Brazil

Ofertë surprizë, Baloteli sërish kuqezi?

Sport Ekspres — Mon, 05 Aug 2019 11:49:10 +0000

Mario Baloteli ka marrë një ofertë surprizë dhe mund të rikthehet të veshë fanellën kuqezi pas eksperiencave me Milanin dhe Nicën. Sulmuesi italian mbylli sezonin me Marsejën dhe tani është një lojtar i lirë.

Parma, Breshia dhe Verona po tentojnë ta rikthejnë në Serie A, por 29-vjeçari (i mbush me 12 gusht) mund të transferohet jashtë kontinentit europian.

Flamengo e kërkon dhe drejtuesit e klubit kanë nisur negociatat me Mino Raiolën. Problem mbetet vetëm rroga, por Flamengo është gati të bëjë një sakrificë ekonomike për sulmuesin e njohur.

2.5 vite zgjat kontrata që i kanë propozuar brazilianët Super Marios, i cili tundohet nga kjo ide. Baloteli mund të transferohet në tokën e futbollit bashkë me vëllanë e tij Enok, i cili kërkohet nga Boavista.

Jo vetëm Dani Alvesh, Sao Paolo firmos me mbrojtësin e Atletiko Madrid

Sport Ekspres — Sat, 03 Aug 2019 21:45:40 +0000

“Gjiganti” brazilian Sao Paolo po zhvillon një ndër merkatot më të çuditshme në planet. Skuadra nga Rio de Zhaneiro siguroi pak ditë më parë shërbimet e kapitenit të Brazilit Dani Alvesh, ndërsa befasia e radhës vjen nga Spanja.

Në mënyrë krejt të papritur, San Paolo, zyrtarizoi firmën me ish-mbrojtësin e Atletiko Madrid Huanfran. 34-vjeçari kishte arritur një akord paraprak me një skuadër amerikane, por oferta e Sao Paolos bëri që spanjolli të ndryshonte destinacion.

São Paulo será #LaCasaDeJuan até dezembro de 2020 ??

Saiba mais: https://t.co/GI2j0illXN pic.twitter.com/o6nZp23upr

— São Paulo FC (@SaoPauloFC) August 3, 2019

Kampionati brazilian ose siç njihet ndryshe “Brasileirao” ka zhvilluar deri më tani 12 jave dhe Sao Paolo ndodhet në vendin e pestë tetë pikë larg kryesuesve dhe kampionëve në fuqi të Palmeiras.

Krahas Dani Alvesh dhe Huanfran, Sao Paolo ka në kontingjentin e saj lojtarë të tjerë me emër si sulmuesi i njohur Aleksandre Pato, ish-mesfushori i Lacios dhe Juventusit, Hernanes.

57 biznese të bllokuara dhe gjobë 2 mln euro, Ronaldinjo e pëson keq!

Sport Ekspres — Fri, 02 Aug 2019 18:13:39 +0000

Legjenda e futbollit, Ronaldinjo, është dënuar sot nga shteti i Brazilit për shkak të një pagesë takse të vonuar. 39-vjeçari është gjobitur me 2 milionë euro, si dhe i janë bllokuar 57 asete nga shteti amerikano-latin. Për më tepër, Ronaldinjos i është bllokuar dhe pasaporta dhe nuk ka të drejtë të lëvizë jashtë Brazilit.
Një situatë tepër kaotike kjo për legjendën e futbollit, i cili ishte futur thellë në botën e biznesit dhe synonte të ishte i suksesshëm. Ronaldinjo u tërhoq nga futbollit në vitin 2014 dhe që nga ajo periudhë, problemet për të kanë qenë të shumta.

Ronaldinjo ka marrë dhe një urdhër për pagesat e të gjitha taksave të fshehura dhe pritet që kjo situatë kaotike e yllit brazilian, të marrë fund shumë shpejt.

Një hall më pak për Nejmar, policia braziliane jep lajmin e mirë

Sport Ekspres — Tue, 30 Jul 2019 07:58:55 +0000

Autoritet policore në Brazil kanë mbyllur hetimet mbi akuzat mbi përdhunim që u bënë ndaj futbollistit brazilian Nejmar. Arsyeja për këtë vendim është fakti se autoritet i kanë cilësuar të pamjaftueshme provat e krimit që u janë vënë në dispozicion.

Telashet për Nejmar filluan në muajin maj, kur një modele braziliane akuzoi futbollistin e PSG-së për përdhunim. Sipas saj ngjarja ndodhi në një prej hoteleve më luksoz të Parisit.

Nejmar u mor në pyetje nga policia braziliane, ndërsa më pas u kundërpërgjigje akuzave duke akuzuar modelen braziliane për shpifje.

Pasuesi i Pepe, Lil “hap thesin” për sulmuesin e Brazilit

Sport Ekspres — Mon, 29 Jul 2019 09:59:17 +0000

Lilë është gati të shesë Nikolas Pepe për shumën e 80 milionë eurove. Sulmuesi nga Bregu i Fildishtë është mes Arsenalit dhe Napolit, por “topçinjtë” janë në avantazh për të siguruar shërbimet e tij.

Klubi francez do të luajë në grupet e Champions Ligës sezonin që pritet të nisë dhe ka piketuar zëvendësuesin e Pepes. Drejtori sportiv, Luis Kampos ka fluturuar drejt Brazilit ditën e diele për të mbyllur akordin me një lojtar, i cili ka edhe pasaportë europiane raporton gazetari Manu Lonjon.

Emri i sulmuesit nuk bëhet i ditur, por dyshohet se është Everton Soares. Sulmuesi i Gremios vlerësohet 40 milionë euro. Për të interesohen disa klube europiane, ndërsa Milani e monitoronte prej kohësh.

Kërkesat e larta të Gremios i kanë stepur të gjithë. Përveç Lilës, që ka vendosur të zëvendësojë Pepen dhe të investojë te lojtari latin që shkëlqeu me Brazilin në Kupën e Amerikës.

Lille Sporting Director Luis Campos flew to Brazil yesterday for talks to sign an unnamed Brazilian attacker who has a European passport, according to @ManuLonjon. This player would appear to be the priority Nicolas Pépé replacement.

— Get French Football News (@GFFN) July 28, 2019

“I sigurt që do bëjë mirë te Milani”, trajneri e zyrtarizon

Sport Ekspres — Mon, 29 Jul 2019 09:30:42 +0000

Milani po kërkon prej kohësh një qendërmbrojtës. Kuqezinjtë e kanë gjetur atë në Brazil, tokë që i ka dhuruar gjithnjë futbollistë cilësorë atyre. Leo Duarte është 23 vjeç, luan si titullar fiks i Flamengos dhe ka cilësi të mëdha në fazën defensive.

