Mesfushori me shumë eksperiencë ishte ai që bëri diferencën në këtë takim, duke i dhënë fitoren Vllaznisë. Lika shihet si një lojtar i rëndësishëm për sezonin e ekipit shkodran në Superiore, pasi dhe kontrata i është rinovuar. Si Besëlidhja, ashtu dhe Vllaznia, vazhdojnë kështu përgatitjet e tyre për sezonin e ri futbollistik.

Miqësore

Besëlidhja – Vllaznia  0-1
G. Lika 20’

Në sezonin e tij të fundit me ekipin lezhjan, Kamara luajti në 24 ndeshje ku shënoi 9 gola. Futbollisti afrikan është afrimi i e gjashtë i Kukësit për këtë sezon dhe lojtari i dytë që vjen te verilindorët nga një skuadër e Kategorisë së Parë, pas Marko Çemës, i cili iu bashkua Kukësit pasi mbylli bashkëpunimin me Dinamon.

NJOFTIMI I KLUBIT

Klubi njofton arritjen e marrëveshjes me ekipin e Besëlidhjes, për futbollistin Umar Turad Kamara.

Mesfushori vjen në formë huazimi për një sezon futbollistik te skuadra jonë, nga ekipi i cili militon në Kategorinë e Parë.

Afrikani është afrimi i gjashtë i merkatos së verës, pas ardhjes së Ilir Avdylit, Emiljano Mustës, Bruno Lulajt, Marko Çemës dhe Tome Kitanovskit.

Trajneri Elvis Plori e njeh mirë sulmuesin, i cili ka qenë nën urdhrat e tij në sezonin 2015-2016. Raboshta realizoi atë vit 21 gola, por krutanët u mposhtën në ndeshjen e fundit nga Korabi dhe nuk u ngjitën dot në Superiore.

Raboshta sezonin e fundit ishte pjesë e Sirt në ligën e pestë turke dhe shënoi 15 gola. Për herë të fundit në vendin tonë është aktivizuar me Bylisin në Kategorinë e Parë. Sulmuesi ka provuar edhe Superioren me ekipe si Elbasani, Luftëtari dhe Teuta.

“Deri në këtë periudhë ne kemi mbyllur gjithçka me serbin Milan Gjorgjeviç, i cili ka qenë pjesë e kësaj skuadre në sezonet e kaluara dhe është një njohje e vjetër dhe i shërben skuadrës. Javën e kaluar e kemi mbyllur me mbrojtësin e Dinamos, Arian Sheta, me mesfushorin e Tomorit, Aristotel Kolecin. Janë tre përforcime serioze për Besëlidhjen, ndërkohë jemi në kërkim të emrave të rinj”, deklaroi Plori.

Çfarë po synon më shumë Besëlidhja në këtë merkato? Trajneri Plori ka edhe fiksime: “Sulmuesi Ruben Danaj nga Shënkolli, sulmuesi Jurgen Vatnikaj e mbrojtësi Sokol Neziri nga Kastrioti, këta janë emrat e parë që mendojmë të afrohen te Besëlidhja. Më pas, fokusi ynë në merkato do përqendrohet për një mesfushor dhe një sulmues, për t’u fokusuar pastaj më shumë te përgatitjet”.

AGRON KAJA

Nisur nga këto kushte, Gocaj ka marrë një ofertë së fundmi dhe është Besëlidhja që e do në skuadër anësorin. Trajneri Elvis Plori dëshiron të ketë në skuadër shkodranin. Edhe në të shkuarën lezhjanët e kanë tentuar atë.

SportEkspres.com mëson se Gocaj ka marrë një ofertë konkrete nga Besëlidhja, që është e gatshme të japë një shumë të konsiderueshme “cash” dhe pjesën tjetër të të ardhurave mbrojtësi ta marrë si pagë mujore në vazhdim.

Te Vllaznia kanë nisur të lëvizin së fundmi, por ende nuk ka asnjë rinovim. Gocaj normalisht do ta dëgjojë ofertën e klubit të vendlindjes dhe nëse është e duhura nuk ka arsye të ndryshojë ambient. Problemi është se ai dhe të tjerët nuk kanë kohën e mjaftueshme të presin pafundësisht që Vllaznia t’u bëjë një ofertë.

Në muajin gusht do të zhvillohet një fazë e mirëfilltë përgatitore, me një ekip të konsoliduar. Normalisht do të zhvillohen edhe ndeshje miqësore. Sa i takon merkatos, mësohet se te skuadra lezhjane ka patur zhvillime së fundmi. Arian Sheta pritet të firmosë, sikurse edhe mesfushori Aristotel Koleci. 

“Po, kam rënë dakord me drejtuesit e skuadrës së Besëlidhjes. Tashmë vetëm zyrtarizimi mungon për kalimin tim në këtë skuadër”, deklaroi Arian Sheta për Sportekspres.com, menjëherë pas mbylljes së bisedimeve me drejtuesit e skuadrës lezhjane.

Drejtuesit e Besëlidhjes kanë zhvilluar bisedime edhe me mesfushorin Aristotel Koleci, i cili në sezonin e kaluar ka qenë pjesë e Tomorit në Kategorinë e Parë. Me këta dy futbollistë shkon në tre numri i lojtarëve të afruar gjatë kësaj merkatoje te Besëlidhja, ndërkohë që trajneri Plori nuk mendon të ndalet. “Do kemi emra të tjerë shumë shpejt”, deklaron trajneri i Besëlidhjes.

AGRON KAJA

Në këtë periudhë në klubin lezhjan konfirmohet vetëm largimi i mesfushorit Omar Kamara, i cili luajti tre sezone rresht me Besëlidhjen. Gjatë këtyre përgatitjeve ai i është bashkuar Kukësit dhe pritet të nënshkruajë me verilindorët në Superiore.  Mbetet për t’u mësuar e ardhmja e Lambert, Isak dhe Abubakar.

