Mbrojtësi mund të largohet nga bardhezinjtë, teksa ardhja e De Ligt në ekip do t’i lëkundte jo pak pozitat e tij. Gjithsesi, ditën e sotme Gazzetta dello Sport, raporton se Mauricio Sarri ka telefonuar Bonuçin, me këtë të fundit që ndodhet me pushime me familjen.

Sipas Gazzettas, trajneri italian ka telefonuar mbrojtësin, duke i bërë me dije se është shumë i rëndësishëm për ekipin. Vjen apo nuk vjen De Ligt, Bonuçi është i rëndësishëm shumë për Juventusin, brenda dhe jashtë fushe. Kështu thuhet të jetë shprehur Sarri në bisedën me Leonardo Bonuçin.

Gjithsesi, një vit më vonë gjërat ndryshuan dhe Bonuçi vendosi të rikthehej në shtëpi, të paktën ashtu e quan ai Juventusin. Sidoqoftë, këtë vit duket se jemi kthyer përsëri tek i njëjti film.

Siç raportojnë mediat italiane, Leonardo Bonuçi mund të kalojë te PSG. Ardhja e Mauricio Sarrit në stol dhe mbi të gjitha blerja e De Ligt do ta bënin më të vështirë “jetën” e Leos në Torino.

Kujtojmë se Daniele Rugani gjithashtu është një ndër të preferuarit e Sarrit, pasi me mbrojtësin, trajneri italian ka punuar tek Empoli. Gazzetta dello Sport dhe Sport Mediaset raportojnë se kontaktet e para kanë nisur dhe operacioni ka gjasa të mbyllet me sukses.

“Kemi vuajtur shumë për shkak të sëmundjes së djalit, para dy vitesh. Edhe sherri me Alegrin erdhi në një moment të keq për mua. Ika te Milani, por pak nga pak e kuptova se kisha gabuar, kisha marrë një vendim pa qenë i kthjellët. Gjithsesi, ai sezon te Milani më rriti në aspektin njerëzor.

“Pasi vendosa të ikja, e kuptova se duhej të kthehesha në shtëpi, te Juve. Pata një ofertë të shkëlqyer nga Kina, por e refuzova. Më ka ardhur keq vetëm për ofendimet e adoleshentëve në rrjetet sociale, nuk është normale, sepse është thjesht futboll dhe kisha frikë edhe për fëmijët e mi.

“Anjeli është president i shkëlqyer, kemi komunikim të vazhdueshëm. Trajneri më i rëndësishëm? Antonio Konte, ma ka ndryshuar karrierën, ka qenë themelor për rritjen time dhe për transformimin në lojtar ndërkombëtar”.

Në intervistën pas ndeshjes Bonuçi tha: “Mendoj se faji për këtë është 50 me 50”. Qendërmbrojtësi kritikoi festimin e bërë nga  Ken që bëri pas shënimit të golit.

Reagimet për këtë deklaratë kanë qenë nga më të ndryshmet. Futbollistë si Rahem Stërling, Mario Baloteli  dhe Jaja Ture kanë kritikuar italianin, ndërsa një mënyrë origjinale për të “thumbuar” 31-vjeçarin ka ardhur nga klubi i Dortmundit.

Në llogarinë zyrtare të skuadrës gjermane është postuar një foto të Bonuçit, teksa driblohet nga Marko Rojs dhe në mbishkrim është vendosur një “emoji” e një majmuni.

? pic.twitter.com/eohgsySvnM

— Borussia Dortmund (@BlackYellow) April 3, 2019

KUALIFIKIMI – “Ishte një natë e madhe për të gjithë popullin juventin. Shumë gjëra ishin thënë, si përpara ndeshjes, ashtu edhe në ditët e fundit, por Juventus gjithmonë përgjigjet në fushë.

NDESHJA – Treguam topet këtë ndeshje. Atletikos i mungonin lojtarët, por edhe ne kishim mungesa. Spinacola bëri një ndeshje fantastike në një atmosferë të pabesueshme. Tifozët ishin me të vërtetë lojtari ynë i 12-të.

TRAJNERI ALEGRI – “Kemi një trajner fantastik, i cili na udhëhoqi drejt çerekfinaleve. E dimë që ky është futbolli, njerëzit mezi presin që të bësh një gabim, por trajneri dhe ekipi janë shumë më të mëdhenj se sa këto pengesa. Nuk ishte e lehtë, por ja dolëm. Është diçka që do të na japë adrenalinë për të shtyrë fort deri në qershor.

Diçka e tillë ka zemëruar trajnerin e famshëm italian, i cili tha: “Nuk kishte asnjë faull. Bonuçi u hodh, me shpresën se arbitri do gënjehej. Ky është fryti i mentalitetit në Itali, ku më një përkëdhelje rrëzohesh. Rezultati duket vetë”.

Trajneri italian në këtë mënyrë u “tërheq” veshin edhe klubeve të tjera italiane, që duhet të mësohen me luftën e fortë sportive dhe përplasjet në kompeticionet europiane.

