Korçari mendon se rezultati nuk i përgjigjet lojës, ndërkohë që thekson se përgatitja fizike dhe ritmi ndikuan shumë në humbjen e Teutës. Shkëmbi nga ana tjetër nuk i ul vlerat e ekipit kundërshtar, që merr vlerësimin maksimal për shfrytëzimin e gabimeve të durrsakëve.

REZULTATI – “Ishte një ndeshje e mirë nga të dyja ekipet, e luftuar. Nga mënyra se si luajtëm, rezultati nuk i përshtatet ndeshjes. Patjetër që si fillim duhet të komplimentoj kundërshtarin. Bëmë një ndeshje të mirë dhe rezultati nuk tregon atë që shfaqëm në fushë.

PROBLEMET FIZIKE – “Është e drejtë dhe e vërtetë, e dinim që do kishim problem fizike ndaj këtij kundërshtari. Ata janë në një ritëm të mirë, pasi janë në kampionat. Kemi bërë vetëm 4 ndeshej miqësore. Patjetër që me një përgatitja fizike më të mirë, me një ritëm më të mirë, jam i bindur që nuk do të ishte ky rezultat”.

VENTSPILSI – “Patjetër që vazhdoj të kem të njëjtin vlerësim maksimal, por mendoj se ne ishim përgatitur për pikat më të forta të Ventspils. Mendoj se deri diku ia dolëm t’i markojmë mirë pikat më të forta. Pësuam një gol shumë të shpejtë dhe të thjeshtë, që duhet ta shmangnim.

Mendoj se ai gol na prishi shumë punë, si nga ana psikologjike, ashtu edhe nga rreshtimi taktik dhe mënyra se si e kishim përgatitur ndeshjen. Dy golat e tjerë i pësuam për gabime tona, por nuk duhet të harrojmë që kundërshtari duhet të jenë i një niveli të lartë që të të ndëshkojë në momentet që gabon. Venstpils e bëri shumë mirë këtë dhe mund të them në notat maksimale”, përfundoi Shkëmbi.

“Ishte diçka normale për të dyja palët. Gjithë vitit kemi qenë të kënaqur me klubin dhe me presidencën që ka qenë shumë korrekte. Jo më kot erdhi suksesi. Ishte një rinovim i arritur për pak minuta” është shprehur Shkëmbi për RTSH Sport.

Ai ka folur edhe në lidhje me merkaton dhe objektivin për të kaluar një tur në kupat e Europës. “Po mundojmë për merkaton. Do bëjmë disa ndryshime, baza e ekipit do të jetë po kjo që është. Do bëjmë afrime qe të jemi më kompetitivë”, ka deklaruar trajneri i durrsakëve.

Më tej Shkëmbi ka shtuar: “Synimi është të kemi sukses, pra të kalojmë një tur minimumi. Shpresojmë të kemi fat në short, është shumë e rëndësishme. Do ishte gjë e mirë për ne si staf dhe për klubin që të kalonim një tur në Europë”.

“Klubi i Futbollit Teuta njofton se do të vazhdojë bashkëpunimit me trajnerin Bledi Shkëmbi dhe stafin e tij. Drejtuesit e Klubit dhe Bledi Shkëmbi kanë arritur me mirëkuptim marrëveshjen e bashkëpunimit dhe për një sezon”.

FRASHËRI – Erlis Frashëri, mbrojtësi korçar i larguar nga Teuta, ka firmosur në Kosove me Gjilanin. Ai ka qenë një kërkesë e trajnerit Gentian Mezani, i cili do të vijojë të jetë në krye të skuadrës së kuq dhe po vëzhgon nga Superiorja për përforcime.

“Sport Club Gjilani njofton se ditën e sotme ka finalizuar marrëveshjen me mbrojtësin e krahut të djathtë, Erlis Frashëri. Mbrojtësi i krahut , 31-vjeçar, i lindur në Korçë, në skuadrën e Gjilanit vjen nga kampionati shqiptar, më saktësisht nga skuadra e Teutës së Durrësit, ku dhe kishte kaluar edicionin e fundit. Frashëri për skuadrën e Gjilanit sot ka firmosur bashkëpunimin për një vit.

Përvoja e Frashërit është e mirëseardhur në skuadrën e Gjilanit, ku ai më parë kishte mbrojtur ngjyrat e shumë skuadrave në Superiore, sikurse ajo e Partizanit, Skënderbeut,Luftëtarit dhe shumë ekipeve të tjera nga kampionati shqiptar. Frashëri është pikënisja e projektit të ri të skuadrës së Gjilanit, kurse ditëve në vijim klubi do ju informoj për hapat e mëtutjeshëm dhe zyrtarizimet të tjera të futbollistëve”, njofton klubi i Gjilanit.

Presidenti Edmond Hasanbelliu ka menduar t’i besojë sërish Shkëmbit dhe burime të Sport Ekspres pranë klubit durrsak bëjnë me dije se sot është firmosur edhe marrëveshja e re, që është e vlefshme edhe për një vit. Korçari mund të nisë të mendojë që tani për pjesëmarrjen në arenën ndërkombëtare dhe për sezonin e ardhshëm në Superiore.

Kjo ishte edhe vetë dëshira e Shkëmbit, i cili dëshironte të qëndronte në kryet të Teutës. Emri i tij ishte lakuar edhe te Tirana, klub që e ka menduar si opsion edhe një vit më parë. Gjithsesi Shkëmbi do të vijojë projektin e tij me durrsakët.

“Kontrata përfundon, dëshira është për të qëndruar. Do largohem vetëm me mirëkuptim, pasi asnjëherë nuk harroj momentin që më dha mundësinë të drejtoj për herë të parë në Superiore dhe me një ekip të mirë. Në fund arritëm të realizonim objektivin”.

“Në dëshirën time dhe mendimin tim është se nuk dua veç Europën, por edhe sezonin tjetër të drejtoj. Dua ta shoh veten edhe një vit tjetër te Teuta. Duhet parë shorti, por e theksoj se dëshira është të qëndroj më gjatë”.

“Kemi menduar, që nëse do kemi mundësi të bëjmë ato përforcime që duan, baza do jetë kjo. Duhet të pushojmë pak. Piketat i kemi hedhur për ekipin”, përfundoi Shkëmbi.

Mesfushori afrikan u ndëshkua me karton të kuq kundër Partizanit, ndërkohë që stafi teknik i ka sytë ngë Tefik Osmani dhe Ditmar Bicaj. Këta dy të fundit munguan ndaj të kuqve për shkak dëmtimesh dhe pritet të shihet gjendja e tyre. Sot ata janë bashkuar me grupin dhe me gjasa do jenë gati.

Trajneri Shkëmbi, pas ndeshjes me Partizanin ka folur edhe për takimin me Kastriotin. Për “Durrës Lajm” ai është shprehur: “Si çdo javë edhe ajo ndeshje do jetë shumë e rëndësishme. Kastrioti gjatë këtyre dy fazave në asnjë moment nuk ka treguar se është një ekip inferior, përkundrazi kanë bërë shumë mirë dhe po marrin pikë në çdo ndeshje pothuajse. Patjetër që do jetë e vështirë. Kemi një javë kohë të përgatitemi dhe shpresojmë të marrim edhe atje më të mirën”.

Shkëmbi e di që duhet vlerësim, edhe pse një ekip pasi del kampin e ul pak ritmin: “Kështu ndodh, ka rënie përqendrimi. E kam provuar vetë edhe si lojtar. Kam folur me ekipin, që të motivohet dhe të jepet maksimumi. Ndeshjet dhe pikët nuk t’i fal njeri, duhet t’i fitosh vetë. Duhet ta luajmë si finale, pasi kemi edhe tre ndeshje. Finalja e parë është kjo me Partizanin”.

MOMENTI JO – “Kishim humbur disa ndeshje, më shumë se sa e mendonim. Për fat të mirë u kthyem dhe morëm pikët që deshëm. Pavarësisht momenteve të vështira, kisha besim se do të riktheheshim. Nuk ka mbaruar akoma asgjë. Kjo është ndeshja më e rëndësishme”.

