Zhvendosemi në Suedi ku Egzon Binaku duket se e ka lënë pas plotësisht dëmtimin muskulor të pësuar në fund të muajit maj. Mbrojtësi i kombëtares shqiptare u rikthye të luajë një ndeshje nga minuta e parë me Norkoping pas thuajse tre muajsh. 23-vjeçari u aktivizua për 80 minuta në barazimin 0 – 0 në transfertë ndaj Goteborgut.

Megjithatë, duke se momenti i keq ka kaluar për mëngjarashin. Në dy përballjet e vlefshme për raundin e parë të kualifikueseve të “Europa League” ndaj irlandezëve të Seint Patriks, Binaku është aktivizuar si rezervë duke zëvendësuar finlandezin Skrab në krahun e majtë  të mbrojtjes.

Skrab, i cili është mbrojtësi titullar në krahun e majtë, ka tërhequr interesin e klubeve jashtë Suedisë dhe një transferimin i tij në muajin gusht është mëse i mundshëm. Largimi i finlandezit do ishte një shtysë për mbrojtësin e kombëtares sonë, i cili në këtë skenar do ta ketë akoma dhe më të lehtë për të siguruar një vend titullari.

Fitore mori dhe Norrkopingu i Egzon Binaku. Skuadra suedeze mposhti me rezultatin 2 – 0 në transfertë irlandezët e Seint Patriks. Mëngjarashu u rikthye në fushë pas thuajse 2 muajsh, kjo për shkak të një dëmtimi të pësuar në muajin maj.

Në ndryshim nga Binaku e Bakaj, Kristi Qose dhe Endri Çekiçi kanë dalë nga fusha me kokën ulur. Ruzemberoku i Qoses u mund 2 – 0 nga vizitorët e Levski Sofies. Të njëjtin fat ka pasur dhe Çekiçi me Olimpian  e Lubjanës, ku në fund të 90 minutave skuadra sllovaku u mund si pritëse nga letonezët e RFS-së.

Pas 6 javësh në proces riaftësimi,  Binaku është rikthyer të luajë më fanellën e Norkoping. Mëngjarashi luajti për 60 minuta në fitoren 3 – 0 të ekipit rezervë ndaj Eskilstunës.

Në javët në vazhdim pritet që mbrojtësi të fillojë integrimin në ekipin e parë, ku ende nuk ka mundur të zërë një vend fiks në formacionin titullar.

Ndërkaq, shqetësime ka dhe për Naser Alijin dhe Egzon Binakun. Aliji ka kryer vrapime të lehta rreth fushës në stërvitjen e sotme për shkak të ngarkesës, ndërsa Binaku ka lënë përgjysmë stërvitjen e ditës së djeshme në Suedi me Norkopingut.

Klubi ka reaguar, duke sqaruar se lojtari ka pasur një dëmtim në kyçin e këmbës dhe do i duhet të kryejë stërvitje të diferencuar. Rregullorja kërkon që Binaku të kontrollohet nga mjekët e kombëtares për të përcaktuar shkallën e plotë të dëmtimit.

Krahu  i majtë do t’i vazhdojë t’i besohet Naser Alijit. Media rumune “Gazeta Sportiluror” ka zbuluar se Aliji është një nga të përzgjedhurit e Edi Rejës për takimet e muajit qershor.

Mbrojtësi nga Kumanova ishte titullar në fitoren 3 – 0 ndaj Andorrës, ku kreu një paraqitje të kënaqshme. Në tre muajt e fundit mëngjarashi ka qenë një titullar fiks në formacionin  e Dinamos së Bukureshtit. Mbetet ende enigmë cili do të jetë opsioni i dytë  i thirrur nga Reja për këtë pozicion. Lorenc Trashi është një ndër të grumbulluarit në parapërgatitjet që po zhvillohen në “Tropical Resort”, ndërsa Egzon Binaku ka qenë pjesë e përhershme e kombëtares prej më shumë se një viti pavarësisht fakti se minutazhi në Suedi nuk ka qenë mbresëlënës.

Ndërkohë, fitorja e Granadës çoi në festë kryesuesit e Osasunës të cilët siguruan matematikisht rikthimin në elitën e futbollit spanjoll. Manaj u aktivizua për 72 minuta në këtë takim. Ekipit të Manajt tani do i duhet ta presë biletën për në Primera Divizon me anë të formatit play-off, ku do të garojnë skuadrat e renditura nga vendi i tretë në të gjashtin.

