Dëmtimi i 22-vjeçarit ka vënë në lëvizje drejtuesit e Breshias. Sipas medies italiane “Il Giorno”, ndër mesfushorët e shumtë që po shqyrtohen është dhe lojtari me origjinë shqiptare Përparim Hetemaj.

Futbollisti i lindur në Skënderaj është një emër i njohur te Breshia ku ka luajtur për dy sezone (2009/10, 2010/11). Që prej largimet nga Breshia Hetemaj ka qenë pjesë e Kievos tetë sezone radhazi.

Kontrata 32-vjeçarit me klubin veronez mbaron në fund të sezonit të ardhshëm, ndaj mbetet për t’u parë se në çfarë mënyrë do të gjejë presidenti Çelino për ta kaluar këtë pengesë.

Rreth situatës së tij ka folur edhe Masimo Çelino. Presidenti i Breshias, ekip ku aktivizohet Emanuele Ndoj dhe që u rikthye në Serie A pas tetë vitesh mungesë, nuk i kursen elozhet për yllin e ekipit të tij, konfirmon që lojtari nuk është në shitje dhe ka një mesazh për Fiorentinën, një ndër klubet e interesuara për Tonalin.

“Nuk i kam vendosur një çmim, sepse Tonali nuk është në shitje. Do të na japë një dorë për të qëndruar në Serie A dhe kjo është zgjedhja më e mirë për të. Po bëj maksimumin në një merkato të droguar. Sandro është unik. Mund të bëjë organizatorin përpara mbrojtjes dhe të luajë si ‘mezzala’. Kjo na lejon të luajmë me dy sulmues. Fiorentina e kërkon? Jam dakord, por kam një kusht. Pranoj vetëm nëse na japin Kiezën në vend të tij…”, përfundon padroni i Breshias.

Gjithçka tregohet nga Mario Xhufredi, i cili përfaqëson futbollistët. “Jam i lumtur që Breshia u kthye në Serie A pas tetë vitesh. Një kontribut mendoj se e kam dhënë edhe unë, por diçka shumë serioze ka ndodhur. Çelino ka thirrur lojtarët e mi dhe u ka thënë: ‘ose ndryshoni menaxher, ose ikni’.

Lojtarët e mi i janë përgjigjur duke i thënë se kanë besim tek unë. Nëse ai do të krijojë situata të tilla, atëherë Donaruma, Martel dhe Ndoj do të largohen. Kjo situatë nuk dëshirohet nga askush. Në janar patëm oferta për Donarumën, por i refuzuam. Na vjen keq që Çelino ka krijuar një situatë të vështirë.

Djemtë preferojnë të mos qëndrojnë te Breshia, duke pasur parasysh klimën e krijuar nga presidenti. Kurrë nuk do kishim dashur të krijonim një klimë të tillë. Do donim të vazhdonim, por ajo që ndodhi është shumë serioze. Asnjë president nuk duhet t’i thotë një lojtari që ose ndryshe menaxherin, ose ik nga skuadra. Nuk mund ta shpjegoj.

Unë gjithashtu kam hequr dorë nga një pjesë e komisionit, prej 25 mijë eurosh, për të bërë një gjest ndaj presidentit. Donaruma, Ndoj dhe Martela, duke pasur parasysh klimën e krijuar nga Çelino, e kuptonin se do të bëhej një klimë lufte. Ne menaxherët konsiderohemi shpesh si armiq të klubeve, por dua t;i kujtoj presidentit Çelino, se kur më thirri për Donarumën, e ndihmova ta merrte në ekip edhe pse kishte disa gjëra që nuk më pëlqenin.

Menaxherët dinë të jenë serioze, por edhe përshtaten me ata të cilët flasin. Çdo lojtar është i lirë të zgjedhë agjentin e vet. Megjithatë, pavarësisht sjelljes së Çelinos, për të mirën e Breshias dhe klientëve të mi, unë jam gjithmonë i gatshëm të flas. Nëse presidenti vazhdon me këtë qëndrim, atëherë do të largohemi”, është shprehur Xhufredi për “TMW”.

Klubi sicilian nuk mundi të siguronte rikthimin në elitën e futbollit italian, madje ata u dënuan me zbritje në Serie C për mashtrim në bilancet financiare, dënim ky që u shfuqizua pas apelimit nga ana e klubit.

