Sanço ishte autor i një goli dhe dhe një asisti për Pako, duke marrë pjesë në të dy rrjetat e ndeshjes. Jo vetëm kaq por driblimet dhe vizioni i tij tejkalojnë limitet e një futbollisti normal. Me shumë mundësi do të jetë pikërisht ai, që do konkurrojë Mbapenë, në epokën e re që po nis.

Statistikat e Sanço kundër Bajernit:

81 minuta lojë
1 gol
1 asist
35 pasime
86% saktësia e pasimeve
1 gjuajtjë në portë
2 pasime vendimtare
4 driblime të kryera

Sancho’s performance vs Bayern tonight pic.twitter.com/mRQgCHjNPL

— H ?? (@HugoooG78) August 3, 2019

Këtë verë nuk llogaritet largimi i tij. Merkaton e ardhshme Reali do të niset me një plan të qartë. Ata duan t’i japin Dortmundit Mariano Diaz, plus një shumë parash për të nënshkruar me Xhejdon Sanço. Anglezi do të ishte një nënshkrim gjigant, duke parë cilësitë e tij, që bashkë me Mbape janë kandidatë potencialë për të fituar Topin e Artë pas mbylljes së epokës Mesi-Ronaldo.

Klubi rus ka pësuar një ringjallje misterioze dhe po inteston shuma të mëdha për t’u rikthyer në elitën e futbollit rus më shumë se një dekade në medikritet dhe në vite të caktuara pranë falimentimit.

Drejtuesit e Dinamos kanë ofruar 40 milionë euro për dy lojtarët, shifër kjo që ka bindur palën gjermane.

Reshjet e dendura në qytetin austiak të Altashit bënë që të mos flitej më për futboll. Si pasojë terrenit të rënduar duelet midis lojtarëve filluan të bëhen gjithmonë e më të shpeshta derisa gjithçka doli jashtë kontrollit në minutën 83-të.

Mediet gjermane tregojnë se 28-vjeçari e ka përfunduar kërkimin e tij. Ai do të transferohet në Rusi te Spartaku i Moskës. Gjermani ka arritur marrëveshjen dhe në orët në vazhdim do të udhëtojë drejt Moskës për të zyrtarizuar marrëveshjen. Trajneri Favre ka 34 lojtarë në dispozicion. Kështu pritet të ketë edhe largime të tjera. Kagaua dhe Filips janë me një këmbë jashtë.

Ardhja e Grizman e bën të pamundur qëndrimin e Malkom në Barcelonë. Është gati e sigurt se do largohet, pasi Barçës do i duhet të rikuperojë humbjet e mëdha financiare të blerjëve të Grizman, Dembele, Kutinjo e Frenki De Jong. Gjithashtu duhet të mbledhë fonde për të risjellë Nejmar në “Camp Nou”.

“Borusia është një klub i madh, kemi mbështetje të madhe nga tifozët në këtë turne dhe jam shumë i kënaqur. Jam ambientuar mirë dhe nuk mund të ankohem. Kemi pasur një ngarkesë të lartë fizike dhe po luajmë shpesh. Kemi vetëm 10 ditë së bashku dhe nuk mund të them sesa të fortë jemi. Kam besim se do bëjmë një gjë të madhe dhe do fitojmë trofe këtë sezon”, u shpreh Shulc.

Ndeshja ka përfunduar me rezultatin 1-3 për yjet e Bundesligas. Ka qenë goli i Marius Uolf që ka hapur sfidën. Më pas ka menduar i zakonshmi Alkaser për të dyfishuar shifrat në minutën e 50-të. Katër minuta më pas Kampbell ka ngushtuar diferencën. Sanço nuk u pajtua me këtë dhe vulosi fitoren 1-3 për të tijët.

