https://www.facebook.com/bfc1909official/videos/411651946118875/

Bolonja pagoi 6 milionë euro për të blerë kartonin e sulmuesit 19-vjeçar nga danezët e Nordsjeland. Olsen shënoi 22 gola në 36 takime ndeshje, shifra këto tërhoqën vëmendjen e shumë klubeve nëpër Europë.

https://www.youtube.com/watch?v=QbRDqccAeRg

Suso është rikthyer të shënojë për Milanin pas më shumë se tre muajsh. Sulmuesi spanjoll ndëshkoi Bolonjën në minutën e 37-të  me një depërtim të bukur në zonë dhe një të majtë që la në vend portierin Skorupski.

Kontrata e Dermakut me Kozencën përfundon në verë dhe ai do të dalë lojtar i lirë në fund të sezonit. Sipas lajmeve që vijnë nga vendi fqinj, Bolonja është bindur për cilësitë e tij dhe do t’i ofrojë së shpejti një kontratë të rëndësishme.

27-vjeçari numëron 30 ndeshje të zhvilluara këtë sezon me Kozencën, ndërsa me kombëtaren kuqezi është aktivizuar në dy ndeshje.

Titulli është fituar, ndërsa zyrtarizimi dhe festa e madhe mund të vijë në ndeshjen e radhës kundër Fiorentinës. Bardhezinjtë e kanë mendjen te ndeshja e kthimit kundër “harkëtarve”. Synimi është kualifikimi në gjysmëfinale.

Megjithatë, zgjedhjet e trajnerit juventin kanë shkaktuar polemika në vendin fqinj. Spali përmbysi golin e Moize Ken dhe siguroi një trepikësh të artë për qëndrimin në elitë.

Sinisa Mihajloviç ishte i pari që reagoi. Trajneri i Bolonjës, por edhe Empoli, Udineze dhe Xhenoa janë ndjerë keq kur kanë parë Spalin të sigurojë një trepikësh të lehtë kundër kampionëve.

“Problemi është kur përballesh me Juven që hedh në fushë të rinjtë ose lojtarë të Serisë C, kjo nuk më duket e drejtë. Ishte diçka që nuk më pëlqeu, por e di që atyre nuk do u plasë fare. Për fat të keq, futbolli italian është i tillë“, komentoi Mihajloviç pas barazimit pa gola kundër Fiorentinës.

Në këtë çështje është përfshirë edhe Antonio Kasano. Barezi i famshëm tregohet i drejtpërdrejtë si gjithmonë. Ai ka mbetur i zhgënjyer nga zgjedhjet e Alegrit dhe e mbyll me një batutë për urrejtjen e madhe që ekziston kundër klubit torinez.

“Nuk më pëlqeu fare qëndrimi i Alegrit. Ai e mbushi ekipin me djem të rinj. Skuadrat që po garojnë për mbijetesën e kanë të vështirë ta pranojnë një situatë të tillë. Juventusi duhet të zbresë në fushë lojtarë për të fituar ndeshjen dhe jo për të zbavitur djemtë e rinj ose për të bërë shfaqje të tilla. Empoli dhe Bolonja ankohen me të drejtë. Bardhezinjtë nuk janë aq të dashur nga njerëzit, nëse e kërkojnë edhe vetë pastaj…”

“I krijojmë probleme vetes në situata ku nuk ka asnjë shkak për ato. Kjo gjë e bën skuadrën të ndihet e pasigurtë dhe kundërshtarët përfitojnë nga kjo gjë duke na shënuar”.

“Skuadra i bën mirë gjërat e thjeshta, por nuk po arrijmë të krijojmë episodet që na japin avantazhin. Ruajmë balancat në fushë, por nuk arrijmë të vëmë në presion kundërshtarët. Na mungon shpirti luftarat, të tjerët po luftojnë më shumë se”.

VËRSHËLLIMAT E PUBLIKUT – “I kam dëgjuar shpesh përgjatë karrierës sime. Kur paguan për një biletë, mendoj se është e drejtë të kërkosh diçka ndryshe, sidomos kur bëhet fjalë për një skuadër si Interi”.

RANOKIA QENDËRSULMUES ? – “Nuk kishte asgjë të veçantë zëvendësimi i Raniokas. Donim që ta çonim topin sa më shpejt në zonën e rreptësisë, por për këtë na duheshin lojtarët e duhur që të përfitonim sa më shumë. Ai iu afrua disa topave, por nuk kishte shumë hapësira”

Ekipi i fundit që ka bërë publike planet e rinovimit të stadiumit është Bolonja. Stadiumi “Dall’Ara” është një ndër impiantet më të veçanta në Itali, për faktin se shumë pak ka ndryshuar që prej inaugurimit në vitin 1929.