“Globoesporte” raportoi para tre ditësh se akordi mes dy klubeve është arritur dhe Milani do të derdhë në arkat e klubit brazilian 12 milionë euro. Diçka e tillë është konfirmuar edhe nga trajneri i Flamengos.

“Jam shumë i sigurt që Duarte do të bëjë mirë te Milani”, është shprehur Horge Zhezus, duke “zyrtarizuar” në një farë forme transferimin e Duartes në Milanelo.

Sampaoli vë rekord, i pari trajner i pezulluar nga kartonët e verdhë

Sport Ekspres — Mon, 29 Jul 2019 08:18:18 +0000

Horhe Sampaoli njihet për karakterin e tij plot energji dhe ekspresiv gjatë ndeshjeve. Ish-trajneri i Argjentinës tani vijon karrierën në Brazil, ku drejton një ndër ekipet më të mëdha si Santos. Pas një fillimi të lëkundur situata është stabilizuar dhe skuadra po luan një futboll që konsiderohet më i bukuri në Brazil.

Pavarësisht kësaj trajneri argjentinas nuk ka treguar shenja vetëpërmbajtje. Në fitoren 3 – 1 kundër Avait, 59-vjeçari u ndëshkua me kartonin e tretë të verdhë, duke plotësuar numrin e nevojshëm të kartonëve për një pezullim.

Në muajin qershor, FIFA vuri në fuqi rregulloren e re ku tani edhe trajnerët mund të ndëshkohen me kartonë, pra s’do ketë më paralajmërime si dikur. Me këtë rregull synohet që trajnerët në mbarë botën të ndërgjegjësohen mbi veprimet e tyre. Sampaoli është i pari trajner në Brazil që pezullohet për shkak se grumbulloi 3 kartonë të verdhë.

“Kërkoj punë, ku ta dërgoj CV-në time?”, braziliani nuk “duron” më

Sport Ekspres — Sat, 27 Jul 2019 11:08:11 +0000

Dani Alvesh ka më shumë se një muaj si i papunë pas mbylljes së kontratës me PSG dhe akoma nuk ka arritur marrëveshje me asnjë klub. Barcelona dhe Juventusi janë dy kanditatët potencialë për të përfituar nga shërbimet e tij.

36-vjeçari vazhdimisht na tregon se mosha nuk ndikon fare te ai, duke “kërcyer” samba në fushë e kënaqur tifozët, që nuk reshtin së pari harmoninë e lëvizjeve të tij. Megjithatë, Alvesh njihet edhe për personalitetin e veçantë që ka.

Diçka që e tregon herë pas here edhe në rrjetet sociale, ku bën shaka të ndryshme. Këtë herë ka qenë radha e përdorimit të Instagramit për të gjetur punë, që ta vendosur në CV-në e tij.

“Po kërkoj punë, ku mund ta shtoj në CV-në time. Dikush që ka kohë ta lexojë, le të më përgjigjet”, shkruan ylli latin në postim, ku i dërgon një mesazh të qartë klubeve të mëdhenj të Evropës.

View this post on Instagram

Busco emprego, onde coloco meu currículo? Alguém me avisa aí se tem tempo de ler!! ??? #GoodCrazyMood

A post shared by DanialvesD2 My Twitter (@danialves) on Jul 26, 2019 at 2:53pm PDT

Filipe Luis i jep fund pritjes, konfirmon skuadrën e re

Sport Ekspres — Tue, 23 Jul 2019 07:03:41 +0000

Filipe Luis vendosi t’i japë fund 14 vite qëndrim në Europë. Negociatat për rinovim me Atletikon nuk rezultuan të frytshme, ndërsa Barcelona u tërhoq në momentin e fundit, duke e shtyrë 33-vjeçarin që këto vite të fundit të karrierës së tij t’i kalojë në Brazil.

Flamengo përflitej si ekipi i ri i mëngjarashit, por së fundmi është konfirmuar nga vetë mbrojtësi që me anë të një fotoje në Instagram shihet teksa ka veshur bluzën e Flamengos së bashku me dy yjet e tjerë brazilian Paketa dhe Dani Alvesh.

“Gjiganti” nga shteti federal i Sao Paolos është ekipi më i pasur në Brazil gjatë viteve të fundit. Krahas Filipe Luis, Flamengo ka siguruar shërbimet e lojtarëve si ish-mbrojtësi i Bajernit Rafinja dhe ish-sulmuesi i CSKA-së së Moskës, Vitinjo.

Surpriza e nxehtë e Filipe Kutinjos, njihuni me kushërirën Tereza

Sport Ekspres — Mon, 22 Jul 2019 09:32:43 +0000

Një tjetër yll po merr famë në familjen e futbollistit të njohur brazilian Filipe Kutinjo. Bëhet fjalë për kushërirën e tij Tereza Kutinjo. Bukuroshja braziliane ka tërhequr vëmendjen e shumë medieve në Brazil me anë të bukurisë dhe formave të saj. Karriera e saj në fushën e modelingut, dhe me siguri do të korrë sukses.

Shmanget “Çapekoense 2”, momente tmerri për kampionët e Brazilit

Sport Ekspres — Sun, 21 Jul 2019 14:40:07 +0000

Brazili ka qenë pranë një tjetër tragjedie futbollistike, por për fat të mirë e keqja e madhe është evituar. Kampionët e Palmeiras ishin nisur drejt Argjentinës, aty ku do të luajnë ndeshjen e Kupës Libertadores kundër Godoi Kruz, në orën 02:30 të ditës së mërkurë.

Avioni me të cilin po fluturonte ekipi, stafi teknik dhe drejtues të klubit ka hasur probleme gjatë udhëtimit për në Mendoza. Momente paniku dhe tmerri, ndërkohë që të gjithëve ju është kujtuar tragjedia e ndodhur me ekipin e Shapekoenses në vitin 2016.

Ekipi brazilian po fluturonte drejt Kolumbisë për të luajtur finalen e Kupës Sudamerikana, por avioni u përplas dhe 71 persona humbën jetën.

Për t’u rikthyer te Palmeiras. Kampionët e Brazilit kanë parë vdekjen me sy. Avioni nuk ka mundur të ulet në pistën e Mendozës. Dy herë ka provuar piloti, por pa sukses. I detyruar është ngritur përsëri në qiell për t’u ulur në pistën e Rosarios.

Disa nga anëtarët e klubit janë ndjerë keq dhe kanë marrë mjekimet e nevojshme. Ndeshja nuk dihet ende se ku do të luhet, ndërsa nuk përjashtohet një shtyrje e saj.