Edhe Ajaksi ka triumfuar ndaj Uatford me rezultatin 2-1. Pa yjet e shumtë, që janë larguar djemve të Ten Hag u është dashur të vuajnë për të gjetur fitoren. Pjesa e parë është mbyllur me golin e anglezëve me anë të një penalltie të shndërruar në gol nga Andre Grei. Pjesa e dytë ka folur për yjet holandezë që kanë përmysuar me golat e Doni van De Bek dhe Timber.

Ai ishte një nga njerëzit më të rëndësishëm të klubit. Në një intervistë Hoakim Vacke, drejtori ekzekutiv i Borusias u shpreh: “Me ikjen e Verner Myller, kemi humbur një personalitet të shquar, që ka bërë punë të jashtëzakonshme për klubin tonë. Unë personalisht kam humbur një nga njerëzit më të besuar dhe më të aftë”.

Karl Heinz Rumenige përtej nevojave të Bajernit mendon se titulli do të vijë për herë të shtatë radhazi në Mynih. Ai shton se janë në kërkim të një sulmuesi krahu, por nuk premton asnjë emër. Thotë se do të formojnë një skuadër shumë të mirë.

“Kampionati do të vendoset përsëri nga ne. Do e fitojmë për herë të shtatë radhazi. Sezonin e kaluar kishte konkurencë dhe kjo na pëlqen. Është shumë e drejtë që pas atyre investimeve dhe sezonit të vjetshëm, Dortmund të shpallë objektivin titull. Na duhet dhe jemi në merkato për një sulmues krahu. Nuk dua të premtoj asnjë emër. E vetmja gjë që ju them është se do të ndërtojmë një ekip shumë të mirë. Mbrojtja është mirë, por nuk dihet se çfarë ndodh deri në fund të merkatos”, u shpreh drejtori ekzekutiv i bavarezëve.

Neven Subotiç mendon se verdhezinjtë janë favoritë për të triumfuar në Bundesliga sezonin e ardhshëm. Ndihet i gëzuar me ardhjen e Humels dhe deklaron se ai do i japë shumë eksperiencë skuadrës.

“Nëse skuadra e Bajernit mbetet e njëjtë, Dortmundi është favorite për Bundesligën. Diferenca është e qartë. Humels është një blerje shumë e mirë. E përgëzoj për rikthimin, skuadra do të fitojë shumë nga eksperienca e tij”, tha Subotiç.

??
Le Paris Saint-Germain est heureux d’annoncer l’arrivée d’Abdou Diallo au sein du club !#WelcomeAbdou pic.twitter.com/wtgWZsf7nQ

— Paris Saint-Germain (@PSG_inside) July 16, 2019

Trajneri aktual i bardhezinjve dëshiron sa më shumë klas në sulm dhe Manxhukiç nuk ja mundëson këto cilësi. Për të interesohen Borusia Dortmund dhe Bajern Mynih. Sipas medieve italiane, 33-vjeçari e ka mohuar kategorikisht një kalim në Dortmund.

Kjo nga marrëdhënia mjaft e mirë me presidencën në Mynih dhe dëshira për të mos i tradhtuar tifozët e kuq si një ish-bavarez që është. Dëshira e tij e parë është bindja e Sarrit se ai mund të jetë i vlefshëm në Torino. Nëse trajneri i tregon derën, kthimi në “Allianz Arena” është e vetmja mundësi.

Zheremi Toljan është një nga emrat që i tregohet dera. Klubi gjerman nëpërmjet një komunikate në faqen e tij në internet, informon se mbrojtësi gjerman do të huazohet te Sasuolo për sezonin e ardhshëm. Toljan edhe pse është blerë prej kohësh nga Borusia, nuk ka arritur t’i bindë drejtuesit ta bëjnë pjesë të pandarë të ekipit.

24-vjeçari ka ndenjur vetëm një vit e gjysëm në “Signal Iduna Parc”. E gjithë kjo periudhë u dominua nga qëndrimi në stol. Gjashtë muajt e fundit ishte i huazuar në Skoci te Selltik. Borusia e bleu gjermanin në vitin 2017 për 5 milionë euro nga Hofenheim. Sasuolo pritet të jetë klubi i ringritjes së tij.

