Prenga ish-sulmuesi i Partizanit dhe Dosti “sh-sulmues i Laçit kanë bërë një bisedë në prag të takimit. Vlen për t’u përmendur që një vit më parë Bensik Prenga ishte trajneri i Laçit në kualifikueset e Europa League, ku kurbinasit befasuan duke eliminuar qipriotët e Anorthosis Famagusta pas fitores 1 – 0 në Shqipëri.

Prenga fillimisht flet për punën e tij në klubin kroat: “Punoj te Lokomotiva si skauti kryesor, mbuloj sektorin fëmijëve dhe ekipin parë. Ka dy vite që i jemi futur një projekti për të afruar çuna të rinj tek ekipi i parë. Te Lokomotitiva kam sjellë 7 lojtarë nga Shqipëria, të gjithë lojtarë cilësorë. Mendojmë se kemi bërë një punë shumë të mirë, klubi është i kënaqur. Elementi është, lojtarët shqiptarë janë me shumë gjak dhe të zhdërvjellët, ndoshta nuk jemi shumë punëtorë si ata”.

I pyetur mbi diferencat mbi punën me të rinjtë, Prenga shton: “Diferenca është e madhe, në Kroaci ka vazhdimësi. Në Shqipëri kohët e fundit kanë nisur të investohet në fusha, bëhet një rritje në infrastrukturë. Kam parë të rinj që me shumë pasion ndjekin ndjekin stërvitjet e klubeve të para dhe investojnë tek vetja. Besoj në Shqipëri për 3-4 vjet do japë frytet e veta”.

Këtë sezon provoi Superioren dhe flet edhe për futbollin tonë: “Ekipet shqiptare janë më pak objektivë, janë 5-6 ekipe ose më shumë që pretendojnë, ose mendojnë që e kanë ekipin për të dalë kampionë apo për të kapur Europën. Presidentët mbajnë gjithmonë afër vetes njerëz që të thonë atë që ti ke qejf të dëgjosh dhe nuk tregojnë të vërtetën. Asnjë nuk ka plane afatgjatë, përveç Skënderbeut që u tregoi të gjithëve se si duhet të punojnë dhe funksionojnë. Për mënyrën se si u drejtua Partizani kohët e fundit, kam shpresë që është në hapat e duhur”.

Në fund dy fjalë edhe për të ardhmen: “E shoh veten trajner. Kjo punë, si skaut, më dha mundësinë që të kisha mundësi për vete, pasi kisha 12 vite që punoja rregullisht pa asnjë ditë pushim. Jo se ndjehesha i lodhur, por edhe për të investuar për veten, për të parë stërvitje edhe të trajnerëve të tjerë”.

Nisur nga kjo situatë e krijuar, Gentian Stojku pas vetëm dy javësh e mbylli aventurën e tij te skuadra periferike e kryeqytetit dhe nisi punë në krye të Apolonisë. Fierakët larguan Rade Miliç dhe i besuan pankinën elbasanasit, që këtë sezon e kishte nisur në krye të Erzenit.

I radhës që e mbylli ishte Besnik Prenga. Trajneri me origjinë nga Mirdita, pas humbjes 3-0 që Laçi pësoi në Kupë me Tiranën, u shtrëngoi duart futbollistëve. “Nuk ju motivoj dot, iki për të mirën e ekipit”, thoshte ish-sulmuesi i Partizanit, që u pasua te bardhezinjtë nga një tjetër i kuq, Sulejman Starova.

Më pas ishte momenti për të pasur lëvizje te Vllaznia dhe Kukësi, madje në një ditë. Verilindorët njoftuan shkarkimin e Armando Cungut. Ramadan Ndreu ishte zgjidhja momentale dhe trajneri krutan nis një eksperiencë të re. Nga Shkodra erdhi lajmi tjetër. “Jam i detyruar të iki në SHBA, i falënderoj të gjithë te Vllaznia”, thoshte Hasan Lika për SportEkspres.com. Tekniku kryeqytetas u largua duke shtrënguar duart me drejtuesit e kuqbluve.

Ky muaj mori edhe “kokën” e Kristian Panuçit. Tekniku italian u shkarkua nga FSHF pas humbjes me Turqinë, duke e çuar në gjashtë numrin e trajnerëve të larguar nga vendi ynë. A do ketë më lëvizje gjatë marsit? Duhet pritur, zhvillohen edhe katër ndeshje në fundjavë, çfarë nuk ndodh!

NDESHJA – “Nuk mendoj se e kisha përgatitur ndeshjen për të pritur Tiranën. Nuk është problemi te taktikat, por kemi kohë që nuk luajmë futboll. Deri më sot nuk kemi pësuar humbje të tilla, pasi kemi bërë diçka, kemi luftuar për topin e parë. Sot nuk bëmë asgjë. Dua të uroj Tiranën dhe shpresoj që ta fitoje Kupën. Nuk duhet të gënjejmë veten, pasi luajtëm kundër një ekipi shumë më të mirë te në. Ka 4-5 javë që po shpëtojmë kot. Fituam kundër Partizanit, që as unë vetë nuk e di si fituam. Ndeshja u fitua nga Tirana me shumë meritë”.

KUALIFIKIMI – “Unë me sportivitet nuk dorëzohem, ne jemi sportistë. Megjithatë, nëse nuk luajmë, nëse nuk vrapojmë, jemi shumë larg. Sot u dukëm si një ekip veteranësh, nuk e kuptoja. Sot nuk bëhej fjalë as për taktikë, as për hapje, lëvizje, organizim. Ne thjesht presim që minutat të kalojnë”.

SITUATA – “Unë kam një kohë të gjatë këtu dhe ndeshjet e dobëta që kemi bërë nuk janë vënë shumë re, pasi kanë gabuar dhe kundërshtarët. Ne kemi bërë vetëm 2-3 ndeshje të mira, ndeshjet tjera janë “luftë” dhe jo ndeshje futbolli. Nuk e dimë çfarë duhet të bëjmë dhe pas ndeshjes nuk e dimë çfarë kemi bërë. Përgjegjësia është e imja, pasi po punoj prej një kohe shumë të gjatë. Në janar, duhet të bënim zgjedhja më të mira. Jo vetëm që nuk e kemi përforcuar ekipin, por e kemi dobësuar. Këtë humbje e meritonim me kohë”.

LOJTARËT – “Siç jam kritik sa i takon ndeshjes, ashtu jam dhe në stërvitje. Këta janë çuna të mrekullueshëm që të dëgjojnë, por tjetër gjë është stërvitja, tjetër gjë është ndeshja. Dikush duhet të bëjë diçka më shumë se të tjerët dhe ne jemi munduar të gjejmë kush është ai, por momentalisht ne nuk jemi ekip që të luajmë në sulm. Kjo është gjendja jonë, ndaj është shumë e rëndësishme që të gjithë ne ta kuptojmë që duhet të nxjerrim jo vetëm djersë, por dhe gjak që të jemi të suksesshëm”.