Alvesh i kthehet Mesit: Je miku im, por ki respekt

Sport Ekspres — Tue, 09 Jul 2019 08:57:26 +0000

Në momentin që flet një njeri si Lionel Mesi aq ashpër e gjithë bota gumëzhin nga diskutimet. Mesi lëshoi akuza për korrupsion ndaj Brazilit dhe CONMEBOL, pas atij kartoni të kuq që mori në ndeshjen e vlefshme për vendet tre dhe katër të Kupës së Amerikës ndaj Kilit.
Pas kësaj deklarate, mes shumë personaliteteve të sportit, ka reaguar edhe Dani Alvesh. Ndryshe nga rasti i parë, këtë herë mbrojtësi është shfaqur mjaft kritik ndaj Mesit. Ai shprehet se përtej shoqërisë së madhe me yllin argjentinas, ky i fundit ka fyer kombëtaren e Brazilit, CONMEBOL dhe shumë njerëz që kanë dhënë shumë për të qenë aty në ato momente.

“Një mik nuk ka gjithmonë të drejtë vetëm për shkak se është një i tillë. Mesi mund ta ketë thënë atë në moment nxehtësie, por unë përsëri nuk pajtohem me fjalët e tij. Së pari, sipas mendimit tim ai ka treguar mungesë respekti ndaj një institucioni si Seleçao.”

“Së dyti, ai nuk ka respektuar ato profesionistë, që lënë gjithë ato gjëra pas për të qenë aty, duke luftuar për ëndrrën e tyre. Unë nuk jam ai shok që tregon gjithmonë të vërtetën kur është e duhur për të. Mendoj se Mesi gaboi kur foli në këtë mënyrë”, deklaroi Dani Alvesh.

Thumbimi i radhës: Pse ka heshtur Mesi te Barça?!

Sport Ekspres — Mon, 08 Jul 2019 19:58:10 +0000

Polemikat Brazil-Argjentinë nuk kanë fund. Ekipi i Tites fitoi Kupën e Amerikës për herë të nëntë në histori dhe tifozët kanë festuar gjatë.

Megjithatë, deklaratat e Leo Mesit kanë trazuar ambientin e Brazilit. Kapiteni i Argjentinës dhe Barcelonës “shpërtheu” kundër gjykimit dhe theksoi ndihmën e madhe që po i jepej Brazilit në këtë kompeticion.

Pas Tites dhe Tiago Silvës, ka qenë radha e Markinjos për t’i kthyer përgjigje “pleshtit”. Mbrojtësi i PSG-së ka folur qartë dhe pastër, duke i bërë thirrje Mesit të pranojë verdiktin e fushës.

“Është acaruese që një lojtar si Mesi ankohet për padrejtësi. Barcelona dhe Argjentina kanë patur shpesh episode në favor të tyre, por Leo nuk ka folur kurrë për korrupsion. Ai humbi dhe duhet ta pranojë, ashtu siç bëmë ne kur na mposhti Belgjika në Botëror. Ta bën humbja këtë gjë, i vihet faji arbitrit për të hequr përgjegjësitë”, përfundon Markinjos.

“Mesi na trishtoi, e harroi fitoren 6-1? Brazili s’i ka rastësisht 5 yje”

Sport Ekspres — Mon, 08 Jul 2019 09:52:10 +0000

Deklaratat e Leo Mesit për korrupsion dhe favorizim të Brazilit nga arbitrat nuk ju kanë pëlqyer kampionëve të Amerikës.

Pas trajnerit Tite ka qenë radha e Tiago Silvës për t’iu përgjigjur kapitenit argjentinas. Mbrojtësi i PSG-së i kujton Mesit humbjen 6-1 të ekipit të tij në Barcelonë, çka solli eliminimin e turpshëm të kampionëve të Francës nga Champions Liga.

Arbitri lehtësoi përmbysjen e çmendur të Mesit me shokë, por Tiago Silva thekson se kurrë nuk u deklarua për favorizim të ekipit katalanas.

“Ndonjëherë në humbje, përpiqemi të merremi me të tjerët. Nuk mendoj se Mesi foli në atë mënyrë nga padija, por ne jemi të trishtuar nga ajo çfarë dëgjuam. Në ndeshjen që PSG humbi 6-1 me Barcelonën, Mesi bëri edhe rolin e arbitrit dhe ishte diçka qesharake.

Ne nuk deklaruam se arbitri ishte me Barcelonën. Mendoj se çdokush duhet të tregojë respekt. Brazili nuk i ka rastësisht 5 Botërorë, asnjë prej tyre nuk është vjedhur. Gjithçka është fituar në fushën e blertë“, përfundon mbrojtësi 34-vjeçar.

Tite replikon me Mesin: Jashtëtokësor, por të pranojë humbjen

Sport Ekspres — Mon, 08 Jul 2019 09:20:17 +0000

Brazili mposhti 3-1 Perunë në finalen e Kupës së Amerikës. Triumfi i nëntë për vendasit në këtë kompeticion, edhe pse asgjë nuk ishte e thjeshtë, pasi Peruja zhvilloi një ndeshje të madhe dhe dha maksimumin e saj.

Festë e madhe në vendin e “sambës”, ndërsa trajneri Tite ka dashur të replikojë diçka me Leo Mesin. Ylli argjentinas nuk i kurseu kritikat kundrejt arbitrave dhe akuzoi Brazilin për mbështetje.

Tite nuk bie dakord dhe e shpjegon në këtë mënyrë mendimin e tij, pavarësisht se nuk jep asnjë koment për dy penalltitë që iu mohuan Argjentinës në duelin gjysmëfinal.

“Mesi është një jashtëtokësor i vështirë për t’u markuar, por duhet të tregojë më shumë respekt në këto situata. Ai duhet ta pranojë humbjen dhe të ruajë qetësinë. Nuk duhej ndëshkuar me të kuqe kundër Kilit, jam dakord me të, por nëse flasim për ndeshjen kundër nesh, Leo ka pësuar vetëm 3 faulla.

I katërti pastaj, ai i Kasemiros, nuk ishte por e dhanë gjithsesi. Aty lindi edhe goditja me kokë e Agueros, që përfundoi në traversë. Brazili im ka luajtur në mënyrë korrekte kundër Argjentinës dhe kjo është e padiskutueshme”, përfundoi trajneri i kombëtares braziliane.

VIDEO | Brazili kthehet në fron, Kupa e Amerikës njolloset nga arbitrat

Sport Ekspres — Sun, 07 Jul 2019 21:58:56 +0000

Brazili është shpallur fitues i trofeut të “Copa America” për të nëntën herë në histori. “Seleçao” mundi në finale Perunë me rezultatin 3 – 1. Suksesin e bën më të bukur fakti që Brazili e fiton turneun si vend organizator.

Everton zhbllokoi i pari rezultatin në minutën 15-të, por Peruja barazon me anë të një 11-metërshi. Në sekondat e fundit të pjesës së parë Zhezuz rikthen në avantazh Brazilin.

Në pjesën e dytë protagonist i ndeshjes u kthye arbitri kilian Roberto Vargas Tobar, i cili në mënyrë të pashpjegueshme nxori me të kuqe sulmuesin Gabriel Zhezuz në minutën e 70-të. Disavantazhi numerik nuk ndikoi në rezultatin përfundimtar, madje Brazili thelloi diferencën në minutat e fundit me anë të Riçarlison.

