bratislava

Përmbysja nuk vjen, edhe Feronikeli jashtë Europa League

Sport Ekspres — Tue, 30 Jul 2019 18:03:25 +0000

Feronikeli është mposhtur edhe në shtëpi nga skuadra e Slovan Bratislava, me rezultatin 2-0. Kampionët e Kosovës duhet të përmbysnin humbjen 2-1 në shtëpinë e tyre, por nuk ia dolën dhe u eliminuan nga Europa League.

Bardhejeshilët bënë një paraqitje pozitive, por nuk arritën të shkonin te gola. Ndërsa miqtë shënuan dy herë, duke u treguar cinikë dhe duke u larguar të kualifikuar nga Prishtina. Golat për Bratislavën u shënuan nga De Marko (19’) dhe Holman (54’).

UEFA Europa League, kualifikuese

Feronikeli – S. Bratislava 0-2
De Marko 19’, Holman 54’

VIDEO | Feronikeli gardh vetëm 9 minuta, ndëshkohen nga një perlë

Sport Ekspres — Wed, 24 Jul 2019 16:31:29 +0000

Feronikeli luan në transfertë përballë Slovan Bratislavës, ndeshja e parë mes dy skuadrave e vlefshme për kualfikueset e UEFA Europa League. Vendasit janë dukshëm favoritë për këtë sfidë dhe iu kanë mjaftuar vetëm 9 minuta për të kaluar në avantazh.

Mesfushori Nono shënon një supergol nga goditja e dënimit, por “meritë” ka dhe muri i futbollistëve të Feronikelit, që e devijojnë topin për të nxjerrë nga trajektorja portierin e tyre.

S. Bratislava – Feronikeli 1-0
Nono 9’

Çmenduri, Slovan Bratislava braktiset nga serbët para Feronikelit

Sport Ekspres — Tue, 23 Jul 2019 20:00:34 +0000

Dy lojtarët serbë dhe trajneri Vladimir Radenkoviç i Slovan Bratislavës nuk do të jenë të pranishëm në dy ndeshjet përballë Feronikelit, të vlefshme për kualifikueset e Europa League. Ky fakt është bër i kryer nga vetë klubi i Bratislavës, që në një komunkatë për shtyp, shkroi:

Komunikatë për shtyp

“Lojtarët Aleksandër Çavriç dhe Dejan Draziç, si dhe trajneri Vladimir Radenkoviç do të respektojnë vendimin e qeverisë së Serbisë dhe nuk do të jenë të pranishëm në dy ndeshjet kundër KF Feronikelit. Klubi SK Slovan respekton vendimin e trajnerit dhe të dy lojtarëve, kështu që Çavriç, Draziç dhe Radenkoviç nuk do të jenë të pranishëm në asnjërrën nga ndeshjet përballë Feronikelit.

Ju kërkojmë tifozëve ta respektojnë këtë fakt dhe të kuptojnë arsyet e vendimeve të lojtarëve dhe trajnerit të klubit. Për të gjithë ne, kjo situatë është e pakëndshme, por duhet ta respektojmë këtë fakt”.