Kontrata e Demirit me klubin 7 herë kampion të Sllovakisë është e vlefshme për tri sezonet e ardhshme. Në fjalët e para për faqen zyrtare të klubit, 24-vjeçari tha: “Agjenti im më foli për interesin e Zhilinës. Është një hap i mirë për karrierën time. E di çfarë ka arritur në të shkuarën ky klub, di gjithashtu që ky klub ka shërbyer si trampolinë për shumë futbollistë, shpresoj që të jem unë njeri prej tyre”.

Demiri ka qenë në të shkuarën pjesë e grumbullimeve të kombëtares së Shqipërisë, por pa mundur të aktivizohet. Mbrojtësi i majtë mbetet një opsion interesant për trajnerin Edi Reja.

Kanë mbetur disa detaje për të përmbyllur me sukses marrëveshjen me klubin e Zhilinës, që e mbylli kampionatin në vendin e katërt. Demiri  prej 18 muajsh ishte pjesë e Mariopol në Ukrainë dhe sezonin e fundit është aktivizuar në 21 ndeshje, 19 prej tyre titullar.

Futbollisti 24-vjeçar në të shkuarën është aktivizuar me Shkëndijën dhe Vardarin, ndërkohë që tërhoqi vëmendjen edhe të ish-trajneri Kristian Panuçi, i cili e ftoi në kombëtare mbrojtësin e majtë. Demiri zgjodhi të linte Maqedoninë e Veriut për Shqipërinë, por ende nuk ka debutuar me kuqezinjtë.

Prenga ishte titullar dhe Riga fitoi 0-1 në transfertë kundër Jelgava. Mbrojtësi mirditor dha kontributin e vet që skuadra e tij të mos pësonte gol dhe ia doli me sukses. Futbollisti 24-vjeçar në të shkuarën ka qenë pjesë e Sesvete dhe Lokomotiva Zagreb në Kroaci.

Besir Demiri vijon të luajë titullar në Ukrainë me Mariupol. Sot ai ishte në fushë për 90  minuta në takimin që skuadra e tij barazoi pa gola në shtëpi me Çornomorets Odesa. Dy pikë që nuk duheshin lënë, pasi rrezikohet të zbritet poshtë vendit të gjashtë, që të dërgon në “play-off” për Europa Leaugue.

Sipas sajtit ukrainas “football.ua”, lojtarët e Mariupolit janë të sigurt se mbrojtësi i krahut të majtë, nuk do të jetë më pjesë e skuadrës gjatë etapës së dytë të kampionatit ukrainas.

Aktualisht nuk janë bërë të ditura emrat e skuadrave që janë të interesuara për 24-vjeçarin, por është e sigurt që kemi të bëjmë me një hap më lart në karrierë. Demiri ka qenë pjesë të grumbulluarve të kombëtares shqiptare në muajin shtator, por në grumbullimin e mëpasshëm, mëngjarashi nuk u thirr më nga Panuçi, pasi ky i fundit i besoi dyshes Binaku-Lenjani.

EKSPERIENCA NË UKRAINË – “Infrastruktura në Ukrainë është shumë e mirë se në Maqedoni. Një futbollist i ka të gjitha të dhe kjo të ndihmon shumë. Te Mariupol synojmë renditjen në gjashtë vendet e para, pasi në Ukrainë kampionati ndahet me zona për fazën play-off. Më pas shpresojmë që të arrijmë të kualifikohemi për kupat europiane”.

E ARDHMJA – “Kontrata ime është deri në qershor. Agjentët e mi po shqyrtojnë ofertat e disa klubeve, këto do të bisedohen dhe me klubin e në ditët në vijim do të shikojmë se çfarë vendimi do të merret”.

POZICIONI – “E kam filluar karrierën si mesfushori, po tani po luaj vetëm si mbrojtës i majtë. Por, sado herë që të më kërkohet, jam i gatshëm të luaj në mesfushë ose dhe si sulmues krahu nëse trajnerët ma kërkojnë këtë gjë”

KAMPIONATI I MAQEDONISË – “Shkëndija është me meritë në vend të parë, duke parë organizimit dhe fondet që kanë. Mendoj se ata do të dominojnë për vite më radhë. Vardarin në vend të dytë po e mban vetëm tradita, duke parë grupin e lojtarëve që kanë dhe problemet e tyre. Shkupi mund dhe duhet të renditet shumë më lartë në tabelë. Akademinë Pandev mund ta cilësoj si surprizën e kampionatit, askush nuk e priste që ata të ndodheshin në këto pozita. Ekipet e tjera përveç Rabotniçkit i shikoj të barabarta. Do të ketë një luftë të ashpër për mbijetesë”, përfundoi mëngjarashi i kombëtares shqiptare”.