Ditën e sotme klubi verdhezi ka zyrtarizuar afrimin e radhës. Mateu Morei është zyrtarisht lojtari më i ri i Borusias. Ai ka ardhur me parametra zero, pas përfundimit të kontratës me Barcelonën.

Ai është vetëm 19-vjeç dhe vjen nga “La Masia”, akademia e famshme katalanase. Spanjolli aktivizohet si mbrojtës i djathtë dhe është një lojtar me aftësi mjaft të mira teknike.

Borusia e Dortmundit njihet si një klub që i mbështet talentet dhe mund të themi se është foleja e shpërthimit të shumë lojtarëve. Kështu, mund të themi se Morei ka shkuar në vendin e duhur.

? Hola! Herzlich Willkommen in Dortmund, @mateujaume2! ??#Morey2024 pic.twitter.com/U7ZYFrTOOT

— Borussia Dortmund (@BVB) July 1, 2019

Megjithëse e nisi si titullar i padiskutueshëm këtë vit, përfundoi në lojtar stoli. Ardhja e emrave si Torgan Hazard dhe Julian Brandt e minimizon mundësinë e tij për të zbritur në fushë. Këtë sezon ai regjistroi 23 ndeshje gjithsej, shumica prej tyre si zëvendësues.

Volsburg do të jetë skuadra e tij e re. 25-vjeçari në “Wolkswagen Arena” do të ketë një rol lideri për të udhëhequr gjithë pjesën ofensive. E mira e gjermanit është se mund të mbulojë krahun e djathtë, por edhe qendrën e sulmit. Dortmund e lë të lirë vetëm në këmbim të një shifre mbi 20 milionë euro.

Ky sezon ka qenë i vështirë për të, ku është shoqëruar nga një dëmtim i rëndë në tendinën e Akilit. Ky shqetësim fizik e la atë jashtë fushave deri në muajin dhjetor. Ju desh kohë për të arritur kondicionin optimal fizik dhe gjysma e dytë e sezonit shërbeu për këtë.

Sulmuesi tregon dy anët e personalitetit të trajnerit dhe mënyrën e veçantë sesi sillej me të. E vlerëson shumë besimin e tij. “Klop besoi te unë kur isha 17 vjeç. Më vjen për të qeshur kur e shoh sesa i natyrshëm është para mediave angleze. Është aq origjinal dhe thotë çdo gjë që mendon. Por kjo nuk është e gjithë pjesa e personalitetit të tij. Ka një anë tjetër mjaft të egër.”

“Kur isha një adoleshent dhe nuk jepja maksimumin, ai më afrohej dhe bërtiste me gjuhën e tij të rëndë. Pas stërvitjes më merrte menjanë dhe më thonte: ’Mario si je ti? Flasim pak për jetën, çfarë po ndodh?’. Ai dinte gjithmonë si të sillej me mua. Ka një personalitet të veçantë”, u shpreh Gëce për ish-trajnerin e tij.

Niko Shulc është përforcimi i dytë për Borusian e Dortmundit. 26-vjeçari është blerë nga skuadra e Hofenheimit për shifrën e 25 milionë eurove. Shulc është një mbrojtës me karakteristika tepër ofensive dhe shumë i shpejtë. Ai përfaqëson edhe ekipin kombëtar të Gjermanisë. Shulc ka zhvilluar 28 ndeshje me Hofenheimin këtë sezon dhe regjstron 1 gol dhe 5 asiste. Të dy lojtarët do të prezantohen në “Signal Iduna Parc” gjatë javës së ardhshme.

Bavarezët fituan përballë Hanoverin dhe të njëjtën gjë po bën edhe Dortmundi. Kristian Pulishiç ka zhbllokuar shumë shpejt ndeshjen kundër Verder Bremenit në transfertë.

