Aventura e tij te kampionët e Francës ka shkuar mes kalvarit të dëmtimeve, polemikave dhe skandaleve të shumta dhe lënies pas nga një 19-vjeçar, Kilian Mbape. Çmimi i Nejmar në momentin kur u largua nga Barcelona ishte 213 milionë euro. Paraqitjet spektakolare të tij dhe fitimet e trofeve të mëdha me katalanasit e kishin rritur shumë çmimin e brazilianit.

Edhe te Parisi e mbajti disa kohë këtë çmim, por tani nuk është kështu. Vlera e tij në merkato është ulur në mënyrë drastike. Sipas “Cies”, 27-vjeçari tani vlen 150 milionë euro. Një ulje e frikshme prej plot 63 milionë eurosh, që pritet të shtohet pas mungesës në Kupën e Amerikës.

Kur na ndajnë vetëm pak ditë nga filimi i turneut “Copa America”, mbrojtësi Tiago Silva ka folur për rëndësinë që Kutinjo ka për pesë herë kampionët e Botës.

“Loja në grup vjen gjithmonë e para. Kutinjo ka kaluar një sezon të vështirë te Barcelona. Tifozët presin shumë prej tij dhe në jo pak raste e kanë vërshëllyer, por këtu në kombëtare e Brazilit është ndryshe. Kutinjo është më shembull për ne, sidomos kur mungon Nejmar”.

“Në dy ndeshjet miqësore që bëmë Kutinjo ka qenë lojtari më i mirë. Në sulm ka bërë mirë me gola dhe asiste, por na ka ndihmuar dhe ne fazën mbrojtëse. Po shikoj që ka gjetur sërish lumturinë në fushë”.

“Kemi shumë nevojë për të, sidomos tani që s’do ta kemi Nejmarin për turneun e ardhshëm”, tha Silva.

Mbrëmjen e kaluar ka ardhur dhe vendimi në lidhje me fjalët mistërioze që Tite përdori në konferencë. Nejmar Zhunior nuk do të jetë më kapiteni i kombëtares së Brazilit. Ky vendim duket se ka ardhur pas incidenteve të ndodhura në finalen e Kupës ndaj Renës, ku Nejmar u kap me një nga tifozët kundërshtar.Kapiteni i ri i Brazilit do të jetë Dani Alvesh, i cili do të marrë shiritin që në sfidat miqësore në kuadër të “Copa America” dhe më pas gjatë gjithë kompeticionit. Ende nuk ka pasur një reagim nga Nejmar, por duket se te Brazili ka shpërthyer një çështje.

Brazili ka mundur me përmbysje Çekinë dhe skuadra amerikano latine ka bërë një ndeshje të mirë. Pavelka arrit të shënojë një gol mjaft të bukur në afërsi të zonës dhe pjesën e parë Brazili e mbylli në disavantazh. Pjesa e dytë nisi me gol. Katër minuta nga nisja, një gafë e çekëve u shfrytëzua bfa Firmino, i cili e dërgoi topin në rrjetë. Në fund të takimit Neres shërbeu saktë për Gabriel Zhesus, i cili nuk e pati të vështirë të kalonte në avantazh Brazilin. I njëjti lojtar arriti të realizonte edhe golin e tretë, madje pas një aksioni model.

MIQËSORE – E MARTË, MË 26 MARS

Marok-Argjentinë 0-1
Shënues: Korrea 83’

Çeki-Brazil 1-3
Shënues: Pavelka 37’ / Firmino 49’, Gabriel Zhezus 83’, 90′

Momentalisht, Brazili po luan ndaj Panamasë një test miqësor dhe golin e vetëm për skuadrën e Tites e ka shënuar pikërisht Lukas Paketa. 21-vjeçari shënon golin e parë me fanellën e kombëtares dhe për më tepër me numrin 10 mbi shpinë.

Ishte minuta e 32-të kur 21-vjeçari u gjend i lirë në zonë, duke shfrytëzuar në maksimum një krosim nga krahu i djathtë për të shënuar.

Një lumturi e madhe për 27-vjeçarin, i cili tregon emocionet e tij për ftesën e Brazilit, ndërsa në fund bën dhe një krahasim mes Sarrit dhe Ançelotit. Të dy janë fantastikë dhe e kanë ndihmuar Alan të përmirësohet, por Karleto është special dhe trajneri me të cilin të gjithë do të dëshironin të punonin.

“Po përjetoj një ëndërr. Të jesh pjesë e një kombëtareje me kaq shumë kampionë është një vlerësim shumë i madh i asaj që kam bërë në karriere deri më tani. Shpresoj ta shfrytëzoj në maksimum këtë mundësi dhe të demonstroj progresin tim si lojtar. Të jem sot këtu, më shtyn të përmirësohem më shumë. Pas shtatë vitesh në Itali, mes Udinezes dhe Napolit, jam pjekur shumë, duke kaluar dhe momente shumë të vështira. Jam një tjetër krahasuar me atë që isha, kur erdha nga Brazili. Jam i emocionuar të jem pjesë e këtij grupi me lojtarë të nivelit të lartë.”

