Olimpiku i Marsejës dorëzoi një ofertë prej 16 milionë eurosh për kartonin e sulmuesit, çka ka bindur drejtuesit e Boka Zhuniors. Lojtari ka kaluar ditën e sotme testet mjekësore në Marsejë dhe do të firmosë një kontratë

Në tri vite te Boka Zhuniors, Benedeto ka shënuar 43 gola në 67 ndeshje, shifra këto që i kanë mundësuar pesë paraqitje me kombëtaren argjentinase. Marseja është zhgënjyer viti pas viti nga sulmues  si Mitroglu, Zhërmen dhe Baloteli, ndoshta argjentinasi do ia dalë të thyejë këtë mallkim që ka prekur sulmuesit e skuadrës franceze.

Drejtori i Sportiv i “gjigantit” argjentinas është një mik i afërt i De Rosit. Bëhet fjalë për ish-mbrojtësin e Romës, Nikolas Burdiso. 38-vjeçari e kontaktoi italianin sapo ky i fundit u la i lirë nga Roma, por mesfushori kërkoi kohë të mendohej për të ardhmen, pasi tundimi për t’i dhënë fund njëherë e përgjithmonë futbollit profesionist ishte i madh.

Ofertat nga ekipet italiane nuk munguan, por siç duket De Rosit nuk mund t’ia lejonte vetes të luante në Itali për një ekip tjetër. Sipas “Sky Sports”, futbollisti do të firmosë të nesërmen një kontratë 1-vjeçare me klubin nga Buenos Aires.

Në kontratë De Rosi ka të drejtën e largimit të njëanshëm në muajin janar, masë kjo e ndërmarrë në rast se aventura amerikano-latine nuk rezulton në praktikë aq fantastike sa ç’duket në teori.

Situata ka ndryshuar dhe kilieni është kthyer në një lojtar të rëndësishëm të mesit të fushës. Kontrata e Vidal me Barcelonën përfundon në vitin 2021. Klube të ndryshme interesohen për shërbimet e 31-vjeçarit.

Mes tyre edhe Boka Zhuniors që synon të ndërtojë një ekip shumë ambicioz për sezonin e ardhshëm, me qëllim fitimin e Kupës Libertadores. Ka mjaftuar një foto e Vidalit për të plasur komentet në rrjetet sociale.

Lojtari i Barcelonës ka postuar një foto të bërë nga një reklamë me firmën Nike. Aty dallohet ai me një uniforme me ngjyrat blu dhe verdhë. Njësoj si uniforma e Bokës.

Tifozët e klubit më të madh në Argjentinë dhe ndër më të zjarrtë në botë kanë filluar të ëndërrojnë kalimin e tij në futbollin latin dhe e kanë duartrokitur këtë zgjedhje të Vidalit. Për momentin një zgjedhje reklame, por tifozëve ju mjafton për t’u ndjerë më mirë.

Dy drejtorët sportivë kanë diskutuar për lojtarin. Roma ka vendosur të nxitojë dhe të arrijë sa më shpejt akordin për të fituar konkurrencën, pasi ka edhe klube të tjera të interesuara. Vlera e kartonit të 28-vjeçarit me origjinë italiane është rreth 10 milionë euro, ndërsa ky mund të jetë momenti i duhur për të për të provuar emocionet dhe matur forcat me futbollin europian.

Siç raporton “Fox Sports”, dy zyrtarët kanë diskutuar edhe për Diego Perotin, i cili pëlqehet shumë nga Boka. Një tjetër emër që mund të përfshihet në tratativën e transferimit të Benedetos në kryeqytetin italian është Ezekuiel Ponce.

Sulmuesi 22-vjeçar është i huazuar tek AEK-u i Athinës. Roma mund ta dërgojë atë te Boka në sezonin e ri për të lehtësuar sigurimin e shërbimeve të Benedetos.

