I fundit që e ka bërë këtë gjë është mbrojtësi Blerim Kotobelli. Në një foto të postuar në llogarinë e tij “Instagram”, mëngjarashi ka vënë mbishkrim shprehjen e mëposhtme:

“Me mir 1 humbje e luftuar se sa 1 fitore e dhuruar nga albitri…”

https://www.instagram.com/p/BuRw8Rug-oL/?utm_source=ig_web_copy_link

“Byrazer, Jasir Asani, mos u mërzit. Futbolli kështu e ka, mbaje kokën lart. Sot e kishe shumë të vështirë, se di pse”, shkruan Kotobelli në llogarinë e tij në “Instagram”. Mbrojtësi i majtë dhe sulmuesi kanë qenë shokë skuadre një vit më parë te Partizani dhe kanë një raport shumë të mirë mes tyre.

POSTIMI I ASANIT FAZËN E PARË – “Në jetë, e aq me tepër në futboll, gjërat ndonjëherë nuk ecin ashtu si ne duam. Në këtë jetë njohim shumë njerëz, që dashje pa dashje na mësojnë shumë dhe krejt papritur vjen një moment që ato që ke mësuar duhet t’i vesh në zbatim. E dija vështirësinë që kam përballë teje, që në stërvitje kur duhej të më mbaje ndonjëherë. Atëherë edhe me lije të ikja, por këtë herë ishte shumë ndryshe. Sot ishim ‘rivalë’ për 90 minuta, pasi në jetë jemi vëllezër gjithmonë. Suksese dhe kokën lart mbaje gjithmonë vëllai im”, shkruante lojtari i Partizanit pas fitores në fazën e parë.

REAGIMI – Nuk ka vonuar reagimi i Jasir Asanit, i cili ka komentuar poshtë postimit të Kotobellit: “Ftohtë në Tiranë, – 9”, duke iu referuar distancës së Flamurtarit nga Partizani.

“Vijmë me një gjende psiko-fizike të mirë, por do theksoja se këto ditë jemi munduar të mbajmë skuadrën me këmbë në tokë. Nëse këto javë kemi bërë mirë, arsyeja qëndron te motivimi maksimal dhe bashkëpunimi mes lojtarëve për të arritur te rezultatet pozitive. Do të kërkojmë fitoren edhe ndaj Luftëtarit, duke e vlerësuar si duhet, sepse luan futboll mirë dhe renditja nuk ka vlerë. Është një kampionat ku diferencat janë shumë të vogla”.

MUNGESAT – “Kemi në pikëpyetje vetëm Pollozhanin, sepse ka pësuar një dëmtim në gju ndaj Kukësit, edhe pse është një dëmtim jo serioz. Ka punuar në mënyrë të diferencuar deri të hënën, të shohim. Pjesa tjetër e skuadrës është në dispozicion”.

SFIDA ME MEZANIN – “Për mua Mezani nuk është thjesht trajner vlonjat, por është trajner i mirë i futbollit shqiptar dhe e ka treguar me vepra. Do ta kem në konsideratë si koleg, duke e vlerësuar në maksimum. Flamurtari hyn në çdo ndeshje për të marrë trepikëshin. Shpresoj te një mbështetje e madhe e tifozerisë sonë|.

SHTYRJA E LAÇI-SKËNDERBEU – “E mendoja një blof mediatik dhe nuk është shtyrë. Më mirë, sepse kjo i shërben garës dhe duhet të ndihemi të barabartë”.

ELTON KALE – “Mungesë e rëndësishme, e konsideronim një nga sulmuesit që do i jepte ekipit një manovër tjetër në fazën sulmuese. Tani nuk e kemi, po punojmë me drejtuesit për një zgjidhje sa më të mirë, sepse do të jetë një blerje e re kur të luajë. Nuk është asgjë në dorën tonë, edhe pse po këmbëngulim që Kale të aktivizohet me lejen e federatës, në pritje të zgjidhjes nga FIFA”.

GJYKIMI – “Nën drejtimin tim i kemi ndarë pjesën e arbitrimit dhe pjesën e gabimeve tona. Nuk duhet të gjejmë alibi tek arbitri, kur gabojmë edhe vetë dhe luajmë keq. Nuk kemi thënë ndonjëherë që arbitri na ka mohuar rezultatin, por jemi ankuar vetëm për të lejuar një ritëm më të mirë loje dhe një menaxhim më të mirë të kartonëve dhënë ndaj nesh. Në analizën e së hënës më binte në sy fakti që Luftëtari është ekipi me më shumë kartonë, kur dihet që Luftëtari në fushë dallohet për Fair-Play”.