Finalja e “Copa America”
Brazil 3 – 1 Peru
Shënues: Everton 15′ , Zhezuz 45+1′, Riçarlison 90′ (pen) / Guerrero 44′

90′ – Riçarlison shënon golin e tretë për Brazilin.

70′ Kartoni i kuq i Gabriel Zhezuz

45+1′ Gabriel Zhezuz rikthen Brazilin në avantazh!

44′ – Guerrero barazon për Perunë.

15′ – Everton zhbllokon rezultatin. Harkimi i Gabriel Zhezuz shfytëzohet nga sulmuesi anësor, i cili e ka të lehtë të shënojë i vetëm përballë portës së peruanëve.

VIDEO | Arbitrat shëmtojnë finalen, e pëson…Brazili

Sport Ekspres — Sun, 07 Jul 2019 21:46:09 +0000

Gafat e arbitrave në “Copa America” nuk kanë munguar as në finalen midis Brazilit dhe Perusë. Arbitri kilian Roberto Vargas Tobar ka shokuar të gjithë duke nxjerrë me të kuqe sulmuesin Gabriel Zhezuz pas një kontakti të sulmuesit me një prej lojtarëve të Perusë. Futbollisti i “Seleçaos” shpërtheu në lot gjatë largimit nga fusha.

“Shpërthen” Mesi: Të korruptuar, gjithçka bëhet për të ndihmuar Brazilin

Sport Ekspres — Sat, 06 Jul 2019 21:48:38 +0000

Lionel Mesi nuk është kursyer në akuza ndaj “CONMEBOL” në përfundim të ndeshjes kundër Kilit, ku “pleshti” u ndëshkua me të kuqe pas një momenti tensioni me Geri Medel. Kapiteni argjentinas i tha gjërat troç duke i cilësuar arbitrat e turneut të korruptuar pasi po favorizojnë haptazi Brazilin, ndërsa për kartonin e kuq, Mesi tha se ai ishte çmimi që ai e dinte se do të paguante për ato çka tha pas eliminimit nga Brazili.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT – “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

Ankesë zyrtare, Argjentina nuk e mbyll me kaq me arbitrin

Sport Ekspres — Wed, 03 Jul 2019 20:15:43 +0000

Argjentina i dha lamtumirën Kupës së Amerikës mëngjesin e sotëm, duke u mundur 2-0 nga Brazili vendas. Ndeshja nuk ishte aq e pastër sa rezultati. Ekipi bardhekaltër pati disa raste të pastra për shënim, por fati nuk e ndihmoi aspak. Përveç fatit, edhe gjyqtari pati një ndikim të madh në rezultatin e kësaj ndeshje.

Argjentina pretendon për dy penallti të padhëna nga gjyqtari. Aksioni i golit të dytë të Brazilitt nisi nga një penallti ndaj Agueros. Madje arbitri ekuadorian Rody Zambrano nuk preferoi as të konsultohej me sistemin “VAR”. E gjithë kjo e ka acaruar federatën argjentinase të futbollit. Ata kanë bërë një postim në “Twitter” me mbishkrimin, “Ne pamë të njëjtën gjë si ju”, ku i drejtohet tifozëve.

Të shumtë ishin komentuesit që këshillonin një ankesë në rrugë zyrtare te qeveria e futbolit amerikano jugor, “CONMEBOL”. Dhe kështu do të ndodhë. Zyra ligjore e kësaj federate do të hartojë një ankesë zyrtre për gjykimin tepër të njëanshëm të kësaj ndeshje, sipas tyre.

“Paketa është një fenomen i vogël, ju tregoj rolin e tij natyral”

Sport Ekspres — Wed, 03 Jul 2019 14:40:40 +0000

Ziko është një nga emrat më të mëdhenj të Brazilit në futboll. Ish-organizatori i famshëm është ndalur të japë një koment dhe mendimin e tij për Lukas Paketën.

Pavarësisht se 21-vjeçari i Milanit qëndroi në stol gjatë fitores 2-0 kundër Argjentinës, triumf që kualifikoi Brazilin në finalen e madhe të Kupës së Amerikës, Ziko nuk i kursen elozhet për të.

“Paketa është një fenomen i vogël dhe ka arritur ta menaxhojë shumë mirë krahasimin që i bëjnë njerëzit me Kaka. Ka gjithçka për t’u bërë një futbollist i madh. Nuk është një trekuartist, por një numër 8. Mund të shënojë shumë gola me inkursionet e tij, mos të harrojmë që ka edhe një goditje të mirë me kokë”, përfundon Ziko.

“E kuptoj Mesin, arbitri ishte më nervoz se ne”, Alvesh i habit të gjithë

Sport Ekspres — Wed, 03 Jul 2019 13:20:05 +0000

Një ndeshje Brazil-Argjentinë mbetet unike dhe përballje e zjarrtë pavarësisht kompeticionit ku luhet apo formës së skuadrave. Gjysmëfinalja e Kupës së Amerikës u fitua nga kombëtarja e “sambës”, ndërsa të gjithë argjentinasit ndihen të pikëlluar.

Mbi të gjitha për arbitrin e ndeshjes. Vetë Leo Mesi, një personazh i cili nuk merret pothuajse kurrë me gjykimin, shpërtheu në akuza të rënda kundrejt arbitrit kryesor, i cili i mohoi dy penallti të pastra kombëtares “albiceleste”.

Në mbrojtje të ish-shokut të skuadrës te Barcelona ka dalë Dani Alvesh. Kapiteni i Brazilit pranoi në një farë mënyre gabimet e trupës së arbitrave.

“Arbitri ishte më i nervozuar se ne, unë e kuptoj Leon. Kur Brazili humbet, humbasim të gjithë bashkë. Ndryshon puna me Argjentinën. Kur ata humbasin, duket sikur humbet vetëm Mesi. Ata kishin shanset e tyre për të shënuar, por fati ishte me ne. Tani na mbetet edhe një betejë për të fituar trofeun”, përfundon Dani Alvesh, i cili ka luajtur dhe fituat shumë me Leo Mesin tek ekipi i Barcelonës.

Ironia e Riçarlison: Ne në finale, Argjentina le të ankohet gjithë jetën

Sport Ekspres — Wed, 03 Jul 2019 08:33:50 +0000

Dy golat e Gabriel Zhezus dhe Roberto Firminjos i dhanë fitoren Brazilit kundër Argjentinës dhe kualifikuan vendasit në finalen e madhe të Kupës së Amerikës.

Festë “samba”, por edhe protesta pafund nga kombëtarja “albiceleste” që pretendon për dy penallti të padhëna kundrejt Agueros dhe Otamendit.