Zhvendosemi në Suedi ku skuadra e Egzon Binakut, Norkoping, regjistroi një fitore 2 – 0 ndaj Sundsvall. Megjithatë, mbrojtësi shqiptar nuk po arrin të sigurojë një vend në formacionin titullar, duke u aktivizuar si zëvendësues në minutën e 88-të.

Teksa kanë mbetur vetëm pak javë nga grumbullimi i ardhshëm i kombëtares, rikthimi i Binakut në fushë është një lajm i mirë për trajnerin Edi Reja, që ka një opsion më shumë për krahun e majtë të mbrojtjes ku kemi hasur jo pak probleme gjatë viteve të fundit.

Zhvendosemi në Holandë, ku lojtari i kombëtares shpresa Agim Zeka ka shënuar një dopietë në ligën e 21-vjeçarëve, ku Fortuna Sitart mundi Fejnordin me rezultatin 2 – 1.

Mirëpo 23-vjeçari ende nuk ka debutuar me ekipin e ri pas tri ndeshjes në stol. Në një intervistë për mediet suedeze, mbrojtësi i krahut të majtë ka shkak për këtë ka qenë forma e dobët dhe se për momentin është aktivizuar në dy ndeshje të ekipti rezervë.

“Po mundohem të rikthehem në formën e duhur fizike si dhe të njoh më mirë sistemin e lojës. Kam vetëm një muaj që kam ardhur këtu. Trajneri dhe stafi nuk duan të më vënë në stres. Kur të jem gati do të vijë momenti im. Tani ndihem mirë.”, përfundoi Binaku.

Ky është aktivizimi i tretë i mesfushorit pogradecar më skuadrën nga kryeqyteti i Sllovenisë. Olimpija mori tri pikët falë fitores me rezultatin 3 – 1.

Zhvendosemi në Suedi në takimin midis Norkoping dhe Falkerberg. Skuadra e Egzon Binakut fitoi me rezultatin 4 – 3. Mbrojtësi shqiptar nuk u grumbullua, pasi sipas trajnerit të Norkoping ai dhe disa lojtarë të tjerë që kanë ardhur me vonesë nuk janë në kondicionin e duhur fizik.

Megjithatë, në këtë takim nuk mungoi një gol shqiptar. Bëhet fjalë për sulmuesin e Falkenberg, Edi Sylisufaj. Sulmuesi 19-vjeçar,  u aktivizua nga stoli dhe barazoi shifrat në 3 – 3 në minutën e 87-të, por vendasit siguruan fitoren në fund me një gol në minutën e tretë të kohës shtesë.

Pikërisht këto dy skuadra u përballën sot me njëra-tjetrën dhe Aliti u vu përballë Binakut. Jo fizikisht, pasi Binaku nuk u preferua asnjë minutë nga trajneri i Norkopingut. Ndryshe nga mëngjarashi kuqezi, Aliti luajti 90 minuta, madje dhe asistoi golin e dytë të skuadrës së tij.

Ndeshja mes dy skuadrave u mbyll në barazim 2-2.

Legjionarët tjerë që kanë zbritur në fushën e lojës: Mbrojtësi Besir Demiri me Mariupolin luajti 90 minuta, ndërsa Kristi Qose fitoi përballë ish-ekipit të tij, Mihalovce.

Megjithatë, fakti që 23-vjeçari luan në kampionatin suedez ka sjellë një disavantazh të madh për Binakun. Problematika qëndron te formati i kampionatit pranverë-dimër që përdoret në të gjitha vendet nordike.

Në vitin aktual, Binaku ka luajtur vetëm 90 minuta në një takim kupe, ndërsa sezoni ri i “Allsvenskan” fillon gjatë muajit prill. Mbetet për t’u parë se cili do të jetë vendimi i trajnerit Panuçi për mëngjarashin e kombëtares sonë.

Ndërkaq, alternativat e tjera për këtë rol nuk janë të pakta. Ermir Lenjani dhe Besir Demiri janë më favoritët pasi janë ftuar më parë nga trajneri i kombëtares sonë, ndërsa një opsion tjetër është Naser Aliji, i cili është rikthyer të luajë rregullisht në Rumani me Dinamon e Bukureshtit.

Duket qartë që Panuçi është ende në kërkim të një mbrojtësi stabël për krahun e majtë të kombëtares kuqezi. Alternativat nuk janë të pakta. Për momentin mund të thuhet se Egzon Binaku është favoriti në këtë rol.

