Boterori i Femrave

VIDEO | Dominim amerikan, SHBA shpallen kampione bote

Sport Ekspres — Sun, 07 Jul 2019 16:51:31 +0000

Amerika vazhdon të mbajë statusin si “superfuqia” e futbollit të femrave. Përfaqësuesja e SHBA-së është shpallur kampione botë për të katërtën herë në historinë e saj. Amerikanet mundën Holandën në finalen e Botërorit të zhvilluar në Francë me rezultatin 2 – 0.

W ?? O ?? R ??L ?? D
C H A M P I O N S
#OneNationOneTeam pic.twitter.com/6JMJRTJ69b

— U.S. Women's National Soccer Team (@USWNT) July 7, 2019

Amerikanet dominuan përgjatë të gjithë takimit, madje rezultati 2 – 0 mund të duket disi i gënjeshtërt pasi rastet e shpërdoruara nga kampionet e botës ishin të shumta. Megjithatë, dy gola të shpejtë në minutën e 63-të dhe 66-të siguruan trofeun e dytë radhazi për SHBA-në.

Ky është trofeu i dytë radhazi për SHBA-në që konfirmojnë sërish që në futbollin e femrave përfaqësuesja e tyre është krejt e kundërta me atë të meshkujve.

FINALJA E KUPËS SË BOTËS

SHBA 2 – 0 Holandë
Shënues: Rapinoe 63’, Lavelle 66’

VIDEO | Holanda eliminon në Suedinë, në finale e pret superfuqia amerikane

Sport Ekspres — Wed, 03 Jul 2019 21:39:51 +0000

Holanda ka mundur 1 – 0 Suedinë në gjysmëfinalen e Botërorit të femrave. Zonjat e Holandës kalojnë kështu në finale ku do të përballen me superfuqinë e këtij sporti gjatë viteve të të fundit: Shtetet e Bashkuara të Amerikës.

Holanda e fillonte lojën paksa më favorite, por përfaqësuesja nordike arriti të neutralizonte sulmueset cilësore të Holandës. 90 minutat e rregullta nuk prodhuan shumë raste për shënim dhe verdikti final u dha në kohën shtesë. Një goditje e Groenen në minutën e 99-të nuk ndalet dot nga portieria e Suedisë dhe në 20 minutat e mbetura, Holanda ia del të mbrojë avantazhin.

Holandë 1 – 0 Suedi
Shënues: Groenen 99’

VIDEO | Fitore historike për Italinë, “prenotohet” çerekfinalja

Sport Ekspres — Tue, 25 Jun 2019 18:19:38 +0000

Kombëtarja e Italisë mori një fitore të merituar 2 – 0 kundër Kinës në fazën e 1/8-ve të Botërorit të femrave. Kjo është hera e parë që kjo kombëtare kalon një tur me eliminim direkt në Botërorin e femrave. Të shtunën Italia rikthehet në fushë në kuadër të çerekfinales, ku do të ketë përballë fituesen e çiftit Holandë – Japoni.

Një gol në secilën pjesë mjaftoi që italianet të siguronin biletën për më tej. Kombëtarja kineze nuk mundi të çante mbrojtjen e kundërshtareve dhe në ato pak mundësi që “axurret” aziatiket pësuan gol.

Itali 2 – 0 Kinë
Shënues: Xhiasini 15’, Gali 49’

VIDEO | Lajthitje në Botërorin e femrave, lojtarja shtyn gjyqtaren

Sport Ekspres — Sun, 23 Jun 2019 18:22:33 +0000

Kombëtarja e angleze e femrave siguroi biletën për në finale për në çerekfinalen e Botërorit. “Luaneshat” mundën 3 – 0 Kamerunin duke mos hasur vështirësi ndaj kombëtares afrikane.

Fakti që aventura e tyre në Botëror mori fund nuk u përjetua mirë nga lojtaret e Kamerunit. Njëra prej tyre gjeti një mënyrë origjinale për të shfryrë inatin, por kjo gjë mund t’i kushtojë shumë.

Një video ky 26-vjeçarja Zhanet Jango shtyn gjyqtaren kineze Liang Qin po bëhet virale në rrjetet sociale. Çuditërisht gjyqtarja vendosi të mos ta ndëshkonte lojtaren afrikane edhe pse gjesti i saj është qartësisht në shkelje të rregullave.

https://twitter.com/passitin/status/1142840892660899841

VIDEO | Botërori i Femrave, “magjia” Marta shkruan historinë

Sport Ekspres — Thu, 13 Jun 2019 17:07:42 +0000

Miroslav Kloze nuk është më i vetëm, pasi legjenda e Brazilit, futbollistja Marta, i ka barazuar rekordin në Kupën e Botës. Futbollistja më e mirë femër e të gjitha kohërave shënoi sot golin e 16-të në një Kupë Bote, duke treguar se është ajo futbollistja për t’u ndjekur. Marta ka shënuar në 5 Kupa Bote: 2003, 2007, 2011, 2015 dhe 2019, duke u bërë futbollistja e parë që arrin një rekord të tillë.

33-vjeçarja shënoi golin e parë në takimin kundër Australisë, me anë të një penalltia. Mëngjarashja dërgoi portieren kundërshtare në krahun e kundërt dhe shënoi një penallti thuajse perfekte. Brazili shihet si skuadra për t’u mundur në këtë Botëror dhe bashkë me Francën, shihen si favoritet për të shkuar në finale.

VIDEO | Tripleta më e vjetër në Botëror, një femër parakalon CR7

Sport Ekspres — Sun, 09 Jun 2019 15:26:24 +0000

Kristiano Ronaldo është një nga futbollistët më të mirë i të gjitha kohërave dhe futbollisti portugez, ka vendosur shumë rekorde në karrierën e tij. CR7 ishte lojtari më i vjetër që shënon tripletë në Kupën e Botës, pasi i shënoi Spanjës në atë barazim 3-3 në ndeshjen e parë të “Rusi 2018”.

34 – Oldest player to score a World Cup hat-trick:

Women’s WC – Cristiane (34y 25d)
Men’s WC – Cristiano Ronaldo (33y 130d).

Record.#FIFAWWC pic.twitter.com/edAbkyOwAY

— OptaJohan (@OptaJohan) June 9, 2019

Në atë ndeshje, Ronaldo ishte 33 vjeç e 130 ditë. Sot, një futbolliste femër i ka “vjedhur” këtë rekord yllit portugez. Kristiane Souza, sulmuese e kombëtares së Brazilit, shënoi sot tre gola në Kupën e Botës për femra, në takimin kundër Xhamajkës. Kristiane është 34 vjeç e 25 ditë, duke u bërë kështu futbollistja më e vjetër që shënon tre gola në një Kupë Bote.