SPORTEKSPRES.COM mëson se drejtuesit e klubit verilindor janë pranë marrëveshjes me Blerim Krasniqin. Sulmuesi kavajas ka qenë pjesë e Skënderbeut gjatë dy sezoneve të shkuara, ndërsa më parë ka luajtur për Apoloninë dhe Besën e Kavajës.

23-vjeçari mbylli sezonin e kaluar me 6 gola në 23 ndeshje. Kontrata e Krasniqit me Skënderbeut zgjat edhe për dy sezonet e ardhshme, prandaj mbetet për t’u parë se si palët do ta zgjidhin këtë problematikë.

Me ardhjen e Krasniqit te Kukësi, verilindorët do të kenë tre alternativa me kavajasin që i bashkohet në këtë repart Vasil Shkurtajt dhe të riut Markovanbasten Çema.

Në ndeshjen me Kukësin u dëmtua edhe sulmuesi Blerim Krasniqi. Kavajasi gjithashtu nuk do të jetë i gatshëm për lojë në ndeshjen e fundit të kampionatit. Kështu Shehi duhet të gjejë një zgjidhje dhe në fakt alternativat i mungojnë.

Ndoshta do të detyrohet të zhvendosë në sulm Dejvi Bregun, pozicion që vlonjati e ka mbuluar edhe në të shkuarën. Shqetësimi tjetër i stafit teknik të Skënderbeut është edhe mesfushori Gjergji Muzaka. Ky i fundit u dëmtua kundër Kukësit dhe ende nuk dihet shkalla e dëmtimit. Prania e tij në takimin me Luftëtarin është në rrezik. Ditën e sotme ai nuk është stërvitur me skuadrën.

“Skuadra mund të ndryshojë. Atë ditë menduam të luajmë me dy sulmues dhe na e shpërblyen. Këtë herë mund të ndryshojmë. Krasniqi më vjen mirë që është i kënaqur, por duhet të vazhdojë e të luftojë si ndeshjen e fundit”, u shpreh Shehi për RTSH Sport.

Tekniku i Skënderbeut kërkon përqendrim, ndërkohë që flet edhe për mungesat e Bruno Ditës dhe Marko Radas.  “Duhet të jemi të fokusuar 100 për qind. Nuk më kohë, janë edhe pak ndeshje. Ndaj duhet përqendrim maksimal në çdo moment. Mungesat? Janë mungesa që na e vështirësojnë pak, pasi janë stabël pjesë e formacionit nga fillimi i sezonit. Do shohim si do rreshtohemi. Do marrim në konsideratë edhe kundërshtarin”.

Në fund ai komentoi edhe ndryshimin e orarit të ndeshjeve: “Ndoshta është një vendim për shkak të rivalitetit në këtë fazë. Ka ndodhur edhe herë të tjera. Do doja të luanim minimumi në orën 17:00. Do mundohemi të përshtatemi dhe të japim më të mirën”.

“Do kërkoj edhe më shumë nga vetja. Si çdo lojtar dua më të mirë. Pjesën më të madhe të sezonit kam qenë i dëmtuar. Falënderoj Zotin që i kthyem te fitorja dhe te golat”, shtoi sulmuesi, të cilin Skënderbeu e k blerë tek Apolonia.

“Mezi e prisnim këtë ndeshje. Donim të hakmerreshim për atë pritje që na bënë atje, një hakmarrje sportive them”, u shpreh Krasniqi.

“Ndryshon gjithçka nga ndeshja në ndeshje. Asnjë lojtarë nuk luan dot në atë lloj fushe dhe atë lloj ambienti që krijohet atje. Asnjë futbollist nuk shpreh më të mirën në atë terren”.

“Normalisht jemi pak larg nga vendi i parë, por asnjëherë nuk i dihet kanë mbetur dhe shumë ndeshje. Nuk mund të them diçka për titullin ose Kupën”

“Të gjithë e dimë se nuk kishim kohë për të humbur, pavarësisht se as fatin nuk e kemi pasur me vete. Tani na mbetet të futemi në fushë e të japim gjithçka”.

