Boca Juniors

E kryer | Benedeto mbërrin në Europë, firmos me “gjigantin” francez

Sport Ekspres — Thu, 01 Aug 2019 11:56:27 +0000

Dario Benedeto është një emër shumë i njohur në Amerikën e Jugut. Sulmuesi argjentinas ka qenë një ndër lojtarët më të famshëm në kontinentin e Amerikës së Jugut, por Europa nuk është më një ëndërr në sirtar për të. Në moshën 29-vjeçare Benedetos i ka ardhur një ofertë e që s’mund ta refuzojë.

Olimpiku i Marsejës dorëzoi një ofertë prej 16 milionë eurosh për kartonin e sulmuesit, çka ka bindur drejtuesit e Boka Zhuniors. Lojtari ka kaluar ditën e sotme testet mjekësore në Marsejë dhe do të firmosë një kontratë

Në tri vite te Boka Zhuniors, Benedeto ka shënuar 43 gola në 67 ndeshje, shifra këto që i kanë mundësuar pesë paraqitje me kombëtaren argjentinase. Marseja është zhgënjyer viti pas viti nga sulmues si Mitroglu, Zhërmen dhe Baloteli, ndoshta argjentinasi do ia dalë të thyejë këtë mallkim që ka prekur sulmuesit e skuadrës franceze.

Jo vetëm De Rosi, Boka ëndërron bomberin e Serie A

Sport Ekspres — Wed, 31 Jul 2019 09:24:07 +0000

Boka Zhuniors arriti të transferojë Daniele De Rosin në Buenos Aires, duke rritur entuziazmin e tifozërisë së zjarrtë të saj. Por jo vetëm ish-kapiteni i Romës. Ëndrra e madhe quhet Mauro Ikardi dhe drejtuesit do provojnë “të pamundurën”.

Dëshira e madhe e sulmuesit të Interit është kalimi te Juventusi, por këta të fundit kanë si objektiv Romelu Lukakun.

Opsioni i vetëm për momentin për ish-kapitenin zikaltër mbetet Roma dhe Ikardi mund të përfshihet në një operacion të madh që do të sillte edhe transferimin e Edin Xhekos në Milano.

Rikthehemi te Boka. Presidenti ka konfirmuar interesimin për argjentinasin, edhe pse një lëvizje e tillë është tepër e vështirë dhe e komplikuar.

“Di që Burdiso (drejtori sportiv) ka folur me Zanetin për të mësuar situatën. Ja vlen të pyesim e të interesohemi, pasi nuk kemi asgjë për të humbur”, thekson për Radio Cooperativa Daniel Angeliçi, kreu i klubit të famshëm.

“Dikur rivalë, tani do luftojmë së bashku”, një ish-lacial uron De Rosin

Sport Ekspres — Sun, 28 Jul 2019 12:40:10 +0000

Ardhja e Daniele De Rosit ka sjellë entuziazëm të madh te Boka Zhuniors dhe tifozët e saj të zjarrtë. Ish-kapiteni i Romës i befasoi të gjithë me zgjedhjen e bërë, duke kryer një farë “revolucioni”.

Të gjithë tentojnë të lënë ekipet jashtë kontinentit për të luajtur në Europë, ndërsa 35-vjeçari kreu një zgjedhje zemre. Mikpritja në Buenos Aires ka qenë fantastike. Lojtari i është bashkuar ekipit në stërvitje, aty ku ka takuar dhe Mauro Zaraten.

Sulmuesi ka qenë pjesë e “armiqve” të Lacios për katër sezone dhe duelet e derbit të kryeqytetit italian kanë qenë të zjarrta si gjithmonë. Ish-lojtari bardhekaltër ka postuar në faqen e tij në rrjetet sociale një foto me De Rosin, ndërsa vendos të shkruajë këto rreshta.

“Vite plot rivalitet në kryeqytet, tani do të luftojmë së bashku, mirësevjen Daniele (gjithsesi, Forca Lacio përgjithmonë)”, shkruan Mauro Zarate.

View this post on Instagram

Anni di rivalità nella capitale !! Adesso lotteremo insieme ?? benvenuto Daniele… #estoesboca #vamosboca (cmq sempre Forza Lazio ?)BIENVENIDO A BOCA DANIELE

A post shared by Mauro Zarate ?? (@oficialmaurozarate) on Jul 27, 2019 at 3:01pm PDT

FOTO+VIDEO | Tifozët e Bokës në delir, pritje madhështore për De Rosin

Sport Ekspres — Thu, 25 Jul 2019 11:05:06 +0000

Daniele De Rosi zgjodhi Boka Zhuniors për të vazhduar karrierën dhe në Buenos Aires ka nisur festa. Mesfushori italian ka mbërritur në kryeqytetin argjentinas, aty ku ka shijuar një pritje spektakolare.

Pas një jete me ngjyrat verdhekuqe mbi supe dhe me ëndrrën e madhe për ta mbyllur karrierën me Romën, 36-vjeçari (festoi dje ditëlindjen) i befasoi të gjithë me zgjedhjen e bërë. Drejtuesit e Romës nuk i ofruan rinovim dhe Daniele ishte gati të varte këpucët në gozhdë.

Dikush si ai e ka tepër të vështirë ta shohë veten me një ekip tjetër, por De Rosi është një lojtar që nuk i përket futbollit të këtyre kohëve.

Ja dhe zgjidhja romantike, vazhdimi i karrierës aty ku futbolli është akoma pasion, “betejë” dhe emocion, ku stadiumi është një ferr për kundërshtarët dhe një nga tifozeritë më të çmendura në botë të përkrah fuqimisht dhe pambarimisht. De Rosi është pjesë e Bokës që e ka pritur si djalin e saj, gati për të shkruar një histori shumë të bukur dashurie…

“Njësoj si mrekullia e Shën Xhenaros”, Maradona “bekon” ardhjen e De Rosit

Sport Ekspres — Tue, 23 Jul 2019 14:25:23 +0000

Daniele De Rosi i ka surprizuar të gjithë me zgjedhjen për të vazhduar karrierën te Boka Zhuniors. 35-vjeçari u largua këtë verë pas një jete me Romën, më saktë drejtuesit nuk i ofruan rinovimin e kontratës.

“Luftëtari” italian është gati të provojë emocionet e të luajturit në “La Bombonera”, një ndër stadiumet më të zjarrta në botë. Rreth kësaj situate ka folur edhe Diego Armando Maradona.

