Spanjolli luajti për pesë vite në Firence ku u kthyer në një ndër lojtarët më të rëndësishëm të ekipit.  Sipas “Sky Sports”, ditën e sotme drejtori i sportiv i klubit toskan, Daniele Prade ka zhvilluar një takim me homologun e tij zikaltër Piero Auzilio, ku temë bisedë ka qenë transferimi i Borha Valeros.

Mosha e madhe e futbollistit e bën të vështirë që Interi të ketë kërkesa të larta për kartonin e lojtarit, ndoshta marrëveshja mund të mbyllet me një shumë simbolike ose mes kalimi i spanjollit në Firence do të behet me anë të një huazimi 1-vjeçar.

Opsioni i fundit është mëse i realizueshëm. Mesfusha e Interit ka pësuar një ngjeshje me transferimin e lojtarëve si Sensi dhe Barela dhe është e qartë për të gjithë që Borha Valero është kthyer në një lojtar të tepërt për stolin e Interit.

Sipas medieve italiane, Vinçenso Montela ka kërkuar rikthimin e veteranit te Fiorentina, atje ku më parë ka kaluar pesë vite, përpara se të zbarkonte në “San Siro”. Drejtuesit e klubit viol shohin se mesfushori mund të japë akoma në Serie A.

Inter nuk dëshiron ta largojë 34-vjeçarin pa fituar asgjë. Kjo është edhe “nyja”, që ka bërë të ngecë operacioni. Zikaltrit kërkojnë 4-5 milionë euro për ta lënë të lirë. Valero nga ana e tij po negocion me Fiorentinën për ta bindur që të nisë një ofertë drejt Interit.

Gjatë një rasti të ndeshjes, Borka Valeros i vjen një mundësi e artë shënimi por portieri i Udinezes arrin t’ia rrëmbejë topin. Spanjolli për të mos dalë blof, hidhet dhe kalon portierin, por pa top. Ky rast nuk ka kaluar pa u parë dhe tifozët me anë të fotove kanë “shfrenuar” fantazinë. Natyrisht, një “gafë” e tillë është ideale për foto-montazhe.

Megjithatë, 33-vjeçari po preferohet shumë nga trajneri zikaltër dhe nuk  dihet se sa do zgjasë kjo “dashuri”. Një gjë dihet me siguri : Valero nuk preferohet nga tifozët zikaltër.

Borja Valero ka folur përpara sfidës të së hënës për mikrofonët e “Legia Serie A”, duke vlerësuar kundërshtarin dhe sulmuesin Imobile. 33-vjeçari spanjoll është një profesionist i madh dhe është gjithmonë gati për të ndihmuar ekipin e tij, pavarësisht minutazhit të ofruar. Ai vlerëson shokun e skuadrës, Marselo Brozoviç. Me pak më shumë qetësi, kroati do të bëhet një nga më të mirët në rolin e tij, ndërsa në fund elozhe për Luçiano Spaletin, i cili po i merr maksimumin kësaj skuadre.

LACIO – “Ajo ndeshje mbylli rrethin e sezonin tonë, duke na dhuruar objektivin që ndiqnim prej gjithë vitit. Në fund vuajtëm shumë dhe ia dolëm në minutën e fundit, por kemi punuar pafund gjatë gjithë sezonit për të arritur në Champions. Kësaj radhe është ndryshe, por e mendojmë ndeshjen e sezonit të kaluar. Do të jetë një ndeshje e komplikuar kundër Lacios dhe për të fituar na nevojitet një bindje e madhe. Lacio është një skuadër me skema të konsoliduara, mbrojnë shumë mirë dhe është e vështirë të krijosh raste për gol kundër tyre. Imobile lëviz mirë mes linjave dhe mbetet gjithmonë një lojtar i vështirë për t’u markuar. Unë kam besim te skuadra jonë dhe kemi mundësi për të fituar, nëse luajmë lojën tonë.

FORMA – “Është normale që një profesionist të jetë gjithmonë i përgatitur. Asgjë nuk ndryshon nëse të japin një minutë, ose dhjetë minuta në ndeshje. Duhet të jemi gjithmonë të përqendruar për të ndihmuar skuadrën sa më shumë të jetë e mundur. Unë jam një punëtor i futbollit, kjo është e vërtetë. Nuk kam cilësi të jashtëzakonshme, por di të bëj mirë gjithçka. Kam inteligjencë në fushë dhe kam arritur gjithmonë të fitoj besimin e trajnerit dhe të përfitoj hapësirën time në fushë.”

BROZOVIÇ – “Jam përpjekur gjithmonë të përcjell eksperiencën time te të tjerët. Brozo ka qenë njëri prej tyre, kishte një talent të pabesueshëm dhe e shfaqte në ndeshje. Nëse fiton pak më shumë qetësi në atë pozicion të fushës ku luan, ai mund të bëhet një nga më të mirët në botë në rolin e tij.”

SPALETI – “Kur ke një tip të përcaktuar lojtarësh duhet të përshtatesh lojën në bazë të karakteristikave të tyre dhe ai ia ka dalë mbanë. Kemi lojtarë që mund ta kryejnë filozofinë e tij të mbajtjes së topit, por kemi dhe lojtarë të tjerë që mund të mbrojnë dhe të rinisen në sulm me shpejtësi dhe forcë”, përfundon spanjolli i mesfushës së Interit.

