Bogdani flet për largimin e tij nga Shqipëria U19, për situatën aktuale në kombëtare, si dhe për kualifikimin në Europianin “Francë 2016”. Në fund është ngacmuar edhe për rekordin që ka si shënuesi më i mirë i kombëtares.

PUNA ME U19 –  “Ishte një eksperiencë pozitive. Dua të falënderoj presidentin Armando Duka dhe federatën për mbështetjen. Jam i sigurt që këto tre vite e gjysmë si pjesë e stafit të De Biazit dhe më pas si trajner i U-19, do të më shërbej shumë në të ardhmen. Rezultatet? Në punën me ekipet e moshave, rezultati nuk është primar. Kemi luajtur mirë kundër ekipe shumë të forta, me pak fat nëse disa episode do ishin në favorin tonë, dhe rezultatet do ishin më ndryshe”.

“A ka talente Shqipëria? Fjala talent është një fjalë shumë e madhe. Një talent nuk luan me ekipet e moshave, por ai bën diferencën edhe në ekipet e para. Vështirë se mund të thuash që kemi talente, pasi nuk kemi lojtarë 19-vjeçarë që luajnë me ekipet e para”.

“Largimi? Ishte një ndarje me konsensus midis të dyja palëve, sepse dhe unë dua të vazhdoj karrierën si trajner, duke stërvitur ditë pas dite një skuadër. E ardhmja? Tani do të kthehem në Itali. Kam folur me menaxherët për të kontaktuar ndonjë skuadër, pasi më pëlqen të stërvit dhe të bëj trajnerin. Shpresoj të gjej një skuadër që të jap eksperiencën time e të punoj sa më mirë”.

KARRIERA SI FUTBOLLIST – “Me të gjitha ekipet ku kam luajtur në Itali ia kam kaluar mirë. Do të veçoja Sienën dhe Çezenën, ku pavarësisht ndeshjeve ose golave jam pritur shumë mirë nga qyteti”.

“Kulmi? Kulmi i karrierës sime ka qenë te Siena, ku kam bërë 11 gola në Serie A. Por kulmi i një futbollisti është kur luan me ekipin kombëtar dhe shënon shumë gola. Këto gjëra i kam arritur dhe jam shumë krenar për këtë”.

“Momentet e vështira? Çdo futbollist kalon momente të vështira. Eksperienca negative kam pasur prej dëmtimeve. U bëj thirrje lojtarëve që në rast dëmtimesh të punojnë sa më fort për t’u rikuperuar, pasi futbolli është një sport i bukur që do shumë sakrificë”.

“Golat më vendimtarë? Dy golat që kam bërë me ekipin kombëtar në transfertën kundër Ukrainës, ndeshje që përfundoi më rezultatin 2-2. Kanë qenë dy gola shumë të bukur që më kanë emocionuar”.

“Kundërshtari më i fortë? E kam të vështirë të them një emër, por do veçoja mbrojtës si Stam, Maldini, Samuel, Kanavaro, apo Turam. Mbrojtës shumë të fortë, që kam hasur shumë vështirësi për t’i kaluar, por edhe u kam shënuar ndonjëherë”.

KOMBËTARJA – “Patjetër do kisha dashur të luaja ndaj Serbisë. E kam ndjekur nga televizori dhe ishte shumë emocionuese. Ka qenë një ndeshje shumë e bukur. Nëse ndeshja do të vazhdonte të luhej, për mendimin tim do ta fitonim”.

“Çfarë kishte skuadra e De Biazit që nuk e kishit ju për të shkuar në Europian ? Unë kam luajtur pak me De Biazin, ndërsa më pas kam qenë pjesë e stafit. Shumë gjëra u mblodhën bashkë për atë sukses. Trepikëshi ndaj Serbisë që morëm në tavolinë na ndihmoi shumë nga ana e moralit. Çunat punuan fort edhe në barazimin 0 – 0 në Danimarkë. Pjesëmarrja në Europian do të ngelet gjithmonë në zemrën time”.

“Kombëtarja tani? E kam të vështirë të flas, pasi tani e shoh skuadrën vetëm nga televizori ose stadiumi. Panuçit i është dashur të ndryshojë shumë, pasi kemi të bëjmë dhe me një ndërrim brezash”.

