Në ndeshjet e kampionatit, kapitenët e dy ekipeve nuk zgjidhnin nga një monedhë, por kishin nga një vezë secili dhe ai që i thyente vezën tjetrit zgjidhte portën ose topin.

Një ide mjaft speciale dhe e veçantë. Pamjet që ju kemi sjellë më poshtë janë përpara se të niste takimi i djeshëm mes Botevit dhe CSKA-së së Sofies.

Nëse ne mbyllim stadiumet, UEFA ndëshkon fajtorët. Kështu, pas koreve antishqiptare në Burgas, në Botev-Partizani, UEFA ka urdhëruar mbylljen e 4 blloqeve në sektorin B të stadiumit “Lazur”.

Janë 3000 vende që do mbeten bosh, dhe do mbulohen me parulla kundër racizmit.

Edhe në ndeshjen hapëse të kampionatit Botevi do të luajë pa tifozë, për një dënim të mbartur nga finalja e kupës.

Në Tiranë Botevi fitoi bindshëm, me përmbysje, duke dominuar në lojë, ndaj tashmë shanset e Partizanit janë thuajse zero, aq më shumë që udhëtimi për në Bullgari është bërë me autobus, duke udhëtuar për më shumë se 15 orë, një torturë e vërtetë.

Edhe te Botevi tashmë janë më të qetë, ndaj trajneri Nikolaj Kirov ka grumbulluar edhe një sulmues 16-vjeçar për ndeshjen e nesërme.

Bëhet fjalë për Kristian Dobrev, i cili nuk ishte në Tiranë për një dëmtim të lehtë, por mund të gjejë pak minuta nesër.

Sezonin e shkuar Dobrev luajti 4 ndeshje si zëvendësues dhe shënoi në ndeshjen e fundit të sezonit.

Starova dje deklaronte se ishte një ndeshje 50/50 dhe në përgjithësi gjithë ambienti i kuq ishte shumë optimist, ndoshta duke mos e njohur Botevin dhe duke parë që e mbylli sezonin e fundit në mesin e tabelës.

Megjithatë, në radhë të parë Partizani duhet të shohë veten, sepse largimet verore, duke nisur nga Ekuban e Torasa, nuk janë kompensuar fare. Po të shtojmë këtu edhe fatin e keq të dëmtimeve të Malotës e Krasniqit, ishte e qartë që duhej shumë kujdes e frikë.

Botevi shoqërohej nga disa dhjetëra tifozë të zjarrtë, që kishin besim dhe bënë mirë që erdhën në Tiranë, sepse në fund ikën të lumtur, ndryshe nga Guerrilsat, që bënë sa mundën, por nuk mjafton tifozeria, pasi duhet skuadër, duhet cilësi dhe pse jo, edhe një mot më i freskët, sepse në orën 17.00 është e pamundur të luhet.

Në fakt, nisi shkëlqyeshëm, sepse Xhevahir Sukaj shënoi një gol të bukur dhe u duk se Partizani kishte vënë gjithçka në rrugën e duhur.

Gabim i madh: Botevi nisi të luante futboll të shtruar dhe na “mbyti”, si i thonë popullorçe, ndaj edhe barazimi i Kosokos në minutën e 27-të ishte në ajër.

Reagimi ynë? Asgjëkundi, sepse Botevi kontrolloi lojën qetësisht, priti rastin e duhur dhe ashtu si në pjesën e parë, goditi sërish nga distanca, me yllin e vet Nedelev, që për fat të keq Botevi e mbajti këtë verë. Kosoko, sërish ai, shënoi edhe golin e tretë në fund, për faj të Atandës, ndaj praktikisht ka marrë fund.

Që të fitojë Partizani 3-1 e lart në Bullgari, do të duhet një mrekulli…

Europa League, turi i parë

Stadiumi “Selman Stërmasi”, ora 17.00

Partizani – Botev         1-3

Shënues: Sukaj 4′ / Kossoko 27′, 88′, Nedelev 60′

Partizani: Alban Hoxha, Kotobelli, Ibrahimi, Atanda, Fejzullahu, Vila (Enok74?), Batha, Trashi, Mazrekaj (Fili 63′), Progni (Bardhi 74′), Sukaj. Trajner: Sulejman Starova. Të gatshëm: Xhika, Krasniq, Ismilaj, Kalari.

Botev: Çvoroviç, Minev, Panov, Syoyanov (Marin 84′), Dimov, Genev, Brisola (Tasev 80′), Omnibes, Baltanov, Nedelev (Jusein90+2′), Kossoko. Trajner: Nikolai Kirov. Të gatshëm: Kajzer, Dimitrov, Ongilio, Apostolov.

