një destinacion shumë i mirë. Marrëveshja pritet të mbyllet në ditët në vijim. Kujtojmë që Bufon ka ndërprerë marrëveshjen me PSG vetëm para pak ditësh.

“Liverpuli ka një skuadër shumë të fortë, sidomos duke parë se çfarë kualiteti kanë në repartin sulmues. Me lojtarë si Salah, Mane dhe Firmino, ata kanë shumë kreativitet dhe prodhojnë një ndeshje me shumë ritëm dhe natyrshëm që krijojnë një kërcënim të madh.

“Gjatë gjithë karrierës sime kam dashur të provoj veten kundër më të mirëve dhe për momentin nuk mund të mendosh se ka ndonjë skuadër me sulmin më të mirë se Liverpuli në Europë”.

19 nëntori i vitit 1995 ishte dita kur portieri u prezantua në futbollin e madh. Ishte një ndeshje e Seria A mes Parmës dhe Milanit e asokohe askush nuk do e kishte menduar se ai djalosh që do të bënte një udhëtim kaq të madh.

https://www.youtube.com/watch?v=Gv2NiZNBBM0

“Çdo vit ka dy ose tre favoritë për të fituar Champions-in. Një ndër është Barcelona, pasi ata kanë lojtarin më të mirë në botë (Lionel Mesin). Pas tyre vjen padyshim Juventusi. Në vitet e fundit Juve është rritur si ekip, ndërsa tani kanë marrë një lojtar si Kristiano Ronaldo. Ka dhe skuadra të tjera si Mançester Siti, që nuk ka bërë mirë në të shkuarën në këtë kompeticion, por të kesh Pep Guardiolën si trajner të bën favorit”.

PSG ? – “Them se jo, pasi që të arrish triumfe të caktuara të duhet një rrugë, një projekt dhe një skuadër që ka eksperiencë. PSG-ja është një ekip risi i viteve të fundit dhe kjo gjë do marrë kohë”

SHPËRTHIMI PAS ELIMINIMT NGA REALI – “Në atë moment më pushtoi djalli (qesh), dhe Xhixhi nga Karrara (qyteti i lindjes) doli sërish në sipërfaqe. I kalova limitet, por gjithsesi nuk mendoj se ishte arsyeshme të merrja karton të kuq. Ndërsa pezullimin me tri ndeshje e kuptoj”, tha 40-vjeçari.

Italiani i portës së PSG ka folur për “Tout le Sport”, dukë dhënë mendimin e tij. Bufon është i impresionuar nga 19-vjeçari Kilian Mbape, të cilin e ka shok skuadre, dhe shpreson që të jetë francezi fituesi i këtij çmimi.

“Duke patur parasysh cilësitë e tij, për atë që tregon në fushë dhe për faktin që ishte deçiziv në Botërorin e Rusisë, them se e meriton ta fitojë Topin e Artë. Kilian ka një talent të jashtëzakonshëm dhe cilësi teknike, që nuk i hasim shpesh. Ai është një fenomen dhe, nëse vazhdon me dëshirën për t’u bërë më i miri në botë, do të ketë një karrierë të gjatë”, përfundon gardiani 41-vjeçar i PSG.