TENTATIVA PËR TITULL – “Që në fillim ishte synim Europa. Rezultatet e mira bënë që të mendonim edhe më shumë. Nuk është gabim, të gjithë kanë dëshira. E dija që ishte shpejt të mendohej për titullin, Së pari duhej siguruar Europa. Partizani u tregua ekipi më i mirë. Ne jemi brenda objektivit. Vendi i tretë ishte titulli ynë”.

“Titulli sezonin tjetër? Do ishte e mira që të mendonim edhe për sezonin tjetër. Këto javë nuk të lënë të bësh llogari. Duhet përqendrim te ndeshjet e kampionatit. Nëse gabon është e vështirë të rikuperosh, ndaj duhet ta mbajmë mendjen te kampionati”, përfundoi Shkëmbi deklaratën e tij për Supersport.

Më tej ai shto: “Duke freski fizike dhe psikologjike. Lodhja bënë të veten, por është treguar se sa më shumë të luash aq më në formë je. Jemi pranë përfundimit të sezonit, jemi në garë për Europën. I kemi mundësitë për ta arritur objektivin”.

Te Teuta gjërat nuk është se kanë shkuar mirë, por jo vetëm sulmi që shpesh ka përfunduar në akuza. Shkëmbi për RTSH deklaron: “Kemi pasur probleme, jo vetëm në sulm, në të tria repartet. Sulmi duhet të japë më shumë. Ekipi që shënon ka më shumë qetësi dhe kjo dihet”.

Në fund tekniku i Teutës flet edhe për rivalët bardhekuq, të cilët i vlerëson maksimalisht: “ Skënderbeu ka një grup lojtarësh me eksperiencë, por edhe një grup të rinjsh që kanë qenë aty. Jo më kot vazhdojnë të jenë një ekip i mirë”.

Shkëmbi më tej vlerëson gjirokastritët: “Luftëtari po bën një sezon të mirë, të paktën dy muajt e fundit. Bëjnë lojë të mirë dhe kanë marrë rezultate. Kemi objektivat tona dhe duhet t’i realizojmë. Duhet të fitojmë patjetër”.

“Djemtë e detit” do të jenë thuajse të plotë këtë javë, me përjashtim të Ditmar Bicajt. Lezhjani u ndëshkua me karton të kuq në ndeshjen me Kukësin. Gjithsesi ka diçka që shqetëson Shkëmbin dhe është orari i ndeshjes, 15:00.

“Nuk më duket gjë e mirë që ndeshjet të luhen në drekë. E di shumë mirë se futbollistët në këto orare nuk japin maksimumin. Duhet të vazhdohej të luhej në mbrëmje. Është mirë për lojtarët dhe tifozët. Gjithsesi nuk kemi çfarë bëjmë dhe do të luajmë në orarin e përcaktuar”, u shpreh Shkëmbi për RTSH Sport.

“Patjetër që një barazim jashtë duhet parë pozitivisht dhe të na bëjë mirë, sigurisht duke parë edhe problemet që patëm. Kemi nisur të bëjmë llogari, ndeshja e javës së ardhshme me Luftëtarin është shumë e vështirë dhe duhet ta fitojmë patjetër”.

“Vetëm një fitore, por sërish për Europë? I bie që kemi bërë shumë mirë deri para 10 ndeshjesh dhe kundërshtarët nuk kanë bërë mirë këto 10 ndeshje. Ata kanë lënë pikë. Ky kampionat nuk ka diferenca dhe gara bëhet më e fortë, në kuptimin që edhe nëse humbet pikë, sërish je aty. Prandaj deri në fund duhet dhënë maksimumi dhe të arrijmë objektivin Europë”.

“Sulmi, dobët? Sulmi jonë ka bërë mirë, edhe pse ka disa ndeshje që si skuadër kemi gabuar. Nuk kemi qenë aty ku duhet, si në sulm, ashtu edhe në mbrojtje. Nuk i vë fajin reparteve të veçanta. Të tria repartet nuk kanë qenë në maksimumin e tyre”.

“Kam parë reflektim te skuadra. Sot duhet t’i linim hapësira Kukësit, ishte zgjidhja ime. Nuk ka të bëjë me lojtarët kjo. Më bëhet qejfi që Isli u kthye më i miri, si më parë kur na ka dhënë pikë. E di shumë mirë se lojtarët me eksperiencë do jenë ai vagoni që do na çojë në Europë”.

“Teuta ka një ngërç psikologjik. Unë kam një konsideratë të madhe me trajnerin Shkëmbi, por ndoshta këtu  ka të bëjë ajo mungesa e eksperiencës pasi është një trajner i ri, i cili nuk është përballur më parë me situata të tilla”.

“Një trajner duhet të dijë si të komunikojë me skuadrën e tij në momente të tilla. Kur kam qenë futbollist e kam vlerësuar shumë këtë gjë te trajnerët. Trajneri nuk është vetëm personi që vendos rreshtimet taktike, te Teuta nuk ka një problemi rreshtimi, por një problem psikologjik. Shkëmbi duhet të dijë se si të motivojë sërish skuadrën e tij”, tha Zeqiri.

DEKLARATA – Në prononcimin e dhënë për Supersport, Shkëmbi vlerëson kundërshtarin: “Tirana është ekip me vlera, me lojtarë të mirë. Kanë luajtur mirë, ashtu si ne, por nuk kanë marrë rezultatet. Do jetë si një finale për të kaluar këtë situatë. Uroj të fitojmë ne”.

Korçari, është i qartë kur flitet për objektivin e skuadrës së tij: “Luajmë për të fituar, pastaj futbollit nuk i dihet në fund. Do mundohemi të luajmë mirë, futboll sulmues. Do jemi ‘OK’ me veten nëse nuk do të jemi fat. Tani na duhen pikët”.

Kualifikimi në kupat e Europës është synimi kryesor dhe Shkëmbi ka besim se mund t’ia dalin, edhe pse Flamurtari i ka kaluar në renditje. “Jam optimist, siç kam qenë edhe më parë. Që në fillim e dinim se do të ishte një rrugë e vështirë. Ky moment është më i vështirë se e kemi menduar. Po na zgjat më shumë se duhet kriza. Gjithsesi jam optimist,  pasi kemi një grup të mirë lojtarësh”, u shpreh Shkëmbi.

KRIZA E SKUADRËS – “Nuk po arrijmë ta gjejmë as vetë. Po pësojmë gola, po humbim raste. Ajo që është më alarmante është se lojtarët kryesorë, ata me peshë po gabojnë javë  pas jave. Kishim besim. U munduam dhe luajtëm mirë, por ndoshta ishte goli i dytë ai që na i preu shpresat”.

NDRYSHIMET – “Tani patjetër diçka duhet të ndryshojë. Ndonjë nga titullarët nuk është i gatshëm të luajë 90 minuta. Disa nga lojtarët nuk janë mirë psikologjikisht dhe fizikisht. Ndeshje tjetër është shpejt dhe unë si trajner duhet të marrë ndonjë masë që disa prej lojtarëve “veteran” s’do t’i pëlqejë”.

SKUADRA NËN PRESION – “Nuk kemi probleme që të ketë presion psikologjik. Nuk kemi probleme, lojtar-klub, lojtar-staf ose anasjelltas. Edhe sot bëmë të njëjtin gabim që kishim bërë ndeshjet e fundit, ne i shënojmë gol portës, tonë kjo është më e çuditshmja”.

Në këto kushte është e vështirë që dikush të pranojë ofertën, ndaj edhe ka qenë një mision i vështirë gjetja e një trajneri tjetër. Presidenti Edmond Hasanbelliu ka vendosur që të vijojë bashkëpunimin me Shkëmbin dhe klubi durrsak ka dalë me një njoftim.

Korçari e mori në verë drejtimin e Teutës, pas një eksperience me Lirinë e Prizrenit në Kosovë. Durrsakët kanë rënë në sy për lojën e mirë, por kohët e fundit ka diçka që nuk shkon. “Djemtë e Detit” u eliminuan nga Kupa  e Shqipërisë para pak ditësh, ndërkohë që tanimë edhe vendi i tretë në klasifikim është vënë në dyshim.

