Blaise Matuidi

Juventus “pa frena”, ofron tre futbollistë për Pogba

Sport Ekspres — Mon, 05 Aug 2019 18:35:08 +0000

Juventusi nuk është dorëzuar ende për Pol Pogba. Mesfushori pritet të qëndrojë te Junajtid sezonin e ardhshëm. Merkato në Angli mbyllet me datë 8 gusht dhe drejtuesit e “djajve” nuk kanë shumë kohë për të gjetur një zëvendësues të denjë.

Gjithsesi, bardhezinjtë nga Torino kanë ofruar tre lojtarë për shërbimet e mesfushorit francez: Paulo Dibala, Blez Matuidi dhe Mario Manxhukiç! Një ofertë tunduese për “djajtë e kuq” të Solskjaer, ndërsa drejt ishullit kanë udhëtuar dyshja Paratiçi-Nedved.

Drejtuesit e “Zonjës së vjetër” kanë qenë në shoqërinë e agjentit Mino Raiola dhe kanë takuar Pogba. Qëllimi është gjetja e një akordi me lojtarin dhe pritja e përgjigjes pozitive nga Mançester Junajtid.

Juventus vulos largimin e Matuidi, PSG tundohet nga çmimi

Sport Ekspres — Mon, 15 Jul 2019 13:15:33 +0000

E ardhmja e Blez Matuidi te Juventusi është vënë në dyshim pas transferimeve të Eron Ramsei dhe Adrien Rabio. Hapsirat për francezit duken të pakta dhe një ndarje do të ishte zgjidhja më e mirë për të gjitha palët.

Sipas “Corriere dello Sport”, Juventusi ia ka ofruar mesfushorin PSG-së. Ish-klubi i Matuidi duhet të paguajë 15 milionë euro për të rikthyer futbollistin në Paris. Drejtori i PSG-së Leonardo u shpreh pak ditë më parë se e vlerësonte shumë 32-vjeçarin.

Në rast rikthimi te PSG, Matuidi nuk do të gëzojë më pozitën e viteve më parë ku ishte një lotjari padiskutueshëm në formacionin e kampionëve. Mesfushorit do i duhet të qëndrojë në stol duke pritur radhës pasi vendet e titullarëve janë prenotuar nga emra si Verrati, Paredes dhe Herrera.

Jo vetëm afrime për Juventusin, ofertë për “motorin” e mesfushës

Sport Ekspres — Tue, 25 Jun 2019 20:22:57 +0000

Drejtuesit e Juventusit po punojnë fort për t’i dhuruar Mauricio Sarrit një skuadër sa më të fortë. Objektivi është gjithmonë i njëjti, fitimi i çdo trofeu të mundshëm, sidomos ai i Champions Ligës.

Kontingjenti i lojtarëve është shumë i pasur dhe i madh në numër, kështu që është i paevitueshëm largimi i disa prej tyre. Emri i fundit që po qarkullon është i ai Blez Matuidi.

“Xholi” i mesfushës pëlqehet shumë nga Leonardo Zhardim, i cili e kërkon te Monako e tij. Kontrata e 32-vjeçarit me Juventusin përfundon në verën e vitit të ardhshëm dhe ai mund të jetë i “sakrifikuari” i kampionëve të Italisë në merkato.

“Ajaksi më shkaktoi momentin më të errët të karrierës!”

Sport Ekspres — Sun, 09 Jun 2019 14:26:16 +0000

Juventusi edhe një herë tjetër nuk arriti të bënte të mundur fitimin e Champions League. Përbysja e madhe ndaj Atletikos krijoi besim dhe menduan se mund t’ja dalin. Por përpara iu shfaqën disa djem që “i pushtuan” me talentin e tyre, ata të Ajaksit. Holandezët i ulën me këmbë në tokë Ronaldon me shokë.
Ky moment ka qenë një nga më të errëtit e karrierës së Matuidi. Në një intervistë për “L’Equip” mesfushori kujton momentin e vështirë që kaloi pas eliminimit. E ngushëllon veten kur shprehet se arritën të mbronin Serinë A dhe më pas flet për Ronaldon. Shprehet se nuk lëviz nga Juventusi pa përfunduar kontrata.

“Pas përmbysjes ndaj Atletiko Madridit mu krijua besimi se mund t’i shkonim deri në fund. Eliminimi ishte një moment shumë i errët. Kishim edhe dëmtime si Kielini. Kam luajtur pothuajse çdo ndeshje në një klub kaq të madh, kjo do të thotë diçka. Ne u konfirmuam si kampionë të Italisë dhe nuk është pak.”

“Ronaldo dëshiron të fitojë çdo ditë e më shumë, pavarësisht se ka arritur gjithçka. Ai punon më shumë se Ibrahimoviç. Ju siguroj se nuk është aspak i lumtur kur humbet. Kam një vit në kontratë dhe më pas mundësinë e rinovimit edhe për një tjetër. Jam mirë te Juventus”, u shpreh Matuidi.

Lojtari që njeh vetëm fitore, “mbreti” i 2018-ës është një juventin

Sport Ekspres — Mon, 07 Jan 2019 17:24:33 +0000

Në kohën e sotme, mund të gjejmë lloj lloj statistikash mbi sportin e futbollit. Një ndër to është se cili është lojtari me më shumë fitore gjatë një viti të kaluar. Uebsajti “footballdatabase.com”, ka zbuluar listën me futbollistët që kanë fituar më shumë ndeshje gjatë vitit që lamë pas.

Vendi i parë mbahet nga mesfushori i Juventusit Blez Matuidi me 48 fitore gjatë të gjithë vitit kalendarik. Francezi fitoi kampionatin dhe kupën e Italisë, ndërsa ishte një pjesë thelbësore e kombëtares së Francës në triumfin në Botërorin “Rusi 2018”.

Vendi i dytë mbahet nga dy lojtarë njëkohësisht. Angel Di Maria dhe Antuan Grizman, që kanë regjistruar 45 fitore. Vendi i tretë i podiumit ndahet nga Roberto Firmino, Ivan Rakitiç dhe sulmuesi arabo-izraelit i Red Bull Salcburgut, Munas Dabur, të tre këta futbollistë kanë fituar 44 ndeshje.