“Normale që është një ndeshje shumë e vështirë. Janë ekip i madh dhe me fanellë të rëndë. Më vjen keq që luhet pa tifozë. Do shfaqim futbollin më të mirë, edhe në Laç ndodhi por nuk patëm rezultat. Do mundohem të ruajmë këtë ritëm dhe të marrim fitoren”.

“Mungojnë Radas e Dita? Normalisht dy nga lojtarët kryesorë mungojnë, kjo është e vështirë për këdo. Shpresoj t’i zëvendësojnë lojtarët që do të aktivizohen. Na duhet ritëm, stërvitje dhe punë për të marrë maksimumin dhe për të arritur objektivin e klubit”.

Mesfushori i skuadrës së Kukësit u provua në ndeshjen e sotme si mesfushor i majtë, ku kreu një paraqitje dinjitoze. Gjatë intervistës së dhënë në fund të takimit nuk munguan midis dy lojtarëve, që kanë qenë dikur pjesë  e Luftëtarit.

Rroca: “Tani në çdo rol të ri që provoj, mundohem të jap më të mirë. Kemi shumë mungesa dhe gjatë këtyre dy-tre ditëve kemi bërë shumë prova. Nuk kishim lojtarë dhe i kam kërkuar profesorit që të luaj si mesfushor i majtë. Të gjithë ishim të kënaqur me paraqitjen, pavarësisht rezultatin. Normale që kur nuk luan në pozicionin natyral, është paksa e vështirë. Por kur luan me këto lojtarë siç i kemi ne te Kukësi, është shumë më e lehtë. Shpresoj të jap maksimumin deri në fund dhe të kemi sukses”

GOLI I PËSUAR – “Nuk është hera e parë që i pësojmë këto gola, ishte një moment shpërqendrimi. Shpresoj të mos ndodhë më, pasi këto gola aksidental na dëmtojnë shumë”.

RAPORTI ME BREGUN – “I mungojmë njëri tjetrit dhe jashtë fushe, jo brenda fushës. Me shaka i them Bregut që do të të marrim te Kukësi, që të dalim kampion”.

TITULLI KAMPION – “Futbolli kështu është, neve na vjen zor që nuk luftuam më shumë për titullin kampion”.

“Ne do të ishim të lumtur që Luftëtari të arrijë në finale, pastaj sa i takon Kupës, dua ta fitojë Kukësi”.

Sulmuesi i skuadrës korçare foli mbi rikthimin nga dëmtimin, episodin e golit dhe nuk mungoi një ngacmim për ish-kolegun e tij të Luftëtari, Eduart Rrocën, i cili ndodhej pranë tij në moment e intervistës.

“Ekipin e gjej normalisht në një moment të vështirë, pasi të vish nga një periudhë tre mujore është realisht shumë e vështirë. Goli? Që në momentin që Ethemi pasoi mbrapa, besova se mund të arrijë në këtë top. Fatmirësisht, topi u përplas në trupin tim dhe arrita të shënoj.

“Rroca bëri gabim që nuk erdhi te Skënderbeu së bashku me mua, pasi këtu do të dilnim kampion. Por unë do t’i marr Kupën e Shqipërisë Rrocës, që ta lë pa asnjë trofe (qesh). Do të isha i lumtur që Luftëtari të ecë sa më shumë, pasi është një ekip që na ka rritur dhe na ka ndihmuar shumë”, përfundoi Bregu.

“Kam pasur një periudhë tremujore jashtë fushave të blerta dhe është e vështirë, por shpresoj ta marr veten shpejt,

Nuk është se më takon mua të flas për këtë temë. I gjithë qyteti dhe lojtarët duan rezultat pozitiv nga KAS. Klubi na ka thënë të merremi me fushën dhe këtë kemi bërë.

Ndeshjet në Laç nuk janë asnjëherë të lehta. Morali është top te skuadra dhe shpresoj të shkojmë në Laç dhe të marrim maksimumin, pasi i kemi kapacitetet”, tha sulmuesi.

HUMBJA ME LUFTËTARI –“Ekipi ka prodhuar lojë, por në 90 minuta ndodhën disa episode dhe në fund njëri prej tyre vendosi fatin e takimit”.

PAUZA – “Për mendimin tim mendoj se pauza ishte pozitive. Jemi drejt fundit të kampionatit dhe shumë lojtarë janë lodhur. Mendoj se ky pushim na ka bërë mirë

PARTIZANI – “Në çdo ndeshje futemi për të fituar. Në këtë sfidë mendoj se duhet të tregojmë fytyrën tonë të vërtetë, atë Skënderbe që njerëzit presin të shikojnë”, përfundoi 23-vjeçari.

DËMTIMI – “Kam dashur që të jem në fushë nga minuta e parë, pasi është një sfidë ndryshe nga të tjerat, për meritë të aftësive që kanë të dyja skuadrat. Për fat të keq, do e ndjek nga stoli këtë ndeshje”.

ECURIA – “Duke parë rezultatet e para, ishim shumë mirë dhe bëmë dy faza shumë pozitive. Fatkeqësisht humbjen disa ndeshje radhazi dhe ramë disi në renditje. Por tani të mblidhemi dhe të shohim përpara, që të marrim sa më shumë pikë”.

