Goli i tretë i shënuar nga Brisbane kishte si autor Eric Bautheac, i cili shndërroi në gol një 11-metërsh. Deri këtu çdo gjë është në rregull, por në rast se ndiqni realizimin e penalltisë do kuptoni që është më e çuditshmja e gjuajtur ndonjëherë.

Ndoshta Bautheac provoi të bënte një panenka, por nuk ia arriti, teksa penalltia e tij tashmë është kthyer në hit, pasi është një shpikje e re. Gjithsesi, Brisbane në fund u mposht me shifrat 3-5 nga Adelaide, me golin e Bautheac që vlejti sa për statistika.

I pyetur nga mediat vendase agjenti i Bolt, ka deklaruar se klientit të tij i është ofruar një kontratë nga ana e Central Coast. Riki Sims tha shkurtimisht për mediat: “Po, Usain Bolt i është ofruar një kontratë. Nuk dua të bëj komente të tjera për momentin”, ka thënë agjenti i xhamajkanit.

Gjithsesi ditën e sotme skuadra ku Bolt kreu provën, luajti në transfertë ndaj Brisbejn Roar, teksa mori një barazim 1-1 në një ndeshje të vështirë. 32-vjeçari nga Xhamajka nuk ishte pjesë e ekipit dhe në fundin e takimit është pyetur pikërisht trajneri i Central Coast, i cili nuk ka dashur të flasë për këtë temë.

“Ju të gjithë besoj e keni parë vijën tonë të parë të sulmit dhe keni menduar me vete, ku mund të luajë Bolt, apo nuk është kështu? Unë e kuptoj se sa e rëndësishme është kjo çështje për një pjesë të madhe të botës. Këto janë vetëm spekulime. Nuk di asgjë për çfarë po flisni”, përfundoi trajneri Majk Mulvei.