Alegri ka probleme të shumta në mbrojtje, pasi mungojnë Barzalji, Bonuçi dhe Kielini. Kapiteni ishte i fundit që u dëmtua, ndërsa bardhezinjtë do të luajnë për herë të parë pa treshen BBC që nga viti 2011!

Dyshja e qendrës së mbrojtjes do të formohet nga Rugani dhe Kaseres. Uruguaiani është gati të nisë aventurën e tretë me Juventusin. Në dy “debutimet” e para ai ka shënuar gjithmonë dhe sot do të provojë të ndalojë Zhervinjon dhe të gjejë rrjetën për të tretën herë.

Nga ana tjetër është rikthyer Mario Manxhukiç, i cili ka lënë pas krahëve dëmtimin dhe është gati të rikthehet në fushën e blertë.

E TASHMJA – “Tani jam pjekur dhe jam më racional kur vjen puna te vendimet. Jeta të sjell eksperienca që të bëjnë të rritesh. Unë kalova mes këtyre eksperiencave, si brenda ashtu dhe jashtë fushe. Sot mund të them që jam një njeri më i mirë, ose të paktën më i mirë nga çfarë kam qenë më parë. Bonuçi që ishte te Milani nuk ishte Bonuçi i vërtetë”.

E KALUARA – “E shkuara nuk ka rëndësi në rast se nuk të ka mësuar të bëhesh një person më i mirë, kështu që duhet të shohim përpara dhe të përgatitemi për sfidat e ardhshme”.

MILANI – “I uroj Piatek dhe të gjithë Milanit fat të mbarë. Pavarësisht nga ajo që ndodhi, ata mbeten një kujtim fantastik për mua, një ndërthurje që më bëri të piqem akoma më shumë, mbi të gjitha në aspektin njerëzor. Për këtë arsye kisha nevojë të kthehesha në shtëpi te Juventusi”.

“EL PIPITA” – “Higuain? Ai është miku im dhe kohët e fundit hëngrëm një darkë së bashku. Më dukej mirë dhe shpresoj që të rikthehet të jetë lojtari i madh që ka qenë gjithmonë”.

Megjithatë, ndërsa të gjithë e prisnin me kuriozitet përballjen me të shkuarën e afërt, Bonuçi u la në stol nga trajneri Maks Alegri.

Para ndeshjes Bonuçi për Sky Sport nuk e fshehu zhgënjimin dhe krijon sërish një çështje te Juve: “Jam befasuar nga lënia jashtë, kush më njeh e di mirë që do të tërhiqesha kurrë në një ndeshje të tillë, përkundrazi, në situata të tilla jam më të mirën time. Megjithatë, është zgjedhje e trajnerit, sepse kam luajtur 9 ndeshje rresht dhe do bëja edhe të tjera.

“Gjithsesi, kemi skuadër shumë të fortë, që ka lojtarë të gatshëm për të luajtur në çdo moment. Dje Alegri më tha që duhet të qëndroj në stol sepse mungova edhe vjet ndeshjen e parë si ‘ish’. Do më pëlqente të luaja, por grupi është i pari në raste të tilla”.

Pikërisht Leonardo Bonuçi ka folur pas sfidës së djeshme, duke thënë se ndalesa e Juventusit konfirmon se nuk ka asgjë të lehtë dhe se duhet të qëndrojnë gjithë kohën të përqendruar.

“Nëse mendonim se rruga jonë do të ishte pa pengesa tashmë e morëm përgjigjen. Barazimi i sotshëm duhet të shërbejë si një nxitje për ne, për të kërkuar akoma më shumë. Gjithsesi nuk duhet të shikojmë mbrapa, është një ndeshja që ka përfunduar tashmë dhe duhet ta hedhim pas krahëve”, përfundoi mbrojtësi.

Gjithashtu dhe lojtarët e tjerë bardhezinj kanë reaguar nëpër rrjete sociale kryesisht. Bles Matuidi deklaroi se duhet të vazhdojnë të punojnë fort. Ndërkohë nga ana tjetër Federiko Bernardeski shkroi në llogarinë e tij në “twitter”: “Do të reagojmë me forcë”.

Masimiliano Alegri po ashtu postoi në “twitter” diçka domethënëse: “Shpërqendrimi, cektësia dhe nxitimi janë kundërshtarët tanë më të vështira për t’u mundur”. Ndërsa Ronaldo sheh nga ndeshja e ardhshme dhe kërkon ta hedhë pas këtë barazim, por gjithmonë duke marrë një mësim. “Çdo ndeshje të mëson diçka…tani të përqendrohemi te ndeshja tjetër”, shkroi portugezi.

“Ne kemi besim të pakufizuar te Gatuzo, është njeri me zemër dhe të gjithmonë ka qenë në krahun tonë. Ekipi do të vdiste për të, gjëja më e rëndësishme është të përqendrohemi dhe të qëndrojmë të bashkuar”.