KAS – “Grupi është shumë i qetë, ska asnjë lloj bisedimi me drejtuesit. Ata shohin punët e tyre, ne punën tonë. Ata na kanë thënë që të luajmë futboll dhe atë do të bëjmë”.

TITULLI – “Më vjen keq për veten time, as për Shkurtajn e as për Rrocën (qesh). Për mendimin tim, unë mendoj se si Partizani, ashtu dhe Kukësi janë poshtë nesh në nivelin futbollistik”,- u shpreh Bregu.

RIKUPERIMI – “Ndihem mirë, pasi vij nga një periudhë rreth dy muaj jashtë, më ka munguar shumë fusha, por jam i lumtur që kam pasur kohën e duhur për t’u rikuperuar. Kam pasur mbështetjen maksimale nga skuadra dhe dua t’i falënderoj këtë gjë.

RROCA DHE SHKURTAJ – “Besoj se do takohem me ta para ndeshjes, pasi jemi shumë miq. Por brenda në fushë jemi armiq. Ata do të vijnë të qeshur këtu, por kur të dalin shpreson të mos jenë të lumtur, pasi ne i kemi marrë tri pikët”, përfundoi Bregu.

NDESHJA KUNDËR TEUTËS – “Treguam një forcë karakteri si ekip dhe ky grup, së bashku me stafin, jemi të gjithë të bashkuar”.

RIKUPERIMI – “Unë tani po rris gjendjen fizike, pasi vij nga një periudhë e gjatë jashtë fushave për shkak dëmtimi. Do të bisedoj me stafin mjekësor dhe shpresoj të jem i gatshëm për ndeshjen kundër Kukësit”.

SEZONI – “Të thuash që nuk kemi prodhuar futboll, nuk është korrekte. Mungesa e fatit dhe e përqëndrimit në disa raste na kanë penalizuar. Ne nuk mendojmë gjë tjetër veç fitores dhe nuk na intereson forma e Kukësit, por shohim vetëm veten tonë”,- u shpreh Bregu.

“Deri më tani, ka shkuar mirë rikuperimi. Ka dy javë që stërvitem dhe shpresoj të filloj të luaj sa më shpejt. Do të duhet dhe pak kohë, por me ndihmën e stafit mjekësor, do rikthehem më i fortë”.

“Ndjej keqardhje që humbas një muaj e gjysmë nga një ndeshje miqësore, po është për tu parë përpara. Ky dëmtim më ka rënduar më shumë, por gjëra që ndodhin”.

“Normal që më ka rënduar, pastaj si me mua, si pa mua, ekipi është shumë cilësor. Humbjet nuk janë diçka e mirë, por skuadra do të rikthehet. Nuk ka ndikim Bregu”.

GOLASHËNUES – “Nuk di çfarë të them për mungesat e golave të sulmit. Unë di të them se kam një muaj e gjysmë jashtë dhe nuk kam asnjë gol me penallti. Shpresoj që kur të rikthehem të shënoj gola të rëndësishëm për Skënderbeun, pastaj klubi të më ndihmojë të bëj një hap në elitën evropiane”.

RIKTHIMI – “Me çfarë kam folur me doktorët, dhe me kirurgun që më operoj, shpresoj të jem në stol në ndeshjen kundër Kukësit, nëse e arrij këtë do të jetë një fitore e madhe për mua”,- u shpreh Bregu.

Sipas analizave të para, mendohej se Bregu do të mungojë për tre muaj, por vetë sulmuesi konfirmoi se do të qëndrojë larg fushave për 3-4 javë. Sot, sulmuesi është operuar me sukses dhe pas operacionit, u shpreh:

“Falënderoj Presidentin Takaj, stafin e klubit, dhe Spitalin Salus që mu gjendën pranë në këtë moment të vështirë. Falënderime pa fund dhe për të gjithë tifozët për mesazhet inkurajuese. Do rikthehem shumë shpejt”,- u shpreh Bregu.

23-vjeçari pësoi një dëmtim të rëndë dhe do të mungojë plot 3 muaj. Mësohet se Bregu ka thyer dorën dhe riaftësimi i tij do të marrë shumë kohë, për shkak të frakturave të rënda që ka pësuar.

Ky dëmtim i Bregut vjen në një moment shumë të vështirë për Skënderbeun, pasi të besuarit e Orges Shehit synonin të linin pas periudhën jo të mirë të fundvitit dhe ta nisnin gjysmën e dytë të sezonit në mënyrën më të mirë, por mungesa e sulmuesit 23-vjeçar do të jetë një goditje e rëndë për kampionët në fuqi.

“Në aspektin personal kam bërë mirë, por kjo futbolli është punë grupi dhe më vjen keq që mbas fillimit të mirë patëm rezultate negative. Nuk e konsideroj veten lider të grupit. Liderët e Skënderbeut janë lojtarët me eksperiencë si Radas, Vangjeli dhe Muzaka, në të rinjtë u vijmë nga pas”

“Personalisht nuk jam i kënaqur me Europën. Skënderbeu kërkon gjithmonë titullin dhe do të vazhdojmë të punojmë punojmë për këtë”, tha Bregu.

Kartoni i marrë dje ishte i katërti për Bregun, i cili në të tilla kushte duhet ta ndjekë nga tribuna takimin e javës së ardhshme mes korçarëve dhe Kamzës. Ishte kartoni i katërt i verdhë, por protestat ishin të shumta, për faktin se Begu u gjakos në momentin kur arbitri i tregoi kartonin e verdhë.