Kartonë të verdhë: Kotobelli 45+1′, Sukaj 90+3′ / Syoyanov 26′, Baltanov 60′

Gjyqtarë: Bryn Markham-Jones Daniel Beket, Ljuis Eduards,David Morgan (Uells)

Nuk mungojnë si zakonisht Guerrilsat, që po mbajnë gjallë atmosferën, por shumica e vendeve në stadium janë bosh.

Me siguri Partizani zgjodhi “Selman Stërmasin” pikërisht për të pasur mbështetjen e tifozerisë, por nëse do të luhej në mbrëmje me drita, në Elbasan, do të ishte ndoshta më komode për shumë tifozë. Natyrisht, ndriçimi i “Selman Stërmasit” është një problem madhor i këtij stadiumi, që nuk ishte evidentuar në të shkuarën, por UEFA e konsideron jashtë standardeve.

Stadiumi “Selman Stërmasi”, ora 17.00

Partizani – Botev         1-3

Shënues: Sukaj 4′ / Kossoko 27′, 88′, Nedelev 60′

Partizani: Alban Hoxha, Kotobelli, Ibrahimi, Atanda, Fejzullahu, Vila (Enok74′), Batha, Trashi, Mazrekaj (Fili 63′), Progni (Bardhi 74′), Sukaj. Trajner: Sulejman Starova. Të gatshëm: Xhika, Krasniq, Ismilaj, Kalari.

Botev: Çvoroviç, Minev, Panov, Syoyanov (Marin 84′), Dimov, Genev, Brisola (Tasev 80′), Omnibes, Baltanov, Nedelev (Jusein90+2′), Kossoko. Trajner: Nikolai Kirov. Të gatshëm: Kajzer, Dimitrov, Ongilio, Apostolov.

Kartonë të verdhë: Kotobelli 45+1′, Sukaj 90+3′ / Syoyanov 26′, Baltanov 60′

Gjyqtarë: Bryn Markham-Jones Daniel Beket, Ljuis Eduards,David Morgan (Uells)

GOLAT

4’ – Sukaj merr një top të gjatë dhe avancon i vetëm në krahun e majtë, në një pozicion mjaft të vështirë godet bukur dhe çon topin në fundin e rrjetës, duke kaluar të tijtë në avantazh. 1-0 për Partizanin.

27’ – Kossoko vendos baraspeshën. Sulmuesi i Botev shkarkon të djathtën e tij në dalje të zonës së Partizanit dhe gjen fundin e rrjetës, me Hoxhën këtë herë në pamundësi për të shmangur golin.

60’ – Miqtë kalojnë në avantazh. Nedelev shënon një supergol duke realizuar me të majtën nga një distancë e konsiderueshme.

88’ – I pafalshëm gabimi i Atandës. Kossoko rrëmben një top dhe avancon drejt portës, pasi kalon dhe kapitenin Hoxha, nuk e ka të vështirë që të realizojë golin e dytë personal dhe të tretin për skuadrën bullgare.

Një humbje që i tregon derën e daljes nga Europa mund të konsiderohet disfata me bullgarët e Botev. Partizani bëri shumë pak për të marrë një rezultat pozitiv, për të lënë së paku të hapur çështjen e kualifikimit. Dy golat e Kossoko dhe rrjeta e nedelev, zhvlerësuan golin e Xhevahir Sukajt. “Demat” kanë kaluar në avantazh vetëm pas 4 minutash lojë, me një realizim perfekt të shkodranit Sukaj. Me kalimin e minutave miqtë fituan terren dhe filluan të ngacmonin portën e Hoxhës, duke e mposhtur këtë të fundit në minutën e 27-të, me sulmuesin Kossoko që realizo një gol mjaft të bukur nga jashtë zone. Partizani mund të kishte pësuar dhe golin e dytë, por autori i golit të barazimit këtë herë u tregua i pafat duke gjetur vetëm shtyllën. Fraksioni i dytë nisi me të njëjtin ritëm, me miqtë që u treguan më këmbëngulës. Nedelev realizon golin e avantazhit duke i ndërlikuar akoma dhe më shumë gjërat, por nuk mjafton vetëm kaq, pasi një gafë e Atandës, i jep mundësinë Kossokos që të realizojë dhe golin e tretë, duke vrarë në një farë mënyre ëndrrën europiane, sepse pas një jave do të duhet një mrekulli që “të kuqtë” të avancojnë në turin e dytë.

EPISODET

11’ – Sukaj tenton të përsërisë vetveten, por këtë herë është më i avancuar se mbrojtja mike. Arbitri anësor sinjalizon pozicion jashtë loje.