Riçarlison ndihet i lumtur për fitoren. Sulmuesi i Evertonit e ndoqi klasiken e famshme nga stoli dhe as që ia ndjen për komentet e rivalëve të urryer të Argjentinës.

“Ata po ankohen për gjykimin, por le të flasin sa të duan. Në finale është Brazili, ndërsa Argjentina të ankohet për pjesën e mbetur të jetës”, thekson 22-vjeçari duke mos e kursyer ironinë.

Without a doubt, like here; when Alves should’ve been sent off with a second yellow and Argentina should’ve been given a pen, but instead it wasn’t reviewed and was let go which led to a brasil goal. Why supply VAR when its gonna be ignored in times when its needed? pic.twitter.com/DeT7TJC4Et

— Alvino Bambino (@ClassicPlayzYT) July 3, 2019

Segundo penal no cobrado a #Argentina. Codazo de Arthur a Otamendi. Detestable @CONMEBOL pic.twitter.com/vBKuy1v4L9

— JD? (@JuanDisciascio_) July 3, 2019

ZYRTARE | Atletiko zëvendëson Filipe Luis, Simeone vë “bast” me talentin brazilian

Sport Ekspres — Fri, 28 Jun 2019 19:24:22 +0000

Kërkimi i Atletikos së Madridit për zëvendësuesin e Filipe Luis është drejt fundit. Klubi madrilen njoftoi arritjen e akordit me Atletiko Paranaensen për transferimin e mbrojtësit Renan Lodi.

Futbollisti 21-vjeçar ka qenë një ndër mbrojtësit më të mirë në kampionatin brazilian dhe mosha e re e bën një lojtar akoma më të lakmuar. Negociatat për transferimin e Lodit kishin filluar muaj më parë, por klubi brazilian refuzoi ofertën e parë prej 20 milionë eurosh të Atletikos.

? Principio de acuerdo con el @AthleticoPR para el traspaso de Renan Lodi
? https://t.co/th4Er2sD7Q #AúpaAtleti pic.twitter.com/DBcz6zNskO

— Atlético de Madrid (@Atleti) June 28, 2019

Sipas medieve spanjolle akordi mes palëve është gjetur për shifrën e 30 milionë eurove. Interes për Lodin shfaqën shumë klube evropiane, por në fund ka zgjedhur t’i bashkohet skuadrës së drejtuar nga Diego Simeone.

VIDEO | “Show” i Brazilit, pesë “plumba” ndaj Perusë

Sport Ekspres — Sat, 22 Jun 2019 21:16:13 +0000

Brazili ka siguruar kalimin për në fazën e çerekfinaleve të “Copa America”. Seleçao mundi me rezultatin e thellë 5 – 0 Perunë, ndërsa ndeshje tjetër e këtij grupi Bolivisë dhe Venezuelës përfundoi me fitoren 1 – 3 të këtyre të fundit që kalojnë më tej si vendi i dytë në grup.

Ndeshja filloi më mirë për peruanët të cilën befasuan duke rrezikuar në dy raste portën e Alison. Megjithatë, goli i Kasemiros në minutën e 12 ndryshoi gjithçka. Pak minuta më vonë Firmino shënon golin e dytë për Brazilin, ndërsa spektaklin e vërtetë e jep Everton, i cili çon në 3 – 0 shifrat me një “predhë” nga distanca.

Pjesa e dytë nis me festë për brazilianët. Kapiteni Dani Alvesh gjen golin pas një depërtimi në zonën e Perusë. Pas disa minutash qetësi Uilliam i ardhur nga stoli shënon golin e pestë për tijtë. Zhezuz mund të çonte shifrat në 6 – 0 në minutat shtesë, por sulmuesi i Sitit u tregua i pasaktë nga pika e bardhë.

Brazil 5 – 0 Peru
Shënues: Kasemiro 12’, Firmino 19’, Everton 32’, Alvesh 53’, Uillian 80’

“Everton kërkon Everton”, rastësi interesante në merkato

Sport Ekspres — Sun, 16 Jun 2019 18:19:28 +0000

Klubi i Evertonit po bëhet gati të ndërhyjë në merkato për të përforcuar repartin e sulmit. Drejtuesit e skuadrës nga Liverpuli duan të shtojnë një brazilian të tretë në skuadrën e tyre pas Bernard dhe Riçarlison.

Sipas “Globo”, objektivi i Evertonit është sulmuesi i Gremios Everton Soaresh. Natyrisht ajo që bie në sy është fakti se emri i futbollistit është i njëjtë me emrin e klubit diçka që është bërë objekt humori në rrjetet sociale.

Everton është një ndër futbollistët më të mirë në kampionatin brazilian. Paraqitje e mira të 23-vjeçarit i siguruan një ftesë nga përfaqësuesja e Brazilit për në turneun “Copa America”, ku Everton shënoi një super gol në takimin hapës ndaj Bolivisë.

Për brazilianin janë të interesuar shumë klube të tjera në Europë, por te Gremio po tregohen kokëfortë duke mos pranuar ofertat që nuk e kalojnë shifrën e 40 milionë eurove.

Fillon “Copa America”, Brazili i frikëson të gjithë

Sport Ekspres — Fri, 14 Jun 2019 19:32:25 +0000

Pak orë na ndajnë nga fillimi i turneut më të rëndësishëm në Amerikën e Jugut: “Copa America”. Edicioni i 46-të i këtij turneu do të zhvillohet në Brazil. 12 pjesëmarrës të ndarë nga tri grupe do të tentojnë ngritjen e trofeut.

Një pjesë e çuditshme e këtij turneu është pjesëmarrja e kombëtareve të Japonisë dhe Katarit. Në pamje të parë mund të duket një çmenduri, por kombëtaret nga kontinentet e tjera nuk janë diçka e re për këtë turne, ku në edicionet e shkuara kanë marrë pjesë Meksika, SHBA dhe Kosta Rika. Arsyeja për pjesëmarrjen e këtyre kombëtareve lidhet me të ardhurat e shtuara nga të drejtat televizive, e thënë ndryshe: paraja blen gjithçka në futboll!

Favoriti kryesor i turneut është Brazili. “Të zotët e shtëpisë” kanë ekipin më të fortë në letër, pavarësisht mungesës së yllit Nejmar dhe shumë vetë besojnë se ky është viti që “Seleçao” do të rikthejë trofeun e “Copa America” në Brazil pas 12 vitesh. Argjentina, Uruguai dhe Kolumbia janë rivalët kryesorë të skuadrës së drejtuear nga Tite . Takim i parë i këtij turneu do të jetë midis Brazilit dhe Bolivisë. Ndeshja zhvillohet në orën 2 të mëngjesit të së shtunës (në zonën kohore të Shqipërisë)

GLOBO:

The expected XI for Brazil’s opening match of the Copa América, which will take place tonight. pic.twitter.com/Zpbr4nuNmM

— Brasil Football ?? (@BrasilEdition) June 14, 2019

E pabesueshme në Brazil, gafë absurde e VAR-it!