VAZHDIMËSIA – “Unë jo më kot i kam rënë këmbanave para shtatë javëve. Duhet të bëjmë të pamundurën që të bëjmë diçka. Kemi që nga janari që po përpiqemi që të ndryshojmë diçka, por nuk ia kam arritur qëllimit. Edhe ndeshjet që i kemi fituar, nuk kanë qenë ndeshje që na kanë kënaqur. I pari që kam dështuar kam qenë unë. Kupa ishte diçka që mund të na kënaqte, por dhe këtu dështuam. Nesër duhet të mblidhemi të gjithë bashkë dhe të vihemi në shërbim të klubit”, u shpreh Prenga.

Besnik Prenga ka folur pas ndeshjes në emisionin “Gol pas Goli” në “Supersport”, aty ku analizon duelin kundër ekipit krutan. Trajneri i Laçit nuk e fsheh mërzitjen e tij për lojën e ekipit, ndërsa vlerëson kundërshtarin për pikën e fituar.

NDESHJA – “Nuk mund të them se jam i kënaqur. Ne e filluam lojën ashtu siç donim dhe shënuam shpejt. Por në vend që të ishim më të rrezikshëm, ai gol na vuri në gjumë. Pjesën e parë e kontrolluam, por nuk ishim të rrezikshëm. Bëmë një gabim të madh që nuk e mbyllëm ndeshjen. Ishte një derbi dhe sfida u luftua nga të dyja palët. Ekipi i Krujës dha maksimumin dhe na vuri në vështirësi me topa të gjatë dhe me goditje standartee. Megjithatë, unë them të vazhdojmë me lojën tonë. Jam i pakënaqur me mënyrën se si luajtëm futboll sot.”

SULMI – “Ne jemi të brishtë në sulm, por megjithatë kemi mundësitë tona. Momentalisht, jemi të penalizuar, pasi sulmuesi më i mirë është i dëmtuar. Duhet të gjejmë një sulmues tjetër. Megjithatë, po nuk krijuam lojë, është e kotë t’ia vejmë fajin sulmuesve. Ishte një pikë e lodhur dhe nuk ka rëndësi tabela. Kundërshtari luftoi fort dhe e meritoi pikën.”

AGRESIVITETI – “Atë që treguam ne ndeshjen e kaluar, e tregoi Kruja sot. Ishte më agresive dhe tregoi se si luftohet për mbijetese. Doja t’i uroja Kastriotit fat dhe suksese dhe shpresoj të qëndrojë në Superiore.”

TAKTIKA – “Është e thjeshtë të flasësh për rreshtimet në fushë. Kemi marrë tri pikë edhe me tre në mbrojtje. Mbrojtja me 3 dhe me 5 na jep më shumë siguri. Megjithatë, loja sulmuese, por dhe sulmuesit, duhet të marrin më shumë iniciativë. Nuk po gjejmë një sulmues qendre që ta marrë ekipin para. Duhet të punojmë më shumë që të ndërtojmë aksione.”

MANE – “Janë dy blerje që po mundohen të kapin ekipin. Megjithatë, janë shumë prapa dhe nuk e kanë fituar besimin tim. Po të më tregojnë se janë të gatshëm, unë do i aktivizojë me gjithë qejf.”

“Luajmë përballë ekipin më të mirë në Shqipëri si nga tradita dhe nga rezultatet e tanishme. Ndeshjes nuk i dihet. Ne mund të bëjmë lojëra të mira. Pavarësisht ndeshjes së fundit Partizani e di se ku po vjen”.

“Ne që nga dita e parë kemi punuar për të dhënë më të mirën. Më shqetëson më shumë fakti që nuk po luajmë mirë se sa dy humbjet. Ekipi duhet të luajë futboll”, përfundoi Prenga.

SULMI – “Që në fillim e dinim që kemi probleme me sulmin, nuk them që kemi gabuar në merkato, por pritëm shumë. Bëmë blerje sa për të bërë blerje. Kemi probleme në sulm, por dua të uroj Skënderbeun për fitoren. Nuk ishte një ndeshje me shumë cilësi, por me dëshirë për të luajtur.

“Ne gabuam në mesfushë, aty ku është reparti ynë më i fortë. Por nuk na mbetet gjë tjetër, veçse të stërvitemi dhe të bëjmë më mirë. Mua më shqetëson ecuria e ekipit. Në 4-5 ndeshje, ndërrohen trajnerë dhe loja nuk është aty ku duhet. Mendojmë se kemi bërë diçka, por nuk kemi bërë asgjë. Ne ishim pa gjak, nuk fituam duele, Skënderbeu i fitoi të gjitha dhe na tregoi si luhet futboll dhe kush kishte dëshirë për të fituar. Ne ishim të përgjumur dhe nuk treguam asgjë. Prandaj, që nesër t’i futemi stërvitjes dhe të kthehemi te rezultatet pozitive që tifozët tanë i presin. Ne jemi të shqetësuar me këto dy ndeshje shumë negative dhe ne si Laç, nuk na pranohen”.

EUROPA – “Skuadrat janë aty-aty dhe këtë gjë e tregoi dhe Skënderbeu. Ne e filluam ndeshjen mirë, por me kalimin e minutave e humbëm ritmin dhe pësuam rënie. Ky është futbolli dhe po nuk dhe maksimumin, nuk merr asnjë gjë.

ECURIA – Ecuria e ekipit është e tillë: Erdhi një trajner, fitoi ndeshjet e para, më pas u shkarkua. Më pas erdhi dikush tjetër, e njëjta situatë. Por unë nuk thashë një gjë të tillë, por thjesht doja të thosha që ndërrimi i trajnerëve tregon se nuk ka ecuri dhe qëndrueshmëri në klub.”

LOJTARËT – “Nuk u morën sa për të thënë, por dolën sa për të thënë. Secili ka CV-në e vet dhe i kemi ndjekur. Ndoshta kemi bërë gabime, pasi me lojtarët me ngjyrë është gjithmonë problem. Kanë probleme me vizat, kanë dy muaj pa stërvitje. Ne nuk jemi ekip që të fusim në lojë dy lojtarë të papërgatitur. Ne jemi ekip që nuk kemi 20 lojtarë në dispozicion, por vetëm 12-13. Ky është problemi”.