Në Korçë janë të shqetësuar edhe për gjendjen e mesfushorit Benejani Demte. Mesfushori nga Etiopia u dërgua me urgjencë drejt spitalit në fundin e pjesës së parë. Gjithsesi, mësohet se nuk bëhet fjalë për ndonjë dëmtim serioz, edhe pse mjekët mund të rekomandojnë që mesfushori të mos zbresë në fushë në ndeshjen e fundit të vitit.

Shameti, Dzaria, Rexhinaldo dhe Shkodran kanë nga tre kartonë dhe nëse do të ndëshkohen nesër javën e ardhshme do të jenë të detyruar që ta ndjekin takimin me kryesuesit nga tribuna. Në këtë pikë Skënderbeu rrezikon akoma dhe më shumë.

Korçarët kanë plot 5 lojtarë që rrezikojnë të humbasin ndeshjen e javës së ardhshme. Aliti, Abazi, Demte, Dita, Bregu kanë të gjithë nga 3 kartonë dhe një ndëshkim në sfidën e Kamzës ndaj Luftëtarit nuk do të jenë në fushë. Një ndeshje e madhe, por që do kujdes. Kjo gjë mund të privojë disi lojën e fortë, sidomos te Kukësi, pasi askush nuk do të humbasë ndeshjet e mëdha.

Bregu kishte pësuar një lëndim në gishtin e madh të këmbës së djathtë, por ndërhyrja e mjekëve bëri që ai të ishte në fushë., faktikisht ishte një kërkesë e trajnerit Shehi, i cili dhe vetë pas ndeshjes e pranoi, duke theksuar se duke e ditur rëndësinë që ka Bregu, e donin në fushë me patjetër.

Pas ndeshjes Bregu ka reaguar përmes një postimi në profilin e tij, ku shkuan: “Zoti është i vetmi që mund të më gjykoj…askush tjetër”. Një shprehje që më parë e kemi dëgjuar nga këngëtari me famë botërore 2Pac. Mesazh nga bregu, i cili konfirmohet dhe një herë si një prej lojtarëve më të rëndësishëm të Skënderbeut.

DEDIKIMI – “Festim si të tjerët. Pjesa e meritës ka dhe Hoxhajt dhe ja dedikoj atij, sepse ka ardhur nga një dëmtimi gjatë dhe uroj të na ndihmojë tani dhe në vazhdim”.

“Unë ua kam dhënë përgjigjen njerëzve në fushë dhe ua jap në fushë, në këtë mënyrë më kanë mësuar prindërit e mi. Sot e dinë të gjithë se kush jam unë dhe çfarë bëj unë në fushë, mua më karakterizon puna në fushë. Të flasin të tjerët për të tjerët”.

“Me Hoxhajn jam rritur dhe e kam si vëlla. Uroj të na ndihmojë në vazhdim”, përfundoi Bregu.

Pas ndeshjes, Muzaka tha në emisioni “Gol pas Goli” në “Supersport”, se diferencën në këtë ndeshje e bëri eksperienca. Sa i përket rivalit më të fortë, anësori theksoi se Partizani ka bërë një fazë të parë mjaft të mirë, por nuk harroi pa përmendur dhe Kukësin.

GOLI – “Ishte ndjesi e mirë, sepse sa u futa arrita të shënoja. Ishte ndeshje e fortë, e luftuar, por kemi eksperiencën për të luajtur këto ndeshjet e mëdha dhe kjo bëri diferencën. Edhe Partizani pati rastet e vet,a por ne nuk e ulëm ritmin dhe vijuam deri në fund dhe fituam”.

“Besoj se Skënderbeu në këto vite i ka arritur shumë sukses. Çudi është ta shohësh jo në vend të parë Skënderbeun jo ta shohësh në vendin e parë, të paketën jo me ne. Mundohemi t’i mbajmë me këmbë në tokë djem të rinj, por ne i dimë detyrat dhe objektivat që kemi”.

GOLAT SI “ISH” – “Kështu funksionin futbolli. Lojtari është profesionist dhe jep më të mirën aty ku luan, por nuk është vetëm, Tirana dhe Partizani që unë i kam shënuar, pasi kam shënuar ndaj çdo kundërshtari dhe nuk ka ndonjë gjë kaq të veçantë”.

PARTIZANI – “Partizani ka treguar vazhdimësi dhe ka treguar se është një ekip i denjët për të rivalizuar për kampion. Kukësi ka skuadër simpatike. Nuk janë këto ekipet që ne kemi lënë pikë. Kemi lënë pikë me skuadrat më të dobëta në letër. Partizani ka një ekip mjaft të mirë”.

Futboll i bukur, gola e asiste dhe gjeste teknike të klasit të lartë, që kanë ndihmuar jo pak Skënderbeun të qëndrojë në majat e Superiores dhe kanë bindur tifozët në Korçë se largimi i disa titullarëve nuk e dobëson ekipin e tyre.

Sot Bregu ka festuar 23-vjetorin e lindjes dhe për faqen zyrtare të Skënderbeut ka lëshuar një deklaratë të shkurtër, duke shpjeguar edhe domethënien e numrit 23 në fanellë, që nuk lidhet vetëm me ditën e lindjes: “Në 23 kam ditëlindjen dhe natyrisht numri në fanellë lidhet edhe me të, por e mbaj edhe për faktin se është edhe data e lindjes së babait tim. Ai është me origjinë nga Korça dhe kjo është arsyeja e vërtetë. Mamanë e kam vlonjate dhe babain e kam korçar, jam shumë krenar. Nuk mund ta them nga cili anoj, por kam pak nga të dyja”.