“Lojtarë me të ardhme? E kam të vështirë të them se kush do të ketë një të ardhme të madhe. Do veçoja Asanin e Partizanit dhe Trashin. Janë këto dy lojtarë që kanë spikatur.”

“Rekordi i shënuesit më të mirë? Kam raporte shumë të mira me Sadikun, Balajn dhe Cikalleshin. Kemi luajtur bashkë, por dhe i kam stërvitur në rolin e zëvendës-trajnerit. Më vjen mirë që këta të tre thyejnë rekordin. Sadiku është më afër. Rekordet janë bërë për t’u thyer. Shpresoj që rekordi të thyhet, pasi do të kemi një sulmues që do të shënojë dhe shpresoj që ata gola të na çojnë në një europian ose botëror”.

Mbas dy ditësh të dy ekipet do të ndeshen sërish në të njëjtin stadium. Në këtë grumbullim trajneri i përfaqësueses së 19-vjeçarëve Erjon Bogdani ka grumbulluar shumë emra të rinj, pasi ka pasur ftesa vetëm lojtarët e datëlindjes 2001 dhe 2002.

Shqipëri 1 – 0 Rumani
Shënues: Bullari 43’ (pen)

Erion Bogdani ka prezantuar listën sot në ambientet e FSHF-së. Bie në sy numri i lartë i lojtarëve që luajnë në Shqipëri dhe në Itali.

NDESHJA – “Luajtëm një ndeshje shumë të mirë. Ukraina ka një skuadër të fortë. Bëmë një pjesë të parë të mirë, por u ndëshkuam nga një gabim individual. Nuk ka asnjë problem, pasoi gabimet ndodhin në futboll. Skuadra reagoi mjaft mirë dhe në pjesën e dytë, pasi krijuam dhe raste, në përgjithësi jam shumë i kënaqur. U thashë dhe djemve që duhet ta mbajnë kokën lart, pasi kemi dhe dy ndeshje të tjera dhe nëse do të paraqitemi në këtë mënyrë, rezultatet do të vijnë. Tifozët që e kanë ndjekur ndeshjen besoj që janë argëtuar, pasi pati mjaft raste për shënim”.

KUNDËRSHTARËT – “Me ato që kam parë Ukraina ishte skuadra më e fortë e grupit. Nëse skuadra do të luaj si sot (dje) jam i bindur se do të marrim pikë”.

GJENDJA – “Ne kemi 20 lojtarë, të gjithë të gatshëm për të luajtur. Gjendje e skuadrës është shumë e mirë dhe pas ndeshjes duhet që unë t’u mbaj moralin lart, pasi kanë luajtur shumë mirë, të rikuperohen shumë shpejt dhe më pas në ndeshjen e ardhshme të luajnë kështu. Besoj se përballë Malit të Zi do të hedh në fushë formacionin më të mirë të mundshëm’.

OBJEKTIVAT – “Janë dhe dy ndeshje. Unë kam besim se nëse skuadra do të paraqitet siç u paraqit me Ukrainën do të arrijmë fitoren në të dyja takimet”.

Rivalë të fortë, por Bogdani nuk u druhet: “Nuk i kemi frikë. Luajmë në Tiranë, publiku do të na mbështetë. Nuk dua t’i ngarkoj çunat, duhet të luajmë pa frikë dhe pa presion për rezultat. Kam studiuar Ukrainën. Kanë marrë pjesë në Kampionatin Europian. Janë ekipe të forta ne kemi ambiciet tona. Nëse japim maksimumin, do të arrimë rezultat të mirë. Ne do të luajmë me sistemin 4-3-3 kur kemi topin, besoj se do ju krijojmë vështirësi kundërshtarëve”.

