Mesfushori Bojan Najdenov është bashkuar me grupin. Ai mungoi në katër javët e fundit të kampionatit për shkak të një dëmtimi që pësoi me Kastriotin, madje iu desh të operonte gishtin e vogël të këmbës për shkak të një frakture që pësoi.

https://www.instagram.com/p/BtDq12mhnN8/?utm_source=ig_web_copy_link

Ai iu bashkua grupit në mes të janarit dhe fillimisht ka punuar i diferencuar. Vrapime, por edhe ushtrime të veçanta nën kujdesin e fizioterapistit Dario Zërniç, dhe tanimë dëmtimi i përket së shkuarës. Sigurisht tanimë duhet fituar ritmi dhe në takimin e nesërm me Kukësin zor mund të luajë.

Najdenov u dëmtua në ndeshjen me Kastriotin dhe iu desh të bënte një ndërhyrje në një nga gishtat e këmbës, çka bëri që javët e fundit të fazës së dytë të mos ishte në dispozicion të stafit teknik. Tashmë ai është rikthyer në Shqipëri dhe ka nisur përgatitjet i diferencuar.

Do të duhen rreth dy javë që të përfshihet me grupin dhe më pas do të jetë stafi teknik që do të vendosë se kur do të aktivizohet. Së fundmi ka pasur probleme për një nga të rinjtë e Laçit, konkretisht për mesfushorin Erisildo Smaçi.

I riu ka pësuar një dëmtim në gju dhe në ditët në vijim do të mësohet saktësisht se sa kohë do të qëndrojë jashtë fushave të blerta. Minimalisht dy muaj ai nuk do të jetë i gatshëm, pasi ka probleme me meniskun dhe me shumë mundësi do të operohet.

Por lëvizje nuk do të ketë vetëm në sulm. Bardhezinjtë do të kërkojnë të bëjnë edhe 2-3 lëvizje të tjera, në mënyrë që stafi teknik të ketë një grup të kompletuar për pjesën e dytë të sezonit aktual. Vetë trajneri Prenga e ka shprehur se i duhen alternativa.

NAJDENOV – Numri 10 i kurbinasve u dëmtua në ndeshjen me Kastriotin. Mesfushori theu një nga gishtërinjtë e këmbës dhe iu desh të bënte një ndërhyrje. Ditët e fundit ai ka qenë në kryeqytet dhe ka hequr shufrën metalike të vendosur në gishtin e vogël të këmbës.

“SportEkspres.com” mëson se Bojan Najdenov do të bashkohet me ekipin më vonë. Konkretisht ai do të dalë në stërvitje më 10 janar, një javë pas shokëve. Pritet që mesfushori të jetë gati me nisjen e pjesës së dytë të sezonit.

Momentalisht ai ndodhet në Maqedoni dhe pas përmirësimit të gjendjes së tij do të nisë përgatitjet, për t’u bashkuar më pas me skuadrën për pjesën e dytë të kampionatit.

Për një futbollist nuk është e lehtë kalimi i një periudhe dëmtimi, por Najdenov mendon t’i jap kurajo vetes dhe këtë e shpreh edhe përmes një postimi të bërë në llogarinë e tij në “Instagram”.

“Gjithçka për ty do të ndodhë papritur. Të gjitha zhgënjimet, sfidat, sprovat, uljet dhe ngritjet do të marrin në fund kuptim. Do të jesh mirënjohës që nuk u dorëzove. Bekime të mëdha po vijnë. Besoje dhe bëhu gati për këtë”, shkruan Najdenov.

në

Një dëmtim i tillë e lë atë jashtë fushave të blerta 4-6 javë, çka do të thotë se për këtë sezon Najdenov nuk do të mund të japë kontributin e tij për bardhezinjtë. Jo vetëm kaq, por për momentin mesfushori është zhvendosur në Strumicë, ku edhe jeton familja e tij.

Laçi ka të programuar deri në fund të këtij viti tre përballje të rëndësishme me Flamurtarin, Tiranën dhe Teutën. Dy prej tyre i luajnë në transfertë dhe do tentohet të merren sa më shumë pikë. Aktualisht kurbinasit renditen në vendin e pestë në klasifikim, teksa kanë grumbulluar 26 pikë në pesë javë kampionat.

Megjithatë, Najdenov ka bërë një zgjedhje të menduar mirë, dëshiron së pari të kthehet Najdenovi më i mirë i mundshëm. Bëhet fjalë për një mesfushor 27-vjeçar nga Maqedonia që disa gjëra i ka bërë në jetë, me të cilat mund të krenohet kur të lërë futbollin.

