“Mendoj se për të korrigjuar janë vetëm daljet në sulm dhe disi mbajtja e topit. Nëse veprojmë më mirë se ndeshjen e parë gjatë kundërsulmeve, jam i bindur se do t’ia dalim të shënojmë gol”

“Partizani në këtë ndeshje të kthimit shkon si një ekip i fortë, këtu bëmë një ndeshje të mirë e panë të gjithë. Besimi nuk mungon. Ne besojmë shumë, pasi të gjithë e panë në ndeshjen e parë që dhe ne jemi një ekip i fortë. Sot u stërvitëm për goditjet e 11-metërshave, pasi nuk i dihet, ndeshja mund të mbyllet pa gola, por e mira është që ne të shënojmë”.

Praktikisht sezoni për Hebajn ka përfunduar dhe pritet që së shpejti të kthehet te Domzhale, klub nga ku Partizani e ka marrë në huazim. Sulmuesi shënoi gjatë kampionatit vetëm 4 gola, dygolësha ndaj Tiranës dhe Flamurtarit.

Ndërkohë, sipas RTSH Sport, trajneri Skënder Gega do të ketë të gatshëm për ndeshjen me Kukësin edhe lojtarët që janë ftuar në kombëtare. Kështu, Esat Mala, Lorenc Trashi dhe Alban Hoxha do të jenë në fushë kundër verilindorëve.

Thuhet se e njëjta gjë do të ndodhë edhe me Bruno Telushin, i cili do të duhet të shlyejë pezullimin e mbetur në gjobë. Pas sfidës me Laçin ai u pezullua me katër ndeshje dhe deri më tani ka shlyer tre prej tyre. Që të aktivizohet kundër Kukësit mjafton të depozitojë në FSHF gjobën prej 1 milion lekësh, sikurse edhe e parashikon rregullorja.

Ndërkohë, veç 9 emrave që ishin zbuluar ditë më parë, tashmë Supersport raporton se nga Superiorja do të jetë i grumbulluar edhe Bruno Telushi. Ky i fundit ka qenë pjesë e kombëtares edhe në të shkuarën. Titulli kampin te Partizani dhe paraqitjet e tij kanë bindur edhe Rejën ta hedhë një sy edhe nga vlonjati.

Grumbullimi prej datës 20 maj: Kastriot Dermaku (Kozenca), Enea Mihaj (Panetolikos), Marash Kumbulla (Hellas Verona), Mërgim Mavraj (Ingolshtad), Ergys Kaçe (Panathinaikos), Amir Abrashi (Frajburg), Migjen Basha (Aris), Emanuele Ndoj (Breshia), Eros Grezda (Rejnxhërs), Bruno Telushi (Partizani), Lorenc Trashi (Partizani)

PLANI I EDI REJËS PËR GRUMBULLIMIN
21 maj – 2 qershor, Durrës
2 qershor – 6 qershor, Frankfurt
6 qershor – 7 qershor, Rejkjavik
8 qershor, ndeshja Islandë-Shqipëri
11 qershor, ndeshja Shqipëri-Moldavi

MENAXHIMI I LOJTARËVE NGA GEGA – “Mbaj mend kur ishin në fazë përgatitore në Ohër, ai nuk filloi menjëherë ta na bënte stërvitjen, por organizoi disa mbledhje tek e tek. Pyeti çdo lojtar për vështirësitë që kishte pasur në sezonin e kaluar, unë i tregova për problemet që hasa me fizikun, pata shumë dëmtime. Ai diti si të fliste me lojtarët, na kuptoi çfarë karakteresh kishim. Me disa sillej sikur e kishte shok, me disa të tjerë sikur i kishte fëmijë”.

GARA ME RIVALËT – “Në fillim të sezonit Flamurtari ishte një ekip shumë i mirë, por filluan problemet financiare. Pas disa javësh rivali kryesor ishte Kukësi. Ata na kanë motivuar, i falënderoj me deklaratat që kanë bërë: “Jo gjunjtë, jo biçikleta”. Ndonjëherë kur të mungon karikimi, këto deklarata të karikojnë”.

TIRANA DHE DËSHTIMI NË DERBI – “Normalisht që kjo ndikon. Me kaq shumë kohë sa ka Tirana pa fituar, shtohet presioni pasi kërkon medoemos fitoren. Dihet që presioni i tepërt të bën keq në ekip. Unë mendoj se Tirana gabimin e ka bërë që në fillim. U frynë shumë, me foto etj. . E kam provuar vetë te Flamurtari në 2015-ën. Ekip me emra shumë, por 0. Edhe Partizanin në sezoni e shkuar. Futbolli i sotëm duhet të kesh një grup shumë të fortë që të arrish te suksesi. Vetëm Mesi dhe Ronaldo janë të aftë të marrin ekipet përdore”.

FILLIMI I SEZONIT – “Titulli kampion nuk ishte objektiv. Kjo ka bërë dhe mirë për grupi, pasi nuk ishte ai presioni: ‘O kampion o s’ka’. Pas javës së 10-të grupi filloi ta kuptonte se titulli ishte i mundshëm”.

PREMIO E TITULLIT – “Jemi ulur me presidentin dhe na ka thënë: Djema mendojeni vetë shifrën e premios. Gjithsesi ne lojtarët ende nuk jemi mbledhur që të vendosim për këtë gjë”.

I pyetur nga drejtuesi i emisionit, nw lidhje me banderolën “Kampion me VKM” të bërë nga tifozët e Tiranës, Telushi tha:“Ne e kemi treguar në fushë që kemi marrë çdo gjë me meritë. Olsi Rama ka qenë një ndër personat që gjithmonë më ka udhëzuar të jem i qetë me arbitrat në çdo rast. Mbaj mend gjatë derbit, tifozët e Tiranës se ç’kishin një shprehje për Erion Braçen dhe tifozët në krahun e Partizanit filluan të acarohen dhe shajnë, Olsi ishte i pari që u ngrit dhe filloi të qetësonte tifozët”.