I pyetur nëse do ta ndjekë ndeshjen me ish-skuadrës së tij Luftëtarit dhe Partizanit, Bregu i uron fitoren gjirokastriteve edhe pse aty ka shumë shokë, edhe për faktin se do të ishte një ndihmë për Skënderbeun, për të ruajtur vendin e parë.

“Më ka munguar, pasi kam qenë një periudhë i mërzitur. Ia dedikoj prindërve për shqetësimet që u kam sjellë nga mërzitja ime”.
“Çfarë është folu në media dhe gazeta nuk ka qenë e vërtetë. Kemi bërë shaka dhe kemi qeshur për ato që kemi parë”.
“Në kaq ndeshje sa kam luajtur kam qenë protagonist. Ka ardhur me të drejtë zëvendësimi në disa ndeshje.
“Do ta ndjek Luftëtarin, pasi kam shokë. Uroj që të fitojnë dhe të na bëjnë nder dhe ne. Ishalla marrin tre pikë dhe jo një pikë”.

Edhe pse me shumë ndryshime nga edicioni i shkuar, Skënderbeu mbetet i njëjti, ai me mentalitet fituesi. Edhe Bregu e veçon këtë pjesë teksa thekson se çdo lojtar që shkon në Korçë mësohet me statusin e fituesit: “Çdo njeri që vjen këtu mësohet me mentalitetin e kampionit dhe ecën me ritmin e kampionit. Duket në fushë që kemi një ritëm tjetër nga skuadrat e tjera. Kjo tregon dhe forcën tonë reale në fushë”.

Juglindorët i kanë mundur rivalët direkt për titull, por Bregu nuk preferon të shohë aq larg dhe tregon se objektivi i skuadrës së tij është vetëm ndeshja e radhës: “Ne flasim në fushë, objektivi ynë është që t’i marrim ndeshjet një e nga një. Ne nuk shohin fundin e kampionatit, por vetëm ndeshjen e radhës. Dua të falënderoj dhe tifozët që gjithnjë kanë qenë me ne”.

Bregu është një nga lojtarët prej të cilëve në Korçë presin shumë, kjo për shkak se ai ka treguar se ka cilësi për të bërë akoma dhe më mirë, në konferencën për shtyp prag ndeshjes me Kukësin, lojtari anësor ka folur për pritshmëritë që ka për takimin me verilindorët, por dhe për objektivat e skuadrës.

Bregu, sa mund të ndikojë humbja e parë e sezonit?
Nuk besoj se ka ndikim psikologjik pas kësaj humbjeje, pasi është e para për ne. Vinim pas pesë ndeshjesh pa humbje dhe këto janë gjëra normale në futboll. Shpresoj që në ndeshjen e radhës me ndihmë e tifozëve të bëjmë më mirë dhe t’u kërkojmë falje për hapat fals që kemi bërë. Me mbështetjen e tyre do arrijmë të jemi aty ku duhet të jemi.

I druheni formës së mirë të Kukësit?
Kukësi është një ekip i fortë dhe duhet respektuar, kjo për faktin se është rivali i jonë, por ne do të futemi në fushë për të marrë fitoren, siç kemi bërë gjithnjë dhe ta respektojmë kundërshtarin aq sa duhet.

Ndjeni keqardhje që nuk arritët të shënonit atë rast në minuta e para ndaj Tiranës?
Më vjen keq për skuadrën pasi nëse do të shënoja gjërat mund të ishin dyshe. Këto gjëra ndodhin në futboll dhe uroj që në takimet e ardhshme të jem më i saktë para portës.

Mund të themi se Skënderbeu është sërish pretendenti kryesor për titull?
Kampionati sapo ka nisur dhe nuk mund të flasim që tani për titull,  ne kemi si objektiv vetëm ndeshjen e radhës.

I mungojnë Bregut golat në këto javë që nuk ka shënuar?
Unë kam shënuar në javët e para, po them se ekipi, shokët e skuadrës dhe stafi do të më ndihmojnë që të shënoj sërish.

Do të shohim një skuadër ndryshe të enjten?
Do të shihni një Skënderbe tjetër ndaj Kukësit. uroj që të kemi një stadium plot që të na mbështesë.

Talenti vlonjat, i cili tashmë mbron ngjyrat e Skënderbeut, është kthyer në Gjirokastër, por tashmë si tifoz, edhe pse nuk dihet nëse gëzoi për fitoren vlonjate.

I pranishëm në tribunë, vlonjati ndoqi dy ekipet e zemrës, sepse është rritur te Flamurtari dhe ka gjetur shkëlqimin te Luftëtari, që mbetet në zemrën e tij, edhe pse nuk u nda mirë këtë verë.

Fitoi Flamurtari, ndoshta një lajm i keq për Skënderbeun, sepse duket se vlonjatët janë rivalë direktë, por pas dy javësh do të shohim një superndeshje në Vlorë, Flamurtari kundër Bregut dhe Skënderbeut.

