Biletat

Kombëtarja zbarkon në Paris, FSHF nxjerr në treg biletat

Sport Ekspres — Wed, 24 Jul 2019 11:37:32 +0000

FSHF ka njoftuar daljen në treg të biletave për takimin Francë – Shqipëri. Ndeshja e vlefshme për fazën kualifikuese të “Euro 2020”, do të zhvillohet më datë 7 shtator në stadiumin “Stade de France”, Paris.

Çmimi i biletës është 2500 lekë. Të gjithë të interesuarit mund të pajisen me bileta nëpërmjet blerjes online në faqen zyrtare të “FSHF”-së, ose në ambientet e dyqanit zyrtar të FSHF-së në rrugën “Themistokli Germenji”, Tiranë.

Vendet për tifozët shqiptarë janë në seksionet B5, B6, B7 dhe B8, të cilat ndodhen në pjesën jugore të stadiumit në tribunën e katit të parë.

Finalja me Karabakun, bileta Superioreje nga Partizani

Sport Ekspres — Wed, 03 Jul 2019 13:09:27 +0000

Partizani luan më 10 korrik ndeshjen e parë në Champions League kundër Karabak, ndërkohë që klubi i kuq ditën e sotme ka publikuar informacionet e nevojshme për shitjet e biletave, që do të nisin nga dita e premte në biletarinë pranë stadiumin “Selman Stërmasi”.

Çmimet janë normale, sikurse në kampionat. Kështu, në tribunën kryesore, një biletë kushton 1000 lekë, kurse në tribunat e tjera 300 lekë. Orari nuk është më i miri i mundshëm, pasi sfida luhet prej orës 17:30 dhe temperaturat janë në disfavor.

INFORMACION PËR ÇMIMET E BILETAVE

UEFA CHAMPIONS LEAGUE / TURI I PARË KUALIFIKUES
“SELMAN STËRMASI” – DATË 10 KORRIK, ORA 17:30

FK PARTIZANI – KARABAK FK

Biletat në Tribunat: A1, A2 dhe B1 , B2 – 1 000 Lekë
Biletat në Tribunat: C1,C2,D1,E,F,G1,G2,H1,H2 – 300 Lekë

Shitja: Biletat do të mund t’i siguroni nga dita e premte (5 Korrik), sipas këtyre orareve:
paradite 10:00 – 13:00; pasdite 17:00 – 20:00, biletaria te “Selman Stërmasi”

Derbi i titullit, Partizani publikon çmimet e biletave

Sport Ekspres — Tue, 07 May 2019 18:26:24 +0000

Klubi i Partizanit ka njoftuar tifozët mbi çmimet e biletave për përballjen derbi kundër Tiranës, takim ky që do të zhvillohet ditën e diel, ora 16:30.

“Demat” kanë mundësinë të shpallen kampion të Kategorisë Superiore pas 26 vitesh pritje dhe për këtë ky derbi merr një rëndësi akoma dhe më të veçantë.

Për të qenë të pranishëm në këtë ndeshje, tifozët e të dyja skuadra do të duhet të “kolliten” pak më shumë se në përballet e mëparshme.

Biletat për në tribunat A1 A2 DHE B1, B2 do kushtojnë 2500 lekë (të reja), ndërsa çdo tribunë tjetër do të ketë një çmim prej 500 lekësh (të reja). Shitja e biletave do të fillojë ditën e nesërme në biletarinë në stadiumin “Selman Stërmasi” nga ora 10:00 deri në 19:00.

Kundër Luftëtarit për “hakmarrje”, Partizani publikon çmimet e biletave

Sport Ekspres — Thu, 04 Apr 2019 16:54:29 +0000

Luftëtari dhe Partizani u ndeshën dy herë kundër njëra-tjetrës në takimet çerekfinale të Kupës së Shqipërisë dhe në të dyja sfidat, gjirokastritët triumfuan përballë “Demave”. Pas ndeshjes së dytë, Gega u shpreh se në kampionat do të jetë shumë më ndryshe.

