Te bardheblutë edhe trajnerët e kombëtareve të moshave i hedhin shpesh sytë. Muçi dhe mesfushori Joni Nurja janë ftuar së fundmi nga Shqipëria U19, ndërkohë që me ekipin U18 kanë qenë më parë Aldi Gjumsi dhe Andri Stafa. Ky i fundit madje po testohet ne Danimarkë dhe mund të bëhet pjesë e akademisë së Esbjerg.

Sikurse kuptohet, në kampin bardheblu ka mjaft elementë cilësorë dhe synohet që të prodhohen sa më shumë lojtarë. Presidenti Refik Halili dhe drejtuesit e tjerë në klub e dinë mirë që duhet punuar shumë dhe duhen krijuar kushte, ndaj edhe në kompleksin “Skënder Halili” po punohet për ndërtimin e dy fushave të reja.

RISIA DEVOLLI – Në kampin bardheblu kanë menduar t’i besojnë ekipin e të rinjve Bledar Devollit, i cili më parë ka drejtuar në Superiore Kamzën dhe Kastriotin. Me këta të fundit për pak desh bëri mrekullinë një vit më parë, ndërkohë që ka pranuar të rikthehet te Tirana.

Sot ai do të drejtojë për herë të parë Tiranën U19 dhe do tentojë të ndihmojë në rritjen e lojtarëve të rinj. Në ekipin e parë presin të tjerë lojtarë cilësorë, që në të ardhmen edhe të mund të shiten jashtë vendit. Elementët te moshat nuk mungojnë, duhet vetëm punë dhe durim.

“Ky është futbolli. Jeta vazhdon. Duhet të shikojmë edhe për gjëra të tjera. Skuadra sot bëri një ndeshje shumë të mirë sot kundër Kukësit derisa morëm vesh golin e Tiranës”.

E ARDHMJA – “Kam folur dhe me presidentin. Dua të shikoj për një ekip tjetër. S’dua ta ul stekën, por shpresoj që të marr një ekip superlige tani në qershor, që të mund të ndërtoj një ekip në bashkëpunim”.

MBIJETESA – “Ishte një garë e bukur midis nesh Luftëtarit dhe Tiranës. E kam thënë dhe më parë që kemi bërë një kampionat të jashtëzakonshëm. Këta djem nuk e meritonin. U uroj gjithë të mirat çunave, jam i sigurt se do të jenë pjesë e tregut”.

Dje në Fushë-Krujë, edhe pse fituan me Teutën, kishte lot hidhërimi. Trajneri Bledar Devolli është dorëzuar dhe gjatë intervistës së dhënë për gazetarin Glendi Tafaj të Supersport ka shpërthyer në lot. Pamjet janë ato që flasin vetë dhe nuk ka nevojë për shumë koment.

Devolli gjithsesi ka fjalë të mira për ekipin e tij: “Nuk kemi më shpresë, mendoj unë. Edhe pse unë kam qenë optimist nga dita e parë dhe sot që flasim. Nuk e mbyllëm kur e kishim në dorën tonë, me Tiranën. Megjithatë do u jem mirënjohës këtyre djemve për kampionatin që kanë bërë”. Fjalët aty mbaruan dhe i lanë vendin lotëve.

PROBLEME TE TIRANA – “Askush nuk e do Tiranën që të jetë në këto pozita. Kam luajtur aty tri vite dhe e dua atë klub. Një ndër armët më të forta që kam është mentaliteti fitues dhe e kam fituar aty, ai klub më ka dhënë shumë. Mendoj se faji fillon nga presidenti dhe drejtuesit e tjerë. Këtë e them pasi ekipit i mungon qetësia. Qoftë me anë të disa deklaratave që janë thënë gjatë ndeshjes, por edhe me problemet me tifozët kanë ndikuar. Në Gjirokastër ata ndaluan autobusin e skuadrës. Ekipi duhet të jetë i qetë. Kam vënë re që ekipi është futur në shumë presion. Edhe në ndeshjen e sotme ishte shumë i qetë, e dija qe ata po e ndjejnë shumë presionin”.

“Që ditën e parë që kam marrë Kastriotin jam mbështetur në tri parimet bazë që unë kam si trajner: Punë, disiplinë dhe harmoni. Në stërvitje s’na ka humbur asnjëherë entuziazmi. Harmonia ndoshta është arma jonë më e fortë”.

“Kam një ekip me lojtarë cilësorë. Djem të rinj që premtojnë. E kam thënë dhe më parë që kur të vijë qershori do të flitet shumë për këta djem”.

“Jam i qetë. I kemi bërë hyzmetin kësaj pune, vVetëm Partizani ka marrë më shumë pikë që kur kam ardhur unë në drejtim..  S’kam asnjë peng për atë që kam bërë tani. Për situatën e klubit para se të vija unë, nuk mund të flas. Nga dita e parë që kam shkuar, presidenti më ka siguruar çdo gjë që i kam kërkuar”.

GJYQTARËT E HUAJ – “Kam disa dyshime për disa raste brenda zonës, gjithsesi s’jam marrë ndonjëherë me gjyqtarët. Gjithsesi, jam i bindur se të dyja skuadrat ngelën të kënaqura. Më mirë që mor gjyqtar i huaj, ishte një vendim i drejtë nga Federata”.

EKSPERIENCA TE KAMZA – “Me Kamzën patëm disa probleme në fillim pasi disa nga lojtarët na erdhën me vonesël. Nuk ishte e thënë që ta çonim atë projekt deri në fund. U jam mirënjohës të dy presidentëve, që më dhanë mundësinë të luaj në Superiore. Tani ndoshta mund të kem shansin për të parë diku më lart, por të shohim”.

“Nuk më intereson si dalin kundërshtarët. Më intereson ekipi im. Po bëjmë kampionatin tonë, ndoshta i kemi lënë disa pa gjumë por nuk është faji jonë. Ndoshta rikuperojmë javën tjetër me Flamurtarin në shtëpi”.

