borusia m’gladbah

Zyrtare | Sulmuesi i Gladbah largohet, zbarkon në Premier League

Sport Ekspres — Tue, 25 Jun 2019 17:54:41 +0000

Josip Dërmiç nuk do të vazhdojë të jetë pjesë e Borusia Monçengladbah. Zvicerani ka mbyllur kështu pas tre vitesh bashkëpunimin me klubin gjerman. Ai do e vazhdojë karrierën e tij në Premier Ligë me të sapongjiturit në elitën e futbollit ishullor, Noruiç.

Ekperienca e tij me Borusian ka qenë tepër e vështirë për shkak të dëmtimeve. Në tre vite ai numëron vetëm 54 paraqitje dhe shtatë gola. Në deklaratën e lamtumirës 26-vjeçari shprehet: ”Edhe pse nuk kam luajtur shumë këtu, kam ndjerë një ambjent të ngrohtë. Largohem me shumë kujtime të mira. Një sfidë e re më pret në Premier Ligë”.

Dortmundi starton me dy super blerje, prezantohen javën e ardhshme

Sport Ekspres — Tue, 14 May 2019 15:52:48 +0000

Borusia e Dortmundit nuk mund të presë të hapet zyrtarisht merkatoja, por starton që tani me blerjet. Kristian Pulisiç do të largohet këtë verë dhe pritet të lërë një boshllëk në ofensivën e verdhezinjve. Torgan Hazard do të jetë ylli, që do të zëvendësojë amerikanin. Borusia e Dortmundit ka arritur marrëveshjen me Monçengladbahun për transferimit e 26-vjeçarit. Shifra e transferimit të tij arrin 30 milionë eurot. Një blerje mjaft e lirë duke parë aftësitë e sulmuesit belg, që regjistron 10 gola dhe 10 asiste në Bundesligë këtë seon.

Torgan Hazard

Niko Shulc është përforcimi i dytë për Borusian e Dortmundit. 26-vjeçari është blerë nga skuadra e Hofenheimit për shifrën e 25 milionë eurove. Shulc është një mbrojtës me karakteristika tepër ofensive dhe shumë i shpejtë. Ai përfaqëson edhe ekipin kombëtar të Gjermanisë. Shulc ka zhvilluar 28 ndeshje me Hofenheimin këtë sezon dhe regjstron 1 gol dhe 5 asiste. Të dy lojtarët do të prezantohen në “Signal Iduna Parc” gjatë javës së ardhshme.

VIDEO | Gol i pabesueshëm, M’Gladbah me një numër rekord pasimesh

Sport Ekspres — Sat, 09 Feb 2019 21:40:20 +0000

Borusia Myshengladbah e ka humbur shkëlqimin e saj në vitet e fundit dhe është shkëputur nga elita e futbollit gjerman, por vazhdon të jetë një nga ekipet më të bukura për t’u ndjekur. Politika e klubit është të investohet te talentet dhe skuadra ka një moshë mesatare shumë të re.

Rezultatet këtë sezon kanë qenë shumë të ndryshme, pasi në disa ndeshje, Gladbahu ka treguar se është një skuadër shumë cilësore, ndërsa në disa takime tjera ka marrë rezultate shumë zhgënjyese. Një nga ndeshjet më të mira të Gladbahut këtë sezon ka qenë padiskutim ajo e Kupës së Gjermanisë përballë Shalkes, ku triumfuan 0-2 në transfertë.

Goli i dytë, i shënuar nga Neuhaus, ka qenë spektakël më vete. Gladbahu bëri plot 61 pasime për të shënuar këtë gol, duke treguar një cilësi të madhe skuadre. Të gjithë lojtarët e ekipit ishin në kontakt me topin, përveç sulmuesit Herman. Një gol me të vërtetë spektakolar.