Puna e Besnik Hasit është vlerësuar dhe këtë e tregon edhe fakti që emri i tij është në listën e kandidaturave për trajnerin më të mirë të vitit. Al Raed këtë sezon ka arritur të fitojë nëntë ndeshje, ndërkohë që është mposhtur 12 herë. Tetë herë skuadra e gjakovarit ka marrë nga një pikë dhe synon ta mbyllë me fitore ndaj Al Fateh, skuadër që renditet një pozicion më lart falë golaverazhit më të mirë.

https://www.instagram.com/p/Bxdb8S3JGIB/?utm_source=ig_web_copy_link

Vendasit e Al Hilal shënuan të parët në minutën e 92-të dhe kujtuan se fitorja ishte e tyre, por në minutën e 94-të, ekipi i Hasit shokoi vendasit duke barazuar rezultatin pas një goditje këndi të ekzekutuar nga Ferhan Hasani. Topi i harkuar nga ish-sulmuesi i Shkëndijës  u shfrytëzua mjaft mirë nga sulmuesi Abu Sharahah.

Me këtë barazim, skuadra e Hasit shkon  në kuotën e 22 pive, shtatë pikë larg zonës së ftohtë. Teksa ka kaluar më shumë se gjysma e kampionatit, ekipi Hasit ka arritur të regjistrojë 6 fitore, 4 barazime dhe 6 humbje.

Sulmuesi 29-vjeçar zhbllokoi takimin në minutën e 9-të me anë të një goditje standarde, ndërsa 17 minuta më vonë, lojtari i përfaqësueses së Maqedonisë do të përfitonte nga një gabim i mbrojtësit të Al Batin për të çuar shifrat në 2 – 0.

Me fitoren e sotme skuadra e trajnerit Besnik Hasi shkon në kuotën e 11 pikëve i largohet përkohësisht zonës së ftohtë.

Trajneri shqiptar i besoi një vend titullari dhe afrimit më të fundit, Ferhan Hasanit. Sulmuesi i ardhur nga Shkëndija luajti për 60 minuta dhe më pas u zëvendësua. Ekipi vendas gjeti avantazhin i pari, por Al Raed barazoi në fund të takimit duke marrë një pikë shumë të vlefshme.

??? ??????? ????? #?????? / pic.twitter.com/vnZCTKRkyx

— ????? ?????? ? 90% (@ALRAEDFC) August 30, 2018

“Kam kompaninë dhe stafin tim që merren me zbulimin e lojtarë. Gjithmonë jam në kërkim të talenteve, sidomos shqiptar, pasi i tillë jam edhe vetë. Besnik Hasin e njeh si ish-lojtar i kombëtares dhe gjithashtu si trajner. E kontaktova pasi ka një CV shumë të mirë. Këtë verë ishte kontakti ynë i parë”, është shprehur fillimisht menaxheri i njohur që punon kryesisht në Lindjen e Mesme.

Më tej ai shtoi: “Kemi folur edhe për Legian e Varshavës dhe Olimpiakosin. Vërtetë janë skuadra shumë nacionalistë, që dallohen për anti-shqiptarizëm. Ai është profesionist, ka vite që jeton në Belgjikë dhe nuk e ka parë me atë sy. Ndonjëherë mendon se ke bërë zgjedhjen e duhur, por mund edhe të kesh bërë të gabuarën”.

Drejtimi i Shqipërisë është një dëshirë e Hasit, por ende nuk është gati. Menaxheri Halili deklaron: “Si shqiptar do e këshilloja të merrte drejtimin e kombëtares shqiptare. Ai kurrë nuk e ka mohuar, edhe kur kemi folur bashkë. Ai akoma nuk është i gatshëm për të ndërtuar një kombëtare, mendon se është më mirë për momentin të drejtojë një klub”.

Hasi është trajner, po ashtu edhe Bogdani. Tare po bën karrierë si drejtor sportiv, ndërkohë që edhe Skela pritet të veshë tutat e trajnerit. Për Halilin ai brez sot do bënte më shumë: “Është një brez i artë. Të gjithë kanë pasur suksese si lojtarë, sot si drejtues dhe trajnerë. Një nga më të suksesshmit është Igli Tare, drejtor i Lazios. Atëherë kemi pasur një kombëtare shumë më të mirë. Me brezin e atyre do ishte diçka më e mirë sot”.

Në të shkuarën Ilir Halili ka bashkëpunuar edhe me Zlatko Daliç, nënkampion bote me Kroacinë. “Daliç ka punuar te Dinamo, atë kohë e ndiqja. Më pëlqente shumë, kishte ambicie. U ula me të dhe bisedova. Kishte dëshirë të punonte në Arabi. I organizova një takim dhe nënshkroi. Edhe në Arabi pati suksese, pasi nga një klub mesatar si Al Faisali mori drejtimin e Al Ahli, që është klubi më i madh. Kemi kontakte, por jo marrëdhënie pune. Sigurisht që i uroj suksese për atë që ka arritur”, përfundoi Halili.