U kthye Dejvi, për të dhënë një dorë për Europën, sepse fundja Ventspilsi letonez ishte rival i kalueshëm në letër, por “magjistari” vlonjat nuk e priste që në një muaj Luftëtari të bëhej një çorbë e madhe. Trajner i ri, lojtarë të larguar e afruar, probleme të brendshme dhe një kaos total në Letoni, me humbjen e turpshme 5-0. Krejt papritur, drejtuesit e klubit fajësuan edhe Bregun, me sa duket, i cili dje nuk luajti fare.

Shkoi për të ndihmuar, e kthyen në të padëshiruar, në të tepërt, atë që në dy vite e gjysmë ka dhënë gjithçka dhe është ngjitur nga ferri i Kategorisë së Parë deri te ëndrra Europë, që në Gjirokastër nuk do ta shohin më ndoshta kurrë. Për Supersportin, pas ndeshjes Bregu i tha të gjitha, zbrazi dufin e akumuluar në këto javë, duke goditur “me pambuk”, sepse nuk polemizoi me ndokënd personalisht, por foli qartë, kush kupton, kupton…

– E çuditshme të largohesh në këtë mënyrë, me këtë lloj ndeshjeje, me trajnerin Kostiç që të lë në stol për zgjedhje taktike…

– Nuk ka problem, tani e kuptoj më mirë, por askush nuk ma mohon dot kontributin që kam dhënë te Luftëtari, golat e shumtë që kam shënuar në dy vite e gjysmë dhe meritën e madhe që kam që Luftëtari arriti deri këtu. Nuk ka problem, u jam mirënjohës shokëve të skuadrës dhe atyre që më kanë mbështetur. Dua të sqaroj që lajmet e “Panorama-Sport” që kanë marrë nga klubi i Luftëtarit besoj se janë të gabuara.

– Çfarë ka ndodhur realisht?

– Asnjë debat dhe asgjë nuk është e vërtetë nga ato që janë shkruajtur. Thjesht trajneri ka menduar që mund të provojë lojtarë të tjerë, gjë që e kam pritur shumë mirë, nuk kam asnjë arsye përse të mërzitem. Unë kam punuar me shumë trajnerë te Luftëtari  dhe kam respektuar çdo vendim të tyre, por në këtë fund të rrugëtimit me Luftëtarin shoh që shumë njerëz nuk janë treguar mirënjohës.

– E çuditshme për të gjithë që lojtari më i mirë i ekipit të mos luajë, por edhe Xhekson nuk luajti. Si e ke përjetuar?

– Në fillim u habita, por nuk ka asnjë lloj problemi, janë gjëra që vendoset nga dikush tjetër dhe nuk më intereson më, janë pjesë e së shkuarës tashmë. Disa gjëra bëhen më të lehta pas këtyre veprimeve, besoj edhe Xhekson ka pasur një arsye të fortë për veprimin që ka kryer, por nuk dua të flas për gjëra që nuk më përkasin. Duke folur për veten, mbase për tifozët është shumë e çuditshme që më panë në stol, pasi mbase këtij klubi i kam dhënë më shumë sesa më ka dhënë. Unë mbetem mirënjohës, por me sa shoh nuk marr mirënjohje në këmbim. Gjithsesi, largohem pa hatërmbetje, i përqafoj të gjithë.

– Ndoshta meritoje të largoheshe ndryshe, edhe në raport me tifozët.

– Unë erdha me dashamirësi të madhe, kush më ka njohur e ka kuptuar me çfarë dëshire kam ardhur, por me sa duket ndihma ime nuk ka vlejtur, sepse me sa duket një nga fajtorët e humbjes në Letoni kemi qenë unë dhe Xhekson.

– Mos ndoshta ndarja më e bukur ishte ajo e javës së fundit në Gjirokastër.

– Ajo ndarje nuk vjen më, ato lot janë të papërshkrueshme, ashtu si lotët dhe duartrokitjet e tifozëve në stadium. Më vjen shumë keq që përfundoi kështu, erdha për të ndihmuar dhe me sa duket nuk vlejti, shpresoja edhe vetë të jepja më shumë, por janë gjëra që ndodhin. Gjithsesi, në dy vite e gjysmë kam treguar sa vlej dhe nuk mund të fajësohen një apo dy lojtarë, por duhet gjetur përgjegjësia në tërësi. Doja një ndarje tjetër, por gjithsesi largohem me kokën lart, të gjithë e kanë parë sa kam dhënë dhe jam krenar.

– Ç’kuptim ka sjellja e çuditshme e trajnerit me titullarët e skuadrës në ndeshjet e Europës?

– Duhej pak më shumë respekt për ata që kanë dhënë më shumë, kur ai e gjeti gati. Gjithsesi, unë nuk i uroj asgjë të keqe. I uroj gjithë të mirat skuadrës, sepse me ata djem kemi qarë e kemi qeshur dhe u uroj më të mirën e mundshme dhe ata e dinë shumë mirë që do të bëj gjithnjë tifo për ata.

– Skënderbeu në horizont.

– Të hënën jam në Korçë, më pret një sfidë shumë tërheqëse dhe që e pres me padurim, sepse një lojtar i mirë duhet të luajë në një klub të mirë.

– Si e sheh Skënderbeun pas largimeve të rëndësishme në verë?