“Goli i pësuar? Roxher la pozicionin, duhet ta mbulonte dikush tjetër që e kishin caktuar. I dolën pesë vetë përpara nuk e kapën topin. Me fatin nuk han dot inat”.

“Kemi presion, pasi e kemi çuar vetë situatën deri këtu. Nëse fitojnë ndeshjet tona, edhe mund t’ia dalim. Do bëjmë kampionatin tonë. Prodhojmë lojë, raste. Nuk u vë faj lojtarëve, veç Bojom dhe Çelës të tjerët ndoshta luajnë për herë”, përfundoi Devolli.

“Këto dy javë na kanë mjaftuar për të përgatitur ndeshjen. Kemi rikuperuar disa lojtarë. E dimë që na pret një ndeshje e vështirë. Laçi është ekip i fortë në shtëpi, ka një trajner të mirë”, tha mes të tjerash për RTSH Sport gjirokastriti.

Kamerunasi Edi Bojom, i cili ka punuar veçmas gjatë kësaj jave, do të luajë kundër Laçit dhe Devolli e konfirmon diçka të tillë: “Bojom do jetë gati, e kemi lënë vetë veçmas. Do sakrifikojë, pasi është shumë i rëndësishëm për ne. Shpresoj të jenë të gjithë në rregull dhe ta kalojmë me sukses atë ndeshje”.

Për Devollin dhe Kastriotin sfida me Laçin ka një rëndësi shumë të madhe: “Kjo është ndeshja e jetës, mund të them, për ne. Çdo rezultat tjetër veç fitores na e vështirëson shumë. Kam besim te djemtë, nëse bëjmë ato që bëjmë edhe në stërvitje, mund ta kalojmë me sukses”.

Në Laç Kastrioti nuk njeh rezultate pozitive, por kjo nuk ka shumë rëndësi për Devollin: “Nuk më interesojnë statistikat. Më intereson ekipi, që të bëjmë gjërat mirë në të dyja fazat. Nëse i bëjmë ashtu si kemi punuar, atëherë mund t’ia dalim”.

“Kemi një nga ndeshjet më rëndësishme. Janë ekip i organizuar, që 10 vitet e fundit i ka dhënë tonin kampionatit. Kanë një trajner të mirë gjithashtu. Kemi punuar mirë dhe shpresojmë që edhe me pak fat ta kalojmë këtë finale. Është shumë e rëndësishme për ecurinë e mëtejshme”, ka deklaruar në Supersport Devolli.

Të shtunën që kaloi, trajneri i Kastriotit ishte në stadium dhe ndoqi nga afër përballjen Partizani-Laçi. Devolli e di shumë mirë se një pikë është pak për objektivin që kanë. “Nuk futem në lojë asnjëherë për barazim. Përgatitemi për fitore. Këtë herë na duhen patjetër tre pikët”, u shpreh gjirokastrite i pankinës së Kastriotit.

Javën e ardhme skuadra e drejtuar nga Sulejman Starova pret në shtëpi Kastriotin dhe këta të fundit kanë nisur të mendojnë prej kohësh për këtë ndeshje. Trajneri Bledar Devolli ishte mbrëmë në stadium dhe pa nga afër Laçin.

Sigurisht ai ka mbajtur shënime dhe deri të shtunën do përgatisë skuadrën e tij për një tjetër finale. Një motivim më shumë për krutanët është fakti që ndeshja luhet pa praninë e tifozëve, për shkak të dënimit që Laçi ka marrë nga Komisioni i Disiplinës.

“Mbijetesa? E kam thënë, e dini ku kemi qenë?! Kemi marrë 21 pikë, maksimale. Nuk kemi faj që fitojnë edhe rivalët. Shpresojmë të gabojnë kundërshtarët dh ene të fitojmë ndeshjet tona. Nuk është në dorën tonë. Kam besim dhe do të luftojmë deri në fund. Jam me lojtarët deri në vdekje, do i mbroj ata me çdo çmim”.

“Deri te kartoni ishim në rregull, më mirë të mos dilte me të kuq. Këta djem luajnë për herë të parë në Superiore. Eksperienca ka të bëjë. Kundërshtari ka lojtarë me përvojë, që kanë dalë edhe kampionë. Ne na duheshin pikët patjetër dhe kjo ndoshta ndikon”.

“Vatnikaj, Pepa dhe Bojom shtrënguan dhëmbët. Na duheshin pikët dhe u bë e vështirë. Do shohim ndeshjet e tjera, shpresojmë të ndalen rivalët. Ne e kemi me Kamzën dhe marrim tre pikët. Sot morëm edhe një tjetër”.

“Në radhë të parë duhen falënderuar të dyja ekipet për lojën e zhvilluar. Besoj se ata që e kanë parë këtë ndeshje do jenë kënaqur, loja kishte ritëm. Këto janë ndeshje të vështira që vendosen nga episodet”.

DËMTIMET E HUSEIN DHE BOJOM – “Pres të marr përgjigjen mbi gjendjen e futbollistëve ditën e nesërme. Na duhen për ndeshjen e ardhshme. Të shpresojnë që do t’i kemi”.

KARAKTERI EMOCIONAL – “I tillë jam si karakter, s’do të ndryshoj kurrë. Kjo është dhe mënyra se si i motivoj lojtarët e mi”.

RËNIA NË PJESËN E DYTË –“Kishim lojtarë me kartonë, Vatnikaj nuk është stërvitur prej dy javësh. Lodhja dhe presioni bënë të vetën, kemi shumë lojtarë të rinj. Është dhe merita e kundërshtarit natyrisht. Ata duan ta luajnë topin si ne dhe u shfaqën agresiv. Fatmirësisht fituam”.

NDRYSHIMI – “Kur e mendoj nga jemi nisur e ku jemi tani them se kemi një të grup të talentuar e të çmendur. Duam që dhe ndeshjet jashtë të shkojmë për të fituar dhe të luajmë futboll”.