Sport Ekspres — Thu, 13 Jun 2019 14:06:15 +0000

Përdorimi i sistemit VAR në futboll ka bërë që në një farë mënyre të vendoset drejtësia, të paktën për sa i përket pozicionit jashtë loje. Gjithsesi, në sfidën mes Internacionalit dhe Bahias në Serinë A braziliane ka shkaktuar polemika të shumta.

Vendasit e Internacional kaluan në avantazh në minutën e 18-të, gol që u anulua fillimisht nga gjyqtari për pozicion jashtë loje. Sidoqoftë, ishte sistemi VAR që njoftoi se goli ishte i rregullt dhe arbitri e akordoi, por me sa duket gaboi rëndë.

Nëse shohim përsëritjen e aksionit dhe momentin e pasimit, duket qartë që lojtari i Internacional është në pozicion të rregullt. Goli ka shkaktuar polemika të shumta në Brazil. Për sa i përket ndeshjes, sfida u mbyll me fitoren 3-1 të vendasve.

Akuzon Nejmar për përdhunim, modelja braktiset edhe nga avokati i dytë!

Sport Ekspres — Tue, 11 Jun 2019 13:54:25 +0000

Nejmar është “i mbytur” në probleme këto kohë. Pas dëmtimit, Najila Trindade është telashi më i madh për brazilianin. Modelja braziliane e akuzon yllin e PSG-së për përdhunim dhe çështja po ndiqet në gjykatë, ku Nejmar i është dashur të jetë i pranishëm përtej problemeve fizike që ka.
Megjithatë, një lajm i mirë më në fund ka ardhur për yllin e Parisit. Gjyqi për modelen po shkon në mënyrën më të keqe të mundshme. Ajo jo vetëm nuk po jep asnjë provë nga ato që kishte premtuar, por tashmë akuzon avokatin e saj Danilo Garsia Andrade se ka organizuar vjedhjen e tabletit ku ishte e ruajtur videoja e përdhunimit në një hotel në Paris.
Ky i fundit nëpërmjet një deklarate për mediat njofton tërheqjen e tij nga çështja dhe zbulon se Najila e akuzon për komplot. Andrade mohon gjithçka dhe hedh dyshime mbi egzistencën e videos.

“Do doja shumë që ta kisha unë atë tablet, për të parë videon e famshme të përdhunimit që nuk e ka parë askush dhe nuk e di as unë nëse ekziston”, u shpreh ai. Andrade ishte avokati i dytë i Najilas, sepse i pari e braktisi, duke akuzuar bukuroshen braziliane se kishte ndryshuar versionin e ngjarjeve.

VIDEO | “No Neymar No Problem”, Brazili shkërmoq Hondurasin

Sport Ekspres — Sun, 09 Jun 2019 21:15:10 +0000

Brazili ka argëtuar të pranishmit në Porto Alegre me një fitore spektakolare me shifrat 7 – 0 ndaj Hondurasit në një takim miqësor. Mungesa e të dëmtuarit Nejmar nuk u ndje në këtë ndeshje me Brazilin që dhuroi spektakël nga minuta e parë në të fundit.

Ky ishte takimi i fundit miqësor i Seleçaos para turneut “Copa America”, që do të fillojë më datë 15 qershor. Trofeu është detyrim për skuadrën e Tites, pasi ky turne këtë vit zhvillohet në Brazil.

BRAZIL 7 – 0 Honduras
Shënues: Zhezuz 6’, 47’, Silva 13’, Kutinjo 37’ (pen), Neres 56’, Firmino 65’, Riçarlison 70’

“Zgjuan gjithë lagjen”, problemet e Brazilit nuk kanë fund

Sport Ekspres — Fri, 07 Jun 2019 18:59:25 +0000

Ditën pas fitores ndaj Katarit lojtarët e kombëtares braziliane e kishin pushim. Të gjithë këtë liri të dhënë nga trajneri Tite, Gabriel Zhesus e ka shfrytëzuar për të festuar në një parti me muzikë të lartë dhe për të lënë banorët përreth pa gjumë.
Siç raportohet nga mediat braziliane, policia ka ndërhyrë për të ndaluar muzikën me zë shumë të lartë. Banorët përreth kanë njoftuar forcat e rendit, pasi ishin të shqetësuar nga zhurma që krijohej. “Muzika ishte aq e lartë sa zgjoi gjithë lagjen. Çdo pesë minuta vinte një makinë me prostituta. Policët janë heronjtë tanë”, u shpreh një qytetar.

Në momentin e ardhjes së forcave të rendit shumica e të ftuarve kanë mbuluar fytyrën. I vetmi që është dalluar është Zhezuz, ndërkohë që dyshohet të kenë qenë të pranishëm edhe lojtarë të tjerë brazilianë.

Federata e Futbollit të shtetit latin është munduar të mos përzihet. Ata shprehen se futbollistët nuk kanë thyer rregullat e grumbullimit sepse ajo ishte një ditë pushimi. Shtojnë se është çështje private mënyra sesi ata dëshirojnë ta kalojnë kohën.

“Nuk e ka gjendjen e duhur psikologjike”, Nejmar merr një tjetër tronditje!

Sport Ekspres — Wed, 05 Jun 2019 07:47:17 +0000

Nejmar Zhunior është çështja kryesore te Brazili aktualisht, me yllin e sulmit që akuzohet për përdhunim, ndërkohë që Kupa e Amerikës është në prag.

Hetimet po vijojnë për sa i përket çështjes së përdhunimit, ndërsa nga Kombëtarja Tite ka dhënë shenja të dyshimta në lidhje me pjesëmarrjen e Nejmar në Kupën e Amerikës.

??¡¡ÚLTIMA HORA!! Novelletto, vicepresidente de la Federación brasileña, cree que NEYMAR NO DISPUTARÁ la COPA AMÉRICA: “No está en CONDICIONES psicológicas”. pic.twitter.com/DMQaOsX4bV

— El Chiringuito TV (@elchiringuitotv) June 5, 2019

Dyshimeve të Tites, i shtohet edhe deklrata e zëvednës presidentit të Federatës braziliane të futbollit. Ky i fundit ka deklaruar për mediat vendase që Nejmar nuk është në gjendjen e duhur psikologjike për të qenë në Kupën e Amerikës.

Diçka e tillë do të ishte padyshim tronditëse për Nejmar, me brazilianin që është një ndër lojtarët më të rëndësishëm të Kombëtares së tij, që këtë edicion të Kupës së Amerikës e organizon në shtëpi.