– Me sa kam parë, Skënderbeu ka bërë përforcime mjaft cilësore dhe jam i bindur që Skënderbeu do të jetë sërish elitar. Tani jam pjesë e këtij klubi, edhe tani që po flas, ndoshta po flas në mënyrë emocionale dhe i kërkoj falje publikisht klubit Skënderbeu nëse kam lëshuar ndonjë deklaratë të gabuar.

– Le të imagjinojmë një hap pak më përpara, një aventure jashtë Shqipërisë me medalje kampioni ne qafë!

– Do ishte diçka e mrekullueshme nëse e lë Skënderbeun kampion dhe e di që mundësinë që të shkosh në një kampionat më të fortë evropian ta jep vetëm Skënderbeu. Jam i përgatitur, klubi më ka dhënë mbështetje, gjithashtu edhe menaxheri, ndaj të shohim në të ardhmen.

Skënderbeu është përjashtuar për 10 vite nga kupat e Europës dhe nëse ashtu si pritet, nuk do të luajë në kupat e Europës këtë verë, praktikisht gjithçka zerohet dhe me shumë gjasa skuadra do të shpërbëhet, për shkak të kostos së madhe financiare.

Edhe Bregu nuk do të përfundojë në Korçë, kjo është logjike, pasi edhe marrëveshja me Skënderbeun përfshinte një pagë prej “top player” dhe pjesëmarrje në kupat e Europës, aty ku Skënderbeu do të kishte mundësi ta reklamonte fantazistin vlonjat, për të tentuar shitjen me shifra të larta.

Tashmë gjithçka merr një kthesë të fuqishme dhe Bregu në verë do të studiojë ofertat nga jashtë, por nëse nuk del ndonjë variant që e kënaq plotësisht, nuk është çudi që të shohë me kujdes edhe ofertat nga vendi. Flamurtari i bëri një ofertë të jashtëzakonshme në janar, duke i premtuar edhe lënien të lirë në verë, nëse gjente ekip jashtë Shqipërie, por Bregu refuzoi, natyrisht për faktin se e kishte një marrëveshje me Skënderbeun, por gjithashtu nuk dëshironte të ndryshonte ambient në mes të sezonit. Në verë shumë gjëra mund të ndryshojnë dhe Bregu do të mendohet mirë. Gjithsesi, së pari duhet mbyllur marrëveshja me Skënderbeun, klub me të cilin ekziston një parakontratë dhe natyrisht klubi korçar do të kërkojë të përfitojë nga transferimi i Bregut.

Bregu është vlonjat dhe në janar klubi kuqezi e kërkoi me ngulm, por nuk u bë asgjë, me 22-vjeçarin që refuzoi të lëvizte nga Gjirokastra, sa për faktin se dëshironte të çonte sezonin deri në fund si bluzi, aq edhe se në Vlorë u largua i zhgënjyer dhe ndoshta nuk do ta përballonte dot qetësisht presionin e kthimit aty: “Mendoj që Flamurtari është e kaluara, e kam në zemër se aty jam rritur. Kam kujtime të bukura aty pasi kur del nga akademia dhe bëhesh pjesë e ekipit të parë është diçka e veçantë. Klubin dhe tifozët i respektoj, kujtimet e këqija i kam harruar”.

Natyrisht, në këtë moment Bregu e Abazaj janë dy xhevahirët e gjithë Supoeriores, por Bregu nuk nxitohet kur i përmendet Kombëtarja: “Do ishte diçka e bukur nëse do bëhej realitet, Kombëtarja është ëndrra më e madhe për një shqiptar. Gjithsesi, duhet shumë punë që të arrij Kombëtaren dhe të jem gati për të”.

Ka shënuar 10 gola në vitin 2017 Bregu, 5 në sezonin aktual, ndërkohë që pasimet për gol nuk numërohen.

Në Gjirokastër i janë mirënjohës dhe dashurinë ia kanë shfaqur gjithmonë, por tashmë ka edhe një çmim për sulmuesin e talentuar, i cili është shpallur Personazhi i Vitit në Gjirokastër. Nderim më i madh nuk mund t’i bëhej, respekti i njerëzve është shumë më i rëndësishëm se një kontratë milionere.

Shumë mirënjohës ndaj çdo njeriu që vlerësoj punën time duke më shpallur Personazhi i Vitit 2017 në Gjirokastër ! Faleminderit !

A post shared by Dejvi Bregu (@dejvi_bregu) on Dec 30, 2017 at 12:52pm PST

Flamurtari, por edhe klube të tjera, shqiptare e të huaja, interesohen për Bregun, por vlonjati nuk ka ndërmend të merret me këto çështje deri në ndërrimin e viteve, ashtu si Luftëtari, që ka dalë me një komunikatë për mediat sot, duke sqaruar gjithë tymnajën e sotme.

“Pavarësisht se merkatoja akoma nuk është hapur zyrtarisht ne klubin tonë kanë mbërritur disa oferta për lojtarin Dejvi Bregu, ju bëjmë me dije se klubi do t’i shqyrtojë këto oferta vetëm pas përfundimit të kësaj faze. Luftëtari dhe lojtari janë të fokusuar vetëm tek ndeshja e radhës, pasi kjo është një ndeshje vërtet e rëndësishme dhe të gjithë janë të përqendruar për të marre maksimumin në Kamëz!!”.

Mesazhi është i qartë: Na lini rehat, të mendojmë për futbollin e luajtur!