IDENTITETI – “Po ta shikosh, që në ndeshjen e parë në Europë që kam ardhur, nuk jam trajner që bëj shumë zëvendësime. Unë e kam mbyllur ndeshjen me 11 lojtarë, me 12. Minutat i jap me vështirësi dhe kam pasur probleme me sulmin., 4-4-2 mendoj se jemi të vetmit që përpiqemi ta luajmë, ndërsa që në momentin kur kam ardhur, kam pasur shumë probleme me mungesat e lojtarëve. Berisha ka qenë mungesë e madhe, edhe lojtarët me ngjyrë që erdhën në janar janë një problem i madh. Jam “kurnac” me ndërrimet, jo se kam dashur t’i bëj, por kam qenë i detyruar. Edhe sot, kam qenë i detyruar të bëj zëvendësime, jo se kam dashur”,- u shpreh Prenga.

TË RINJTË – “Nuk mendoj se ne ishim në gjumë. E përgatitëm ndeshjen ashtu siç menduam se do t’ia dilnim. Por e kam thënë dhe më përpara që kemi shumë çuna të rinj në skuadër dhe jo çdo gjë shkon ashtu siç mendojmë. Lojtarët u përpoqëm aq sa kishin mundësi, por kur je lojtar i ri, loja ka luhatje”.

REZULTATI – “Të shpresojmë që ky rezultat të jetë vetëm si pasojë e një ditë të brishtë. Megjithatë, ne jemi skuadër që shënojmë pak. Berisha, 19-vjeç, nuk ishte në gjendje të luante, pasi u dëmtua ditën e fundit. Ne kemi pritur me kohë sulmues dhe me ardhjen e tyre shpresoj të jemi më mirë. Duhet të ishim të qetë, por goli që në fillim na dëmtoi shumë”.

MUNGESA E RASTEVE – “Në sport, ka dhe ditë të tilla dhe ndeshjet fitohen, humben dhe mbyllen në barazim. Ne ishim të vendosur mirë, por nuk krijuam asnjë rast për të shënuar. Ndoshta kushtet, era, fusha dhe kundërshtari që dha maksimumin ndikuan në rezultat. Këto rezultate i kanë kaluar të gjithë dhe do t’i kalojmë edhe ne”.

Jon Mersinaj, 19 vjeç, titullar në sezonin e parë në Superiore. Fangaj nuk ka shumë që ka mbushur 21 vjeç, Çokaj në mesfushë është 19, kurse Jonuzi e Lushkja janë veteranët e këtij reparti. Gjithsesi ende as ata nuk i kanë kapur të 23-tat. Berisha, Smaçi, Xhixha, Bushi dhe Prengaj janë të gjithë under U21. Kundër Kukësit gjashtë prej këtyre të rinjve ishin titullarë, me Selmanin hero në portë.

Trajneri Besnik Prenga pas ndeshjes kishte vetëm fjalë të mira: “Xhixha, Berisha dhe Çokaj kanë punuar shumë gjatë fazës përgatitore dhe i kanë merituar minutat e veta. Jam shumë i kënaqur nga paraqitja që bëri Çokaj. Ai tregoi ato cilësi që ka. Po të mos besoja te cilësitë e tij, nuk e merrja. Këtu ai po punon shumë mirë dhe po vazhdoi kështu e ka një të ardhme të sigurt përpara”.

Laçi pret dy sulmues afrikanë, por trajneri i kurbinasve është i qartë në ato çka thotë: “E kam thënë edhe më parë që nuk duam të bëjmë merkato se duhet bërë. Ekipin e kemi me plot çuna të rinj, të cilët kanë nevojë për minuta dhe përkrahje. Edhe ardhja e lojtarëve të tjerë me vonesë, ka një të mirë: çunat e rinj deri atëherë do të marrin minuta, do përpiqen të përballojnë kampionatin. Lojtarët që vijnë do të luajnë vetëm nëse janë më cilësorë. Ne nuk dorëzohemi dhe do të japim maksimumin deri në fund të kampionatit, me djem të rinj do vazhdojmë përpara. Të jeni të sigurt që do jemi një skuadër me ekuilibër, që jo vetëm di të luftojë, por edhe di të kontrollojë dhe të menaxhojë edhe ndeshjet”.

“Ekip me të rinj, a është Laçi një shembull për kampionatin? Nuk di çfarë të them, nuk jam unë për t’u dhënë mend presidentëve ose klubeve këtu. Të gjithë kanë mendjen e vet. Megjithatë unë flas si trajner. E di që është kënaqësi e madhe të punosh me djem të rinj dhe këtë luks që e kam unë, trajnerët e tjerë nuk e kanë. Kjo sa i përket stërvitjes, disiplinës, rregullave dhe dëshirës. Sigurisht, kush ka objektiva duhet të ketë edhe lojtarë me eksperiencë.  Ata dinë si të fitojnë, të vendosin ndeshjet. Në shohim punën tonë dhe do vazhdojmë t’u japim mundësinë të rinjve të rriten nëpërmjet ndeshjeve”, shtoi Prenga, i cili la Kroacinë për të vijuar karrierën si trajner në Shqipëri.

I ngacmuar në fund nëse ishte një “asist” për Partizanin ndalimi i Kukësit, tekniku mirditor i kurbinasve nuk ta jep mundësinë për të hapur diskutime të tjera. Laçi është mendimi i tij i vetëm dhe i intereson më së shumti ecuria e skuadrës së tij.

“Unë mendova vetëm për veten, jo për Partizanin. Ai ka punën e vet, ka hesapin e vet. Ne kemi hesapet tona. Nuk e fsheh që unë kam qenë lojtar i Partizanit. Kam dëshirë që ata të ecin mirë. Dëshira ime është që të ecë mirë edhe Laçi, të ecë mirë edhe Tirana, Kukësi. Pra të gjitha ekipet të bëjnë lojëra të mira dhe në fund kush të jetë më i kompletuari të marrë atë që i takon”, përfundoi Prenga.

VLADIMIR PRENGA 

NDESHJA – “Po jam shumë i kënaqur me pikën, por jo shumë. Ashtu siç shkoi loja, meritonim më shumë. Dua të komplimentoj Xhixhën për mënyrën sesi doli para porte, por portieri kundërshtar reagoi shumë mirë.

KUNDËRSHTARI – ”Kukësi bëri lojë, qarkulloi topin, por ne u mbrojtëm mirë me zona. Mendoj se ky ishte rezultati i duhur. Terreni ishte i vështirë, por duke parë fushat e tjera mendoj se ishte një fushë për t’u komplimentuar. Kishim vështirësi në vrapime, por besoj se kjo ndeshje tregoi qartë cilësitë e të dyja skuadrave.

