Aktivizimi i vetëm i talentit spanjollo-maroken daton datë 13 janar, ndërsa që prej atëherë ai ka qenë vetëm në tre takime në stolin e madrilenëve, pra pjesën më të madhe të ndeshjeve i ka parë nga tribunat e stadiumeve spanjolle.

Statistikat janë të frikshme. Megjithatë mosha e re e lojtarit nuk lë vend për alarmim. Gjatë sezonit të ardhshëm Diaz do të huazohet te ndonjë ekip modest i La Ligës, ku do të ketë mundësinë të tregojë veten dhe të justifikojë 15 milionë eurot e paguara për të.

Diaz luan në rolin e mesfushorit ofensiv dhe njihet për teknikën e lartë që zotëron. Ai firmosi deri në vitin 2025 dhe ka zgjedhur numrin 21 në fanellë.

Lojtari ka lindur në Malaga, aty ka luajtur për tre vite me ekipet e moshave. Në foto dallohen Isko dhe Santi Kazorla gjatë sezonit 2011-2012 duke festuar një gol të shënuar, ndërsa dallohet dhe Diazi i vogël, i cili ka qenë pjesë e stafit të atyre që kapin topat.

Brahim shfaqet i lumtur dhe me një top në dorë. Tashmë ai do të ketë shansin të luajë në një ekip me Iskon, ndërsa me Kazorlën do të përballet në kampionat.

Në rast se Diaz do të shitet në të ardhmen, Siti do të përfitojë 19% të vlerës së kartonit. Megjithatë, ka një përjashtim për një ekip të veçantë. Bëhet fjalë për skuadrën “fqinje” të Mançester Junajtid.

Përqindja e kartonit në rast të një transferte të 19-vjeçarit te “djajtë e kuq”, shkon nga 19% në 40%, çka  e bën krejt të paleverdishëm kalimin e Diaz te Junajtid në një të ardhme të afërt.

Në prezantimin e tij, pak momente më parë, Diaz u shfaq mjaft i emocionuar dhe i lumtur për kalimin në radhët e Realit. Spanjolli deklaroi se është dita më e rëdnësishme e jetës dhe se ëndërronte që fëmijë që të luante për madrilenët. Brahim Diaz do të mbajë mbi shpinë fanellën me numrin 21.

“Është dita më e rëndësishme e jetës time.  Vij në klubin, ku kam ëndërruar të luaj që kur kam qenë i vogël. Kur vendosa të largohem nga Mançester Siti, kisha në tavolinë tre opsione. I pari, të luaja për Realin e Madridit, i dyti, të luaja për Realin e Madridit, dhe i treti, të luaja me Realin e Madridit. Nuk doja te ikja në asnjë vend tjetër. Premtoj që do të jap 100% për klubin më të madh në Botë dhe dua t’i falenderoj të gjithë për besimin.”

?? Escucha a @Brahim Díaz durante su presentación como jugador del @realmadrid. Siempre tuvo claro dónde quería jugar y así lo ha expresado… #HalaMadrid | #WelcomeBrahim pic.twitter.com/GRGvNc0eei

— Real Madrid C.F. (@realmadrid) January 7, 2019

Spanjollit i skadonte kontrata me “qytetarët” në fund të sezonit, por ai nuk dëshironte të qëndronte dhe 6 muaj në Angli, aty ku sivjet zhvilloi 4 ndeshje dhe shënoi 2 gola. Diaz do të udhëtojë sot drejt Madridit së bashku me familjen e tij: babanë, nënën dhe katër motrat e vogla.

Prezantimi i 19-vjeçarit do të bëhet gjatë ditës së nesërme, ndërsa ai firmosi një kontratë deri në vitin 2025 me Realin e Madridit. Diaz ka zgjedhur numrin 21 dhe është gati të nisë aventurën më kampionët në fuqi të europës dhe botës.

Siç raportohet nga mediat në Spanjë, talenti 19-vjeçar, javën e ardhshme do të zbarkojë në Madrid, ku do të zyrtarizohet si blerja e parë e Realit për këtë merkato. Në arkat e Sitit pritet të shkojnë gati 20 milionë euro, teksa vetëm detajet e fundit kanë mbetur mes klubeve për ta finalizuar marrëveshjen.
Për më tepër, Brahim Diaz, duket se ka zgjedhur edhe numrin që do të mbajë mbi shpinë, që do të jetë numri 21, i cili është dhe numri që ka mbajtur mbi shpinë trajneri aktual, Santiago Solari. Diaz u bashkua me Sitin, që në moshën 14-vjeçare, kur kaloi nga Malaga në Mançester. Tashmë, do të jetë një rikthim në shtëpi për talentin spanjoll.

Diaz është vetëm 19-vjeç dhe zotëron shtetësinë spanjolle dhe atë marokene. Një produkt i akademisë së Malagës, sulmuesi u ble nga Siti në moshën 15-vjeçare për shumën e 600 mijë eurove.

Përgjatë viteve, spanjolli së bashku me Fil Foden dhe Xhejdon Sanço, ishin ndër talentet më të spikatura në kampionatin e moshave në Angli. Te Siti nuk do të jenë shumë të mërzitur nga largim i 19-vjeçarit, pasi Reali do të derdhë 15 milionë euro për kartonin e Diaz, kontrata e të cilit mbaronte në qershor.

Mesfushori me tipare sulmuese nuk ka arritur të ketë minuta në ekipin e Guardiolës dhe ka hedhur sytë në kërkim të një aventure të re. I gatshëm për shërbimet e 19-vjeçarit është shfaqur pikërisht klubi madrilen, i cili e shikon si një përforcim mjaft të rëndësishëm për të ardhmen spanjollin.

Diaz ka një kontratë me “Citizens”, që i skadon në fund të këtij sezoni dhe fillimisht gjasat ishin që Reali ta merrte në fund të sezonit, por sipas asaj që raportohet së fundmi në Spanjë, drejtuesit e “Los Blancos”, duket se nuk kërkojnë të presin dhe duan që ta bëjnë të tyrin talentin, që në merkaton e janarit. Ekipi madrilen ka gati 15 milionë euro, një ofertë që zor se mund të refuzohet nga Siti, duke parë që lojtari nuk preferon rinovimin.

Por, duket se Diaz është në mëdyshje për të firmosur, dhe kjo për shkak të interesit të shtuar të Real Madrid. Drejtuesit e klubit spanjoll duan ta kthejnë në Spanjë sulmuesin e talentuar.

Adoleshenti spanjollo-maroken u ble nga Siti në moshën 15-vjeçare nga akademia e Malagës.
Përgjatë viteve të fundit ai ka shënuar një lumë me gola me ekipet zinxhir të “qytetarëve”, si dhe ka qenë një pjesë e rregullt e përfaqësueseve të moshave të Spanjës.

Por, te Reali kjo gjë është mëse normale dhe pjesë e një strategjie afatgjatë. Talenti më i fundit në radarin e skuadrës “Los Blancos” është Brahim Diaz. Bëhet fjalë për një sulmues spanjoll, i cili prej disa vitesh është pjesë e akademisë së Mançester Sitit dhe një pjesëtar i rregullt i grumbullimeve të kombëtares U19 të Spanjës.

Kontrata e 19-vjeçarit me Sitin mbaron në fund të sezonit aktual, por sipas medies spanjolle “AS” drejtuesit e Realit janë duke negociuar me Sitin për transferimin e lojtarit që në muajin janar. Në Mançester janë me shpatulla pas murit, pasi lojtari nuk ka ndërmend të rinovojë dhe “divorci” është i pashmangshëm.