Legjenda argjentinase ka folur për “Tyc Sports” dhe po pret me padurim ta shohë ish-kapitenin e Romës të mbajë veshur bluzën e Bokës së tij të dashur

“Nuk të njoh personalisht, por të jesh i sigurt që do të ndihesh i qetë te Boka. I qetë me Bokën dhe me mua. Do të shihemi së shpejti. Të veshësh bluzën e Bokës për ne do të thotë shumë, është njësoj si mrekullia e Shën Xhenaros. Të përqafoj dhe të dërgoj urimet më të mira për familjen tënde”, përfundon Diego Maradona.

Jo vetëm De Rosi, Boka Zhuniors tenton edhe një lacial

Sport Ekspres — Tue, 23 Jul 2019 09:12:28 +0000

Boka Zhuniors po punon për të krijuar një skuadër shumë të fortë për sezonin e ardhshëm, me synim kryesor fitimin e Kupës Libertadores. Klubi legjendar argjentinas siguroi akordin me Daniele De Rosin.

Ardhja e ish-kapitenit të Romës ka rritur entuziazmin e tifozëve. Drejtuesit e Bokës janë gati për goditjen e radhës. Corriere della Sera raporton se objektivi i tyre luan në Serie A dhe është pjesë e Lacios. Flasim për Felipe Kaisedon, sulmuesin ekuadorian të bardhekaltërve.

30-vjeçarit i përfundon kontrata me Lacion verën e ardhshme. Rinovimi nuk ka ardhur ende, ndërsa oferta e klubit argjentinas e tundon. Kaisedo është një sulmues i fortë fizikisht, i aftë për të shënuar, ndërsa Bokës i duhet të gjejë akordin me Igli Taren për transferimin e sulmuesit në Buenos Aires.

De Rosi ndërron mendje, karriera vijon 11000 kilometra larg Romës

Sport Ekspres — Wed, 17 Jul 2019 07:00:29 +0000

Daniele De Rosi tashmë ka marrë vendimin final. Ish-mesfushori i Romës ka vendosur të vazhdojë të jetë pjesë e futbollit profesionist edhe për një sezon. Klubi i dytë në karrierën e 35-vjeçarit do të jetë Boka Zhuniors.

Drejtori i Sportiv i “gjigantit” argjentinas është një mik i afërt i De Rosit. Bëhet fjalë për ish-mbrojtësin e Romës, Nikolas Burdiso. 38-vjeçari e kontaktoi italianin sapo ky i fundit u la i lirë nga Roma, por mesfushori kërkoi kohë të mendohej për të ardhmen, pasi tundimi për t’i dhënë fund njëherë e përgjithmonë futbollit profesionist ishte i madh.

De Rosi dhe Nikolas Burdiso kur luanin së bashku te Roma

Ofertat nga ekipet italiane nuk munguan, por siç duket De Rosit nuk mund t’ia lejonte vetes të luante në Itali për një ekip tjetër. Sipas “Sky Sports”, futbollisti do të firmosë të nesërmen një kontratë 1-vjeçare me klubin nga Buenos Aires.

Në kontratë De Rosi ka të drejtën e largimit të njëanshëm në muajin janar, masë kjo e ndërmarrë në rast se aventura amerikano-latine nuk rezulton në praktikë aq fantastike sa ç’duket në teori.

Kaljari në kërkim të “Barela 2”, por merr zhgënjimin e parë

Sport Ekspres — Tue, 16 Jul 2019 18:59:14 +0000

Kaljari mbushi xhepat me 45 milionë euro pas shitjes së Barelas te Interi, por ka një problem pas kësaj. Klubit do i duhet të gjejë një zëvendësues të denjë për të mbuluar gjithë atë hapësirë që ka lënë bosh ylli i kombëtares italiane.
“Sky Sport” raporton se drejtuesit e klubit italian kanë organizuar një takim me homologët e Boka Zhuniors. Tema e diskutimit quhet Nahitan Nandes. Mesfushori uruguajan ka treguar se është një ndër më të mirët përtej Atlantikut dhe në Kaljari janë të bindur se ai mund ta bëjë të mos ndihet mungesa e Barelas.

23-vjeçari me cilësitë e tij ka bindur edhe Oskar Tbarez ta marrë në kombëtare. Megjithatë, siç raportohet, nuk është gjetur rruga e mesme mes palëve. Boka kërkon të paguhet klauzola e lirimit të lojtarit prej 22 milionë euro, ndërsa Kaljari ofron 15 milionë në tavolinë.

Duhet të themi se klubi argjentinas gëzon vetëm 80% të kartonit të lojtarit. Kështu, pista Nandes ngec. Por vihet në zbatim plani Rog. Mesfushori i Napolit është e sigurt se do largohet. Me Napolin mund të gjendet dakortësia dhe Rog mund të vijë në Kaljari. I vetmi problem është se për të interesohet edhe Ajntrahti i Frankfurtit. Gjermanët kanë financa më të shëndosha pas shitjes së Joviç dhe Haller.

Pikiatë në një vit, talenti argjentinas shitet për një shumë qesharake

Sport Ekspres — Wed, 10 Jul 2019 07:47:04 +0000

Botërori “Rusi 2018” ishte një zhgënjim i madh për popullin argjentinas. Megjithatë, disa futbollistë dolën të fituar nga eventi. Turneu shërbeu si një vitrinë e mirë për një talentin e Boka Zhuniors, Kristian Pavon. Futbollisti asokohe 22-vjeçar ishte krejtësisht i panjohur për publikun e gjerë, por paraqitjet e mira në Botëror tërhoqën vëmendjen e shumë tifozëve, por edhe klubeve elitare nëpër Europë.

Pak javë pas përfundimit të Botërorit në zyrat e Boka Zhunior vërshuan ofertat nga klube të ndryshme, por çdo kërkesë u refuzua. Drejtuesit e Bokës nuk pranon ta lëshonin Pavon pa aktivizuar klauzolën prej 45 milionë eurosh.

Teksa ka kaluar një vit nga Botërori, gjërat s’mund të shkonin më keq për Pavon. Një vit i mbushur me dëmtime dhe paraqitje të dobëta zbehën çdo interes për të. Së fundmi mediet argjentinase zbulojnë klubi i ri argjentinasit do të jenë amerikanët e LA Galaxy. Sigurisht paratë s’do i mungojnë në “MLS”, por një vit më parë do kishte fituar të njëjtën shumë ose më shumë nëse klubi do të pranonte një ndër ofertat shumta që erdhën nga Europa. Sipas “Olle.ar” , Boka Zhunior ka rënë dakord ta shesë lojtarin për 15 milionë dollarë, shumë kjo qesharake po të marrim parasysh faktin se një vit më parë Boka refuzoi dyfishin e kësaj oferte.