ÇFARË THA SHKËMBI – “Jemi të njëjtët, por ky moment jo i mirë po zgjat shumë. Ishte shpërfytyrim, pas atij shpërfytyrimi në pjesën e dytë me Kukësin. Do flasim me klubin, duhet të ndryshojë diçka. Ekipi ka një ngërç psikologjik. Stafi ka për detyrë t’i qetësojë. E shikoj që nuk po e bëjmë. Do vendosim sot dhe nesër e të bëjmë atë që është më e mira për klubin”, u shpreh Shkëmbi një ditë më parë në emisionin “Gol pas Goli” në Supersport.

Patëm mundësi të shënonim, por përsërisim gabimet e së shkuarës. Është një problem psikologjik që nuk po e gjejmë dot. Është edhe dobësi e imja që nuk po i motivoj dot pas momenteve të tilla”.

“Jemi të njëjtët, por ky moment jo i mirë po zgjat shumë. Ishte shpërfytyrim, pasi atij shpërfytyrimi në pjesën e dytë me Kukësin. Do flasim me klubin, duhet të ndryshojë diçka. Ekipi ka një ngërç psikologjik. Stadi ka për detyrë t’i qetësojë. E shikoj që nuk po e bëjmë. Do vendosim sot dhe nesër e të bëjmë atë që është më e mira për klubin”.

“E keni skuadrën me vete? Mendoj që lojtarët, ata me eksperiencë, patjetër më ndjekin. Pjesa jashtë fushe është Ok. Disa nuk po kalojnë një moment të mirë, por nuk flas për tradhti. Nuk ua hedh atyre fajin. Normal duhet të bëjnë më shumë, por ekipi ka 20 lojtarë. Të gjithë duhet të japin maksimumin. Edhe ne si staf mund të kemi defektet tona. Nuk kemi gjetur mënyrën ta bëjmë të vazhdojë me të njëjtat rezultate”.

“Ky klub më ka hapur dyert dhe më ka dhënë mundësinë të drejtoj një ekip me lojtarë të mirë. Është një moment për të marrë përgjegjësi, nuk fshihem. Është shtëpia ime ky klub. Do mundohemi të marrim vendimin më të mirë”.

“Osmani ishte e pamundur të luante. Ndeshjet janë shumë afër, mendojmë që edhe energjitë t’i shpërndajmë pak. Nuk jam mësuar të heq dorë, por ndonjëherë duhet hequr kur duhet më e mira për një klub që është më i madh se emri im”.

NDESHJA – “Bëmë një pjesë të parë të mirë, në pjesën e dytë ishim shumë dobët. Pas pësimit të golit, luajtëm shumë dobët, u shpërfytyruam. Më vjen shumë keq, nuk dukeshim ekip. Shpresoj që kjo të jetë hera e fundit”.

ZËVENDËSIMET – “Nuk është vetëm problem rreshtimi. Mendoj që e para ishte që pas pësimit të golit, u shuan të gjithë. Humbëm shumë duele, po bënim gabime në pasimet e para. Ekipi nuk ishte gati psikologjikisht për të fituar”.

SENATORËT – “Unë mendoj që futbolli fillon me çështje individi dhe pastaj kalon në grup. Të gjithë kemi gabimet tona, nuk ishim gati psikologjikisht. Kur ndeshja shkoi 1-0, më dukej sikur lojtarët kërkonin vërshëllimën e fundit. Duhen ca individë brenda grupit që të rrisin optimizmin brenda skuadrës, të ndezin një shkëndijë”.

EUROPA – “Ne nuk jemi ajo Teutë që kemi qenë. Kjo duket qartë dhe unë nuk kam pse ta fsheh. Vuajmë shumë, pësojmë gola naivë, siç ai i sotmi. Por nuk duhet të merremi me gjëra që kanë kaluar, kemi një ndeshje kundër Laçit shumë të rëndësishme. Në përgjithësi, kemi bërë mirë, por nëse vazhdojmë kështu, do të kemi problem të arrijmë Europën”.

PROBLEMET – “Pa hequr për asnjë moment përgjegjësitë nga vetja, në ndeshjet jashtë na ndodh që pas pësimit të golit, nuk reagojmë. Duhet që disa lojtarë të luftojnë, të marrin ekipin përsipër, të ndezin diçka, të marrin ekipin përpara. Sot reaguam shumë keq, u duk shëmtuar. Pjesa e dytë ishte shumë e shëmtuar”.

RASTI I BUSHIÇ – “Në pjesën e parë i patëm mundësitë tona. Bushiç nuk shënoi një gol thuajse të sigurt dhe ndeshja mund të ishte ndryshe”, përfundoi Shkëmbi.

Trajneri i Teutës e pranon se rezultati favorizon ekipin e Ndreut, por fakti që ndeshja do të zhvillohet në “Elbasan Arena” (të mërkurën, ora 17:00) mund të ndikojë për mirë. Shkëmbi komenton dhe ecurinë e ekipit bregdetar, që renditet në vendin e tretë me 43 pikë.

NDESHJA E KTHIMIT – “Vijmë pas një barazimi 2–2. Ky rezultat patjetër që favorizon skuadrën kundërshtare, por ne do të mundohemi të luajmë në mënyrën tonë për të fituar ndeshjen. Shpresoj që të kemi dhe pak fat, pasi në ndeshjet e Kupës të duhen dhe pak fat.”

STADIUMI – “Duke parë që ndeshja luhet në stadium asnjanës mendoj se shanset për kualifikim mbeten 50 me 50”.

ECURIA – “Të them të vërtetën të gjithë nuk jemi të kënaqur. Prisnim të bënim pak më shumë. Në futboll nuk ka rëndësi që të mendosh për atë që ka ndodhur. Shpresojmë të rikthehemi si në dy fazat e para. Kjo ndodh duke luajtur një futboll akoma më të mirë. Personalisht nuk kemi pasur vetëm probleme te sulmuesit kryesor, por edhe probleme në tërësi në të dyja fazat e ekipit, si në atë mbrojtëse dhe në sulm.”

“Na vjen keq që kundërshtarët na kanë ndëshkuar në ato pak raste që kanë patur, por sigurisht janë edhe përgjegjësitë tona si ekip, jo vetëm i mbrojtjes, në mënyrën se si i kemi administruar ndeshjet. Sidomos në ndeshjen me Skënderbeun, kur pësuam në minutat e fundit”, shprehet Shkëmbi për “Supersport”.

GOLAT E SULMUESVE – Altif Amadu është ndalur në kuotën e 9 golave, ndërkohë që edhe Tomislav Bushiç ende nuk e ka gjetur rrugën e rrjetës me durrsakët. Shkëmbi i mirëpret golat e tyre: “Patjetër që kur nuk shënojnë sulmuesit kryesorë është një shqetësimi vogël, por për fat të mirë ne kemi arritur të shënojmë. Ndeshjen e fundit arritëm të shënonim dy gola, por kur ata të gjejnë rrjetën do të jetë më e thjeshtë për ekipin”.

OBJEKTIVI – Titulli kampion është përmendur disa herë në kampin durrsak, por korçari i pankinës së Teutës është i qartë: “Shikimi ynë nuk ka ndryshuar asnjëherë, pavarësisht shumë dëshirave të klubit, të tifozëve apo edhe të medias. Synimi ynë është të luajmë në kupat e Europës dhe këtë duam ta arrijmë sa më shpejt. Ky do të jetë objektivi ynë deri kur ta sigurojmë. Nuk kemi pse shikojmë as para, as mbrapa”.

“Do shikojmë ndeshjet tona javë pas jave dhe të bëjmë ato që kemi bërë në shumicën e kohës gjatë këtij kampionati. Pra të luajmë futboll të bukur dhe ta marrim pikët. Për këtë jam i bindur dhe kam besim që do të rikthehemi ku kemi qenë në dy fazat e para”, përfundon Shkëmbi.

“Bëmë një ndeshje deri diku të mirë. Kanë meritë edhe kundërshtarët kur nuk fitojmë, siç ndodhi edhe sot. Kjo humbje na vret, vret çdo rezultat negativ. Donim shumë të fitonim për vazhdimësinë e rezultateve. Bëmë shumë gabime. Nëse do vendin e parë, nuk duhet të gabosh. Ndoshta po shpërqendrohemi nga vendi i parë”.