Inkursion fantastik i amerikanit, i cili shënon qetësisht në minutën e gjashtë. Pulishiç ka dy javë që është rikthyer nga dëmtimi që e mbajti 2 muaj larg fushave të blerta. Lojtari, i cili do të largohet në fund të sezonit drejt Çelsit, është rikthyer në formë dhe është gati t’i japë një dorë ekipit në këto tre ndeshje të mbetura (përfshirë edhe të sotmen).

Nga ana tjetër, Milot Rashica ka zbritur në fushën e blertë si titullar si zakonisht për vendasit e Verderit.

As francezët nuk kanë ndërmend të heqin dorë nga shërbimet e fenomenit 20-vjeçar, kështu që… kalojmë të objektivat e radhës. Në skenë qarkullojnë emra si Salah, Dibala, Mane apo Zhoao Feliks. Të gjithë janë lojtarë të mëdhenj, por trajneri francez ka një dëshirë.

Ai quhet Xhejdon Sanço, 19-vjeçari i Dortmundit. Anglezi ofensiv ka “shpërthyer” sivjet, duke shënuar 12 gola në 39 ndeshje në të gjithë kompeticionet. Të shumta edhe asistet e dhuruara për shokët e tij të skuadrës.

Zidan e pëlqen shumë si lojtar dhe është gati t’ia kërkojë Perezit transferimin e tij në Madrid. Problem mbeten kërkesat e larta të verdhezinjve gjermanë. Dortmundi nuk heq dorë lehtë nga ylli i saj dhe kërkon të paktën 160 milionë euro për kartonin e tij.

Sipas “Sport Bild”, Dortmundi ka arritur akordin me mbrojtësin e Hofenhajmit, Niko Shulc. Bisedimet me klubin po vazhdojnë, pasi drejtuesit e Borusias nuk duan që të paguajnë klauzolën e lirimit prej 30 milionë eurosh.

Shulc është 26 vjeç dhe në muajt e fundit ka qenë zgjedhje e parë e Joakim Lëv në formacionin e kombëtaren gjermane. Forma në rënie e kapitenit Marsel Shmelzer ka bërë që Dortmundi të vihet në lëvizje për të rinovuar këtë repart.

Autoritet i kanë dhënë një dënim shembullor 23-vjeçarit gjerman. Plot 200 mijë euro është shuma që duhet të paguajë sulmuesi për të shlyer dënimin. Një gjobë shembullore kjo për lojtarin, që me shumë siguri do ta mendojë disa herë të thyejë përsëri rregullat e qarkullimit të shtetit strikt gjerman.

Përtej kësaj belaje, sulmuesi edhe me ekipin e tij nuk ka bindur, duke luajtur vetëm shtatë ndeshje si titullar në Bundesligë. Ai është autor i vetëm një goli me verdhezinjtë në këtë vit. Shifra jo te mira për një 23-vjeçar, që duhet të kishte shpërthyer tashmë.

Në një prononcim për “Bild”, Murinjo i “shkel syrin” Borusias së Dortmundit dhe “snobon” Bajernin e Mynihut. Ai tregon një detaj interesant në lidhje me presidentin Vacke, ka një koment për Niko Kovaç, trajnerin e ekipit bavarez, dhe tregon se çfarë i pëlqen më shumë nga Bundesliga.

DORTMUNDI – “E admiroj punën e drejtuesve të Borusias së Dortmundit. Vacke ka besuar tek unë kohë më parë, duke më marrë mendimin për një futbollist dhe një trajner, të cilët i njoh mirë. Unë jam i ndershëm dhe i bëra vlerësimin më të mirë të mundshëm. Që nga ajo ditë kemi patur një respekt të madh për njëri-tjetrin.”