Për Bogdanin, synim kryesor është zbulimi i talenteve: “Objektivi im si trajner është që të sjell sa më shumë lojtarë në kombëtaren U-19. Kemi zhvilluar dy ndeshje shumë të mira me Gjeorgjinë. Djemtë duhet të jenë të qetë pasi nesër do të mundohemi që të japim më të mirën tonë. Besoj se në këto tre ndeshje do të paraqitemi shumë mirë. Afrimet? Për një vit kam parë 70 futbollistë, sigurisht ka shumë që s’i kam parë ende. Detyra ime është t’i shoh të gjithë dhe të afrojë më të mirët. Dua të bëj sa më mirë për këtë ekip. Dera e Kombëtares është e hapur për të gjithë”, tha Bogdani.

Në fund, një batutë për Kombëtaren A, ku Bogdani nuk e sheh veten ende: ‘Tani për tani nuk e kam menduar akoma, thjesht shpresoj që të bëj sa më mirë me U-19. Jam krenar që jam në krye të kësaj kombëtareje”.

Për Bogdanin, Sinani bën mirë të mendohet dhe të ketë durim, sepse karriera me kombëtaren nuk nis te 19-vjeçarët apo 21-vjeçarët. Vetë Bogdani kujton karrierën e vet si shembull: “Është zgjedhje personale, nuk kam ç’ti them, por nëse Sinani do të vazhdojë të ecë përpara, nuk ka asnjë problem, ai do të jetë gjithnjë në fokusin e Shqipërisë. Unë e kam edhe nga eksperienca personale, kam luajtur shumë ndeshje me ekipin kombëtar, por nuk kam luajtur asnjë ndeshje me kombëtaren U-19.  Kjo tregon që çdo gjë varet nga djemtë, nëse rriten në karrierë, do t’i bëjnë vend vetes gjithmonë. Për momentin ai ka luajtur shumë pak te Milani, ndaj nuk e kam përzgjedhur. Ka edhe lojtarë të tjerë, një lojtar te Sasuolo ka shënuar, por nuk kam mundur ta ndjek nga afër, ndaj nuk e grumbullova, sepse do të doja ta shihja në ndeshje e stërvitje. Nuk ekziston asnjë çështje Sinani, kam qenë i pari që e kam grumbulluar dhe aktivizuar. Milani nuk e ka aktivizuar dhe ka dashur ta shesë, por ka edhe një vit kontratë aty. Nëse do të ecë përpara në karrierë, do të jem i pari që do të më bëhet qejfi për të”.

OBJEKTIVAT – “Që në konferencën e parë si trajner i Shqipërisë U-19 kam deklaruar se objektivi është përgatitja e sa më shumë talenteve për ekipin U-21. Për ndeshjet e radhës, në tetor, synimi është dhënia e maksimumit dhe pas këtyre tre ndeshjeve do të dalim në një konkluzion se si jemi paraqitur”.

PAK LOJTARË NGA SUPERIORJA – “E vërtetë, janë pak lojtarë, me Isufin që luan te Vllznia, por duhen llogaritur edhe Haxhiu i Partizanit, por edhe Elvi Berisha mund të konsiderohet pjesë e kampionatit tonë, duke qenë se sapo ka ikur. Unë do ta ndjek gjithnjë kampionatin tonë, për momentin kam gjykuar se këta lojtarë janë më të mirët”.

SYNIMET PËR REZULTATE – “Natyrisht që rezultatet janë pjesë e futbollit dhe synimi është të marrim rezultate të mira, por edhe evidentimi i lojtarëve për të ardhmen dhe t’u japim mundësi të tregojnë sa vlejnë. Megjithatë, grupi është shumë i vështirë, Ukraina e Norvegjia ishin në 1/8-at e Kampionatit Europian, edhe pse me një moshë tjetër, por kanë ende disa lojtarë nga ato skuadra. Duke parë listën tonë, pozitive është që shumë lojtarë janë të datëlindjes 2000, lojtarë të mirë dhe që do të vlejnë edhe për të ardhmen, por negative është që kemi një skuadër me moshë më të vogël se kundërshtarët”.

LISTA – “Lista është optimalja. Kam vëzhguar rreth 70 futbollistë dhe këta lojtarë kam përzgjedhur si më të mirët për këto eliminatore”.