Zbulohet veprimi i fundit, De Rosi gjithnjë e më afër “ferrit” latin

Sport Ekspres — Fri, 07 Jun 2019 09:19:15 +0000

Daniele De Rosi do vazhdojë karrierën e tij jashtë Serie A, madje edhe jashtë futbollit europian. Boka Zhuniors dhe Los Anxhelos Galaksi synojnë të sigurojnë shërbimet e ish-kapitenit të Romës.

Preferenca e parë e 35-vjeçarit është transferimi në kampionatin amerikan të futbollit, por ideja për të luajtur në Bombonera dhe provimi i emocioneve të futbollit latin e tundon shumë.

De Rosi dhe gruaja e tij kanë nisur të interesohen për shkollat e fëmijëve në Buenos Aires, kryeqytetin e Argjentinës, ashtu siç raporton Messaggero. Mesfushori ka në mendje diçka që do t’i kënaqte të gjithë.

Ai po mendon të luajë 6 muaj me Bokën, për t’u transferuar në janar pastaj tek ekipi i Zllatan Ibrahimoviç.

Mahnitet nga tifozët e Bokës, arbitri bën gjestin e bukur

Sport Ekspres — Sat, 13 Apr 2019 10:08:52 +0000

Boka Zhuniors nuk hasi probleme për të mposhtur bolivianët e Vilstermanit me rezultatin 4-0. Mitiku “La Bombonera” ishte i zjarrtë si gjithmonë për duelin e Kupës Libertadores. Nuk munguan as reshjet e shiut, por tifozët unikë argjentinas nuk i ndal asgjë.

Dario Benedeto humbi një penallti në minutën e 32-të, por Reinoso zhbllokoi shifrat katër minuta më vonë. Benedeto gjeti golin në pjesën e dytë, sërish nga pika e penalltisë, ndërsa në fund erdhën golat e Zarates dhe autogoli i Aleks Silvës.

Protagonisti i ndeshjes u bë arbitri kryesor. Peruani Diego Haro i befasoi të gjithë në fund të takimit me gjestin e tij të bukur. Ai mbeti i mahnitur nga pasioni i madh i tifozëve vendas pavarësisht motit të keq. Haro shkoi drejt një tifozi të Bokës, i cili gjendej në rreshtin e parë afër fushës, dhe i dhuroi kartonët e verdhë.

Siç raporton argjentinasja “Ole”, Matiasi i vogël, përveçse një tifoz i thekur, luan me moshat e Bokës. Ai iku i lumtur në shtëpi për fitoren e ekipit të zemrës dhe dhuratën e marrë nga arbitri. Tashmë i mbetet të punojë fort për të realizuar ëndrrën që një ditë të zbresë në “La Bombonera” me ngjyrat e Bokës së tij të dashur mbi supe.

Mjafton një foto e Vidal, “marrin flakë” tifozët më të zjarrtë në botë

Sport Ekspres — Fri, 12 Apr 2019 12:56:18 +0000

Barcelona pagoi 18 milionë euro në verë te Bajerni i Mynihut dhe transferoi Arturo Vidal në Katalunjë. Fillimi ishte i vështirë për mesfushorin, i cili pati disa mosmarrëveshje me trajnerin Valverde dhe minutat e aktivizimit ishin me pikatore.

Situata ka ndryshuar dhe kilieni është kthyer në një lojtar të rëndësishëm të mesit të fushës. Kontrata e Vidal me Barcelonën përfundon në vitin 2021. Klube të ndryshme interesohen për shërbimet e 31-vjeçarit.

Mes tyre edhe Boka Zhuniors që synon të ndërtojë një ekip shumë ambicioz për sezonin e ardhshëm, me qëllim fitimin e Kupës Libertadores. Ka mjaftuar një foto e Vidalit për të plasur komentet në rrjetet sociale.

Lojtari i Barcelonës ka postuar një foto të bërë nga një reklamë me firmën Nike. Aty dallohet ai me një uniforme me ngjyrat blu dhe verdhë. Njësoj si uniforma e Bokës.

Tifozët e klubit më të madh në Argjentinë dhe ndër më të zjarrtë në botë kanë filluar të ëndërrojnë kalimin e tij në futbollin latin dhe e kanë duartrokitur këtë zgjedhje të Vidalit. Për momentin një zgjedhje reklame, por tifozëve ju mjafton për t’u ndjerë më mirë.

Objektiv latin për sulmin, Roma me plan të qartë

Sport Ekspres — Wed, 10 Apr 2019 17:19:59 +0000

Roma dëshiron të blejë një sulmues dhe mesa duket e ka qartësuar objektivin. Klubi verdhekuq pëlqen shumë Dario Benedeton, sulmuesin e Boka Zhuniors. Frederik Masara dhe Nikolas Burdioso kanë patur një takim kohë më parë.

Dy drejtorët sportivë kanë diskutuar për lojtarin. Roma ka vendosur të nxitojë dhe të arrijë sa më shpejt akordin për të fituar konkurrencën, pasi ka edhe klube të tjera të interesuara. Vlera e kartonit të 28-vjeçarit me origjinë italiane është rreth 10 milionë euro, ndërsa ky mund të jetë momenti i duhur për të për të provuar emocionet dhe matur forcat me futbollin europian.

Siç raporton “Fox Sports”, dy zyrtarët kanë diskutuar edhe për Diego Perotin, i cili pëlqehet shumë nga Boka. Një tjetër emër që mund të përfshihet në tratativën e transferimit të Benedetos në kryeqytetin italian është Ezekuiel Ponce.

Sulmuesi 22-vjeçar është i huazuar tek AEK-u i Athinës. Roma mund ta dërgojë atë te Boka në sezonin e ri për të lehtësuar sigurimin e shërbimeve të Benedetos.

Boka nuk përmbahet, pas Vidalit kërkon edhe mesfushorin e Milanit

Sport Ekspres — Thu, 04 Apr 2019 07:31:06 +0000

Boka Zhuniors po përgatitet për një merkato të madhe në verë. Synimi i presidentit Angeliçi është rikthimi i disa lojtarëve argjentinas në vendlindje.

Sipas raportimeve të “Fox Sports”, objektivi kryesor quhet Lukas Bilja. 34-vjeçari i Milanit pëlqehet shumë nga drejtuesit e “Xeneizes”. Mesfushori luan prej vitit 2006 në Europë, atëherë kur la Independienten për t’u transferuar tek Anderlehti.

Më pas kalimi në Itali te Lacio, aty ku qëndroi katër sezone. Bilja u transferua te Milani në verën e vitit 2017. Ky sezon është karakterizuar nga dëmtimet dhe lojtari numëron një gol të shënuar në 17 ndeshje të zhvilluara me kuqezinjtë.