“Realisht kemi një ekip të mirë, nga portieri deri në majën e sulmit. Kemi gërshetim lojtarësh me eksperiencë dhe çunash të rinj, të cilët kanë talent. Duhet vetëbesim, punë, seriozitet dhe të jemi me këmbë në tokë”.

“Nuk e di si ka qenë më përpara, por derisa kam ardhur unë, për çdo kërkesë time në stërvitje më është përgjigjur presidenti dhe e falënderoj për kushtet ideale të punës. Jemi një familje e madhe, ku po punojnë të gjithë. Po e bëjmë kampionatin e bukur dhe shpresoj që në fund të shpërblehet puna jonë. Kalendari na favorizon, por kjo punë do dhe pak fat”.

FITORJA E LUFTËTARIT – “Ndeshjen nuk pashë dot. Nuk ma priste mendja që Partizani do humbiste përsëri në kampionat. Megjithatë, bravo Luftëtarit që mori një fitore në Tiranë. Jo çdo ekip mund ta marrë”.

FILLIMI I KARRIERËS – “Unë e kam nisur shkallë-shkallë, në Kategori inferiore derisa erdha këtu. Disa trajnerëve u bie bingo dhe marrin drejtimin e ekipeve të mëdha pa trajnuar qoftë edhe një ekip moshash”.

LEKSIONE NGA KOSOVA – ”Unë kam punuar në Kosovë dhe nuk merrej njeri me gjyqtarin, aty po hidhej gur ndërpritej ndeshja dhe merrej rezultati në tavolinë. Duhet të ketë ligje që të rrisim cilësinë e futbollit. Arbitrat janë njerëz dhe gabojnë, nuk duhet t’i vëmë në presion”.

“Unë përfundimisht kam një skuadër të çmendur. As vetë nuk e kuptoj. Nuk e di as vetë se ku i kemi limitet. Prandaj ua thashë dhe atë shprehjen e para dy javëve. Sinqerisht kam një skuadër të çmendur dhe kemi bërë një ndeshje të çmendur. Edhe pse pësuam, vazhduam të sulmonim, të besonim dhe realisht dua të falënderoj këto djem për këtë çmenduri që ndodhi sot”.

SKUADRA AGRESIVE, MOS E TEPRONI PAK? – “Ky është futbolli sot. Po kapeni me ne prej kohësh. A e patë ndeshjen me Luftëtari-Skënderbeu?! Pse nuk flisni sa raste krijojmë. Ekipit ia kam dhënë këtë mentalitet. Dua agresivitet në të dyja fazat. Në çfarë këndvështrimi e shikon ti o shpirt?! Më thoni kush doli me të kuqe. Kemi marrë ndonjë karton të kuq jashtë? Mirë brenda, favorizohemi ne. Ne bëjmë futboll me Partizanin, me Teutën e me këdo. Mund edhe të humbim. Përveç Çelës, që është me eksperiencë, dhe Bojomit, të tjerët janë të rinj. Ndërhyrjet janë në limitet e kartonit të verdhë. Ky është këndvështrimi im”.

VATNIKAJ – “Ai nuk stërvitet prej 15 ditës. I kisha thënë sot se nëse do të duhej do e aktivizoja disa minuta. E futa 15 minuta, ku shtrëngoi dhëmbët e falënderoj për sakrificën”.

“Më thuaj një ndeshje të lehtë sot në Kategorinë Superiore! Nuk ka Asnjë! Sikur të luash kundër Partizanit, apo edhe kundër të gjitha skuadrave të tjera, njësoj është vlerësimi. Nga vendi i 9-të që jemi ne, e deri te vendi i 4-t që mbahet nga Flamurtari, janë 14 pikë diferencë. Duke qenë se do të luhen edhe 10 ndeshje, kemi të gjitha skuadrat nga 30 pikë në dispozicion”, theksoi Devolli.

Kundër Kukësit objektivi është i qartë dhe trajneri gjirokastrite deklaron: “E dimë se kush është Kukësi dhe synimet që ka në këtë kampionat. Ne shohim objektivat tona, që janë për mbijetesë në Superiore. Çdo ndeshje e vlerësojmë si finale, që si brenda, ashtu edhe jashtë fushës sonë vlejnë tri pikë. Këtë javë do t’i afrohemi më shumë rivalëve të tjerë për mbijetesë”.

AGRON KAJA

“Më vjen keq për çunat. Morëm një autogol shpejt, më pas u futëm në presion. Kemi bërë shumë gabime, sidomos në 30 minutat e parë, më pas e morëm vete. Në pjesën e dytë e vumë përposhtë Teutën jemi i vetmi ekip që e kemi bërë këtë në Durrës dhe për këtë u them një bravo çunave Do vazhdojmë të luftojmë, Tirana barazoi, Luftëtari fitoi, kemi ende dhe shumë ndeshje në lojë”.

GJENDJA E SHEHIT – “Ende nuk kam marrë vesh gjë mbi ndeshjen e lojtarit. Më vjen keq kur shikoj pamjet filmike, në radhë të parë për shëndetin e lojtarit, është një djalë i mirë dhe një futbollist shumë cilësor”.

AUTOGOLI – “Punojmë vazhdimisht në stërvitje për goditjet standarde. Goli erdhi më shumë për meritë të fatit se sa për meritë të kundërshtarit. Ajo që i ndodhi lojtarit tonë mund t’i ndodhte kujtdo”.

Në lidhje atë që ndodhi ka folur edhe trajneri i Kastriotit, Bledar Devolli: “Trajneri i Tiranës ishte përjashtuar nga stoli pa përfunduar ndeshja, ndaj nuk ka të drejtë të futet në fushë, sipas rregullores që di unë. Nëse unë e kam gabim, tjetër histori”.