ÇOKAJ – “Ne e dimë që Laçi edhe para ardhjes time ka pasur politikë lojtarët e rinj. Me ardhjen time, të rinjtë do të kenë përkrahjen e duhur. Ata nuk janë pengesë në lojën time, por përkundrazi, bënë shumë, shumë mirë.”

LOJA – “Dua të falënderoj çunat për pikën që morën dhe për djersën që hodhën në fushë. Kukësit i uroj suksese, pasi me ato që pashë, janë një ekip shumë serioz.”

OBJEKTIVAT – “Objektivat tona janë që në çdo ndeshje të marrim më të mirën e mundshme. Të rinjtë do të kenë përkrahjen time, por nëse na vjen një lojtar cilësor që bën diferencën, do të ketë vendin e vet. Të rinjtë këtu kanë minutat e tyre, por dhe do të presin minutat e tyre, pasi nuk garantoj vend në formacion. Do të kenë përkrahje maksimale nëse punojnë fort, do të marrin minutat e duhura dhe do të jenë lojtarë për kombëtaren. Nuk mendoj që objektivat e Laçit ndryshojnë nëse vijnë lojtarë të huaj. E kam thënë që objektiv kemi vetëm Evropën, nuk e kam mohuar asnjëherë. Duhet të ndihmojnë lojtarët që të arrijnë te objektivat dhe deri më tani, çunat janë brenda objektivave të klubit. Kush vjen, vjen për të ndihmuar skuadrën për të arritur objektivat.”

EKIPI – “Galiç do të luajë,  por ai është aq afër sa është Rijeka me Zagrebin. Po nuk ishte problem fizik, Laçi nuk ka 11 lojtarë, them që kemi organikë të plotë dhe me ardhjen e Çokajt, na u shtua një lojtar tjetër. Sot radhën e kishte Shtubina të qëndronte në stol, një futbollist që na ka udhëhequr gjatë gjithë sezonit. E ruajtëm për në pjesën e dytë, pasi ai na nxjerr nga situata.  Xhixha ka luajtur në mënyrë të shkëlqyer dhe më vjen mirë që i dhashë minutat e veta.”

Ndeshja – “Jam shumë i kënaqur me paraqitjen e skuadrës sot, ndoshta kjo ishte ndeshja më e mirë për ne në këto miqësore, pasi luajtëm kundër një kundërshtari shumë agresiv. Ndeshja ishte për të dy trajnerët për të parë sesa kanë punuar në këtë minifazë përgatitore, që të them të drejtën ishte shumë i shkurtër”.

Forma e ekipit – “Unë me atë që pashë, vura re që ekipi im është në rritje dhe shpresoj që me një ose me dy përforcime, ekipi do të jetë konkurrent përgjatë gjithë kampionatit”.

Ndeshja me Kukësin – “Nuk mendoj se do të luajmë të tërhequr përballë Kukësit. Fusha ku luajtëm sot ishte siç ishte, shumë e vogël dhe futbollistët kishin me shumë kontakte seç duhet. Kishte shumë ndërhyrje të forta, të cilat edhe pse pa qëllim, mund të çonin në dëmtime të panevojshme. Pavarësisht rezultatit, unë jam i kënaqur me skuadrën, pasi kur të dyja ekipet kishin formacionet e duhura në fushë, nuk kishim diferenca”.

Rënia e skuadrës pas zëvendësimeve – “Jam i zhgënjyer, por ne e dimë që kemi nevojë për lojtarë. Formacioni i parë luajti shumë mirë, jam shumë i kënaqur me to, por mos harroni që ne kishim edhe mungesa. E dimë që e kemi stolin të brishtë, e kam thënë gjithmonë që na duhen 2-3 përforcime, jo për të forcuar skuadrën, por për të rritur rivalitetin.

Merkato – “Dihet se kjo merkato është shumë e vështirë për të gjetur lojtarë cilësorë, unë jam kërkues te lojtarët e huaj që vijnë. Në rast se janë më cilësorë se lojtarët tanë, po, por në të kundërt, nuk bëj merkato sa për të thënë”.

Gjoni dhe Najdenov – “Gjoni dhe Najdenov janë lojtarë titullarë dhe cilësore, me ardhjen e tyre dhe me portierin që vendosëm ta linim pushim, ekipi do të marrë një fytyrë tjetër”,- përfundoi Prenga.

Për momentin fokusi është te faza përgatitore dhe Prenga në Supersport është shprehur kështu: “ Faza është e mërzitshme dhe e lodhshme për lojtarët. Jam i kënaqur me ecurinë, djemtë janë të karikuar. Do e presim kampionatin të karikuar”.

Merkato është një temë delikate dhe trajneri i kurbinase deklaron: “Nuk mund të them se kemi përforcuar ekipin, kemi rritur konkurrencën. Gjithmonë duam grup të fortë. Kemi 15-16 lojtarë cilësorë, secili pret momentin e tij”.

Në fund Prenga flet edhe për objektivat: “Në sport nuk ka limite, futbollistët duan maksimumin. Ai nuk dihet. Po të ishte bërë renditja në fillim, ndoshta nuk do ishim këtu ku jemi. Ne punojmë dhe i marrim ndeshjet një nga një. Duhet vazhdimësi. Kemi elementë të rinj dhe nuk kemi lëvizur nga politikat e klubit. Synojmë Europën, nëse do vijë diçka më shumë se vendi i tretë apo i katërt, do e marrim me të dyja duart”.

numri një i stolit të bardhezinjtë foli hapur për merkaton, ku veçoi se duhet me çdo kusht që të afrohen lojtarë që bëjnë diferencën, duke premtuar se më pas duhet të presim një skuadër ndryshe.

BARAZIMI – Dua të uroj të dyja skuadrat dhe të gjithë lojtarë që u aktivizuan sot, për lojën korrekte që zhvilluan. Të dyja ekipet dhanë më të mirën e tyre në fushë. Sa i përket rezultatit ne nuk vijmë për të marrë barazi. në të dyja këto dy ndeshje doja të fitoja dhe ishim të organizuar për të marrë një fitore sot. Nuk kaluam në aventurë që të sulmonim shumë, pasi kishim para një skuadër shumë cilësore, me shumë ndeshje radhazi pa humbje, ku ka harmoni. E kam përgatitur ndeshjen për ta fituar.

TËRHEQJA NË PJESËN E DYTË – “Ishte imponim tërheqja, por luanim edhe në transfertë, Teuta luante me topa të gjatë dhe është më e lehtë për t’u mbrojtur me topat e gjatë. Na vunë në presion, por ne e kontrolluam lojën dhe ishim të qetë. Lojtarët dhanë maksimumin dhe Kallaku realizoi një gol të shkëlqyer. Luajtëm pas nuk donim të kalonim në aventurë, pasi kishim rezultat. Nuk jam i pakënaqur, por as i kënaqur”.

