Në orët e para të ditës së sotme ka mbërritur në Tirana edhe sulmuesi Brian Braun, i blere te Reno 1868. Xhamajkani shikohet si sulmuesi kryesor për sezonin e ardhshëm futbollistik, pasi jo më kot është paguar për kartonin e tij.

Shifrat e Braun janë të mira, pasi në gjysmën e parë të këtij sezoni ka realizuar tetë gola në 11 ndeshje, ndërkohë sezonin e shkuar ka realizuar 17 herë. Tashmë ai pritet të vihet nën urdhrat trajnerit Lerda, i cili mund të bëjë llogari me të.

Braun vjen nga aktiviteti, teksa ka qenë i ftuar nga Xhamajka në Gold Cup. Gjendja e tij fizike dhe sportive normalisht është e mirë dhe sulmuesi 26-vjeçar mezi pret që të debutojë. Koha është të provojë Superioren.

“Klubi Futbollit Partizani zyrtarizon sot arritjen e marrëveshjes me klubin amerikan Reno 1868 FC për trasferimin e sulmuesit Braian Broun. Sulmuesi nga Xhamajka do të jetë pjesë e skuadrës për dy vitet e ardhshme, pasi ka gjetur akordin me kampionët e Shqipërisë. 26 vjeçari, transferohet te Partizani nga Reno 1868 FC skuadër që militon në Kampionatin e Shteteve të Bashkuara të Amerikës USL Championship.

Broun aktualisht është pjesë edhe e përfaqësueses të Xhamajkës, e cila po luan në Kampionatin e Kupës së Amerikës së Veriut, turneu “CONCACAF Gold Cup 2019”. Sulmuesi pritet të vihet nën urdhrat e trajnerit Franko Lerda menjëherë pasi të mbyll impenjimet me përfaqësuesen e vendit të tij”, njofton klubi i Partizanit.