Si të mos mjaftonin të gjitha këto, në minutën e 76-të ishte Lukas Paketa, i cili u ndëshkua me karton të kuq, si pasojë e protestave ndaj arbitrit Di Belo. Mesfusha e Milanit duket e zbrazur dhe alternativat nuk janë të shumta për Gatuzon.

Fundjavën e ardhshme, “Djalli” duhet të udhëtojë në Firence, ku e pret Fiorentina e Montelas, një transfertë mjaft delikate. Bilja dhe Calhanoglu duken një mungesë e sigurt, po ashtu si Paketa që është i padiskutueshëm.

Tashmë, pritet të shihet se si do të shkojë çështja “Bakajoko”, pasi në rast se francezi pezullohet nga klubi, do të mbetej vetëm Frenk Kesi si mesfushor. Hose Mauri është një alternativë, ndërsa mesfushori tjetër mbetet të zgjidhet një mes Bertolaçit ose Montolivos. Gatuzo dhe Milani duken në hall…

Sipas asaj që shkruan edhe “Tutto Sport”, janë pesë lojtarë të cilët janë me një këmbë të larguar. Timue Bakajoko është emri i parë, me francezin që pas çështjes së fundit, ku u vonua në stërvitje, është kthyer në një të “padëshiruar”.
Drejtuesit nga Milano mendojnë se 35 milionë eurot që kërkon Çelsi janë shumë tashmë dhe sipas gjasave mesfushori do të kthehet në Angli. Emri i dytë është Xhakomo Bonaventura, i cili vuan një dëmtim të rëndë dhe mendohet të kthehet për sezonin e ardhshëm.
Gjithsesi, kontrata e mesfushorit skadon në fundin e sezonit të ardhshëm dhe drejtuesit kuqezinj nuk duan të nxitohen për sa i përket një rinovimi, pasi ndoshta “Xhek” nuk është më i njëjti pas dëmtimit.
Për të kaluar te treshja që ndoshta ngroh stolin më shumë se kushdo tjetër. Rikardo Montolivo, Andrea Bertolaçi dhe Hoze Mauri. Që të tre lojtarët do të largohen në fund të këtij sezoni, me largimet në mesin e fushës që shkojnë në numrin pesë.
Për momentin të vetmit lojtarë që duken të paprekshëm në mesfushë janë Frenk Kesi dhe Lukas Bilja, i cili pritet të rinovojë kontratën, pasi i skadon fundin e sezonit të ardhshëm.

Një ndër futbollistët që pritet të largohet në verë është mesfushori Lukas Bilia. Arsyeja nuk është sherri me shokun e ekipit Frenk Kesie, por natyrisht ehete thyer diçka dhe ndonëse Bilia nuk pati faj, Milani nuk mund t’i mbajë në ekip të dy sherrxhinjtë. Kesie ka në favor moshën e re, por edhe faktin që për momentin asnjë klub nuk ofron 40 milionë euro e lart.

Agjenti i argjentinasit, Enco Montepaone, po kërkon klub të ri për klientin e vet dhe tashmë del hapur.

“Lukas është mirë, në humor dhe po punon shumë për të gjetur formën më të mirë fizike. Është i përqendruar vetëm te kualifikimi për në Champions League.

“Kesie? Gjithçka është sqaruar. Ka pasur shumë rrëmujë rreth kësaj historie, por janë gjëra që ndodhin. Në ndeshje si derbi, me kaq shumë tension, ka nervozizëm dhe rëndësi ka që gjithçka të sqarohet më pas.

“E ardhmja? Lukas ka në mendje vetëm Milanin dhe dëshiron ta mbyllë sa më mirë sezonin. Javën e ardhshme do flas me klubin, për të kuptuar planet e së ardhmes. Kemi marrë një ofertë të rëndësishme nga një klub i madh francez, nuk e them dot emrin. Ka edhe oferta të tjera, por Lukas dëshiron të vijojë me Milanin.

“Boka Zhuniors? Po, e kërkon, por u kma thënë që të presim fundin e kampionatit dhe më pas shohim. Është hera e dytë në 5 vitet e fundit që Boka kërkon Lukas, por për momentin nuk besoj se mund të kthehet në Argjentinë” .

Gjithsesi, në fundin e ndeshjes, të dy lojtarët dolën së bashku duke folur për mediat, ku shpjeguan se çdo gjë ishte lënë pas. Sidoqoftë, klubi i Milanit nuk e ka kaluar dhe aq lehtë këtë situatë dhe ditën e sotme ka zhvilluar një takim mes Lukas Biljas dhe agjentit të Kesit, pasi ky i fundit është me kombëtaren.

Në fund të takimit, drejtuesit kuqezinj kanë bërë me dijë që i kanë vendosur gjobë secilit prej lojtarëve, duke shpresuar në mospërsëritjen e gjesteve të tilla të shëmtuara.