Bardhezinjtë janë të fortë, por 33-vjeçari uron që të mos jenë ata fituesit e Champions-it. Në fund dy fjalë ëndrrën e interistëve, Luka Modriç. Kroati do të ishte një përforcim i mrekullueshëm, por vështirë që Florentino Perez të heqë dorë nga shërbimet e tij.

“Një humbje kundër Barcelonës qëndron, edhe pse nuk është kënaqësi të humbasësh. Nuk ishim në gjendje të konkretizonim rastet e krijuara, kështu që gjithçka u komplikua. U përpoqëm të marrim diçka pozitive nga kjo ndeshje, por nuk ishte e mundur. Mendoj se, edhe pa Mesin, Barcelona zhvilloi ndeshjen e saj më të mirë të sezonit, të paktën për atë që pashë unë. Juventus? Ka shumë ekipe kandidate për fitimin e Champions. Juventus është përforcuar shumë, por shpresoj të mos jenë ata fituesit. Modriç tek Inter? Do të ishte një përforcim i madh nëse do të vinte, por nuk besoj se Real Madrid do të lejojë të largohet”, përfundon mesfushori spanjoll i zikaltërve.

Së fundmi, ai ka postuar një foto të së bijës në profilin e tij në “Twitter”. Vajza e spanjollit shihet e mërzitur nga humbja e Interit dhe imazhi i saj përfaqëson gjithë tifozët e ekipit. Megjithatë, Valero tenton të ngrejë moralin e të gjithëve dhe “ngushëllon” vogëlushen. Është vetëm ndeshja e parë dhe ditë të mira do të vijnë.

“Mos u trishto Lucia, sepse ishte vetëm ndeshja e parë, tjetra do të shkojë më mirë!”, shkruan 33-vjeçari, i cili verën e kaluar la Fiorentinën për t’u transferuar në pjesën zikaltër të Milanos.

Dai Lucía non essere triste che è stata solo la prima, la prossima andrà meglio! ????? @Inter #nonsimolla #sempreavanti pic.twitter.com/Uo1ofxg7Nw

— Borja Valero (@borjavalero20) August 22, 2018

Interi është dakord me shitjen e mesfushorit 26-vjeçar dhe kërkon të përfitojë sa më shumë financiarisht, për të nisur sulmin final për kroatin e Realit. Shitja e Vesinos, kur kanë mbetur më pak se 24 orë nga mbyllja e merkatos në vendin ishullor, është e vështirë, por një ofertë e Çelsit në momentet e fundit, mund të zgjidhë situatën.

Siç citon “Sky Sport”, një tjetër mesfushor gjendet në listën e largimeve dhe ai është Borja Valero. Spanjolli është 33-vjeç dhe vështirë që të vijë një ofertë në drejtim të tij, e cila gëzon drejtuesit, të cilët kanë nevojë më shumë se kurrë për para. Gjithsesi ai është drejt largimit dhe priten ofertat.

Mesfushori spanjoll lë Fiorentinën pas 5 sezonesh të shkëlqyera, ku u kthye në një pikë kyçe për klubin vjollcë, që e bleu për 7 milionë euro në gusht 2012.

Tani Fiore do të marrë 5.5 milionë euro, plus 1 milion euro bonos, pasi është e qartë që edhe mosha e mesfushorit bën që çmimi të ketë rënie.

Vetë Borha Valero do të firmosë një kontratë 3-vjeçare me klubin zikaltër, që mbyll afrimin e dytë të rëndësishëm, pas blerjes që qendërmbrojtësit të talentuar Shkriniar nga Sampdoria.

“E kam për detyrë dhe e ndiej se duhet të falënderoj familjen Dela Vale dhe të gjithë Fiorentinën që ka bërë sa më të thjeshtë përmbylljen e kësaj aventure komplekse, si edhe më ka ndihmuar në zgjedhjen e një tjetër eksperience profesionale”. Karriera e 32-vjeçarit spanjoll, mesa duket do të vijojë me zikaltërit nën urdhrat e Spaletit. Në orët e ardhshme do të zhvillohen edhe vizitat mjekësore përpara se ai t’i bashkohet pjesës tjetër të grupit që ka nisur grumbullimin në Bruniko.

TRATATIVA – Një tratativë që ishte nisur që në fillim ajo për Borha Valeron, teksa, pasi u arrit marrëveshja ndërmjet klubit zikaltër dhe vetë mesfushorit, më në fund, u arrit dje akordi mes Fiorentinës dhe zikaltërve. Një operacion që, siç dëshironte Interi, është mbyllur me shifrën e 7 mln eurove. Pra, 5.5 mln euro që do të paguhen tani dhe 1.5 mln në formën e bonuseve. Përsa i përket mesfushorit spanjoll atij i është ofruar një kontratë trevjeçare dhe vizitat mjekësore tashmë do të zhvillohen të hënën. Më pas, do të vijë edhe firma mbi kontratën e re.

Është thjesht çështje financiare dhe ambiciesh, pasi Borha Valero është 32 vjeç dhe kërkon të provojë një aventurë të fundit në nivelet më të larta.

Ditët e ardhshme drejtori sportiv i Interit, Piero Auzilio, do të takohet me homologun vjollcë Pantaleo Corvino, ku do të diskutohet për shifrën e transferimit, pasi vetë lojtari ka gjetur marrëveshjen me Interin.

Interi është gati të shkojë deri në 7 milionë euro, jo më shumë, duke parë edhe moshën e lojtarit, ndërsa Fiorentina kërkon 8-9 milionë.