Mbrojtësi i Malmos ka qenë titullar në dy ndeshjet e fundit zyrtare të kombëtares dhe me siguri do të vazhdoj të ketë besimin e trajnerit të kombëtares. I dyti në radhë është Ermir Lenjani, i cili ka lënë pas dëmtimet dhe është rikthyer titullar te Sioni në Zvicër. Një tjetër plus për këta lojtarë është dhe fakti që kanë luajtur shpesh në formacion me pesë mbrojtës, një modul loje ky që Panuçi e pranoi se po e shqyrton si një opsion në një intervistë të dhënë pak ditë më parë.

I treti në hierarki është Besir Demiri. Mbrojtësi nga Shkupi aktivizohet prej një viti e gjysmë në Ukrainë te Mariupol, ku e ka blinduar vendin e titullarit. Megjithatë, 24-vjeçari pret ende të debutojë me kombëtaren shqiptare ku ishte grumbulluar gjatë muajit të shtatorit.

Tre opsionet e fundit janë Naser Aliji, Lorenc Trashi dhe Gledi Mici. Aliji i dha fund një periudhe 6-mujore ku qëndroi pa ekip dhe është rikthyer titullar te Dinamo e Bukureshtit në Rumani. Trashi dhe Mici luajnë në kampionate më inferiore se katër lojtarët e lartpërmendur, por të dy kanë spikatur me skuadrat e tyre që tani janë kryesuese të kampioneve përkatëse.

Fillimisht, në fushë zbriti Zyrihu përballë Kluzh, me Benjamin Kolollin që shënoi golin e vetëm për skuadrën zvicerane. Kosovari është në formë të shkëlqyer dhe ka shënuar 5 gola në tri takimet miqësore që Zyrihu ka zhvilluar deri më tani.

Rrugën e rrjetës e ka gjetur dhe Egzon Binaku, mëngjarashi kuqezi që aktivizohet te Malmo. Edhe pse jo titullar në takimin kundër IFK Malmo, Binakut i kanë mjaftuar pak minuta që të realizojë, duke barazuar rezultatin në minutën e 84’, në një ndeshje miqësore që dukej e humbur nga skuadra e tij.

Miqësore

Malmo FF – IFK Malmo   2-2
Binaku 84’

Kluzh – Zyrih  2-1
Kololli 48’

Në këtë takim Binaku luajti si mrojtës krahu i avancuar (Ëingback) dhe asistoi golin e parë të Malmos në minutën e 16-të. Në një prononcim për mediet pas ndeshjes, mëngjarashi komentoi mbi pozicionin e ri ku ka luajtur gjatë ndeshjeve të fundit.

“Ndihem më mirë si mbrojtës i majtë, por edhe si mbrojtës i avancuar nuk e kam problem. Fansat nuk e kanë parë akoma “Egzonin e vërtetë”, por së shpejti do të vij në formë”, tha Binaku, i cili më pas komentoi dhe për zgjedhjen për të përfaqësuar Shqipërinë”.

“Shqipëria ka qenë gjithmonë në mendjen time edhe në periudhën kur luaja me moshat e Suedisë. Kur më erdhi ftesa nuk kisha se si ta refuzoja, pasi doja të provoja eksperiencën në futbollin ndërkombëtar”, përfundoi 23-vjeçari.

Në të majtë për herë të parë u pa Egzon Binaku. Një emër i ri për Kombëtaren dhe me një detyrë jo të lehtë për të zëvendësuar kapitenin Ansi Agolli, i cili ishte grumbulluar, por e pa ndeshjen nga stoli. Befasi paraqitja e tij për shumëkënd, pasi tregoi se është një lojtar me shumë cilësi, që jo vetëm mund të jetë një garanci në prapavijë, por edhe mund të ndihmojë sulmin. Në pak ditë si kuqezi e njihte mirë lojën e shokëve të skuadrës, madje në disa momente u pa që të ndihmonte dhe në të djathtën e mbrojtjes. Vërtetë një zbulim!

Nuk mund të lihet pa veçuar portieri Thomas Strakosha. Edhe pse në një moshë ende të re ka krijuar një eksperiencë mjaft të madhe dhe jep shumë siguri mes shtyllave. Pa diskutim që nëse Shqipëria mori një rezultat pozitiv dje, është meritë e padiskutueshme e “gardianit”, i cili po ndjek hapat e babait. Ishte ndeshja e tij e tretë si titullar në një ndeshje zyrtare me kuqezinjtë, por krijon përshtypjen e një “veterani”.