Përveç tij, Boka synon dhe Arturo Vidal të Barcelonës dhe Papu Gomez të Atalantës. Drejtuesit kanë objektiva të mëdha për sezonin e ri dhe kërkojnë të përforcojnë ekipin me cilësi dhe eksperiencë.

VIDEO | Guximi i tepruar i tifozit të Bokës, policia e shpëton nga “armiqtë” e Riverit!

Sport Ekspres — Wed, 13 Feb 2019 08:18:41 +0000

Rivaliteti dhe urrejtja midis Boka Zhuniorsit dhe River Plejtit nuk njeh limite. Derbi i kryeqytetit argjentinas është një nga përballjet më të zjarrta në botë, brenda dhe jashtë fushe. Diçka e tillë u vu re dhe gjatë finaleve të Kupës Libertadores, ndërsa organizatorët vendosën ta transferonin finalen e dytë në Madrid të Spanjës.

Një episod i veçantë ka ndodhur së fundmi. Riveri po luante në shtëpi përballë Rasingut, ndërsa rreth stadiumit “Monumental” është parë një tifoz armik. Një person me bluzën e Bokës ka guxuar të futet në zonën e ndaluar, duke sjellë irritimin e tifozëve të Riverit.

Këta të fundit e kanë marrë si provokim dhe një prej tyre ka reaguar. Tifozi i Bokës nuk i ka shpëtuar grushteve, por policia i ka ardhur në ndihmë. Tifozi i Bokës ka vazhduar rrugën dhe një polic e ka detyruar të heqë bluzën, pasi më tej mund të binte përsëri pre e sulmeve të rivalëve të përjetshëm.

View this post on Instagram

1000 modi per morire: fare jogging vestiti così fuori dal Monumental prima di una partita del River. #riverplate #bocajuniors #tifosi #superclasico #brawl

A post shared by Chiamarsi Bomber (@chiamarsibomber) on Feb 12, 2019 at 4:10am PST

U përfol për kalimin te Reali, Palasio i shkel syrin gjigantit të Serie A

Sport Ekspres — Thu, 07 Feb 2019 17:12:07 +0000

Ezekiel Palasio ka folur për zërat që e lidhin me një kalim të tij të mundshëm në futbollin europian. Nga Argjentina, mesfushori i talentuar i River Plejt ka hedhur dritë për të ardhmen e tij. Reali i Madridt duhet që të uli “vrullin” për Palasion, pasi tani edhe ekipi i Interit është në garë për të.

Për “FoxSports”, 20-vjeçari është shprehur: “Përpiqem që të mos mendoj shumë për këtë, edhe pse Reali i Madridit është një klub fantastik. Interi është gjithashtu një ekip i mirë, por për momentin jam i përqendruar 100% me Riverin. Ndihem mirë këtu, ndjej që të gjithë më japin besim dhe jam shumë krenar për atë që kam arritur deri tani”,- tha fillimisht mesfushori.

Më tej, Palasio shtoi: “Me të vërtetë më pëlqen momenti që ne të gjithë po kalojmë. Përpiqem që të jem sa më i qetë dhe që të shijoj kohën time këtu. Çdo ofertë është tunduese, por jam i qetë dhe po shijoj çdo stërvitje dhe ndeshje me ekipin tim momental”,- përfundoi ylli argjentinas.

Kujtojmë që Palasio arriti që të fitojë Kupën “Libertadores” me ekipin e River Plejt kundër Boka Zhuniros, ndeshje e cila u luajt në mitikun “Bernabeu”. Riveri arriti që ta fitojë atë sfidë me përmbysje 3-1 kundër rivalit të tyre të përjetshëm.

Napoli akord me Rikelmen e ri, Boka frenon marrëveshjen

Sport Ekspres — Wed, 09 Jan 2019 14:10:01 +0000

Napoli po ndjek prej kohësh Agustin Almendran, organizatorin e talentuar të Boka Zhuniors, i cili cilësohet si Rikelme i ri në vendin latin. 18-vjeçari bën mirë të gjithë rolet e mesfushës, është i fortë në duele, e njeh mirë goditjen me kokë, ka një teknikë shumë të mirë dhe është “specialist” i goditjeve të dënimit.

Për të interesohen dhe klube të tjera, por Napoli ka arritur të bindë lojtarin. Mediat italiane raportojnë se drejtuesit e Napolit kanë arritur akordin me agjentin dhe vetë lojtarin, i cili ka zgjedhur të vazhdojë karrierën tek ekipi i Ançelotit. Por, çmimi i kartonit të lojtarit mbetet problem.

Agustin Almandra

Boka Zhuniors nuk lëkundet nga pozitat e saj dhe kërkon 30 milionë euro. Napoli e konsideron të lartë këtë shumë, ofron 15 milionë euro dhe, pas sigurimit të fjalës së lojtarit, tashmë do të nisë punën me drejtuesit e Bokës për të gjetur një marrëveshje për një shifër më të vogël se 30 milionë eurot e kërkuara nga argjentinasit.

Drama e ish-mesfushorit të Realit, gati t’i thotë “stop” futbollit

Sport Ekspres — Fri, 21 Dec 2018 09:53:47 +0000

Shumë prej jush mund ta mbani mend Fernando Gagon, mesfushorin argjentinas që ka luajtur për pesë vite (2007-2012) me skuadrën e Real Madrid dhe më pas te Roma e Valencia. Prej pesë vitesh lojtar i talentuar është rikthyer në Argjentinë, ku luan me skuadrën e fëmijërisë, Boka Zhuniors dhe është lojtari më i paguar i kampionatit me një rrogë prej 2 milionë eurosh.

Fatkeqësisht Gago mund të mos luajmë më për klubin e tij zemrës. Futbollisti, i cili ka 58 paraqitje me kombëtares së Argjentinës, u dëmtua në finalen e kupës Libertadores, pasi këputi tendinin e akilit.

Dëmtimi në fjalë është një nga më të rëndit, pasi ka një kohë riaftësimi prej 6 muajsh si dhe aspekti më i keq është dhimbjet nuk i ndahen personave të prekur deri në fund të jetës, çka sjell nevojën për terapi të përjavshme.

Kjo është hera e tretë në tre vite që Gago pëson këtë lloj dëmtimi dhe mediet në Argjentinë kanë raportuar se mesfushori ka vendosur t’i japë fund karrierës së tij si futbollist edhe pse është vetëm 32 vjeç.