Në intervistën e dhënë për “SportEkspres.com”, ai thekson se kampionati ku luan tani është shumë më i fortë se ai maqedonas, ndërkohë që nuk bën asnjë polemikë për faktin se së fundmi trajneri Panuçi nuk e ka ftuar në kombëtare. Ai pret shansin e tij…

INTERVISTOI: FLORIAN ALLA                                                                            

Një vit në Ukrainë, si është bilanci personal dhe a ka rezultuar zgjedhja e duhur?
-Sa i përket aspektit ekipor, sezonin e kaluar kemi përmbushur kërkesat e kryesisë së klubit duke përfunduar në gjashtë vendet e para të Ukrainës, që të  dërgonte në play-off dhe pastaj siguruam kualifikimin për në Europa League pas shumë viteve. Në Europë kishim rezultate pozitive, ndërkohë që edhe këtë gjysmë sezoni e mbyllëm duke qenë afër “top 6”. Besoj se do të arrijmë synimet edhe për këtë sezon. Sa i përket aspektit personal, gjithmonë duke u bazuar në rezultat e ekipit, mendoj se ishte sezon pozitiv, si në kampionat, ashtu edhe në garat evropiane.  Të mos harrojmë asnjëherë edhe ftesën nga kombëtarja. Duke pasur parasysh këto gjëra, mendoj se ishte një sezon shume pozitiv.

Si është futbolli ballkanas me atë ukrainas, a keni hedhur një hap përpara duke shkuar në një ekip që nuk lufton për majat e renditjes?
-Po në kampionatin e Maqedonisë isha pjesë e 3 ekipeve më të mëdha dhe që gjithmonë luftonin për kreun e renditjes, ndërsa në Ukrainë jam pjesë e një ekipi që lufton për dalje në Europë. Sigurisht se mendoj se jam shumë hapa para, duke pasur parasysh nivelin dhe kundërshtarët me të cilët përballem.

– A keni pasur sinjale në merkato, apo do e mbyllni sezonin në Mariupol?
Kontrata ime është deri në qershor. Agjentët po merren me këtë çështje, besoj se ditët në vijim do të vendoset rreth së ardhmes sime.

Pse nuk po grumbulloheni nga Shqipëria, a keni pasur komunikim me stafin e kombëtares?
-Sa i përket kombëtares, është një pjesë shumë e shtrenjtë. Personalisht ndihem shumë krenar që jam pjesë e kombëtares, ndërsa sa i përket grumbullimit është që trajneri vendos dhe gjithmonë e respektoj maksimalisht çfarëdo vendimi që merret.

Shaktjor Soligorski arriti një fitore në transfertë përballë Smoleviçit me rezultatin 0-2. Bakaj ishte pjesë e formacionit mik, ndërsa u zëvendësua në minutën e 78. Trepikësh shumë i rëndësishëm për ekipin e sulmuesit, që ngjitet në vendin e dytë dhe është një hap larg kualifikimit në Europë. Ka mbetur dhe një javë për t’u mbyllur kampionati bjellorus, ndërsa Shaktjori pret në fushën e vet ekipin e FC Minskut. Mjafton dhe një fitore dhe ekipi i Bakajt kualifikohet në kompeticionet europiane.

Mariupoli i Besir Demirit arriti një fitore minimale në shtëpi përballë Vorskla Poltavës. Goli i Zubkov në pjesën e dytë i dha tre pikë ekipit të lojtarit shqiptar, i cili u aktivizua në formacion. Mbrojtësi i majtë u ndëshkua me karton të verdhë një minutë pas golit të avantazhit, ndërsa Mariupoli ngjitet në vendin e gjashtë në Premier Ligën e Ukrainës.

Më në fund Jenisei! Ekipi i Enis Gavazajt arriti një fitore të madhe përballë Dinamo Moskës në transfertë, duke rikthyer shpresat e mbijetesës. Jenisei fitoi 1-2, duke arritur fitoren e dytë në kampionat. Trepikëshi mungonte për ekipin e Gavazajt që nga 27 gushti, ndërsa 23-vjeçari e ndoqi gjithë ndeshjen nga stoli.

