brendan rodgers

Roxhers kërcënon blerësit: Meguajër ikën me kushtet tona

Sport Ekspres — Thu, 18 Jul 2019 13:25:41 +0000

Mançester Junajtid po kërkon me çdo kusht të transferojë mbrojtësin e Lestër Siti, Herri Meguajër. Futbollisti anglez ka një çmim prej 80 milionë paundësh, por drejtuesit e “djajve të kuq” po hezitojnë të shpenzojnë këtë shumë kolosale.

Në negociata ka ndërhyrë dhe trajneri i Lestërit, Brendën Roxhers, i cili i ka dhënë një mesazh të qartë Junajtid: Meguajër ikën vetëm me kushtet tona!

“E kuptojmë situatën e Meguajër. Nëse ai do të largohet kemi në mendje disa lojtarë që mund ta zëvendësojnë. Megjithatë, klubi ndodhet në një gjendje financiare të mirë dhe nuk kemi asnjë arsye që të na shtyjë të shesim lojtarët më të mirë të skuadrës. Nëse kërkesat e drejtuesve nuk plotësohen, të jeni të bindur se asnjë transferim nuk do të kryhet”.

“Tradhtia” e pafalshme e Stërling, zbulohet arsyeja e largimit nga Liverpuli

Sport Ekspres — Sat, 04 May 2019 10:04:29 +0000

Rahim Stërling është një ndër lojtarët më të rëndësishëm të Mançester Sitit, me anglezin që u ble për gati 65 milionë euro nga Liverpuli në vitin 2015. Në atë kohë, sulmuesi ishte 20 vjeç dhe shihej si e ardhmja e “The Reds”, me largimin e tij që u kontestua shumë, sidomos nga tifozët, të cilët nuk ia kanë falur ende as sot.

Stërling u akuzua si tradhtar dhe se u largua drejt Sitit vetëm për të fituar më shumë, ndërsa së fundmi, një version të tijin e jep dhe trajneri i Liverpulit në atë kohë. Brendan Roxhers është rikthyer të flasë për periudhën e tij 3-vjeçare në “Anfield” dhe për një temë të nxehtë si ajo e Stërling.

Sipas trajnerit, 24-vjeçari u largua sepse kërkonte të bëhej më i miri dhe se nuk kishin të bënin as paratë dhe asgjë tjetër në këtë histori.

Stërling dhe Roxhers

“Për Stërling nuk kishin të bënin paratë dhe se sa ai fitonte. Nëse do të ishte për paratë, ai do të kishte qëndruar te Liverpuli. E mori atë vendim për t’u bërë më i miri që mundej.”

“Tradhtoi” Seltik për Lester, plackitet shtëpia e Brendan Roxhers

Sport Ekspres — Thu, 07 Mar 2019 18:55:02 +0000

Brendan Roxhers la drejtimin e Seltikut për t’u rikthyer në Premier Ligë, ku është bërë trajner i Leisterit. Tekniku, ishte prej vitesh në krye të skocezëve dhe tifozët e ekipit nuk e pritën mirë largimin e tij në mes të sezonit.

Pikërisht, lidhur me këtë gjë, ditën e djeshme ka ndodhur një grabitje në shtëpinë e Roxhers. Ndoshta deri këtu asgjë nuk lidhet me tifozët, por nga shtëpia e trajnerit, janë vjedhur shumica e medaljeve, të cilat ishin fituar nga ky i fundit në kohën kur drejtonte Seltikun.

Në atë kohë në shtëpi ka qenë edhe gruaja e Roxhers, si dhe vajza e saj 6-vjeçare. Nënë e bijë, në momentin që kanë dëgjuar grabitësit në shtëpi, ishin kyçur në banjo. Tashmë, çështja ka kaluar në duart e policisë, por gjasat më të mëdha janë që ta kenë bërë tifozët.

Zyrtare, Brendan Roxhers rikthehet në Premier Ligë

Sport Ekspres — Tue, 26 Feb 2019 19:19:52 +0000

Tashmë është zyrtare. Brendon Roxhers rikthehet në Premier Ligë pas katër vitesh. Skocezi është trajneri më i ri i Leister Sitit. “Dhelprat”, duket se e kanë gjetur shpejt zëvendësuesin e Klod Pyel, i cili u shkarkua pas humbjes së thellë 1-4 në shtëpi ndaj Kristal Palas në fundjavë.

Brendan Roxhers drejtonte Sëlltikun prej kohësh, por tashmë e ka lënë klubin skocez për t’u rikthyer në Premier Ligë. Kontrata e tij në ekipin e ri do të jetë deri në verën e viti 2022. Skuadra e fundit që ka drejtuar në Angli, ka qenë pikërisht Liverpuli.

Roxhers qëndroi në krye të “The Reds” për plot tre vite, ku shkoi dhe shumë pranë titullit, në sezonin e famshëm 2013/2014.