“Kohët e fundit shpresoja të thirresha në çdo grumbullim të “Selecao”-s dhe mezi kam pritur. Trishtohesha kur nuk shikoja emrin tim në listë, por ngushëlloja veten me faktin që te Brazili ka shumë lojtarë me kualitet të lartë nëpër botë dhe më duhej të jepja akoma më shumë. Kur pashë emrin tim në listë, festova shumë gjatë me familjen. Realizova aspiratën më të madhe të një futbollisti. Tani shpresoj që e gjitha kjo të jetë një pikë nisje”, komenton mesfushori napolitan.

“Me Sarrin luanim 4-3-3 dhe unë aktivizohesha në krahun e djathtë të mesfushës. Me Ançelotin luajmë 4-4-2, por ajo që ka me të vërtetë rëndësi është të japësh maksimumin. Nuk ka rëndësi moduli dhe roli. Ançeloti është një person i mrekullueshëm, një trajner me të cilin do të donte të punonte çdo lojtar. Ai është inteligjent, i qetë, tenton gjithmonë të na ndihmojë, pa bërtitur kurrë. Grupi është i gjithi me të. Sarri ishte pak më i mbyllur dhe i shqetësuar, por të dy janë njerëz fantastikë, të cilët më kanë ndihmuar shumë. Unë te Italia? Kam lexuar një gjë të tillë, por ju garantoj se nuk kam patur asnjë kontakt dhe askush nga Federata Italiane nuk ka komunikuar me mua”, përfundon mesfushori 27-vjeçar i Napolit.

Në përgatitjen para ndeshjes midis Flamengos dhe Korinithias, kamerat kapën një moment unik, ku lojtarët e Flamengos po bënin nxehmje, por në pamje të parë të krijohet ideja e një kërcimi amerikani-latin dhe jo ushtrimesh për të përgatitur muskujt.

Nova dancinha? Que nada, é só o aquecimento mesmo… Bola rola às 21h45 para Flamengo x Corinthians pic.twitter.com/tU93C61X3S

— globoesportecom (@globoesportecom) September 13, 2018

“Vendi i futbollit… besoj se ti ke patur një problem kohët e fundit”, i drejtohej Tramp një gazetari brazilian. Pasi Brazili mposhti SHBA para disa ditësh në miqësore me rezultatin 2-0, trajneri i kombëtares, Tite, i ka kthyer përgjigje presidentit amerikan.

“Kam një përgjigje për Tramp. Ne kemi fituar pesë Botërorë. Ndoshta, në aspektin e historisë së futbollit, ai duhet të mësojë më shumë”, u shpreh Tite në konferencën për shtyp para ndeshjes me El Salvadorin.

Mediat braziliane përfituan duke e krahasuar Dagllas Kostën me xhamajkanin Usain Bolt, ndërsa anësori ofensiv u ndal te episodi në fjalë mbas përfundimit të ndeshjes.

“Jam mësuar të bëj lëvizjet e mia me këtë lloj shpejtësie. Por, gjëja më e rëndësishme është që aksioni përfundoi me gol”, tregon 27-vjeçari brazilian.

E gjitha kjo ka ndodhur para miqësore me Shtetet e Bashkuara të Amerikës. Ndërkohë Nejmar e ka pritur mirë këtë vendim dhe e shikon si një motivim për të. “Kam pranuar përsëri sepse kam mësuar shumë dhe do të mësoj edhe më shumë. Dhe kjo përgjegjësi do të jetë diçka e mirë për mua”, ka thënë për mediet 26-vjeçari.

Braziliani sërish nuk ka shumë dëshirë të flasë mbi atë që ndodhi, sidomos pas ndeshjes me Belgjikën. “Isha në shënjestër nga shumë kritika dhe nuk isha në rregull për të folur atë periudhë. Nëse nuk jam OK për të folur, preferoj të mos flas. Kjo sepse heshtja është përgjigja më e mirë”.

Nejmar shton: “Nuk kam shumë për të thënë rreth kritikave. Unë jam një lojtar që e marr topin 11 herë dhe në 10 raste shkoj drejt e tek kundërshtari. Mendoj se ata nuk do të më lejojnë të kaloj pa më dhënë ndonjë goditje të vogël. Unë nuk mund t’i pyes ata: ‘Hej, më falni, por më lini të shënoj’. Kam pësuar shuma faulle gjatë Kupës së Botës. Por është diçka që ka ndodhur dhe është një tjetër mësim që unë kam marrë”.

“Përgjegjësia ime është edhe më e madhe për shkak të shiritit, por nëse nuk luan mirë futboll, nuk të duhet. Dua t’u kërkoj falje tifozëve që u mërzitën me ne, pasi të humbësh është një gjë shumë e keqe. Ne besuam se mund të ishim kampionët e botës, por nuk ishte e mundur”, përfundoi kapiteni i ri i Brazilit.