Drejtuesit e Besëlidhjes kanë menduar që skuadra të mblidhet në javën e parë të muajit korrik, ku pas dy javëve përgatitje në Lezhë, skuadra mund të vazhdojë përgatitjet në terrene malore ose në bregdet. Në sezonin e kaluar Besëlidhja u rendit në vendin e tretë, ndërkohë që këtë sezon edhe vetë trajneri i ri e pranon se objektiv është ngjitja në Kategorinë Superiore.

AGRON KAJA

Drejtori sportiv i Besëlidhjes, Kristi Memi, për SportEkspres.com deklaron se dy janë alternativat më serioze për lezhjanët. “Gjatë këtij muaji kemi qenë të fokusuar te gjetja e një trajneri të ri. Kemi kontaktuar disa, por jemi fokusuar te dy emra, Elvis Plori dhe Samuel Nikaj. Deri në fund të kësaj jave njeri prej tyre do jetë zyrtarisht trajneri i Besëlidhjes”, është shprehur Memi.

Ndërkohë, duke ditur se Samuel Nikaj është pranë nënshkrimit me Vllaznimin e Gjakovës në Kosovë, Elvis Plori duket më favorit. Gjithsesi duhet pritur zyrtarizimi, pasi shkodrani e ka thënë qartë se kërkon një skuadër konkurruese dhe në Lezhë kanë treguar në vitet e shkuara se mund ta bëjnë diçka të tillë.

AGRON KAJA

“Nuk kam asnjë kontakt me klube të Kategorisë së Parë, pretendoj vetëm pankinë në Superiore”, ishte kjo përgjigja e Devollit.  Plori e le të hapur rrugën: “Ende nuk kam një përgjigje, por besoj se javën tjetër do vendoset gjithçka. Unë jam në tregun e trajningut dhe mbetem i gatshëm të bashkëpunoj me çdo skuadër, me kushtin që të krijohet një ekip pretendent”, ishte kjo përgjigja e Plorit, që duket sikur e konfirmon faktin se ai kërkohet për pankinën e Besëlidhjes.

41-vjeçari Elvis Plori ka 10 sezone që i ka hyrë rrugës së trajningut, me startin si asistent te Vllaznia dhe më pas me skuadra të Superiores dhe të Kategorisë së Parë, si trajner i parë te Burreli disa sezone, Tërbuni e Kastrioti.

Besëlidhja ka mbetur pa trajner pas largimit të Vladimir Gjonit në fundin e sezonit të kaluar dhe Plori është një nga kandidaturat. Një emër tjetër i tentuar nga lezhjanët ka qenë edhe Samuel Nikaj, i cili pritet ta vijojë karrierën në Kosovë.

AGRON KAJA

“Ne jemi në një periudhë pushimi, por drejtuesit e klubit kanë qenë në lëvizje në këtë merkato. Së pari është vendosja e trajnerit të ri, dhe drejtuesit kanë deklaruar se do ta vendosin në fundin e muajit qershor. Menjëherë do afrohen lojtarët që i duhen Besëlidhjes për sezonin e ardhshëm, i cili do jetë më këmbëngulës në arritjen e synimit tashmë të “vjetër” për ne, ngjitjen në Kategorinë Superiore”, theksoi zëvendëstekniku i lezhjanëve.

Për Zenunin, puna do të nisë nga titullarët e sezonit të kaluar, të cilët ai i mendon si baza për sezonin e ri. “Ne kemi disa titullarë të sezonit të kaluar që do të jenë baza e sezonit të ri, duke nisur nga Bajri në portë e disa titullarë të tjerë, të cilët unë i quaj të rikonfirmuar. Por skuadra kërkon edhe përforcime të tjera, të cilat do të vijnë menjëherë pas vendosjes së trajnerit të ri”.

AGRON KAJA

Vetë afrikani ka qenë i kujdesshëm dhe brenda skuadrës është shprehur se i pëlqen Shkodra. Transferimi i Kamara konsiderohet i kryer dhe kjo konfirmohet edhe nga burime pranë klubit lezhjan.  “Deri tani te Besëlidhja nuk ka ndonjë lëvizje të veçantë, veç Kamara që me shumë mundësi është pranë Vllaznisë.

E ka kërkuar edhe Kukësi, por ai preferon Shkodrën. Këtë muaj, pasi të vendoset trajneri i ri, lëvizja e tij do zyrtarizohet”, deklaron një burimi zyrtar i klubit lezhjan të Besëlidhjes.

AGRON KAJA

Disa prej tyre kanë oferta dhe njëri është Oumar Tourad Kamara, lojtari nga Guinea që ka spikatur me lezhjanët.  Drejtori sportiv i klubit Besëlidhja, Kristi Memi, e bën fakt interesimin e Vllaznisë për mesfushorin. Ai thekson se edhe dy klube të tjera e kërkojnë lojtarin e tyre, por ai do vetëm shkodranët.

“Kamara dëshiron skuadrën e Vllaznisë dhe ka anashkaluar dy ofertat e tjera nga skuadra të Superiores. Nga Vllaznia është bërë kërkesë paraprake, që ne si klub nuk e kemi kundërshtuar. Do të ulemi gjatë këtij muaji, do të flasim dhe më pas do të vendosim”, u shpreh Memi për Sportekspres.com 

Më tej ai flet edhe në lidhje me trajnerin e ri të Besëlidhjes: “Gjatë kësaj periudhe skuadra është pushim e deri tani nuk kemi patur ndonjë lëvizje të veçantë, duke përjashtuar largimin e trajnerit Vladimir Gjoni. Për teknikun e ri do vendosim brenda datës 15 qershor, pasi së bashku me të do formatojmë skuadrën për sezonin e ri. Deri tani ne si klub nuk kemi ndonjë emër konkret”.

AGRON KAJA

“Me Besëlidhjen e mbylla në mirëkuptim të plotë me drejtuesit e klubit. Me mua kanë qenë seriozë e korrektë. Kaluam një sezon të vështirë, por pritshmëritë ishin më të mëdha. Vendi i dytë në grup tregoi se skuadra ishte rivale me çdo kundërshtar, edhe ndaj Vllaznisë që u rendit në vendin e parë”, deklaroi Vladimir Gjoni menjëherë pas largimit nga pankina lezhjane.