SHUMË LOJTARË NGA ITALIA E GREQIA – “Kam vëzhguar shumë lojtarë dhe këta që kam përzgjedhur më kanë dhënë garanci, duke u paraqitur mirë në turneun që kemi fituar dhe në miqësoret e fundit. Në të ardhmen do të provojmë edhe më shumë lojtarë, të datëlindjes 2000”.

TALENTET QË MUND TË VLEJNË PËR U-21 – “I kam këshilluar ndonjë lojtar Bushit, kemi disa lojtarë cilësorë, por nuk kam qejf të përmend emra. Këta lojtarë kanë talent, por duhet të punojnë shumë dhe të përmirësohen, duke u stërvitur dhe luajtur sa më mirë, për të kapur Shpresat dhe më pas kombëtaren e madhe”.

ZVICRA, JASHTË VËMENDJES – “Përpara disa muajsh kam qenë në Zvicër, ku Federata një grumbullim për të parë lojtarët e datëlindjeve 99-2000. Ishin shumë lojtarë nga ekipet më të mira që nuk erdhën dot dhe nuk munda t’i shoh, por pashë të tjerë, të cilët i futa në konkurrencë me ata që kam grumbulluar dhe këta që kam përfshirë në listë mendoj se janë më të mirët”.

LOJTARËT E SUPERIORES NUK PO LUAJNË – “E vërtetë, por janë lojtarë mjaft të rinj dhe është pozitiv fakti që këta lojtarë stërviten me ekipet e para, duke fituar eksperiencë, duke u stërvitur me lojtarë të mirë dhe duke gjetur ritëm e cilësi, ndaj i ndihmon shumë, edhe nëse luajnë rregullisht në ekipet e para. Thjesht të qenit pjesë e ekipit të parë është diçka shumë pozitive”.

Ashtu si femrat, edhe djemtë e drejtuar nga Bogdani miqësoren e dytë e luajtën në orar të pazakontë, në orën 10.00 paradite në “Loni Papuçiu”.

Një autogol i Isufajt në minutën e 49-të mposhti Shqipërinë, që u mundua shumë që të evitonte disfatën.

Gjithsesi, ishte vetëm një miqësore dhe Bogdani i provoi të gjithë, para se të vendosë për grupin dhe formacionin që do të zbresë në fushë që prej ndeshjes së parë kualifikuese për Europianin e ardhshëm, ku jemi në një grup me Ukrainën, Malin e Zi dhe Norvegjinë.

Shënues: Çela 80′

SHQIPËRIA: Qirko, Arapi, Çela, Gjura, Abara, Rama, Gkertsos, Lakti, Burba (Myrteza 53′), Haxhiu (Koçi 69′), Mihana (Metolli 53′). (Të gatshëm: Tafa, Hysaj, Bushaj, Marishta, Kumbulla, Isufaj, Isaraj, Xhuveli). Trajner: E. Bogdani.

GJEORGJIA: Gugeshashvili, Jinjolava, Kapianze (Asatiani 77′), Mali, Kharabadze, A. Ninua (Kukhianidze 62′), Dartsmelia, Kochoroshvili (Andronikashvili 62′), N. Ninua (Tolordava 88′), Ozbetelashvili (Ergemlidze 62′), Kavtaradze (Zaridze 62′).Të gatshëm: Kereselidze, Japaridze, Purtseladze, Tabatadze, Glonti). Trajner: G. Kipiani.

GJYQTARË: O. Ferataj, E. Hatija, A. Marko, O. Yzeiraj (Shqipëri).

KARTONË TË VERDHË: Gjura 75′, Metolli 81′, Abara 90.

KARTON i KUQ: Tolordava 89′.

19-vjeçarët kuqezinj të Bogdanit kanë fituar 1-0 në miqësoren kundër moshatarëve të tyre të Gjeorgjisë. Ndeshja e luajtur në “Loni Papuçiu” të Fierit ka dhuruar emocione për publikun e pranishëm. Të dyja skuadrat kanë luajtur një futboll të shpejtë, ritmik dhe me raste të shumta sa në njërën portë, në tjetrën. Kuqezinjtë e vegjël u mjaftuan me një gol nga mesfushori i talentuar i PAOK-ut, Sadik Çela, i cili shënoi një gol të bukur me goditje dënimi. Një ndeshje e mirë për skuadrën e drejtuar nga Erjon Bogdani, që ka në dispozicion një grup të talentuar, por që ka nevojë për kohë, pasi lojtarët nuk njihen mirë me lojën e njëri-tjetrit, ndaj janë organizuar edhe stazhe të tilla përgatitore dhe miqësore ndërkombëtare. Më 1 shtator do të luhet sërish në Fier, kundër Gjeorgjisë. Ndryshe nga neshja e parë, Federata Shqiptare e Futbollit ka vendosur që ndeshja e nesërme të luhet në orën 10.00 paradite, ndonëse nuk e ka sqaruar këtë gjë në njoftimet e saj online.