Sipas raportimeve të “Fox Sports”, objektivi kryesor quhet Lukas Bilja. 34-vjeçari i Milanit pëlqehet shumë nga drejtuesit e “Xeneizes”. Mesfushori luan prej vitit 2006 në Europë, atëherë kur la Independienten për t’u transferuar tek Anderlehti.

Më pas kalimi në Itali te Lacio, aty ku qëndroi katër sezone. Bilja u transferua te Milani në verën e vitit 2017. Ky sezon është karakterizuar nga dëmtimet dhe lojtari numëron një gol të shënuar në 17 ndeshje të zhvilluara me kuqezinjtë.

Përveç tij, Boka synon dhe Arturo Vidal të Barcelonës dhe Papu Gomez të Atalantës. Drejtuesit kanë objektiva të mëdha për sezonin e ri dhe kërkojnë të përforcojnë ekipin me cilësi dhe eksperiencë.

Mediat latine flasin për një interesim të Napolit për Agustin Almendra, organizatorin e talentuar të Boka Zhuniors. 18-vjeçari bën mirë të gjithë rolet e mesfushës, është i fortë në duele, e njeh mirë goditjen me kokë, ka një teknikë shumë të mirë dhe është “specialist” i goditjeve të dënimit.

Ai debutoi këtë vit dhe në Kupën Libertadores me Bokën, cilësohet si Rikelme i ri, ndërsa ka zhvilluar 12 ndeshje me ekipin e famshëm argjentinas. Për të interesohen dhe Barcelona, Juventus, Interi, Roma, Valencia dhe Mançester Siti.

Napoli është më para se ekipet e tjera dhe drejtuesit po punojnë për të mbyllur sa më shpejt tratativat dhe për të siguruar shërbimet e Almendrës. De Laurentis, presidenti i Napolit, ka ofruar 15 milionë euro për kartonin e tij, por Boka kërkon të paktën 5 milionë euro më shumë.

Sipas së përditshmes spanjolle “AS”, mesfushori ka zgjedhur të vijojë karrierën e tij në Spanjë. Nandez është një mesfushor polivalent, pika e fortë e të cilit është rendimenti i lartë, çka e bën perfekt për stilin e lojës së Diego Simeones.

? Simeone tiene como objetivo prioritario a Nández
? Su cláusula es de 25M y el Inter sería el principal rival por llevarse al uruguayohttps://t.co/KHIUQXwcrc

— AS (@diarioas) December 19, 2018

Siç raporton “Doble Amarilla”, Interi është i interesuar për Nahitan Nandez. 22-vjeçari uruguaian është një nga zbulimet e Boka Zhuniors dhe zikaltrit kanë gati ofertën për të. Interi e monitoron prej kohësh mesfushorin e talentuar dhe ka gati 21 milionë euro për klubin nga Buenos Aires.

Nandez zhvilloi një ndeshje të madhe në finalen e dytë të humbur kundër River Plejt dhe Interi u bind përfundimisht për kualitetin e lojtarit.

Nga ana tjetër nuk përjashtohet dhe merkato në dalje. Ivan Perishiç është pranë largimit, një gjë të tillë e ka shprehur publikisht dhe Anglia shihet si destinacioni i ardhshëm i kroatit. Por, “FcInterNews.it” citon se në garë për anësorin e krahut është futur dhe Atletiko e Madridit.

Spanjollët kanë nisur negociatat me Fali Ramadanin, menaxherin e Perishiç, dhe do të bëjnë të pamundurën për të bindur lojtarin për të mos marrë avionin për ishull, por për Madrid.

#GraciasGuille pic.twitter.com/BykXeuu23q

— Boca Juniors (@BocaJrsOficial) December 14, 2018

Sigurisht, shkarkimi nuk vjen vetëm për shkak të finales së humbur. Forma e skuadrës në kampionat gjatë këtij sezoni ka lënë shumë për të dëshiruar, teksa skuadra ndodhet në vendin e gjashtë pas 13 ndeshjesh.

