Bosnja

VIDEO | Kryevepër e Insinjes, Italia synon përmbysjen

Sport Ekspres — Tue, 11 Jun 2019 19:50:00 +0000

Çfarë goli ka shënuar Lorenco Insinjes! Italia e mbylli pjesën e parë në dizavantazh përballë Bosnjës, por pushimi i ka bërë mirë. Djemtë e Roberto Mançinit kanë barazuar rezultatin shumë shpejt.

Sulmuesi i Napolit ka gjetur rrjetën në minutën e 49-të. Krosim shumë i bukur i Bernardeskit nga goditja e këndit dhe koordinim perfekt i Insinjes. Portieri mik në vend, topi në rrjetë dhe tifozët e pranishëm në festë. Kryevepër e Insinjes, ndërsa Itali do tentojë deri në fund fitimin e ndeshjes.

I’m just recording this hit from Insigne off my tv because this is next level pic.twitter.com/BtZqNuGnNi

— Wayne Girard (@WayneinRome) June 11, 2019

Tolerancë 0 në Bosnjë, 250 euro gjobë për një palë xhinse

Sport Ekspres — Fri, 19 Apr 2019 15:01:58 +0000

Komisoni i Disiplinës pranë Federatës së Futbollit të Bosnjës ka gjobitur me 250 euro trajnerin e skuadrës së Shiroki Brijeg, Goce Sedloski.

Arsyeja është disi komike. Tekniku maqedonas duhet ta paguajë këtë gjobë për shkak se kishte veshur xhinse gjatë takimit të javës së shkuar ku skuadra e tij u përball me Sarajevon. Xhinset janë një ndër disa artikujt që ndalohen të përdoren nga trajnerët, pasi konsiderohen si shkelje e kodit të veshjes të hartuar nga federata e shtetit “fqinj”.

Trajneri maqedonas Goce Sedloski

Krahas xhinseve, federata boshnjake nuk lejon veshjen e tutave me prerje të shkurtër dhe sandalet.

Tatuazh çetnikësh dhe skandal videosh intime, Bosnja përjashton mbrojtësin

Sport Ekspres — Fri, 22 Feb 2019 21:04:16 +0000

Trajneri i Bosnje-Hercegovinës, Robert Prosinecki ka bërë publik lajmin se mbrojtësi Ognjen Vranjesh është përjashtuar nga kombëtarja që ai drejton. Tekniku kroat u shpreh se ky vendim erdhi si pasojë e raportit të keq të lojtarit me tifozët dhe për disa probleme jashtë futbollit.

Vranjesh, i cili ka 38 aktivizime me përfaqësuesen e Bosnjës acaroi tifozët boshnjak duke bërë tatuazh portretin e një udhëheqësi të njohur të lëvizjes çetnike gjatë luftës së dytë botërore.

Sikur të mos mjaftonte ky detaj, Vranjesh u përfshi në një skandal që bëri bujë të madhe në Serbi, pasi në internet filluan të qarkullonin një sërë videosh dhe SMS-sh ku ai shfaqej në momente intime me të dashurën e tij Jelena Karleusha.

“CV” me 266 gola, Edin Xheko zgjedh të preferuarin (VIDEO)

Sport Ekspres — Sat, 24 Nov 2018 21:33:07 +0000

Edin Xheko është padyshim një ndër sulmuesit më të mirë në qarkullim. Në karrierën e tij gati 15-vjeçare si futbollist profesionit, boshnjaku ka shënuar 266 gola, ku 55 prej tyre me kombëtaren e Bosnjës.

Por, kush është më i veçanti për të? Këtë ai e zbuloi pak në një sesion online, ku iu përgjigj pyetjeve nga fansa nga e gjithë bota.

“Goli im i preferuar është goli im i parë në debutimin tim me kombëtaren e Bosnjës kundër Turqisë. Ishte një gol i bukur, goditje “gjysmë-volej” dhe topi përfundoi të trekëndësh. Vetëm fakti që po luaja për vendin tim ishte një ëndërr e bërë realitet, por fakti që shënova gol e bëri atë eksperiencë akoma më të paharrueshme”.

Edin Xheko në histori, pjesë e 10 më të mirëve

Sport Ekspres — Wed, 17 Oct 2018 18:36:29 +0000

Edin Xheko shënoi dy gola në ndeshjen e fundit me Bosnje-Hercegovinën, duke regjistruar kështu rrjetën e 55 me Kombëtaren e tij. Ishte një gol shumë i veçantë, pasi tani ndodhet në dhjetëshen më të mirë të shënuesve të Kombëtareve të të gjitha kohërave.

Xheko arrin në kuotën e 55 golave Robert Levandovskin, por dhe Jan Koller. Gjasat janë që boshnjaku të ecë dhe më lart në këtë listë, pasi Zllatan Ibrahimoviç i vendit të shtatë është vetëm 7 gola më lart.

Bosnja ndodhet në grupin e tretë të Ligës B dhe deri tani ka bërë mjaft mirë, kjo për faktin se është e para në grup me 9 pikë të plota dhe me një pikë mund të garantojë matematikisht dhe kalimin në Ligën A. Xheko, edhe pse 32 vjeç do tentojë që të arrijë sa më lart në këtë klasifikim, për të qenë sa më gjatë në listën e 10 shënuesve më të mirë sa i përket Kombëtareve Europiane.

Dzeko enters European's elite ?? pic.twitter.com/VxKtTgXh4K

— B/R Football (@brfootball) October 17, 2018

Xhaka e Shaqiri mjaftohen me asiste, Xheko çon Bosnjën në krye

Sport Ekspres — Mon, 15 Oct 2018 21:19:15 +0000

Zvicra ka arritur të mundë në transfertë Islandën me rezultatin 1-2, duke marrë kështu një trepikësh mjaft të vlefshëm në garën për kreun e Grupit 2 në Ligën A. Vendasit dominuan ndeshjen, por dolën nga fusha e lojës kokulur, duke mos arritur t’i gëzohen golit fantastik të Finbogason. Granit Xhaka dhe Xherdan Shaqiri dhanë asistet në golat e përfaqësueses “helvete”, ndërsa minuta pati dhe për Albian Ajetin.

Bosnja hipotekoi kreun në Grupin 3 të Ligës B. Kombëtarja ballkanase mundi në shtëpi Irlandën e Veriut, në një takim ku vendosi dopieta e Edin Xhekos, që vazhdon t’i shtojë numra rekordit të tij si golashënuesi më i mirë në historinë e përfaqësueses së Bosnjës.

Liga A, Grupi 4

Spanjë 2 – 3 Angli

Liga A, Grupi 2

Islandë 1 – 2 Zvicër

Liga B, Grupi 3

Bosnjë 2 – 0 Irlanda e V.

Liga C, Grupi 2

Estoni 3 – 3 Hungari

Finlandë 2 – 0 Greqi

Liga C, Grupi 2

Bjellorusi 0 – 0 Moldavi

Luksemburg 3 – 0 San Marino