Skuadrat do të përplasen sërish kundër njëra-tjetrës të shtunën në “Selman Stermasi” dhe klubi i Partizanit, me anë të një njoftimi në faqen e tyre në Facebook, ka publikuar çmimet e biletave për këtë sfidë.

“Ju njoftojmë se për këtë takim çmimet e biletave në Tribunat respektive të stadiumit “Selman Stërmasi” do te jenë:

Biletat në Tribunat: A1,A2 dhe B1,B2 do të kushtojnë 1000 Lek (të reja)
Biletat në Tribunat: C1,C2,D1,E,F,G1,G2,H1,H2 do të kushtojnë 300 Lek (të reja)
Tifozeria kuqe do të ketë në dispozicion Tribunat: A1,A2,B1,B2,C1,C2,D1,E,F,G1,G2
Tifozeria mike do të ketë në dispozicion Tribunat: H1,H2

Biletat do të mund ti siguroni nga dita e premte ora 9:00 në pikën e shitjes pranë stadiumit “Selman Stërmasi”

Junajtid “kopjon” Barcelonën, gjithçka për të ndihmuar tifozët

Sport Ekspres — Thu, 21 Mar 2019 11:25:54 +0000

Mançester Junajtid-Barcelona është një nga çiftet më interesante të çerekfinaleve të Champions Ligës. Spanjollët mbeten favoritë për të avancuar më tej, por “Djajtë e Kuq” të Solskjaerit nuk duhen nënvlerësuar kurrë. Ndeshja e parë do të zhvillohet në “Old Trafford” me datë 10 prill, ndërsa ajo e kthimit në Spanjë pas gjashtë ditësh.

Klubi katalanas ka vendosur të rrisë çmimin për tifozët anglezë që do të ndjekin ekipin e tyre në “Camp Nou”. Çmimi i zakonshëm është 75 sterlina, ndërsa drejtuesit e Barçës kanë marrë vendimin për ta rritur në 102 sterlina (120 euro).

Kjo është bileta më e shtrenjtë që do të paguhet në një kompeticion europian, pa llogaritur finalen e madhe. Mançester Junajtid ka vendosur të “kopjojë” homologët spanjollë. Tifozët që do të ndjekin Barçën në ishull duhet të paguajnë 102 sterlina për një biletë.

Klubi anglez ka vendosur të rrisë çmimin dhe diferenca e rritjes do ju dhurohet tifozëve të tyre, të cilët do të udhëtojnë drejt vendit iberik në mbështetje të ekipit të tyre të zemrës. Një gjest i bukur i klubit anglez, që vendos t’i lehtësojë sadopak tifozët e tyre.

Confirmation that United will charge Barca fans £102 – the insane price Barca are charging us – to subsidise our fans. pic.twitter.com/eBYSZsPjdG

— Oli Winton (@OliWinton) March 20, 2019

I gjithë stadiumi nën vëzhgim, “avullojnë” biletat e derbit

Sport Ekspres — Thu, 28 Feb 2019 18:15:33 +0000

Derbi i kryeqytetit po afron. Tirana dhe Partizani do të ndeshen të premten në sfidën më të rëndësishme të sezonit për të dyja skuadrat, që do të synojnë të mposhtin njëra-tjetrën. Rëndësia e sfidës dihet dhe nga dy tifozeritë, që priten të tejmbushin stadiumin “Selman Stermasi”.

Biletat po shiten në kohë rekord dhe kanë mbetur vetëm 1500 bileta në treg. Vazhdon me ritme të jashtëzakonshme shitja e tyre. Nga raportimet e fundit, mësohet se afro 1500 bileta në tribunat G dhe C kanë mbetur në tre.

