braziliani

Goleadori Danilo Alvesh, vlerësim për sulmuesin në Kazakistan

Sport Ekspres — Tue, 21 May 2019 19:39:21 +0000

Danilo Alvesh u largua nga skuadra e Flamurtarit në muajin janar për t’iu bashkuar skuadrës kazake, Okztepes, ku po bën ndeshje shumë të mira. Sulmuesi 28-vjeçar ishte autori i golit të vetëm për skuadrën e tij fundjavën e shkuar, por përveçse gjeti rrjetën, bëri dhe një paraqitje shumë të mirë.

Alvesh shënoi golin e tij të dytë në kampionatin kazak, në takimin kundër Kaisarit. Në minutën e 37’, braziliani barazoi shifrat. Ish-sulmuesi i Flamurtarit u përfshi dhe në formacionin më të mirë të javës në kampionatin kazak të futbollit, duke marrë kështu një tjetër vlerësim. Deri më tani, Danilo ka luajtur plot 593 minuta në kampionat, ku në 8 sfida, i ka startuar si titullar.

VIDEO | Hart, Azpilikueta dhe Milner! “Viktimat” e yllit Anderson

Sport Ekspres — Sun, 17 Feb 2019 13:53:49 +0000

Felipe Anderson ka qenë një nga zbulimet më të suksesshme të Igli Tares te Lacio. Sulmuesi brazilian ka cilësi dhe aftësi të jashtëzakonshme me topin, si dhe ka krijuar raporte të mira me golin në vitet e fundit.

Paraqitjet e tij fantastike me Lacion në Serie A bënë që Uest Hemi të thyejë bankën dhe të paguajë plot 38 milionë euro për shërbimet e tij, duke e bërë transferimin më të shtrenjtë në historinë e klubit. Sezoni i Anderson deri më tani në Premier Ligë? I shkëlqyer!

Përveçse ka qenë lojtari më i mirë për “The Hammer”, Anderson ka treguar dhe një klas të jashtëzakonshëm, duke dribluar dhe “turpëruar” emra shumë të njohur të kampionatit anglez. Faqja zyrtare e Premier League në platformën “Facebook” i ka kushtuar një video yllit brazilian, me këtë të fundit që i bën “tunele” disa nga lojtarëve më të mirë në Premier Ligë.

Sa ndryshe nga Serie A, Alison dhe statistikat për t’u harruar në Premier

Sport Ekspres — Fri, 08 Feb 2019 21:51:33 +0000

Braziliani Alison Beker u shpall portieri më i mirë sezonin e shkuar në Serie A, pasi ndihmoi Romën të kapë vendin e tretë, si dhe i çoi kryeqytetasit italianë në gjysmëfinalen e Ligës së Kampionëve.

Paraqitjet e tij fantastik bënë që Liverpuli të paguante shifra të çmendura, duke e bërë brazilianin një nga portierët më të shtrenjtë në historinë e futbollit. Edhe pse pritej shumë nga Alison, statistikat e tij nuk kanë qenë shumë të mira.

Pas një nisjeje sezoni në mënyrë perfekte, forma e Alison erdhi në rënie dhe në fillimin e vitit 2019, ka një statistikë shumë negative: 7 gola të pësuar në vetëm 11 gjuajtje drejt kuadratit të tij. Kjo statistikë ka filluar të shqetësojë edhe teknikun Klop, i cili duket “i mallkuar” me portierët që drejton.

FOTO | Daja e pret në Vlorë, Danilo mes klubeve të natës dhe pishinave

Sport Ekspres — Thu, 31 Jan 2019 18:27:47 +0000

Danilo Alvesh nuk është rikthyer ende në Vlorë, edhe pse sezoni ka filluar për Flamurtarin. Trajneri i kuqezinjve, Ilir Daja ka thënë se është në pritje të sulmuesit brazilian, por ky i fundit nuk duket se ka në plan të kthehet në Shqipëri.

Mendohet se shkaku kryesor pse Alvesh nuk rikthehet të Flamurtari është mungesa e pagave dhe madje mësohet se i ka bërë presion klubit, që nuk vjen nëse nuk shlyhen pagasat ndaj tij. Gjatë këtyre ditëve “pushimi”, braziliani ka qenë shumë aktiv në rrjetet e tij sociale, duke publikuar disa foto në disa destinacione të ndryshme.

Sulmuesi i Flamurtarit ka publikuar një foto në krah të partneres së tij, ku janë në një klub nate në Brazil. Ndërsa pak minuta më parë, Alvesh publikoi dhe një foto ku ndodhet në pishinë. Duket se sulmuesi po e shijon diellin brazilian…