Boterori

(FOTO) Punime dhe miliona, ja si do jenë stadiumet e Botërorit në Katar

Sport Ekspres — Tue, 30 Jul 2019 15:46:22 +0000

Mes polemikash, akuzash për korrupsion dhe vdekjesh të punëtorëve që jetojnë në kushte të tmerrshme, stadiumet e Katarit po ndërtohen, pak nga pak. Miliona euro të shpenzuara për Botërorin e parë që do të luhet në fund të vitit, nga 21 nëntori deri më 19 dhjetor të vitit 2022.

Stadiumet janë në rrezen e 33 kilometrave nga Doha dhe me pak sforcim mund të shihen edhe 2 ndeshje në ditë në stadium.

[Best_Wordpress_Gallery id=”178″ gal_title=”Katar”]

VIDEO | Dominim amerikan, SHBA shpallen kampione bote

Sport Ekspres — Sun, 07 Jul 2019 16:51:31 +0000

Amerika vazhdon të mbajë statusin si “superfuqia” e futbollit të femrave. Përfaqësuesja e SHBA-së është shpallur kampione botë për të katërtën herë në historinë e saj. Amerikanet mundën Holandën në finalen e Botërorit të zhvilluar në Francë me rezultatin 2 – 0.

W ?? O ?? R ??L ?? D
C H A M P I O N S
#OneNationOneTeam pic.twitter.com/6JMJRTJ69b

— U.S. Women's National Soccer Team (@USWNT) July 7, 2019

Amerikanet dominuan përgjatë të gjithë takimit, madje rezultati 2 – 0 mund të duket disi i gënjeshtërt pasi rastet e shpërdoruara nga kampionet e botës ishin të shumta. Megjithatë, dy gola të shpejtë në minutën e 63-të dhe 66-të siguruan trofeun e dytë radhazi për SHBA-në.

Ky është trofeu i dytë radhazi për SHBA-në që konfirmojnë sërish që në futbollin e femrave përfaqësuesja e tyre është krejt e kundërta me atë të meshkujve.

FINALJA E KUPËS SË BOTËS

SHBA 2 – 0 Holandë
Shënues: Rapinoe 63’, Lavelle 66’

Katari nuk ia del, merret vendimi për formulën e Botërorit

Sport Ekspres — Wed, 22 May 2019 17:15:28 +0000

Presidenti i FIFA-s, Xhani Infantino, deklaroi pak muaj më parë se institucioni që ai drejton po shikonte mundësinë e ndryshimit të numrit të skuadrave pjesëmarrëse në Botërorin “Katar 2022”. Dëshira e numrit një të FIFA-s ishte numri i përfaqësueseve të rritej nga 32 në 48. Megjithatë, ky plan duhet të shtyhet për të paktën edhe katër vite të tjera.

Gazeta e njohur angleze “The Times”, raporton se më datë 5 qershor, Infantino do të njoftojë se formula e turneut më prestigjioz të futbollit ndërkombëtar do të qëndrojë e pandryshuar për Botërorin e radhës, ndërsa formati me 48 ekipe do të futet në përdorim për Botërorin “Kanada-SHBA-Meksikë 2026”.

Shkak për këtë vendim janë bërë vështirësitë e mëdha logjistike. Numri i stadiumeve në Katar nuk është i mjaftueshëm për një turne me 48 skuadra. Në plane e FIFA-s ishte zhvillimi ndeshjeve në disa shtete të tjera të Lindjes së Mesme, por mesa duket dhe kjo ide është hedhur në kosh.

Dilema e “Katar 2022”, numri i skuadrave pjesëmarrëse mbetet pezull

Sport Ekspres — Wed, 16 Jan 2019 17:38:18 +0000

Botërori “Katar 2022” do të jetë i pari në historinë e këtij kompeticioni që do të zhvillohet gjatë stinës së dimrit. Një risi tjetër e këtij eventi do të mund të jetë numri i skuadrave të këtij kompeticioni.

Presidenti i FIFA-s Xhani Infantino ka deklaruar se Botërorët e së ardhmes do të jenë me nga 48 ekipe, duke filluar nga Botërorit i vitit 2026, që do të zhvillohet në Meksikë, SHBA dhe Kanada.