“Pse Progni gjuajti penalltinë? Po gjuan mirë edh enë goditjet standarde, ndaj mendova se ishte i duhuri dhe më i qeti. Nuk më ngel peng, penalltia humbet. Ehe pse penalltitë ndikojnë direk në rezultat”.

“Bushiç? Bëri një ndeshje të mirë, bëri ato çfarë i kam kërkuar. Jam dakord me atë që sulmuesi matet me gola. Ka tre javë që nuk shënon. Shpresoj të kthehet sa më shpejt. Nuk ka diskutim që ka mbështetjen time maksimale”.

“Osmani? Është shumë i rëndësishëm. Kapiteni ka rëndësi edhe për mënyrën se si organizon ekipin. Humbëm pas shumë javësh me mungesën e tij”.

“Dalja e mbrojtësve të krahëve? Minutat e ara bëmë atë që kërkuam. Kapëm hapësirat e kundërshtarit. Mund të shënonim me Kamara. Mbrojtësit  e krahut duhet të shtynin, sidomos kur u fut në lojë edhe Latif. Fusha ndikoi, pasi na pengoi në pasin e fundit”.

“Është e vërtetë që me Dungën patëm probleme. Gjatë gjithë lojës fitoi çdo duel me dyshen e qendrës së mbrojtjes. Kjo u pa. Ndodh që edhe lojtarët nuk janë në maksimumin e tij. Mesfushorët e qendrës mendoj se bënë mirë. Kallaku e rriti lojën, por nuk diskutohet që në një terren më të mirë bëhet më i rëndësishëm. E lashë në fushë sepse ka vizion për lojën”.

“Vijmë nga një ndeshje shumë e mirë, pasi morëm një fitore duke përmbysur rezultatin ndaj një kundërshtari direkt. Gjithsesi kjo nuk do të thotë asgjë, pasi duhet të vazhdojmë të kemi vazhdimësi në lojë dhe në rezultate. Me një ndeshje nuk mund të themi që arritëm atë që kërkojmë”, deklaron trajneri korçar për Supersport.

Më tej ai vlerëson gjirokastritët e drejtuar nga Julian Ahmataj: “Një sfidë shumë e vështirë, Luftëtari është një ekip që të paktën në 3-4 ndeshjet e fundit ka treguar se është në një formë të mirë. Shikoj që kanë entuziazëm, me  trajnerin e ri shoh që është një skuadër më ndryshe. Luan më mirë dhe ka krijuar besim, ndaj kuptohet që do të jetë e vështirë”.

Kapiteni Tefik Osmani u ndëshkua me karton të kuq me Kukësin dhe nuk mund të luajë në sfidën e radhës me Luftëtarin: “Ndoshta është mungesa më e rëndësishme që mund të kemi. Osmani është shumë i rëndësishëm për ne jo vetëm në fushë, por edhe jashtë saj. Shpresojmë t’ia dalim, edhe sepse lojtarët që do e zëvendësojnë janë në një nivel shumë të mirë”.

“Latif-Bushiç? Do vijë momenti kur të luajnë të dy bashkë, por kam thënë se kryesorja është të vijnë në maksimumin e tyre. Ende nuk e kanë kapur formën më të mirë. Kur të jenë të dy në formën më të mirë, ndoshta edhe do të luajnë bashkë”, tha Shkëmbi, i pyetur nëse dyshja e sulmuesve mund të luajnë së bashku njëkohësisht.

Në fund, trajneri i Teutës u ngacmua edhe në lidhje me titullin kampion. Diferenca me Partizanin kryesues është vetëm 7 pikë. “Për të qenë i sinqertë, patjetër që në momentin që gabon Partizani shikojmë edhe lart. Kjo nuk diskutohet. Gjithsesi kryesorja është që sa më shpejt të bëjmë pikët për të siguruar kupat e Europës. Pastaj, nëse do të jemi pranë vendit të parë, patjetër që do të shikojmë se çfarë mund të bëjmë”, ka përfunduar Shkëmbi.

NDESHJA DHE PROGNI– “Fituam një ndeshje të vështirë, një ndeshje e bukur do të thosha për meritë të dy skuadrave. Por e përsëris që objektivi ynë është i njëjtë, Europa, dhe duhet të marrim sa më shumë pikë në javët e mbetura.
Bëra një lëvizje me Prognin, që deri diku bëri mirë. Mendova t’i japim më shumë vertikalizime ekipit me Prognin. Ai po kalon një formë shumë të mirë dhe na e shpërbleu dhe me atë gol.

“Kemi dy ekspertë në goditje standarte. Osmani, Arapi, Bici dhe shumë të tjerë kanë eksperiencë të madhe dhe mua më ndihmojnë shumë, pasi unë jam një trajner i ri dhe i kam krah. Dy krahët e mbrojtjes duhet të ishin më të kujdesshëm dhe në ekuilibër, duke parë dhe dy kundërshtarët. Për fat të mirë, çdo gjë shkoi mirë dhe nuk diskutohet që kjo fitore është vetëm për meritë të lojtarëve”.

Kartoni i kuq? – “Zgjidhja më e mirë që mund të bëjë një lojtar me eksperiencë si Osmani”.

REPARTI OFENSIV – “Jam shumë dakord që te 30 metrat e fundit kemi probleme dhe do të kemi gjithmonë. Aty duhen shumë cilësi. Duhet të përmirësohemi edhe më shumë. Sa i takon pjesës së parë, jemi të vetmit që krijojmë baza të forta për një të ardhme të mirë, sidomos për sezonin e ardhshëm. Ky ka qenë dhe objektivi im primar. Duhet të arrijmë sukses këtë vit dhe të shohim me optimizëm sezonin e ardhshëm”.

“Agresiviteti e bën skuadrën të luajë më mirë ,të ketë besim dhe nuk diskutohet që mua më pëlqeu shumë skuadra. Nuk dua të harroj pjesën e parë, pasi bëmë shumë mirë dhe shkuam me logjikë deri te porta e kundërshtarit. Dua të komplimentoi të gjithë futbollistët për besimin dhe të gjithë bashkë, duke futur dhe presidentët, kemi ruajtur qetësinë dhe kemi pasur besimin që mund të ecim përpara. Një fitore nuk sjell asgjë dhe rruga është e gjatë. Nuk kemi ndryshuar ndonjë gjë nga javët e kaluara. Barazimi me Kamzën ishte një ndeshje shumë e mirë, të paktën kështu them unë, pavarësisht që nuk fituam. Kur ke kundërshtarë të fortë, skuadra është më e motivuar dhe është më e lehtë të arrish te fitorja. Frashëri ka qenë një nga lojtarët më të mirë dhe bëri atë që unë i kërkova. Jam i bindur që do të rikthehet ai që ka qenë”,- u shpreh Shkëmbi.

“Pas dy barazimeve duhet të rikthehemi te fitorja dhe tri pikët, pasi do të na shërbejnë shumë për javët e ardhshme. Gjithmonë të shënosh është shumë e vështirë, jo vetëm Teuta, por dhe Barcelona dhe Reali e kanë të vështirë.

Jam dakord që nuk jemi aty ku ne kemi kërkuar, por mendoj se ndikon pak edhe momenti i merkatos, ardhjes, ikjes. Por shpresoj që pas kësaj jave, të gjithë të jenë në 100% dhe të jenë të gatshëm.

Vajushi do të jetë i grumbulluar kundër Kamzës, por nuk është ende gati ta nisë nga fillimi. Është një vlerë e shtuar për ne, nuk diskutohet dhe jam i bindur se do të na ndihmojë shumë. Unë thjesht dua që të vijnë sa më shpejt në formën e tyre më të mirë, si Vajushi, ashtu dhe Bushiç, pasi janë lojtarë shumë cilësorë”,- u shpreh Shkëmbi.

Në këtë përballje për djemtë e Blendi Shkëmbit do të mungojnë Uendi Vecaj dhe Tomislav Bushiç. Sulmuesi ka pësuar një dëmtim para ndeshjes kundër Tiranës dhe ka një tërheqje të shkallës së parë. Kjo e detyron atë që të qëndrojë jashtë edhe këtë javë.