KOVAÇ – “Shpresoj që të qëndrojë, sepse ka punuar shumë për të mbërritur në këto nivele. Është e vështirë të mendosh se Bajerni mund ta humbasë titullin. Ata kanë shumë eksperiencë për të kontrolluar fatin e tyre në Gjermani.”

BUNDESLIGA – “Është një kampionat entuziazmues. Skuadrat po përmirësohen shumë në aspektin taktik. Ka një organizim shumë të mirë dhe stadiumet mbushen plot. Bundesliga është me të vërtetë shumë interesante.”

Situata në kampin e verdhë është shumë e nderë dhe pas ndeshjes dolën në dritë probleme të brendshme, krijuar nga zgjedhjet e trajnerit Lusien Favre.

Në sulm nuk luajti nga fillimi Mario Gëce, si zakonisht, por Marko Rojs, me Favre që e shpjegoi kështu: “Doja shpejtësi dhe depërtim në kundërsulm. Ndoshta duhej të bëja zgjedhje tjetër, por është e lehtë të flasim tani”.

Ndërkaq, Rojs ishte nervoz pas ndeshjes dhe e tha troç atë që mendonte: “Humbje e pafalshme, nuk luajtëm fare futboll. Çdo plan që kishim mori fund pas pak minutash. Nuk luajta në pozicionin tim, natyrisht, ndaj nuk isha i qetë”.

Fjalët e sulmuesit kanë krijuar jo pak probleme, sepse drejtori sportiv Mikael Cork më vonë u pa duke debatuar me Rojs.

Katër gola të takimit u shënuan gjatë pjesës së parë me autor, Humels, Levandovski, Martinez dhe Gnabri.         Në fraksionin e dytë të lojës, bavarezët vazhduan të ishin skuadra dominuese duke mos i lënë asnjë moment të qetë mbrojtjen e Dortmundit.

Me tri pikët e marra sot, kampionët në fuqi rikthehen në vendin e parë të tabelës me një pikë më shumë se verdhezinjtë kur kanë mbetur edhe gjashtë ndeshje deri në përfundim të Bundesligës.

Bajern Mynih 5-0 Borusia Dortmund
Shënues: Humels 10’, Levandovski 17’, 89’, Martinez 41’, Gnabri 43’

Për të ardhmen e lojtarit ka folur së fundmi drejtori sportiv i Dortmundit, Mikael Zork, i cili bëri të qartë se Sanço do të vazhdojë të mbetet pjesë e Borusias të paktën deri vitin tjetër: “Sanço do të jetë pjesë e Dortmundit edhe sezonin tjetër. Ne presim shumë nga ai në të ardhmen. S’na ka shkuar në mendje t’i vendosim një çmim e tij, por mund të them se edhe nëse na kontaktojnë klubet më të mëdha në botë”, tha Zork.

Sanço u ble nga Dortmundi në verën e 2017-ës për 8 milionë euro nga Mançester Siti. Kontrata e 18-vjeçarit me klubin gjerman mbaron në vitin 2022.

Dortmundi shmangu hapin fals ndaj Shtutgartit duke mundur skuadrën nga jugu i Gjermanisë me rezultatin 3 – 1, por fitorja tenistike e Bajernit i çon ata në vend të dytë edhe pse me pikë të barabarta. Tani bavarezët kanë një golevarazh +2 ndaj verdhezinjve çka u mundëson vendin e parë.

Bajern Mynih 6 – 0 Volfsburg
Shënues: Gnabri 34’, Levandovski 37’ 85’, Rodrigez 52’, Myler 76’, Levandovksi

Dortmund 3 – 1  Shtutgart
Shënues: Rojs 62’, Alkaser 84’, Pulisiç 92′ / Kempf 71’

Frajburg 2 – 1 Herta Berlin
Shënues: Petersen 27’, Valdshmidt 80’ / Ibiseviç 77’

Lajpcig 0 –  0 Augsburg

Serbi u pa në një mbrëmje shumë të mirë dhe me golin e tij, praktikisht mbylli sfidën. Asensio shënoi një gol shprese për Realin, por Shone me një goditje dënimi vetëm 2 minuta më pas vulosi triumfin 1-4. Kampionët në fuqi të Ligës së Kampionëve eleminohen kështu në mënyrë të turpshme.