Të gjithë e kujtojnë transferimin e bujshëm të një viti më parë, ku Leonardo Bonuçi u largua nga Juventus në drejtim të Milanit. Italiani me mbërritjen e tij në “San Siro”, mori dhe shiritin e kapitenit në ekipin kuqezi, por “djalli” nuk arriti pritshmëritë sezonin e kaluar. Merkaton e verës që lam pas, telenovela vijoi përsëri, teksa Bonuçi u rikthye në Torino sërish.

Bonuçi ishte për një vit pjesë e Milan dhe përkrah tij në repartin difensiv ishte dhe Alesio Romanjoli. Qendërmbrojtësi kuqezi këtë vit ka marrë shiritin e kapitenit dhe po bën një sezon të kënaqshëm. Gjithsesi, 23-vjeçari është rikthyer të flasë për ish-kapitenin Bonuçi, duke thënë fjalë të mira për të, pavarësisht largimit të tij drejt Juventusit përsëri.

“Të gjithë i dinë vlerat e Leos dhe çdokush do të dëshironte ta kishte në ekip. Ai dhe klubet morën vendimet e tyre. Ne nuk pendohemi për këtë gjë, pasi kemi lojtarë si Musakio dhe Kaldara, i cili pritet të rikthehet nga dëmtimi. Matia është një djalë i ri dhe me shumë të ardhme përpara. Ai do ta tregojë se sa i aftë është dhe ne po e presim krahëhapur rikthimin e tij”, përfundoi kapiteni kuqezi.

“Ndoshta një ditë do të jetojmë në një botë më të mirë, për momentin ajo nga e cila shpresoj t’i mbaj larg fëmijët e mi është kjo botë këtu. Ajo e kësisoj njerëzish. Ajo e dhunës me gjeste, fjalë dhe mendime. Tani fshije llogarinë, ndryshoje, thirr dikë për të të ndihmuar. Mëkat që askush nuk do të mundet të të ndryshojë nga qenia e pështirë që je”, shkruan Bonuçi.

“Leonardo bardheziu më i ri. Një fanellë, kjo e Juventusit që ka shenjën më të madhe në karrierën e tij futbollistike: 319 ndeshje në shtatë sezone dhe 19 gola. Së bashku kemi fituar gjashtë tituj kampionë në Serie A, tri kupa të Italisë dhe po aq super kupa”.

“Sezoni e fundit me Milanin ai ishte një ndër protagonistët e skuadrës me 50 aktivizime në të gjitha kompeticionet vetëm Kesie (53 ndeshje) është aktivizuar më shumë se ai.
“12 muaj më parë të përcollëm dhe të falenderuam; Tani jemi të jetojmë përsëri së bashku sfidat e mëdha që na presin”, shkruhej në komunikatën e Juventusit.

Bentornato, Leo! ???

?? https://t.co/5IGreHxfX9#WelcomeToJU pic.twitter.com/IO5D6p6khU

— JuventusFC (@juventusfc) August 2, 2018

Janë kaluar edhe pengesat e fundit dhe tashmë edhe Higuain ka dhënë OK, duke u veshur kuqezi.

Marrëveshja është përfundimtare, raporton Sky Sport, me Leonardo Bonuçin që shkon përfundimisht te Juventusi, Matia Kaldara përfundimisht te Milani dhe Gonzalo Higuain në huazim me të drejtë blerjeje te Milani.

Ashtu si pritej, Bonuçi vishet bardhezi pas një viti në Milano, ku nuk i shkoi ashtu si kishte parashikuar. Dëshira e tij ishtë të kthehej në Torino, Juventusi e ka kënaqur, me mbrojtësin që ka pranuar uljen e pagës me 2.5 milionë euro më pak, nga 8 që merrte te Milani.

Higuain huazohet te Milani për 18 milionë euro, ndërsa kuqezinjtë do të kenë të drejtë ta blejnë për 36 milionë euro vitin e ardhshëm.

Ndërkaq, Kaldara vjen nga një sezon i shkëlqyer tek Atalanta dhe është shkëmbyer kokë më kokë me Bonuçin, duke u vlerësuar secili 40 milionë euro. Kjo do të thotë që edhe në bilanc Juventusi e Milani bëjnë një goditje të shkëlqyer.

Sot Higuain është stërvitur në Torino, ndërsa Bonuçi e Kaldara janë në Amerikë, me ekipet përkatës, ndaj për firmat do të duhet pak kohë, por kjo është çështje dytësore. Mësohet se Kaldara do të jetë që nesër në Milano, ndërkohë që pritet edhe nisja e Bonuçit drejt Italisë.

“Duhet të jemi të ndershëm, unë kam folur me të. Leo ka shkëmbyer idetë e tij me mua, por nuk jam unë klubi. Ai duhet të flasë me drejtuesit, por për sa kohë do jetë pjesë e Milanit, dua të shoh Bonuçin e këtyre 15 ditëve të para. Një profesionist i madh, gjithnjë i pari për të tërhequr grupin. Shpresoj të qëndrojë, është një lojtar më vlerë dhe me mentalitet madhështor. Kur një lojtar shpreh një dëshirë, trajneri dhe ata rreth tij duhet të bëjnë gjithçka për ta bindur të qëndrojë. Natyrisht, duhet të mendojmë edhe për protë e kundrat. Nëse lojtari e kërkon në mënyrë të qartë dhe të hapur largimin, duhet përballuar kjo situatë”, ka deklaruar Gatuzo.