Sa i takon shkodranit Vecaj, ai është dëmtuar në seancat stërvitore të kësaj jave dhe nuk do të jetë në dispozicion të stafit teknik. I riu është një nga alternativat e Shkëmbit, pasi nuk është se ka luajtur si titullar me durrsakët këtë sezon.

“Dua të përgatitemi psikologjikisht që të bëjmë një ndeshje ndryshe. Një kundërshtar i vështirë, sidomos kur luan në Tiranë. Emri të imponon respekt, kanë lojtarë të mirë dhe po luajnë mirë së fundmi. Duhet përqendrim maksimal dhe të bësh më të mirën”, thotë Shkëmbi për “Supersport”.

“Të dyja ekipet kanë cilësi dhe forcë. Jam i bindur që do të jetë një ndeshje e bukur. Shpresoj të kemi edhe fat dhe të fitojmë”, shton ish-mesfushori, i cili më tej thekson se Teuta në çdo ndeshje futet në fushë për të fituar dhe nuk pret se çfarë do të dalë rrugës.

“Mendoj se e kemi nisur çdo ndeshje njëlloj, me dëshirë për të fituar. Nuk kemi qëndruar në pritje, luajmë të fitojmë. Uroj të jemi në një ditë të mirë”, tha tekniku korçar. Në takimin me Tiranën Bushiç pritet të jetë titullar.

“Jemi të kënaqur me të. Latif po punon veçmas, pasi është prapa me stërvitjen. Kur të jetë edhe ai gati do ta mendojmë edhe atë pjesën që të luajnë së bashku”, deklaron Shkëmbi, i cili kërkon që Teuta të sigurojë Europën dhe ia bën me sy titullit kampion.

“Të gjithë kanë të drejtë të ëndërrojnë. Ne pjesë brenda duam që sa më parë të sigurojmë Europën. Pastaj nuk është çudi, pasi në këtë kampionat të vështirë mund të ndodhë gjithçka”, përfundoi Shkëmbi deklaratën e tij.

“Morëm atë që mendonim nga kjo miqësore. Shkoi mirë, por patëm disa defekte. Do mundohemi të rregullohemi deri te ndeshja e parë. Ne si staf na vjen mirë për qëndrimin e Latif. Nëse vjen ndonjë më i mirë, e mirëpresim. Arapi? Ai duhet të zgjidhë problemet që ka në Turqi, pastaj do të shohim se çfarë do të ndodhë”.

“Objektivi unë është që të vazhdojmë të njëjtën ecuri. Kjo është dëshira jonë dhe synimi ynë. Shpresoj që t’ia arrijmë deri në fund”.

“Gjysma e kampionatit të parë ka qenë e mirë, e dimë se kampionati sa vjen e vështirësohet. Merkato? Deri në këto momente, është vetëm Frashëri që është afruar. Kemi kohë që me Frashërin kemi shprehur dëshirën dhe kemi gjetur marrëveshjen me Kamzën”.

“Për momentin, do të vazhdojmë me këtë grup që kemi, vetëm nëse vjen një lojtar më i mirë se këto që kemi dhe atëherë mund të ketë disa ndryshime”.

“Arapi? Kanë dëshirë të dyja palët që ky transferim të kryhet, por nuk ka asgjë konkrete. Ka disa probleme me klubin turk dhe nuk e di se çfarë do të ndodhë. Deri më tani, nuk ka asgjë konkrete. Në media mund të ketë shumë emra, por deri tani jemi këto që jemi”.

“Nga java e parë deri në javën e 18-të nuk mund të mbash të njëjtin ritëm ose nivel loje, por deri më tani kemi bërë mirë. E rëndësishme është që nga java në javë të përmirësohemi dhe të bënin mirë”.

“Do të punojmë më shumë që të bëjmë më mirë në dy fazat e mbetura”,- tha Shkëmbi

ECURIA NË RRITJA  – “Ekipi bëri më shumë kohë bashkë dhe lojtarët njohën njëri tjetrit, por nuk diskutohet edhe fatin bëri të vetë. Në fakt në verë nuk e menduam ndonjëherë se sa pikë duhet të ishim larg vendit të parë. Synimi kryesor ishte të merrnim lojtarë të mirë dhe të krijonim një grup të mirë.  Për momentin jemi brenda objektivin që janë kupat e europës”.

“Duke luajtur me kundërshtarë të fortë, që synojnë titullin kampion si Kukësi, Skënderbeu apo Partizani, kemi treguar që jemi të barabartë. Nuk dua të them se kemi qenë në ndonjë moment edhe më lart, por kemi qenë të barabartë. Në fund do të shohim se ku do të arrijmë.”

RAPORTI ME DREJTUEIST “Kur ka rezultate të mira, normalisht që gjërat shkojnë mirë. Por, edhe momentet e vështira drejtuesit e klubit na kanë mbështetur. Kjo që ndodh nuk është diçka momentale, pasi po mendohet për shumë gjatë dhe ne si staf po mundohemi t’i japim një dorë klubit, duke synuar kualifikimin në kupat e Europës”.

“Merkato? Frashëri është i joni tashmë. Sa i takon Arapit, jemi në bisedime. E sigurt do jetë kur të nisë stërvitje me ne. Për momentin nuk është i joni. Ne do shohim dhe nëse do ketë lojtarë shumë cilësorë, atëherë mund të marrim ndonjë, në kundërt e kam thënë dhe më parë që jemi mirë këta që jemi tani”, përfundoi Shkëmbi.

Korçari Bledi Shkëmbi e ka sezonin e dytë si trajner, ku më parë provoi të punonte te Liria Prizrenit në IPKO Superliga e Kosovës, ndërsa që nga muaji gusht 2018 është në stolin e Teutës në Kategorinë Superiore. Por Shkëmbi ka një përvojë shumë të pasur si futbollist në Shqipëri, Greqi, Kroaci dhe Ukrainë. Te Skënderbeu në 10 sezone ku u shpall 6 herë Kampion, Teuta, Besa dhe Partizani janë skuadrat e tjera në Superiores, ku luajti 426 ndeshje e shënoi 46 gola.

INTERVISTOI: AGRON KAJA

Kur morët drejtimin e Teutës, e kishit menduar këtë pozicion që keni në renditje pas dy fazave të para?
-Te jem i sinqertë, edhe e kisha menduar. Por fillimisht patëm disa vështirësi në gjetjen e formës më të mirë të lojtarëve të veçantë dhe kompaktësimin në grup të skuadrës, të cilat erdhën më mirë në fazën e dytë. Gjithsesi, renditja në skuadrat e kreut ishte synimi ynë.

Teutën e formatuat vetë gjatë verës, jeni i kënaqur me skuadrën në këto 18 javë të luajtura?
-Në përgjithësi jam i kënaqur, sepse ky ekip ka vetëm katër muaj që është bashkë në fushë. Ndoshta duhet të kishte një fytyrë tjetër, në kuptimin sportiv, të ishte një skuadër më agresive në lojë dhe në finalizimin e aksioneve në portat kundërshtare.

Në cilën nga dy fazat e para ju mendoni se ka qenë Teuta më e mirë?
-Përmirësimi i skuadrës erdhi gradualisht dhe kjo ka shumë rëndësi për vazhdimësinë në dy fazat e tjera. Por i rëndësishëm në këtë situatë është edhe besimi që skuadra krijoi në vetvete, kryesisht në fazën e dytë ku grumbulloi 19 pikë, me 5 fitore, 4 barazime dhe asnjë humbje.

Në këto 18 javë, ka një ndeshje të dobët, apo një tregues që nuk ka ecur mirë tek skuadra e Teutës?
-Mendoj se dy ndeshjet me Partizanin e Luftëtarin ishin dobësia jonë në këto 18 javë kampionat, pasi aty zgjedhjet taktike nuk dolën pozitive. Por besimi te lojtarët u shpërblye dhe duke nxjerrë përfundimet e duhura përmirësimi erdhi gradual, ndeshje pas ndeshje.

Tashmë që është mbyllur gjysma e parë e kampionatit, mendoni se Teutës i duhen përforcime të reja për dy fazat e tjera?
-Ne një përforcim e kemi bërë, pasi kemi marrë Erlis Frashërin, i cili në dy fazat e para ishte pjesë e skuadrës së Kamzës. Nga Teuta u largua Gjorgievski, me të cilin e mbyllëm bashkëpunimin dhe aktualisht jemi duke parë lojtarë më të mirë nga këta që kemi aktualisht.