Sipas asaj që shkruajnë mediat argjentinase, tifozi i Riverit po festonte pas suksesit që skuadra e tij e zemrës arriti në Kupën Libertadores, teksa më pas e kanë sulmuar dy tifozë që skuadrës kundërshtare. Dy vëllezërit pasi e kanë goditur me sende të forta viktimën, i kanë prerë dhe arterien kryesore, duke i shkaktuar vdekjen në pak minuta.

Kujtojmë që derbi mes Riverit dhe Bokës njihet si një nga më të nxehtit në botë, por edhe pse finalja e kthimi e Kupës Libertadores u luajt në Spanjë, nuk i ka shmangur incidentet në Argjentinë. Riveri arriti që të fitonte trofeun, vetëm pas kohës shtesë, duke triumfuar në shifrat 3-1.

Tifozët e të dy ekipeve njihen për atmosferën që krijojnë dhe rrugët e kryeqytetit spanjoll janë mbushur. Nga 5 mijë tifozë për ekip kanë udhëtuar nga Argjentina, ndërsa mijëra të tjerë, rezidentë në Spanjë, kanë blerë biletat e tyre.

“B/R Football” ka publikuar disa foto nga dy tifozëritë e “egra”, të cilat kanë nisur festën që në mëngjes. Adrenalina është në kulm, ndërsa Buenos Airesi dhe e gjithë bota pret me padurim nisjen e duelit më të fortë dhe më të zjarrtë.

Karlos Tevez është simboli i Bokës dhe tifozëve të saj. Ai është një idhull absolut në ato anë dhe është gati t’iu dhurojë një fitore historike popullit të tij. “Fitimi i Kupës Libertadores është ajo çfarë më mban të përqendruar. Ideja e fitimit të kupës dhe tërheqja nga futbolli në momentin më të bukur, është ajo që dëshiroj më shumë se gjithçka. Ëndërroj për një gjë të tillë dhe shpresoj shumë”, ishte shprehur Tevez në fillimin e këtij sezoni.

Tani është në hapin e fundit, ndoshta nuk e kishte menduar se në finale do të përballje me Riverin, por më bukur kështu. Jetë, a vdekje! Gjithmonë në aspektin sportiv dhe sulmuesi e konfirmon një dëshirë të tillë.

“Nëse e fitoj sërish, mendoj se po, do të tërhiqem. Pas një fitoreje të tillë, nuk do të më mbeste gjë tjetër për të luftuar. Kjo është dëshira ime më e madhe“, konfirmon bomberi për “Infobae”.

Megjithatë, kjo mund të mos jetë ndeshja e fundit për Tevezin me Bokën e tij të dashur. Nëse ia dalin kundër “armiqve” të urryer, ata do të marrin pjesë në gjysmëfinalet e Botërorit të klubeve, që luhen me datë 18 dhjetor. Një tjetër fitore dhe finalja e madhe, për të tentuar një tjetër kupë dhe për t’i dhënë fund nga maja e botës…

Autoritetet spanjolle kanë marrë masat e duhura dhe po bëjnë maksimumin për të shmangur përplasjet mes dy tifozërive “armike”. Nga Argjentina do të udhëtojnë nga 5 mijë tifozë për çdo ekip, ndërsa nuk mungojnë batutat dhe polemikat mes palëve. I fundit që e ka bërë një gjë të tillë është vëllai i Dario Benedetos, sulmuesit të Bokës dhe idhullit absolut të tifozërisë së saj.

“Aerolinaes e Argjentinës u bën thirrje tifozëve të RiBerit të mos shkaktojnë probleme në aeroport dhe mos gjuani me gurë, kur piloti, kur të jeni duke iu afruar Madridit, do t’u thojë: ‘përgatitemi për zbritjen’. Është një procedurë standarde dhe nuk ka lidhje me vitin 2011”, ironizon vëllai i bomberit, duke iu referuar rënies së Riverit nga kategoria në vitin 2011, çka kuptohet dhe nga modifikimi i emrit ku bie në sy shkronja B.