VIDEO | Turpëroi Nejmarin në stërvitje, njihuni me adoleshentin që po çmend Brazilin

Sport Ekspres — Wed, 29 May 2019 15:24:04 +0000

Në harkun e më pak se 24 orëve, një djalosh 19-vjeçar i quajtur Ueverton Guijerme është kthyer në një fenomen në të gjithë Brazilin. Arsyeja për këtë është një video ku ai teksa i kalon topin mes këmbëve yllit brazilian Nejmar. Futbollisti i PSG-së nuk e përtypi aspak lehtë këtë dhe reagoi duke e e rrëzuar me duar adoleshentin.

Megjithatë, reagimi i Nejmar i ka shërbyer për mirë të riut që aktivizohet me ekipin rezervë të Kruzeiros. Me mijëra komentues kanë dënuar gjestin e Nejmar, ndërsa për 19-vjeçarin ka pasur vetëm komplimente. Reputacioni i Nejmar në Brazil ka pësuar një goditje shumë të rëndë për shkak të disa problematikave që sulmues pati me disa lojtarë të ekipit.

https://www.instagram.com/p/ByBVC4Ch0SR/?utm_source=ig_web_copy_link

Ueverton ende nuk ka debutuar në futbollin profesionist. Ftesa në stërvitjen e kombëtares braziliane erdhi si pasojë e faktit që disa futbollistë ende janë të grumbullim me klubet e tyre. Për të plotësuar numrin e lojtarëve në stërvitje, trajneri Tite grumbullon shpesh lojtarë premtues nga akademi të klubeve të ndryshme braziliane.

Leonardo s’ka shpëtim, në Itali nxjerrin lajmin e bujshëm

Sport Ekspres — Sat, 25 May 2019 17:39:49 +0000

Gjatë javëve të fundit lajmet mbi largimin e Leonardos nga klubi i Milanit kanë filluar të bëhen gjithmonë e më të shumta. Drejtori sportiv i “Djallit” duket se është në ditët e fundit në këtë post. Sipas “pianetamilan.it”, braziliani ka dhënë dorëheqjen disa javë më parë, pra ndryshe nga ç’është raportuar më parë, largimi i tij është sigurt, pavarësisht nëse Milani do ia dalë të sigurojë kualifikimin në Champions.

Sipas këtij burimeve të kësaj medie, kundërshtitë midis Leonardos dhe drejtorit të përgjithshëm Ivan Gazidis kanë bërë që braziliani të marrë këtë vendim si pasojë e mungesës së lirisë së veprimit dhe vendimmarrjes në klub.

Braziliani nuk ka përse të shqetësohet, pasi Leonardo është prej vitesh ka ndërtuar një reputacion që gëzon respekt në mbarë botën e futbollit. Federata braziliane e futbollit ka shfaqur interes për t’i dhënë një post drejtues, ndërsa emri i tij josh shumë klube në Francë si Marseja dhe Monako, por nuk përjashtohet as rikthimi te PSG për të zëvendësuar portugezin Antero Henrike.

VIDEO | Një fenomen 17-vjeçar shtang Brazilin, Liverpuli hidhet në sulm

Sport Ekspres — Sat, 25 May 2019 17:22:22 +0000

Brazili nuk ka resht së prodhuari talent të rrallë. “Diamanti” më i fundit që po përpunohet në vendin e Sambës është 17-vjeçari i Fluminenses, Zhoao Pedro. Në tri ndeshjet e fundit sulmuesi i talentuar ka shënuar gjashtë gola, ku spikat takimi i djeshëm ndaj Atletiko Nasional ku realizoi tripletën e parë si profesionist.

Ky “shpërthim” i papritur i 17-vjeçarit ka sjellë interesin e shumë klubeve të mëdha në Europë. Sipas medies së njohur braziliane “Globo”, Liverpuli është kthyer në favoritin kryesor për të siguruar shërbimet e sulmuesit.

https://www.youtube.com/watch?v=ZzmgupSFgA4

Megjithatë, ky transferim është tejet i komplikuar për shkak se në mes futet një palë e tretë. Bëhet fjalë për ekipin e Uotfordit. Skuadra nga qyteti në veri të Londrës ka arritur një marrëveshje paraprake për të blerë kartonin e Pedros, por Liverpuli mund të shfrytëzojë një klauzolë të kësaj marrëveshjeje për t’i rrëmbyer talentin Uotfordit.

Në këtë skenar, skuadra e Jurgen Klop duhet t’i paguajë një shumë parash të dyja klubeve, operacion ky që përflitet se mund të shkojë deri në 40 milionë euro, shumë e konsiderueshme për një 17-vjeçar.

Një legjendë mendon rikthimin te Milani

Sport Ekspres — Wed, 22 May 2019 21:46:56 +0000

Rikardo Kaka ka dy vite që është shkëputur nga futbolli. Braziliani pas tërheqjes është treguar pasiv sepse ka dashur t’i kushtojë kohën e munguar familjes. Ai tani po e mendon të kthehet në një rol drejtues pranë një klubi apo kombëtareje. Posti i drejtorit sportiv nuk do ishte keq.

Në një intervistë për “Fox Sport Brazil”, Kaka shprehet se po bën një kurs mbi çështjet menaxheriale sportive. Kthimi te Milani, atje ku ka bërë historinë nuk ka sesi të përjashtohet. Megjithatë një rol në kombëtaren e Brazilit do i pëlqente shumë. Në këtë mënyrë do ishte edhe pranë familjes.

“Po pregatitem për t’u kthyer në futboll, ndoshta si drejtor sportiv. Në gusht përfundoj një kurs për menaxhimin e sportit dhe do të shohim se ç’do të ndodhë më pas. Të filloja te Milani do të ishte shumë mirë. Si për historinë që kam me atë klub, ashtu edhe për prestigjin që kanë në botën e futbollit. Megjithatë më është bërë e vështirë të jem për shumë kohë larg familjes. Një post te kombëtarja e Brazilit? Do e mendoja këtë”, u shpreh ish-fituesi i “Topit të Artë”.

Tite befason me listën e Brazilit, dy yje mbeten jashtë

Sport Ekspres — Fri, 17 May 2019 15:11:36 +0000

Trajneri i përfaqësueses së Brazilit, Tite, ka bërë publike listën me 23 futbollistët e grumbulluar nga ai për turneun “Copa America”, që do të fillojë më datë 16 qershor. Në listë nuk mungojnë surprizat, duke filluar nga reparti i sulmit.

Protagonisti i gjysmëfinales së Champions-it, Lukas Moura, është lënë jashtë grumbullimit. Tite ka vendosur të mbajë grupin e njëjtë në repartin e sulmit duke mbledhur lojtarët që kanë qenë pjesë e kombëtares në dy grumbullimet e fundit: Neres, Everton, Firmino, Gabriel Zhesus, Nejmar, Riçarlison.

Surpriza nuk ka as në mesfushë, ku grupi qëndron i pandryshuar. Ashtu si në grumbullimet e mëparshme. Të pesë lojtarët e këtij reparti luajnë në ligat e para evropiane: Alan, Artur, Kasemiro, Fernandinjo, Paketa, Kutinjo.