Po pjesën përgatitore që do të zhvilloni gjatë muajit janar, ku do ta përqëndroni?
-Kjo është një periudhë e shkurtër dhe nuk të jep shumë kohë për anën fizike. Paralel me programin stërvitor fizik e tekniko-taktik, rëndësi do t’i kushtojmë harmonizimit më të mirë të vlerave të futbollistëve në shërbim të skuadrës.

Cili do të jetë synimi final i Teutës në përfundimin e këtij kampionati?
-Për Teutën, primare do të jetë pjesëmarrja në Kupat e Europës dhe për këtë do punojmë shumë fort. Por, nëse do të ecim mirë, pse jo, mund të mendojmë diçka më shumë. Gjithsesi, do t’i shohim synimet ndeshje pas ndeshje.

FITORJA – “Është një fitore që merr vlera, pasi morëm 3 pikë. Dua të falënderoj çunat, pasi bëmë një pjesë të parë të mirë, siç e kishim përgatitur, duke marrë parasysh dhe terrenin e vështirë, por fatmirësisht gjërat shkuan siç i kishim parashikuar.

OBJEKTIVAT – “Ne nuk kemi fshehur gjë, por vazhdoj të them se kemi dhe një ndeshje të vështirë me Laçin ku do bëjmë më të mirën për të fituar dhe do të shohim nëse do t’i rrisim apo to mbetemi në objektivat ku jemi. Dihet që ne pretendojmë Kupat e Europës”.

PËRGATITJET – “Unë gjatë gjithë javës i përgatita lojtarët nga ana psikologjike, për të luajtur në një fushë të vështirë. U thashë lojtarëve që duhet të heqim dorë nga loja poshtë në këtë fushë, pasi e prisja më keq. Për fat të mirë arritëm të luanim siç e përgatitëm dhe siç e dëshiruam. Loja shkoi mirë dhe morëm 3 pikë”.

LOJTARËT E RINJT – “Kemi lojtarë të rinj dhe duhen menaxhuar mirë, por veç meritës së stafit, meritën më të madhe e kanë lojtarët me eksperiencë në ekip. Nga ata fillon shembulli. Ata vijojnë të jenë seriozë dhe ky është mësimi më i mirë për të rinjtë”.

NDESHJA BRENDA GRUPIT  “Kam luajtur edhe unë me ta. Lojtarët me eksperiencë më kërkuan një ndeshje si kundërshtar. E fitova ndeshjen, edhe pse kisha arbitrin me vete”.

Trajneri korçar është i kënaqur më paraqitjen e ekipit dhe rikthimin e tifozërisë në mbështetje të Teutës, që ndeshjen e fundit në kampionat e ka humbur shumë kohë më parë, pikërisht përballë kundërshtarit të sotëm në fazën e parë. Elozhe për Gashin dhe Kallakun, ndërsa trajneri i bregdetarëve e pranon verdiktin e fushës.

Çfarë i mungoi sot skuadrës?
Nuk na mungoi gjë. Bëmë maksimumin. Pas rezultatit 1-0 patëm një tërheqje edhe për meritë të kundërshtarit. Jam i kënaqur nga lojtarët, bënë ato që kërkuam. Rezultati është Ok.

Çfarë u premtoni tifozëve?
Donim shumë ta fitonim ndeshjen për këta tifozë, të cilët i falënderoj që ishin të shumtë sot. Veç rezultatit, lojtarët bënë maksimumin dhe për fat të mirë edhe tifozët mbetën të kënaqur.

Mund të ishte evituar goli me një faull?
Me një faull taktik mund të mos ishim ndëshkuar. Futbollisti vendos në sekond. Sidibe u mundua të shkaktonte faull, por nuk e arriti dhe u ndëshkuam. Reaguam mirë dhe krijuam raste, por nuk kishim fat, ashtu si nuk shënuam dhe për meritë të Hoxhës. Luajmë ndaj Partizanit, një ekipi që është shumë i vështirë për ta mundur.

Një koment për Gashin?
Më bëhet qejfi për Gashin, ashtu si për Kallakun. I kemi marrë me besim që të jenë investim për klubin. Janë të aftë për të luajtur me Teutën në Superligë dhe për të qenë të rëndësishëm për skuadrën.

Çfarë do i kishit ndryshuar kësaj ndeshje dhe a biseduat me Osmanin në pushim?
Nuk do të ndryshoja asgjë nga kjo ndeshje. Lojtarët bënë më të mirën e tyre. Nuk ka asgjë për të dyshuar. Nuk i fola Osmanit, pasi ishte i qetë në pushim. Kishim raste, por nuk shënuam. Ky është futbolli. Mendojmë ndeshjen e radhës.

A ka aleatë Teuta?
Aleatët ishin tifozët, deri tani kemi pasur lojtarët, stafin, presidentin dhe sponsorët. I kemi treguar aleatët nga ndeshja në ndeshje, madje edhe sot.

“Luftëtari është një ekip shumë i mirë, ka treguar që luan futboll të bukur si në shtëpi edhe në ndeshjet në transfertë. E kemi vlerësuar maksimalisht”, shprehet tekniku korçar për “Supersport”. Javët e fundit ecuria e Teutës ka qenë mjaft e mirë, ndërkohë që Shkëmbi largon euforinë.

“Stafi dhe lojtarët kemi qenë me këmbë në tokë për rezultatin. Futbolli shumë shpejt të ngre, por po kaq shpejt të ul. Llogaritë do të bëhen në fund”, shton kreu i pankinës durrsake. Më tej ai thekson se nuk ka ndonjë rëndësi vendi i tretë në renditje aktualisht.

“Në këto momente vendi i tretë nuk do të thotë asgjë, duhet ta kemi në fund të kampionatit”, thotë Shkëmbi, i cili në fund thekson se ndërprerja e kampionati nuk erdhi në momentin e duhur për Teutën e tij. “Ndoshta me ritmin që kishim dhe me rezultatet që po merrnin, do të ishte më mirë të vazhdonim të luanim”, përfundoi Shkëmbi.

“Mendoj se me lojtarët që kemi jemi të kënaqur. Nëse del ndonjë lojtar që bën diferencën, që të jetë më i mirë se këta që kemi, patjetër që mund ta afrojmë. Në të kundërt, jemi mirë kështu. Nuk po shikojmë për asnjë lojtar, është shpejt. Unë dhe klubi jemi të kënaqur me lojtarët që kemi. Pastaj ndoshta deri në fund të ndeshjeve që na kanë ngelur do të shoshim se çfarë do të vendosim”, u shpreh Shkëmbi pas ndeshjes me Kukësin.

Ish-mesfushori, i pyetur në lidhje me ekipet që po bëjnë diferencën në kampionat, për “SportEkspres.com” tha: “Deri në këto momente diferencat i ka bërë Skënderbeu me Partizanin. Rezultatet tregojnë që ato të dyja po bëjnë diferencën. Megjithatë kampionati është i gjatë dhe të shohim”.

KALLAKU – Mesfushori i Shpresave la Laçin në verë dhe kaloi te Teuta. Sherif Kallaku është një element me të ardhme dhe fillimin nuk e pati të lehtë në Durrës, pasi pat pësuar një dëmtim që kur ishte te kurbinasit.

“Të them të drejtën dua të falënderoj edhe profesor Shkëmbin, i cili më ka dhënë besimin e duhur. Shpresoj t’ia kem shpërblyer deri tani. Do vazhdoj të punoj akoma më shumë. Ngadalë-ngadalë po e marr veten mirë, nuk jam aty duhet. Gjithsesi do punoj të arrij maksimumin tim”, u shpreh Kallaku.

Më tej ai u shpreh i kënaqur me atë që ka bërë Teuta deri më tani. “Mendoj se jemi një grup i ri. Mund të kishim marrë edhe më shumë pikë, por jemi të kënaqur me punën që kemi bërë”, shtoi mesfushori.