SKUADRA – “Skuadra ka punuar mirë dhe na mungon pak ritmi, pasi kemi luajtur edhe në Europë. Kemi harxhuar shumë energji dhe nuk kemi pushuar. Laçi nuk ka bërë rrotacione. Kur ktheja kokën nga stoli nuk kisha lojtarë që nuk mund t’u besoja. Dua të shmang pyetjen se pse erdhi kjo gjë. Uroj që me merkaton ekipi do të marrë fizionomi tjetër. Nëse duam të luftojmë për Europë na duhen përforcime, pasi në të kundërt do të ngelim në klasë”.

LOJA – “Jam i kënaqur me lojtarët, pasi e kemi në karakter që të fitojnë duelet. E kemi bërë diçka të tillë në të dyja këto ndeshje. Ishim të sigurt me topin në zotërim. Teuta na rrezikoi pak në fillimin e pjesës së dytë. Nuk ishte vetëkënaqësi. E di se çfarë ishte dhe u mundova ta them, por shpresoj që me fazën përgatitore do të përmirësohemi”.

MERKATO – “Laçi si me mua dhe pa mua ka karakter. Laçi në shtëpi, por edhe jashtë është një skuadër e fortë. Ne veriorët marrim maksimumin nga natyra. Lojtarët japin më të mirën. Trajnerët lëvizin. Ekipi ka nevojë për lojtarë që bëjnë ndryshimin, nëse ka pretendime të mëdha. jemi grup i fortë, por na duhen lojtarë që bëjnë diferencën. Besoj se do të jemi më ët rritur fizikisht dhe më të përforcuar. Do të shikoni një Laç tjetër, por pa humbur shpirtin e garës.

TREGU KROAT – “Kroacia ka përparësi, pasi është më e lehtë t’i kontrolloj dhe mbetet një pistë e hapur, por nuk jemi kundër lojtarëve që na vijnë nga Gjermania apo Holanda”.

Numri një i stolit bardhezi flet dhe për takimin me skuadrën e Teutës, e cila është programuar të luhet pasditen e së shtunës. Ndeshja me durrsakët do të jetë e dyta për Prengën, pas rikthimit të tij në ekipin kurbinas, por po ashtu do të jetë edhe takimi i fundit i vitit për skuadrën e Laçit.

RIKTHIMI TE LAÇI – “Kjo ardhje ishte më e lehtë se hera e parë, pasi erdha mes njerëzve që lash këtu, mes shokëve dhe miqve. Nuk e kisha të vështirë të kthehesha edhe pse erdha vetëm 2 ndeshje pa mbaruar faza e dytë. Është paksa e vështirë që ta marrësh ekipin në atë situatë megjithatë nuk kisha të drejtë që t’i thosha jo Laçit, kështu që u ktheva për të punuar këtu që për këto dy ndeshje, por për të punuar dhe për një kohë të gjatë”.

NDESHJA ME TEUTËN – “Luajmë ndaj një ekip që ka cilësi ndaj një ekipi që ka edhe harmoni, pasi kushti i parë për një trajner dhe ekipin janë fitoret. Teuta vjen pas disa fitoreve radhazi, por edhe ne kemi rezultat të mira dhe një grup të mirë me karakter të fortë. Edhe pse luajmë ndaj një kundërshtari me cilësi, ne do të shkojmë për të dhënë maksimumin dhe për të marrë maksimumin”.

MERKATO – “Çdo ekip ka nevojë për përforcime, kështu që edhe Laçi të jeni të sigurt se sytë edhe mendjen nga merkato. Do të futemi në merkato, por jo se ekipit i mungon cilësi, pasi këto çuna që janë këtu kanë dhënë maksimumin dhe për asnjë moment klubi apo stafi ka dyshuar te cilësitë e tyre, por si çdo skuadër që ka ambicie për të qenë në Europë edhe ne kemi ambicie dhe të jeni të sigurt që do të marrim lojtarë në përbërje”.

“Brozoviç e kam patur lojtar për tre vite me të rinjtë, ndaj jam pak i lidhur me Interin. Por jam tifoz i Juventusit”, u shpreh Prenga në lidhjen direkte me emisionin “Zona Gol” në Supersport. Zëri i është ngjirur dhe me shaka, pas ngacmimeve nga studio, Prenga shtoi: “Ngjirja e zërit ishte çmimi i fitores me Tiranën”.

RRITJA E LAÇIT – “Unë Laçin e ndjek, jo vetëm 10 vitet e fundit, por që fëmijë. Edhe në Kategorinë e Dytë ka qenë një ekip i vështirë, në Laç nuk fitoje. Së fundmi është faktor i rëndësishëm në futbollin tonë. Dikur ishte ekip i nxehtë brenda, jashtë shkonte për turizëm. Tani merr pikë shpesh jashtë. Presidenti është shtylla kryesore, që ia vlen t’i qëndrosh pranë. Është interesante se si ka arritur të mbajë klubin dhe ekipin. Jeton 24 orë me futbollin, do të dijë çdo gjë. Është e dyta herë që bashkëpunoj me të dhe ai e di pozicionin e tij. Është i pari aty ku i takon dhe është një mbështetje e madhe për trajnerët”.

PASHKU MIK DHE PRESIDENT – “Doja të thoja se ai është verior dhe atë ditë në tavolinë isha si mik. Ai di t’i dëgjojë miqtë, di dhe të sillet. Tani kanë ndryshuar punët. Marrëdhëniet shoqërore do të mbeten njëlloj. Në Laç më mbajnë puna dhe rezultatet. Kam ardhur nga Zagrebi për të punuar. Do mundohem të punoj edhe më shumë, që puna dhe shoqëria të ecin edhe më mirë. Ai nuk fal, është kërkues. Edhe me mua do të jetë ashtu. Vetëm rezultatet do të më mbajnë te Laçi”.

NDESHJA ME TIRANËN – “Nuk mendoj se ndeshja u fitua nga dhomat e zhveshjes. Është kompliment të thuhet se e kam motivuar ekipin. Ishte ndeshje e vështirë për të dyja ekipet. Tirana na respektoi më shumë se sa duhet në fillim dhe shënuam dy herë. Mund të bënim të tretin. Rezultati të detyron të kthehesh pas. Edhe lojtarë më me eksperiencë tërhiqen. U kërkova golin e tretë, pasi 2-0 është i rrezikshëm. Me një gol kundërshtari merr zemër. Ashtu ndodhi.