Ndërkohë ai flet edhe për të ardhmen dhe ofertat: “Gjatë kampionatit që mbyllëm kam patur dy oferta, ku njëra ishte në Kategorinë Superiore. Jam ende në kontakt, por duhet të presim. E rëndësishme për mua është se në sezonin tjetër do jem në një pankinë”.

AGRON KAJA

Ai e shikon si sfidën më të vështirë, por për SportEkspres.com deklaron: “ Në fazën e tretë Besëlidhja ka pasur tregues shumë pozitivë, madje edhe ndaj Vllaznisë që me meritë renditet e para në Grupin A. Synuam vendin e dytë dhe kemi qenë në rivalitet me Dinamon. Kalendari na ka vënë përballë pikërisht në javën e fundit dhe duam ta mbyllim para tyre. Në Tiranë shkojmë vetëm për fitore”.

Hasaj ka edhe një premtim: “Kam patur një ofertë shumë serioze nga një skuadër e Kategorisë Superiore, por këtu në Lezhë ndjehem mirë. Kjo skuadër do të ngjitet në Superiore sezonin tjetër dhe unë do të pres që në elitë të jem pjesë e këtij ekipi. Tashmë jemi të fokusuar te dita e shtunë, që ta thyejmë Dinamon e të renditemi në vendin e dytë. Do ishte shumë bukur për Besëlidhjen”.

AGRON KAJA

Për SportEkspres.com, Hasani deklaron: “Ndaj Vllaznisë kishte shumë tifozë, të cilët dolën të zhgënjyer nga rezultati 1-1. Gjithsesi jo nga loja e skuadrës sonë. Kjo ndodhi për shkak të gjykimit, që me vendimet e padrejta ndaj nesh na mohoi fitoren. Rëndësi ka që Besëlidhja luajti mirë dhe tregoi se është e denjë që synimin për ta mbyllur në vendin e dytë mund ta arrijë”.

Hasani më tej foli edhe për ndeshjen ndaj Korabit: “Do ta mbyllim me fitore këtë sezon në fushën tonë, por do të kërkojmë që gjykimi të mos jetë si ai me Vllazninë. Do të japim maksimumin për këtë synim dhe do kërkonim që tifozët tanë të jenë si në ndeshjen me Vllazninë. Nuk do zhgënjejmë”. Ndeshja me Korabin zhvillohet të shtunën, prej orës 16:00.

AGRON KAJA

“Besëlidhja kishte pretendime për Superioren. Edhe pse nuk e arritëm këtë objektiv, gjatë fazës së tretë ne si skuadër kemi një tjetër objektiv, renditjen në vendin e dytë. Pas fitores me Vllazninë këtë fundjavë, ne e thellojmë distancën me ndjekësit”, shprehet për SportEkspres.com mbrojtësi lezhjan, i cili ka qenë pjesë moshave të Partizanit në shkuarën.

Fitoren ndaj Vllazninë Fetaj e kërkon edhe në respekt të tifozerisë lezhjane, që sipas tij ka qenë mbështetje e madhe në çdo situatë që ka kaluar skuadra në këtë sezon. “Nuk e nisëm mirë këtë kampionat, por tifozët i kishim pranë në çdo sfidë. Tashmë edhe ata e duan një shpërblim nga ana jonë dhe besoj se vendi i dytë për Besëlidhjen duhet edhe në respekt të tyre”, përfundoi Fetaj deklaratën e tij.

AGRON KAJA

“Grupi A e zgjidhi verdiktin final, me Vllazninë kryesuese që sezonin tjetër do të luajë në Superiore. Ky ka qenë edhe synimi i Besëlidhjes, që u ndërtua pikërisht për të qenë ajo skuadra që do të ngjitej në elitë. Tashmë vendi i dytë duket më shumë si një synim moral”, u shpreh fillimisht ish-sulmuesi.

Besëlidhja këtë fundjavë luan në transfertë me Erzenin, ndërkohë që Gjoni përveçse e quan një sfidë të vështirë, deklaron se fitorja është objektivi kryesor. “Të gjitha ndeshjet janë të vështira në këtë fazë të tretë. Këtë javë në Shijak luajmë sfidën e radhës me shkallë të lartë vështirësie. Do luajmë për fitore, nuk kemi asnjë synim tjetër”.

AGRON KAJA

Iliria ka marrë tre pikë të arta për mbijetesën, teksa ka kaluar me sukses Shënkollin. Fushë-krujasit iu falën golit të shënuar nga Boçi dhe morën pikët e plota. Skuadra e Fatmir Salës pati mundësinë të shënonte edhe golin e dytë, por portieri Hasanaj ndali Gjokejën nga pika e bardhë e 11-metërshit. Më parë anësori kishte realizuar, por arbitri vendosi që penalltia të përsëritej. Gjithsesi Iliria mori tre pikët e shumëdëshiruara.

Humbja e Shënkollit fut në lojë Vorën, që mposhti skuadrën e Burrelit me rezultatin e ngushtë 1-0. Kapiteni Allmeta shënoi në minutat shtesë të pjesës së parë golin trepikësh nga penalltia dhe tashmë vendi i parafundit është vetëm dy pikë larg.

KATEGORIA E PARË – JAVA 21 

Grupi A / Play-off
Vllaznia-Besëlidhja 4-0
Shënues: Zhunior 54′, Ignat 63′, Kruja 80′, Hajdari 88′

Grupi A / Play-out
Vora-Burreli 1-0
Shënues: Allmeta 45+5′ (pen.)
Iliria-Shënkolli 1-0
Shënues: Boçi 63′

80′ GOLI i ARSID KRUJËS

63′ GOLI I DAN IGNAT

54′ – Supergoli i Zhunior

Tekniku i lezhjanëve thekson se në skuadër kanë futbollistë që ta arrijnë synimin e tyre në Shkodër. “Edhe pse ne kemi dalë nga objektivat tona për këtë sezon, kjo nuk na ka ndalur që ne të jemi seriozë në këtë garë të Kategorisë së Parë. Këtë javë luajmë në transfertë në Shkodër dhe jemi të gatshëm që ta ndalim skuadrën shkodrane.