Ndërkohë sot ka përfunduar edhe instalimi i sistemit të kamerave për monitorimin e gjithë impiantit të stadiumit, brenda dhe jashtë tij. Kompania e menaxhimit të sigurisë, BBS, do të hapë dyert e stadiumit në orës 16:00, për t’i dhënë mundësi tifozëve të akomodohen në sektorin ku kanë prerë biletën.

Parashikohet stadium i tejmbushur, ja çmimet e biletave të derbit

Sport Ekspres — Mon, 25 Feb 2019 17:39:12 +0000

Ditën e premte, në stadiumin “Selman Stermasi” do të zbresin dy skuadrat e kryeqytetit, Tirana dhe Partizani, derbi që ngre siparin e javës së 24-t në Kategorinë Superiore.

Ky do të jetë derbi i tretë këtë sezon dhe pritet të jetë më i ndjekuri, për shkak të formës fantastike që po kalojnë të dyja skuadrat. “Selman Stermasi” pritet të jetë i tejmbushur dhe cimet e biletave për derbin e kryeqytetit janë publikuar.

Një biletë në tribunat kryesore (A dhe B) do të kushtojë 2000 lekë (të reja), ndërsa në tribunat e tjera, çmimi do të jetë 400 lekë. Biletat kanë dalë në shitje, por fillimisht do të shiten vetëm ato për tribunat D, E, F dhe G. Ditën e mërkurë, do të ketë një njoftim të dytë për tribunat tjera. Faqja zyrtare e Tiranës në “Facebook” ka publikuar çmimet dhe informacionet që duhen të dinë tifozët.

Përfitimet nga biletat me Tiranën, Skënderbeu bën gjestin e madh

Sport Ekspres — Thu, 21 Feb 2019 14:23:50 +0000

Skënderbeu do të presë Tiranën ditën e premte në ndeshjen e vlefshme për javën e 23-të të Kategorisë Superiore, me të dyja skuadrat që vijnë në këtë sfidë pasi lanë pikë të rëndësishsme fundjavën që kaloi. Rëndësia e sfidës është shumë e madhe dhe pritet të ketë një numër të madh tifozësh në stadiumin “Skënderbeu” të Korçës.

https://www.facebook.com/blinibilet/photos/a.574123219624422/774023589634383/?type=3&theater

Sot, klubi korçar konfirmoi se të gjitha përfitimet nga shitjet e biletave do të shkojnë te familja e Dorian Tahirllari, futbollist i Skënderbeut U-17, i cili është diagnostikuar me tumor. Më poshtë, do të lexoni dhe njoftimin e bërë nga klubi i Skënderbeut:

Të dashur tifozë dhe sportdashës bardhekuq ju informojmë se të ardhurat nga ndeshja e radhës ndaj Tiranës, e cila do të zhvillohet nesër, ora 18:00 do të shkojnë për Dorianin. Dorian Tahirllari është 17 vjeç dhe pjesë e ekipit Under17. Doriani është diagnostikuar me Tumor në rruazat kurrizore dhe në stomak.

KF Skënderbeu ka vendosur që të gjitha të ardhurat e mbledhura nga biletat e ndeshjes ndaj Tiranës të shkojnë për kurimin e Dorianit. Nesër, një arsye më shumë për të qenë i pranishëm në mbështetje të ujqërve.

Skënderbeu mendon për tifozët, ul çmimin e biletave

Sport Ekspres — Wed, 20 Feb 2019 10:14:36 +0000

Skënderbeu-Tirana luhet të premten prej orës 18:00, ndërkohë që klubi korçar ka dalë me njoftim në lidhje me biletat e kësaj përballjeje. Ndryshe nga takimi i zhvilluar fazën e parë, këtë herë luhet me praninë e publikut. Sa i takon çmimit të biletave, ato variojnë nga 100 lekë në 1000 lekë. Ka një ulje të çmimit, përveç atyre në tribunën Gold.