Gjirokastriti, ndër të tjera në emisionin “Rubrika Sportive” në RTSH tha: “Ndeshja mbaroi normalisht, po festonim dhe më pas problemet filluan kur trajneri i Tiranës shkoi të protestonte tek arbitrat. Aty nisën problemet, më duket një situatë e provokuar. Nuk kemi bërë asgjë, nuk ndodhi asgjë në fushë, ndeshja ishte fair-play dhe kjo nuk po theksohet nga askush”.

“Ishte ndeshje e ashpër? Dakord, është normale, sepse kishte shumë rëndësi si ndeshje për të dyja palët. Nuk mund të hidhet poshtë djersa dhe mundimi i çunave. Shikoni pamjet e momentit të konfrontimit, nuk ka fare lojtarë apo drejtues të Kastriotit të pranishëm, përkundrazi disa shkojnë më pas për të qetësuar situatën”, shton Devolli, i cili nuk ndihet mirë kur ka kaq shumë diskutime për fitoren e krutanëve.

“Çdo fitore, brenda apo jashtë fushe, po na paragjykohet dhe kjo nuk më duket e drejtë dhe e ndershme. Duhet më shumë respekt për këtë ekip, që po i fiton ndeshjet në fushë. Këta djem janë të shkëlqyer, kanë talent, po luftojnë e sakrifikojnë dhe do e shihni në verë sa kërkesa do kenë”, deklaroi trajneri i Kastriotit.

Para ndeshjes me Tiranës është trajneri Devolli ai që flet dhe e vlerëson këtë sfidë si mjaft të vështirë, por synimi i Kastriotit të drejtuar prej është marrja e tri pikëve. Për SportEkspres.com, gjirokastriti deklaron: “Jemi në një moment kyç të kampionatit, ku vendoset sezoni për Kastriotin. Kemi skuadër me lojtarë cilësorë, që meritojnë më shumë se pozicioni ku ndodhemi në tabelën e renditjes. Ndaj edhe të dielën do japim maksimumin që ta fitojmë këtë ndeshje të radhës me Tiranën”.

Tekniku gjirokastrit ka shumë besim se në “Redi Maloku” futbollistët e tij i kanë mundësitë që të marrin tri pikët. “Tirana është skuadra më në formë pas fazës së tretë, por ne jemi të bindur se i kemi të gjitha mundësitë të dalim me fitore nga kjo sfidë. Rikthehemi në fushën tonë dhe kjo është thelbësore për Kastriotin, sepse luan para tifozëve që e duan në Superiore. Në llogaritë tona, 12 ndeshjet e mbetura janë të vlerësuara për fitore. Ky synim na mban në tonusin e realizimit të objektivit tonë”, përfundon Devolli.

AGRON KAJA

NDESHJA – “Jam i kënaqur nga loja por edhe nga rezultati i ndeshjes. Kemi pasur 2-3 lojtarë me probleme, por ju dha mundesia disa të tjerëve të merrnin minuta si Bojom, Henri dhe Taulanti (Marku) që besoj do të na ndimojnë në ndeshjet që kanë mbetur. Unë, që te ekipi të futet në mendje, çdo ndeshje duhet fituar, qoftë dhe miqësore, por kryesorja është të lozim me rregull.”

SHTYRJA E KAMPIONATIT – “Shtyrja e kampionatit është një gjë që nuk varet nga ne, ne kemi në dorë vetëm të punojmë që kur të fillojë të jemi gati.”

KAMZA DHE BONUSI I KUNDËRSHTARËVE – “Sinqerisht me vjen keq për Kamzën, për presidentin dhe për djemtë. Për bonusin nuk është se më intereson shumë pasi janë dhe 12 ndeshje, dhe ne duam ti fitojmë të 12-ta.”

TIRANA – “Normal që çdo ndeshje është shumë e veshtirë, aq më shumë me Tiranën që vjen nga një moment shumë i mirë, por edhe ne jemi në moment super dhe kam besim te djemtë e mi. Duam ta fitojmë ndeshjen, dhe do japim gjithçka për të dalë me fitore nga kjo ndeshje.”

NDESHJA – “Jam i lumtur për djemtë, për fitoren dhe për faktin që morëm tri pikë kundër një rivali direkt. Kemi bërë një pjesë të parë thuajse perfekte. Nuk e lejuam Kamzën të luante, përveç një rasti të Sebinos (Plakut). Në pjesën e dytë u futëm në panik dhe u tërhoqëm pas. Mund ta kishim mbyllur ndeshjen me shpejt, pasi dolëm disa herë me kundërsulme. Presidentin e Kamzës e kam mik të madh dhe prej atij jam sot këtu ku jam. 90 minuta ishim kundërshtarë, më pas mbetemi prapë miq”.

PJESA E DYTË – “Është e drejtë. Humbën shumë dyluftime dhe humbën shumë topa të thjeshtë. Bëmë metra kot dhe u ndje lodhja fizike. Kundërshtari nuk kishte çfarë të humbiste dhe na vuri në presion. Duhet të mësojmë edhe të vuajmë. I thashë dhe skuadrës se sot do të vuanim”.

MOTIVIMI – “Unë e kam thënë dhe herë tjetër, doja që në stërvitje gjatë gjithë javës të ishim të përgatitur mirë dhe të përballonim sa më mirë këtë ndeshje. Ndeshja i do tifozët dhe ne nuk e kemi atë emocion që e kanë skuadrat tjera që luajnë në stadiumet e tyre. Unë e kam thënë dhe herë tjetër, duhet një fushë ku të tregojmë aftësitë tona, pasi kemi lojtarë me cilësi”,- u shpreh Devolli.

Të dielën është finalja e radhës, pasi djemtë e Devollit do të përballen me Kamzën në transfertë. Të dy ekipet ndodhen në kuotën e 16 pikëve dhe diferenca me Luftëtarin e vendit të tetë është 5 pikë.