Autori i golit, Taulant Xhaka, duket se e gjeti golin në një moment në momentin e duhur, si për të në aspektin personal, ashtu dhe atë të Kombëtares. Rikthimi në fole erdhi me një super gol, që do e ndihmojë të bëjë përpara dhe me klubin me shumë mundësi, por dhe si kuqezi. Shqipëria kishte nevojë për një “rrufe” si ajo e Xhakës për të dalë nga momenti jo i mirë ku ndodhej.

Në sulm Guri bëri mjaft mirë, por duhet përmendur dhe eksperienca e Balajt, i cili në pjesën e dytë shty akoma dhe më shumë para. Shkodrani edhe pse ndoshta e vuan mungesën e golit, tregoi se është i rëndësishëm për skuadrën dhe prezenca e tij në fushë e shton personalitetin e ekipit.

Një ndër problematikat më të mëdha të kombëtares gjatë muajve të fundit ka qenë roli i mbrojtësit të majtë. Vendimi i Panuçit për të nxjerrë në “pension” Ansi Agollin nuk kaloi dhe aq lehtë. Por, zgjidhja e këtij problemi duket se vjen nga Suedia, dhe pikërisht tek ekipi i Malmos, ku luan 22-vjeçari Egzon Binaku.

Binaku luajti një 90-minutësh të plotë në ndeshjen e skuadrës së tij ndaj Trelleborgut. Malmo fitoi me rezultatin 3-0 dhe mbrojtësi i kombëtares tonë siguroi dhe një asist. Binaku u grumbullua për herë të parë me kombëtaren tonë për miqësoret ndaj Kosovës dhe Ukrainës, por një dëmtim i hoqi mundësinë e debutimit. Le të shpresojmë që në shtator të ketë pak më shumë fat.

Realisht, Binaku është risia e madhe e Panuçit, sepse Sindrit Guri kishte kohë që ishte lajmëruar se do të grumbullohej për këto miqësore, pas golave pa fund në Superiore dhe firmës në kampionatin belg.

Por kush është Binaku? Bëhet fjalë për një futbollist me origjinë nga Kosova, por i lindur e i rritur në Suedi, aty ku është formuar si futbollist, duke hedhur hapat e parë te IFK Amal.

Në vitin 2014 e pikasi Hakeni, klub nga Goteborgu, që prej vitesh është në majat e futbollit suedez.

Prej vitit 2015 në ekipin e parë, Binaku pati vetëm një periudhë të shkurtër huazimi te Ljungskile, ndërsa në vitin 2017 u bë titullar te Hakeni, me 22 ndeshje në kampionat, 15 prej të cilave nga minuta e parë. Vetëm 3 kartonë të verdhë dhe një i kuq gjatë sezonit, kartoni i kuq erdhi pikërisht kundër Malmos, por ishte një simulim i kundërshtarit.

Malmo e pëlqeu dhe në fund të vitit të shkuar vendosi ta blinte për 800 mijë euro, pasi Binaku kishte rinovuar verën e shkuar. Kontratë 4-vjeçare për mbrojtësin e majtë, i cili te Hakeni e kishte nisur si anësor i majtë ofensiv, pozicion që di ta bëjë mirë.

Välkommen till Malmö FF, Egzon Binaku! pic.twitter.com/tTzqsyYn7y

— Malmö FF (@Malmo_FF) December 20, 2017

“Binaku është një mbrojtës modern, i shpejtë, i zoti me këmbë dhe i mirë në lojën një-kundër-një”, thotë drejtori sportiv i Malmos Daniel Anderson, i cili është i bindur se te Malmo Binaku do të zhvillohet edhe më shumë, duke pasur si rival një emër me shumë eksperiencë si 33-vjeçari Behrang Safari, ish-mbrojtës i Bazelit dhe Anderlehtit, ndër të tjera.

Gjatë prezantimit në dhjetor të vitit të shkuar Binaku u shpreh: “Dua të fitoj trofe, ndaj zgjodha Malmon. Gjatë viteve të fundit kam mësuar të luaj në mbrojtje e në sulm dhe mendoj se cilësitë e mia sulmuese do të përshtaten mirë me lojën e Malmos”

Binaku ka luajtur një ndeshje në Kampionatin Europian U21 verën e shkuar, me fanellën e Suedisë, por tani ka zgjedhur Shqipërinë.