Tifozët e Bokës nuk përtojnë kurrë t’ua kujtojnë atyre të Riverit rrëzimin në vitin 2011, por komenti i vëllait të Benedetos ka lidhje dhe me ngjarjet e pakëndshme, që sollën transferimin e klasikes në Spanjë, si pasojë e sulmit me gurë dhe sende të forta të tifozëve të Riverit kundrejt autobusit të lojtarëve të Bokës.

Një gjë e tillë ndodhi si shkak i sulmit të tifozëve të Riverit ndaj autobusit të lojtarëve të Bokës. Pas shumë bisedimesh, CONMEBOL vendosi që kjo përballje të zhvillohej në stadiumin më të sigurt në botë. Ekipi i Bokës është nisur drejt Spanjës dhe tifozët kanë dalë në rrugë për t’i uruar rrugë të mbarë idhujve të tyre.

I madh e i vogël ka dalë në rrugët e Buenos Airesit për të përshëndetur lojtarët e Bokës, duke krijuar një atmosferë fantastike dhe elektrizuese, ashtu siç dinë ta bëjnë vetëm ata. Ndërkohë është vendosur që të dy ekipet do të kenë nga 25 mijë bileta. Vetëm 5 mijë ultras për ekip mund të vijnë nga Argjentina, ndërsa nga 20 mijë bileta të tjera do të shiten për komunitetin argjentinas në Spanjë.

Ky vendim është marrë për të bllokuar udhëtimin e grupimeve të rrezikshme të Bokës dhe Riverit. Vetëm në Madrid jetojnë rreth 100 mijë argjentinas, ndërsa në gjithë Spanjën, shifra e tyre shkon në 250 mijë.

Tifozët e Bokës nuk mund të udhëtonin drejt stadiumit “Monumental” të Riverit në finalen e kthimit, ashtu siç nuk kishte asnjë tifoz mik në “Bombonera” në ndeshjen e parë, që përfundoi 2-2. Spostimi i ndeshjes në Spanjë i ka dhënë shansin tifozëve të Bokës të jenë pranë ekipit në finalen e madhe, duel që po pritet me emocion nga të gjithë ata, të cilët e dashurojnë këtë lojë të bukur.

Në komunikatën e Riverit, theksohet përsëri se klubi nuk është fajtor për sulmin që pësoi autobusi i Boka Zhuniors, pasi incidenti ndodhi jashtë perimetrit të stadiumit dhe përgjegjësia për masat e dobëta të sigurisë duhet t’i shkojë policisë së Buenos Aires.

Ndërkaq, tifozë të të dyja skuadrave po bëjnë një fushatë në mediet sociale, ku  kërkohet që të dy klubet të bien në dakordësi me njëri-tjetrin për të bojkotuar takimin, në mënyrë që “CONMEBOL” të tërhiqet nga vendimi absurd.

Siç citon “AS”, është vendosur që të dy tifozërinë të jenë të pranishme në stadiumin e Realit, por me disa kufizime. 10 mijë bileta janë vënë në dispozicion të dy tifozërive. 5 mijë për Riverin dhe po aq për Bokën, ndërsa të gjitha biletat do të jenë të personalizuara me emër.

50 mijë biletat e tjera do të jenë në shitje për komunitetin argjentinas që jeton në Madrid, ku mendohet se janë rreth 100 mijë, ndërsa në gjithë Spanjën janë rreth 250 mijë argjentinas. Një tjetër shans për të gjithë tifozët e dy ekipeve për të siguruar biletën e përballjes së famshme.

Kjo është hera e parë që Riveri dhe Boka ndeshjen mes tyre në një finale të Kupës Libertadores, ndërsa ndeshja e parë e zhvilluar në “Bombonera” të Bokës përfundoi në barazim 2-2. Pas shumë mosmarrëveshjesh finalja e kthimit u vendos të luhej në Madrid dhe palët kanë nisur numërimin mbrapsht dhe mezi po presin nisjen e derbit më emocionues në botë.