DEKLARATA – Fitorja është gjithmonë e rëndësishme, edhe nëse vjen në një test miqësor. Është i këtij mendimi Erjon Bogdani, që për “Sport Ekspres” u shpreh: “Arritëm një fitore të bukur dhe plotësisht të merituar . Skuadra u shpreh mire në fushën e lojës . Krijoj volum më të madh se kundërshtari si dhe raste për shënim por nuk arriti të shënonte më shumë se 1 gol që megjithatë na mjaftojë për të na dhënë fitoren . Kështu kemi luajtur edhe në dy takimet miqësore të mëparshme me Apoloninë dhe Albpetrolin pavarësisht se nuk kemi arritur të fitojmë . Kemi ende shume punë për të bërë dhe unë besojë se deri në startin e eliminatoreve të Evropianit skuadra do të rritet akoma më shumë në lojën e sajë në të gjitha aspektet”. Sakaq, i pyetur se do të dilte një tjetër Bogdan nga kjo skuadër që ai drejton, përgjigja ishte: “Padyshim që do të dalin dhe Bogdanë të tjerë ndoshta dhe më të mirë për të shënuar në portat kundërshtare”, ka përfunduar trajneri Bogdani.

Dy miqësoret ndaj Gjeorgjisë do t’i shërbejnë trajnerit kuqezi për kualifikueset e muajit tetor, ndaj Bogdani e pranon se grupi i lojtarëve është thuajse përfundimtari: “Shumica e lojtarëve do të jenë edhe në kualifikueset e tetorit dhe unë normalisht pres përgjigje nga futbollistët pasi do të kemi dy ndeshje ndaj një skuadre shumë të mirë. Grupi për eliminatoret do të jetë ky, por mund të ketë edhe ndonjë afrim të ri për fushatën kualifikuese”.

Bogdani vlerëson miqësoret kundër një rivali serioz si Gjeorgjia: “Ekipi vjen pas dy turneve që ka zhvilluar në Itali. Gjeorgjia është një skuadër e mirë, pasi ka marrë pjesë në kampionatin europian të 19-vjecarëve që është zhvilluar pikërisht në Gjeorgji. Janë dy teste shumë të mira për ne, përpara sfidave kualifikueseve”.

Shqipëria bën pjesë në grupin 12 dhe në Tetor do të sfidojë në eliminatoret e Europianit përfaqësuese të tilla si Ukraina, Mali i Zi dhe Norvegjia: “Luajmë në Shqipëri, do të kemi mbështetjen e tifozëve dhe objektivi ynë është të marrim më të mirën nga këto 3 ndeshje. Duam të bëjmë një figurë të mirë në eliminatore”.

Bogdani pret përgjigje nga futbollistët në dy miqësoret ndaj Gjeorgjisë, sepse pjesa më e madhe e tyre do të jenë pjesë e grumbullimit për sfidat kualifikuese. Për trajnerin nuk ka dallime shqiptarë nga Shqipëria apo nga Kosova: “Politika dhe sporti janë dy gjëra të ndara. Unë jam trajneri i ekipit kombëtar dhe zgjedh futbollistët më të mirë. Ata që luajnë në klubet e tyre dhe bëjnë paraqitje të mira, sigurisht që do të jenë pjesë ekipit përfaqësues. Mua nuk më intereson politika dhe nuk ka shumë rëndësi nëse lojtarët janë nga Shqipëria apo Kosova”.