Dyshja përveçse merren vesh mirë në fushë, janë edhe miq jashtë saj. Një natë më parë, me sa duket Telushi e ka ftuar për darkë mikun e tij Trashi, i cili ndërkohë që vlonjati gatuante, dhuronte “shoë”, duke dhënë leksione si ultras.

Në videot e postuara në Instagram, shihet Trashi, i cili është së bashku me djalin e Telushit, duke e mësuar këtë të fundit me këngët e Partizanit, si dhe me thirrjet “Bruno Telushi”. Video mjaft e bukur dhe interesante, që dëshmon ambientin pozitiv që mbizotëron te “Demat e Kuq”.

Telushi do të jetë i pezulluar për katër ndeshje, ndërsa trajneri i të kuqve do të jetë për dy ndeshje, si pasojë e sjelljes josportive ndaj zyrtarit të ndeshjes. Gjithashtu, gjoba ka pasur edhe për Tiranën e Skënderbeun, kjo si pasojë e sjelljes së tifozëve.

VENDIMET E DISIPLINËS
1. KF “Tirana”, për sjellje të gabuar të tifozëve, në bazë të Nenit 66/2 të KDS, dënohet gjobë në masën 100.000 (njëqindmijë) lek.

2. Lojtari i KF “Partizani”, Bruno Telushi, për sjellje jo sportive ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktivitetet.

3. Zyrtari i KF “Partizani”, Skënder Gega, për protesta ndaj zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

4. KF “Skënderbeu”, për sjellje të gabuar të tifozëve, në bazë të Nenit 66/1 të KDS, dënohet gjobë në masën 100.000 (njëqindmijë) lek.

5. Zyrtari i KF “Erzeni”,Altion Keçi , për ndërprerje të përkohëshme të lojës duke tërhequr ekipin, në bazë të Nenit 49/3 të KDS, dënohet me gjobë në masën 100.000 (njëqindmijë) lek. Në aplikim të Nenit 136/1/a të KDS, gjoba shlyhet në masën 50%.

6. Lojtari i KF “Erzeni”, Ermal Vathi, për sjellje jo sportive ndaj zyrtareve të ndeshjes ,në bazë të Nenit 49/1/a të KDS, dënohet me 8 (tetë) ndeshje pezullim nga aktivitetet.

7. Zyrtari i KF “Burreli”, Elvis Muca ,për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

8. Zyrtari i KF “Vora”, Gazmend Fucia, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

9. Zyrtari i KF “Vora”, Bledar Malaj, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8 (tetë) ndeshje pezullim nga aktivitetet.

10. Zyrtari i KF “Shkumbini”, Arjanit Ballhysa, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

11. Lojtari i KF “Shkumbini”, Alban Bizhyti ,për sjellje jo sportive ndaj zyrtareve të ndeshjes ,në bazë të Nenit 49/1 /a të KDS, dënohet me 5 (pesë) ndeshje pezullim nga aktivitetet.

12. Lojtari i KF “Maliqi”, Stavioldi Treni ,për sjellje jo sportive ndaj zyrtareve të ndeshjes ,në bazë të Nenit 49/1/a të KDS, dënohet me 4 (katër) ndeshje pezullim nga aktivitetet.

13. KF “Korabi” U-19, për mosparaqitje në ndeshje me KF “Spartaku” U-19, në bazë t Nenit 55/1 të KDS, dënohet me humbjen e ndeshjes në tavoline me rezultatin 3-0 dhe zbritjen e 3(tre) pikëve nga klasifikimi. Në aplikim të Nenit 40/1 të KDS dhe Nenit 86/2/e dhe 86/2/d të Rregullores së Veprimtarisë Futbollistike, KF “Korabi” U-19, është përsëritës i shkeljes e mësipërme, për këtë arsye dënohet me përjashtimin nga aktiviteti për këtë sezon futbollistik dhe zbritjen e një kategorie më të ulët.

14. Lojtari i KF “Kukësi” U-19, Aurel Sokoli, për sjellje josportive ndaj zyrtarit të ndeshjes dhe ndaj kundërshtarit,në bazë te Nenit 49/1/a dhe 48/1/d të KDS,dënohet me 5 (pesë) ndeshje pezullim nga aktivitetet.

15. KF “Bylis” U-19, për mos paraqitje në ndeshje kundër KF “Butrinti” U-19, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

16. KF “Vlora” U-19, për mos paraqitje në ndeshje kundër “Republica” U-19, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

17. Zyrtari i KF “Vllaznia” U-17, Brikeno Bizi, për protesta ndaj vendimeve të zyrtarit të ndeshjes, në bazë të Nenit 56/1/a të KDS, dënohet me 2 (dy) ndeshje pezullim nga aktivitetet.

18. KS “Luftëtari” U-17, për mos paraqitje në ndeshje kundër KF “Elbasani” U-17, në bazë të Nenit 55/1 të KDS, humbet ndeshjen në tavolinë me rezultatin 3 me 0 dhe zbritjen e 3(tre) pikëve nga klasifikimi.

19. Lojtari i KF “Termi” U-17 ,Sergent Llukovi , për dhunë ndaj kundërshtarit të ndeshjes dhe për inicim të dhunës, në bazë të Nenit 48/1/e të KDS, dënohet me 7(shtatë) ndeshje pezullim nga aktivitetet.

20. Lojtari i KF “Shkëndija B.T” U-17 ,Damiano Braho, për dhunë ndaj kundërshtarit të ndeshjes, në bazë të Nenit 48/1/e të KDS, dënohet me 5(pesë) ndeshje pezullim nga aktivitetet.

21. KF “Burreli” U-17, për mos paraqitje në ndeshje kundër KF “Spartaku” U-17, në bazë të Nenit 55/1 të KDS, dënohet me humbjen e ndeshjes në tavolinë me rezultatin 3 me 0 dhe zbritjen e 3 (tre) pikëve nga klasifikimi.