Në mbrojtje rikthehet Dani Alvesh, ndërsa vend ka dhe për Tiago Silvën, që siç duket do të riaftësohet në kohë pas operimit në gju. Jashtë ka mbetur mëngjarashi Marselo, zgjedhjet e Tites për këtë rol janë Aleks Sandro dhe Filipe Luis. “Copa America” do të filloj gjatë muajit të ardhshëm dhe Brazili është favoriti për ta fituar turneun, kjo jo vetëm për shkak të kualitetit, por edhe për faktin se eventi organizohet në vendin e sambës.

Portierë: Alison, Kasio, Ederson

Mbrojtës: Aleks Sandro, Daniel Alvesh, Eder Militao, Fagner, Filipe Luis, Markuinjos, Miranda, Tiago Silva

Mesfushorë: Alan, Artur, Kasemiro, Fernandinjo, Paketa, Kutinjo

Sulmues: Neres, Everton, Firmino, Gabriel Zhesus, Nejmar, Riçarlison

Lajm i keq për Brazilin, në ‘Copa America’ pa “shtyllën” e mbrojtjes

Sport Ekspres — Tue, 07 May 2019 19:26:43 +0000

Qendërmbrojtësi i kombëtares së Brazilit, Tiago Silva, ka mbyllur sezonit e tij me PSG-në. Lojtari është operuar ditën e sotme në gju.

Çuditërisht lajmi është bërë i ditur nga gruaja e lojtarit, e cila postoi disa foto në “Instagram”, ku 34-vjeçari shfaqej me paterica dhe i fashuar në pjesën e gjurit.

Ky dëmtim nuk mund të kishte ardhur në një moment më të keq për Silvën, i cili pritej të ishte pjesë e listës së Brazilit për trofeun “Copa America”. Trajneri i “Seleçaos”, Tite, do të shpallë listën e të grumbulluarve më datë 17 maj, ndërsa turneu fillon më datë 15 qershor.

Me shumë gjasa ky ishte shansi i fundit që Silva të ishte pjesë e kombëtares së Brazilit. Mosha e lojtarit të PSG-së ka filluar të bëjë të vetën dhe ndoshta ka ardhur momenti që t’i hapet rruga brezit të ri.

Fenomeni nuk e harron ish-ekipin: Ëndërroj të bëhem presidenti i klubit!

Sport Ekspres — Thu, 02 May 2019 12:24:06 +0000

Ronaldo po shijon sezonin e parë si president futbolli. Vajadolidi i tij po bën maksimumin për të qëndruar në elitën e futbollit iberik dhe është vetëm dy pikë larg.

Braziliani po zbavitet në këtë post, por ai ka një ëndërr të madhe. Diçka e tillë mund të ndodhë brenda 5-6 vitesh, ndërsa për momentin do të vazhdojë në krye të ekipit spanjoll.

Në një prononcim për “TV Globo”, fenomeni zbulon dëshirën e madhe. Ai ka luajtur me disa ekipe, por i fundit i ka mbetur në zemër. Flasim për Korinthias, ekip ky u aktivizua për tre sezone dhe aty ku mbylli karrierën si futbollist

“Besoj se një ditë mund të bëhem president i Korinthiasit. Projekti kërkon kohë, sepse kam një cikël për të përfunduar te Vajadolidi. Jam i bindur se mund të pasoj presidentin Andres, i cili po bën një punë shumë të mirë. Brenda 5 apo 6 vitesh, kur të jem kthyer në Brazil, mund ta realizoj këtë ëndërr.

Kam mbërritur te Korinthiasi në fazën e fundit të karrierës time, e cila ishte më e mirë për disa arsye. Kam ndërtuar një raport fantastik me klubin dhe tifozët, një raport që vijon edhe sot dhe që është një gjë e mrekullueshme. Ndihem i nderuar dhe krenar që kam arritur t’ua fitoj zemrat këtij grupi të çmendurish dhe falënderoj Zotin për gjithçka që më ka ndodhur.”

“Stërvitja e fundit si atlet”, tërhiqet në moshën 40-vjeçare braziliani i njohur

Sport Ekspres — Sat, 27 Apr 2019 12:50:19 +0000

Shumica mund ta kenë harruar, por ai vazhdon të luajë futboll. Flasim për Huan, mbrojtësin brazilian, i cili u aktivizua në Europë me Leverkuzenin dhe Romën. 40-vjeçari është kthyer që nga viti 2016 te Flamengo, ekip në të cilin nisi karrierën e profesionistit.

Huan ka vendosur t’i japë fund karrierës së tij të gjatë. Ai do të zbresë për herë të fundit në fushë përballë Kruzeiros, ndeshje që do të zhvillohet në orën 02:00 të natës.

“Stërvitja e fundit si atlet. Kishte ardhur koha…“, ka shkruar mbrojtësi në rrjetet sociale, aty ku nuk i kanë munguar urimet e Kaka, Gabigol dhe shumë lojtarëve të tjerë.

Huan fitoi një Kupë dhe Superkupë Italie me Romën, ndërsa shënoi 7 gola në 79 ndeshje të zhvilluara me kombëtaren braziliane, aty ku disa herë mbajti edhe shiritin e kapitenit.

View this post on Instagram

Último treino e última coletiva como atleta!! Tá chegando a hora…

A post shared by JUAN J4 (@j4juanoficial) on Apr 26, 2019 at 2:07pm PDT

VIDEO | VAR në Brazil, çfarë kaosi për një gol!

Sport Ekspres — Tue, 23 Apr 2019 11:38:13 +0000

Mbrëmjen e së dielës, në Brazil u zhvillua finalja e kampionatit të Katarinenses, ku përballeshin Avai dhe Shapekoense, ekipi që u bë i njohur edhe për tragjedinë famëkeqe të disa viteve më parë. Ndeshja përfundoi me shifrat 1-1 dhe ekipet iu drejtuan goditjeve të 11-metërshave.

Avai arriti të triumfonte, por Shapekoense ka bërë kërkesë që finalja të ripërsëritet, shkaku është…VAR. E lexuat mirë, shkaku është sistemi VAR. Një nga penalltitë e humbura të Shapes u vendos me VAR që nuk ishte gol, pasi teknologjia në vijën e portës nuk është në Brazil.

Pamjet janë të qarta nga video e mëposhtme, kështu që mund të gjykoni. Një kaos i vërtetë dhe një rast që zor se mund të ripërsëritet…

El VAR ha sido protagonista en Brasil, donde ha levantado una gran polémica al resultar decisivo en la final del campeonato Catarinense entre Chapecoense y Avaí. Chape pide que se repita la final. pic.twitter.com/hJMrEAJHn3

— Loco X El Fútbol (@locoxelfutbolGT) April 22, 2019