Në takimin tjetër, atë mes Borusia Dortmundit dhe Totenhemit, ishin sërish “Gjelat” londinezë që triumfuan. Një gol nga Heri Kejn mjaftoi që Totenhemi të fitojë 0-1 në Gjermane dhe me rezultatin e përgjithshëm 4-0.

Në Gjermani, Dortmundi është shokuar. Edhe pse goditën 11 herë portën e Loris, ishte Kejn ai që do të gjente rrjetën. Sulmuesi i Totenhemit bëhet golashënuesi më i mirë i Totenhemit në kompeticionet europiane.

CHAMPIONS LEAGUE

Real Madrid-Ajaks 1-4 (3-5)
Shënues: Asensio 70′ / Zijek 7’, Neres 18′, Tadic 62′, Shone 72′

Dortmund-Totenhem 0-1 (0-4)
Shënues: Kejn 49′

Në pamje të parë mund të duket diçka normale, por tifozët e skuadrës gjermane nuk e kanë pritur mirë këtë veprim, duke marrë parasysh paraqitjen zhgënjyese të skuadrës së tyre.

Çështja ka shkuar deri aty sa kreu i klubi Hans-Joakim Vacke ka bërë një mbledhje me skuadrën ku u ka kërkuar lojtarëve që të mos ta përsërin këtë veprim në të ardhmen dhe të fokusohen krejtësisht te ndeshje dhe më pas të pamja fizike.

Goli që zhbllokoi takimin ishte një autogol nga mbrojtësi i vizitorëve Bruma, i cili në përpjekje për të larguar topin nga këmbët e Gnabrit çoi topin në rrjetin e tij. Shalke barazoi me anë të një kundërsulmi që u finalizua me sukses nga sulmuesi 18-vjeçar Kutuçu, por më pas të zotët e shtëpisë morën sërish avantazhin me anë të Levandovskit dhe Gnabrit.

Bajern Mynih 3 –  1 Shalke
Shënues: Bruma (aug) 12’, Levandovski 27’, Gnabri 57’ /  Kutuçu 25’

Ky sezon nuk ka qenë fort i mirë për sulmuesin 26-vjeçar, i cili ka arritur të shënojë vetëm dy gola dhe të asistojë tre herë këtë kampionat. Gjithsesi Kristal Palace nuk heq dorë kollaj nga sulmuesi, të paktën jo për më pak se 50 milionë sterlina.

Për Dortmundin transferimi i Zaha do të vendoste një rekord të ri. Andrea Shurle nga Volfsburgu kaloi te verdhezinjtë për shumën e 30 milionë eurove. Sulmuesi gjerman është ende transferimi më i shtrenjtë i Dortmundit.

Ndeshja ishte e ekuilibruar me të dyja skuadrat që krijuan raste, por Dortmundi u tregua më cinik në pjesën e parë, duke shënuar me anë të Aksel Vitsel në minutën e 19-të, në zhvillimet e një goditje nga këndi. Ekipet u drejtuan për në dhomat e zhveshjes me rezultatin 0-1.

Fraksioni i dytë u dominua thuajse i gjithi nga ekipi vendas, por Dortmundi arriti të rezistonte deri në fund. Kështu, verdhezinjtë e çojnë diferencën me Bajernin përsëri në gjashtë pikë.

Bundesliga | Java e 18-të

Lajpcig – Borusia Dortmund 0-1

Shënues: Vitsel 19’

Pavarësisht këtij rivaliteti për trofe, të dy klubet i kanë blerë shpesh lojtarë nga njëritjetri. Në pjesën më të madhe të rasteve më të fituarit nga ujditë midis palëve kanë qenë bavarezët, të cilët kanë marrë emra si Mario Gëce dhe Mats Humels. Megjithatë, në të ardhmen zor se do të shohim më me transferime midis këtyre “gjigantëve” gjermanë.