22. Lojtari i KF “Divjaka”, Gerist Malko, për dhunë ndaj lojtarit kundërshtar, në bazë të Nenit 48/1/e të KDS, dënohet me 7 (shtatë) ndeshje pezullim nga aktivitetet.

23. Lojtari i KF “Mirdita”, Elton Marku, për dhunë ndaj lojtarit kundërshtar, në bazë të Nenit 48/1/e të KDS, dënohet me 5 (pesë) ndeshje pezullim nga aktivitetet.

24. Çeljen e hetimit disiplinor për incidentin midis lojtarit të FC “Flamurtari”, Idriz Batha dhe lojtarit të KF “Skënderbeu”, Marko Radas.

KASTRIOTI – “Është shumë e vështirë për mua. Më përshtatet ajo fushë për karakterin dhe lojën që bëja. U mundova të ndihmoj edhe nga stoli. Po ndihmoja ekipin, jo Gegën. Është goxha e vështirë të qëndrosh në stol. Ekipi mund të bënte edhe më mirë, por është e vështirë në atë fushë. Stërvitesh në terren tjetër, ndërsa luan në fushë tjetër. Kështu duket bukur, por kur hyn në fushë është katastrofë. Ato raste, në një fushë tjetër do realizoheshin”.

RIKTHIMI – “Për momentin nuk e mendoj rikthimin. Po stërvitem i diferencuar dhe shpresoj të jem gati sa më shpejt për ekipin”.

Paragjykimet? – “Kjo është diçka që ndodh shumë në Shqipëri. Nganjëherë janë edhe të vërteta. U fol dhe për ndeshjen me Luftëtarin. Na mundën për fajin tonë. Me Kastriotin e dinim që do ishte e vështirë, atje kanë shkuar ekipe dhe kanë humbur. Është fushë e vështirë. Pozicioni që jemi dhe pikët të bëjnë të mendosh që është i fituar titulli. Duhet luftuar derisa matematika të na japë titullin”.

Mungojnë Atanda dhe Rexhepi? – “Partizani ka një grup të mirë. Mungojnë ata, por kthehet Ibrahimi. Do të ketë djem të tjerë dhe skuadra nuk do të ketë boshllëqe. Kjo është gjë e mirë. Qejfi ma ka të kthehem në derbi. Kam dëshirë të jem edhe titullar atë ndeshje. Këto ditë do shihet se si do të shkojë”.

“Festimi si ushtar? Sepse e konsideroj veten si ushtar, që futem dhe marr urdhra dhe i shkoj luftës deri në fund. Kjo pjesë më pëlqen jashtë mase. Kështu kam qenë edhe në Vlorë”.
“Edhe e kam menduar një sezon të tillë. Vjet pata një moment të vështirë. Mendoja edhe dështimin. Kjo më bënte edhe më të fortë për të arritur te suksese. E kam kërkuar dhe e kam arritur me ndihëm e profesorit dhe shokëve. Erdhi një pikë që ndihesha mirë për kontributin”.

Dëmtimi? – Në momentin më të mirë del diçka e keqe. Ndoshta edhe më kanë marrë në sysh. Ishte një goditje me bërryl dhe për shkak të saj u ça cipa e mushkërisë. U krijua ajër dhe pastaj qëndrova në spital, Për një javë më hoqën ajrin me tub, por kishte mbetur akoma. Bëra një ndërhyrje dhe më pas gjithçka shkoi mirë. Bëra edhe një sondë nga goja për pastrim. Më pas dola nga spitali. Ishte diçka e frikshme, nuk e kisha parashikuar. Shkova për dy ditë në spital, qëndrova 17 ditë. Rikuperimi po shkon mirë, nuk nxitohem. Dhimbjet nuk më linin të flija. Kur qëndroja shtrirë ishte e pamundur, tubi më jepte dhimbje. Pas ndërhyrjes u qetësova. Ato ditë normalisht të rëndojnë nervat. Goli që më dedikuan ishte diçka e bukur, nuk ua kam kërkuar. Ata e kanë bërë nga vetja në dy ndeshje. Pjesa më e madhe kanë qëndruar me mua në spital. Vinin e bënin batuta. Ka qenë edhe një lojtar i Tiranës, Bedri Greca, i cili ka fjetur një javë me mua. E falënderoj nga zemra, nuk ia harroj kurrë”.

DERBI DHE GJENDJA E TIRANËS – “Nuk e duam të bie Tirana, pasi derbi është lezeti i kampionatit. Do luajmë fort në derbi, sido që të jetë situata. Duke parë edhe vitet që nuk humb, nuk mund ta lësh ndeshjen”.

Ka ndodhur në vitin 2008, kur vlonjatët me ekipin e 19-vjeçarë kanë fituar titullin kampion në kampionatin e të rinjve. Idrizaj, atëherë kapiten i Flamurtarit, e kujton përmes një fotoje të postuar në “Instagram”. Telushi e ka shpërndarë gjithashtu, ndërkohë që mbrojtësi ngacmon: “U19 kampion 2008. Historia përsëritet, por jo modeli i flokëve”.

Ylli Shameti është një tjetër lojtar që është bërë nostalgjik. Gjirokastriti në të shkuarën ka qenë pjesë e Kastriotit dhe ka postuar një foto me krutanët, ku shfaqet ai dhe disa prej lojtarëve qerosë. Kapiteni i Kukësit me shaka shkruan: “Shkëputur nga filmi ‘Lulëkuqe mbi mure’, 10 vite më parë”.

Në intervistën e dhënë në fund të takimit për emisionin “Gol pas Goli” në “Supersport”, 32-vjeçari foli mbi titullin që po afron ndeshje pas ndeshje, kolegët në repartin e mbrojtjes dhe shpjegoi arsyen  e festimit unik të skuadrës së tij.