NJOFTIMI – Ditën e premte, ora 18:00 në stadiumin ‘Skënderbeu’ luhet takimi i javës së 23-të ndaj KF Tirana. Ju njoftojmë se prej ditës së djeshme kanë dalë në shitje biletat e ndeshjes, të cilat mund t’i blini në pikat:
– Pika e shitjes (20 metra poshtë dyqanit Vodafone) pranë stadiumit
– Stadiumi ‘Skënderbeu’ (ditën e ndeshjes)

Çmimet e biletave janë si më poshtë:
-Tribuna Gold A & B – 1000 Lekë
-Tribuna A, B – 300 Lekë
-Tribuna C – 200 Lekë
-Tribuna E, D – 100 Lekë
-Tribuna (Miqtë) – 200 Lekë

Kamza-Kukësi, publikohen çmimet e biletave

Sport Ekspres — Sat, 24 Nov 2018 11:11:36 +0000

Kamza pret Kukësin nesër pres orës 14:00, ndërkohë që së fundmi janë publikuar edhe çmimet e biletave për tifozët që do të ndjekim nga stadiumi këtë përballje. Klubi verilindor ka dalë me një njoftim, teksa informon si më poshtë.

Informacion për çmimet e biletave, FK Kamza- FK Kukësi: Njoftojmë të gjithë tifozët e Futboll Klub Kukësit, si dhe sportdashësit në tërësi, se çmimet në tribunat respektive tek të cilat do të kenë mundësi të ndjekin ndeshjen e nesërme janë:

Tribuna B (B1 dhe B2) kushton 500 lekë (të reja)
Sektori i miqve kushton 200 lekë (të reja)
Biletat mund të blihen pranë pikës së shitjes në stadiumin e Kamzës

Miqësorja me Uellsin, FSHF nxjerr në shitje biletat

Sport Ekspres — Tue, 23 Oct 2018 11:45:48 +0000

Shqipëria ka programuar një ndeshje miqësore me Uellsin, që do të zhvillohet më 20 nëntor në stadiumin “Elbasan Arena”. FSHF ka njoftuar se nga sot kanë dalë në shitje biletat online, teksa çmimet variojnë nga 300 lekë të reja në 6000 lekë të reja.

NJOFTIMI I FEDERATËS – Federata Shqiptare e Futbollit njofton për të gjithë tifozët, se ka nisur shitja e biletave online për të gjitha kategoritë për ndeshjen miqësore, Shqipëri-Uells, e cila do të zhvillohet në datën 20 nëntor 2018, ora 20:00 në stadiumin “Elbasan Arena” Elbasan. Kjo përballje miqësore do të jetë pas ndeshjes zyrtare Shqipëri-Skoci e cila do të zhvillohet në Shkodër, më 17 nëntor.

Në faqen zyrtare të FSHF-së në ëebsitin e saj fshf.org në internet, në linkun përkatës: bileta.fshf.org, ka nisur shitja e biletave për secilën kategori të stadiumit. Më poshtë do të gjeni edhe listën e çmimeve:

Partizani-Luftëtari, ndarja e sektorëve dhe çmimet e biletave

Sport Ekspres — Wed, 17 Oct 2018 11:04:05 +0000

Partizani pret Luftëtarin të dielën dhe klubi së fundmi ka dalë me një njoftim në lidhje me biletat për ndeshjen me bluzinjtë. Sa i takon çmimit, në tribunën kryesorë për të ndjekur takimin do të kushtojë 10 mijë lekë të vjetra, kurse në tribunat e tjera kushton 3 mijë lekë të vjetra.

Shitja e biletave do të nisë nga dita e premte pres orës 11:00 deri në orën 19:00. Shitja do të bëhet në biletarinë pranë stadiumit “Selman Stërmasi”, por edhe në dyqanet e “Joma”, me adresë tek “ETC”-ja dhe te 9-katëshet.