Në prononcimin e dhënë për “Supersport”, trajneri i Kastriotit tregon ndryshimin e ekipit dhe mënyrën se si i karikoi djemtë, atëherë kur nuk besonte askush. Devolli ndalet te objektivi i kësaj ndeshje, vlerëson ekipin kundërshtar dhe beson fort se Kastrioti i tij do ia dalë të sigurojë trepikëshin.

KASTRIOTI – “Ndryshimi ka qenë për mirë. Çfarë shikojmë dhe çfarë në thonë miqtë, është një Kastriot tjetër. Për këtë më vjen mirë. Edhe ndeshjen e fundit luajtëm mirë, e thashë edhe pas takimit. Diferencën e bëri goli dhe më pas pësuam edhe të dytin. Ai e vrau ndeshjen. Gjithsesi jam i kënaqur nga skuadra, që punoi mirë dhe normal që edhe në vijim do bëjmë mirë. Shpresoj të vijojmë me këtë seriozitet në stërvitje dhe ndeshje.”

OBJEKTIVI –  “Që nga dita e parë u ka thënë çunave që çdo ndeshje është finale. Ishim në një situatë të vështirë dhe askush nuk e priste të futeshim në garë. Është më e vështira e këtyre dy fazave kjo ndeshje. Me rëndësi është të punojmë mirë. Kam besim se në çdo ndeshje do futemi për maksimumin.”

KUNDËRSHTARI – “Kamza, edhe pse ka ndryshuar, është ekip i vështirë, pasi kanë lojtarë me eksperiencë dhe me cilësi. E treguan edhe me Teutën, kur morën një pikë me vlera. Ne shikojmë punën tonë, nëse stërvitemi dhe paraqitemi seriozë, kam besim se nuk do dalim pa gjë. Do futemi në fushë për të fituar dhe duam t’i japim një grusht të fortë rivalit dhe ta lëmë poshtë.”

GOLI – “I shënova Devollit edhe kur drejtonte Kamzën në fillim të sezonit? Më tha edhe ai pas ndeshjes, “m’u bëre ferrë”. Për sa i përket golit, unë gjuaj mirë edhe me të majtën, nuk e kam problem kur gjuaj. Duhej pak fat, natyrisht, jam i lumtur për golin dhe sidomos fitoren”.

“Ndihem mirë për faktin që fiton ekipi, së pari. Golat e mi janë me vlerë vetëm nëse sjellin pikë, nëse do shënoja shumë gola në humbje nuk do kishte asnjë vlerë”.

GOLASHËNUES I KAMPIONATIT –  “Do ishte një kënaqësi, por janë sulmuesit ata që duhet të shënojnë më shumë dhe janë shumë më afër portës sesa unë, ndaj e shoh të vështirë të garoj për kreun e golashënuesve”.

KOLEGËT NË MESFUSHË –  “Unë ndihem mirë me të gjithë, por Hila është i preferuari, sepse kemi luajtur bashkë gjatë fazave të para. Megjithatë, edhe Atanda e Kote kanë bërë shumë mirë dhe më kanë ndihmuar shumë kur kanë luajtur krah meje në mesfushë”.

GOLAT   NGA DISTANCA – “Të them të drejtën, nuk e dija fare sa gola kam shënuar në Superiore deri tani, edhe për faktin se nuk më intereson shumë goli, ai është prioritet i sulmit. Nuk e kam të lehtë të depërtoj në zonë e të shënoj gola të thjeshtë, ndaj detyrohem e gjuaj nga distanca dhe dalin gola si ai sot”.

VENDI I PARË – “Nuk kam qenë asnjëherë më parë kaq gjatë në vendin e parë, është emocionuese dhe ndihesh super”,- u shpreh Telushi.

Gara për mbijetesë vazhdon dhe trajneri bën thirrje për pune e besim, ndërsa vlerëson grintën dhe dëshirën e ekipit të tij.

NDESHJA – “Sinqerisht, është për të ardhur keq, pasi kemi bërë një ndeshje të shkëlqyer. Nuk arritëm të shënonim dhe është për të ardhur keq. E vumë në vështirësi kundërshtarin. Ata kanë një super portier, shënuan një super gol, këto ishin diferencat e vetme. Duhet të shënonim patjetër në gol, ua kërkova dhe zëvendësuesve, por nuk ia dolëm.”

EKIPI – “Kur erdha këtu, mungonte vetëm besimi, pasi kanë shumë cilësi dhe shumë kualitet. Ndeshjet e para treguan këtë gjë, madje edhe sot u pasqyrua. Deri sa të na mbajë në lojë matematika, do të besojmë deri në fund te mbijetesa. Jam pak pishman nga kjo ndeshje, pasi patëm shumë momente të mira. 2-3 goditje standarde dhe mund të shënonim, milimetrat na ndëshkuan. Por e thashë, luajtëm kundër Partizanit dhe i përgëzoj për fitoren.”

INCIDENTI – “Edhe pas ndeshjes me Korçën, e thashë që u luajt futboll, gjithçka ishte Fair Play. Analiza është e thjeshtë: Dimë të luajmë futboll dhe t’i hapim punë skuadrave.”

SULMI – “Prisja më shumë nga Jurgeni, ta mbronte topin më mirë, të na merrte përpara. Por po shikoj një Jurgen tjetër dhe nuk është ende gati, pasi ka probleme dhe nuk ka luajtur rregullisht. Roxheri do të shënonte, por u ndesh me një Alban Hoxha spektakolar. Nëse do ishte dikush tjetër, Roxher do të shënonte, pasi e bëri punën ë vet.”

MUNGESAT – “Kishim problem mungesën e Huseinit, pasi është një mbrojtës tipik i djathtë. Por unë jam trajner që nuk gjej justifikime te mungesat, por kërkoj maksimumin tek të gjithë ata që aktivizoj. Por nuk do mend që mungesa e Huseinit na dëmtoi, pasi nëse do të ishte në lojë ai, mund të flisnim ndryshe. Diferencat e individëve që ka Partizani e fituan ndeshjen.”