? #UltimOra #Milan
Convocati a Casa Milan #Biglia e l’agente di #Kessié
Multa per entrambi i giocatori#SkySport

— Sky Sport (@SkySport) March 21, 2019

Ekipet e nisën kujdesshëm takimin, me Kievon që mbrohej duke pritur momentin dhe Milanin që nuk kërkonte të kalonte në aventurë që në fillim. Në minutën e 31-të erdhi dhe goli i parë i mbrëmjes, ku Lukas Bilja shënoi një perlë të vërtetë nga goditja e dënimit.

Vendasit e Kievos arritën të reagonin menjëherë, teksa vetëm 10 minuta më vonë, ishte Përparim Hetemaj, i cili vuri baraspeshën, duke çuar skuadrat drejt dhomave të zhveshjes në paqe, me shifrat 1-1.

Në fraksionin e dytë, Milani e nisi më ndryshe dhe në minutën e 57-të arriti të gjente përsëri avantazhin. Ishte i zakonshmi Piatek, i cili shfrytëzoi në maksimum një top të dhënë nga Samu Kastijeho për të mposhtur Sorrentinon. Gjithsesi, goli u kontestua jo pak, pasi pretendohej që Piatek kishte shkaktuar faull më parë.

Më pas, deri në fund nuk ndryshoi asgjë, me Milanin që mori tre pikë të arta, duke shkuar kështu në kuotën e 51 pikëve, pesë më pak se Napoli i vendit të tretë. Kievo nga ana tjetër, është thuajse e rënë në Serie B tashmë, pasi numëron vetëm 10 pikë në vendin e fundit.

Serie A | Java 27
Kievo – Milan 1-2
Shënues: Hetemaj 41’ / Bilja 31’, Piatek 57’

“Gjatë kësaj kohe që pushova, u mora shumë me veten dhe rregullova problemin muskulor që kisha. Besoj se ky do të jetë sezon shumë i mirë për mua. Vitin e shkuar nuk isha në lartësinë e duhur dhe isha i pari që mbeta i zhgënjyer që nuk u tregova në lartësinë e duhur.

Milani e nis ezonin e ri me pronarë të rinj: “Cilësia ekziston, tani duhet punë me Gatuzon, që edhe vjet tregoi vlerat e tij. Do të ketë të gjithë kohën e duhur për të përgatitur sezonin. Unë dua ta harroj sezonin e shkuar dhe dua të jap kontribut të madh për këtë klub të jashtëzakonshëm”.

Argjentinasi përcakton objektivat: “Së pari, Champions League, ai është synimi madhor, por kur luan për një klub si Milani duhet të synosh gjithnjë më lart dhe këtu e kam fjalën për titullin. Nuk është e lehtë, rivalet po forcohen shumë, por do ta provojmë. Jemi Milani dhe e kemi detyrim të mos i vendosim limite vetes”.

Një tifoz i kërkoi një batutë si kuqezi dhe Bilia, duke mos e pasur mendjen, përsëriti francën që ka vite që e thotë: “Forca Lacio”.

Të gjithë të habitur, edhe vetë mesfushori e kuptoi gafën, duke buzëqeshur i sikletosur, ndërsa tifozët nisën ta ngacmonin (“Lukas, e nise ters, ë?”, edhe pse vazhduan të bënin foto e të merrnin autografe. Nëse shkëlqen në fushë, nuk i intereson askujt një gabim i tillë.

Mesfushori argjentinas Lukas Bilia është nisur për në Milano, duke u larguar nga vendgrumbullimi i Lacios për fazën përgatitore.

Për mediat, Bilia zyrtarizoi transferimin te Milani: “Falënderoj tifozët dhe Lacion, më kanë trajntuar gjithmonë mirë. Milani është një zgjedhje sportive, arsyeja më përket mua dhe nuk dua ta them. Nuk kam thënë kurrë që tifozët ishin një problem për mua”.

Do të jetë përforcimi i nëntë për Milanin, me Lacion që do të marrë në total 20 milionë euro (17 milionë plus 3 bonus).

Mesfushori i Lacios dhe Argjentinës, Lukas Bilia, është një hsp larg transferimit te Milani. Tashmë 31 vjeç, Bilia kërkon të provojë një aventurë të re, ndërsa Milani i ofron 2.5 milionë euro në sezon për 3 vjet, plus 500 mijë euro në vit sapo të kapë numrin 25 të ndeshjeve.

Bilia është gati, tashmë pritet marrëveshja me Lacion, siç e konfirmon vetë Igli Tare, drejtori sportiv i klubit kryeqytetas: “Bilia ka dhënë gjithçka për Lacion në 4 vite me ne, ndaj nuk i mbajmë mëri. Janë zgjedhje jete, i respektojmë. Tani duhet gjetur marrëveshja mes klubeve, por jemi pranë”.