Uzuni qëndroi në lojë deri në fund dhe këtë herë nuk ia ka dalë të shënojë dot me kroatët, por sigurisht që i është gëzuar fitores.  Lokomotiva edhe këtë javë do të vijojë ta ruajë vendin e dytë në klasifikim. Me Istrën u aktivizua edhe një shqiptar i Maqedonisë, Agron Rufati. Mbrojtësi 19-vjeccar u fut në lojë në minutën e 13-të.

Besir Demiri i është gëzuar tre pikëve me Mariupolin, që triumfoi me rezultatin e ngushtë 1-0 ndaj Arsenal Kiev. Mbrojtësi i majtë i kombëtares ishte titullar në këtë takim dhe skuadra e tij me pikët e marra është ngjitur në vendin e katërt  në elitën e futbollit ukrainas. Demiri u zëvendësua në minutën e 90-të.

Mbrojtësi i majtë i kombëtares shqiptare ishte në fushë nga minuta e parë për Mariupolin, që me Barjaçuk arriti të realizonte dy herë ne pjesën e parë të takimit. Koçergin për Zorian nuk shënoi me penallti pas një ore loje, ndërkohë që skuadra e Demirit gjeti edhe golin e tretë.

Zubkov në të 83’ shënoi në portën e miqve, të cilët reaguan. Por ishte shumë vonë. Gromov në të 90’ shënoi për Zorian golin e parë, kurse tre minuta më realizoi Koçergin. Gjithsesi nuk pati më gol dhe me rezultatin 3-2 Mariupoli i Demirit mori pikët e plota.

“Nuk mund të rri pa e shikuar Shqipërinë, qoftë në Ligën e Kombeve, qoftë edhe miqësore. Ishte ndeshje e fortë, pasi kundërshtarët që në fillim ishin agresivë dhe një lojtar i joni doli. Rezultati 0-0 është për mua është zhgënjim, pasi duhej fitorja për të fituar besim para ndeshjes me Izraelin. Pas çdo rezultati negativ, nuk e ke atë vetëbesim dhe atë që planifikon. Djemtë kanë kohë të përgatiten dhe shpresoj të jenë në nivel”, u shpreh fillimisht Demiri.

FTESA – Mungesa e ftesës nuk e zhgënjen lojtarin e linjës së majtë: “Të them të drejtën çdo herë jam i gatshëm për Kombëtaren, asnjëherë nuk zhgënjehem apo të dorëzohem. Këto janë zgjedhje teknike të Panuçit.Jam ose jo, me rëndësi Shqipëria të ketë rezultate pozitive. Nuk mund ta them se pse nuk kam marrë një ftesë, e vendos trajneri. Shqipëria është në një kohë tranzicioni gjeneratash, dhe trajneri kërkon zgjedhje sa më të mira për të zëvendësuar ata lojtarë që bënë historinë me kualifikimin në Europian. Shpresoj të bëjë zgjedhjet e duhura dhe të ketë rezultate për Shqipërinë”.

“Shpresoj që Shqipëria të fitojë me Izraelin, pasi është shumë e rëndësishme. Nuk mund të them që ndonjë futbollist bojkotonte trajnerin Panuçi. Të gjithë i respektojnë vendimet e tij. Sa i takon emocioneve, nuk mund ta përshkruar çfarë emocionesh kam pasur nga dita e parë e grumbullimit deri në ditën e ndeshjes . Emocioni më i madh që kam përjetuar ka qenë dita e ndeshjes me Izraelin. Himni para ndeshjes, aty ishte kulmi i emocioneve.

HIMNI – “Kam prezantuar edhe me Maqedoninë, por grumbullimi i parë nuk barazohet me të gjithë grumbullimet që kam qenë me Maqedoninë. Është një ndjenjë e papërshkueshme, që nuk mund ta them me një fjalë. Fanella kuqezi është shumë e rëndë për mua dhe e kam mbajtur dhe do e mbaj gjithmonë me përgjegjësi”.

Paraqitja e mirë me në ndeshjen e së shtunës i siguroi futbollistët nga Shkupi një vend në formacionin e javës të medies ukrainase, “UPL”, e cili i përzgjedh lojtarët sipas mesatares së nxjerrë nga kompania e njohur e statistikave të futbollit Instat.

Demiri u transferua në Ukrainë në muajin shkurt dhe nuk e pati të vështirë të siguronte një vend titullari. Ish-lojtari i Shkëndijës dhe Vardarit ishte i grumbulluar me përfaqësuesen e Shqipërisë për ndeshjet ndaj Skocisë dhe Izraelit, por nuk u aktivizua në të dy takimet, ndërkohë që më parë ka luajtur edhe për përfaqësueses e Maqedonisë në dy ndeshje miqësore.