Njoftimi erdhi pak minuta pas përfundimit të takimit të dy presidenteve të klubeve përkatëse në zyrat e “CONMEBOL” në Paraguai. Mediat argjentinase mendojnë që klasikja e famshme do të zhvillohet në Asunsion, kryeqytetin e Paraguait.

Të gjithë do të dëshironin ta mirëprisnin një ndeshje kaq të zjarrtë dhe plot emocione. Bashkia e Xhenovës ishte e para që hodhi idenë dhe ftoi klubet të luanin finalen e kthimit në stadiumin e qytetit italian, ndërsa një tjetër vend ka shprehur dëshirën për të pritur duelin e përjetshëm.

Propozimi vjen nga Rusia dhe ideja është e “çmendur”. Klubi i Jeniseit, ku aktivizohet dhe lojtari i kombëtares tonë, Enis Gavazaj, ka hedhur kandidaturën për të zhvilluar River-Boka në Krasnojarsk, qytetin siberian me një temperaturë të frikshme prej -30 gradësh.

“Do të ishte një superklasiko e paharrueshme: Dëborë, çizme dhe kapele të ngrohta prej leshi”, shkruhet në komunikatën e klubit të Jeniseit në rrjetet sociale, bashkëngjitur me fotot e kapitenëve Leonardo Ponzio (River) dhe Karlos Tevez (Boka), duke luajtur në dëborë.

Dear friends @CARPoficial and @BocaJrsOficial

You can play on our stadium for finale #Libertadores2018. It will be unforgettable – snow, felt boots and fur hats!? pic.twitter.com/Uynag89Iri

— FC Enisey English (@FCEniseyEN) November 27, 2018

Megjithatë, tifozët e Riverit e ekzagjeruan. Agresion, gurë dhe gaz lotsjellës. Autobusi i Bokës përfundoi nën breshërinë e sulmeve të tifozëve të Riverit, ndërsa gjithçka u kthye në kaos.

Skena “normale” në futbollin latin, aq më tepër në një River-Boka, por Karlos Tevez është i acaruar. Sulmuesi i Bokës është i zhgënjyer me qëndrimin e CONMEBOL (Konfederata e Futbollit të Amerikës Latine). Bokës i është bërë presion të zbresë në fushë, pavarësisht se lojtarët ishin në një situatë të rënduar psikologjike, madje kishte dhe të dëmtuar.

Tevez nuk fshihet, nuk ka frikë as nëse e dënojnë, por ai është i sigurt. Nëse kjo që ndodhi do t’i kishte ndodhur Bokës, kupa Libertadores do i shkonte menjëherë Riverit.   

“Ishim akoma duke vjellë, ndërsa CONMEBOL donte të na detyronte të luanim. Çfarë duhet bërë më shumë për t’ia dhënë kupën Riverit? Pse nuk ua japin kupën atyre? Kanë bërë gjithmonë çfarë kanë dashur, të ua japin atyre që dëshirojnë dhe boll më. Ishte një turp i madh dhe besoj se CONMEBOL u soll keq me ne. Flas në aspektin personal, është turp ajo që tentuan të bëjnë. Nëse do të më kundërvihen, nuk ka asnjë problem, por duhet ta dini që na kërkuan të luanim, ndërkohë që Pablo Perez ishte në spital.”

“Nëse do të na ndodhte ne ajo çfarë ndodhi, do të ishim jashtë turneut dhe kupa do t’i shkonte Riverit. Askush nga lojtarët e tyre nuk erdhi për të na pyetur se si ishim. I njëjti mjek, i cili ditën kur u hodhën gaz lotsjellës në ‘Bombonera’ para 3 vitesh kërkonte të mos zhvillohej ndeshja, mbrëmë na kërkonte të zbrisnim në fushë…”, përfundon Tevez për “AS”.

Stërvitja e fundit e Bokës në “Bombonera” është ndjekur nga rreth 50 mijë tifozë. Atmosferë e shkëlqyer dhe fantastike, ndërsa një tifoz ia ka dalë të futet në fushë. Për një moment të vetëm, pasi forcat e sigurisë e kanë bllokuar.

