Brentford

Lumë ofertash nga Anglia, shqiptarin e Zyrihut e kërkojnë të gjithë

Sport Ekspres — Sat, 25 May 2019 10:36:50 +0000

Sezoni i 2018/2019 ka qenë më i miri në karrierën e Benjamin Kolollit. Lojtari polivalent i Zyrihut ka regjistruar statistika mbresëlënëse, me plot 14 gola dhe tetë asistime në 39 aktivizime në të gjitha kompeticionet në Zvicër.

Kjo ecuri e mirë e futbollistit shqiptar ka tërhequr interesin e klubeve të ndryshme në “Championship”. Aktualisht mediet zvicerane dhe ato angleze përmendin emrat e tri klubeve: Lids Junajtid, Brentford dhe Shefilld Uenzdei, këta të fundit janë pala më e interesuar për 27-vjeçarin.

Kontrata aktuale e Kolollit mbaron pas tri sezonesh, prandaj çdo klub që dëshiron të ketë shërbimet e tij duhet të përmbushë kërkesat e drejtuesve të Zyrihut.

VIDEO | Dashuri pa kushte, njihuni me tifozët e pabesueshëm të Ipsuiçit!

Sport Ekspres — Thu, 11 Apr 2019 12:23:34 +0000

Ipsuiç është në vendin e fundit në Championship, kategoria e dytë angleze për nga rëndësia. Sezonin e ardhshëm, klubi 141-vjeçar do të duhet të luajë në League One dhe pavarësisht se kanë bërë një sezon të dështuar dhe janë të fundit në kampionat, mbështetja e tifozëve nuk u mungon.

Dashuri pa kushte dhe një pasion i pabesueshëm. Një natë më parë Ipsuiç udhëtonte në transfertë ndaj Brentfordit. Sfida përfundoi 2-0 në favor të vendasve, rezultat që ishte regjistruar që në pjesën e parë. Gjithsesi, kjo gjë nuk i pengoi tifozët miq.

?? Relegation Party! ??#itfc pic.twitter.com/Umw1B6brp0

— Stuart Lumsden (@StuLumsden) April 6, 2019

Të shumtë në numër, rreth 1400, duke kënduar për 90 minuta, madje duke u dëgjuar edhe më shumë se tifozët vendas. Në Brentford ishin të shastisur nga pasioni dhe dashuria e fansave të çmendur të Ipsuiçit.

1-0 down…. #itfc pic.twitter.com/pojmXTaiww

— Kieran (@KieranMcCahon) April 10, 2019

Gjetja më e çuditshme vjen nga Brentford, marrin në staf një specialist gjumi

Sport Ekspres — Tue, 25 Sep 2018 18:26:11 +0000

Jo të gjithë kanë mundësi në futboll të shpenzojnë shuma marramendëse për të transferuar lojtarë të ndryshëm. Ka dhe disa klube, të cilët mendojnë se nuk është e thënë që të kesh sa më shumë para dhe të shpenzosh sa më shumë për të qenë në majë.

Brentford është një ekip që luan në “Championship” dhe objektivi i tyre është që të ngjiten në Premier Ligë. Sezoni nuk ka nisur dhe aq keq për ta, teksa pas 9 javëve të luajtura, numërojnë 15 pikë dhe janë në vendin e shtatë. Diferenca me kryesuesit e Lids është vetëm 3 pikë, prandaj dhe shanset e Brentford janë të mira për të provuar një ngjitje.

Gjithsesi ajo që ka bërë bujë tek ekipi i Brentford është mënyra se si ata bëjnë investime në klub. Mendimi i këtyre të fundit është se nuk është e thënë që të shpenzosh me patjër për lojtarë, por mund të zgjerosh stafin, ku kanë bërë diçka paksa të çuditshme. Ekipi që militon në “Championship” ka vendosur një specialist gjumi për të qenë pjesë e ekipit.

Detyra e këtij të fundit, sipas stafit të Brentford duket se është që të ndihmojë lojtarët për të marrë vendime të ndryshme, që nuk është e thënë të jenë vetëm në fushën e futbollit. Kjo nuk është diçka e re për ekipin e Brentford, të cilët kanë në stafin e tyre dhe një trajner vetëm për goditjet drejt portës. Një risi me të vërtetë interesante që pritet me kureshtje se sa efikase mund të rezultojë.

Goditja e këndit më e keqe në histori, në Angli nuk mbarojnë çuditë

Sport Ekspres — Tue, 25 Sep 2018 10:05:39 +0000

Nga Anglia ka gjithmonë çudi nga më të ndryshmet. Pikërisht fundjavën që lamë pas, në ndeshjen e vlefshme për “Championship”, midis Derbit dhe Brentford ka ndodhur një episod më të vërtetë interesant, që ndoshta do të mbahet mend si dhe goditja nga këndi më e keqe në histori.

Kanë qenë miqtë e Brentfotd që ekzekutuan një goditje këndi në mënyrë të gabuar, dhe Derbi ka përfituar menjëherë, ku në një kundërsulm mjaft të shpejtë ka arritur të shënojë. Ndeshja ndërkohë përfundoi në shifrat 3-1 për skuadrën e Derbi.

How to take a corner, by Brentford Football Club.. pic.twitter.com/Ff1b0hZWGK

— Ryan O’Meara (@_omeara_r) September 23, 2018