Sipas medies gjermane “Sport Bild”, në një mbledhje të fundit të kupolës drejtuese të Borusias së Dortmundit, është rënë dakord që t’i jepet fund fushatës së transferime midis tyre dhe Bajernit. Natyrisht tani pritet që Bajerni të bëjë të njëjtën gjë. Një politikë e ngjashme ekziston midis Liverpulit dhe Mançester Junajtid, që nuk bëjnë biznes së bashku prej më shumë se katër dekadash.

Gjithsesi, më poshtë iu kemi sjellë një formacion, i cili është formuar nga shumica dërrmuese, nga lojtarë, të cilët janë larguar tashmë nga Dortmundi. 11-shja duket e frikshme, teksa moduli që kemi zgjedhur është 3-5-2. Në portë është portier aktual, Roman Burki, ndërsa përpara tij rreshtohet në mbrojtje treshja, Sokratis, Humels, Subotiç.

Në mesin e fushës, Marko Rojs, është i vetmi i mbijetuar, teksa katër lojtarët e tjerë kanë zgjedhur të largohen. Ilkay Gyndogan dhe Mkitarjan plotësojnë qendrën e mesit të fushës së bashku me Rojs, ndërsa nga krahët veprojnë, Ivan Perishiç dhe Osman Dembele. Në majën e sulmit, besoj se nuk kanë nevojë për përshkrim, pasi flasin vetëm me gola, Robert Levandovski dhe Pierr Emerik Obamejang. Formacion i frikshëm…

Shkak për këtë regres të frikshëm kanë qenë dy dëmtime të përsëritura në gju. Në fund të nëntorit, Rode u rikthye të luante me skuadrën rezervë të Dortmundit dhe hap pas hapi 28-vjeccari po rikthehet ai i mëparshmi, por është  e qartë që e ardhmja e tij nuk është te Dortmundi.

Sipas medies së njohur “Kicker”, në janar Rode do të huazohet tek ekipi i Ajntrahtit të Frankfurtit. Pikërisht në këtë skuadër, mesfushori arriti kulmin e karrierës e më pas siguroi një transferim te Bajerni i Mynihut, ku luajti për dy vite.

Marokeni, nuk ka arritur të ketë hapësira, pasi në qendrën e mbrojtjes bardhezi aktivizohen Bonuçi dhe Kielini. Nisur nga kjo gjë, mediat italiane raportojnë se 31-vjeçari do të largohet muajin e ardhshëm nga “Allianz Stadium’’.

Për mbrojtësin thuhet të ketë interes të madh nga Bundesliga. Konkretisht, do të kemi një derbi të Ruhrit në merkato.  Bëhet fjalë për ekipet e Shalke 04 dhe Borusia Dortmund, të cilat janë në garë për Benatian. Kujtojmë, marokeni ka luajtur më parë në Gjermani me fanellën e Bajernit, ku verën e vitit të kaluar u ble nga “zonja e vjetër” për shumën e 17 milionë eurove.

Të pranishmit e “Signal Iduna Park” iu gëzuan golave të Pako Alkaser dhe Marko Rojs, por nuk nguruan as t’i dhuronin emocione të jashtëzakonshme Nuri Shahinit. Mesfushori turk u largua në verë për tek ekipi i Verderit, ndërsa ka luajtur shumë vite me Dortmundin.