“E thashë dhe e them që Tirana luajti mirë, ata kanë ekip cilësor. Dëgjoj që thonë se ka lojtarë aty që nuk e meritojnë fanellën, por ka cilësi. Më vjen keq që skuadra u tërhoq në mënyrë të vetëdijshme. Tirana na rrezikoi me topa të gjatë, gjë që ndodh rrallë. Kur u fut Ngo nuk ishim agresivë. Po të barazonin do të gjenim forca të brendshme për ta kthyer. E arrinim apo jo, nuk e dimë. Faleminderit për komplimentat që ekipi u fut i karikuar. Tirana vinte nga një fitore, u kishte dhënë krahë dhe janë në rritje. Mos mendoni se ishte Laçi më i dobët. Ndeshjet e ardhshme do e tregojnë se Tirana do rritet. Ata nuk luftojnë për mbijetesë. Kanë një trajner që nuk do të humbë dhe jam i sigurt që do të vijnë ditë të mira për Tiranën”.

FATI – “Këtë ta shohim, uroj të ndodhë. Fati është i rëndësishëm. Kundërshtari më i vështirë është ai i radhës. Teuta është në radhë, pastaj Kukësi. Objektivi? Të japim maksimumin dhe të marrim një rezultat të mirë me Teutën”.

“Nuk i druhem askujt. Nuk është sekret që ne kemi nevojë për lojtarë. Lexoj që edhe Partizani ka nevojë. Ne mendojmë për merkaton, por nuk flas dot sot se ku kemi nevojë. Deri të shtunën nuk flas për merkato, deri të shtunën këta janë lojtarët më të mirë”.

GJYKIMI – “Nuk doja të jepja mendimin tim për gjykimin. Kudo është problem, madje edhe me VAR ka diskutime. Mendoj se arbitri, që të gjithë po e shkelin, edhe bota nuk ka ndonjë nivel. Ai nuk i mbajti anën askujt, gabimet ndodhin. Mund të shkonte 3-0, por kryesore është që nuk pashë gjykim të njëanshëm me qëllim”.

LARGIMI NË VERË – “Kur erdha herën e parë, aq ishte marrëveshja: vetëm për Europën. Isha në kontratë deri në 31 dhjetor të vitit 2018. Nuk punoja dot në dy vende”.

SKUADRA MË E MIRË – “Laçi ka bërë më mirë deri tani. Edhe Teuta ka marrë 100% nga ekipi. Janë disa ekipe që pretendojnë për Europë. Kush bën merkaton më cilësorë në janar, do të ketë më shumë përparësi. Kam nevojë për shumë përforcime, por ndoshta edhe për asnjë. Nuk kam folur me presidentin. Nëse dalim mirë në Durrës, ndoshta nuk kemi nevojë për ndërhyrje. Besoj te çunat e mi dhe shpresoj te një rezultat pozitiv me Teutën. Për merkaton flasim pas janarit”.

UZUNI I RI – “Nuk e di, ekipi në përbërje ka lojtarë cilësorë. Nëse nuk do kishte cilësi, nuk do kishim marrë pikë. Është herët të flas. Do dëshiroja që sa më shumë lojtarë të shitën në Europë, jo vetëm në Kroaci”.

FITORJA – “Nuk besoj se i kam ndryshuar diçka, si fizikisht apo taktikisht. vetëm fillimi ishte ndryshe, nisëm më vrullshëm. Jam i kënaqur vetëm me 20 minutat e para, më pas e morëm ata kontrollin. Në pjesën e dytë na rrezikuan, na shpëtoi portieri. Selmani ishte më i miri në fushë. Kur shikoj tabelën, me dëshirën që ka, më habit që është në këto pozita. Ka edhe një trajner të mirë. Na ndihmoi Zoti dhe portieri sot. Pas minutës së 20-të nuk jam i kënaqur”.

MERKATO – “Kam thënë që pas dy ndeshjesh do ketë merkato. Nuk mund të them ku jam i pakënaqur. Karakteri i lojtarëve dhe dëshirave më bëri të kthehem. Pas ndeshjes tjetër mund të flasim për lëvizjet”.

FUSHA – “Stërvitja në fushë me bar sintetik? I kam kërkuar presidentit që të stërvitem me bar natyral. Ishte ndeshje tjetër nga ajo që kemi praktikuar. Në këtë terren vendos dëshira dhe jo cilësia. Gjithmonë trajnerit të ri i ecën, ka fatin e budallait. Ishalla vazhdon edhe më tej”.

GODITJET – “Lojtarë nga Kroacia për Laçin? Nuk dua të merrem. Kam piketuar shumë dhe nuk kam piketuar asnjë. Lojtarët e mi i kam të mrekullueshëm deri të dielën”.

SULMUESI – “Altiparmakovski? Këto dy ditë jam munduar të ndjej modulin. Bëra një zëvendësim të detyruar. Nuk bëra zëvendësime, edhe pse duheshin. Ata që janë në stol duhet të bëjnë mirë në stërvitje dhe të meritojnë të luajnë”.

Bardhezinjtë presin Tiranën dhe sot trajneri Ardian Mema ka dalë para mediave. I ngacmuar në lidhje me deklaratën e kolegut tij, kreu i i pankinës bardheblu u shpreh: “Këto janë deklarata, përmes të cilave ndoshta trajneri kundërshtar mundohet të motivojë ekipin e vet. E kemi thënë edhe për vete këtë, që nuk fitohet me deklarata. Varet se si futbollistët interpretojnë në fushë. Varet se si një ekip mund të fitojë. Nuk merrem me pjesën e deklaratave”.

GJENDJA E SKUADRËS – “Ekipi ka pasur entuziazëm dhe kemi punuar mirë. Jam i gëzuar për këtë pjesë, sepse motivimi e kënaq një trajner. M’i prish pak planet ardhja e trajnerit të ri te Laçi, sepse ishim përgatitur sipas ish-trajneri. Çdo trajner ka filozofinë e vet dhe do të ndryshojë diçka tek ekipi, sikurse kur erdha unë te Tirana dhe doja të ndryshoja dhe të fusja filozofinë time të lojës”.

FORMACIONI – “Do kemi ndryshime të vogla, por edhe në sistemin e lojës. Sistemi nuk sjell fitore, por interpretimi. Lojtarët duhet të përgatiten disa sisteme, sepse dua ta përgatis ekipin pasi ka ardhur trajner i ri te Laçi. Ndryshimet janë edhe taktike, por edhe mungesash. Secili do marrë masat para ndeshjes, të organizohemi mirë dhe të përballojmë lojën sipas dinamikës”.

RËNDËSIA E NDESHJES – “Është një ndeshje delikate, Laçi vjen nga një humbje. E ndoqa në Vlorë dhe në Shqipëri nuk ka ekipe të pakalueshme. Përqendrimi dhe puna gjatë javës dhe në ndeshje është vendimtar”.