MBROJTJA – “Po, është e vërtetë që jemi mbrojtja më e mirë. Trashi, Belica, Lumi, Atanda, të gjithë. Bëmë një ndeshje shumë të mirë, duke marrë edhe fitoren, që ishte qëllimi ynë. Sa i takon Gripshit dhe Bregut, janë dy lojtarë shumë të mirë, por sot ishte dita ime dhe jam shumë i lumtur. Vazhdojmë kështu.

GOLAT – “Kam gjashtë vite këtu, që kur presidenti Demi ka marrë drejtimin. Kam shënuar gjashtë gola dhe është një gjë super. Festimi i golit ishte dedikim për Telushin, që është një lojtar shumë i rëndësishëm për ne. Jemi të gjithë ushtarët e Partizanit”.

TITULLI – “Kemi qenë shumë afër dhe dy vite më parë, por këtë vit jemi disi më mirë. Duhet t’i marrim ndeshjet një e nga një dhe të qëndrojmë me këmbë në tokë”, përfundoi Ibrahimi.

Operacioni kaloi me sukses dhe ditën e sotme ka ardhur një tjetër lajm i mirë për lojtarin dhe për Partizanin. Bruno Telushi ka lënë spitalin dhe tashmë do të vijojë të punojë për rikthimin e tij, ku akoma nuk është dhënë një datë fikse për këtë të fundit.

Ai shleu pezullimin prej kartonëve të verdhë dhe në kampin e kuq mund ta llogarisin për ndeshjen e radhës. Por nëse Rexhepi e përfundoi pezullimin, janë tre lojtarë të tjerë që rrezikojnë sfidën e radhës me Skënderbeun.

Jasir Asani, Sodiq Atanda dhe Labinot Ibrahimi u ndëshkuan me kartonë të verdhë me Kukësin dhe tashmë numërojnë 7 të tillë, aq sa Bruno Telushi. Nëse ndëshkohen me Luftëtarin, ata humbasin sfidën me korçarët. Kështu që u duhet të jenë të kujdesshëm në Gjirokastër.

Sa e lartë është përgjegjësia për ju, duke pasur parasysh që mungon Telushi?
-Është ndeshja e dytë për mua që kur jam kthyer nga dëmtimi. Mungesa e Telushit ndihet, siç e tha edhe profesori. Ka qenë një nga lojtarët të mirë të ekipit tonë. Përgjegjësi ka çdo lojtar, secili që e nis nga fillimi ka përgjegjësinë e tij. Normalisht edhe unë, pasi kam luajtur shumë ndeshje titullar. Do marr përgjegjësitë e mia.

E njihni mirë ambientin në skuadrën tuaj. Rasti më i keq, një humbje, a është gati grupi ta përballojë psikologjikisht diçka të tillë?
-Ne jemi të qetë, jemi stërvitur shumë mirë, pavarësisht dëmtimeve të lojtarëve. Ka harmoni brenda grupit. Nuk besoj se një humbje me Kukësin do të prishte balancat në ekip.

Goli i shënuar ndaj Teutës ishte një çlirim për ju, pasi keni realizuar shpesh në të shkuarën. Ka një përgjegjësi më të madhe, tani që mungon shënuesi më i mirë i skuadrës, Telushi?
-Për çdo futbollist goli është çlirim, fiton më shumë besim. Edhe unë normalisht ndihem mirë pas golit ndaj Teutës. Siç e thashë, me mungesën e Telushit bie mbi mua përgjegjësi disi më e madhe. Besoj se çdo lojtar që do luajë në vend të tij, ka përgjegjësi.

Është një ndeshje e radhës, apo një finale kjo me Kukësin?
-Kjo është një ndeshje e rëndësishme, por nuk është një finale. Ne jemi të qetë, presioni është mbi ata. Të japim më të mirën, atë që bëjmë në stërvitje. Të luajmë pa presion dhe të marrim më të mirën.

Presioni është te Kukësi, por realisht me titullin kampion nuk është se jeni mësuar. Ndoshta po ndihet edhe te ju presioni…
-Nuk besoj se te ne ka presion. Kemi qenë me këmbë në tokë. Japim më të mirën dhe nuk mendojmë çfarë ndodh pas disa ndeshjes, por për ndeshjen e radhës. Jemi të qetë.

Mesfushori i Partizanit është në pritje të përgjigjes së mjekëve dhe për momentin po tentohet që ajri në mushkëri të hiqet përmes tubave. E gjitha bëhet për të shmangur një ndërhyrje, që rrjedhimisht do ta mbyllte sezonin për Telushin.

Nëse kjo do të ndodhte, për trajnerin Skënder Gega me të vërtetë do të kishim të bënim me një lajm shumë të keq. Mesfushori këtë sezon ka qenë një lider në fushë për Partizanin, madje edhe ka arritur të shënojë gjashtë gola në kampionat, një shifër e konsiderueshme për një mesfushor qendre.

Ftesa e Trashit për në kombëtaren shqiptare ka bërë që mesfushori vlonjat t’i dërgojë  një mesazh shokut të tij nëpërmjet Instagramit. Telushi ka postuar një foto ku ndodhet së bashku me Trashin të shoqëruar me mbishkrimin “Trashi mos harro sa kohë ke që e pret këtë ftesë vëlla”.

Në takimin me durrsakët mungon edhe Rubin Hebaj dhe Jurgen Bardhi, të cilët me shumë mundësi do të kthehen të gatshëm ndaj verilindorëve. Shqetësimi më i madh për momentin është mesfushori Bruno Telushi, i cili luajti vetëm në 45 minutat e para dhe më pas i la vendin Kotes.

“Për fat të mirë Hila u rikthye, por u dëmtua dikush tjetër. Janë dy javë pushim dhe shpresoj të rikuperohen të gjithë. Telushi ka pasur një problem ne gjoks dhe nuk u ndje mirë. Pati probleme me frymëmarrjen. Po interesohet grupi mjekësor. Ndërsa Hebaj dhe Bardhi kanë probleme muskulore. Shpresoj këto dy javë të rikuperohen dhe të rikthehen”, deklaron Gega.