Atletiko mund Interin në finish, ylli i Boka Zhuniors zgjedh Madridin

Sport Ekspres — Fri, 21 Dec 2018 08:58:49 +0000

Atletiko Madrid është shumë pranë firmës me mesfushorin e Boka Zhuniors Nahitan Nandez. Futbollisti uruguaian ka tërhequr interes nga klube të ndryshme europiane, por vetëm Atletiko Madrid dhe Inter u shfaqën të gatshëm për të aktivizuar klauzolën prej 25 milionë eurosh të lojtarit.

Sipas së përditshmes spanjolle “AS”, mesfushori ka zgjedhur të vijojë karrierën e tij në Spanjë. Nandez është një mesfushor polivalent, pika e fortë e të cilit është rendimenti i lartë, çka e bën perfekt për stilin e lojës së Diego Simeones.

? Simeone tiene como objetivo prioritario a Nández
? Su cláusula es de 25M y el Inter sería el principal rival por llevarse al uruguayohttps://t.co/KHIUQXwcrc

— AS (@diarioas) December 19, 2018

CAS vendos që Superclasico të luhet, “Bernabeu” hyn në histori

Sport Ekspres — Sun, 09 Dec 2018 08:37:53 +0000

Mbrëmjen e nesërme do të luhet “Superclasico”, që pas shumë e shumë peripecish, është vendosur përfundimisht që do të luhet në “Santiago Bernabeu”. E gjithë kjo, nga trazirat e shkaktuara nga tifozët e River, të cilët sulmuan autobusin, ku ndodheshin lojtarët e Bokës dhe ndeshja u shty.

Lidhur me këtë çështje, Boka kishte kërkuar në CAS fitoren në tavolinë, si pasojë e sulmueve të ndodhura disa ditë më parë, por zyrtarisht kjo kërkesë u hodh poshtë nga vetë CAS. Ndeshja do të luhet mbrëmjen e së dielës, në orën 20:30.

Zhvillimi i ndeshjes në “Bernabeu”, bën që impianti i Realit të Madridit të futet në histori. “Tempulli” i “Los Blancos”, do të hyjë në histori si stadiumi që ka pritur gjashtë nga finalet më të mëdha dhe më të zjarrta në futboll.

Superclasico “pajton” Mesin e Ronaldon

Sport Ekspres — Tue, 04 Dec 2018 15:25:10 +0000

Superclasico midis Riverit dhe Bokës, e vlefshme për finalen e kthimit të “Copa Libertadores” do të luhet mbrëmjen e së dielës, në “Santiago Bernabeu”. Një sfidë që u spostua në Madrid, si pasojë e incidenteve të ndodhura midis tifozëve të Riverit, të cilët sulmuan autobusin e lojtarëve të Bokës.

Sfida do të jetë një ndër më të ndjekurat në historinë e Libertadores dhe çdokush do të bënte gjithçka për të qenë në stadium për superpërballjen, madje dhe dy superyje si Lionel Mesi e Kristiano Ronaldo.

Siç raportohet së fundmi, të dy lojtarët do të jenë të pranishëm në Bernabeu për të parë nga afër finalen, ku Florentino Perez duket se ka kërkuar që t’i ulë afër njëri-tjetrit. Kjo do të jetë e para e herë për Ronaldon në Madrid, që pas transferimit të tij te Juventus këtë verë.

Barcelona do të luajë ndaj Espanjolit ditën e shtunë, ku një ditë më pas Mesi pritet të udhëtojë drejt Madridit, teksa Ronaldo e ka me të lirë axhendën, pasi Juventus luan të premten ndaj Interit dhe fundjava e Kristianos do të shpenzohet e gjitha në kryeqytetin spanjoll sipas të gjitha gjasave.

Klubet finaliste dalin kundër “CONMEBOL”: E paimagjinueshme të luajmë në Madrid

Sport Ekspres — Sat, 01 Dec 2018 16:12:25 +0000

Vendimi i “CONMEBOL” për të zhvilluar takimin e dytë të finales së “Libertadores” më datë 9 dhjetor në “Santiago Bernabeu” ka sjellë reagimin e menjëhershëm të dy klubeve finaliste. Në reagimin e tyre më të fundit, drejtuesit e River Plejt e kanë cilësuar si të paimagjinueshme që ndeshja të luhet jashtë Argjentinës.

Në komunikatën e Riverit, theksohet përsëri se klubi nuk është fajtor për sulmin që pësoi autobusi i Boka Zhuniors, pasi incidenti ndodhi jashtë perimetrit të stadiumit dhe përgjegjësia për masat e dobëta të sigurisë duhet t’i shkojë policisë së Buenos Aires.

Ndërkaq, tifozë të të dyja skuadrave po bëjnë një fushatë në mediet sociale, ku kërkohet që të dy klubet të bien në dakordësi me njëri-tjetrin për të bojkotuar takimin, në mënyrë që “CONMEBOL” të tërhiqet nga vendimi absurd.

Libertadores: Nga zjarri në Buenos Aires, te milionat e sheikëve?

Sport Ekspres — Wed, 28 Nov 2018 19:53:58 +0000

Prej ditësh është në qendër të mendjes katrahura e Kupës Libertadores, me finalen e kthimit River-Boka që nuk u luajt për shkak të trazirave në Buenos Aires dhe sulmit ndaj autobusit të Bokas.

Ndodhi ajo që shumë njerëz e prisnin, sepse një derbi kaq i frikshëm në finalen e historisë nuk mund të kalonte pa probleme.

Tani dilema e madhe është ku do të luhet Superclasico, sepse në Argjentinë nuk bëhet fjalë, nuk ka polici të marrë përsipër duelin më të egër të të gjitha kohërave.

Lajmet e fundit flasin për një ide të çmendur: finalja të luhet në Katar!

Po bëhet serioze alternativa Doha, aty ku ne vitin 2016 u luajt edhe Superkupa e Italisë mes Milanit e Juventusit.

Khalifa International Stadium, Stadium super modern me 40 mije vende, mund të organizojë finalen në 8 ose 9 dhjetor, zgjedhje perfekte edhe për motin, edhe për televizionet.

Qatar Airways është sponsor i Conmebol dhe prej sezonit të ardhshëm do jetë sponsori kryesor i Kupës Libertadores, që do të thotë se gjithë klubet që do marrin pjesë në kompeticion et e Conmebol do të udhëtojnë me Qatar Airways. Kjo e fundit ofron mbulimin e kostove të transportit për River e Boka për në Katar.

Për të bindur dy ekipet, Katari ofron shifra absurde: 10 herë më shumë se cmimi normal për fituesin, 4 herë më shumë se shpërblimi i Conmebol për finalisti humbës!

Ekziston një problem: Qatar Airways sponsorizon Boka Zhuniors, klub të cilit i paguan 6,7 milionë dollarë në vit deri në 2023. Përveç kësaj, si mund të bëjnë 13 mijë kilometra tifozët argjentinas deri në Katar? “Ikim në hënë, më mirë”, tha i nervozuar presidenti i Riverit, D’Onofrio.