Në skuadrën tonë i kemi kualitetet që ta arrijmë këtë synim, edhe pse Vllaznia aktualisht mbetet skuadër e pathyeshme në Shkodër”, u shpreh Gjoni për SportEkspres.com para ndeshjes me shkodranët, që zhvillohet të dielën në “Loro Boriçi” prej orës 15:00.

AGRON KAJA

Në grupin B Bylisi e Besa do duelojnë në distancë. Lushnja, që dy javë më parë mposhti kavajasit, këtë herë do tentojë të ndalojë ballshiotët. Ndërkohë verdhezinjtë luajnë në transfertë. Besa ka disa mungesa, por edhe tek Egnatia do të shohim sot një “revolucion” në formacion. Problemet financiare mbeten prezente dhe lojtarët kanë bojkotuar sërish stërvitjen. Mbetet të shihet se kush do ta ketë shëtitje sot. Në pesëshen e dytë Elbasani pret Pogradecin dhe do synojë tre pikët, për të tentuar lënien e vendit të parafundit në vazhdimësi.

KATEGORIA E PARË – Java 19

GRUPI A / PLAY-OFF
Datë 3 mars 2019
Besëlidhja-Erzeni        15:00

GRUPI B / PLAY-OFF
Datë 3 mars 2019
Lushnja-Bylis              15:00
Egnatia-Besa               15:00

GRUPI B / PLAY-OUT
Datë 3 mars 2019
Elbasani-Pogradeci     15:00

Për SportEkspres.com, Gjoni deklaron se të gjitha repartet funksionuan shumë mirë. “Ne e mbyllëm fazën e dytë me një fitore ndaj Korabit, ndeshje në të cilën e gjithë skuadra dha më të mirën e saj dhe repartet funksionuan shumë mirë. Harmonizimi i mirë i tyre gjatë gjithë ndeshjes prodhoi edhe rezultatin e pastër. Mbeta i kënaqur nga loja e mirë që skuadra prodhoi në atë takim”.

Ndërkohë Gjoni e mendon më të fortë garën për fazën e tretë, madje thekson se Besëlidhja do synojë edhe kreun. “Nuk është çudi që me këtë formulë të mos kërkosh maksimumin në fazën e tretë. Besëlidhja do të jetë skuadra që do ta rivalizojë Vllazninë dhe kjo garë nis që të shtunën në përballjen tonë me Erzenin e vendit të dytë. Përgjysmimi i pikëve na e jep këtë mundësi dhe nuk do të ishte keq që të ishim ne të parët në këtë grup”.

AGRON KAJA

Vendasit kanë fituar pastër 3-0 kundër ekipit dibran, duke u ngjitur në vendin e tretë me 30 pikë. Vendasit vulosën fitoren me dy golat e shënuar në pjesën e parë. Hoxha zhbllokoi sfidën në minutën e tetë, ndërsa afrikani Kamara dyfishoi shifrat me golin e shënuar shtatë minuta përpara fundit të pjesës së dytë.

Pjesa e dytë dhuroi dhe një tjetër gol. Ishte përsëri ekipi lezhian që gjeti rrjetën me anë të Balajt, i cili vulosi fitoren e Besëlidhjes me golin e shënuar në minutën e 87-të. Kjo ishte fitorja e dytë rresht për ekipin e Gjonit, ndërsa Korabi renditet një pozicion më poshtë në renditje me 27 pikë.

Kategoria e Parë – java 18
E diel, më 24 shkurt, ora 14:00

BESËLIDHJA-KORABI 3-0
Shënues: Hoxha 8’, O. Kamara 38’, Balaj 87′

Besëlidhja: Bajri; Fetaj, I. Kamara, Dibra, Rustemaj; Kryemadhi, Balaj, T. Kamara; Hoxha, Soumah; Lambert. Trajner: Vladimir Gjoni

Korabi: Birja; Koçi, Dida, Doçi, Osmani; Kalluci, Karaj, Raza; Lika, Trimi, Skuka. Trajner: Dorian Bubeqi

Nisur nga kushtet atmosferike, është vendosur nga zyrtarët e ndeshjes që ndeshja Besëlidhja-Korabi të mos zhvillohet sot. Klubi dibran ka dalë me  një njoftim dhe thuhet se takimi është shtyrë për nesër, por sërish do të varet nga moti.

“Anulohet takimi për shkak të kushteve klimaterike. Takimi është shtyrë për t’u zhvilluar nesër, por asgjë nuk është zyrtare pasi duhet parë sërish moti”, shkruhet në njoftimin e klubit të Korabit. Besëlidhja dhe Korabi kanë siguruar renditjen në pesë skuadrat më të mira dhe takimi i sotëm luhet më shumë për prestigj.

Vetë trajneri i Besëlidhjes, Vladimir Gjoni, për SportEkspres.com deklaron se ndaj Korabit do të luhet me dinjitet dhe me synim fitore. “Ne do ta respektojmë kampionatin deri në fund, me synimin që objektivi ynë të jetë sa më afër realizimit. Të shtunën mbyllet faza e dytë dhe Besëlidhja renditet në pesëshen e parë, por kjo nuk do të thotë se ne do t’i nënvleftësojmë ndeshjet e mbetura. Përkundrazi do të vazhdojmë garën me dinjitet”.

Për teknikun e lezhjanëve, Korabi respektohet si skuadër e fortë, por synimi i tyre në këto 90 minuta të fundit të fazës së dytë është fitorja. “Takimin e radhës me Korabin do ta luajmë vetëm për fitore. Do kemi përballë një skuadër të fortë dhe ky tregues është një shtysë e fortë që ne të arrijmë marrjen e tri pikëve. Ne do vazhdojmë të besojmë te synimi ynë në fazën e tretë”.

AGRON KAJA

“Dje mbaruam stërvitjen dhe po shkonim në shtëpi. Dy çuna na ofenduan me kore raciste dhe unë i ofendova me një gjest. Ata u larguan dhe erdhën më vonë me disa çuna tjerë. Shoku im mori në telefon presidentin e klubit dhe erdhi menjëherë. Më pas, denoncuam rastin në polici.