OBJEKTIVI – “Trofeu ynë është mbijetesa. Do të bëjmë gjithçka për të qëndruar në Superiore, pasi e kemi kualitetin dhe e dimë që mund t’ia dalim. Na duhet dhe shumë fat, që në ndeshjen e sotme na mungoi.”

TERRENI – “Të jem i sinqertë, unë si trajner dua të luaj në fushë asnjanëse, por duam të luajmë futboll, pasi kemi mundësi dhe kualitete. I kam kërkuar presidentit të luajmë në Elbasan, pasi ne e meritojmë të tregojmë futbollin tonë, që për mua ka shumë kualitet dhe është shumë cilësor.”

NDESHJA – “Çdo ndeshje duhet të jetë si finale, si ajo me Luftëtarin, duke ditur sikur është ndeshja e fundit. Ndeshja e radhës me Skënderbeun, pavarësisht gjendjes që kanë dhe humbjeve, janë kampionë në fuqi. Nuk duhet të vihemi në gjumë dhe të gënjehemi. Janë ekip realisht shumë i vështirë. Duhet të përgatitemi mirë dhe shpresoj me pak fat mos të dalim pa pikë në këtë ndeshje. E mira do të ishte të merrnim tre pikë”.

EUFORIA – “Kam frikë se ndoshta fluturojmë. Megjithëse këto dy ditë, jam shumë i kënaqur nga dy stërvitjet që kemi bërë. Do mundohemi të marrim sa më shumë pikë, pasi në fund mund edhe të ndahet me një pikë se kush do të bjerë nga kategoria”.

FORMULA MAGJIKE – “I kam dhënë vetëm besim. Besim, sepse jemi ne më të mirët. Kjo do të jetë motoja gjithmonë në stërvitje dhe në ndeshje. Nuk ka më të mirë se ne. Me këto djem shkoj në luftë, jo më në ndeshje”.

“Kastrioti nuk e ka në objektivat e këtij sezoni Kupën e Shqipërisë, por në ndeshjen nesër ndaj Partizanit ne do jemi një skuadër dinjitoze. Unë e kam parë skuadrën në katër miqësoret që kemi zhvilluar në këtë periudhë, dhe kam besim se nesër do të tregojë vlerat më të mira të saj”, ishte kjo deklarata e Bledar Devollit për takimin nesër me Partizanin.

Njëherësh gjirokastriti i pankinës krutane, këtë përballje e kërkon edhe si një fitore morali për ndeshjen në Kampionat ndaj Luftëtarit në Gjirokastër. “Me Partizanin duhet ta fitojmë ndeshjen edhe për moral, me qëllim që skuadra të shkojë me besim për të marrë tri pikët në ndeshjen e javës së 19-të me Luftëtarin në Gjirokastër. Nesër luhet pa tifozë, por kjo nuk do të jetë problem për Kastriotin, dhe do kemi mundësinë që ti shohim më mirë afrimet e reja në skuadër”.

Ja vendimi i Komisionit të Displinës, datë 20 dhjetor 2018:

1. KS “Kastrioti”, për sjellje të gabuar të spektatorëve duke përdorur fjalë dhe xheste ofenduese, në bazë të Nenit 66/1 të KDS, dënohet me zhvillimin e 1 (një) ndeshje pa spektatorë në stadiumin përkatës.

AGRON KAJA

“Barazimi nuk tregon vlerat që Kastrioti tregoi në këtë miqësore. Nuk jam i kenaqur vetëm me qarkullimin e topit, ndërsa në treguesit e tjerë skuadra reagoi shume mirë”, kështu theksoi Devolli pas miqësores sot me Kamzën, ndërkohë që tregoi planet për vazhdimësinë.

“Kam marrë konfirmimin për lejen 3-4 lojtarëve të rinj që të jemi konkurrues deri në fund të sezonit. Për mbijetesën besojmë vetëm në punën tonë, e rëndësishme është se grupi ka besim në këtë objektiv”.

Të premten Kastrioti do të luajë miqësoren e radhës me Egnatian, ku tekniku Devolli pret më shumë reagim në harmonizomin e veprimeve, kryesisht në qarkullimin e topit.

AGRON KAJA

Pikërisht, tekniku nga Gjirokastra, ka folur për “RTSH Sport”, në lidhje me merkaton, ku pavarësisht refuzimit nga Pero Pejiç, duket se klubi ka dhe emra të tjerë në listë. Gjithashtu, Devolli foli dhe për objektivat e ekipit për gjysmën e dytë të sezonit.

“Do të bëjmë 4-5 përforcime që të kemi ekip konkurrues. Me punën tonë dhe me ndihmën e Zotit, shpresoj të dalim sa me shpejt nga kjo situatë. Kam 2-3 emra në mendje dhe shpresoj të marrim sa më shpejt lojtarët që kërkojmë. Në momentin që do të firmosin, vetëm atëherë do t’i quaj lojtarë të Kastriotit”,- tha Devolli.

Sot, në Krujë ishte i pranishëm dhe afrimi i më i ri, Edison Ndreca, i cili u takua me trajnerin Devolli dhe u prezantua me shokët e rinj të skuadrës.

Për SportEkspres.com, Bledar Devolli deklaron se të gjithë në Krujë janë të bindur te mbijetesa. “Për sa kohë edhe matematika e pranon, pse të mos shpresojë edhe Kastrioti te mbijetesa?! Të gjithë janë të bindur se do të qëndrojmë në Superiore dhe kjo do të vijë pas përforcimit të ekipit me 5-6 lojtarë të rinj. Unë kam kërkuar ‘burra’, në kuptimin sportiv, dhe e kam marrë miratimin”, kështu deklaroi trajneri i ri i Kastriotit, Bledar Devolli.

