Borini

Surprizon Milani, ndjek nga afër sulmuesin e Rejnxhërsit

Sport Ekspres — Fri, 26 Jul 2019 17:42:42 +0000

Andre Silva, Kristof Piatek, Patrik Kutrone dhe Fabio Borini janë vetëm disa nga lojtarët që trajneri Xhampaolo mund të përdorë në majë të sulmit te Milani. Megjithatë, kjo merkato do të ndryshojë shumë gjëra. Andre Silva është me valixhe në dorë, mungon vetëm akordi personal me klubin e Monakos.

Gjithashtu, edhe Kutrone ka bërë gati pasaportën, për një kalim në Premier League te Ulvërhampton.
Borini shihet më shumë si një lojtar krahu, ndërsa Piatek mbetet i vetëm në majë të sulmit. Xhampaolo kërkon të afrojë dhe një tjetër sulmues që të jetë partner me bomberin polak, ose të qëndrojë në pritje të mundësisë së tij në rast të një dëmtimi të 23-vjeçarit. Një lojtar me karateristika të tilla, mendohet të jetë Alfredo Morelos.

Ylli i Rejnxhërsit është një lojtar shumë cilësor dhe konsiderohet si futbollisti më i mirë që luan në elitën skoceze. Në ditën e tij, Morelos është i pandalshëm, një gjahtar goli dhe një luftarak i lindur. Cilësitë e tij brenda fushës së lojës janë shumë të mira dhe do të ishte një opsion i lirë për Milanin, megjithatë, kolumbiani është disi problematik jashtë fushave të lojës.

VIDEO | 10 minuta zjarri në “San Siro”, dy gola dhe karton i kuq

Sport Ekspres — Mon, 06 May 2019 20:08:14 +0000

Milani dhe Bolonja po zhvillojnë një ndeshje të luftuar në San Siro. Pjesa e parë u mbyll me avantazhin 1 – 0, ndërsa në të dytën ritmi i lojës është ngritur akoma dhe më shumë.

Borini dyfishon avantazhin në të 68-ën minutë, ndërsa Bolonja përgjigjet me Destron, i cili i shënon ish-skuadrës së tij pas një pakujdesie në mbrojtje. Për t’i bërë gjërat më interesante mendon Paketa, i cili merr dy të verdhë brenda një minuti duke lënë Milanin me 10 lojtarë.

VIDEO | Milani fluturon, Borini dhe Suso e çojnë në “Champions”

Sport Ekspres — Mon, 21 Jan 2019 15:54:43 +0000

Milani ka marrë një fitore me shumë vlera përballë Xhenoas në transfertë, duke i mposhtur këta të fundit me rezultatin e ngushtë 1-0. Një gol nga Borini në minutën e 72’ dhe një “magji” e Susos në të 83’ kanë mjaftuar që kuqezinjtë e Gatuzos të marrin një triumf shumë të rëndësishëm, që i ngjit ata në vendin e katërt në renditje.

Humbja e Lacios ka qenë një “asist” për Milanin, që me këtë sukses është ngjitur në kuotën e 34 pikëve, duke arritur zonën “Champions”. Gatuzo e udhëhoqi skuadrën nga tribuna, për shkak të dënimit që mori një javë më parë. Kjo ndeshje ishte shumë e vështirë për Milanin deri në minutën e 72’, kur Borini zhbllokoi shifrat dhe më pas gjithçka ishte “autostradë” për kuqezinjtë.

Zapata dhe Çalhanoglu u dëmtuan në këtë sfidë dhe këto dy dëmtime, do të bëjnë me dhimbje koke Gatuzon, që ndoshta do të ndërhyjë në merkato për t’i zëvendësuar. Romanjoli, Kesi dhe Kalabria dhe ishin të dënuar nga Federata Italiane dhe kjo fitore përballë Xhenoas, mori dhe më shumë vlera. Ndërkohë, javën e ardhshme kuqezinjtë do të luajnë ndaj Napolit në shtëpi.

Serie A, java e 20-të

Xhenoa – Milan 0-2
Shënues: Borini 72′, Suso 83′

Çmenduri kineze, oferta për Borinin është e parefuzueshme

Sport Ekspres — Fri, 28 Dec 2018 23:21:56 +0000

Fabio Borini është gjithnjë e më pranë largimit nga Milani, me destinacion Kinën. Sulmuesi 27-vjeçar ka arritur marrëveshjen me Shenzhen FC dhe shifrat e publikuara nga Sky Sport janë monstruoze.

Klubi kinez ka gjetur marrëveshjen me sulmuesin për një kontratë 3-vjeçare, me 5 milionë euro neto në sezon.

Ndërkaq, pritet OK nga Milani, që nuk është se ka dëshirë ta mbajë sulmuesin, por kërkon 10 milionë euro, 2.5 milionë me shumë nga sa i ofron Shenzhen.

