Bileta

Pasaportë në vend të biletës, Algjeria do me çdo kusht trofeun

Sport Ekspres — Thu, 18 Jul 2019 10:52:30 +0000

Algjeria ka shansin t’i japë fund pritjes 29-vjeçare për trofeun e Kupës së Kombeve të Afrikës. Ditën e nesërme kombëtarja magrebase do të ndeshet në finale me Senegalin, një kundështar me futbollistë elitare si Sadio Mane dhe Idrisa Gueje.

Shteti dhe Federata algjeriane po bëjnë të tyren për t’i ardhur në ndihmë tifozëve të skuadrës që duan të mbështesin kombëtaren në finalen e zhvilluar në stadiumin ndërkombëtar të Kairos në Egjipt.

Së fundmi është bërë i ditur lajmi që çdo fans algjerian që kërkon të shohë finalen nuk përse të blejë biletë. Hyrja do të jetë falas për të gjithë personat që tregojnë autoriteteve egjiptiane pasaportën algjeriane.

Fitimi i trofeut është kthyer në një detyre kombëtare për shtetin algjerian. Në gjysmëfinalen ndaj Nigerisë, vetë qeveria transportoi pa kërkuar asnjë qindarkë me qindra tifozë drejt Egjiptit duke përdorur pesë avionë të ushtrisë.

Teuta kërkon përmbysjen e madhe, publikohen çmimet e biletave

Sport Ekspres — Tue, 16 Jul 2019 13:54:58 +0000

Në Durrës nuk janë dorëzuar ende pavarësisht humbjes 3 – 0 në takimin e parë ndaj Estonezëve të Ventspils. Me anë të njoftimin në rrjetet sociale klubi i Teutës ka bërë të ditura çmimet e biletave për takimin e së enjten në “Niko Dovana”.

Për të ndjekur ekipin e tyre në ndeshjen e raundit të parë kualifikues të Europa League, tifozët durrsak kanë mundësi zgjedhje midis biletave 300 lekëshe për tribunat A dhe B dhe biletave 200 lekëshe për tribunat A1 dhe B1.

Shitja e biletave do të fillojë në orën 9:00 të së enjtes, ndërsa orari i ndeshjes është ora 17:00.

https://www.instagram.com/p/Bz-q_aCgrQG/?igshid=1g7lofc99yac8

Kukësi “mbyll” stadiumin, çmimi i biletës është skandaloz

Sport Ekspres — Tue, 26 Mar 2019 12:12:57 +0000

Klubi i Kukësit ka bërë të ditura çmimet e biletave për ndeshjen e së premtes kundër Partizanit, takim ky që do të zhvillohet në stadiumin e qytetit të Shkodrës, “Loro Boriçi”.

Ndoshta për të parën herë në një ndeshje të Kategorisë Superiore, bileta më e lirë është 1000 lekë (të reja), ndërkoha që çmimi biletave e Tribunës VIP dhe sektorëve A dhe B është 2000 lekë.

Çmimi nuk përkon me asnjë nga takimet e mëparshme që Kukësi ka zhvilluar në “Loro Boriçi” ose në impiante të tjera. Në një kampionat ku kemi një numër shumë të pakët tifozësh në stadiume, kjo lëvizje e klubit verilindor nuk mund të anashkalohet si hiçgjë.

E padëgjuar, klubi anglez ia merr mbrapsht biletën një tifozi

Sport Ekspres — Mon, 11 Mar 2019 08:06:37 +0000

Futbolli anglez ka tifozë të panumërt dhe jo vetëm në Premier Ligë, por dhe në ligat inderiore, interesimi është i madh. Ajo çfarë ka ndodhur sot është me të vërtetë diçka shumë qesharake, por dhe e padëgjuar më parë.

Një tifoz anglez bleu një biletë për në ndeshjen mes Lids Junajtid dhe Bristol Siti, e vlefshme për Championship. Por vetëm disa orë më pas, i ka ardhur njoftimi se kjo biletë është e pavlefshme dhe do t’i rimbursohen lekët.

Vetë tifozi tha për mediat angleze: “Nuk e kuptoj se pse më është anuluar bileta. Unë jam tifoz i Bristol Sitit, por dhe Lids Junajtid është një skuadër që e kam shumë përzemër, pasi jam rritur pranë stadiumit të tyre. Bileta ime ishte te fansat e Bristol, aty ku më takonte, por klubi më njoftoi që është e pavlefshme”, tha tifozi.

Risia unike nga klubi suedez, tifozët mund të blejnë biletën e… përjetshme!

Sport Ekspres — Fri, 14 Dec 2018 21:08:31 +0000

Klubi kampion i Suedisë AIK është i pari në botë që ofron një biletë të përjetshme. Çmimi është mjaft i kripur, 190000 krona suedeze, ose 18.500 euro. Kosto tepër e lartë bëri që shumë vetë të tallen me këtë risi të çuditshme. Por, një muaj pas hedhjes në treg erdhi blerësi i parë.