Palermo ka ndërruar pronarë pak muaj më parë. Presidenti ikonë i këtij klubi, Zamparini, i dha fund njëherë e mirë me futbollin dhe vendin e tij e kanë zënë një grup biznesmenësh anglezë, të cilët duan të rikthejnë klubin në Serie A.

Megjithatë, gjasat që ky transferim të ndodhë janë shumë të pakta. Rikthimi në Serie B do të ishte një hap mbrapa për mesfushorin shqiptar, i cili pas tri vitesh në këtë divizion do të ketë mundësinë të provojë për herë të parë emocionet e një prej kampionateve më elitar në Europë siç është Serie A.

Lojtarët kanë pasur një megafon, më të cilin brohorisnin bashkë me mbështetësit. Përveç këngëve që tifozët i këndojnë zakonisht gjatë ndeshjeve, janë dëgjuar edhe kore “fshatarë, fshatarë”, të iniciuara nga lojtarët e Breshias. Ky epitet në Itali përdoret nga veriu për të ofenduar pjesën jugore të vendit.

Gjesti i lojtarëve të Breshias shihet si një sulm i drejtpërdrejtë ndaj dy skuadrave jugore, Leçe dhe Palermo, që nuk arritën të mundin veriorët në garë për një vend në Serie A. Në gadishull e quajnë një diskriminim të pastër territorial këtë gjest dhe me shumë mundësi lojtarëve do u duhet të kërkojnë falje për të evituar dënimin.

Tonali e ka shprehur prej kohësh që si dëshirë e parë e tij është “djalli”, ndërkohë që kuqezinjtë duhet të bëjnë mirë llogaritë, pasi Breshia kërkon të paktën 20 milionë euro. Dëshirën e 18-vjeçarit, së fundmi e ka thënë edhe agjenti i tij, me Milanin që duket favorit më shumë se kurrë.

Gjithsesi, problemi i vetëm i klubi nga “San Siro” është kualifikimi në Champions. Në rast se arrihet objektivi, atëherë blerja e Tonalit do të jetë diçka e kryer, në rast se Milan nuk  e mbyll kampionatin në “top 4”, atëherë sipas gjasave do të heqë dorë nga “Pirlo i ri”.

Sipas raportimeve të fundit nga mediat italiane, Milani është klubi favorit për të siguruar shërbimet e talentit 18-vjeçar. Kontaktet mes drejtuesve kuqezinj dhe Breshias thuhet të kenë nisur, me klubin nga Serie B që kërkon së paku 30 milionë euro për “xhevahirin” e saj.

Një shifër jo e vogël, duke ditur që Tonali ka luajtur vetëm në Serie B. Gjithsesi mbetet për t’u parë se si do të veprojë Milani. Kujtojmë që, 18-vjeçari ka deklaruar më parë se është tifoz i kuqezinjve dhe se i pëlqen shumë Gatuzo.

Breshia vazhdon të renditet e para në Serie B dhe është shumë pranë rikthimit në elitën e futbollit italian. 22-vjeçari ka folur për “Padovagoal.it”, ku analizon barazimin e arritur. Ndoj ka kaluar 6 vite me Padovën, ndërsa tashmë është i përqendruar te Breshia, që ka përfituar nga humbjet e rivalëve të saj.

“Ishte e çuditshme të shënoja në Euganeo. Këtu jam rritur dhe kam luajtur që nga mosha 10 deri në atë 16-vjeçare. Më pas ndodhi falimentimi dhe mua mu desh të largohesha nga Padova për t’u transferuar në Romë. Ishte një gol shumë i rëndësishëm, sepse Padova na kishte vendosur në vështirësi dhe po e humbisnim ndeshjen. U treguam të aftë dhe reaguam. Kjo pikë na avantazhon duke marrë parasysh dhe humbjet e Palermos dhe Leçes. Jemi në rrugën e duhur dhe duhet të vazhdojmë kështu”, përfundon Emanuele Ndoj.

Ndoj nuk shquhet për shënimin e golave, por këtë sezon ka arritur të gjejë tre herë rrugën e rrjetës. Mesfushori po luan rregullisht si titullar. Ai deri më tani numëron 21 ndeshje në kampionat dhe vetëm në një takim e ka nisur nga stoli.