Kallaku ka mundësinë të marrë leksione nga Bledi Shkëmbi, pasi luan edhe vetë si organizator. “Gjithmonë përfitoj rasti të mësoj nga ai, mundohem të marr shumë gjëra nga profesori, pasi ka qenë një lojtar shumë i mirë”, përfundoi mesfushori i Teutës.

VLADIMIR PRENGA

NDESHJA – “Ndonjëherë është dhe meritë e kundërshtarit që të vë në presion. Edhe në pjesën e dytë donim ta nisnim si e para, por nuk bëmë atë që folëm në pushim. I kuptoj futbollistët, pasi në disa raste të bën që të jesh i sigurt rezultati 1-0, të cilin mund ta ruash duke u tërhequr pas. Jam i kënaqur me lojën dhe lojtarët. Dhanë maksimumin dhe tentuan ta fitojnë ndeshjen. Një barazim 1-1 ndaj Kukësit nuk është rezultat i keq.”

DËMTIMI – “Nuk na penalizmi largimi i Latif. Na vjen keq dhe duam të rikthehet sa më parë. Kemi 22 lojtarë dhe të gjithë janë të barabartë dhe gati për të luajtur. Uroj që të mos ketë asgjë serioze Latif. Kamara mund ta bëjë mjaft mirë, ashtu si dhe Progni e bën mirë atë pozicion. Do na ndihmojë kjo periudhë për t’u rikuperuar, por dhe për të rregulluar fushën tonë.”

SKUADRA – “Teuta është e përgatitur dhe luan për të fituar ndeshjen ndaj Kukësit, Partizanit apo Skënderbeut, por sesa arrihet shihet pas ndeshjes. Sot e nisëm mirë, kaluam në avantazh dhe duhet ta administronim më mirë rezultatin. Kemi dhe lojtarë të rinj me pak eksperiencë. Ata me eksperiencë kanë probleme fizike. Unë që jam aty i di problemet që kemi. Më kënaq loja dhe lojtarët. Pas shënimit të golit u tërhoqëm më shumë seç duhet, por ka disa lojtarë që duhet të marrin pak më shumë përsipër, ose të sillen ndryshe kur e kemi ne topin në këmbë.”

OBJEKTIVAT – “E kemi thënë që ne synojmë Kupat e Europës, por deri tani edhe pse kemi bërë mirë, llogaritë bëhen në fund dhe duhet të punojmë. Në këtë pushim do jemi në vendin e tretë, por duhet të punojmë më shumë për ta mbajtur këtë vend.”

BESIMI TË PËRMBYSJA – “Mënyra se si po luanim, nuk besoja. Doja të paktën të barazonim. Ishte një ndeshje jo e mirë. Ishte meritë e lojtarë që e kthyen, edhe me fat. Ishte meritë edhe e Islit që na shpëtoi nga dy tre raste”.

MBROJTJA RREZIKOI – “Nuk luajtëm mirë në mbrojtje, sidomos dy qendrat. Vonesa na shpërqendroi. ndodh që lojtarët të mos kapin ritëm. Është fat i madh që me një mënyrë të tillë loje fiton ndeshjen”.

LUHATJET NË LOJË – “E nisëm mirë, pastaj shumë dobët. Më shumë ishte një shpërqendrim. Pasi pësuam bënim gabime të thjeshta. Gjatë lojës psikologjikisht brenda një ndeshje nuk është e lehtë. Të fitosh si sot është gjë e madhe”.

BICAJ SHUMË GABIME – “Jam dakord që mund të fitosh edhe në ditë të keqe. Kemi luajtur edhe mirë dhe nuk kemi fituar. Jo vetëm Bicaj, por e gjithë mbrojtja në disa momente nuk e lexonte dot lojën. u shpërqendruam dhe bëmë disa gabime. Është gjë e mirë, që lojtarët me eksperiencë arritën të ndryshonin lojën, sikurse edhe gabuan”.

NDESHJA – “Jam i kënaqur me lojtarët për atë që dhanë në fushë, sidomos pasi u ndëshkuam. Deri në atë moment nuk po luanim siç ishim përgatitur, ndërsa më pas lojtarët luftuan dhe dhanë maksimumin. Për mënyrën si shkoi loja, barazimi jashtë nuk është keq. Them se rezultati është OK”.

TENSIONI – “Duhet të pyeten ata që tensionuan situatën, ne kemi qenë dhe do jemi të qetë. Ndoshta donin, si tifozët dhe Flamurtari, ta fitonin me patjetër. Por nuk fitohet kështu ndeshja”.

VENDOSJA E SKUADRËS – “Duke luajtur në këtë mënyrë dhe me këtë rreshtim ka qenë dëshira ime, por isha i detyruar që të ndryshoja disa ndeshje. Dëshiroj që Teuta të ketë një filozofi të saj. Jam i kënaqur me këto dy ndeshje, por nuk i dihet se cilët lojtarë do të kem në dispozicion”.

PROGNI – “Me Prognin nuk kemi qenë të kënaqur në fillim, por ne besuam tek ai, pasi e ka treguar veten. Në një vit futbollistik ka dhe momente të vështira. Shënimi i golit ishte meritë vetëm e tij. Ai stërvitet shumë për goditjet standarde dhe sot arriti që të shënonte”.

SIDIBE – “Ndoshta në pozicionin e ri nuk bëri atë që duhej, por unë jam i kënaqur, pasi dha maksimumin. Është stërvitur vetëm 3 ditë me ekipin. Patjetër që jam i kënaqur. Por duhet të punojë më shumë, pasi them se mund ta bëjë atë rol shumë mirë”.

Sapo nisi të shkëlqente me moshat nisën krahasimet e para. “Do të jetë pasardhësi i Bledi Shkëmbit”. Kjo thuhej që në vitin 2015. Nuk i kish mbushur ende 17 vjeç dhe Mirej Josa, asokohe trajneri i Skënderbeut, e afroi në ekipin e parë. Aty ishte edhe Shkëmbi, i cili mbante shiritin e kapitenit.

Në moshën e tij sigurisht që Kote ngazëllehej kur e krahasonin me Shkëmbin, pasi ishte idhulli i një qyteti. Për të ishte një shtysë më shumë për të tentuar të bëhej futbollist profesionist. Kristi e shihte si privilegj diçka të tillë dhe kishte nisur të ëndërronte gjëra të mëdha. Pse jo, ishte edhe pjesë e moshave të kombëtares.

EKSPERIENCA TE KOMBËTARET – Kote, ndër bashkëmoshatarët e tij, ka qenë nga më të spikaturit. Për këtë arsye ka mbajtur edhe shiritin e kapitenit te Shqipëria U17. Mesfushori qendror ka luajtur në 6 ndeshje zyrtare me paratërinjtë dhe më pas në tre ndeshje të tjera me të rinjtë.

Nuk do mend që cilësitë nuk i mungonin. Por ishte i vogël dhe për t’u bërë futbollist profesionist duhen shumë gjëra. Tanimë Kote duket se po gjen vetveten. Po merr minuta te Partizani dhe është një ekip që mban vendin e parë në kampionat. Ndoshta mund të fitojë edhe një vend te Shpresat. Gjithsesi për të parësore është të ketë minuta e të luajë.

HAJDUKU DHE RIBASHKIMI ME SHKËMBIN – Mesfushori, ashtu si shumë të rinj, dëshironte të provonte të luante jashtë vendit. Në nëntor të vitit 2015 provoi të bindte kroatët e Hajdukut të Splitit. Iu nënshtrua provës dhe e kaloi me sukses. Pas një viti në Kroaci gjërat atje ndryshuan, pasi në klub pati një revolucion.

Për Koten dhe shumë të tjerë duhej sërish të kalohej prova. Gjithsesi korçari vendosi të kthehej në shtëpi. Sërish me moshat e Skënderbeut. Gjatë kësaj periudhe shumë gjëra kishin ndryshuar. Bledi Shkëmbi tanimë e kishte lënë futbollin e luajtur dhe nisi eksperiencën e tij si trajner.

Ish-fantazisti mori drejtimin e Lirisë dhe mendoi t’i jepte shansin e parë si profesionist. Pas eksperiencës së parë me bardhezinjtë, shumica e lojtarëve shqiptarë u largua me ikjen e Shkëmbit. Kote ndoqi të njëjtën rrugë. I pëlqente Tirana.