Në projektin e prezantuar rishtazi është planifikuar që i gjithë stadiumi të mbulohet, ndërsa do të ruhet hyrja historike përballë tribunës kryesore, që është një nga pjesët më të veçantë dhe elegante të stadiumit.

Sipas medieve italiane, 27-vjeçari është shumë pranë rikthimit në Itali dhe në javë në vazhdim pritet të zyrtarizohet ekipi i tij i radhës. Në garë për Sansonen janë vënë Fiorentina, Lacio dhe Bolonja.

Është pikërisht ekipi i Inzagit, ai që është në “pole position” për të marrë ish-sulmuesin e Sasuolos. Sansone ka luajtur vetëm një ndeshje me përfaqësuesen e Italisë. Një rikthim në vendlindje do të mund t’i japë sërish një biletë në kombëtaren “axurre”.

NDESHJA – “Mbajtëm kontrollin e topit, por më kot. Nëse i hedhim një së të shkuarës, Interi fitoi këtu me një strategji të ngjashme, ndërsa Roma u mund. Bëmë gjithçka mirë, përveç topit të fundit dhe finalizimit. Ishte një paraqitje mediokër. Vetëm sa e gudulisëm mbrojtjen e Bolonës, kur duhet ta kishim shqyer. Ndaj një skuadre që rrin me 10 veta në mbrojtje duhet të tregohemi më të saktë”.

Zemërimi i Kutrones pas zëvendësimit me Kastijehon  ? – “Futa Kastijehon për t’i dhënë lojës një ritëm tjetër, pasi ai është një lojtar i aftë në driblim një kundër një.  Gjëja më e rëndësishme është të jemi të sinqertë me njëri-tjetrin. Në ditë në vazhdim, sigurisht që do kem një bisedë me Patrikun (Kutronen). Kemi luajtur më së shumti me formacionin 4-3-3. Nëse kam më shumë sulmues në zonë, nuk do të thotë se do jemi më efikas. Mendoj se kur luajmë 4-4-2 bëhemi të parashikueshëm për disa kundërshtarë.

Përshëndetja me grusht ndaj Inzagit ?

“Sa më shumë qëlloj më dikë me grusht, aq më shumë e dua atë. Nëse nuk të godas aq fort, atëherë do të thotë se nuk ju vlerësoj shumë. Më pëlqen puna ime, pasi më bën të ndihem gjallë, por ky profesion mund të të plakë shumë shpejt”, përfundoi Gatuzo me batutat e tij të përhershme.

“Nuk ishte një paraqitje e mirë. Skuadra ishte shumë e ngathët dhe për këtë jemi të gjithë fajtor. Është për të ardhur keq, pasi kërkonim që të luanim mirë, por nuk ia dolëm. Të shtunën do e kompensojmë këtë rezultat”.

“Nuk është faji i sulmuesve nëse ata nuk shënojnë. Është faji i të gjithë ne të tjerëve që nuk u japim atyre shërbimin e duhur. Lëviznim mirë me topin, por sapo u afroheshim portës së tyre ngecnim çdo herë”.

“Tani duhet të japim gjithçka në çdo ndeshje. Kemi vetëm një ndeshje në javë për pjesën e mbetur dhe fokusi ynë është krejtësisht te Serie A”, përfundoi Romanjoli

Në stolin “kundërshtar” do të jetë Xhenaro Gatuzo, një mik i shtrenjtë me të cilin Inzagi ka ndarë shumë triumfe në fushën e blertë. Në fund një vlerësim për yllin e kuqezinjve, i cili është Suso sipas trajnerit të Bolonjës.

“Le të flasim për futboll. Ajo çfarë ndodhi në Kasteldebole më ka goditur negativisht. E cilësoj si një gjest të dënueshëm dhe jam afër drejtuesve. Unë dhe djemtë e mi kemi një motiv më shumë për të bërë një ndeshje të madhe nesër. Milani? Duhet të luajmë me shumë adrenalinë. E shoh ekipin të karikuar, por është nga ata ndeshje ku nuk mjafton as të luash në mënyrë perfekte.”

“Gatuzo? Xhenaro është një mik i madh. Kemi folur përpara pak kohësh, kur ndodhej në vështirësi. Do të jetë një takim special për shkak të asaj që Milani ka qenë për mua. Ata janë dhe do të mbeten gjithmonë në zemrën time, gjithmonë. Objektivat e klubit ishin të qarta. Nëse ndeshja e Athinës do të luhej 100 herë, me Suson në fushë Milani do e fitonte 99 herë. Spanjolli është një lojtar që bën diferencën.”