Sa i takon Breshias, ajo mbetet në vendin e parë në klasifikim dhe numëron 47 pikë në tabelën e klasifikimit. Benevento, që së fundmi mposhti Peskarën e Memushajt, është afruar me 4 pikë dhe ka një ndeshje më pak. Pranë është edhe Palermo, me 42 pikë dhe me një ndeshje të prapambetur që pret ta zhvillojë.

Presidenti i Breshias, Masimo Selino pranoi disa ditë më parë se Liverpuli kishte bërë një ofertë konkrete për talentin, por që do të flitet në fund të sezonit për më tepër. Më pas, presidenti foli për Tonalin dhe për paraqitjet e tij me fanellën e Breshias, ku tregoi se kohët e fundit presioni që po ushtrohet ndaj tij po ndikon.
“Më duhet ta mbroj. Ai është i mirë, por ndaj tij po ushtrohet shumë prsion dhe kohët e fundit nuk jam duke e shijuar atë që po bën. Nuk duhet të ndihet i kënaqur me aq sa po jep, por të përpiqet gjithmonë për t’u përmirësuar akoma më shumë.”

22-vjeçari fitoi penalltinë, që i dhuroi ekipit të tij avantazhin, ndërsa Karpi barazoi ndeshjen. Ndoj nuk u ndal dhe shënoi golin e dytë të ndeshjes dhe të dytin personal në kampionat, duke rikthyer “Dallëndyshet” në avantazh. “Gazzetta dello Sport” ka kryer një sondazh, që përcakton 5 lojtarët më të mirë të javës në Serie B nga votat e tifozëve italianë, ndarë në kategoritë: Karizëm, Zemër, Energji, Gjenialitet dhe Koha-Shtesë.

Mirditori triumfoi në kategorinë Energji, ndërsa në stadium po ndiqej nga përfaqësues të Sampdorias. Klubi dorian e pëlqen shumë lojtarin e kombëtares tonë, me këtë të fundit që ndodhet në një formë fantastike dhe po bën maksimumin për të ndihmuar Breshian për t’u rikthyer në elitën e futbollit.

Pjesa e parë është mbyllur me rezultatin 2-1 për Breshian, që është pranë sigurimit të një trepikëshi të rëndësishëm për objektivin Serie A.

Donaruma zhbllokoi rezultatin me anë të një penalltie që u fitua nga 22-vjeçari shqiptar, ndërsa Ronaldo barazoi përkohësisht shifrat për Karpin. Ndoj riktheu vendasit në avantazh me golin e shënuar 8 minuta përpara fundit të pjesës së parë.

Mesfushori mori një pasim nga Donaruma dhe shënoi një gol të bukur me të majtën. Për momentin Breshia vazhdon të jetë në avantazh dhe mbajtja e këtij rezultati i siguron Breshias kryesimin e Serisë B me 42 pikë.

Lojtarit nuk i pëlqen shumë taktika e madhe që ekziston në Serie A, por ai do të rikthehej vetëm te Breshia, aty ku është rritur. Ekipi i dallëndysheve, pjesë e së cilit është dhe Emanuele Ndoj, renditet në vendin e dytë në Serie B dhe po garon fort për t’u rikthyer në elitë pas tetë viteve mungesë.

“Futbolli italian është shumë taktik dhe pak i mërzitshëm. Nuk kam menduar të kthehem në Serie A gjatë këtyre muajve, por nuk e mohoj dot se do të më kishte pëlqyer ta mbyllja karrierën me Breshian”, thekson 29-vjeçari.

Por Juventusi në Itali dominon dhe e ka gati planin për të bindur presidentin Çelino. Sipas asaj që shkruan Tuttosport, oferta për Breshian do të kape vlerën e 20-25 milionë eurove. Jo vetëm shuma e ofruar do të shërbejë për të bindur klubin e Serie B.

Juventusi do ta blejë atë në verë dhe ta lërë te Breshia edhe për një sezon. Me shumë mundësi ata do të ngjiten në Serie A dhe nëse ndodh diçka e tillë për Tonalin, tashmë 19 vjeç, do të ishte shumë mirë të luante në elitë e të zhvillohej dhe më shumë. Kështu ai do të shkonte i gatshëm te Juventusi, ose do të huazohej sërish.