MUNGESA E GOLIT – “Për katër muaj kemi pësuar shumë dëmtime dhe s’kam qenë në formën më të mirë. Goli më ka munguar, por tani që shënova dhe skuadra mori tre pikëshin ndihem shumë mirë”.

FLAMURTARI – “Flamurtari ka dhe lojtarë të tjerë që mund t’i zëvendësojnë ata që janë larguar. Ne si në çdo ndeshje synojmë tre pikëshin”.

NDESHJA – “Është e vërtetë, na mungoi fitorja. Ishte një fitore shumë e rëndësishme, por dhe goli për mua ishte shumë i rëndësishëm. Kemi pasur një situatë shumë të keqe. Gjashtë humbje rresht janë shumë dhe duhet me doemos te riktheheshim te loja jo0në. Kemi pasur dhe fatin kundër, pasi kemi pësuar gola nga gabimet tona. Tani të vazhdojmë rrugën që kemi nisur dhe të ruajmë ecurinë.

SHEHI – “Trajneri si gjithmonë kërkon më të mirën, pastaj ne duhet të punojmë dhe të japim më të mirën. Trajneri nuk kishte çfarë të thoshte, pasi ne e dinim vetë që nuk ka më kohë për gabime, por vetëm për të marrë fitoren.

KRIZA – “Të gjithë presin nga të gjithë lojtarët e Skënderbeut, pasi janë futbollistë me kualitet. Edhe nga unë kanë pritur shumë, por nuk kam qenë në formën time më të mirë fizike. Tani që jam rikthyer shpresoj të ruajmë këtë ritëm dhe të marrim maksimumin nga të gjitha ndeshjet”,- u shpreh Krasniqi.

Dejvi Bregu ka pësuar një frakturë në krahun e majtë, Demte dhe Lulaj do  të mungojnë të paktën një muaj prej dëmtimeve. Veç këtyre, së fundmi probleme ka shfaqur edhe sulmuesi Blerim Krasniqi. Dy javë pushim edhe për kavajasin, që humb ndeshjet me Besëlidhjen dhe Partizanin. Madje rrezikon edhe takimin me Kastriotin.

Te Partizani ka lajme të mira sa i takon gjendjes së Bruno Telushit. Mesfushori vlonjat u dëmtua në ndeshjen miqësore me Dinamon e Zagrebit, por nuk ka diçka shqetësuese për të. Ai do të jetë gati për pjesën e dytë të sezonit dhe trajneri Gega sigurisht që buzëqesh për këtë.

Marko Radas, Blerim Krasniqi dhe Ardit Hoxhaj nuk do të jenë të gatshëm për trajnerin e Skënderbeut. Kapiteni kroat është i dënuar me kartonë, ndërsa dy sulmuesit janë të dëmtuar.

Shehi ka analizuar gabimet e shfaqura me Teutën, por pa e rënduar shumë ekipin. Ai ka kërkuar lojtarëve të reagojnë kundër Kukësit dhe të futen në fushë me mentalitetin dhe personalitetin e duhur. Përballja është e fortë, Kukësi vjen nga dy fitore në transfertë dhe kërkon me çdo kusht vazhdimësinë, por Skënderbeu ka treguar se sillet si ekip i madh kundër të mëdhenjve.

Faza e parë përfundoi me fitoren e korçarëve me golin e Gripshit, ndërsa dueli i dytë zhvillohet në Kamzë. Bardhekuqtë kanë fituar dy sfidat me Partizanin, madje kanë arritur të fitojnë dhe në Vlorë. Ata renditen në vendin e dytë dhe diferenca me të kuqtë kryesues është 4 pikë.

“Blerim Krasniqi është e vetmja mungesë për takimin e së shtunës. Sulmuesi ka pësuar një dëmtim i cili e bën të pamundur aktivizimin ndaj Teutës. Pjesa tjetër e grupit në gjendje optimale në prag të takimit”, njofton klubi i Skënderbeut. Ndeshja luhet nesër prej orës 17:00, ndërkohë që kanë dalë edhe çmimet e biletave për këtë përballje.