Prej muajsh trajneri i kombëtares sonë ka kryer një punë të jashtëzakonshme së bashku me stafin e tij dhe Federatën Shqiptare të Futbollit, për të evidentuar dhe grumbulluar talentet që luajnë jashtë Shqipërisë, sidomos në Itali, ku breza të rinj shumë të talentuar po rriten.

Kështu, në listë është Marash Kumbulla, mbrojtësi i cili tashmë është pjesë e Veronës në Serinë A, edhe pse vetëm 17 vjeç. Ai konsiderohet si ylli i Shqipërisë U-17, por ka edhe shumë emra të tjerë, më pak të njohur, që mund të na befasojnë, ndaj miqësoret kundër Gjeorgjisë përbëjnë shumë interes.

Në listë është edhe mesfushori Armand Rada, në pronësi të Interit, apo Erald Lakti, mesfushor i Fiorentinës.

Ka shumë futbollistë nga Italia dhe Greqia, por ka edhe disa talente nga kampionati shqiptar, duke nisur nga dy portierët, Qirko e Shala, pjesë e ekipit të parë në Vlorë e Durrës.

Kombëtarja U-19 Meshkuj

Grumbullimi nis në datë 20 Gusht 2017 – 01 Shtator 2017.

Në datë 30 gusht, ora 17.00 do të luhet ndeshja miqësore

Shqiperi – Gjeorgji, në stadiumin “Loni Papuçiu”, Fier.

Dhe po kundër Gjeorgjisë, por më datë 1 shtator do të luhet, po në Fier edhe ndeshja e dytë miqësore me Gjeorgjinë.

Tani Bogdani, trajner i Shqipërisë U-19, komenton zgjedhjen e Panuçit në krye të kombëtares, që do të thotë se tashmë do të jenë kolegë dhe do të takohen e konsultohen shpesh. Për Supersport, Bogdani deklaron: “Më bëhet shumë qejfi sepse është moshë e re dhe ka shumë eksperiencë si futbollist pasi ka luajtur në të gjitha ekipet më të mira të Europës. Besoj se ka për të bërë më të mirën për Kombëtaren”.

Në lidhje me cilësitë e Panuçit: “Si lojtar nuk mund të flas unë, sepse e tregon karriera që ka bërë. Kam luajtur shumë kundër tij dhe ka fituar shumë ndeshje ndaj meje. Kam pasur marrëdhënie të mira në fushën e lojës. Më bëhet qejfi sepse e njoh dhe është njeri pozitiv. Për duelet duhet të pyesësh më shumë atë se sa mua. Kam fituar kundër Romës ndaj tij dhe kam marrëdhënie mjaft të mira”.

Ndërkaq, Bogdani bën planet për kombëtaren e tij: “Më 23 gusht miqësore me Kazakistanin me U-18, pastaj në 29 gusht dhe 2 shtator do të ndeshemi me Gjeorgjinë, që është një ekip shumë i mirë sepse ishin në 1/8-at e Europianit dhe do të luajmë me U-19, dhe më pas do të luajmë eliminatoret këtu në Shqipëri. Në këto tre miqësore dua të konsolidoj grupin. I kam parë lojtarët dhe do të marr më të mirët”.

Ish-sulmuesi i famshëm, tashmë trajner i Shqipërisë U-19, ka folur edhe për humbjen e kombëtares në Luksemburg, duke u shprehur i befasuar: “Në fakt unë pashë vetëm 20 minutat e para, që më dhanë përshtypjen se skuadra jonë do të fitonte. Në fund rezultati ishte befasues edhe për mua. Shpresoj që në Izrael të luajmë më mirë dhe të fitojmë.”

Bogdani e ka të qartë çfarë i duhet kombëtares: “Shqipëria duhet të luajë me grintë, sepse nuk ka lojtarë cilësorë si Spanja apo Italia. Duhet të bazohemi të karakteristikat tona, të luajmë me grintë dhe egërsi, sepse ato na kanë dhënë sukses.”

De Biazi dhe e ardhmja e tij, Bogdani nuk preferon të futet në të tilla çështje: “Kjo është pyetje për trajnerin, jo për mua. Unë jam vetë trajner dhe mund të gjendem në të njëjtën situatë.”