Brahimi

Refuzoi Milanin dhe Arsenalin, Brahimi largohet nga Europa

Sport Ekspres — Mon, 22 Jul 2019 08:20:54 +0000

Jasin Brahimi ka qenë një ndër lojtarët më të kërkuar të merkatos së verës. Sulmuesi anësor mbylli bashkëpunimin me Porton duke mos preferuar të rinovonte kontratën. Ofertat për 29-vjeçarin qenë të shumta me klubi si Milan, Arsenal dhe shumë të tjerë që treguan interes. Megjithatë, algjeriani ka zgjedhur të provojë luajë për herë të parë jashtë kontinentit evropian.

Sipas medies franceze “telefoot”, Brahimi ka pranuar ofertën e ekipit nga Katari, Al Rajan. Milionat nga sheikët e shtetit në Lindjen e Mesme kanë qenë të mjaftueshme që Brahimi të refuzojë oferta të ndryshme nga klube evropiane.

Në pesë sezonet e fundit, Brahimi ishte pjesë e Portos, ku u shpall dy herë lojtari më i mirë i kampionatit portugez.

Milani hedh sytë nga Porto, okazion për yllin e kampionatit portugez

Sport Ekspres — Wed, 06 Feb 2019 21:20:33 +0000

Trajneri i Milanit Xhenaro Gatuzo e ka bërë të qartë se ekipit të tij i mungon një sulmues krahu, për të kompletuar plotësisht “trinomin”, që tani ka pjesë të tij vetëm dyshen Suso-Piatek. Drejtuesi i lartë i “djallit”, Leonardo ka hedhur sytë drejt kampionatit francez e atij portugez për të zgjidhur këtë problem të ekipit të tij.

Krahas interesimit për sulmuesin anësor të Nicës, Alan Sent-Maksimin, një tjetër lojtar që i intereson Milanit është sulmuesi i Portos, Jasin Brahimi. Algjeriani është një ndër lojtarët më të mirë të skuadrës kampione në fuqi dhe një detaj më i rëndësishëm i këtij transferimi është se mund të kryhet me kosto 0.

Kontrata e Brahimit me Porton mbaron në fund të këtij sezoni dhe drejtuesve të Milanit u mjafton vetëm të bindin 28-vjeçarin. Një transferim me kosto 0 i leverdis shumë ekipit të Gatuzos, duke marrë parasysh bilancet e rënduara të skuadrës dhe raportin e keq të klubit me UEFA-n, që gjashtë muaj më parë vendosi t’i pezulloi nga kompeticionet europiane për shkak të thyerjeve të rregullave të “Financial Fair-Play”.

Mbas milionave të arkëtuara, Monako i futet merkatos

Sport Ekspres — Sun, 19 Aug 2018 12:19:25 +0000

Gjatë tri viteve të fundit Monako është kthyer në një minierë ari për pronarët rus. Klubi nga principata ka gjeneruar të ardhura të jashtëzakonshme nga shitjet e talenteve si Marsial, Karrasko, Lemar, Mbape, Fabinjo Mendi, etj

Mediet franceze raportojnë se shum shpejt nën urdhrat e trajnerit Zhardim do të vihen dy lojtarët Jasin Brahimi dhe Benxhamin Henriks. I pari është sulmuesi i skuadrës së Portos. Algjeriani i rritur në Francë u shpall lojtari i sezonit në Portugali, teksa ndihmoi skuadrën e drejtuar nga Serzho Konsesaio në fitimin e titullit kampion.

Benxhamin Henriks është një tjetër lojtar mjaft interesat. Gjermani aktivizohet te Leverkusen dhe është një titullar fiks prej dy sezonesh. Për 21-vjeçarin u interesua dhe Interi, por më pas italianët vendosën të afronin Vrsaljkon nga Atletiko Madrid.