Vlonjati u transferua në janar 2016 dhe dha kontributin e vet për ngjitjen në Superiore, me 7 gola në 15 ndeshje, por sezoni i shkuar ishte fenomenal, me 9 gola e shumë asiste, duke e bërë shtatshkurtrin vlonjat një ndër yjet e Superiores.

I qëndroi besnik Luftëtarit edhe këtë sezon, si gjest mirënjohjeje, ndërsa në janar mund të ketë lëvizje, por asnjëherë pa marrëveshje me klubin. Një futbollist model, brenda e jashtë fushe, i cili respektohet nga të gjithë, në Vlorë, Gjirokastër e gjetkë.

Gëzuar Dejvi!

Shumë faleminderit nga zemra për urimet ?????

A post shared by Dejvi Bregu (@dejvi_bregu) on Oct 24, 2017 at 9:19am PDT

Gëzim Beqiri

Dy ditë pushim u akorduan për futbollistët e Luftëtarit, ”si shpërblim” për barazimin ndaj Flamurtarit në Vlorë, i cili erdhi përveç të tjerave, edhe nga sakrificat e shumta të futbollistëve në veprimet individuale. Futbollistët do të grumbullohen sot pasdite për të rifilluar stërvitjen. Treguesit e Luftëtarit krahasuar me një sezon më parë janë shumë pozitive. Nga tre takimet e deritanishme, dy të zhvilluara në transfertë, ka marrë pesë pikë nga dhjetë që realizoi krejt fazën e parë sezonin e kaluar. Edhe golaverazhi është më pozitiv, nga 1-6, tashmë në 1-2, por më shumë se këta tregues është loja bindëse e Luftëtarit, për të tjera rezultate pozitive.

Ajo që la përshtypje më shumë në lojën e Luftëtarit ishte jo vetëm mbrojtja tepër e organizuar me në krye kapitenin Orjad Beqirin, por edhe e reparteve të tjerë si dhe loja e vlonjatit tjetër që mbron ngjyrat e Luftëtarit, Dejvi Bregun i cili për gazetën “Sport Ekspres” deklaron se: ”E kishim menduar dhe e prisnim rezultatin pozitiv në takimin në Vlorë. Jo se Flamurtari është ekip që i merr pikë lehtë, por sepse edhe forca e ekipit tonë të jep mundësinë të ndeshesh dhe të fitosh ndaj çdo kundërshtari. Pjesën e parë e dominuam ne, por nuk vazhduam më të njëjtin ritëm pjesën e dytë, ngaqë patëm edhe lodhje fizike, sepse vrapuam shumë dhe e ndiejmë se na duhet ende kohë që të arrijmë ngarkesën e duhur fizike. Dihet që ne e filluam fazën përgatitore me shumë vonesë dhe na duhej më shumë kohë që të arrinim parametrat e kërkuara. Me ndërprerjen e kampionatit na jepet mundësia të bëjmë plotësimet e duhura dhe kam besim se me rifillimin e kampionatit, skuadra jonë do të jetë edhe më rezultative. Të gjitha ekipet shprehen sa herë që ndërpritet kampionati se është në favorin e tyre, por për ekipin tonë kjo është e domosdoshme, sepse jo vetëm janë disa futbollistë që përfitojnë në rikuperim në këto ditë pushimesh, por e filluam me vonesë fazën përgatitore dhe stafi teknik, nuk pati shumë kohë në dispozicion për të përgatitur si duhet skuadrën, sidomos në aspektin taktik. Taktikisht veprojmë drejt dhe fitorja në Laç apo barazimi në Vlorë nuk janë rastësi. Fakti që jemi po ai grup lojtarësh i një sezoni të mëparshëm, me pak ndryshime, na jep mundësinë të njohim sa më mirë lojën e njëri-tjetrit. Duke njohur cilësitë e secilit veprojmë më të kujdesur dhe me pak vëmendje në pasin e fundit, Luftëtari nuk do të konsiderohet si më parë, ekip surprizë, por një emër dhe realitet që do t’i japë më shumë bukuri dhe konkurrencë për një nga vendet e para në klasifikim në Superligë”, shprehet futbollisti i Luftëtarit, Dejvi Bregu.

Talenti vlonjat, një ndër yjet e Superiores sezonin e shkuar, ka pritur qetësisht vendimin e klubit për të ardhmen e tij. Ka kontratë edhe një sezon dhe në janar do të jetë i lirë të zgjedhë skuadrën e re, pa pasur detyrime kontrate me Luftëtarin.

Kjo ka bërë që edhe Skënderbeu të tërhiqet, sepse çmimi i vendosur nga Luftëtari, rreth 200.000 euro, duket i ekzagjeruar.

Korçarët kanë lojtarë me shumicë në sulm dhe mesfushë, ndërsa Bregu ishte pasuesi ideal i Latifit, por jo me çmime jashtë buxhetit të klubeve shqiptare, ndaj  është preferuar Suad Sahiti.

Në këtë pikë, i humburi i madh është Luftëtari, sepse do ta humbasë falas Bregun, që nuk ka ndërmend të rinovojë.

Vlonjati e ka deklaruar prej kohësh që e ardhmja e tij do të varet nga klubi dhe çdo ofertë do të merret në shqyrtim së bashku, por deri tani nuk ka ardhur oferta që i kënaq të gjithë.