“Mungon edhe Rexhepi? Atandës i kemi dhënë ‘titullin’ të luajë në disa pozicione, por nuk flasim dot për Kukësin që tani, Të qetësohemi pak dhe pas dy ditëve të fillojmë përgatitjet për atë ndeshje”, u shpreh trajneri i të kuqve për mediat pas ndeshjes me Teutën.

TELUSHI – Mbrëmjen e djeshme Bruno Telushi ishte në spital dhe kreu disa kontrolle mjekësore. Nga ajo që mëson “SportEkspres.com”, mjekët i kanë thënë që trajtimi i marrë pas dëmtimit nuk ka qenë i duhuri.

Dyshimi është për një problem në mushkëri dhe realisht Telushi rrezikon ndeshjen me Kukësin. Gjithsesi për momentin me rëndësi shihet që mesfushori të jetë mirë në aspektin shëndetësor. Kontrollet mjekësore të hollësishme që pritet të bëjë do të nxjerrin edhe problemin real që ai ka.

Ai pret një takim të fortë, pasi edhe bardheblutë kanë bërë mirë gjatë kësaj periudhe: “Tirana këtë fazë ka bërë paraqitje të mira dhe do jetë ndryshe. Pres një ndeshje të luftuar. Kush e ka përgatitur më seriozisht e fiton”.

“Diskutimet mes lojtarëve? Derbi mezi pritet. Ka javë që mendohet për derbin. Kemi menduar kundërshtarin e radhës, këtë herë mendojmë për Tiranën. Është një ndeshje me emocione. Kemi qenë me këmbë në tokë. Profesori na ka mbajtur në harmoni. Kjo është e gjitha”.

“Lojtari që i druhem? Ata vërtetë kane ardhur në rritje, por ne nuk kemi ndonjë lojtar të tyre që e kemi frikë apo që mendojmë se mund të në dëmtojë i vetëm. Për ndonjë individ nuk mendojmë fare”.

“Parashikimi i derbit? Nuk mund ta them unë, nuk e parashikoj unë ndeshjen. Futemi për të dhënë maksimumin dhe rezultati në fund është edhe fat. Do bëjmë maksimumin si gjithmonë. Në fund ia lëmë fushës”.

“Një humbje nuk është kiameti? Ne jemi më të fortë se kurrë. E kemi treguar edhe ndeshje të tjera që reagojmë kur humbasim. Nuk e mendojmë fare humbjen në derbi.”

“Gol në derbi? Ishalla e zgjidh Alban Hoxha. Për mua është njëlloj, si shënoi Mala apo kushdo tjetër. Me rëndësi janë tre pikët, jo se kush shënon gol”, përfundoi Telushi.

GOLI – “I shënova Devollit edhe kur drejtonte Kamzën në fillim të sezonit? Më tha edhe ai pas ndeshjes, “m’u bëre ferrë”. Për sa i përket golit, unë gjuaj mirë edhe me të majtën, nuk e kam problem kur gjuaj. Duhej pak fat, natyrisht, jam i lumtur për golin dhe sidomos fitoren”.

“Ndihem mirë për faktin që fiton ekipi, së pari. Golat e mi janë me vlerë vetëm nëse sjellin pikë, nëse do shënoja shumë gola në humbje nuk do kishte asnjë vlerë”.

GOLASHËNUES I KAMPIONATIT –  “Do ishte një kënaqësi, por janë sulmuesit ata që duhet të shënojnë më shumë dhe janë shumë më afër portës sesa unë, ndaj e shoh të vështirë të garoj për kreun e golashënuesve”.

KOLEGËT NË MESFUSHË –  “Unë ndihem mirë me të gjithë, por Hila është i preferuari, sepse kemi luajtur bashkë gjatë fazave të para. Megjithatë, edhe Atanda e Kote kanë bërë shumë mirë dhe më kanë ndihmuar shumë kur kanë luajtur krah meje në mesfushë”.

GOLAT   NGA DISTANCA – “Të them të drejtën, nuk e dija fare sa gola kam shënuar në Superiore deri tani, edhe për faktin se nuk më intereson shumë goli, ai është prioritet i sulmit. Nuk e kam të lehtë të depërtoj në zonë e të shënoj gola të thjeshtë, ndaj detyrohem e gjuaj nga distanca dhe dalin gola si ai sot”.

VENDI I PARË – “Nuk kam qenë asnjëherë më parë kaq gjatë në vendin e parë, është emocionuese dhe ndihesh super”,- u shpreh Telushi.

Kokëulur, punëtor dhe luftarak deri në pikën e fundit. Bruno nuk ka dëshirë të jetë në qendër të vëmendjes, si në media po ashtu dhe në rrjete sociale. 28-vjeçari çdo gjë që ka, e thotë në fushë, me paraqitjet e tij dhe me sakrificën që shfaq gati në çdo ndeshje.

Erdhi te Partizani dhjetorin e vitit 2017, pasi ndërpreu aventurën e tij në Kroaci me Slaven Belupon. Janarin e vitit të shkuar firmosi për ekipin kryeqytetas, teksa debutimi erdhi në ndeshjen ndaj Flamurtarit, skuadra e zemrës së mesfushorit, të cilën Partizani e humbi.

Dhjetë ndeshje sezonin e shkuar, mes shumë ulje-ngritjeve, kjo edhe për shkak të sezonit zhgënjyes të ekipit të kuq. Ardhja e Skënder Gegës në krye të Partizanit, duket se e rilindi Bruno Telushin, i cili kishte punuar dhe te shpresat me teknikun.

Ky sezon mund të veçohet si një ndër më të mirët, 18 ndeshje të luajtura nga 19 të mundshme, ku vetëm në dy është zëvendësuar, në derbin e parë ndaj Tiranës dhe në sfidën e fundit të luajtur në Korçë. Katër gola të shënuar, dy nga pika e bardhë dhe dy nga goditjet e dënimit, të dyja “perla” të vërteta.