Nuk e di pse ndodhi një gjë e tillë. Kemi tre vite që luajmë këtu dhe asnjëherë nuk kemi hasur gjëra të tilla. Nuk e kuptoj pse ndodhi.

Unë personalisht nuk kam asnjë problem. Kemi dhënë gjithçka këtu dhe nuk jam aspak i lumtur me ata njerëz që na sulmuan. Ata tregojnë një pjesë të errët, që nuk i takon këtij qyteti. Një qytet që na ka pritur shumë mirë dhe ende jam i befasuar pse na ndodhi kjo gjë”, – u shprehën futbollistët.

“Goli ndaj Vorës erdhi në fundin e ndeshjes, madje me një penallti shumë të saktë. Ky ishte një tre pikësh me shumë vlera për Besëlidhjen për një vazhdimësi më të mirë, duke patur parasysh fazën e tretë që do të luhet me pikët e përgjysmuara. Ajo që nuk shkoi mirë për ne në këtë përballje ishin rastet e humbura, sepse me mundësitë që na u krijuan rezultati duhet të ishte më i thellë në favorin tonë”, kështu deklaroi tekniku i Besëlidhjes për SportEkspres.com.

Madje trajneri Gjoni thekson se në pjesën e mbetur të sezonit Besëlidhja do flasë me rezultate shumë më të mira. “Skuadra do flasë me rezultate shumë më të mira në pjesën e mbetur të këtij sezoni. Jemi të përqëndruar në synimin tonë dhe deri në fund do mundohemi të bëjmë më të mirën në çdo ndeshje. Formula e fazës së tretë e le të hapur për të synuar gjithçka”.

Në dy ndeshjet e fazës së dytë Besëlidhja luan në transfertë me Ilirinë dhe pret në fushën e vet Korabin, dy sfida që duhet ti garantojnë renditjen në pesë skuadrat e para në Grupin A.

AGRON KAJA

Një shumë e majme kjo për sportin në këtë qytet, kur kemi parasysh se prioritet është futbolli, që nga moshat e reja e deri te skuadra e parë që luan në Kategorinë e Parë. Kështu, nga ky buxhet skuadra e Besëlidhjes në Grupin A të Kategorisë së Parë do të përfitojë rreth 180 milion lekë.

Lezhjanët nuk e nisën mirë këtë sezon, pasi rezultatet e fillimit ishin zhgënjyese, ndërkohë që me ndryshimin e trajnerit pas javës së katërt dhe uljen në pankinë të Vladimir Gjonit, situata ka ndryshuar dhe Besëlidhja është bërë tashmë një nga skuadrat më të forta në pesë skuadrat e para të këtij grupi.

Të dielën në stadiumin “Brian Filipi”, në orën 14:00 Besëlidhja luan ndeshjen e javës së 16-të ndaj Vorës që mbyll renditjen e Grupit B me 9 pikë, ndërkohë që skuadra lezhjane renditet në vendin e 5-të me 23 pikë.

AGRON KAJA

Trajneri Vladimir Gjoni e konsideron një përforcim serioz për skuadrën që ai drejton. “Denisi për ne është përforcim i mirë, do ta ndihmojë mesfushën e skuadrës sonë për të qenë sa më afër synimeve tona në këtë sezon”, deklaroi trajneri Vladimir Gjoni, ndërkohë që mesfushori shkodran ka deklaruar dje se ndjehet i respektuar për këtë lëvizje.

Pasi luajti me Vllazninë U19, Balaj u aktivizua një sezon te Vllaznia B dhe në verën e kaluar u bë pjesë e skuadrës së parë shkodrane, por pa gjetur hapësira për t’u aktivizuar.

Të dielën Besëlidhja pret Vorën në kuadrin e ndeshjeve të javës së 16-të të Kategorisë së Parë, ndërkohë që synimi i skuadrës lezhjane mbetet ngjitja në renditjen e pesë skuadrave të para në Grupin A.

AGRON KAJA

Këtë situatë, tekniku i Besëlidhjes Vladimir Gjoni nuk e quan rastësi në skuadrën që ai drejton, dhe fitoren në Shënkoll e konsideron si vendimtare për synimet. “Fitorja në Shënkoll ishte kyçe për synimet tona. Nuk erdhi rastësisht, sepse e gjithë skuadra ishte e mobilizuar dhe tregoi një shpirt të lartë gare. Kështu do të jetë Besëlidhja deri në fundin e sezonit”, theksoi tekniku Gjoni në deklaratën e tij për SportEkspres.com.

Ndërsa Besëlidhja luan të mërkurën në turin e dytë të Kupës së Shqipërisë me Skënderbeun, Gjoni nuk e konsideron sfidën me Skënderbeun të vështirë, edhe pse e kanë humbur takimin e parë. “Me Skënderbeun ne e humbëm takimin e parë në Lezhë, vetëm nga dy episode të shkëputura. Kjo nuk do të ndodhë të mërkurën në takimin e dytë dhe besoj se do të jetë një rezultat befasues. Besëlidhja është e përgatitur për surpriza të tjera edhe në Kupë”.

AGRON KAJA

Duhet të djersinë më shumë se të tjerat Kukësi e sidomos Laçi nëse duan që të avancojnë më tej. Edhe pse të dyja skuadrat veriore janë konsideruar si eksperte në këtë kompeticion, kanë hasur vështirësi, respektivisht ndaj Apolonisë dhe Bylisit. Kuksianët u mundën në Fier 2-1. Edhe me një fitore minimale do të kalonin në turin tjetër, ndërsa Laçi duhet të bëjë një përmbysje të madhe, pasi duhet të fitojë me tre gola diferencë ndaj ballshiotëve, të cilët në shtëpinë e tyre fituan 2-0.

Partizani duket se e ka likuiduar Kastriotin që në takimin e parë, ashtu si dhe Luftëtari Egnatian. Edhe Teuta duhet të administrojë suksesin e ndeshjes së parë. Skënderbeu po ashtu nuk pritet që ta ketë të vështirë ndaj Besëlidhjes, ashtu si dhe Tirana që ka fituar pastër në kryeqytet me Flamurtarin që ka pa fund probleme.  Interesante duket ndeshja mes Vllaznisë dhe Kamzës, ku mbetet rezultati i hapur.