Supersport raporton se së fundi klubi austriak ka paraqitur një ofertë zyrtare: 100.000 euro, plus 20% të kartonit në rast rishitjeje, por Luftëtari ka refuzuar, duke kërkuar më shumë, diçka normale, kur sheh që lojtarët e Tiranës, për shembull, po shiten për shifra goxha më të larta.

Interesim ka pasur edhe nga Belgjika, por sërish nuk ka ardhur oferta e duhur, ndaj për momentin Bregu mbetet në Gjirokastër.

Një prej tyre, Dejvi Bregu, ende nuk e ka përcaktuar të ardhmen e vet, por duket se ajo do të jetë larg Shqipërisë.

Vetë talenti vlonjat ka dëshirë të provohet jashtë dhe këto ditë në adresë të klubit gjirokastrit dhe vetë lojtarit ka ardhur një ofertë nga Belgjika.

Emri i klubit nuk bëhet i ditur, por është një klub i Jupiler Ligës belge, që ka shprehur interesim serioz dhe brenda pak ditësh gjithçka mund të mbyllet me sukses, sepse në Belgjikë sezoni fillon shumë herët dhe Bregun e duan për fazën përgatitore.

Kjo do të thotë se bie përfundimisht pista Skënderbeu, edhe pse ishte një mundësi që Bregu të shkonte në Korçë, ndoshta duke ndarë përgjysmë kartonin, por Luftëtari është i prirur ta shesë që tani yllin e vet, për një ofertë joshëse nga jashtë.

Fatin e Bregut do ta ketë edhe Kristal Abazaj, pasi sulmuesi është mjaft i kërkuar në treg. Ashtu si për Bregun, edhe Abazaj duhet të shitet jashtë Shqipërie, pasi është gati për hapin e madh, pa harruar që klubet shqiptare nuk e kanë me qejf që të blejnë lojtarë, duke preferuar t’i marrin në përfundim të kontratës.

Vetë Dejvi Bregu, i kontaktuar dje nga gazeta, nuk ka pranuar të prononcohet në lidhje me atë çfarë është shkruar deri tani në shtypin sportiv. Por pohon se është dhe mbetet pjesë e Luftëtarit. Këtë nuk e thotë vetëm se është ende nën kontratë me këtë ekip, por edhe për faktin se nuk është ai që vendos për lëvizjen në skuadra të tjera. “Kërkesa mund të ketë, jo vetëm nga Skënderbeu dhe Flamurtari, mund të jenë edhe skuadra të tjera, por, si futbollist profesionist, duhet të zbatoj rregullat, aq më tepër që Luftëtari ka një klub dhe një president ende në detyrë”, – u shpreh shkurt Bregu.

U shpall para pak ditësh talenti i sezonit dhe e ardhmja e tij lidhet me Skënderbeun. Dejvi Bregu mund të konsiderohet 90% lojtar i korçarëve, të cilët e kishin vënë në shënjestër prej kohësh, madje edhe vetë mesfushori-sulmues ua kishte shkelur syrin. Zyrtarizimi i marrëveshjes, siç bëjnë me dije burime pranë gazetës, është vetëm çështje ditësh. Klubi korçar ka një politikë të qartë në lidhje me lojtarët që afron në ngjirin e tij, të cilët duhet të jenë me kualitet dhe në moshë të re, në mënyrë që më pas të shiten në skuadra të kampionateve të huaja, siç ka ndodhur kohët e fundit me Bernard Berishën, Peter Olainkën, Agim Zekën dhe pritet të ndodhë edhe me Liridon Latifin. Dejvi Bregu i plotëson të gjitha këto kushte dhe nuk ka pse të mos bashkohet me korçarët, duke zënë pikërisht vendin e Latifit si sulmues i krahut të majtë. Sezoni mjaft i mirë, që vlonjati zhvilloi me Luftëtarin ka bërë që të kërkohet nga disa skuadra, por në fakt Skënderbeu duket një “dashuri me shikim të parë” për të. Futbollisti i ri ka arritur të shënojë 9 gola me fanellën e Luftëtarit gjatë sezonit që lamë pas, por më tepër ka rënë në sy me depërtimet e tij brilante dhe driblimet ndaj lojtarëve kundërshtarë.

KARTONI 50/50 – Dejvi Bregu ka ende kontratë me klubin gjirokastrit dhe largimi i tij duhet të bëhet patjetër me konsensusin e Luftëtarit. Nga sa bëhet e ditur, palët kanë rënë dakord, që 50% të kartonit ta blejë Skënderbeu dhe 50% ta mbajë Luftëtari. Kjo do të thotë se në të ardhmen, nëse korçarët e shesin vlonjatin jashtë vendit, përfiton financiarisht edhe klubi gjirokastrit. Klubi juglindor është në kërkim të talenteve, një pjesë e rëndësishme kjo e strategjisë së tij, dhe Bregu duket se është goditja e parë. Zyrtarizimi pritet të bëhet pas finales së Kupës së Shqipërisë, që do të zhvillohet nesër në Elbasan. Vetë Bregu ka thënë shpesh kohët e fundit se do të marrë një vendim për të ardhmen shumë shpejt, në bashkëpunim me drejtuesit e Luftëtarit. Dëshira e tij tashmë është e qartë, duke ditur që Skënderbeu është “trampolina” më e mirë për karrierën e tij si futbollist.