Barometër për mesfushën e Partizanit, ku çdo lëvizje e të kuqve kalon më parë nga këmbët e tij. Prej kohësh, “demat e kuq”, po vuanin për “dem” të vërtetë në mesin e fushës, që edhe krijonte përpara, por edhe “shkatërronte” sulmet e kundërshtarëve prapa.

Sfida me Skënderbeun i nxori në pah të gjitha cilësitë që kemi përmendur më sipër, ku mjafton të përmendim faktin, që Telushi vinte në ndeshjen e Korçës në gjendje gripale dhe një natë më parë ka qenë me serume.

Penalltia e humbur ndaj Skënderbeut, padyshim është diçka që Telushi e ndjeu shumë, por gjithsesi 28-vjeçari, si një lojtar me eksperiencë arriti të gjente forcë për të lënë pas momentin e keq psikologjik dhe vijoi të ishte i qëndrueshëm në mesin e fushës për ekipin e tij.

Partizani, numëron plot 26 vite pa titull, ku i fundit ka qenë ai i vitit 1993. Aktualisht, të kuqtë kanë një diferencë me Kukësin, ndjekësin më të afërt, prej pesë pikësh. Janë edhe 17 ndeshje për t’u luajtur deri në fundin e kampionatit, por ekipi i Partizanit dhe tifozeria e kuqe duket se më në fund e kanë gjetur “ushtarin” që i mungonte prej vitesh…

ERDI KËRÇIKU

Dejvi Bregu ka pësuar një frakturë në krahun e majtë, Demte dhe Lulaj do  të mungojnë të paktën një muaj prej dëmtimeve. Veç këtyre, së fundmi probleme ka shfaqur edhe sulmuesi Blerim Krasniqi. Dy javë pushim edhe për kavajasin, që humb ndeshjet me Besëlidhjen dhe Partizanin. Madje rrezikon edhe takimin me Kastriotin.

Te Partizani ka lajme të mira sa i takon gjendjes së Bruno Telushit. Mesfushori vlonjat u dëmtua në ndeshjen miqësore me Dinamon e Zagrebit, por nuk ka diçka shqetësuese për të. Ai do të jetë gati për pjesën e dytë të sezonit dhe trajneri Gega sigurisht që buzëqesh për këtë.

“Ky, Partizani më i mirë? Unë i referohem statistikave dhe për të mos e mohuar ka qenë edhe Partizani i profesor Starovës. Kemi pasur një ecuri, në mos gaboj, njësoj si me profesor Skënderin. Ky Partizan është më i fortë për titull mendoj, duke parë edhe ecurinë e ekipit. Shpresoj të vazhdojmë kështu”.

Trashi tregohet i sinqertë, teksa pranon problemin e tij të madh. “Çfarë kam përmirësuar? Trashi, e para fare ka përmirësuar pjesën e disiplinës. Duke parë që jam cilësuar si rrëmujaxhi shpesh, kam pasur dhe disa debate, jo vetëm për shkakun tim. Kjo është pjesa më e rëndësishme që kam rregulluar. Nëse rregullon disiplinën, më pas gjërat në fushë bëhen më të lehta”.

“Me kë kuptohem më lehtë dhe me kë e kam më të vështirë? Më të vështirë e kam me Bardhin. Jemi edhe dy katundarë dhe nuk merremi vesh shumë mirë (qesh). Më mirë nga të gjithë, po them me sy mbyllur, kuptohem me Telushin”

“Titulli apo kombëtarja? Është viti i pestë te Partizani dhe e pres shumë një titull. Më mirë do doja një titull”, u shprehën mbyllje mbrojtësi i majtë, ndërkohë që ka folur edhe Bruno Telushi, mesfushori vlonjate që e vlerëson shumë faktin që është pjesë e Partizanit.

“Do të thotë shumë të luash me Partizanin, është nder i madh, është një fanellë që rëndon shumë dhe duhet të japësh maksimumin. E vlerësoj shumë këtë pjesë, që jam pjesë e Partizanit”, u shpreh mesfushori, i cili mungoi në Gjirokastër për të kuqtë.

Nuk mbetet jashtë diskutimit as ekipi i tij i vendlindjes. “Çfarë ndjej kur shoh Flamurtarin përballë? Mendoj ato kujtimet e mira dhe jo të mira që kam kaluar me Flamurtarin dhe mundohem ta respektoj sa më shumë fanellën e Flamurtarit”, shtoi Telushi, i cili pranon se nuk e ka pasur të lehtë në fillim me të kuqtë.

“Me thënë të drejtën mu desh pak kohë të përshtatesha. Jo se është e thjeshtë, por nga mënyra se si erdha, apo se si më shkuan gjërat, në fillim është dashur ta filloja sikur e nisja nga e para karrierën”, tha vlonjati i Partizanit.

Në fund edhe disa fjalë për ekipin dhe objektivin titull: “Skuadra e Partizanit ka bërë një grup shumë të mirë, shumë të fortë. E ka formuar me çuna të pjekur, me çuna me eksperiencë, plus me çuna të rinj që ulin kokën e vrapojnë shumë. Për titullin them se do të shohim ndeshjen e radhës dhe të japim maksimumin siç e kemi dhënë deri më tani”.

E veçanta tjetër qëvjen nga Kamza lidhet me Bruno Telushin dhe Lorenc Trashin. Dy lojtarët ePartizanit po ndjekin nga tribuna sfidën mes Kamzës e Luftëtarit. Nuk është sepo bëjnë “spiunin”, pasi ndeshjen e radhës e luajnë kundër Kukësit. Veç tyre, edhe Jasir Asani është në tribunë gjithashtu.

Jo vetëm kaq, por në takimin e djeshëm me Tiranën përfaqësues të klubit suedez zbarkuan për ta parë nga afër mbrojtësin e majtë. Hamarbi u rendit në vendin e katërt në kampionat këtë sezon dhe kalimi i Trashit në këtë klub do të ishte një hap i madh.