Tashmë gjithçka është e qartë, Bonuçi ka kërkuar të largohet, por ka lënë gjithçka në dorë të Milanit, duke preferuar të mos krijojë probleme e të mos ekspozohet mediatikisht. Dëshira e tij është të kthehet te Juventusi, me sa duket, për të mos larguar familjen nga Italia, ndërsa Milani kërkon Higuainin në këmbim.

Gatuzo ka komentuar edhe zhvillimet e fundit në klub: “Me vjen që Mirabeli po largohet, ai më mori te Milani, por duhet të shohim përpara. Edhe unë pas dy ndeshjesh të gabuara mund të kontestohem. Kam folur me Leonardon, por jo me pronarët e tij. Duhet të ulemi e të flasim, për gjithçka. Merkato? Klubi e di ku duhen përforcime, por pronarët e rinj duan lojtarë 24-25 vjeç, jo 30-31, pasi duan lojtarë që t’u rritet vlera në treg”.

Tani duhet gjetur marrëveshja mes klubeve: të hënën kampionët e Francës do të paraqiten me një ofertë zyrtare prej 35 milionë eurosh për Milanin.

Dje trajneri Xhenaro Gatuzo la të kuptohej se largimi është në dorë të Bonuçit (“Ne e duam këtu, por ai dëshiron të fitojë dhe është gjithçka në dorë të tij”. Vetë Bonuçi, shumë nervoz, iu përgjigj ashpër një tifozi që i kërkoi të qëndronte te Milani (“E di unë ç’duhet të bëj, nuk do ma thuash ti”.

Vetëm një ndërhyrje e fortë nga pronarët e rinj të Milanit mund të ndalë gjithçka, por mbetet fakt që Milani duhet të shesë një emër të rëndësishëm për të blerë sulmues. Donaruma duket se do të qëndrojë, ndërsa për Suson nuk ka asnjë ofertë reale.

Megjithatë, e ardhmja e Bonuçit te Milani nuk është aspak e qartë dhe duke gjykuar nga zhvillimet e sotme, transferimi te PSG duket punë ditësh.

Kjo për faktin se trajneri i Milanit Xhenaro Gatuzo ka komentuar me disa fraza domethënëse situatën në të cilët ndodhet kapiteni i skuadrës së tij Leonardo Bonuçi, i cili duket se kërkon të shkojë në Francë. Fill mbas fitores në testin e parë përgatitor, tekniku i kuqezinjve i është përgjigjur pyetje të gazetarëve në lidhje me këtë situatë delikate të lojtarit të tij.

“Leo është një lojtar shumë i rëndësishëm për skuadrën tonë. Një profesionist i vërtetë që ka dhënë gjithçka në fushën e lojës dhe unë shpresoj që ai të vazhdoj të kontribojë për Milanin. Megjithatë, unë i dëgjoj dhe kërkesat e lojtarëve dhe kam për detyrë t’i respektoj në çfarëdo lloj rasti.”

“Ai dëshiron të fitojë, po kështu duam dhe ne. Askujt nuk i pëlqen që të humbasë. Gjëja më e rëndësishme për mua në këtë situatë është se ai po tregohet një profesionist i vërtetë. Duam që ai të qëndrojë deri në fund, por varet edhe nga vendimi i tij, duhet respektuar dëshira e lojtarëve. Kam folur me të, klubi ka folur me të, le të presim”.

BONUÇI – Vetë kapiteni kuqezi është nervoz, shumë nervoz. Gjatë miqësores së sotme një tifoz iu drejtua “Qëndro me ne, kapiten!”, por përgjigja e Bonuçit ishte shumë e ftohtë, “E di unë çfarë duhet të bëj, nuk duhet të ma thuash ti”. Shenjë se mbrojtësi nuk është i qetë dhe diçka nuk shkon: dëshiron aj të largohet, apo Milani po i bën presion pasi i duhet ta shesë patjetër?

Bërryli, i kapur nga telekamerat dhe i sinjalizuar nga arbitri shtesë (VAR), i kushton shtrenjtë mbrojtësit të Milanit, që do të mungojë të mërkurën në Verona ndaj Kievos dhe të shtunën në San Siro ndaj Juventusit.

Që pas ndeshjes kundër Xhenoas po flitej për mundësinë e pezullimit me dy ndeshje, sepse ishte karton i kuq direkt dhe lojë e rrezikshme, ndaj as për apel nuk ka vend.