Nesër, Devolli do të ketë stërvitjen e parë me skuadrën e Kastriotit, të cilën ai e mendon më shumë organizative, pasi në mesjavë do të nisë një minifazë përgatitore këtu në Shqipëri, por vendin ende nuk e kanë të përcaktuar.

Në dy fazat e para të Kategorisë Superiore, Kastrioti ka grumbulluar 10 pikë dhe renditet i fundit në tabelë, ndërkohë që ndeshjen e parë të fazës së tretë e luan në transfertën e Gjirokastrës kundër Luftëtarit.

“Deri më 27 janar, që do të luajmë ndeshjen e parë të fazës së tretë me Luftëtarin në Gjirokastër, ka kohë. Për mua është një rastësi e bukur, por si profesionist dua që Kastrioti të fitojë”, përfundon trajneri i Kastriotit, Bledar Devolli.

AGRON KAJA

Në të shkuarën ai ka drejtuar edhe Bylisin e Luftëtarin, ndërsa në muajin dhjetor dha dorëheqjen nga skuadra e Tomorit. Sot ai do të drejtojë seancën e parë stërvitore të Kastriotit. Synimi është mbijetesa në Kategorinë Superiore dhe kjo nuk do të jetë e lehtë.

LARGIMI I RADHËS – Deri më tani nga Kastrioti janë larguar plot 11 futbollistë dhe klubi krutan ka dalë me njoftim zyrtar. I radhës që e mbyll aventurën e tij në Superiore është mbrojtësi malazez Nikola Stijepoviç.

Mbrojtësi, i cili vjet doli kampion në Mal të Zi me Sutjeskën, ishte titullar me Kastriotin dhe tashmë duhet të gjejë tjetër ekip, pasi ka ndërprerë me marrëveshje kontratën.

Gjithçka ndodhi pas ndeshjes me Lushnjën, ndërkohë që pasdite e sotme situata u rëndua deri në atë masë sa që në ambientet e fushës ku stërvitej skuadra, trajner Devolli dhe mbrojtësi Lisjan Hadaj të grushtojnë njëri-tjetrin për disa çaste. Është dashur ndërhyrja e futbollistëve beratas dhe kolegëve të teknikut gjirokastrit, që situata të qetësohej.

NGJARJA – Pas ndeshjes së të rinjve, Tomori-Luftëtari, në fushën e stadiumit të qytetit të Beratit zbriti edhe ekipi i parë. Që në momentin që skuadra është rreshtuar nën urdhrat e Devollit, ka rënë në sy që mbrojtësi Lisjan Hadaj është veçuar nga grupi dhe ka nisur që të vrapojë përqark fushës.

Aty ka ndërhyrë tekniku gjirokastrite, i cili i ka kërkuar Hadajt që të linte fushën. Kjo pasi ishte i pezulluar nga stërvitja. Vetë futbollisti e ka kundërshtuar teknikun, duke i thënë: “Po bëj vrapime jashtë grupit në mënyrë individuale dhe ti nuk ke këtë të drejtë që të më pezullosh edhe nga stërvitja individuale”.

Në debat e sipër, ku pati një zënkë verbale në sy të skuadrës dhe atyre pak tifozëve të pranishëm në shkallët e stadiumit,  ata i janë afruar njëri-tjetrit dhe janë goditur me grushte. Sulmin e parë e ka kryer tekniku Devolli, i cili i ka lënë madje dhe dy shenja në fytyrë futbollistit Hadaj. Ky i fundit nga ana e tij nuk është kursyer që t’i përgjigjet po me grushte teknikut gjirokastrit.

Në moment e gjithë skuadra dhe bashkëpunëtorët e Devollit kanë ndërhyrë për të ndalur sherrin dhe në mes të sharash dhe të bërtiturash, të dy “boksierët” janë ndarë nga njëri-tjetri. Dhe ndërsa tekniku Devolli ka vijuar stërvitjen së bashku me skuadrën, pas largimit të mbrojtësit Hadaj, në stadium ka mbërritur babai i tij, i cili nga tribuna VIP nuk ka i kursyer ofendimet në drejtim të trajnerit të beratasve. Kanë ndërhyrë drejtuesit e klubit dhe më pas ai është larguar. Dera e tribunës VIP dhe dera e jashtme e hyrjes kryesore të stadiumit u mbyllën me kyç deri në përfundim të stërvitjes.

REAGIMI I DEVOLLIT – Menjëherë pas përfundimit të stërvitjes, në një prej lokaleve pranë stadiumit “Tomori”, tekniku Bledar Devolli ishte nën shoqërinë e ndihmësit të tij Kelmend Agalliu. Me ta ishte  edhe babait të mesfushorit të Luftëtarit, Eraldo Hyseni. Ai  është edhe i afërm dhe familjar i mbrojtësit Lisjan Hadaj.

Ekskluzivisht për “SportEkspres.com”, Devolli është shprehur:  “Nuk dua të flas shumë për atë që ka ndodhur, pasi kjo ngjarje nuk është aspak e shkëputur nga raste të tjerë të njohura më parë në Shqipëri dhe në Botë. Kur kjo i ka ndodhur shumë trajnerëve të njohur dhe të famshëm si Mançini&Co., besoj se edhe tek ne nuk bëjnë përjashtime. Mirë është që të mos ndodhin sepse nuk janë në dobi të futbollit dhe edukimit të brezit të ri, por e rëndësishme është që ajo që ndodhi është një rast i shkëputur që nuk do të përsëritet më. Edhe ne e kemi mbyllur me shumë mirëkuptim mes palëve qysh në momentin kur ajo ndodhi në fushën e stërvitjes. Pra aty ku ndodhi edhe e kemi mbyllur. Pas kësaj çdo koment mendoj se është i tepërt”.