Kupa e Shqipërisë – Turi i dytë (ndeshjet e kthimit)

E mërkurë, më 6 shkurt
Ora 13:30 | Partizani-Kastrioti (4-2)
Ora 13:30 | Kamza-Vllaznia (1-2)
Ora 13:30 | Luftëtari-Egnatia (3-0)
Ora 13:30 | Skënderbeu-Besëlidhja (2-1)

E mërkurë, më 6 shkurt
Ora 13:30 | Kukësi-Apolonia (1-2)
Ora 13:30 | Teuta-Lushnja (3-1)
Ora 13:30 | Flamurtari-Tirana (0-2)

Ora 13:30 | Laçi-Bylisi (0-2)

Korabi u ngjit në vendin e tretë, pasi mundi Veleçikun me golat e Skukës, autor i një tregolëshi. Në Shënkoll Besëlidhja mposhti me përmbysje vendasit. Vora e vendit të fundit ka marrë një fitore me vlera kundër Dinamos dhe shpreson të qëndrojë në të Parën.

KATEGORIA E PARË – Java e 15-të
GRUPI A
E shtunë, 2 shkurt 2019
Vora-Dinamo              1-0
Shënues: Ezike 37′
Shënkolli-Besëlidhja  1-2
Shënues: R. Danaj 28′ / Kamara 58′, Soumah 89′
Erzeni-Vllaznia            2-0
Shënues: Xhemalaj 2′, Marku 52′ (aut.)
Korabi-Veleçiku          3-1
Shënues: Skuka 11′, 44′, 57′ / Ujkaj 91′ (pen.)

E mërkurë, 6 shkurt 2019
Iliria-Burreli                14:00

Bylisi në grupin B vijon serinë e rezultateve potivive. Lushnja nuk ia ka dalë të rezistojë përballë ballshiotëve, që me “tris” morën pikët e plota. Kundërpërgjigjet edhe Besa, që 0-3 fitoi në transfertë kundër Elbasanit.

Verdheblutë gjithsesi mbeten të parafundit, pasi edhe Turbina është mundur në shtëpi nga Tomori me shifrat 0-2. Apolonia ka marrë një fitore me vlera dhe ka qenë i riu Mihana ai i cili ka nderuar fierakët me golin e shënuar.

GRUPI B
E shtunë, 2 shkurt 2019
Apolonia-Pogradeci    1-0
Shënues: Mihana 69′
Turbina-Tomori           0-2
Shënues: Sharavolli 2′, Dervishi 70′
Bylis-Lushnja               3-0
Shënues: Shyti 23′, Bytyçi 41′ (pen.), Bajramaj 66′
Elbasani-Besa              0-3
Shënues: Çelhaka 45′, Çekiçi 45+1′, Onuh 81′

E diel, 3 shkurt 2019
Egnatia-Oriku             14:00 (Luhet në Peqin)

Në rrëfimin e tij, Koci tregon momentet e tij më të mira, por në anën tjetër tregon dhe ato ndeshje që janë peng i tij. Falënderime për të gjithë ata që i kanë dhënë besim dhe e kanë mbështetur, por në krahun tjetër ka një respekt të veçantë për presidentin e Kukësit.

Edhe pse me futbollin e luajtur e ka mbyllur, ish-portieri i Kukësit, Besëlidhjes dhe Kastriotit tregon se jeta e tij do të vijojë të jetë e lidhur me fushën e blertë, duke zbuluar dhe postin që do të mbajë në të ardhmen. Me Kukësin, portieri në fjalë ka arritur që të fitojë titullin, Kupën e Shqipërisë dhe Superkupën, duke qenë gjithnjë aty për të dhënë kontributin e tij në çdo moment që do të kërkohej.

-Vis, në muajt e fundit ju kemi parë jo aktiv në futboll, mund të themi se e keni mbyllur me futbollin e luajtir?
Po, është e vërtetë që e kam mbyllur me futbollin e luajtur. Prej pak kohësh jam shkëputur nga futbolli aktiv.

-Pse e patë të arsyeshme që ta mbyllnit pikërisht tani?
Ishte momenti i duhur për të varur këpucët në gozhdë. E pash të arsyeshme dhe thash ‘stop’. Çdo fillim e ka një fund dhe për mua ishte momenti që të ndalesha këtu.

-Nga Besëlidhja, te Kastrioti e më pas te Kukësi, si mund ta përshkruani karrierën tuaj?
Në fundin e karrierës të gjithë futbollistët besoj se bëjnë llogaritë e tyre. Mund të them se kam kaluar një karrierë mjaft të mirë. Si në Lezhë ashtu dhe në Krujë kam kaluar mjaft mirë. Kam një respekt të jashtëzakonshme për të dyja këto ekipe, ku kam pasur një periudhë mjaft të suksesshme. Kam dhënë më të mirën time. Më pas erdhi rikthimi në qytetin e lindjes dhe nuk kam shumë fjalë për të thënë, pasi të gjithë e dinë se sa sukses ka pasur skuadra e Kukësit në vitet e fundit.

-Kur u rikthyet te Kukësi e kishit menduar këtë ecuri?
Të tregohem i sinqertë deri në Superiore e kisha menduar dhe kisha shumë besim që do të arrinim, por që do të festonim titullin kampion dhe që do të kishim atë ecuri mbresëlënëse në Kupat e Europës nuk e kisha menduar. Ishte vërtetë diçka që askush nuk do e kishte besuar kur nisi të ndërtohej Kukësi i elitës.

-Duke ditur se keni qenë bashkudhëtar me Kukësin çdo edicion në arenë ndërkombëtare, cilin moment do të veçonit si më të veçantin, për ju dhe skuadrën?
Në Europë kemi vetëm momente të mirë. do të veçoja ndeshjen më të bukur atë ndaj Sarajevos në Bosnje, pasi Halili priti penalltinë, e cila ishte shumë deçizive për kualifikimin tonë në turin tjetër. Ishte një emocion shumë i madh që nuk mund ta përshkruaj.