Ecco la gomitata di #Bonucci sanzionata con il rosso dopo l’intervento del #VAR decisione giusta? ? @nonleggerlopic.twitter.com/IuWNlzG0NE

— OddscheckerIT (@OddscheckerIT) October 23, 2017

“Ishin 72 orë intensive, siç është edhe e drejtë të jetë kur vesh një fanellë kaq të rëndësishme. Në Xhenova ndodhi ajo që shpresonim të mos ndodhte. Unë jam i motivuar aq sa duhet për të vijuar të përmirësohem dhe sidomos në kondicionin tim fizik dhe mendor. Por, dëshira për të qenë pjesë e kësaj skuadre dhe se jam lojtar i rëndësishëm janë dy faktorë që më bëjë të jap më të mirën”. Leonardo Bonuçi ndjen peshën e fajit dhe përgjegjësisë, por nuk kapet pas modulit: “Jam i qetë. Dilema e skemës 3-5-2 apo 4-3-3 e 4-4-2 është pjesë e jetës dhe historisë time. Shumë thonë që kam bërë mirë te Juventusi me 3 mbrojtëse, por në Europë kemi luajtur me 4, në Europianin 2012 luajta me 4 dhe në Bari me Venturën me 4. Jam në dispozicion total të trajnerit dhe të trajnerit të Italisë. 3-5-2 nuk u zgjodh sepse erdha unë. Mund të luajë dhe të jap mirë. E di që duhet të përmriësohem”. Sakaq, mbi konceptin e urisë dhe grintës: “Vazhdoj të jetoj me uri dhe stimuj. Jemi ekip i ri dhe është normale që të hasnim të tilla pengesa: të luash çdo tri ditë është ndryshe se sa njëherë në javë. Të rikarikosh mendjen është e rëndësishme. Në shtatë vjet me Juventusin, isha gjithmonë gati që të sfidoja veten për të qenë gati. Duhet të mësojmë që duke luajtur çdo tri ditë duhet të fokusohesh te ndeshja e radhës. Ajo që ndodhi në Xhenova ishte një leksion i rëndësishëm për ne. Kritikat? Nuk jam i kënaqur, sepse bëra shumë gabime preçizioni, mbyllje. Ashtu si thoja më parë, kam dëshirë të përgjigjem në fushë në lidhje me atë që është thënë. i kam marrë gjithmonë kritikat si një stimul. E bëra kur mbërrita dhe do ta bëj tani”.

Mentaliteti – Sa i përket mentalitetit: “Jam momente të vështira, të cilat duhet të ngjallin te ne dëshirën për të tejkaluar limitet, ky është mesazhi që ka mbërritur te skuadra dhe u pa në Vjenë. Ramë sërish në Xhenova, por kritikat ishin të ashpra dhe me të drejtë. Duhet të krijojmë një mentalitet fitues dhe duhet të stërvitemi në maksimum. Problemet? Kur zgjodha Milanin e dija mjaft mirë edhe anën e errët të medaljes, në krahasim me ditën e prezantimit dhe entuziazmit. Prania e klubit ishte mesazh për të gjithë, këtë vit nuk ka shaka. Milani duhet të jetë Milan dhe duhet të kalohen pengesat. Nuk ka kohë për të parë mbrapa dhe duhet të çojmë Milanin në Champions dhe të luftojmë për vendet e para në Serinë A. Nuk ndihem kokë turku, por brenda meje lind dëshira dhe tërbimi për t’u përmirësuar dhe mos gjetur alibi. Jam i mërzitur por kjo më bën të jap më shumë. Te Juventusi mësova se duke dhënë më të mirën në stërvitje dhe duke pasur konkurrencë mes lojtarëve, rezultatet vinin. Do të vijnë edhe te Milani, sepse jemi grup i ri, por do të formohemi. Arritjet në jetë vijnë me vështirësi dhe punë. Nuk ka asgjë të lehtë. Ky grup ka uri dhe do ta tregojë”.

Shpeshherë është taktikë, por Vinçenco Montela nuk i beson fare Spal-it, ndoshta edhe sepse stërvitet nga një njohje e vjetër e tij. Sempliçi ishte trajneri i të rinjve të Fiorentinës, kur “Aeroplani” stërviste skuadrën e parë. “Me të kam një mardhënie të shkëlqyer, vinte shpesh për të parë stërvitjet. Ai është një mik dhe është bukur ta rishosh në Serinë A. Spal-i është një skuadër që luan me rregull, kompaktësi dhe rrezikshmëri ofensive. Janë logjikë dhe të koordinuar, e dinë mirë këtë edhe Lacio dhe Interi. Do të jetë një ndeshje që mund të zgjidhet me lojën e ndonjë individi, një goditje nga jashtë zone, apo duke fituar duelet”.