Ka luajtur disa ndeshje me kombëtaren maqedonase në periudhën 2014-2016, edhe luante te Turnovo e më pas te Rabotniçki. Kampion nuk ka dalë, por ka fituar dy kupa, të parën në Maqedoni me Turnovon.

Verën e vitit të shkuar e vendosi: ishte koha të merrte fluturimin, larg Maqedonisë, për të menduar edhe për eksperiencë të re, por edhe për anën financiare, sepse një futbollist e ka të shkurtër karrierën.

Destinacioni i ri ishte i çuditshëm, në Egjipt te Smouha, në një kampionat të veçantë, që luhet pa tifozë për shkak të frikës së qeverisë nga tubimet, që nga sportive mund të kthehen në mitingje politike.

Ambientim i vështirë, pak ndeshje në Egjipt dhe ishte koha për të lënë Afrikën, duke shkuar në një tjetër kontinent, në Azi, sepse në shkurt të këtij viti firmosi për Esteglalin e Iranit. Klub i madh, tifozë pa fund dhe kontratë milionere (450 mijë euro për 1 vit e gjysmë, thuhej në Maqedoni). Gjithçka perfekte? Jo dhe aq, sepse një dëmtim i rëndë në prill ia prishi planet dhe Najdenov vendosi të kthehej në Europë, më saktë në Ballkan.

Në korrik bisedoi dhe arriti marrëveshjen me Akademijan në Maqedoni, por një telefonatë nga Laçi në gusht ia prishi mendjen dhe Bojan u transferua në Shqipëri. Nuk dinte asgjë për Laçin, por dinte që në Shqipëri paguajnë më shumë se në Maqedoni. Me siguri ka shumë të njohur e miq këtu, me siguri i kanë thënë që nuk i kemi fort serioze klubet kur bëhet fjalë për kontratat, por Laçi bën përjashtim. Nuk paguan miliona kot më kot, por aq sa premton i jep gjithmonë dhe kjo i mjafton Najdenovit, që në Laç po kthehet në një far ndriçues në mesfushë. Teknikë dhe vizion i rrallë loje, edhe pse pa vrapuar pa fund, pak a shumë si Cetkoviç, një tjetër lojtar “zbulim” i Laçit të Pashk Laskës, që çuditërisht “gjuan” lojtarë mjaft cilësorë nëpër Ballkan.

Për “Sport Ekspres”, Najdenov ka folur pas fitores së fundit, kundër Skënderbeut, ku maqedonasi luajti ndeshjen e tetë si titullar në këtë sezon, duke u përmirësuar gjithnjë e më shumë fizikisht…

Najdenov, arritët një fitore të madhe ndaj Skënderbeut. A e prisnit?
-Në fakt, duke ditur emrin dhe forcën e Skënderbeut, prisnim një ndeshje të vështirë dhe ashtu ndodhi. Ishin 90 minuta mjaft të luftuara dhe fizikisht të lodhshme, kemi vrapuar shumë si skuadër. Ndonëse duket e lehtë kur e sheh rezultatin, jemi sforcuar shumë për ta mbyllur me sukses dhe jemi të lumtur.

Para ndeshjes çfarë mendonit, ishte fitorja një synim real?
-Shiko, kemi luajtur 2 muaj futboll këtë sezon dhe tashmë e dimë forcën tonë dhe i njohim rivalët. Respekt kemi, për Skënderbeun dhe gjithë rivalët, por frikë jo. Kemi mundur edhe më parë ekipe të fortë, kemi marrë pikë në ndeshje të vështira dhe e dinim që nuk jemi rastësisht aq lart në renditje, ndaj e mendonim edhe fitoren.

U duk sikur u kapi një moment krize kur humbët ndaj Teutës e Kukësit, por me Memellin ka ndryshuar gjithçka.
-Pësuam dy humbje dhe skuadra u trondit, me të drejtë. Është një skuadër e re, jo rastësisht unë jam ndër veteranët këtu për nga mosha, ndaj është normale që të ketë edhe momente negative. Megjithatë, kemi punuar shumë, jashtëzakonisht, dhe trajneri Memelli na njeh mirë, sepse ka qenë edhe më parë në staf, ndaj nuk është se ndryshoi ndonjë gjë e madhe. Thjesht jemi munduar, të bashkuar, së bashku me trajnerin, për të gjetur zgjidhjet e problemeve që kemi shfaqur. Në dy ndeshjet e fundit kemi bërë gjëra të mira, shpresojmë të vazhdojmë kështu.