ÇMIMET E BILETAVE
Biletat në Tribunat A1, A2 dhe B1 , B2 – 1 000 Lekë
Biletat në Tribunat C1,C2,D1,E,F,G1,G2,H1,H2 – 300 Lekë

NDARJA E SEKTORËVE
Tifozeria kuqe -Tribunat A1,A2,B1,B2,C1,C2,D1,E,F,G1,G2
Tifozeria mike – Tribunat H1,H2

Shitja e biletave në treg të zi, arrestime në Kosovë

Sport Ekspres — Fri, 12 Oct 2018 19:02:41 +0000

Në Kosovë e kanë gjetur mënyrën për të fituar para. Para ndeshjeve të përfaqësueseve, janë të shumtë ata që blejnë bileta dhe më pas i nxjerrin në shitje në treg të zi. Disa bëjnë njoftime online, të tjerë i shesin rrugëve.

Nisur nga kjo problematikë Policia e Kosovës nuk ka qëndruar duarkryq, teksa ka ndërhyrë dhe ka arrestuar në flagrancë 11 persona që ushtronin veprën penale të “Tregtisë së ndaluar.

“Mbrëmë, më 11.10.2018, në rr. “Enver Zymberi” Prishtinë, janë zënë në flagrancë 11 persona, duke shitur bileta në mënyrë të paligjshme për lojën futbollistike Kosova-Malta. Policia ka iniciuar 11 raste penale ndaj 11 meshkujve, K/Sh. Ata janë shoqëruar në Stacionin Qendra, pas intervistimit, në konsultim me prokurorin iniciohen rastet “Tregti e ndaluar” dhe mbeten të procedohen në mënyrë të rregullt”, është shprehur për lajmi.net Bajram Krasniqi, punonjës i zyrës së informimit në Policinë e Kosovës.

Miqësorja me Jordaninë, FSHF nxjerr në shitje biletat

Sport Ekspres — Wed, 19 Sep 2018 13:55:39 +0000

Shqipëria do të ketë mundësinë të luajë një ndeshje miqësore. Jordania është kundërshtari i kuqezinjve dhe përballja do të zhvillohet në Elbasan më 10 tetor prej orës 20:00. FSHF ndërkohë ka dalë me një njoftim në lidhje me biletat.

Momentalisht ka nisur shitja e tyre, por vetëm online. Më vonë do të ketë një njoftim të dytë për shitjen e tyre në biletari dhe në dyqanin zyrtar të Federatës. Online mund të blihen në këtë link: bileta.fshf.org

Debutimi i Ronaldos në Serinë A, çmenduri me biletat

Sport Ekspres — Thu, 02 Aug 2018 09:18:18 +0000

Serie A nis të shtunën dhe Juventusi përballjen e parë e zhvillon kundër Kievos në transferta. takimi që luhet prej orës 18:00 në stadiumin “Bentegodi” ka ngjallur interesim të lartë te tifozët, që kanë vërshuar për të blerë biletat e këtij takimi.

Sigurisht transferimi i Kristano Ronaldos ka zgjuar edhe më shumë interesimin e tifozëve. Çmimi i biletave nuk diskutohet që ka pësuar rritje, ndërkohë që në Itali shumica janë tifozëve të Juventusit dhe tanimë kanë një arsye më shumë për ta ndjekur.

Por jo vetëm ata, pasi edhe kundërshtarët do duan të shohin në fushën e blertë portugezin, i cili ka fituar pesë herë “Topin e Artë”. Sipas “Gazetta dello Sport”, biletat e ndeshjes Kievo-Juventus kanë dalë në shitje dhe brenda 10 minutave sistemi është bllokuar.

Në fund të ditës numri i biletave të shitura ka arritur në 12814. Kapaciteti i stadiumit të Kievos shkon në 39371 ulëse dhe shumë shpejt pritet që të shiten të gjitha biletat. Deri ditën e ndeshjes kanë mbetur 16 ditë, ndërkohë që ata që duan bileta duhet të nxitojnë, pasi zor të mbetet ndonjë pa shitur pas kësaj fundjave.