SUSO DHE BONUÇI – Me siguri kjo nisje e sezonit ka qenë inkurajuese në shumë pikëpamje. Përtej ndeshjes së keqe ndaj Lacios, Montela po nis të shohë siguri të ndryshme që i ndan edhe me vetë drejtuesit e klubit. “David Han vjen gjithnjë në stadium, është njëri që transmeton qetësi të madhe. Jam i kënaqur dhe optimist, sepse skuadra po propozon diçka interesante. Pastaj Milani është i tëri për t’u zbuluar”. Në fund, ndonjë fjalë edhe për lojtarët e veçantë. “Kritikat ndaj Bonuçit? Transferimi i tij ka bërë shumë efekt dhe kjo ka rritur përgjegjësitë e tij. Por nëse mbrojtja është përmirësuar në krahasim me vitin e shkuar, merita është edhe e tij. Kush mund të luajë në vendin e tij në rast “tradhtie”? Kesie, që në të shkuarën e ka bërë, apo Romanjoli, ose Paleta. Suso? Është një lojtar i rëndësishëm dhe tani është më i qetë. Nga ajo që kam lexuar rinovimi është më pranë, në fushë mund të bëjë gjëra të jashtëzakonshme dhe me kohën do të mësohet të luajë edhe më brenda fushës. Edhe pse ndoshta nuk e ka kuptuar, këtë e ka bërë gjithnjë”.

DIBALA – Kasano thotë se Dibala i kujton Montelën, i cili përgjigjet: “E vërtetë, ngjajmë goxha si lojtarë. E kisha vënë re Dibalën që kur drejtoja Katanian, e kërkova, por e bleu Palermo për një shifër shumë të lartë”.

Ish-mbrojtësi i Juventusit merr përsipër përgjegjësinë që i takon dhe pas ndeshjes deklaroi: “Nuk dhamë më të mirën tonë, nuk kemi ç’të themi. Duhet kohë për t’u përmirësuar, u futëm në panik në rastin e parë që hasëm vështirësi. Lacio është një skuadër e bashkuar, ne ende jo, por pak mungon që të bëhemi edhe ne skuadër dhe të evitojmë humbje të tilla.

“Duhet të rritemi, jemi një skuadër e re, është detyra ime dhe e më të moshuarve që të tregojnë rrugën për të mbetur gjithnjë skuadër dhe për të mos lejuar paraqitje të tilla, figura të shëmtuara si kjo. Skuadra është e dëshpëruar, natyrisht, por duhet të përveshim mëngët dhe të mendojmë për të enjten. Askush nuk të dhuron gjë, duhet më shumë uri në fushë”.

Tashmë në mediat  italiane po qarkullon lajmi se Milani kërkon edhe Klaudio Markizion, për të kompletuar një merkato spektakolare.

Fillimisht Milani ka kërkuar informacione te Juventusi në lidhje me situatën e mesfushorit dhe duket se Juve nuk ia ka mbyllur derën, ndaj tashmë është gati oferta zyrtare.

Juve kërkon shumë, natyrisht, edhe për faktin se Markizio është futbollist i rritur te klubi bardhezi dhe kjo vlen edhe për listat e federimeve, por e vërteta është se vetë Markizio nuk është fort i kënaqur me hapësirat në Torino dhe pas mungesës në Superkupë, ka parë Juven të blejë francezin Matuidi dhe të kërkojë edhe një mesfushor tjetër qendror.

Mesfushori nuk polemizon, por ndërkohë një transferim te Milani e tundon, aq më shumë që edhe Bonuçi e ka bërë ndonjë telefonatë për ta bindur që të zgjedhë projektin e ri kuqezi. Si rastësisht, Juventusi po interesohet për Manuel Lokatelin e Milanit, edhe ky mesfushor qendror, por edhe Bonaventura mund të përfshihet në bisedime.

Tashmë një lider te Milani, Bonuçi flet edhe për Juventusin, pasi Marota deklaroi dje se Milani është rivali i madh për titull: “Bepe tha që jemi edhe ne favoritë? Do të thotë që Juventusi na e ka frikën. Megjithatë, duhet të punojmë shumë për të arritur nivelin e tyre. Para ndeshjes kërkova t’i them skuadrës që nuk ekzistojnë ndeshje të lehta, në çdo sfidë duhet zbritur për të fituar, por nuk është se u thashë ndonjë gjë të re, e dinin”.

Të dielën Juventusi humbi Superkupën ndaj Lacios dhe Bonuçi, duke folur për La Gazzetta dello Sport, rrëfen ndjesinë e të mos qenit në fushë me fanellën bardhezi: “Në fakt, më dukej e çuditshme ta shihja Juven në televizion, por tashmë ajo është e shkuara. E tashmja dhe e ardhmja ime quhet Milan”.

Kalimi nga Juventusi te Milani nuk është kurrë i lehtë, por Bonuçi është pritur shumë mirë nga tifozët dhe gjithë ambienti: “Besoja se do ekzistonte pak skepticizëm kundrejt meje. Ky entuziazëm më shtyn të jap edhe më shumë. Po pres me padurim të debutoj në San Siro. E pranoj që jam pak i emocionuar: San Siro është historia dhe ditën e ndeshjes në Europa League, edhe pse nuk luaja, ishte një ndër rastet e pakta kur u emocionova duke hyrë në një stadium. Do të më pëlqente të rishihja të njëjtin numër tifozësh çdo ndeshje”.

