Interesim për të ka shprehur klubi i Brestit, që sapo është rikthyer në elitën e futbollit francez. Akordi me gjigantin skocez është arritur për shifrën e 1.75 milionë sterlinave, ndërsa Grezdën e pret një kontratë 4-vjeçare sipas The Sun. Lojtari ka fluturuar drejt Francës për të mbyllur gjithçka dhe për të zyrtarizuar transferimin e tij në League 1.

Trajneri Xherard e pranoi se nuk e sheh shqiptarin pjesë të planeve të tij, ndërsa i uron fat për aventurën e re. “Mendoj se kampionati këtu ishte shumë i fortë për të, por talenti nuk i mungon Grezdës. Nuk kam dyshime që mund të transferohet në një kampionat tjetër, me një skuadër dhe trajner që mund t’i përshtaten stilit të tij”, theksoi legjenda e Liverpulit.