Klubi suedez është ende në garë për kupat e Europës, pasi ende nuk është përcaktuar fituesi i Kupës. Në rast se Hamarbi e fiton do të luajë në Europë, por mund të përfitojë edhe prej vendit të katërt. Nëse AIK, Norrkoping ose Malmo fiton Kupën, atëherë edhe ata shkojnë në Europë.

Te Partizani u treguan të shpejtë dhe i ofruan rinovimin futbollistit nga Gramshi, i cili nënshkroi deri në verën e vitit 2020 me të kuqtë. Kjo u jep mundësinë të kuqve të përfitojnë nga shitja e Trashit.

Për të ky është sezoni i pestë te Partizani dhe ndoshta është momenti i duhur për të provuar një kampionat më të fortë. Futbollisti 26-vjeçar ka treguar vlera në Superiore, madje duke shënuar edhe 10 gola. Së fundmi po aktivizohet në krahun e majtë të mbrojtjes, por në të shkuarën ka luajtur edhe në treshen e qendrës së mesfushës, por edhe si sulmues krahu.

TELUSHI – Edhe për Telushin kanë zbarkuar përfaqësues të Al Fujairah dhe Al Ittihad Kalba. Ata e panë me kujdes mesfushorin vlonjat, i cili janarin e shkuar veshi fanellën e Partizanit. Muajt e parë nuk ishin të lehtë për të, ndërkohë që edhe një dëmtim e penalizoi.

Gjithsesi Telushi këtë sezon është një lider te Partizani. Ai është rikthyer edhe të shënojë gola, siç bënte në Vlorë me Flamurtarin. Këtë sezon mesfushori ka gjetur katër herë rrugën e rrjetës me të kuqtë, duke qenë edhe shënuesi më i mirë i skuadrës.

NDËRMJETËSI – Ka qenë menaxheri Franci Bode,  ai që ka ftuar përfaqësuesit e këtyre klubeve për të ndjekur nga afër Telushin dhe Trashin. Jo vetëm kaq, por ata kanë pasur edhe një takim me presidentin Gazment Demi. Në bisedimet mes palëve është lënë e hapur mundësia për të bashkëpunuar në të ardhmen. Frytet e bashkëpunimit mund të shihen që këtë janar.

VLADIMIR PRENGA

NDESHJA – “Skuadra luajti futboll, e mbajtëm kundërshtarin në portën e tij. Flamurtari shënoi me një episod që e dhuruam ne. Ndihem mirë për rikthimin, ka pak emocione, por nuk ka aspak probleme”.

Tifozët në pallatin pranë stadiumit? “Janë njerëzit e mi, kushërinjtë e mi. Nuk e dija se ishin ata që më ndiqnin nga pallati”.

GOLI I PËSUAR – “Ne ja dhuruam golin Flamurtarit, nuk prodhoi lojë dhe nuk na vuri në presion. E filluam pak keq, por golin ia dhuruam ne, ishte faji ynë, jo meritë e kundërshtarit”.

DERBI  – “Më shkon mendja dhe te derbi. Kam 5-6 ndeshje me 3 kartonë. Edhe sot u mundova të ruhesha për derbin që të mos mungoj. Ajo është ndeshja më e bukur në Shqipëri, Edhe në ndeshjen e parë përjetova emocione të paharrueshme”.

“Disfata me Skënderbeun? Të humbësh në futboll është normale, janë tre rezultate brenda. Me Skënderbeun dhamë maksimumin, patëm më shumë raste. Ata i shënuan të tyret. Pas ndeshjes folëm dhe i dhamë kurajo njëri-tjetri”.

“Kartoni i verdhë? Nuk më është kërkuar të marr të verdhë, thjesht bëra lojën time. U ruajtja të mos bëj ndonjë faull të rrezikshëm. U ruajtja të mos marr të verdhë në fakt. Ndoshta ishte menduar, që ta merrja sot e të mungoja me Krujën. Por dhe me ta është ndeshje e vështirë, të gjitha ekipet kanë pasur probleme me të.

“Favorizim nga arbitri? Me gjithë respektin që kam për profesor Klodin, por nuk e di ku i ka pa 14 lojtarët tanë. Vetëm një faull i Roloviç ishte, por ishte 40 metra larg. Me Esatin mund të ishte penallti nuk u dha, kurse me Sebinon në Kamzë u dha. Nuk mendoj se u favorizuam sot”.

Mesfushori ndihet borxhli ndaj tifozëve, të cilët ishin më të shumtë se zakonisht në stadium. Sot ai ka bërë një postim në llogarinë e tij në “Facebook” dhe në njëfarë mënyre falënderon “Ultras Guerrils”, që mbrëmjen e djeshme krijuan atmosferë në mbështetje të skuadrës.

Telushi është kthyer në një nga lojtarët më të dashur të tifozëve të Partizanit. Këtë sezon ai ka arritur të shënojë tre gola me fanellën e kuqe, duke dhënë kështu një kontribut të vyer në ecurinë pozitive të skuadrës së Skënder Gegës këtë sezon.

Këtë vlonjati e ka shprehur edhe në një intervistë të dhënë për “Superliga_shqiptare80” në Instagram. Telushi më tej flet edhe për trajnerin Skënder Gega, të cilin e konsideron si të veçantë.

“Kam punuar me shumë trajnerë, por profesor Gega bën diferencën për shkak të mentalitetit që ai ka dhe që na e përcjell edhe ne futbollistëve. Është i veçantë për mua”, thotë mesfushori, i cili më pas tregon se si u ndje pas golit që i ka shënuar Flamurtarit, ekipit të vendlindjes.

“Goli që shënova më bëri të ndihesha super, por edhe u ndjeva keq për shkak të fanellës së Flamurtarit. Më kanë dhënë shumë si ekip, por edhe unë u kam dhënë shumë. Nuk do e hedh poshtë për as një moment”, shtoi Telushi.