Tashmë Bonuçi është kapiten dhe ka një rol mjaft të rëndësishëm në grupin kuqezi: “Është një përgjegjësi shumë e rëndësishme, do të jap gjithçka për të mbrojtur këtë fanellë nga minuta e parë deri në të fundit, në çdo ndeshje. Mund të vendos në dispozicion karizmën dhe eksperiencën time, por është skuadra që të bën të tillë. Kam fatin të kem mësuar nga liderë të mëdhenj si Bufon, Del Piero e Kielini. Përsa i përket restos, sekreti është të bërit grup në gjërat e vogla, në detaje. Milani meriton të kthehet lart dhe kjo është ajo që na ka kërkuar klubi”.

Qendërmbrojtësi i kombëtares italiane tregon zgjedhjen e largimit nga Juventusi dhe pse zgjodhi Milanin, kur kishte shumë oferta, edhe nga jashtë: “Sepse ishte projekti më ambicioz. Unë jetoj për sfida të mëdha dhe Fasone e Mirabeli më bënë të ndihesha i rëndësishëm dhe më dëshironin me çdo kusht, përndryshe tratativa nuk do të zgjaste vetëm 48 orë. Nga ana tjetër, dashuritë ose lindin menjëherë, ose nuk lindin kurrë. Nuk është një çështje parash: kush më quan mercenar, i përgjigjem që kisha oferta edhe nga jashtë, ku mund të fitoja më shumë. Zanafilla e krisjes? Gjithçka nisi në Oporto, por edhe më parë kishte pasur episode të vogla jo të këndshme. Tani dua të bëj te Milani atë që bëri Pirlo, i cili ka kuqezinjtë dhe u bë lideri i Juves”.

Milani po përpiqet të kthehet në majën e futbollit italian dhe atij evropian, pak a shumë si Juventusi kur zbriti në Serinë B: “E saktë, ka shumë ngjashmëri. E zgjodha Milanin edhe për faktin se në kokën time është ideja e përsëritjes së atij rrugëtimi në bardhezi, ku e nisëm nga e para si tani dhe mbërritëm në majë. Ja, ky është objektivi im, duka të shkoj edhe më lart se aq. Brenda 4 vitesh shpresoj të fitojë Champions League, dua të fitoj gjithçka të mundshme”.

Milanit i duhet ende një sulmues cilësor dhe vazhdojnë të mbeten në qendër të vëmendjes Beloti e Obamejang, por Bonuçi flet vetëm për italianin: “Beloti është një futbollist shumë punëtor, që tërheq skuadrën përpara. Nuk e di a do të vijë ai, por kushdo që të vijë, duhet të vihet në dispozicion për të dyja fazat. Një sulmues i nivelit të lartë të lehtëson në shumë drejtime, do të ishte mbyllja perfekte e një merkatoje stimuluese dhe entuziazmuese”.

Tani, në një intervistë në Gazzetta dello Sport Bonuçi shpjegon gjithçka.

“Marrëdhënia ime me Juventusin ishte shkërmoqur prej kohësh, divorcin e dëshironim të dyja palët. Ishte një mbyllje natyrale e raportit.

” Alegri? Kam luajtur gjithnjë me të, çka tregon se isha i rëndësishëm për të. Nuk kam pasur asnjë problem me të, edhe pse është e qartë që disa situata kanë pasoja dhe secili merr përgjegjësinë e vet.

“Tribuna në Porto, me mënjanimin në një stol në tribunë? Ai ishte episodi më i bujshëm, që ra në sy, por në realitet ishte vetëm pika që bëri të derdhej gota. Ka pasur situata të ngjashme, por kthehej paqja, ndërsa pas Portos mori fund. A do kisha qëndruar pa Alegrin? Me sikur dhe nëse nuk shkohet gjëkundi”.

“Milani? Sfidë tërheqëse, projekt ambicioz. Fishkëllima në Torino? Kam dhënë gjithçka për ngjyrat bardhezi, nuk ndihem as tradhtar e as mercenar. Në më fishkëllejnë ose ofendojnë, do karikohem edhe më shumë, ashtu si më ndodhte kur ma bënin atë gjë kundërshtarët kur luaja për Juven”.

Në fakt, ishte gjithçka një sajesë, por që si zakonisht në internet u kthye në lajm dhe e raportuan edhe media prestigjioze.

Një prej tyre ishte  ESPN Deportes, që shkruajti: Sipas thashethemeve, Dani Alvesh e Bonuçi u përleshën në pushimin e finales në Champions.

Leonardo Bonuçi e kishte dhënë dje versionin e vet, duke mohuar gjithçka, por sot ka reaguar edhe Dani Alvesh, i cili nuk ka duruar më dhe i është përgjigjur ESPN-së në Twitter: “Sa për informacionin tuaj, Ishim së bashku, duke vuajtur dhe duke komentuar humbjen deri në 6 të mëngjesit. Mos hidhni mut mbi ne, pa e ditur fare çfarë ndodh!”.