Të vazhdoni kështu, por cili është destinacioni?

Nuk kemi destinacion të caktuar në mendje, presidenti nuk na kërkon titullin kampion dhe e dimë që ka skuadra më të kompletuara se ne, qoftë edhe në aspektin e eksperiencës. Megjithatë, Laçi luan prej vitesh në kupat e Europës dhe aty duam të shkojmë. Skuadra është e re, vërtet, por ka një uri të jashtëzakonshme, shihni edhe ndeshjen kundër Skënderbeut, djemtë kanë vrapuar si të tërbuar gjithë ndeshjen, kanë sakrifikuar në çdo top, duke rrezikuar edhe dëmtime serioze.

Meqë jemi te dëmtimet, si je fizikisht, pasi vjen nga një dëmtim i rëndë?
-Po, nuk kam pasur fat, sepse këtë vit sapo shkova në Iran u dëmtova rëndë dhe mbeta 5 muaj pa futboll. Kam vuajtur jo pak, por tani jam i lumtur, po luaj, më respektojnë dhe po ecim shumë mirë.

Ke qenë në Afrikë e Azi, po Shqipëria, si doli në skenë?
-Nuk kam pasur kurrë frikë nga eksperiencat e panjohura, ndaj kam shkuar në Egjipt e Iran. Të dyja kanë kampionate të fortë, sidomos në Iran ka futboll cilësor, stadiume të mbushur për klubet e mëdha dhe shumë ritëm. Nuk më eci në Iran, por kur më kërkuan në Shqipëri nuk hezitova, pranova me kënaqësi, edhe për faktin se kam shumë lojtarë që i njoh këtu.

Në Iran ka edhe paga të larta, ndërsa në Shqipëri shpesh pagat mbeten në letër…
-(Qesh) Këtë pjesë nuk e di, nuk e kam provuar ende. Kam pak muaj në Shqipëri, jam i kënaqur, në çdo drejtim. Klubi im është shumë korrekt, për të tjerët nuk kam ç’të them, ju i njihni më mirë se unë. Gjithsesi, probleme me pagat ka kudo në vendet si Shqipëria, edhe në Iran ka shumë lojtarë që i kanë marrë pagat me gjyqe.

Po cilësia?
-Më kanë folur mirë për kampionatin shqiptar dhe ashtu po më rezulton, është një kampionat i fortë, ka goxha lojtarë të mirë. Ritmi është i lartë në ndeshje të caktuara, më i ulët në disa raste, por për mua është futbolli ideal, sepse pika ime e fortë nuk është shpejtësia, por teknika dhe shpërndarja e lojës. Po jap maksimumin për të arritur maksimumin tim dhe po përshtatem mirë, ndaj besoj se do të shkojë gjithnjë e më mirë, për mua dhe Laçin.

Por ka edhe lajme të mira. Mesfushori Bojan Najdenov mund të luajë për Laçin. Kurbinasit i kishin dërguar një kërkesë klubit të Esteghal në Iran, por lejekalimi prej tyre u refuzua të lëshohej.

Në këto kushte bardhezinjtë iu drejtuan FIFA-s dhe tashmë është marrë “OK” dhe Najdenov mund të luajë. Kështu trajneri Artan Mërgjyshi mund t’i bëjë llogaritë me të në fushë. Në miqësoren me Ilirinë ai ishte titullar, çka tregon se ndaj Partizanit pritet ta nisë nga minuta e parë.

Për të kishte interesim edhe nga klube të tjera të Superiores, por Laçi ishte më konkret. Bardhezinjtë e kishin kontaktuar prej rreth 10 ditësh mesfushorin dhe parimisht kishin rënë dakord, por kishin mbetur edhe disa detaje të tjera për t’u sqaruar.

Gjithsesi pati një moment frenimi, kjo edhe prej ofertave të tjera që mesfushori pati nga jashtë vendit. Në fund zgjodhi Laçin dhe Najdenov ka treguar arsyet. “Jam shumë i kënaqur nga kushtet e ofruara. Edhe pse kishte edhe disa skuadra tjera nga Superliga shqiptare që isha në kontakte, drejtuesit e Laçit ishin më konkret dhe më serioz, ndaj në fund shumë shpejt arritëm edhe marrëveshjen në fjalë”, është shprehur për “infosport.mk” mesfushori, i cili ka qenë edhe pjesë e Maqedonisë në të shkuarën.