-Po ndonjë moment të vështirë…
Është paksa e vështirë, por për fatin e keq ishte ai 11-metërsh që humbi Pejiç në ndeshjen me Sherifin. Zhvilluam një takim shumë të mirë dhe meritonim ne të kalonim më tutje, por fati nuk ishte me Kukësin dhe erdhi ai eliminim i pamerituar. Është një nga ndeshjet që e kam jo pak peng.

-Titulli kampion, sa i veçantë ishte që ta çoje në qytetin e lindjes, në shtëpi e thënë ndryshe…
Natyrisht që për çdo futbollist është një ëndërr kur luan me skuadrën e qytetit tënd që të çosh titullin. Fatmirësisht kisha mundësinë ta shijoj këtë kënaqësi që është vërtetë e veçantë.

-Ka pasur Koci ndonjë peng gjatë karrierës?
Është një ndeshje që e kam peng. Luanim ndaj Teutës në Kukës dhe ndeshja përfundoi me rezultatin 2-2. Gabova në minutën e fundit të ndeshjes dhe nuk arritëm dot që të fitonim. Ishte një ndeshje shumë e rëndësishme dhe pas 3 ditësh do të luanim për Kupë në Durrës. Falënderoj trajnerin Klodian Duro dhe portierin Koliçi që më besuan edhe në ndeshjen e Kupës, pasi pas atij takimi shkuam në finale. Kisha edhe mbështetjen e presidentit dhe shokëve të skuadrës.

-Në gjithë këto vite, kush kë mund të veçosh si një person që do i jesh mirënjohës për përkrahjen që të ka dhënë?
Janë vërtetë shumë. Të gjithë lojtarët që kamë punuar si në të shkuarën ashtu dhe aktualisht te Kukësi më kanë respektuar dhe i kam respektuar. Po ashtu gjej rastin të falënderoj edhe trajnerët që kam pasur, duke nisur që nga Bajko, me të cilin kam punuar tek Besëlidhja e Paulin Ndoj. Te Kastrioti, Ramadan Ndreun dhe Gut Tafajn, me këtë të fundit ishim dhe te Kukësi. Më pas profesor Armando Cungun, të ndierin Dash Gëzdarin, Klodian Duron, Ernest Gjokën, Ermal Nexhipin, Alfred Osmanin, Kujtim Shtama, Efstrat Billa. Të gjithë gëzojnë respektin tim dhe i falënderoj për të gjithë ndihmën e tyre. Nga presidentët nuk mund të mos përmend Safet Gjicin, i cili ka qenë si një prind për mua dhe më ka qëndruar gjithnjë pranë. Është një person që ka bërë shumë si për mua ashtu dhe për qytetin e Kukësit.

-Cilat janë planet për të ardhmen?
Kam mbaruar kursin për trajner dhe besoj se do të jem sërish i angazhuar në botën e futbollit edhe në të ardhmen. Për momentin jam angazhuar me portierët e moshave në Kukës.

“Të fitosh ndeshjen e parë në Kupë jashtë të bën të ndjehesh mirë. Besëlidhja është një kategori më poshtë se ne, por nga ajo që pamë në ndeshje, ata ditën shumë mirë t’i përshtaten terrenit, që ishte mjaft i rënduar. U bë më shumë një lojë fizike, sesa mënyrën e lojës sonë”.

“Flas për ecurinë e skuadrës sime, s’kam pse komentoj Partizanin. Partizani është rivali jonë me të cilët do të përballemi pas tre ditësh. Ne pavarësisht largimeve të lojtarëve jemi një skuadër që kemi bërë mirë, dhe ndoshta duhet të kishim marrë më shumë pikë në renditje, duke qenë se kemi dhënë më shumë në fushë. Sigurisht dhe duke qenë pjesë e këtij klubi e këtij ambienti, që vitet në këto vite ka fituar shumë, kurrsesi nuk mund të heqim dorë si madhorë nga kupa dhe kampionati”, përfundoi Shehi.

Sulmuesi Oto Xhon shfrytëzoi një asist të dhënë nga Guexh dhe mposhti portierin Bajri. Gjithsesi lezhjanët nuk u dorëzuan dhe sfiduan korçarët e baltën, duke barazuar me anë të Oumar Kamara në mesin e pjesës së parë.

Me rezultatin 1-1 u mbyllën 45 minutat e para, kurse në të dytën Skënderbeu e gjeti avantazhin shumë shpejt me anë të Gripshit. Trajneri Shehi u dha mundësinë edhe të rinjve të luanin, ndërkohë që Besëlidhja u mundua shumë të barazonte. Portieri Aldo Teqja ishte vendimtar me pritjet e tij dhe korçarët triumfuan dhe do të kërkojnë të formalizojnë kualifikimin në çerekfinale në ndeshjen e kthimit.

BESËLIDHJA-SKËNDERBEU 1-2
Shënues: O. Kamara 26′ / Xhon 10′, Gripshi 51′

Besëlidhja: Bajri, Miloti, Fetaj, Dibra, Rrustemaj, Hepaj, Hoxha (Hasaj 77′), O. Kamara, Thea (Përgjoni 64′), I. Kamara, Soumah. Trajner: Vladimir Gjoni.

Skënderbeu: Teqja, Vangjeli, Sambou, Aliti, Abazi, Taipi, Dita (Mara 66′), Guexh (Qoshku 76′), Hoxhaj, Gripshi, Oto Xhon ( Ajzeraj 69′). (Në dispozicion: Dajsinani, Pëllumbi, Vangjeli, Gavazaj). Trajner: Orges Shehi

Gjyqtarë: Olsi Sokoli, Alfred Shkreta, Arbër Zalla, Klajdi Kola
Delegat: Justin Bespalla; Vëzhgues: Idriz Gashi

“Me Veleçikun ishte një miqësore e bukur dhe e luftuar nga të dyja skuadrat. Fitorja e Besëlidhjes nuk erdhi si rastësisht, por me një lojë bindëse. Madje, nëse do të ishim më të qartë në finalizim, mund të kishim shënuar rezultat më të thellë. Gjatë stërvitjes në këtë periudhë e kemi vënë theksin te shënimi i golit, dhe ndaj Veleçikut skuadra tregoi se ende përmirësimi në këtë tregues mungon”.