Postimin e Dani Alveshit e shpërndau edhe vetë Bonuçi.

Para tu información, estuvimos juntos sufriendo y comentando la derrota hasta las 6 de la mañana, no tiren mierda sin saber no que sucede! https://t.co/x1IcGCmmJk

— Daniel Alves (@DaniAlvesD2) July 15, 2017

Mbrojtësi i kombëtares ka lënë Juven pas 7 vitesh të arta dhe tani ka shpjeguar vendimin e tij, me një letër të hapur në Gazzetta dello Sport.

“Kanë kaluar shtatë sezone. Shtatë sezone me fitore, ëndrra të realizuara, rritje me një lidhje të jashtëzakonshme me Juven, në tërësi totale. Gjashtë tituj, të gjithë të përjetuar dhe fituar duke luftuar. Mbetet keqardhja e madhe që nuk fituam Champions League, por më e madhe është krenaria për sukseset e arritura dhe të qenit pjesë e një familjeje të madhe. Kam dhënë gjithçka, vërtet, deri në fund. Kam marrë, dhënë e mësuar.

Sot shoh se lë pss një histori të shkëlqyer, të denjë për një mbyllje me respejt dhe dashuri, pa cenuar atë që kam jetuar me klubin, kapitenin, shokët dhe tifozët. Faleminderit për gjithçka, Juve”, është mesazhi i lamtumirës së Bonuçit.

Mbrëmë vonë kanë vazhduar bisedimet mes Milanit dhe agjentit të Bonuçit, Alesandro Luçi, duke gjetur marrëveshjen që e çon mbrojtësin më të mirë në Itali te Milani, pas 6 titujsh rresht me Juven.

SHIFRAT – Operacioni i bujshëm konfirmon atë që është kuptuar prej muajsh: Milani i ri është tepër ambicioz, krejt ndryshe nga ai i Berluskonit në vitet e fundit. Për Bonuçit është gati një kontratë me 7.5 milionë euro në vit, plus 2.5 milionë bonus. Juventusi kërkon 40 milionë, Milani ofron 35: 5 milionë distancë, asgjë e madhe.

PËRSHENDETJA – Bonuçi shkoi sot në mëngjes në qendrën stërvitore të Juventusit në Vinovo, por qëndroi shumë pak, ndoshta për t’u përshëndetur për herë të fundit me shokët e tij. Në 9.45 mbrojtësi u largua, duke shkuar në selinë e Juves, së bashku me prokuratorin Luçi. Sot pritet në Milano, aty ku bashkëshortja e tij po kërkon shtëpi me urgjencë, ndërsa administratori i deleguar kuqezi Marko Fasone e pret dhe ka bërë gjithçka gati

Musakio, Kesie, Rodrigez, André Silva, Borini, Konti, Çalhanoglu, Antonio Donaruma e Bilia, tani edhe Bonuçi. Është kthyer Milani i vërtetë!

Mbrojtësi i kombëtares ka gjetur marrëveshjen me Milanin për 6 milionë euro në vit dhe tashmë mungon vetëm marrëveshja Milsn-Juventus. Milani ofron 30 milionë dhe De Shilion, Juve do 40 milionë në dorë.

Arsyet e divorcit dihen, ka kohë që Bonuçi nuk është i lumtur në Torino dhe ka pasur edhe konflikt me trajnerin Alegri, ndaj divorci nuk duhet të habitë askënd. Megjithatë, mendohej Anglia si destincion, ndaj goditja e Milanit merr përmasa të jashtëzakonshme dhe është sinjali i madh se Milani i ri është tepër ambicioz.

Ndërkaq, Milani i ka shitur sot sulmuesin Lapadula Xhenoas. Një sezon kuqezi, 8 gola e 4 asiste, por jo titullar, ndaj LapaGol shkon te Xhenoa. Dy milionë euro huazimi dhe 11 milionë shtesë për blerjen e detyruar pas një viti. Aspak keq!

Megjithatë, lajmi i fundit nga Italia është i bujshëm: Milani kërkon Leonardo Bonuçin!

Lajmi është përhapur nga Sportmediaset dhe ai që fillimisht u duk një spekulim sa për pak bujë mediatike, tashmë po pasurohet me detaje që konfirmojë idenë e klubit kuqezi.

Fillimisht u fol për një ofertë që përfshin De Shilion, Romanjolin dhe para, ndërsa Bonuçit i ofrohen 7 milionë euro në sezon.

Bonuçi është dakord, aq më shumë që te Juventusi ka fituar gjithçka në Itali dhe sezonin e fundit ka probleme të mëdha me trajnerin Alegri, por Juventusi po mendohet.

Sot Milani ka dërguar edhe propozimin e dytë: 30 milionë euro plus De Shilion, ndërsa SportItalia raporton se agjenti i lojtarit, Alesandro Luçi, ka konfirmuar se po punon për transferimin e Bonuçit.

Tentativë për të ushtruar presion mbi Juven për ndonjë kontratë të re? Vështirë, sepse Bonuçi sezonin e shkuar rinovoi.