23’ –  Miqtë tregohen të rrezikshëm dhe fitojnë terren. Kapiteni Baltanov provon të surprizojë nga distanca, por është në lartësinë e duhur “gardiani” Hoxha.

24’ – Mazrekaj kundërpërgjigjet duke provuar nga afro 20 metra, por tentativa e tij përfundon pak mbi traversë.

37’ –  Nedelev provon nga një goditje dënimi, kapiteni Hoxha tregohet vigjilent dhe neutralizon rrezikun.

41’ – Batha gabon në mesfushë dhe menjëherë bullgarët dalin përpara. Me fat Partizani, topi i goditur nga Kossoko pasi përplaset në shtyllë përfundon jashtë.

57′ – Syoyanov godet bukur nga distanca, fantastik Alban Hoxha, i cili bën mrekullinë, duke shpëtuar skuadrën e tij nga një gol i sigurt.

71’ – Një top i gjatë për Sukajn, shkodrani bën të pamundurën, por nuk arrin që t’i japë topit devijimin e nevojshëm për t’i dhënë udhën drejt rrjetës.

87’ – Sukaj tenton nga një goditje dënimi, portieri mik tregohet i saktë dhe i sigurt, duke neutralizuar topin në dy kohë.

MOVIOLË

31’ – Atanda ndal topin me dorë brenda zone, për gjyqtarin është gjithçka e rregullt dhe loja duhet të vazhdojë.

Stadiumi “Selman Stërmasi”, ora 17.00

Partizani – Botev

Partizani: Alban Hoxha, Kotobelli, Ibrahimi, Atanda, Fejzullahu, Vila, Batha, Trashi, Mazrekaj, Progni, Sukaj

Botev: Çvoroviç, Minev, Panov, Syoyanov, Dimov, Genev, Brisola, Omnibes, Baltanov, Nedelev, Kossoko

Gjyqtarë: Bryn Markham-Jones Daniel Beket, Ljuis Eduards,David Morgan (Uells)

Alban Hoxha do ta nisë nga minuta e parë me Fejzullahin në krahun e djathtë, Atandën dhe Ibrahimin në qendër dhe Kotobellin majtas. Në mesfushë do të jenë Vila, Batha dhe Trashi. Mazrekaj dhe Progni nga krahët do të mbështesin Sukajn në majë të sulmit. Shkodrani ia ka dalë mbanë të jetë në sfidën e sotme, edhe pse nuk dihet a do të arrijë të përballojë 90 minutat, nën temperatura ferri.

Ndërkaq, edhe Botevi ka jo pak shqetësime, sepse do të mungojnë mbrojtësi i rëndësishëm Radosllav Terziev dhe sulmuesi brazilian Fernando Viana. Ky i fundit është bashkuar në janar me Botevin dhe ka shënuar 6 gola në 13 ndeshje, ndaj mungesa e tij hap një gropë të madhe në sulm. Për pasojë, trajneri Nikolai Kirov do të hedhë në fushë një skuadër pa sulmues roli, me Kosoko ose Tasev të avancuar, ndërkohë që shpresat janë te Nedelev, futbollisti më i mirë i skuadrës.

Formacionet e mundshme

Partizani: Hoxha – Fejzullahi, Ibrahimi, Atanda, Kotobelli – Batha, Vila, Trashi – Progni, Mazrekaj – Sukaj

Tr. Sulejman Starova

Botev: Çvoroviç – Panov, Genev, Dimitrov, Minev – Jaja Melexhe – Felipe Brisola, Nedelev, Baltanov, Stojanov – Kosoko (Tasev)

Tr. Nikolai Kirov

Të luajturit në këtë orar mjaft të papërshtatshëm nuk e shqetëson shumë trajnerin bullgar: “Është njësoj për të dy ekipet. Nuk janë kushte optimale për të luajtur futboll, por kjo është situata dhe do mundohemi të marrim maksimumin.”

Kirov vlerëson Partizanin: “Është një kundërshtar me traditë në futbollin shqiptar. E dimë që në vitin e fundit Partizani bëri një paraqitje shumë të mirë në kampionat dhe në kupat e Europës. Sigurisht që kemi parë disa ndeshje nga sezoni i fundit dhe kemi pritshmëri, sepse kemi krijuar një ide për stilin e tyre të lojës.”

Gjithsesi, bullgarët nuk kanë frikë: ““Respektojmë Partizanin, si çdo kundërshtar tjetër me të cilin përballemi, por nuk kemi frikë. Presim një futboll agresiv nga ekipi vendas dhe qëllimi ynë kryesor është të marrim një rezultat të mirë për të qenë më të qetë në kthim. Do e luajmë kthimin 300 km larg Botevit? Jam i bindur se tifozët do të vijnë dhe do të ndihemi si në shtëpi.”