30-vjeçari mbetet një nga të preferuarit e tifozërisë së zjarrtë dhe në fund të ndeshje ka shkuar për t’u përshëndetur me ta. Skena magjike me gjithë stadiumin që i rezervon lojtarit momente të paharrueshme. Tifozët e Dortmundit nuk janë kot ndër më të mirët dhe unikët në botë…

Shahin luajti 6 sezone me Dortmundin mes viteve 2005-2011, ndërsa zhvilloi dhe 5 sezone të tjera, përpara se të largohej këtë verë drejt Verderit. Mesfushori u bë lojtari më i ri, i cili debutoi në Bundesligë. Ishte data 6 gusht e vitit 2005 dhe ai ishte vetëm 16 vjeç e 334 ditë.

Borussia Dortmund fans salute club legend Nuri Sahin after he returned to the Westfalenstadion with Werder Bremen ?

Incredible scenes ?? pic.twitter.com/OSIIcfOKC3

— Football on BT Sport (@btsportfootball) December 15, 2018

Kjo fitore e ngjit Dortmundin në kuotën e 39 pikëve, ndërsa nuk e kanë provuar akoma shijen e humbjes pas 15-të javëve. Diferenca me Gladbahun dhe Bajernin e Mynihut është 9 pikë, ndërsa miqtë mbeten në vendin e nëntë me 21 pikë. Milot Rashica ishte pjesë e formacionit të Verderit dhe lojtari i përfaqësueses së Kosovës, i cili i la vendin japonezit Osako në minutën e 73-të.

Vendasit e gjeten shumë shpejt golin e avantazhit, por Pako Alkaser ishte në pozicion të parregullt. Spanjolli nuk u ndal dhe shënoi me kokë në minutën e 20-të, duke përfituar nga një krosim i portugezit Guerreiro. Goli i 11-të në kampionat për 25-vjeçarin, i cili kryeson renditjen e golashënuesve më të mirë të Bundesligës me një gol më shumë se shoku i tij Rojs, Levandovski i Bajernit dhe Joviç i Ajntrahtit.

Furia verdhezi nuk u ndal dhe Rojs dyfishoi shifrat shtatë minuta më vonë. Kapiteni shfrytëzoi një pasim të Sanços dhe nga brenda zonës shënoi duke kaluar në festë të pranishmit në “Signal Iduna Park”.

Verderi nuk u dorëzua dhe reagoi me anë të kapitenit. Maks Kruze hapi takimin në minutën e 35-të, duke shënuar një gol fantastik. Aq për pjesën e parë, ndërsa e dyta nuk prodhoi më gola. Gëce gjeti rrjetën në minutat shtesë, por goli i tij u anulua. Në fund 2-1 për Dortmundin, që vazhdon të marshojë drejt titullit kampion.

Borusia Dortmund-Verder Bremen 2-1
(Alkaser 20’, Rojs 27’ / Kruze 35’)

Siç citon “Corriere dello Sport”, Monçi preferon një huazim 18 mujor, por kërkon dhe të drejtën e blerjes së tij. Palët po punojnë për të përcaktuar detajet e marrëveshjes, ndërsa Dortmundi do të kërkojë me siguri përfshirjen e klauzolës së riblerjes së Vaigl.

Lojtari numëron dhe 5 ndeshje me kombëtaren e Gjermanisë, ku debutoi me 29 maj të vitit 2016 në miqësoren e humbur përballë Sllovakisë. Roma vazhdon kontaktet me Dortmundin dhe menaxherin e lojtarit, ndërsa Monçi po ngulmon ta marrë lojtarin në huazim deri në vitin 2020, për të paguar më pas për kartonin e tij, ashtu siç verdhezinjtë gjermanë mund ta riblejnë përsëri mesfushorin difensiv.

Nga ana tjetër, Monçi i ka dhënë përsëri besim Eusebio Di Françeskos. Trajneri i Romës rrezikon prej kohësh postin e tij, ndërsa drejtori spanjoll është i bindur që Di Françesko e ka mundësinë për të kaluar këtë situatë të vështirë. Megjithatë, ndeshja e radhës kundër Xhenoas së Prandelit është deçizive dhe për Romën nuk ka asnjë alternativë tjetër përveç fitores.