KOMBËTARJA – Fanellën kuqezi çdokush do donte ta vishte: “Çdo lojtar e ka dëshirë sikur edhe njëherë të testohet në kombëtare. Unë kam qenë pjesë e kombëtares disa herë, por nuk jam testuar as një minutë. Por do ndihesha mirë sikur të provohesha. Jo vetëm unë, por ka disa nga Superliga që mendoj se e meritojnë një ftesë”.

PROBLEMET NË KROACI – Në fund ai ka treguar edhe momentin e tij më të vështirë dhe e ka kaluar në Kroaci, kur ishte pjesë e Slaven Belupos. “Momenti më i vështirë për mua ka qenë në Kroaci, pasi pata zhvilluar 6 ndeshje shumë të mira duke dalë dhe në formacionin e javës disa herë. Një menaxher i imi më prishi punë dhe që nga ai moment nuk u aktivizova më sepse nuk donte ai. Aty jam ndjerë keq, por futbolli kështu e ka, ka momente të mira dhe të vështira. Por unë mundohem të kaloj çdo pengesë. E rëndësishme është që jam pjesë e Partizanit dhe do jap maksimumin tim për tifozët e mrekullueshëm dhe për skuadrën”.

Pas ndeshjes vlonjati u shpreh mjaft i lumtur për suksesin në derbin e tij të parë, por në të njëjtën kohë flet dhe për eksperiencën në tërësi tek Partizani. Telushi nuk nguron të thotë që ndihet si në shtëpinë e tij, por tregon dhe problemet që edicionin e shkuar nuk e lanë që të shkëlqente, si dhe nuk lë jashtë vëmendjes dhe suksesin ndaj Tiranës.

Bruno, sa emocionuese ishte kjo sfidë për dhe a kishte ndikim në paraqitjen tuaj?
Ekipi ynë i shfrytëzoi për mirë emocionet e një ndeshje të tillë dhe nuk na kapi ngërçi nga emocionet e tepërta. Ishte diçka shumë e mirë.

Ishte tradita ajo që vendosi sërish ndaj Tiranës?
Besoj se po. Presioni ishte mbi kundërshtarin. Ne ishim të lirshëm dhe e shfrytëzuam këtë pjesë.

Si e shikoni skuadrën tani që janë luajtur gjashtë javë kampionat?
E gjithë skuadra punon mirë, me profesionalizëm dhe është meritë e stafit, lojtarëve dhe drejtuesit. Mund të them se është një grup që Partizani ka nevojë.

Mund të thuhet se çelësi i suksesit është mesfusha tek Partizani?
Mendoj se mesfusha apo bën një punë shumë të mirë. Loja jonë po bazohet tek mesfusha, por dhe tek loja e fortë, çka është diçka shumë e mirë.

A është Telushi në formën e tij më të mirë?
Çdo futbollit e ka të vështirë që të arrijë maksimumin, por ndihem mirë për formën që po kaloj.

Ndryshimi nga edicioni i shkuar…
Sezonin e shkuar e kam harruar, pasi dëmtimi më ka lënë shumë pas dhe nuk ndihesha mirë. tani jam mirë fizikisht dhe kjo është arma ime. Problemi im ka qenë vetëm dëmtimi, jam ambientuar shumë shpejt këtu dhe jam si në shtëpinë time.

Do shohim gola spektakolare nga ku këtë edicion?
Besoj dhe shpresoj që po!

Fillimisht u ndal te goditjet e dënimit, për të vijuar më pas me takimin kundër Kastriotit në kryeqytet, si dhe për objektivin titull.

A do të merrni përsipër goditjet standarde?
Gjatë lojës më pëlqen të godas, ndërsa në ekip ka lojtarë që godasin shumë mire, thjesht duhet të kërkojmë sa më shumë faullet në zonën e fundit të fushës. Ekipi ka shumë lojtarë që godasin mirë dhe duhet t’i shfrytëzojmë.

Sa e rëndësishme është ndeshja kundër Kastriotit për të fituar qetësinë e duhur, duke e lidhur dhe me faktin se kampionati do të jetë një javë pushim?
Kjo ndeshje është shumë e rëndësishme. E kemi vlerësuar ashtu si duhet, pasi nuk e mendojmë aspak të lehtë. Gabuam me Kamzën, pasi u paraqitëm dobët në pjesën e parë. E kemi vlerësuar shumë Kastriotin dhe nuk do të bëjmë gabime.

A mendoni se ekipi është më i fortë se ai i sezonit të kaluar duke parë dhe afrimet e largimet në merkato?
Nuk më takon mua të them se kush është më i mirë ky ekip, apo ai i vjetshmi. Duhet të them që lojtarët që kanë ardhur duhet të japin maksimumin dhe të shkojë gjithçka mirë.

A ju mungon titulli kampion dhe a është ky viti i duhur?
Më mungon shumë titulli. Kam ardhur te Partizani për ta fituar dhe do e kërkoj. Nëse gjërat shkojnë mirë siç po shkojnë tani, mendoj se jemi në rrugën e duhur.

Burime të brendshme të ekipit bëjnë me dije nga Ohri për “Sport Ekspres” se mesfushori Bruno Telushi nuk ka pëlqimin e trajnerit Skënder Gega. Marrëdhëniet mes palëve janë të ftohta dhe jo shumë dashamirëse. Mesfushori është në dijeni të mospëlqimit nga tekniku i tij dhe nuk i pëlqen aspak kjo situatë.

Partizani po mendon dhe për zëvendësimin e mesfushorit, pasi Gega nuk e sheh në planet e tij për sezonin e ardhshëm. Ai nuk ka pëlqim ndaj futbollistit dhe po mendon alternativat për të. Kontrata dhe mungesa e alternativa është ajo që e mban lojtarin në ekip, pasi përndryshe situata mund të kishte ndryshuar. Të shohim dhe të presim se çfarë do të ndodhë me të.