Gjatë këtij muaji Besëlidhjes i është bashkuar mesfushori Brilant Hasaj, i cili në pjesën e parë të sezonit e luajti me Veleçikun, por trajneri Gjoni ka edhe një synim. “Besëlidhja ka qenë gjithmonë protagoniste në ndeshjet e Kupës, dhe mendoj se në sfidën e ditës së martë me Skënderbeun nuk do të hyjë si inferiore. Ne do jemi surpriza e Kupës së Shqipërisë në këtë sezon”, kështu përfundoi deklarimin e tij trajneri Vladimir Gjoni i Besëlidhjes.

Skuadra lezhjane është kualifikuar në turin e 1/8 në Kupën e Shqipërisë dhe ndeshjen e parë e luan të martën në Lezhë ndaj Skënderbeut, ndërkohë që në datën 2 shkurt, në javën e 15-të të Kategorisë së Parë luan “derbin” e prefekturës në Shënkoll.

AGRON KAJA

Në karrierën e tij si futbollist, Gjoni e ka nisur me Burrelin, ndërkohë që në elitë ka luajtur edhe me Shkumbinin, Luftëtarin, Lushnjen e Flamurtarin. Ndërsa pas vitit 2010 ai ka qenë në stolin e disa skuadrave në Kategorinë e Parë, si Burreli, Luftëtari, Egnatia e këtë sezon te Besëlidhja. Në tre ndeshjet në bankinën lezhjane skuadra ka arritur të marrë 4 pikë.

INTERVISTOI: AGRON KAJA

E kishit menduar barazimin në sfidën e javës së 13-të me Vllazninë në “Loro Boriçi”?
-Çdo trajner e motivon skuadrën që në të gjitha ndeshjet të arrijë fitoren, pavarësisht nga kundërshtari që do të ndeshet. Objektivi ynë ishte që nga “Loro Boriçi” ne të mos dilnim pa pikë, dhe ja arritëm, duke hyrë tashmë në pesëshen e skuadrave pretendente në kreun e renditjes.

Mos është objektiv i avancuar Superiorja, apo ju keni një bazë ku e mbështetni?
-Ngjitja në Kategorinë Superiore nuk duket e pamundur për Besëlidhjen. Sepse kemi edhe 5 ndeshje të fazës së dytë me 15 pikë brenda tyre, por do të kemi edhe fazën e tretë e cila nis me përgjysmimin e pikëve për çdo skuadër, që i përafron ato në tabelën e renditjes.

Në tre ndeshje që e drejtoni Besëlidhjen janë grumbulluar 4 pikë, ju çfarë keni ndryshuar te skuadra?
-Mendoj se ka ndryshuar mentaliteti në mënyrën e lojës, pasi Beslidhja ka lojtarë cilësorë të cilët japin garanci për më shumë, por vendosja e tyre në fushë në ndeshjet e mëparshme nuk ishte ajo e duhura. Në këto ndeshje kemi përshtatur vlerat e lojtarëve me pozicionet në fushë.

Për gjysmën tjetër të sezonit, mendoni se Beswlidhja ka nevojë për merkato?
-Natyrisht që po, dhe me drejtuesit e klubit kemi rënë dakord që gjatë muajit janar të afrojmë futbollistë cilësorë, kryesisht për sulmin. Sepse Besëlidhja sot ka mangësi në forcën goditëse, ndërsa pjesa tjetër duket e kompletuar.

Duke qenë për disa sezone Pjesë e Kategorisë së Parë, çfarë mendoni se duhet të ndryshojë në gjysmën e dytë të këtij sezoni?
-Nëse është e mundur, në radhë të parë terrenet sportive, e kryesisht në disa fusha që gjatë muajit dhjetor janë kthyer në moçale. Licencimi i tyre do kujdes, ndërkohë që në këto 13 ndeshje të luajtura ka patur mangësi edhe me gjykimin, tregues emergjent ky për tu përmirësuar.

Një Vllazni këmbëngulëse, që në pjesën e parë nuk ia doli dot të shënonte dhe 45 minutat e para u mbyllën pa gol. Me fillimin e pjesës së dytë, shkodranët arritën të fitojnë një penallti dhe mbrojtësi Olsi Gocaj nga pika e bardhë u tregua i saktë.

Besëlidhjes iu deshën disa minuta për ta marrë veten dhe në fund e vunë në vështirësi Vllazninë. Këmbëngulja e tyre u shpërblye dhe në fund Kamara arriti të shënonte golin që bëri që skuadrat të ndanin nga një pikë.

KATEGORIA E PARË – Java 13
GRUPI A
Të shtunën, 15 dhjetor 2018, ora 13:30
Vllaznia-Besëlidhja 1-1
Shënues: Gocaj 56’ (pen.) / Kamara 93’

“FSHF ka njoftuar se ka një ndryshim te orarit të ndeshjes Vllaznia- Besëlidhja. Ajo nuk do të nisë në orën 14.00 siç ishte planifikuar, por në orën 13.30 në stadiumin “Loro Boriçi” të qytetit të Shkodrës”, njofton klubi shkodran.

Por në 13.30 nuk do të luhet vetëm Vllaznia-Besëlidhja. FSHF ka vendosur që edhe takimi i së dielës, mes Bylisit dhe Besës, të luhet në atë orar. të dy këto takime janë edhe ndeshjet më të rëndësishme të kësaj jave.

Ish-trajneri i Egnatias do të marrë drejtimin e skuadrës duke nisur që nesër. Pas largimit të Ndriçim Kashamit, vendin e tij e mori Gledis Lani, i cili e mbajti rolin e trajnerit në mënyrë provizore, derisa drejtuesit të gjenin një teknik tjetër.

Gjoni më parë ka arritur që të ngjisë nga Kategoria e Dytë në të Parën Egnatian, por ka dhënë kontributin e tij edhe për ekipin e Burrelit, si dhe për skuadrën e Luftëtarit. Lezhjanët kanë si objektiv ngjitjen në Superiore dhe Gjonin e pret një mision jo i lehtë.