Ultrasit “shpërthyen” pas humbjes së fundit kundër Empolit, duke bërë thirrje për protesta. Mbasi hapën disa banderola, ata kanë shkuar më tej. Tifozët u kanë dhuruar një surprizë të hidhur dhe të frikshme drejtuesve të klubit.

Gjatë ditës së djeshme tifozët e Bolonjës kanë vendosur 3 kryqe me emrat e drejtuesve të klubit para qendrës stërvitore të ekipit: Klaudio Fenuçi (administratori i deleguar i klubit), Rikardo Bigon (drejtori sportiv) dhe Marko Di Vaio (menaxheri i klubit). Jashtë listës së zezë ka përfunduar trajneri i ekipit, Pipo Inzagi. Normale, ai është dhe mbetet SuperPipo, pavarësisht përgjegjësive që i takojnë.

Marrëveshja e Veselit me Empolin është e vlefshme deri në verën e vitit 2021, ndërkohë tanimë ekipi i Serie A është gati t’ia zgjatë atë edhe me një vit tjetër. Mbrojtësi 26-vjeçar këtë sezon ka luajtur shpesh si titullar.

Dëmtimet e kanë penalizuar disa herë, por stafi teknik e ka përdorur shpesh edhe në të majtë të mbrojtjes. Veseli është një “xhol” që luan në disa pozicione. Ai mund të pozicionohet në të gjithë pozicionet e prapavijës, ndërkohë që mund të zhvendoset edhe në qendër të mesfushës.

Një tjetër lojtar shqiptar mund të kalojë në Serie A. Torino po kërkon një mesfushor dhe drejtuesit e klubit granata e kanë ndarë mendjen. Siç citon “La Stampa”, klubi italian është vënë në ndjekje të Nedim Bajramit.

19-vjeçari me origjinë nga Tetova është pjesë e Grasshoperit dhe aktivizohet në rolin e qendërmesfushorit. Në garë për shërbimet e lojtarit të Zvicrës U21, i cili është aktivizuar me të gjitha kombëtaret e moshave të vendit helvetik, është dhe Bolonja e Inzagit, por Torino ndodhet në avantazh.

Trajneri vendosi ta linte në stol mesfushorin me origjinë shqiptare dhe e futi në lojë në minutën e 65-të të ndeshjes. “Sot ripashë Xhemajlin e vërtetë. Ai luftoi për çdo top me një dëshirë të madhe”.

Ish-sulmuesi i famshëm i Milanit ndalet dhe te situata e vështire që po kalon Xhenaro Gatuzo. Bashkë kanë fituar gjithçka në fushën e blertë, por roli i trajnerit është ndryshe dhe specifik. Je i varur nga rezultatet, që nuk po i japin të drejtë trajnerit të Milanit.

“Kam biseduar me Rinon dhe është shumë i qetë. Kjo situatë është pjesë e futbollit dhe i uroj të fitojë sot përballë Sampdorias. Rinon është miku im dhe e di se çfarë duhet të bëjë për të superuar këtë situatë”, përfundon trajneri i Bolonjës.

Trepikësh i artë dhe shumë i rëndësishëm për Lacion e Simone Inzagit. Bardhekaltrit fituan në “Tardini” përballë Parmës me rezultatin 0-2. Çiro Imobile dhe Zhoakin Korrea ishin autorët e dy golave, ndërsa Valon Berisha, i aktivizuar në minutën e 57, fitoi penalltinë që i dhuroi avantazhin miqve, nëntë minuta përpara fundit të ndeshjes. Imobile e ktheu në gol, ndërsa argjentinasi Korrea vulosi fitoren me golin e shënuar në minutat shtesë. Parma ndalet pas ecurisë së mirë, ku në pesë javët e fundit kishte arritur katër fitore. Ky trepikësh e ngjit Lacion përkohësisht në vendin e tretë, në kuotën e 18 pikëve, shtatë më pak se kryesuesit e Juventusit.

Atalanta shkatërroi Kievon me rezultatin 1-5, duke u rikthyer te fitorja pas shtatë javësh. Berisha qëndroi në stol, ndërsa heroi ishte Josip Iliçiç, i cili shënoi një tripletë për ekipin e Gasperinit. Debutim i hidhur në pankinën e Kievos për Xhampiero Venturën, ndërsa ndëshkimi i Berbas me karton të kuq në fundin e pjesës së parë ia lehtësoi gjërat Atalantës. Fundi i ndeshjes dhuroi dhe golin e nderit për Kievon. Slloveni Birsa u tregua i saktë nga pika e penalltisë, dukë shënuar golin e dytë personal në kampionat.