Ishin bërë gati ta godisnin dhe ta flaknin jashtë, kur një lojtar i del në mbrojtje. E kush tjetër përveçse Karlos Tevez? Sulmuesi, i njohur si “futbollisti i popullit”, është idhulli i tifozëve të Bokës dhe veprimi i tij merr duartrokitjet e stadiumit dhe një përqafim të ngrohtë nga ana e tifozit kurajoz.

Tevez i kërkon forcave të sigurisë ta lënë të lirë, ndërsa tifozi përfiton për të takuar dhe Abilen dhe Nandez. Më pas ndarja me Tevez. 34-vjeçari i dhuron tifozit bluzën e tij, ndërsa ky i fundit i dhuron kapelën e vet. Qëllimi i tij u arrit, tifozi ndihet në qiellin e shtatë dhe largohet nga fusha mes ovacioneve të turmës, me shpresën se lojtarët e Bokës do t’iu dhurojnë kupën e shumëpritur.

Atmosfera në kryeqytetin argjentinas është në kulm dhe të gjithë mezi presin nisjen e betejës shekullore. Fatlumët do e shohin në stadium, ndërsa të tjerët nëpër sheshe, lokale, shtëpi dhe gjithkund ku të jetë e mundur.

Një nismë unike është marrë për dy sfidat spektakolare nga “Radio Colonia” dhe Shoqata Argjentinase e Kardiologjisë. Për të gjithë tifozët që kanë probleme zemre, apo çekuilibrim emocionesh është gjetur zgjidhja. Muzikë me Moxart në sfond dhe një komentim totalisht i qetë i klasikes së famshme.

Finalja do të komentohet në radio nga dy radiokronistë të qetë dhe pa zhurmë akute, ndërsa në sfond do të shoqërojë Moxarti i talentuar për të krijuar një atmosferë relaksi.

Fazat më të nxehta të ndeshjes do të transmetohen nga Gonzalo Diaz Balbo, një kardiolog i vërtetë. Dikush mund të mendojë se kjo gjë është ekzagjerim, ose një mashtrim marketingu. Si mund të shijohet një përballje aq e nxehtë në qetësi absolute?

Në Argjentinë e dinë mirë rëndësinë e kësaj sfidë, çfarë kënaqësie provojnë fituesit dhe çfarë dhimbje e zhgënjimi provojnë humbësit. Tifozllëku në vendet amerikano-latine është një gjë tjetër dhe në Argjentinë duan të shmangin episodet e “Marakanazos” së famshëm, kur Brazili humbi finalen e Kupës së Botës përballë Uruguait në vitin 1950. Pasojat? 34 vetëvrasje dhe 56 të vdekur si pasoje e atakëve kardiakë në gjithë Brazilin.

Në Argjentinë duan ta shmangin një gjë të tillë, edhe pse do të jetë e çuditshme të dëgjosh në radio shënimin e një goli me Moxartin në sfond…

Teknologjia është futur dhe në Kupën Libertadores dhe një gjë e tillë ndihmoi ekipin e Riverit të fitonte një penallti në gjysmëfinalen e kthimit kundër brazilianëve të Gremios dhe të kualifikohej në finalen e madhe.

“Që në fillim e kam thënë që teknologjia është një faktor i rëndësishëm, një mjet për arbitrin, i cili mbetet autoriteti superior. Nëse ai bën një gabim në ato pak sekonda që ka për të vendosur, VAR-i mund të korrigjojë gabimin, duke e bërë gjithçka më të drejtë. Kjo është një gjë e re dhe siç kam thënë në Conmebol, VAR-i është si një pilot avioni, i cili ka nevojë për shumë orë fluturim për t’u perfeksionuar”, komenton kreu i klubit të Bokës për teknologjinë në fjalë.

Vendosi Dario Benedeto, sulmuesi 28-vjeçar i argjentinasve. Palmeiras arriti t’i bllokonte mjaft mirë vendasit, që u detyruan shpesh ta gjenin zgjidhjen nga distanca. Gjithsesi zëvendësimi i bërë solli rezultat.