VAZHDIMËSIA –  “Do shpresoja për këtë pjesë, e kam thënë gjatë analizave të kësaj jave që duhet t’i kthehemi ndeshjeve dhe rezultateve pozitive. Nuk mund të fitosh po nuk luajte mirë. Lojëra ka pasur, por duhen rezultate. Ato e mbajnë ekipin në tonus dhe sjellin harmoninë brenda skuadrës”.

NGO – “Me Majkëll jam marrë vesh, kemi biseduar. Madje më është vetë-afruar. Kemi folur ngrohtë me njëri-tjetrin, çdo gjë është lënë pas. Kjo është gjëja më e mirë me të gjithë, për mua, ekipin dhe klubin. Duhet të shohim përpara.

DY NDESHJET E FUNDIT – “E kam thënë që në fillim se pikët janë ato që të mbajnë. Ke entuziazëm tjetër kur i ke pikët. Nuk mund të deklaroj se do të fitoj nesër, apo në vazhdimësi. Është futboll dhe janë tre rezultate. Duhet që lojtarët të japin maksimumin në fushë që të rikthehet entuziazmi”.

FLORIAN ALLA

Në prononcimin për “SportEkspres.com”, Prenga tregon se ka zgjidhur gjithçka me klubin e Lokomotivës së Zagrebit dhe është gati të nisë aventurën e dytë me Laçin. Ai është i fokusuar te ndeshja me Tiranën, ka besim të plotë te grupi, pjesën kryesore e të cilit e njeh, tregon objektivat e tij. Respekt për kundërshtarin e së shtunës, por Prenga nuk përton t’i frikësojë kundërshtarët. Sidomos në Laç, të gjithë duhet t’i “harrojnë” pikët.

RIKTHIMI – “Në momentin që jam larguar nga Laçi, e thashë që ndoshta do të ketë një rikthim. Nuk e mendoja që do të ishte kaq e shpejtë, por gjithmonë, me kënaqësi, do ta pranoja ftesën, kështu që dhe tani e pranova. Me të thënë të drejtën, jo se u befasova, por nuk kisha mundësi t’i thoja presidentit të Laçit që nuk mund të vij direkt. E di se pritshmëria është e madhe dhe ditët janë pak. E di se ku kam ardhur, pasi e njoh ekipin dhe i njoh çunat. Pavarësisht se jam larguar, e kam ndjekur jo kampionatin, por ekipin e Laçit. Besoj te çunat, besoj te vetja, besoj te klubi dhe do mundohem të marr 100% nga ekipi, pavarësisht se nuk ka kohë.”

LAÇI NË JAVËT E FUNDIT – “Në futboll duhet të kesh edhe fat. Do zoti ta kem unë atë fat që paraardhësit e mi nuk e kanë patur. Nuk mendoj se Laçi që paraardhësit e mi nuk e kanë patur. Nuk mendoj se Laçi ka bërë paraqitje negative. Ndoshta, ekipi nuk ka qenë siç pritet në sulm. Mendoj se Mërgjyshi dhe Memelli janë përpjekur të marrin maksimumin nga ky ekip. Kanë dhënë 100%, kanë patur ndeshje shumë të mira, por pak fat u ka munguar, të cilin dëshiroj ta kem unë.”

NDRYSHIMET – “Sapo kam ardhur dhe nuk e kam marrë akoma ekipin në dorë. Nuk besoj se do të ketë ndryshime taktike apo në formacion, sepse besoj se ata kanë punuar mirë. Lojtarët janë këta që janë, do të mundohem të nxjerr maksimumin nga lojtarët. Më tepër mund të kenë patur ndonjë barrierë psikologjike, kështu që duhet të flas me çunat, t’ua ndjej pulsin dhe të shtunën të japin gjithçka për të arritur te fitorja.”

KUNDËRSHTARI – “Tirana është Tiranë. Kur shikon renditjen, mendohet se është një ndeshje e lehtë, ose ne jemi favoritë, megjithatë Tirana është Tirana. Ata janë një ekip me traditë, kanë në përbërje lojtarë të mirë, kanë një trajner të ri, i cili ashtu si unë, do të japë maksimumin dhe do tentojë të marrë 100% nga lojtarët e vet. Ata kanë traditën, vijnë nga një fitore në kampionat, janë më të qetë, kështu që nuk do të jetë një ndeshje e lehtë. Megjithatë, ne jemi Laçi, luajmë në fushën tonë dhe në fushën tonë, jo vetëm Tirana, por dhe ekipet e tjera nuk kanë çfarë kërkojnë.”

MERKATO – “Nuk do doja të flisja për merkaton. Dua të flas për këto dy ndeshje, dua të marr maksimumin nga këto dy ndeshje. Jam i sigurt që lojtarët do të më ndjekin, do japin 100%. Do zoti kemi fat, sepse është e vështirë kur nuk ke fat. Atë nuk kishin paraardhësit e mi, ishalla dhe besoj se do ta kem unë.”

LARGIMI NË VERË– “Nuk bëhet fjalë për pendim. Herën e parë erdha për të ndihmuar Laçin. Mendova se kishte nevojë për mua, erdha dhe ia arrita qëllimit. Bëmë atë që kishte menduar presidenti, unë dhe drejtori. Të gjithë bashkë ia arritëm qëllimit, u kualifikuam një tur, bëmë një shitje në Europë, e para për ekipin tonë. Isha i zënë me punë, kisha një kontratë me një klub tjetër. Ishte një aventurë që ia vlejti ta bëja.”

KONSENSUSI ME LOKOMOTIVËN – “Çdo gjë zgjidhet. Mjafton dëshira e të dy palëve për të zgjidhur çdo lloj mosmarrëveshje, apo kontrate. Nuk është sekret që unë jam i punësuar te Lokomotiva e Zagrebit. Kryesorja është që unë doja të vija të ndihmoja Laçin për të arritur qëllimet, kontratat janë për t’u zgjidhur. Çdo gjë është zgjidhur.”