“Pres dy ndeshje shumë të forta, shorti mund të ishte treguar më i mirë me ne”, – kështu e nis intervistën e tij për “Sport Ekspres”, kapiteni i Botev Plovdiv, Laçezar Baltanov.  Mesfushori dhe lideri i ekipit bullgar vlerëson maksimalisht ekipin e Partizanit dhe beson se do të jenë dy ndeshje shumë të ashpra.

-A mendoni se shorti u tregua bujar me ju, apo ishit pa fat?
– Mendoj se shorti mund të ishte i treguar më i mirë me ne. Partizani është ndër skuadrat më të mira të këtij raundi të Europa Leagues dhe pres dy ndeshje shumë të vështira me “demat”. Vitin e kaluar kundërshtari ynë provoi se janë një skuadër shumë e fortë me paraqitjen e tyre në Europë. Ne i respektojmë ata. Ndeshjet në Europë janë më spektakolare dhe besoj se tifozët do të jenë të lumtur me atë që do të tregojnë Botev dhe Partizani në fushën e lojës.

– A jeni gati për zhvillimin e ndeshjes?

– Po, ne jemi gati. Ne jemi pothuajse duke i dhënë fund përgatitjeve tona. Ndeshja është pas një jave dhe e gjithë vëmendja jonë është e fokusuar në ndeshjen që do të zhvillojmë në Tiranë.

-E njihni ekipin e Partizanit?

– Ne nuk i kemi mësuar lojën e tyre në detaje. Dimë disa gjëra dhe kemi mësuar se kanë mbrojtje shumë të fortë. Ata kanë humbur vetëm dy herë në 36 ndeshje në sezonin e fundit dhe kanë pësuar vetëm 17 gola. Dimë gjithashtu se kanë disa lojtarë kreativ në skuadër. Do të jetë e vështirë për ne, por ne do të bëjmë më të mirën dhe do të provojmë të kalojmë në raundin tjetër.

– Keni ndonjë informacion për futbollin shqiptar?

– Informacionet e mija më të mëdha janë për ekipin tuaj kombëtar. Ne kemi luajtur disa herë kundër dhe kemi pasur raste që kemi qenë edhe në të njëjtin grup në kualifikuese. Në Bullgari, ne njohim Alban Bushin dhe Altin Haxhin, pasi ata kanë luajtur me ekipet tona. Të dy kanë qenë shumë lojtarë të mirë dhe teknikë. Mendoj se futbolli në Shqipëri është rritur në vitet e fundit.

– A e keni planifikuar strategjinë që do të përdorni?

– Ne po punojmë për këtë gjë. Trajneri ka filluar të na përgatisë ne dhe na ka thanë strategjinë që do të përdorim, por mos prit të ta them ty. Ti je kundërshtar (Qesh). Do të jetë dhe do të mbesë vetëm brenda ekipit tonë.

– I druheni ndonjë lojtari, me aq sa e njihni ekipin e Partizanit?

– Nuk e di kush është më i miri i atyre, mendoj se çdo lojtarë është i rëndësishëm dhe ka ndikimin e tij në ekip. E dimë që Partizani ka një sulmues dhe një shënues mjaft të mirë si Ekubani, që është golashënuesi i ekipit, por me sa informacione kemi nuk është më pjesë e ekipit. Kemi piketuar edhe disa lojtarë që kanë fituar vëmendjen tonë.

– Do të kaloni në raundin tjetër?

– Ky është qëllimi ynë. Ne do të bëjmë më të mirën tonë për të kaluar. E dimë se do të jetë e vështirë për ne, por nëse kalojmë do t’u falim gëzim të madh tifozëve tanë. Ky është motivimi ynë më i madh.

Skuadra bullgare u mund 1-0 nga Pelisteri maqedonas para 3 ditësh, ndërsa sot u mund 3-1 nga AEL i Limasolit.

Skuadra qipriote shënoi që në minutën e nëntë të ndeshjes, por Botevi barazoi me Stojanov në minutën e 61-të.

Më pas, shumë ndërrime dhe ritëm i ulët, ndërsa AEL shënoi 2 gola në minutat e fundit të ndeshjes.

Në pjesën e parë Botevi aktivizoi më të mirët, duke përfshirë mesfushorin Todor Nedelev, i cili ende nuk dihet a do të luajë në të dyja ndeshjet kundër Partizanit, sepse huazimi io tij nga Mainci përfundon më 30 qershor.

Në minutën e 29-të ndeshja u ndal për disa momente, sepse një… dem u fut në fushë.