E bujshme | Talenti shqiptar pranë kalimit te Juventusi

Sport Ekspres — Sat, 15 Jun 2019 19:23:24 +0000

Akademisë së Juventusit mund t’i bashkohet së shpejti një talent shqiptar. Bëhet fjalë për sulmuesin e skuadrës Primavera të Empolit, Kleis Bozhanaj. Futbollisti i lindur në Tiranë është prej më shumë se dy vitesh pjesë e ekipit toskan, ku pak muaj më parë firmosi kontratën e parë profesioniste.

Lajmi bëhet i ditur nga gazetari italian Mateo Pedrosi. Në sezonin që lamë pas të kampionatit Primavera, Bozhanaj u aktivizua në 22 ndeshje ku shënoi 2 gola dhe shërbeu 3 asiste.

Esclusiva: #Juventus interessata a Kleis #Bozhanaj, duttile attaccante albanese, classe 2001, di proprietà dell’Empoli. In bianconero potrebbe arrivare anche il tecnico dell’Empoli Primavera, Lamberto #Zauli, in sostituzione di Francesco Baldini. #calciomercato

— Matteo Pedrosi (@MatteoPedrosi) June 15, 2019

Para kalimit përtej Adriatikut, Bozhanaj ka qenë pjesë e disa ekipeve në kryeqytet si Dinamo, Olimpik, Partizani dhe Internacional. Futbollisti 18-vjeçar ka qenë pjesë e grumbullimeve të kombëtares U17 dhe U19.

VIDEO | Talenti shqiptar i Empolit merr zvarrë mbrojtjen e Napolit, shijoni golin

Sport Ekspres — Mon, 04 Feb 2019 10:35:31 +0000

Kleis Bozhanaj është një ndër talentet më premtues të futbollit shqiptar. Sulmuesi i rritur në Tiranë, prej më shumë se një viti është pjesë e akademisë se Empolit, ndërsa pak muaj më parë klubi e vlerësoi duke i dhënë një kontratë profesioniste.

Talenti 17-vjeçar aktivizohet me skuadrën “Primavera” të ekipit toskan, ku herë pas herë tregon aftësitë e admirueshme në driblim. Së fundmi, Bozhanaj ka shënuar golin e vetëm në fitoren 1 – 0 në transfertë ndaj Napolit.

Më e pakta që mund të themi është se kemi të bëjmë me një gol brilant. 17-vjeçari shqiptar merr topin nga mesi i fushës dhe driblon tre lojtarë e në fund çon topin në rrjetën duke i dhënë tri pikë skuadrës së tij.