– Hasi, urime për detyrën e re, në një kampionat të panjohur për Europën.

– Është një aventurë e re, mjaft stimuluese, që në pamje të parë duket e çuditshme për shumë njerëz. Në fakt, e mendova mirë, u konsultova edhe me njerëzit e duhur, përfshirë familjen, ndaj e kam pranuar me kënaqësi ofertën. Në Arabinë Saudite futbolli po zhvillohet jashtëzakonisht dhe unë do kisha qejf të merrja pjesë në këtë proces rritjeje dhe të bëhem pjesë e kulturës së këtij vendi, që më bën mjaft kurioz”.

– Dimë që bëhet fjalë për një kampionat të pasur, por vetëm kaq.

– I pasur, por edhe shumë cilësor. Arabia Saudite ka ndryshuar sistemin e garave, nga 14 ekipe është kaluar në kampionat me 16 ekipe, kanë investuar shumë në aspektin teknik, kanë lejuar shtimin e të huajve në ekipe, për të rritur cilësinë e futbollit në vend. Është një ndër ligat më të forta në Azi dhe përveç anës financiare, është edhe ana sportive që të tërheq. Stadiumet janë plot, jo si në vende të tjera, si në Emiratet e Bashkuara Arabe për shembull, ku stadiumet janë të boshatisura dhe mungon cilësia e futbollit.

– Çfarë ju kanë kërkuar drejtuesit e klubit, kanë synime madhore?

– Al Raedi nuk është klubi më i madh në Arabinë Saudite, kjo dihet. Vitin e shkuar patën probleme, dolën të parafundit dhe luajtën në play-off për mbijetesë, duke fituar në të dy ndeshjet. Është hera e parë që kam një eksperiencë të tillë, pasi në tre klubet e mëparshme ku kam drejtuar synohej vendi i parë. Për herë të parë punoj në një ekip që nuk niset favorit dhe është një sfidë për mua, për të ndërtuar një ekip të aftë të ngjitet në renditje. Presidenti është shumë ambicioz dhe kërkon të ndërtojë një klub stabël, që të mos ketë probleme mbijetese dhe herë pas here të synojë edhe vendet e kreut.

– E menduat që edhe Zllatko Daliç ka drejtuar në Arabi, para Kroacisë?

– E vërtetë, Daliç është një shembull i mirë, sepse ka punuar në Arabinë Saudite, bëri gjëra të mira dhe pastaj mori Kroacinë, duke shkuar në majën e botës. Kjo e bën një shembull për ne që shkojmë në këto vende, sepse nuk do të thotë që del nga tregu dhe humbet duke shkuar andej.

– Kampionati nis pas një muaji dhe merkatoja është e hapur, do e mendoni t afroni ndonjë lojtar shqiptar?

– Merkatoja e Al Raedit është bërë në masën 90%, sepse emërimi im ka ardhur pak vonë, duke qenë se ekipi e ka nisur fazën përgatitore. Ne do të mundohemi të bëjmë ndonjë ndërhyrje të vogël, pasi ta shoh ekipin. Do të shohim nëse na nevojiten lojtarë, nëse do të afroj pastaj ndonjë futbollist shqiptar do të ishte një kënaqësi, por në situata të tilla vendimin e fundit e merr gjithnjë presidenti.

? | ???? #?????? ?????? ???? ??? ???? ?????? ???????? ?????? ???? pic.twitter.com/aIJmM9qTWH

— ???? ?????? ??????? (@alraedclub) July 26, 2018

Kontrata e gjakovarit është për një sezon dhe kështu ai nis një eksperiencë të re. “Sport Ekspres” mëson se transferimi i tij është bërë nga ana e “Stars Sport Management”, e përfaqësuar nga menaxheri Ilir Halili, i cili operon në Lindjen e Mesme dhe ka bërë shumë lëvizje në merkato në atë zonë.

Welcome Besnik Hasi ??#?????? pic.twitter.com/QCC22PcIqO

— ???? ?????? ??????? (@alraedclub) July 26, 2018

Hasi në të shkuarën ka drejtuar Anderlehtin dhe ka dalë kampion në Belgjikë, ndërkohë që më pas provoi të drejtonte edhe Legian e Varshavës në Poloni. Gjithashtu ai ka qenë një opsion edhe për Shqipërinë, por nuk e ka parë veten gati në momentin që presidenti Armand Duka ia ofroi atë mundësi.

Kalimi në Arabinë Saudite ka përfitime të mëdha financiare dhe jo rastësisht aty ka punuar me sukses për shumë vite edhe Zllatko Daliç, para se të merrte drejtimin e Kroacisë.

VLADIMIR PRENGA/ SPORT EKSPRES