Conmebol duhet të gjejë edhe një marrëveshje me Emiratet e Bashkuara Arabe, sepse nëse Boka fiton Libertadores dhe shkon në Botërorin e Klubeve, tifozët argjentinas nuk futen dot në Emirate duke veshur fanellë të Bokas me logo Katari, për të mos rrezikuar gjobë ose burg. Politikë, si zakonisht..

VIDEO | Beteja e parë pa fitues, River prish dy herë festën në Bombonera

Sport Ekspres — Sun, 11 Nov 2018 20:53:23 +0000

Kupa Libertadores ka marrë vëmendjen e gjithë botës pasi luhet Boka-Rover. Fati deshi që në një finale të madhe të ndesheshin dy skuadrat me rivaliteti në të madh në Argjentinë.

Spektakël dhe gola, por fatkeqësisht pa fitues më ndeshjen Boka-River, e cila u mbyll në rezultatin 2-2. Nuk kishte si të ndodhte ndryshe në derbin e Argjentinës, që këtë herë kishte një vlerë akoma dhe më të madhe, pasi ky takim ishte i vlefshme për finalen e parë të Kupës Libertadores.

Në një stadium të tejmbushur, tifozeria ja shtoi hijeshinë këtij takimi, që është konsideruar si sfida e vitit. Gjithsesi, në fund tifozeria vendase largohet e zhgënjyer, pasi River Plejt gjeti forcat që të ngrinte krye në dy raste, pasi Boka nuk e ruajti dot avantazhin.

The atmosphere at the #CopaLibertadores final first leg ?

? Via @BocaJrsOficial #BocaRiver pic.twitter.com/8cHcV2UzcA

— Ladbrokes (@Ladbrokes) November 11, 2018

Një sfidë me raste dhe emocion, grindë dhe nervozizëm, por fatmirësisht për ne do të ndjekim një tjetër 90 minutësh, një tjetër finale të madhe pas 2 javësh, saktësisht më 24 nëntor, kur do të luhet dhe ndeshja e kthimit, por këtë herë në “ferrin” e River Plejtit.

Duhet të veçohet se nuk njihen golat në fushën kundërshtare në këtë kompeticion, çka do të thotë dhe asnjëra skuadër nuk është e disavantazhuar në takimin e kthimit. Nuk ka mbaruar asgjë, emocionet do të vijojnë në finalen e dytë, e cila do të vendosë se kush nga skuadrat do të “groposë” kundërshtarin.

NDESHJA – Abila kaloi Bokën në avantazh, ndërsa vetëm pak sekonda më vonë ishte Prato që shënoi golin e barazimit. Pak sekonda para fundit të pjesë së parë ishte Benedeto, i cili shënoi golin e epërsisë për Bokën.

“I çmendur” autori i golit të dytë, i cili kishte shënuar në dy gjysmëfinalet duke u aktivizuar nga stoli, ndërsa sot shpërblen besimin trajnerit duke gjetur golin edhe si titullar. Një ndeshje madhështore deri më tani që i përmbush pritshmëritë që ishin për këtë takim. Spektakël dhe nga tifozeria në këtë përballje.

Izkuierdoz do ta majë mend gjatë këtë ndeshje, pasi e devijoi lehtë topin ,duke e çuar në portën e tij. I kundërpërgjigjet sërsih River Plejt Bokës, duke vënë sërish ekuilibrin.

Vijon spektakli dhe nga tifozët në shkallët e stadiumit, siç shihet një atmsoferë e zjarrtë dhe një ndeshje spektakolare.

Shtyrja e pashmangshme, Superclasico mund të luhet në një datë tjetër

Sport Ekspres — Sun, 11 Nov 2018 11:27:28 +0000

Superclasico e shumëpritur nga thuajse i gjithë globi, nuk u luajt si pasojë e reshjeve të shumta në Buenos Aires, që e bënë të pamundur të luhej futboll në “Bombonera”. CONMEBOL vendosi që të luhet ditën e sotme, në orën 20:00 me orën tonë dhe 16:00 me atë argjentinase.

Gjithsesi, siç njoftohet së fundmi, duket se supersfida do të shtyhet përsëri dhe këtë herë nuk bëhët fjalë për një ditë. CONMEBOL mund të japë vendimin që finalja e parë të luhet me datën 17 nëntor, pra të shtunën e ardhshme. Akoma asgjë nuk është zyrtarizuar, por me shumë mundësi zgjidhja mbetet të jetë kjo. Me sa duket, duhet ende të presim për të shijuar finalen e Superclasicos.

FOTO | “La Bambonera” dorëzohet para nënës natyrë, ja kushtet skandaloze të tapetit

Sport Ekspres — Sat, 10 Nov 2018 19:55:26 +0000

Reshjet e shumta që mbërthyen Buenos Airesin gjatë ditës së sotme, bënë që takimi i parë i finales së Kupës Libertadores midis Boka Xhuniors dhe River Plejt të shtyhet për ditën e nesërme. Fotot e tapetit të stadiumit të Bokës “La Bambonera” nuk lënë vend për debat.

Brenda gjashtë orësh tapeti që do të priste takimin e parë të finales është kthyer në një moçal. Madje në Argjentinë kanë frikë se nëse reshjet vazhdojnë edhe gjatë ditës së nesërme, një shtyrje e dytë do të jetë e pashmangshme.

Rrebeshi i shiut shtyn “superclassico”-n, vjen njoftimi zyrtar

Sport Ekspres — Sat, 10 Nov 2018 18:48:19 +0000

Rrebeshi i shirave që kishte mbërthyer gjatë ditëve të sotme Buenos Airesin ka detyruar drejtuesit e “CONMEBOL”, që të anulojnë takimin e parë të finales së “Copa Libertadores”. Boka Xhuniors – River Plejt ishte programuar të luhej sot në orën 21:00 (me orën shqiptaren), por gjendja e rënduar e tapetit në stadiumin “La Bambonera” ka shuar çdo mundësi për zhvillimin e ndeshjes në ditën e sotme.

Në postimin e bërë nga “CONMEBOL”, bëhet e ditur se takimi do të zhvillohet ditën e nesërme në orën lokale 16:00, pra në orën 20:00 me orën shqiptare. Sigurisht nuk përjashtohet mundësia që ndeshja të shtyhen për herë të dytë nëse kushtet e këqija atmosferike nuk ndalen.

Por motivos de fuerza mayor el partido queda suspendido para mañana, domingo 11 de noviembre a las 16:00 h.

