NDESHJA – “Edhe pse është miqësore, kërkuam të fitonim. E rëndësishme është që u bë lojë e bukur. Luajtëm përballë një Tirane shumë të fortë, që drejtohet nga Mema. Për mendimin tim, nëse Mema do të ishte që në fillim të sezonit, Tirana do të ishte shumë më lart se ç’është tani”.

EKIPI – “Nuk janë lojtarët që kam përgatitur në fillim, pasi nuk i motivoj dot. Ia kemi arritur objektivit tonë dhe është shumë e vështirë që të motivoj ekipin”.

PLAY OFF – “Sikur të ishte dhe një ekip tjetër për në “PlayOff”, do të ishte më bukur. Por Federata vendos dhe ne nuk japim dot mendime jashtë profesionit tonë”.

LOJTARËT CILËSORË – “Korabi ka lojtarë që duhet të jenë pjesë e Superiore. Janë 3-4 lojtarë, por unë do të mundohem t’i mbaj në skuadër, pasi vitin tjetër synojmë Superioren”,- u shpreh Bubeqi.

Bubeqi do të jetë në krye të pankinës deri në maj të 2020 dhe klubi nuk ka ngurruar as ta falënderojë për rezultatet që ka marrë deri më tani këtë sezon.

Njoftimi i Korabit

“Sot ka rinovuar kontratën me Korabin trajneri Dorjan Bubeqi deri në Maj 2020. Në emër të klubit e falënderojmë për ecurinë dhe rezultatet e deri tanishme dhe i urojmë suksese në vijim”, njofton klubi i Korabit.

Së bashku me Bubeqin është prezantuar edhe trajneri i portierëve Taulant Guma.

Ndërkaq, goditja më e rëndësishme në merkato vjen nga Kavaja, sepse mbrojtësi Erand Hoxha është zyrtarisht i Korabit, pas divorcit me Besën.

Edhe Elert Kalluci është prezantuar te Korabi. Mbrojtësi 29-vjeçar ka lënë Erzenin pas 3 sezonesh aty, ku ka qenë gjithnjë titullar.

Glen Domi

Erzeni dhe Bubeqi nuk arrijnë një marrëveshje mes tyre për sezonin e ri, ndonëse pak ditë më parë ishte konfirmuar qëndrimi i trajnerit kavajas në stolin e skuadrës shijakase, madje, kishin nisur edhe projektet për të rikthyer ekipin në elitë. Mirëpo, kjo gjë nuk ka ndodhur dhe nga dje, Bubeqi dhe Erzeni janë ndarë…

KALLESHI – Ndërkohë, shijakasit nuk kanë humbur kohë por kanë gjetur menjëherë teknikun e ri që do të pasojë Bubeqin. Sabri Kalleshi do marrë në dorë drejtimin e skuadrës. “Biqa” siç thërritet nga sportdashësit shijakas ka qenë një “ikonë” e futbollit shijakase dekada më parë. Tashmë, ai rikthehet dhe merr në dorë drejtimin e skuadrës për të ndërtuar një ekip pretendent.

BUBEQI – Largimi i Bubeqit është pasuar nga disa falënderime prej tij: “Falënderoj shumë klubin e Erzenit për sezonin që ne lamë pas. Nuk harroj pa falënderuar tifozët e zjarrtë, si dhe i uroj ekipit shumë suksese”, tha trajneri kavajas, i cili shumë shpejt pritet që të zyrtarizohet në një tjetër skuadër me pretendime.

KEÇI – Sakaq edhe shefi i klubit shijakas, Altin Keçi, ka falënderuar Bubeqin për punën e tij gjatë një viti në radhët e skuadrës. Erzeni, tashmë është në ndërtim e sipër dhe pritet që shumë shpejt të fillojnë edhe zyrtarizimet e para. Klubi shijakas, prej kohësh ka qenë në kontakt me disa lojtarë dhe pritet vetëm kalimi i letrave nga klubet përkatëse të futbollistëve dhe zyrtarizimi i tyre në radhët e skuadrës së Erzenit.

FINANCAT – Drejtuesit e klubit, janë gjithashtu në pritje të miratimit të buxhetit, i cili është i garantuar nga Kryetari i Bashkisë së Shijakut, i cili në dy vitet e fundit ka investuar jo pa për futbollin. Lëvizjet në klub kanë qenë të shumta, me largimin e disa futbollistëve, por nuk mbetet me kaq. Do të ketë edhe të tjera largime siç bëjnë të ditur drejtues të skuadrës, e natyrisht edhe afrime cilësore. Këtë sezon, shijakasit do të hynë në garë me synimin e vetë, rikthimin në elitë.