LAÇI – “Duke e parë ekipin, Laçi është një faktor prej vitesh. Është një ekip që kalon në finale të Kupës se Republikës, ka qenë ndër 5 ekipet më të mira të kampionatit në vitet e fundit, kështu që pa elemente, asnjë trajner nuk i arrinte këto rezultate. Kur e drejtova ekipin e Laçit në Europë, nuk mendoj se e bëra këtë gjë më një ekip që nuk kishte aftësi, apo mundësi për të bërë një gjë të tillë. Lojtarët në ekip janë cilësorë, por futbolli është i paparashikueshëm. Sot dikush është në formë shumë të mirë, mendon se vlen, nesër shpërthen dikush tjetër. E rëndësishme është që Laçi ka lojtarë të rinj, profesionistë, të cilët punojnë shumë. Është e papëlqyeshme që unë të thoja sot me emra që ky apo ky lojtar janë përparësi, apo mund të shiten. Kemi ekip të mirë në përbërje, që nga kapiteni i U21 të Shqipërisë, e deri te lojtarë shumë cilësorë, të cilët rrahin te dera e Bushit, ose ekipit kombëtar. Çunat vazhdojnë të punojnë, si para disa muajsh kur isha këtu. Të japim më tepër se duhet, më të mirën tonë për t’ia dalë në këto dy ndeshje.”

OBJEKTIVAT – “Janë dy ndeshje, kam kohë vetëm 9 ditë. Nuk më ka thënë njeri për objektiva, kam ardhur të marr maksimumin në këto dy ndeshje. Më pas do të flasim për objektivat, merkaton, apo çdo gjë tjetër. Momentalisht mendoj vetëm për ndeshjen me Tiranën, të karikohemi për këtë ndeshje dhe jam i sigurt që djersa do të jetë e madhe dhe rezultati do të jetë në favorin tonë.”

VLADIMIR PRENGA

Kurbinasit fituan 3 ndeshje, barazuan në një dhe u mposhtën dy herë. Kështu pas gjashtë ndeshjesh në krye të kurbinasve, Memelli e mbyll aventurën e tij dhe sigurisht që pret në vazhdim të punojë në krye të ndonjë tjetër skuadre. Këmbët në trajning tashmë i ka futur.

ZGJIDHJA – Quhet Besnik Prenga, nuk është i panjohur për Laçin. Në Europë arriti të drejtonte me sukses bardhezinjtë, që eliminuan Anorthosis Famagusta. Telefonatës së drejtuesve bardhezi ai i është përgjigjur pozitivisht dhe do të rikthehet në krye të kurbinasve.

Për Prengën do të jetë eksperienca e parë si trajner në Superiore, ndërkohë që në të shkuarën ka drejtuar në Kroaci. Aktualisht është pjesë e Lokomotivës së Zagrebit dhe në Laç po e presin. Pozitiv është fakti që ai e njeh ekipin dhe ambientin, gjë që është shumë e rëndësishme.

VLADIMIR PRENGA

Pikërisht ish-tekniku i Laçit ka zbuluar për mediat kroate transferimin e Myrto Uzunit në Kroaci. Prenga ka deklaruar se është mahnitur nga aftësitë e beratasit që në ditën e dytë që e ka parë te Laçi. Gjithashtu 49-vjeçari ka shtuar se Myrto është një lojtar me potencial të jashtëzakonshëm.

ZBULIMI – “Në qershor, presidenti i Laçit, miku im Pashk Laska, më kërkoi që të  udhëhiqja ekipin e tij në kualifikueset e Europa Ligë dhe në të njëjtën kohë të bëjë një përzgjedhje në ekip për këtë sezon. Në marrëveshje me Lokomotivën unë shkova atje dhe mu deshën vetëm dy ditë stërvitje për të vënë re Uzunin. Nuk mund ta besoja se një lojtar i tillë i talentuar ende luante në kampionatin shqiptar, sepse ëndrra e lojtarëve shqiptarë është që të aktivizohen jashtë vendit.”

TRANSFERIMI – “E telefonova menjëherë Shikiç (drejtori sportiv i Lokomotivës) dhe i thashë se e kam gjetur lojtarin që do të jetë përforcimi i duhur për Lokomotivën. Nuk ishte e lehtë për ta marrë, pasi për të bindur presidentin e Laçit ishte e vështirë. Ai ishte në dijeni për diamantin që kishte në dhomat e zhveshjes, ndërkohë për të interesohej dhe Hajduk Spliti dhe Osijek. Ne ishim më të shpejtë dhe më konkretë. Gjithashtu unë i shpjegova Uzunit, se te Lokomotiva do të kishte përparësi, pasi të rinjtë përkrahen shumë në ekipin tonë. Më pas ramë dakord dhe me presidentin, Pashk Laska, dhe tashmë Uzuni është pjesë e Lokomotivës së Zagrebit. Jam i lumtur për të, sepse është pritur mirë në ekip dhe po bën paraqitje mjaft të mira. Jam i sigurt që do të shkojë larg, pasi ka një potencial të pabesueshëm. Është tërësisht i dedikuar në punën që bën dhe nuk i intereson asgjë tjetër përveç futbollit.”

FJALËT E SOLSKJAER – “Humbëm ndeshjen e parë 2-1 në transfertë në Qipro, ndaj Anorthosis. Ndeshja e kthimit në Laç, u kualifikuam me golin e Uzunit në fund. Më pas në raundin tjetër luanim ndaj Moldes, që kanë si trajner një legjendë si Solskjaer, i cili pas ndeshjes më tha: “Lojtari yt me numër 10, mund të luajë në çdo klub!”.

Rreth dhjetë ditë më parë ishin Halili e Ze Maria që ndoqën ekipin e Laçit në ndeshjen që kurbinasit fituan 1-0 kundër Anorthosis Famagusta.

Ndërkohë në triubunë ishte edhe mbrojtësi Erjon Hoxhallari, i cili është huazuar nga Tirana te Laçi. Deri të enjten ai do të jetë pjesë e bardhezinjve dhe më pas do të kthehet te kryeqytetasit, që kanë nënshkruar kontratën e re me mbrojtësin këtë verë.

“Duhet të bëjmë ndeshjen e jetës që t’ia dalim ndaj Moldes. Nuk kemi rrugë tjetër, veçse të japim maksimumin. Lojtarët duhet të jenë shumë se të organizuar dhe të ndihmojnë njëri-tjetrin. Nëse do të luajmë si ndaj Anorthosis në ndeshjen e parë dhe të dytë, besoj se do të kemi shumë shanse për kualifikimin”, ka deklaruar në “RTSH Sport” trajneri Prenga.

Me kurbinasit është bashkuar edhe Marko Radas, që do të ndihmojë Laçin me ekperiencëne tij. Kreu i stafit teknik parësor sheh grupin: “Eksperienca është e rëndësishme, e sidomos kur luhet me sistem vajtje-ardhje. Por, nuk është as vendimtare. Për mua rëndësi ka grupi. Me këtë qëllim erdha që në ditën e parë, që të ndërtoja një ekip që të përballoj eksperiencën, aftësitë dhe cilësitë e kundërshtarit. Marko Radasin nuk e kemi marrë që të na rrisë nivelin, por që të na mbështesë dhe të na japë atë përvojë, e cila është e domosdoshme në këto dy takime”.