— CONMEBOL.com (@CONMEBOL) November 10, 2018

VIDEO / Kushte të tmerrshme para finales, a mund të luhet kështu?

Sport Ekspres — Sat, 10 Nov 2018 16:40:54 +0000

Sot në orën 21:00 do të nisë takimi i parë i finales së kupës Libertadores midis Boka Xhuniors dhe River Plejt në stadiumin e Bokës, “La Bambonera”. Por, kushtet e rënda atmosferike që kanë mbërthyer kryeqytetin e Argjentinës rrezikojnë ta çojnë takimit drejt anulimit.

Reshjet e shumta të cilat i kalojnë me intensitet 40 milimetra në orë e kanë kthyer fushën e stadiumit të Boka Xhuniors në një moçal të vërtet. Një video e publikuar së fundmi nga mediet argjentinase tregojnë se tapeti i fushës ku do të zhvillohet finalja e sotme, është shumë larg gjendjes optimale që kërkohet për t’u luajtur një ndeshje normale.

VIDEO | Finalja historike, stuhi e fortë në Argjentinë

Sport Ekspres — Sat, 10 Nov 2018 12:20:03 +0000

Sot në mbrëmje do të luhet një ndeshje e madhe për botën e sportit. Në finalen e Kupës Libertadores do të përballet Boka Zhunjors dhe River Plejt. Sytë dhe veshët e gjithë botës do të jenë në Bombonera.
E vetmja gjë që mund ta zbehë pak bukurinë e kësaj ndeshje mund të jenë kushtet atmosferike, pasi sot prej pak orësh shiu nuk po pushon dhe është një stuhi e vërtetë.

Rrugët pranë stadiumit janë përmbytur, megjithatë nuk pritet që të ketë ndonjë problem para ndeshjes, pasi shumë persona janë angazhuar për mbarëvajtjen e kësaj sfide. Kujtojmë që për këtë ndeshje ka një interes jashtëzakonisht të madh, aq sa president i Bokës, ka ndryshuar foton e whatsapit, duke vendosur një njoftim: “Nuk kam asnjë biletë”.

Pritshmëritë për këtë takim janë të mëdha, pasi është një nga derbit më të mëdha në botë. Për çështje sigurie në këtë ndeshje do të jetë vetëm tifozeria vendase, duke qenë se finalja e këtij kompeticionin luhet me 2 takime.

Faltan menos de 10 horas para la primera de la final de la Copa Libertadores y así diluvia en las afueras de La Bombonera. ¡Impresionante! pic.twitter.com/NGOitrOt6T

— SportsCenter (@SC_ESPN) November 10, 2018

Çmenduri e superklasikes Boka-River, një biletë kushton 4500 dollarë

Sport Ekspres — Mon, 05 Nov 2018 10:50:29 +0000

Një finale mes Boka Xhunjors dhe River Plejt është një nga ato sfida që nuk do të donte askush që ta humbiste, por jo çdokush e ka mundësinë për të qenë prezent në një takim të tillë kur shihet çmimi i një bilete. Duke parë kërkesën e lartë, sajtet që merren me shitjen e biletave kanë vendosur çmimet kanë arritur në shifra stratosferike, duke privuar një pjesë e madhe e popullit të thjeshtë argjentinas për të ndjekur këtë superndeshje.

Një biletë arrin deri në 4500 dollarë, një shifër relativisht e kripur për një ndeshje futbolli. Gjithsesi, shitja e biletave vijon me ritëm të lartë dhe pritet një stadium i tejmbushur në finaleje e parë. Askush nuk do ta humbasë finalen e parë e cila është më shumë se një ndeshje.

Superfinalja Boka-River në rrezik, Gremio dërgon çështjen në apel

Sport Ekspres — Thu, 01 Nov 2018 17:23:07 +0000

Finalja e “Copa Libertadores” këtë sezon do të jetë Boka Zhuniors-River Plejt, superklasikja argjentinase, që është një ndër derbit më të mëdhenj në Botë. Gjithsesi jehonën e kësaj finaleje mund ta prishë Gremio. Pavarësisht se në fushë River Plejt triumfoi ndaj brazilianëve në një gjysëmfinale dramatike, ku vetëm në minutën e 96-të argjeninasit morën kualifikimin, Gremio do ta apelojë ndeshjen.

Arsyeja ka të bëjë me trajnerin e Riverit, i cili është Marselo Gajardo. Ky i fundit ishte i pezulluar, pasi ishte ndëshkuar me karton të kuq, që në ndeshjen e parë, por në pushimin e ndeshjes së luajtur në Brazil, teksa Gremio po fitonte 1-0, Gajardo ka shkuar në dhomën e zhveshjes duke folur me ekipin e tij, diçka që nuk
lejohet normalisht.

Gajardo nuk e ka mohuar këtë gjest nga ana e tij dhe Gremio ka në plan që çdo gjë t’i drejtohet gjykatës. CONMEBOL, i cili është institucioni më i lartë në Amerikën Latine, ka për detyrë të japë një vendim disi të shpejtë, pasi finalja e parë është programuar që të luhet javën e ardhshme, pikërisht me 10 nëntor.

“Rregullorja u shkel dhe ne do të bëjmë një apel formal në CONMEBOL dhe departamenti ynë ligjor do të takohet për të paraqitur ankesën. Do të apelojmë kundër ndeshjes dhe do të presim për vendimin që do të merret. Jemi të zemëruar me atë që ndodhi”, tha zëvendësdrejtori i Gremios, Duda Kroef.

Gajardo nuk shfaqi asnjë shenjë pendese për veprimin e bërë, madje tha se një dënim ndaj tij për të mos qenë i pranishëm në finale nuk do ta shqetësonte.

“Kam marrë vendimin për të shkuar poshtë në pushimin e pjesës së parë për të biseduar me lojtarët sepse mendova se ata kishin nevojë për këtë gjë. Ndoshta kam thyer një rregull, por unë marr përgjegjësinë. Ishte ajo që ndjeva dhe duhet ta bëja, nuk më vjen keq fare. Nuk më intereson nëse do të mungoj në finale. Lojtarët kishin nevojë më shumë se kurrë për mua dhe nuk mund t’i zhgënjeja”, ka përfunduar fjalët e tij trajneri i River Plejt.

VIDEO | Superclasico në Libertadores, derbi më i çmendur

Sport Ekspres — Thu, 01 Nov 2018 08:22:13 +0000

Kupa e Libertadores ka një finale të çmendur, një derbi mes River Plejt dhe Boka Zhuniors. Këta të fundit kanë arritur të barazojnë 2-2 në ndeshjen e dytë me Palmeirasin dhe tanimë do të kërkojnë të fitojnë trofeun më të madh për klube në Amerikën Latine.