Siç thuhet së fundmi nga “Tuttosport”, duket se për talentin e mesfushës, Juventus është ekipi që duket shumë pranë. Bardhezinjtë me sa duket duan që ta mbyllin sa më shpejt, për të shmangur konkurrencën e rivalëve, teksa dhe Çelsi ka pasur një interesim për 18-vjeçarin.

Sandro Tonali aktivizohet për Breshian në Serinë B, por kjo gjë nuk e ka penguar që të bëhet pjesë e kombëtares italiane, me të cilën debutoi pak kohë më parë, në miqësoren e luajtur ndaj SHBA-së.

Presidenti i ekipit të Breshias, Masimo Çelino thuhet të ketë pasur një takim me drejtuesit bardhezinj dhe marrëveshja është gati e kryer. Breshia e vlerëson Tonalin, të paktën 25 milionë euro.

mesfushori, i cili së fundmi është ftuar edhe nga Roberto Mançini në kombëtare, njihet si një milanist, por favoritë shihen tre klubet e tjera për ta blerë atë. Gjithsesi, presidenti i Breshias, Masimo Çelino, ka theksuar se shitja e mesfushorit nuk është një çështje parash.

Në një intervistë që ka dhënë për “Tuttosport”, ai ka theksuar se do t’ia shesë klubit që e do më së shumti dhe beson te Tonali. Për këtë ai kujton edhe transferimin e Naingolan, të cilin Çelino ia shiti Romës kur ishte president i Kaljarit.

“Nuk është një çështje parash, unë do isha i gatshëm për ta mbajtur atë përgjithmonë. E mbani mend çfarë ndodhi me Naingonalin te Kaljari? Juventusi ofroi më shumë, por e shita te Roma që besoi më shumë tek ai. Kështu që do ia jap ekipit që e do më shumë”, është shprehur numri një i klubit të Breshias.

Tonali ka marrë për herë të parë ftesën në kombëtaren italiane, duke u bërë kështu i pari lojtar i vitit 2000 që grumbullohet me axurrët. Nga grumbullimi i kombëtares italiane, mesfushori ka folur për mediat, duke u shprehur i lumtur për ftesën e marrë, si dhe ka zbuluar trajnerin që i pëlqen.

GRUMBULLIMI NË KOMBËTARE – “Ndihem shumë krenar që jam lojtari i parë i vitit 2000 që grumbullohem me kombëtaren. Shokët e skuadrës po më bëjnë të ndihem sa më rehat. Është ëndrra e çdo fëmije që një ditë të jetë këtu”.

ZËRAT E MERKATOS – “Përpiqem mos t’i dëgjoj, është gjëja më e mirë. Nuk dua t’i fus në kokë vetes këto mendime. Vendosa të qëndroj te Breshia dhe kam bërë zgjedhjen e duhur, pasi është shumë  e vështirë që të luash në kampionatet më të mira në Evropë në moshën 17-vjeçare”.

MODELI – “Si fillim frymëzohesha nga Pirlo, por nuk është se e shoh shumë te vetja, përveç modelit të flokëve. Gatuzo është si një model, nga ai dua të marrë cinizmin. Jam rritur duke luajtur si mesfushor qendre, por tani luaj përpara mbrojtjes. Qëllimi im është të fitoj, në Itali apo jashtë vendit pak rëndësi ka”, përfundoi fjalët e tij 18-vjeçari Tonali.

Kuqezinjtë duan të përforcohen dhe Tonali është një tifoz i Milanit, ndaj duhet që Leonardo dhe Maldini të nxitojnë e të bëjnë ofertën e duhur te Breshia për mesfushorin. Ftesa që i ka bërë Roberto Mançini te Italia, ia ka rritur edhe më shumë vlerat mesfushorit.

Ndërkohë në Itali janë disa klube që e duan Tonalin. Juventusi, Interi dhe Napoli po e ndjekin, por ka edhe klube të tjera që e duan mesfushorin e Breshias, shok skuadre e Emanuele Ndojin e kombëtares shqiptare.