FUSHA DHE TIFOZËT –  “Besoj se gjendja e fushës është optimale, është investuar për ta kthyer në gjendje shumë të mirë dhe do të luhet futboll i bukur. Tifozët? Na duhet mbështetja e tyre, por sidomos kur nuk jemi mirë. Kemi akoma më shumë nevojë për tifozët kur kemi momente jo të mira”.

DEKLARATA E KOTOBELLIT – Për ndeshjen me Luftëtarin ka folur edhe mbrojtësi i majtë Blerim Kotobelli: “Ndeshje shumë e vështirë, por do futemi në fushë vetëm për fitore. Luftëtari ka ekip të mirë, pikën e vet më të fortë ka kundërsulmin, por është një 90-minutësh që duhet ta fitojmë”.

Do të luhet në fushë asnjanëse dhe pritet të jetë një përballje mjaft interesante. Për këtë takim trajneri Ilir Daja duhet t’i bëjë llogaritë pa Emiljano Mustën. Mbrojtësi nga Elbasani u ndëshkua me karton të verdhë dhe për këtë javë është i pezulluar, pasi plotësoi numrin katër të të verdhëve.

Gjithsesi për stafin teknik të Flamurtarit nuk mungojnë alternativat. Blerim Kotobelli është i gatshëm ta nisë nga minuta  e parë. Mbrojtësi u mor në verë nga Partizani dhe ishte projektuar si titullar, por Daja javët e fundit ka preferuar Mustën para tij.

Mes Jasir Asanit dhe Blerim Kotobellit ka shumë miqësi dhe sulmuesi anësor i Partizani i ka kushtuar një dedikim ish-shokut të skuadrës. “Në jetë, e aq me tepër në futboll, gjërat ndonjëherë nuk ecin ashtu si ne duam. Në këtë jetë njohim shumë njerëz, që dashje pa dashje na mësojnë shumë dhe krejt papritur vjen një moment që ato që ke mësuar duhet t’i vesh në zbatim”, shkruan Asani, i cili më tej shton.

“E dija vështirësinë që kam përballë teje, që në stërvitje kur duhej të më mbaje ndonjëherë. Atëherë edhe me lije të ikja, por këtë herë ishte shumë ndryshe. Sot ishim ‘rivalë’ për 90 minuta, pasi në jetë jemi vëllezër gjithmonë. Suksese dhe kokën lart mbaje gjithmonë vëllai im”, përfundon lojtari i Partizanit.

“Përshëndetje! Prej ditës së sotme (dje) ju njoftoj që jam pjesë e Flamurtarit. Falënderoj presidentin Sinan Idrizi me drejtuesit e tjerë që besuan në cilësitë e mia, por gjithashtu edhe menaxherët e mi që bënë të mundur kalimin tim të kuqezinjtë. Premtoj se do të jap maksimumin me Flamurtarin, ekipin me traditë të futbollit tonë.

Gjithashtu nuk mund të lë pa përmendur edhe skuadrën e Partizanit, me të cilin kalova momente të bukura në fushën e blertë. Përshëndes të gjithë ata tifozë të mrekullueshëm që më kanë mbështetur pa kushte tek klubi i kuq, veçanërisht dua të përshëndes president Gaz Demin që gjithmonë më ka inkurajuar për të ecur përpara. I uroj suksese në Kupat e Europes. Futbolli i tillë është dhe unë sot jam pjesë e Flamurtarit”, shkruan Kotobelli në profilin e tij në “Facebook”. Në të shkuarën mbrojtësi është aktivizuar dhe me Tiranën e Teutën.

Kryeqytetasit kanë depozituar shkresën për gjobë prej 7000 mijë eurosh për Kotobellin. Shkresa është depozituar edhe në Federatën Shqiptare të Futbollit. Kjo masë u mor për shkak të thyerjes së disiplinës së klubit duke folur pa leje në media, por dhe për shkak të prishjes së imazhit të klubit, shkruan “Panorama Sport”.

“Sport Ekspres” u lidh me klubin e kuq në lidhje me vërtetësinë e lajmit dhe nuk ka një sqarim të saktë. Zëdhënësi i klubit, Olsi Ranxhi, u shpreh: “Nuk e di nga dalin këto lajme, por janë çështje të brendshme të klubit. Nuk ka asnjë reagim nga Partizani”, – u shpreh ai.