Një goditje këndi solli ndryshimin, teksa me kokë Benedeto arriti të mposhtë portierin e Palmeiras në minutën e 83-të. Zjarri mbeti i ndezur edhe për disa minuta, teksa sulmuesi i Bokës arriti të dyfishonte shifrat.

Goli i dytë ishte një perlë. Marrje e topit, lëvizje e bukur dhe krijim hapësire për të goditur. Nga jashtë zone topi i gjuajtur prej tij shkoi drejt e në rrjetë. I gjithë stadiumi në festë dhe ekipi që do të shkojë në finale do të vendoset në ndeshjen e kthimit më 31 tetor.

Palmeiras do të tentojë gjithçka në Brazil, ndërkohë që te Boka shpresojnë që të kalojnë në finale dhe aty të gjejnë River Plejtin (ka humbur në shtëpi ndeshjen e parë kundër Gremio). Një derbi, që për herë të parë do të luhet për Kupën Libertadores.

Vogëlushi Karlos u rrit nga xhaxhai i tij, derisa talenti i dha mundësinë të nisë karrierën e futbollistit dhe të largohej nga rruga dhe vuajtjet e saj. 34-vjeçari ka vendosur të tregojë jetën e tij dhe po xhiron serinë televizive, prodhuar nga rrjeti televiziv “Telefe”.

“Kemi vendosur me produksionin të tregojmë të vërtetën ashtu siç është. Asgjë nuk mungon: nga dita kur pësova dëmtimin në fytyrë deri në ditën e debutimit me Bokën. Fëmijëria ime ka qenë shumë e vështirë dhe e mbushur me drogë, armë dhe grabitje. Kam përjetuar të gjitha ato që ndodhnin në lagjet e Buenos Airesit. Pavarësisht kësaj, ne fëmijët ishim të lumtur, luanim gjatë gjithë kohës futboll dhe kjo na mjaftonte. Në Argjentinë kalojmë gjithë ditën duke diskutuar për politikë dhe nuk biem asnjëherë dakord. Në vend ka akoma njerëz, të cilët vdesin nga uria, ndërsa të tjerët humbasin kohë duke argumentuar ngjarjet e ndodhura dhe nuk bëjnë asgjë për të rinjtë, të cilët vdesin të pangopur. Kemi nevojë për shembuj të mirë.”

Tevez, i njohur me nofkën “Apashi”, zbulon një detaj interesant të kohës së lirë. Ai nuk sheh asnjëherë futboll në televizor dhe e shpjegon në këtë mënyrë zgjedhjen e tij.

“Nuk më pëlqen të shoh ndeshje në TV. Nuk e bëj kurrë, sepse nuk më pëlqen futbolli. Nëse në TV po transmetohet Barcelona-Real Madrid dhe në një kanal tjetër po transmetohet një turne golfi, unë shikoj golfin. Nuk kam qenë kurrë një fanatik i ndeshjeve të futbollit. Më pëlqen të luaj dhe të kem topin nëpër këmbë. Fitimi i Kupës Libertadores? Kënaqësia më e madhe që mund të përjetojë një futbollist”, përfundon Karlos Tevez.

“Nuk flas me Mauron që mbas transferimit të tij te Boka. Ai ishte lider dhe idhull te Velez dhe i thashë që në fillim se do të ishte çmenduri të kalonte te Boka Zhuniors. Patëm një debat mes nesh, sepse mendoja dhe e mendoj dhe tani, që ai ishte vendimi më i keq që vëllai im ka marrë në karrierën e tij.

Jam penduar që e solla Mauron te Velez, sepse kisha premtuar që ky do të ishte klubi i tij i vetëm në Argjentinë”, përfundon Rolando Zarate. Mauro e nisi karrierën e tij sportive me ekipin e Velez dhe ai është aktivizuar në tre periudha të ndryshme me këtë ekip, por largimi i tij drejt Bokës i ka trishtuar të gjithë, përfshirë dhe vëllain e tij.