ÇMIMET E BILETAVE, SKËNDERBEU-TEUTA
(E shtunë, më 1 dhjetor; Stadiumi “Skënderbeu”, ora 17:00)
Tribuna Gold A & B – 1000 Lekë
Tribuna A, B – 400 Lekë
Tribuna C – 300 Lekë
Tribuna E, D – 200 Lekë
SHITJA: Biletat kanë dalë në shitje dhe mund t’i blini pranë biletarisë te stadiumi “Skënderbeu”

https://www.facebook.com/blinibilet/photos/a.574123219624422/725452737824802/?type=3

Ndryshime të shumta pësuan korçarët në verë, ndërkohë që Krasniqi shikon grupin si forcën kryesore të Skënderbeut. “Besoj se grupi ka vlera, edhe pse ka pasur largime të rëndësishme. Të gjithë kanë vlera, pasi janë pjesë e Skënderbeut dhe jo në ndonjë skuadër tjetër”, shtoi Krasniqi në “RTSH Sport”.

Tani Skënderbeu është i pati dhe sulmuesi e ka të qartë se për ta mbajtur vendin e parë nuk është e lehtë. I pyetur edhe për ndeshjen me Kastriotin, ai kërkon që të mos nënvlerësohet kundërshtari.  “Më e vështirë është ta mbash, se sa ta marrësh vendin e parë. Nuk ka ndeshje të lehta. Të gjithë dinë të luajnë futboll, ndaj nuk duhet nënvlerësuar asnjë ekip”, u shpreh në mbyllje sulmuesi kavajas i Skënderbeut.

Mesfushori u dëmtua në ndeshjen e fundit me Kamzën dhe gjatë këtyre ditëve ka bërë terapi intensive. U mendua se do ia dilte të rikuperohej në kohë, por nuk ka qenë e lehtë. Gjithashtu nuk mund të rrezikohet, pasi kontraktimi mund të sillte ndonjë tërheqje që do e linte më gjatë pa luajtur.

Ndërkohë që Muzaka duket se e ka humbur ndeshjen, Blerim Krasniqi dhe Marko Radas janë në dyshim të fortë për të qenë të gatshëm. Shanset janë të vogla që mbrojtësi dhe sulmuesi të jenë në urdhrat e trajnerit Shehi. Gjithçka do të sqarohet në stërvitjen e ditës së nesërme.

Por veçse kanë shitur, korçarët edhe kanë bërë lëvizje në hyrje. Ata kanë blerë nga brenda dhe jashtë vendit. Më së shumti në klubet shqiptare dhe janë disa futbollistët që kanë veshur fanellën bardhëkuqe pasi është paguar për kartonin e tyre.

Në Skënderbeun e këtij viti bien në sy pesë lojtarë për të cilët janë paguar në total 270 mijë euro. Portieri Aldo Teqja la Qipron dhe iu bashkua Kukësit verën e shkuar, por nuk qëndroi te verilindorët. Skënderbeu pagoi për të 15 mijë euro dhe e transferoi.

Treshja e sulmit është e gjitha e blerë. Blerim Krasniqi janarin e shkuar u ble nga bardhekuqtë. 15 mijë euro të paguara nga Apolonia. Kishte edhe gjashtë muaj kontratë, por për të interesoheshin disa klube dhe Skënderbeu nuk ngurroi të paguante.

Gripshi gjithashtu u mor te Teuta për shumën e 60 mijë eurove. Për anësorin durrsakët kanë ende një pjesë të kartonit. Dejvi Bregu është ai për të cilin është shpenzuar më tepër. Që vjet në janar u paguan 150 mijë euro te Luftëtari për kartonin e tij.