Boka Zhuniors kishte fituar ndeshjen e parë në shtëpi me rezultatin 2-0 falë dy golave të shënuar nga Dario Benedeto, ndaj edhe ishin favoritë për t’u kualifikuar në finale. Një betejë në fushë, teksa që në fillim brazilianët kërkuan golin e avantazhit.

Në minutën e 10-të Bruno Henrike shënoi, por pas ndërhyrjes së Var goli u anulua për pozicion jashtë loje. Tre minuta më pas argjentinasit patën pretendime për një gol në favorin e tyre, por për arbitrin topi nuk e kishte kaluar plotësisht vijën fatale.

Pavon më pas nuk arriti të shfrytëzonte një mundësi të mirë, duke e dërguar jashtë. Gjithsesi ishte Abila që nuk gaboi në minutën e 18-të dhe tifozët e Boka Zhuniors shpërthyen në festë. Iniciativa më pas i takoi djemve të Palmeiras, që iu afruan golit. Gjithsesi pjesa e parë u mbyll 0-1.

Edhe e dyta nisi me dominimin e brazilianëve. Portieri Rosi u bë shpëtimtar fillimisht, por në minutën e 54-t nuk e ndaloi goditjen e Luan dhe rezultati u barazua në 1-1. Palmeiras vijoi të sulmonte dhe pas pesë minutash fitoi një 11-metërsh.

Gomez u tregua i ftohtë para portës dhe kaloi në avantazh Palmeirasin, ndërkohë që epërsia mund të ishte rritur pak minuta më pas. Gjithsesi Benedeto ishte ai që u dha fund shpresave të braziliane, pasi me një goditje nga jashtë zone arriti të shënonte golin e barazimit për Boka Zhuniors. Në fund të 90 minutave argjentinasit festuan kalimin në finale dhe do të kërkojnë triumfin në derbin e çmendur kundër River Plejt.

VIDEO | Kualifikohet Boka Zhuniors, çfarë sfidash në gjysmëfinale!

Sport Ekspres — Fri, 05 Oct 2018 08:12:15 +0000

Boka Zhuniors është kualifikuar në gjysmëfinalet e Kupës Libertadores, duke kompletuar në këtë mënyrë dy çiftet që do të vijojnë garimin në këtë kompeticion të rëndësishëm për klube në Amerikën Latine.

Argjentinasit kanë barazuar 1-1 në sfidën e dytë kundër Kruzeiros në transfertë, por falë fitores së parë 2-0 arritën të kualifikoheshin me rezultatin e përgjithshëm 3-1. Në gjysmëfinale Boka Zhuniors do të përballet me brazilianët e Palmeiras, që drejtohen nga kampioni i botës Luis Felipe Skolari.

Një derbi duhet thënë, duke pasur parasysh rivalitetin mes argjentinasve dhe brazilianëve. Por nuk është vetëm derbi Boka Zhuniors-Palmeiras, pasi çifti tjetër gjysmëfinalist është River Plate-Gremio.

Sikurse shihet, ekziston mundësi që për herë të parë në histori të përballen në finalen e Kupës Libertadores River Plate dhe Boka Zhuniors, një klasike e njohur si një nga derbet më të mëdha në botë.

NDESHJA – Kruzeiro duhet të përmbyste humbjen e parë 2-0 kundër Boka Zhuniors dhe sigurisht nuk ishte aspak e lehtë. Gjithsesi u tentua diçka e tillë dhe brazilianët arritën të shënonin në pjesën e dytë me anë të Sasa (58’) vetëm një minutë pasi ai zbriti në fushën e blertë.

Duhej edhe një gol për ta çuar në shtesë, por që nuk erdhi. Gjërat u bënë edhe më të vështirë pas minutës së 81-të, kur Dede mori kartonin e dytë të verdhë dhe e la ekipin e tij me një lojtar më pak.

Më pas në shtesë ishte Pavon ai që në shtesë shënoi golin e barazimit për Boka Zhuniors dhe më pas nuk kishte kohë për asgjë. Gjithçka u mbyll 1-1 dhe ishin argjentinasit ata që festuan kualifikimin në gjysmëfinalet e Kupës Libertadores.

Boka Zhuniors kthehet në fronin e Argjentinës

Sport Ekspres — Wed, 21 Jun 2017 14:05:05 +0000

Boka Zhuniors ka fituar titullin kampion për sezonin 2016/17 në Argjentinë, pa luajtur ende këtë mesjavë. Kjo për faktin se Banfildi ndjekës u ndal mbrëmë në fushën e San Lorencos.

Është titulli i 32-të kampion për Bokan, një ndër klubet më të mëdhenj në botë, sepse ka fituar edhe 22 tituj ndërkombëtarë.

Arkitekt i suksesit të radhës është një emër i njohur i futbollit argjentinas, Gijlermo Barros Skeloto, i cili po shkëlqen edhe si trajner. Yjet e skuadrës: Peruci e Verhini në mbrojtje, Fernando Gago e Bentankur, Pavon, Senturion dhe sidomos Benedetto në sulm, ky i fundit me 18 gola kryeson listën e shënuesve.

Një ecuri triumfuese për Bokan, gjithnjë në krye dhe me 59 pikë në 28 ndeshje, me 58 gola të shënuar e 22 të pësuar, më mirë se çdo ekip tjetër në Primera.

Si zakonisht, derbi i madh me Riverin nuk merr fund kurrë as te beteja se kush ka më shumë trofe: Boka tani kryeson 62-61 me trofe totalë në histori, por Riveri ngre zërin dhe i konsideron trofetë para vitit 1931 si të parregullt. Ishte viti kur futbolli kaloi në profesionizëm dhe futbollistët në Argjentinë nisën të paguhen, ndaj numri i trofeve filloi nga viti 1931.

Me të drejtë, në diskutimet mes tifozëve, dikush thotë: “Ah, ai titull i vitit 1925 nuk vlen. Shiko, as fanellat nuk i kanë njësoj lojtarët e së njëjtës skuadër”. Futboll pë qejf, pra, pa rregulla e norma, deri në vitin 1931, ndaj edhe River ankohet, sepse në epokën e futbollit profesionist është superior, 58-52 me trofe ndaj Bokës.

Gjithsesi, nëse llogariten vetëm trofetë ndërkombëtarë, Boka është superiore, por River nuk lëviz nga istikami: duke llogaritur ligat profesioniste dhe kupat ndërkombëtare, River kryeson 38-35.

Si i bëhet? Një kaos i vërtetë, tipik për Argjentinën, ndaj varet cilin klub keni qejf!