Gola dhe spektakël në Bolonja me djemtë e Inzagit që arritën një barazim 2-2 kundër Torinos. Iago Falke kaloi miqtë në avantazh në minutën e 14-të me një gol shumë të bukur. Baseli dyfishoi shifrat në fillimin e pjesës së dytë. Falke rikuperoi bukur një top në zonë dhe pasoi drejt mesfushorit, i cili nuk fali nga brenda zonës. Djemtë e Filipo Inzagit reaguan, duke shkurtuar rezultatin pas pesë minutash. Sulmuesi Federiko Santander përfitoi nga një rrëmujë në zonë për të mposhtur portierin Sirigu. Vendasit u hodhën të gjithë në sulm për të barazuar ndeshjen dhe goli i shumë dëshiruar erdhi 13 minuta nga fundi. Presingu i lartë i Bolonjës detyroi Torinon të gabojë dhe mbrojtësi Kalabrezi shënoi nga brenda zonës, duke çuar në festë tifozët e tij.

Bolonja – Torino 2-2
(Santander 59’, Kalabrezi 77′ / Falke 14’, Baseli 54’)

Kievo – Atalanta 1-5
(Birsa 83′ (pen) / De Run 25’, Iliçiç 28’, 50’, 52’, Gosens 72′)

Parma – Lacio 0-2
(Imobile 81′ (pen), Korrea 94′)

Frozinone – Empoli 3-3
(Silvestre 8′ (aut), Çiofani 54′ (pen), 63′ / Zajç 32′, Silvestre 48′, Ukan 79′)

Ish-sulmuesi i Milanit zbulon “fiksimin” e tij për t’u ushqyer mirë dhe në mënyrë të shëndetshme, ndërsa pretendon të njëjtën gjë nga lojtarët e tij dhe nuk toleron aspak në këtë pikë.

“Jam pak i rëndë në këtë aspekt, e di. I detyroj lojtarët të hanë mëngjesin dhe drekën. Për fat të mirë kemi një restorant brenda ‘Casteldebole’. Unë besoj shumë tek ushqyerja e shëndetshme dhe në skuadrat ku kam luajtur, detyroja shokët e skuadrës të hanin në restorant pas ndeshjeve. Për mua, fuqia e pas ndeshjes është thelbësore për rikuperimin e energjive dhe shmangien e dëmtimeve. Kjo ka qenë forca ime gjatë gjithë karrierës dhe sot e pretendoj një gjë të tillë te lojtarët e mi”, përfundon trajneri i Bolonjës.

Argjentinasi Puseto kaloi miqtë në avantazh në minutën e 32-të. Anësori ofensiv i krahut të djathtë shfrytëzoi një pasim shumë të bukur të De Paul dhe mposhti Skorupskin. Reagimi i Bolonjës nuk vonoi dhe Santander barazoi ndeshjen pas 10-të minutash. Një aksion i bukur i vendasve me shumë pasime dhe sulmuesi paraguaian shënoi një gol shumë të bukur, duke barazuar rezultatin.

Goli i fitores erdhi tetë minuta përpara fundit të ndeshjes me anë të Rikardo Orsolinit. Lojtari, i cili ishte hedhur në fushë nga Inzagi tre minuta më parë, shfrytëzoi një pasim të Matielos dhe mposhti portierin Skufet, duke i dhuruar tre pikë të arta Bolonjës.

Bolonja – Udineze 2-1
(Santander 42’, Orsolini 82’ / Puseto 32’)

Në një intervistë për një medie në Itali. Kasano the se do t’i pëlqente të luante me skuadrën e Bolonjës, ku trajneri është miku i tij i vjetër Filipo Inzagi.

“Do më pëlqente të luaja për Bolonjës. Është një klub dhe qytet fantastik. Te Bolonja kanë ringjallur karrierën shumë lojtarë të vjetër në moshë si Roberto Baxho, Bepe Sinjori dhe Marko Di Vaio. Tani dua të luaj futboll vetëm për pasion, nuk është çështje parash, sepse po të ishte aty puna, tani do të kisha pranuar menjëherë një ofertë  nga Kina. Të shohim çdo të ndodhë. Jam stërvitur rregullisht kohët e fundit dhe kam humbur 10 kilogramë”, përfundoi Kasano.