Magnus Kak, një tifoz 43-vjeçar është blerësi i parë i një bilete të përjetshme. I pyetur se përse pranoi të harxhonte këtë shumë kaq të madhe, ai u justifikua me faktin se falë kësaj bilete ai është pjesë e historisë së klubit.

“Shumë vetë mendojnë që jam i çmendur, por për mua është diçka mjaft e rëndësishme që të bëhem pjesë e historisë së klubit që unë mbështes”, tha 43-vjeçari në një intervistë për medien suedeze “SVT Sport”.

Drejtori i klubit të AIK e ka pranuar haptazi se bileta e përjetshme nuk është aspak në leverdi të tifozëve, por ata pak persona që kanë mundësi dhe dëshirojnë të ndihmojnë klubin mund ta blejnë si një formë donacioni.

Derbi i Milanos vendos një rekord të ri, Interi ndan lajmin me tifozët

Sport Ekspres — Sun, 21 Oct 2018 15:17:26 +0000

Derbi i Madoninës vazhdon të thyejë rekorde. Klubi i Interit, që është dhe organizatori i ndeshjes së sotme ka lajmëruar se për duelin e sotëm është vendosur një rekord i ri për sa i përket të ardhurave nga shitjet e biletave të stadiumit.

“Me 78725 spektatorë, Inter – Milan nuk ka më bileta për t’u shitur. Janë arkëtuar 5 milionë Euro, një rekordi i ri për derbin e Milanos. Ju faleminderit”, shkruhej në postimin e klubit zikaltër në rrjetin social “Twitter”.

Ndeshja do të fillojë sot në mbrëmje në orën 20:30. Të dyja skuadrat janë në një moment të mirë dhe pritet që në fushë të shikojmë spektaklin që e ka shoqëruar këtë përballje për dekada me radhë.

Con 78.725 spettatori #InterMilan è soldout! Incasso di oltre 5 milioni di Euro, nuovo record per il #DerbyMilano. Grazie #InterFans! ???#ForzaInter #InterMadeOfMilano #InterIsHere

— Inter (@Inter) October 21, 2018

Pasioni s’njeh kufij, interistët kapin shifrën rekord ndaj Torinos

Sport Ekspres — Wed, 22 Aug 2018 11:57:32 +0000

Interi i Luçiano Spaletit nuk debutoi siç pritej në Serie A. Por, kampionati sapo ka filluar dhe këtë të diel zikaltrit do të kthehen në “San Siro”, ku presin Torinon e drejtuar nga “ish”-i Mazarri. Disfata ndaj Sasuolos nuk ka shuar pasionin e tifozëve interistë, pasi në mbrëmjen e të dielës pritet të shënohet rekordi i javës në Itali.

Plot 60000 tifozë do ndjekin ndeshjen midis Interit dhe klubit “granata”. Shifër kjo rekord për këtë sezon të Seria A. Përveç 37000 abonentëve sezonalë (më e larta në Itali), në biletaritë online dhe ato fizike janë shitur 23000 bileta dhe ky numër pritet të rritet.

Kjo mbështetje kaq e madhe duhet të shoqërohet me një performancë bindëse nga ane e djemve të Spaletit. Por ndaj Torinos nuk do të jetë dhe aq e thjeshtë. Në ndeshjen ndaj Romës, ekipi i Mazarrit dha një paraqitje mjaft të mirë, dhe vetëm “perla” e Edin Xhekos në limite ia mohoi barazimin.

“Mania CR7”, Udineze trefishon çmimet e biletave

Sport Ekspres — Wed, 22 Aug 2018 07:57:44 +0000

Juventusi do të udhëtojë drejt Udines më datë 7 tetor, por kjo nuk ka ndalur klubin friulan të bëjë publike çmimet e biletave që tani. Ndryshe nga herët e tjera, çmimi biletave për ndeshjen ndaj kampionëve të Italisë është shumë i lartë se sa i përballjes së një viti më pari.

Gjithçka lidhet me Kristiano Ronaldon. I gjithë futbolli Italian është mbërthyer nga “ethet” e CR7-ës dhe drejtuesit e klubeve po mundohen ta shfrytëzojnë në maksimum këtë efekt që ka futbollisti portugez te tifozët.

Biletat për sfidën e 7 tetorit janë trefishuar. Biletat e tribunave anësore kanë shkuar nga 60 euro në 140 euro, ndërsa ato më të lirat mbrapa porte nga 25 euro në 45 euro. Pavarësisht, rritjes së çmimit është e sigurt që “Dacia Arena” do të jetë e mbushur plot, pasi në stadium nuk do të vijnë vetëm tifozë të Udinezes, por edhe shumë fansa të pesë herë fituesit të topit të artë.