Kampion Anglie te Chelsea një dekadë më parë, Borini këto vitet e fundit ka pasur rendiment të ulët, duke shënuar shumë pak, mes Sandërlendit e Milanit.

Në dy sezonet e shkuar shënoi mesatarisjt 1 gol çdo 800 minuta në kampionat, ndërsa këtë sezon nuk ka luajtur thuajse fare te Milani.

Borinin e josh oferta kineze, por në fund vendos bukuroshja Erin

Sport Ekspres — Sun, 23 Dec 2018 20:40:19 +0000

Sulmuesi i Milanit Fabio Borini është pranë transferimit në kampionatin kinez, ku skuadra e Shenzen FC është e gatshme t’i ofrojë një pagë dyfish më të lartë nga sa merr aktualisht te kuqezinjtë.

Problematika më e madhe e kësaj transferta mendohet të jetë gruaja a lojtarit, modelja Erin Borini. Milano është qyteti perfekt për karrierën e një modeleje dhe kalimi në Kinë do të ishte diçka tepër negative për karrierën e saj. Gjithsesi sulmuesit i mbeten edhe disa javë për ta bindur njeriun e zemrës.

https://www.instagram.com/p/BoPTrVnHdHT/?utm_source=ig_web_copy_link

https://www.instagram.com/p/Bmlp2KGHNX0/?utm_source=ig_web_copy_link

https://www.instagram.com/p/BlYaYuqHIaf/?utm_source=ig_web_copy_link

https://www.instagram.com/p/BgmHNLfBxV_/?utm_source=ig_web_copy_link\

https://www.instagram.com/p/BT5zJHbAGMX/?utm_source=ig_web_copy_link

https://www.instagram.com/p/_44UmzMKH0/?utm_source=ig_web_copy_link

https://www.instagram.com/p/_Z6vAosKGe/?utm_source=ig_web_copy_link

https://www.instagram.com/p/mvl3EtsKIx/?utm_source=ig_web_copy_link

https://www.instagram.com/p/jND2ZgMKK1/?utm_source=ig_web_copy_link

Lojtari i Milanit drejt largimit, ofertës kineze s’i thuhet dot jo

Sport Ekspres — Sun, 23 Dec 2018 18:21:30 +0000

Merkato e janarit po afron dhe klubet në të gjithë Europën kanë filluar negociatat për të afruar lojtarë cilësorë, por në të njëjtën kohë futbollistë të tjerë bëhen gati për t’u spastruar. Te Milani lojtari që ka më shumë gjasa të largohet është është sulmuesi Fabio Borini.

Futbollisti i blerë nga Sanderlend ka një kontratë që mbaron në vitin 2021, por gjasat që kjo kontratë të respektohet janë të pakta, pasi së fundmi në zyrat e drejtuesve të Milanit ka ardhur një ofertë mjaft interesante nga kampionati kinez.

Sipas sajtit të njohur italian “calciomercato.com”, për kartonin e 27-vjeçarit interesohet Shenzhen FC, skuadër kjo që këtë vit është ngjitur në divizionin e parë të kampionatit kinez. Pritet që marrëveshja mes palëve të mbyllet për 10 milionë euro.

Milani zyrtarizon Borinin, 6 milionë Sandërlendit

Sport Ekspres — Fri, 30 Jun 2017 17:45:58 +0000

Fabio Borini është zyrtarisht i Milanit, duke u bërë blerja e pestë e verës kuqezi, blerë nga Sandërlendi në huazim me detyrim blerjeje për 6 milionë euro.

Pas kontrolleve të detajuara mjekësore dhe testeve atletike, zhvilluar të enjten, ish-sulmuesi i Romës dhe Parmës ka firmosur kontratën që e lidh me Milanin.

Prej disa sezonesh Borini ka luajtur në Angli, me Liverpulin e Sandërlendin, ndërsa tashmë 26-vjeçari kthehet në shtëpi, me shpresën se do të arrijë të gjejë hapësirë dhe më në fund të shpërthejë, pas disa vitesh me shumë luhatje.

“Jam shumë i kënaqur që kam ardhur te Milani, nuk kishte rast dhe skuadër më të mirë për të bërë punën time. Nuk kam fjalë të tjera, jam shumë i emocionuar, pres me padurim të luaj në San Siro”, e nisi konferencën për shtyp Borini, ndërsa administratori i deleguar Marko Fasone deklaroi: “Jam i kënaqur që po zyrtarizoj blerjen tonë të pestë. Siç mund ta shihni, bëhet fjalë për Borinin,që ka kaluar në mënyrë të shkëlqyer testet e ditëve të fundit, duke qenë një ndër sportistët më të mirë të Milanit në dy dekadat e fundit, në disa parametra. Mirabeli më thoshte prej të paktën 3 vitesh që duhet ta marrim dhe tani ia dolëm mbanë. Vjen te Milani për të kompletuar repartin e sulmit, jemi krenarë dhe i urojmë mirëseardhjen”.