Megjithatë, sipas një deklarate nga kreu i komitetit organizativ të Botërorit “Katar 2022”, ekziston mundësia që formula me 48 ekipe tw fillojw nga Botërori i ardhshëm , por për këtë do të duhet leje speciale nga “FIFA”, pasi duhen shtuar dhe të paktën dy stadiume.

Xhaka: Botërori Zvicrës mori fund pas ndeshjes me Serbinë

Sport Ekspres — Sun, 18 Nov 2018 14:43:17 +0000

Granit Xhaka është rikthyer të flasë për ecurinë dhe ngjarjet që shoqëruan Botërorin e përfaqësueses zvicerani. Në një intervistë për “Aargauer Zeitung”, mesfushori ka dhënë disa deklarata mjaft të forta në lidhje me debatin e madh që u hap në Zvicër pas festimit me shqiponjë të 26-vjeçarit në ndeshjen ndaj Serbisë. Xhaka më pas flet dhe mbi momentin e mirë që po kalon te Arsenali nën drejtimin e trajnerit spanjoll Unai Emeri.

KUPA E BOTËS – “Nga një anë jamë krenar për arritjen, por nga ana tjetër nuk e arritëm objektivin tojnë. Suedie ishte një kundërshtar që duhet ta kishim mundur. Bëmë një ndeshje shumë të dobët ndaj tyre, edhe unë për fat të keq nuk bëra një paraqitje të mirë.

DEBATET MBAS FESTIMIT ME SHQIPONJË – “Çfarë u diskutua mbas ndeshjes ndaj Serbisë më zhgënjeu shumë. Ai ishte një takim i mbushur me emocional, por mbas arbitri i ra bilbilit në fund të ndeshjes, Botërori i Zvicrës mori fund. Nuk u fol më kurrë për futboll pastaj. Për jave e muaj të tërë gjithçka u ekzagjerua. Jam i sigurt se shumë nga ato që u thanë dhe u shkruan ndikuan te disa lojtarë të përfaqësueses.

KARRIERA DHE TRAJNERI UNAI EMERI – “Tani po kaloj momentin tim më të mirë te Arsenali. Trajneri ka pasur një efekt shumë të madh në lojën e skuadrës. Kemi një plan konkret, e dimë se çfarë duhet të bëjmë kur kemi topin dhe kur nuk e kemi atë. Unai Emeri ngjason shumë me Lysien Favre (ish-trajneri i Xhakës te Gladbah, tani drejton Borusian e Dortmundit.), metoda e tyre e punës është shumë e ngjashme.

MBROJTËSI I MAJTË – “Ndoshta trajneri ka dashur që t’i bëj konkurrencë Rikardo Rodrigezit në kombëtaren zviceran (qesh). Gjithçka është çështje besimi. Ai më pyeti: ‘Granit a mund ta bësh këtë rol?’unë i thasë ‘Po, pse jo’. Nuk kisha luajtur kurrë si mbrojtës i majtë më parë.

Calja sfidon dhimbjet, renditet i gjashti në Botëror

Sport Ekspres — Sun, 04 Nov 2018 18:06:00 +0000

Shtangisti shqiptar Briken Calja garoi sot në Botërorin e peshëngritjes në Turkmenistan. 28-vjeçari nuk ka shkuar më shumë se vendi i gjashtë, kjo dhe për shkak të një dëmtimi që sportisti nga Shtërmeni pësoi gjatë ngritjes së shtangës në stilin e shkëputjes.

Në herën e tij të parë në stilin e shkëputjes, Calja ngriti me lehtësi 148 kilogram, ndërsa në të dytën ngriti dhe pesë kilogramë më shumë, por më pas shtangisti shfaqi qartazi shenja dëmtimi në lëvizje. Në provën e tretë 28-vjeçari tentoi të ngrinte 157 kilogramë, por pa sukses.

Ndërkohë, në stilin e shtytjes, provën e parë Calja ngriti shtangën prej 181 kilogramësh, duke ndezur garën. Në provën e dytë, Calja ngriti 4 kilogram më shumë, ndërsa në provën e tretë dhe atë decizive, peshëngritësi kuqezi tentoi 189 kilogram, provë në të cilën dështoi për ta kryer me sukses.

Fitues i medaljes së artë u shpall kinezi Shi Zhijong, i cili regjistroi peshën më të lartë në të dyja stilet, 164 kg në shkëputje dhe 196 kg në shtytje.

https://www.youtube.com/watch?v=55Qhn-WiSyQ