LISJAN HADAJ – “Mendoj se kam qenë plotësisht pa faj, sepse fundja kam kërkuar që të zhvilloj një stërvitje individuale dhe këtë do ta bënte çdo futbollist i pezulluar në çdo skuadër. Ajo që ndodhi sigurisht që është një shfaqje e shëmtuar. Pavarësisht se kush është fajtori që çoi deri në ekstrem një debat verbal, sërish unë i kam dhënë të gjithë faljen dhe mirëkuptimin tim për gjaknxehtësinë teknikut Devolli. Shpresoj që marrëdhëniet tona do të jenë më se korrekte dhe profesionale në të ardhmen”, është shprehur Hadaj.

EDI SPAHIU  

Jo vetëm kaq, por beratasit kanë shprehur mbështetjen e tyre maksimale për trajnerin Devolli. “Menjëherë pas incidentit të ndodhur gjatë seancës së sotme stërvitore klubi ka vendosur: Pezullim pa afat për futbollistin Lisjan Hadaj”, thuhet në deklaratën e klubit.

Më tej beratasit shtojnë: “Ndërkohë pas situatës së krijuar, duam t’i japim besimin maksimal teknikut Bledar Devollit dhe bashkë me stafin e tij dhe futbollistët të vazhdojë punën dhe rikthimin te fitorja”.

Sigurisht që tanimë pritet përjashtimi i lojtarit, ndërkohë që për trajnerin Bledar Devolli vijimi i punës mund të bëhet i pamundur. Klima te beratasit nuk është aspak e mirë dhe tanimë drejtuesit duhet të ndërhyjnë dhe të vendosin pikat mbi “i”.

ZANAFILLA E KONFLIKTIT – Në ndeshjen e së shtunës në Lushnjë, ku Tomori u mund 3-0, Hadaj u pa i mërzitur për shkak se gjirokastriti nuk e aktivizoi. Futbollisti 24-vjeçar që prej minutës së 66-të është larguar nga stoli.

Në atë moment Devolli bëri ndërrimin e tretë dhe për Hadajn nuk mund të kishte minuta. Kjo gjë nuk u prit nga beratsi, i cili jo vetëm la stolin, por pati një mesazh edhe për drejtuesit. “Hiqeni këtë (Devollin), ç’e mbani më!”, ishin fjalët e mbrojtësit, sikurse mëson “SportEkspres.com”.

Më pas erdhi pezullimi nga klubi për Hadajn, i cili ditën e sotme është paraqitur në stadium për t’u stërvitur veç. Ka përkuar që në të njëjtin orar të përgatitej edhe ekipi dhe para stërvitjes ka ndodhur përplasja mes mbrojtësit e trajnerit Devolli.

Bledar Sinella shihej si kandidat për të marrë drejtimin e Tomorit, por nuk pati ndryshim. Gjithsesi në Berat këto ditë u hodhën në sulm për të gjetur trajnerin e ri dhe tashmë është një kapitull i mbyllur.

Sikurse bëjnë me dije burime pranë klubit të Tomorit, marrëveshja mes palëve është arritur. Bisedimet kishin nisur prej dy ditësh, por gjithçka kishte mbetur tek ana financiare. Tanimë është gjetur gjuha e përbashkët.

Devolli tashmë është rrugës drejt qytetit të Beratit dhe pritet të nënshkruajë kontratën që e lidh me Tomorin. Gjirokastriti e nisi sezonin në krye të Kamzës në Superiore, por vetëm pas tre javësh e shkarkuan. Vjet ai provoi një eksperiencë në Kosovë me KEK-un, ndërkohë që për të lëvizja e fundit është një rikthim, pasi në sezonin 2003-2004 ka luajtur si lojtar me Tomorin.

“Goli? Gabime individuale. Pjesa mbrapa duhet të ishim në rregull. Nuk jam i mërzitur, pasi luajmë futboll, jemi agresivë. Të vjen keq si humbëm”.

“A u përgjigjen gjithë lojtarët? Është pak e drejt si pyetje. Peçi bëri një driblim që mund ta evitonte. Por kur humbim, humbim të gjithë. Kishim rastin e Rezit më parë dhe ndoshta tani do flisnim ndryshe. Pasionant? Nuk është faji im që nuk ka tifozë në stadium”.

“Ndërrimet? Presim Orelesin dhe Fukuin që janë dy forca të rëndësishme. Martinena nuk është gati për 90 minuta. Roloviç harxhon shumë energji. Çfarë t’i them Peçit që driblon, ta pushkatoj? Edhe Hakaj ka cilësi individuale. Nuk kemi çfarë bëjmë. Nuk jam i mërzitur, do vijnë rezultate. Jam krenar që punoj me këta djem”.

“Lodhje pas minutës së 65-të? Kam insistuar të administrojmë lojën, që presioni lart që bëjmë të mos sjellë të na bjerë efikasiteti”.

“Plaku larg portës? Ai ka ardhur ditën e fundit, nuk ka ritmin që kërkojmë. Pushimi që vjen është flori. Na kthehet Orelesi, Fukui dhe Martinena që do fitojë formën fizike. Problemi është administrimi i topit. Nëse ndodh kjo, do jemi efikas”.

“Strategjia? Duhet të bëjmë si te filmi e bukura dhe bisha. Duhet të punojmë me goditjet standarde”, tha me stë tjerash në konferencën e sotshme për shtyp trajneri Devolli, i cili në të shkuarën është aktivizuar me Partizanin.

Para mediave ishte edhe kapiteni Sebino Plaku, i cili shënoi golin e fitores me Tiranën. “Nëse më parë Partizani ka ardhur me bujë, këtë vit janë me këmbë në tokë. I pamë në ndeshjen e parë. E kemi krijuar një ide për, por ndeshja nuk i ngjan ndeshjen. Ndoshta tani ata ndryshojnë. Ne po mundohemi të përgatitemi për gjithçka”, tha sulmuesi, që më pas foli edhe për rikthimin te Kamza.

“E dija se do e gjeja ambientin e gatshëm, pasi kam qenë në dijeni për gjithçka ndodh. Nuk ishte e lehtë të vendosja, por gjithmonë kam qenë me mendjen”.