Veç këtyre lojtarëve, është paguar edhe për kartonin e Benejam Demte. I kthyer në një “mollë sherri”, pasi u stërvit fillimisht me Kukësin, etiopiani firmosi për Skënderbeun. Më parë ai ka qenë pjesë e CBE SA, ndërkohë që burime të “SportEkspres.com” bëjnë me dije se korçarët për kartonin e tij kanë paguar rreth 30 mijë euro.

VLADIMIR PRENGA

Kavajasi premton se korçarët kanë akoma shumë për të dhënë: “Skënderbeu është Skënderbeu. Jemi djem të rinj dhe do mundohemi të japim më të mirën. Kemi akoma për të dhënë për këtë skuadër”.

Para ndeshjes ishte në dyshim për të luajtur, por Krasniqi zbriti nga minuta e parë në fushë. “Kam qenë me grip. Ishte dëshira ime dhe trajneri më besoi që të filloja nga fillimi dhe më pas e shpërbleva”, u shpreh sulmuesi.

Në fund ai foli edhe në lidhje me kontaktin që pati me trajnerin Daja, por edhe me Shehin. “Me Dajën fola në fillim të ndeshjes dhe më pas nuk kam folur. Shehi më tha që të jap maksimumin si çdo herë”.

Si sulmues, dëshirën e ka të madhe për të shënuar: “Është e vërtetë që më mungon goli, por gjithmonë futem me ndjenjën se do të arrij shënoj, por gjithmonë varet nga fusha dhe pak nga fati. Gjithmonë futem me mendimin për të bërë më të mirën. Do vijë edhe goli”.

NDESHJA ME LAÇIN – “Është ndryshe nga ndeshja e Superkupës, ishte ndeshja e parë. Tani luajmë në shtëpinë tonë, pavarësisht se pa ndihmën e tifozëve. Besoj se do bëjmë më të mirën. Fitorja vendoset në fushë”.

GARA – “Fillimi është i rëndësishëm, s’duhet t’i trembemi asnjë ekipi, por Skënderbeu është Skënderbeu dhe mbizotëron në Shqipëri mbi të gjitha ekipet. Kundërshtarët kanë skuadra të mirë, por nuk duhet të mbivlerësojmë as të nënvlerësojnë asnjë ekip. Ne jemi Skënderbeu dhe do të bëjmë punën tonë”.

KONKURRENCA – Ndihem komod të kem Bregun dhe Gripshin në krah. Janë dy djem të rinj si unë dhe kanë dëshirë të luajnë. Për aktivizimin vendos trajneri, të gjithë duhet të jenë gati për të luajtur. Jemi të gjithë të barabartë, këtë duhet ta dinë të gjithë. Të gjithë janë të rëndësishëm, pavarësisht nëse është në stol apo është në fushë. Fili? E kam shok dhe kemi luajtur bashkë. Ai është pozicion tjetër. Pavarësisht se ai ka ardhur tani, unë i uroj atij të bëjë më të mirën”.

RIVALËT – “Të gjithë janë anti-Skënderbe, të gjithë duan të na mundin. Nuk mund ta them kush mund të na qëndrojë më afër, është akoma herët dhe do mundohen ta rivalizojnë Skënderbeun”.

Mbrojtësi  ka folur në “Supersport” dhe thekson se ishte me shumë rëndësi të fitonin me Partizanin. “Më vjen mirë që e nisëm me një fitore, edhe pse nuk mund ta konsideroj të thjeshtë. Është shumë e rëndësishme, pasi fituam ndaj një rivali direkt.”

Më tej ai flet për përballjen me krutanët: “Nuk do të jetë një ndeshje e lehtë, duhet ta respektojmë maksimalisht kundërshtarin. Ne respektojmë këdo kemi përpara, natyrisht duke kërkuar gjithmonë fitoren në fushë. Sekreti është forca e grupit, kjo është pika e fortë e Skënderbeut, të luajmë të gjithë si një skuadër. Kemi një organikë, cilësore pavarësisht largimeve.”