RRUGËTIMI I RI – Kote është ende i ri. Vetëm 20 vjeç. U rikthye në Shqipëri këtë verë dhe dëshironte të qëndronte në kryeqytet, ku mundësia për të gjetur ekip është më e madhe. Por as shkollimi nuk duhej lënë mënjanë.

Superiorja është dëshira për shumë lojtarë të rinj dhe mesfushori iu bashkëngjit Kamzës.  E kaloi provën apo jo, pak rëndësi ka. Mbi të gjitha duhet të gjente një ekip ku t’i jepej mundësia të luante. Kote më pas vendosi t’i bashkohej Partizanit B.

Dy javë aty dhe një miqësore me Tërbunin i dha mundësinë atij të tregonte vlerat e tij përballë trajnerit Skënder Gega. Merkato ishte mbyllur dhe fillimisht duhet të debutonte me ekipin e dytë. Më pas nuk kishte më pengesa dhe tashmë ka provuar të debutojë në Superiore.

Sigurisht nuk është Bledi Shkëmbi. Tani po kërkon të ndërtojë vetë rrugën e tij dhe më parë ish-fantazisti i Skënderbeut ka kaluar përmes Kroacisë dhe Partizanit. Edhe Kote po e “imiton” disi, por duke qenë vetvetja. Rrugëtimi si profesionist ka nisur…

/PËRGATITI: VLADIMIR PRENGA

FITORJA – “Kaluam një moment të vështirë pas humbjes ndaj Partizanit dhe u pa edhe sot, që ishim paksa në ngërç. Megjithatë, skuadra u çlirua dhe sidomos pas golit dhe në pjesën e dytë u shpreh shumë mirë.”

FORMACIONI – “Kaluan pak ditë nga ndeshja kundër Partizanit dhe hodha në fushë lojtarët që më dukeshin më në formë. Prisja një reagim dhe erdhi, goli i shënuar në fund të pjesës së parë na lehtësoi gjithçka.”

“Kundërshtari pati më tepër dëshirë, luftë dhe grintë. Për ne ishte një ndeshje shumë e shëmtuar, nga ato që unë por edhe lojtarët duhet të kërkojmë falje klubit dhe tifozëve. Nga unë mos prisni të them asgjë të keqe për lojtarët, pasi në fund përgjegjësia është e imja. Do të shikojmë ndeshjen, do ti mendojmë gjërat me qetësi dhe do diskutojmë me presidentin dhe sponsorin, pasi gjithçka është korrekte nga klubi, përveç lojës në fushë”.

“Ne punojmë që në çdo fushë të luajmë njësoj, por me këto dy ndeshje kemi një fytyrë tjetër në trasfertë dhe kjo është e pafalshme për ne. Duhet të punojmë dhe të ndryshojmë. Si shpjegohet ndryshimi nga ndeshja me Skënderbeun te kjo me Partizanin? Ajo që më shqetëson më tepër nuk është pësimi i golit, por ajo çfarë bëjmë ne pasi e pësojmë. Pavarësisht gabimit të Avdylit, gabimi nisi një minutë më përpara. Më vjen shumë keq që nuk reaguam pasi ishim në disavantazhin e një apo dy goli”.

“Kemi lojtarë me eksperiencë dhe shumë të mirë në fushë, por asnjëri nuk mori përsipër të ndryshojë ritmin. Është shumë e rëndësishme të dish të reagosh pasi pëson dhe për mua kjo ishte dobësia më e madhe. Nuk reaguam fare. Mesfushorët që afruam në merkato, mendoj se i kemi lojtarë të mirë, jam i kënaqur me nivelin. Ndoshta po vuajmë edhe pak presionin psikologjik. E kisha paralajmëruar që nuk duhej të merrnim përsipër të luanim nën presionin e Partizanit, por ndodhi pikërisht kjo”.

“Ndoshta titullarët, që kërkuat me ngulm nuk po i përgjigjen grintës që kërkoni në fushë? Jam tip praktik. Për të gjithë lojtarët që u afruan kam vendosur veton, kam patur dhe kam besimin më të madh te ata. Por, nëse këta lojtarë nuk funksionojnë, patjetër përgjegjësia bie mbi mua dhe unë jam personi që duhet të largohem. Mos prisni që të shaj lojtarët. Nëse do të vijë momenti që duhet të marr përgjegjësi, patjetër që kështu ndodh”.

“Ishte një ditë “jo”, nuk shkoi lufta dhe dëshira e duhur për ta fituar topin dhe ky ishte problemi ynë kryesor. Kundërshtari ishte më agresiv dhe topat e diskutueshëm i fitoi. Për disa gabime individuale u ndëshkuam, por them se do i zgjidhim dhe do flasim gjatë javës”.

PËRGJEGJËSIA – “Lojtarët me eksperiencë duhet të marrin më shumë përsipër. Disa lojtarë i kuptoj, pasi nuk janë bashkuar me ne që në fillim. Edhe kjo është një problematikë kryesore. Pas golit të parë pësuam dhe probleme psikologjike dhe lojtarët me eksperiencë duhej që ta ndihmonin skuadrën”.

MESFUSHA ME PROBLEM – “Është e vërtetë dhe mendoj se pas golit të parë vuajtëm nga ana psikologjike. Mendoj se sot na penalizmi dita jo e mirë e Avdylit, sipas mendimit tim. Është lojtar i rëndësishëm për ne, pasi luan mirë me topin. Tek Avdyli kam shumë besim dhe dihet që ka edhe një ditë jo, siç i ndodhi atij dhe disa lojtarëve të tjerë”.

GOLI I PARË – “Edhe Sidibe ishte i vendosur gabim tek goli i parë, përveç dy qendërmbrojtësve. Ishte edhe meritë e kundërshtarit. Lojtarët me eksperiencë nuk duhet që të bëjnë këto gabime, por ndodh në futboll dhe ne do të punojmë që t’i rregullojmë këto gabime”.

STILI I LOJËS – “Kam menduar se ne kemi një nivel si skuadër që duhet të luajmë futboll të mirë dhe të fitojmë në këtë mënyrë. Duhet ta rimendojmë dhe një herë për të rinisur dhe një herë, edhe pse ndeshjet kalojnë. Nëse nuk merr pikë, bëhet e vështirë. Por nuk është dramë. Është përgjegjësi e imja se si ne luajmë. Ndoshta duhet të jemi më pak sulmues për ta fituar ndeshjen”.

“E treta e vërteta. Pas dy barazimeve do e kërkonim fitoren. Ajo arrihet edhe duke mos bërë më të mirën. Ajo ishte më e rëndësishme, të fitonim. Duhet të ishim të kujdesshëm, ata kanë një nga sulmet më të mira në kampionat. Ndaj ishim të kujdesshëm. Pjesën e dytë e merituam. Lojtarët u çliruan pas dy barazimeve. Nëse nuk fitonim mund të futeshim në një mini-krizë”.

“Kemi 10 ditë që mund ta shfrytëzojmë. Bici dhe Osmani do kenë mundësi të rriten fizikisht, si edhe disa të tjerë. Do punojmë të bëhemi ekip, pasi jemi ekip i ri. Duhet sa më shumë të luajmë me njëri-tjetrin”.

“Është e vërtetë që mbrojtja është një shtyllë e ekipit. Osmani dhe Bici kanë bërë ndeshje të mira, sikurse edhe Hidi. Të dy duhet të përmirësohen. Kemi probleme me pasin e fundit dhe duhet ta rregullojmë”.

“Me këto tre ndeshje që kanë kaluar, do doja Hidin në portë dhe të mos pësonim. Ai na ka ndihmuar shumë. Ai dhe të tjerët me eksperiencë janë të rëndësishëm në dhomat e zhveshjes. Edhe pjesa jashtë është shumë e rëndësishme”.

“Besimi ndaj Latif? I besoj të gjithë lojtarëve, pasi e di shumë mirë e di nivelin e tyre, sa punojnë. Është e thjeshtë të humbësh një lojtar, për ta fituar është e vështirë”.

“Teuta në raport me rivalët? Do jemi te ekipet më të forta në kampionat. Nuk e kam një skuadër për kampion”.