GOLEADORËT – “Ndoshta skuadrat tregohen më të kujdesshme për të mos pësuar. Mund të thuhet se dikur ishin Pejic, Ekuban apo Salihi e Soue, por është vetëm fillimi dhe qendërsulmuesit mund të spikatin. Nuk besoj se ne kemi nevojë për sulmues në merkato. Krasniqi është një qendërsulmues shumë i mirë, të gjithë besojmë tek ai. Ndoshta në ndeshjen e parë i mungoi pak besimi, por kur ta gjejë do të tregojë vlerat e tij.”

FORMA – “Eksperienca që kam fituar këto 7 vjet te Skënderbeu, pastaj më ndihmojmë shumë edhe shokët e skuadrës. Bëhet gjithçka më e lehtë kur luan përkrah një lojtari si Vangjeli, që gjithashtu ka shumë eksperiencë”.

“Për ne që fituam Superkupën, ishte detyrim. E merituam. Shumica e lojtarëve jemi që nuk kemi marrë minuta. Besoj se do bëjmë më mirë. Ishte ndeshja e parë zyrtare, të shohim me kalimin e kohës do japim më shumë të gjithë si ekip, jo vetëm unë”.

I riu kërkon që të jetë ndër shënuesit më të mirë në elitë: “Do mundohem të bëj më të mirën për Skënderbeun, të bëj maksimumin për të shënuar dhe për të qenë një nga emrat e parë të lojtarë që shënojnë në Superiore këtë vit”.

Krasniqi flet edhe për ndeshjen me Partizanin dhe beson se në fund do të festojë Skënderbeu. “Besoj se nuk do të jetë e lehtë, pasi edhe Partizani ka ekip të mirë. Por unë besoj se e fitojmë ne ndeshjen. Jemi duke e vlerësuar takimin, e kemi marrë seriozisht. Pas fitimit të Superkupës jemi me moral të lartë. Besoj se e fitojmë ne ndeshjen, jemi më të fortë dhe më të përkushtuar për të fituar ndeshjen. Luajmë në shtëpi dhe e kemi rival direkt”, ka thënë sulmuesi në “RTSH Sport”.

E ndoqën disa ekipe, por ishte Skënderbeu që pagoi për të 15 mijë euro. Vjet shënoi një gol me korçarët, kurse me Apoloninë kishte realizuar 10 gola në gjysmë kampionati në Kategorinë e Parë. Shehi e kishte përzgjedhur titullar dhe arriti ta çojë Skënderbeun përpara.

Krasniqi ishte problem për mbrojtjen e Laçit dhe tregoi se po t’i jepet besim mund të bëjë mirë me korçarët këtë sezon. Nuk është shumë i ri ta mendosh mirë, madje mund të thuhet se është momenti ideal për të shpërthyer. Mbetet për t’u parë se sa do t besohet në vijim tek ai.

Te Laçi ra në sy Redon Xhixha. Ka provuar balta nga më të ndryshme në kampionatet e moshave, ashtu si Krasniqi. Pasi ra në sy me Shkëndijën e Tiranës, sulmuesi iu bashkua verën e shkuar Laçit. Nuk ishte i panjohur, pasi presidenti Pashk Laska e kishte ndjekur me moshat.

Si çdo kurbinas, edhe Xhixha dëshironte të vishte fanellën e skuadrës së qytetit të tij. Vjet, në sezonin e parë me Laçin, shënoi katër gola në kampionat dhe shtatë në Kupën e Shqipërisë, duke qenë shënuesi më i mirë në këtë kompeticion.

Nuk ka shumë që i ka mbushur 20 vjeç. Dje ishte titullar me Laçin në Superkupë dhe shënoi golin e dytë për kurbinasit, që dolën të mposhtur. Më shumë se për golin, ra në sy me paraqitjen e tij që ishte mjaft pozitive. Drejtuesit kurbinas po kërkojnë për sulmues, por në asnjë moment nuk harrojnë që e kanë edhe një “bio” në ekip.

VLADIMIR PRENGA