Trajneri Shpëtim Duro po plotëson stafin e tij. Andi Kulli është përgatitësi atletik që do të jetë pjesë e Kukësit. Më parë ai ka qenë edhe te Partizani dhe Duro e njeh mirë atë. Veç Kullit pritet që të ketë edhe një afrim tjetër në staf.

MUSOLLI – Mesfushori është bashkuar me skuadrën, edhe pse ende nuk ka një njoftim në lidhje me rinovimin e kontratës. Në seancën stërvitore të ditës së mërkurë, Musolli është përplasur me Oumar Kamara dhe e ka lënë stërvitjen para kohe.

Fillimisht ka pasur panik, pasi vjet Musolli qëndroi për muaj të tërë jashtë fushave të blerta për shkak të një dëmtimi në gju, që u shoqërua me një ndërhyrje në ligament. Fatmirësisht për mesfushorin nuk ka diçka shqetësuese dhe gjithçka është në rregull.

“Sa kam unë te Kukësi, nuk kemi qenë kurrë me kaq probleme në një sezon. Kaq shumë dëmtime e probleme janë një arsye e madhe për distancën nga kreu. Në fillim të vitit ishim në rregull, por më pas ishin të papritura shumë dëmtime”, u shpreh Musolli.

Më tej ai flet për ndeshjen me Skënderbeun: “Është ndeshje e rëndësishme, është rival historik prej vitesh dhe ndeshjet me ta kanë qenë shumë të luftuara”. Kupa më pas është në fokus: “Mendojmë vetëm për ndeshjen e radhës, ka kohë për finalen. Duam 3 pikë qetësie”.

Musolli e ka fituar edhe më parë Kupën me Kukësin, madje duke shënuar penalltinë e fundit në finalen ndaj Laçit. “E kam fituar edhe më parë, shpresoj ta fitojmë sërish. Jemi në një moment të mirë”, tha mesfushori, i cili ndaj Skënderbeut do të mbajë edhe shiritin e kapitenit në mungesë të Shametit.

Mesfushori pyetet edhe në lidhje me të ardhmen e tij te Kukësi: “Për momentin mendojmë ta mbyllim sezonin me sukses. Unë dua të qëndroj, është shtëpia ime. Gjithsesi nuk i dihet të ardhmes”. Në fund Musolli ndan mendimin e tij edhe në lidhje me stadiumin: “Kam qenë i mendimit që të luajmë gjithnjë në Elbasan. Për mua në Kamzë nuk janë të gjitha kushtet, por për shkak të tifozerisë luajmë aty”.

“E prisja debutimin. Me thënë të drejtën është dëmtim i vështirë, që nuk ia uroj akujt. Ishin emocione të forta, që nuk i kisha përjetuar asnjëherë”, thotë Musolli për RTSH, ndërkohë që më tej flet edhe në lidhje me vështirësitë që ka pasur gjatë periudhës së rikuperimit.

“E kam thënë se është vështirë, por me ndihmën e shokëve dhe familjes ia dola. Trajneri i ri ka sjellë ndryshim, sidomos fitorja me Laçin. Ekziston frika dhe iu shmangësh dueleve, por kam folur me doktorët dhe ata që e kanë kaluar këtë dhe më është thënë se mund të luash në 100 për qind”, shton mesfushori.

Në lidhje me të ardhmen, apo se çfarë ka biseduar me presidentin Safet Gjici, Musolli deklaron: “Ideja ishte të kthehesha të luaja. Kam pasur disa takime me presidentin, më kërkoi të isha pranë ekipit sa më parë. Kaq ka qenë e gjitha”.

“Rinovimi i kontratës? Nuk kemi folur ende. Kisha një dëmtim. Falënderoj ekipin. Si kapiten do marr përgjegjësitë dhe uroj të jem lojtari që do e çoj ekipin sa më lart”, përfundoi Musolli deklaratën e tij. Mesfushori është një nga lojtarët më të dashur për tifozët e Kukësit. Ai ka fituar gjithçka me klubin verilindor.

Në një intervistë për “Supersport”, Musolli foli për gjendjen e tij fizike, takimin ndaj rivalëve për titull dhe faktin që sfida do të luhet në “Loro Boriçi”.

GJENDJA FIZIKE – “Ka një muaj e gjysmë që kam filluar të bëj stërvitje me grupin. Shyqyr zotit gjithçka ka shkuar mirë. Ndihem 95% gati, patëm një miqësore ku u aktivizova për rreth 30 minuta dhe çdo gjë ishte mirë. Tani varet nga trajneri nëse do të aktivizojë ose jo”.

PARTIZANI – “Normalisht deri tani kanë bërë shumë pasi dhe fakti që janë nëntë pikë larg nesh tregon që kanë bërë shumë mirë. Mendoj se kjo ndeshje është një finale për ne sepse po na mundën ose barazuan mendoj se janë zyrtarisht kampion”.

STADIUMI – “E para mendoj se fusha e “Loro Boriçit” të ndihmon të luash futboll, pasi siç dihet fusha e Kamzës nuk është dhe aq e mirë. Ne kemi zhvilluar ndeshje të tjera atje që na kanë sjellë fat, shpresoj që dhe kjo të sjellë fat për ne”.

Musolli më pas edhe njoftoi largimin nga Kukësi, ashtu si edhe klubi verilindor u përshëndet me lojtarin. Reagimi i tifozëve ishte i menjëhershëm. Mesfushori ka qenë pjesë e rëndësishme e sukseseve të Kukësit në gjithë rrugëtimin e këtij klubi në elitë.

Të parin trofe Kukësi e ka ngritur pas golit të Musollit. Mesfushori realizoi në vitin 2016 golin e fitores në finalen e Kupës së Shqipërisë kundër Laçit. Prapakthehu dhe largimi i Musollit nuk u bë në asnjë moment realitet.

Në janar ai iu bashkua ekipit në fazë përgatitore. Pas shumë muajsh pa futboll, tanimë Musolli është gati dhe madje para një ndeshjeje si ajo me Partizanin. Normalisht ende nuk mund të luajë titullar, por trajneri Ramadan Ndreu mund ta përfshijë gradualisht në lojë.

“Unë besoj se ky kampionat është më i forti nga të gjithë. Katër ekipet e para kanë qenë të forta dhe e kanë bërë ato kampionatin, sivjet janë të gjithë të forta. Është e freskët që vendi i fundit mundi një ekip më lart, edhe ne kemi fituar me vështirësi me Luftëtarin dhe Kamzën. Ju e dini objektivin tonë, që është vetëm titulli kampion”, thotë Gjici për Supersport.

STADIUMI I RI – “Kryeministri Rama e ka shpallur vendimin. Federata dhe Qeveria do investojnë 50 me 50. Është mbyllur tenderi i projektimit, shpejt do mbyllet edhe tenderi i i zbatimit. Besoj se mund të mbyllet gjithçka brenda 6-mujorit të parë të vitit të ardhshëm.

Sa i takon stadiumit ku Kukësi do të luajë deri në fund të sezonit, Gjici shtoi: “Kemi bërë një marrëveshje me Kamzën, besoj se tani e tutje do luajmë aty. Tifozët e Kukësit nuk kanë pasur mundësinë ta ndjekin kudo, por po e çojmë aty ku ka kuksianë. Zgjedhja më e mirë e mundshme është Kamza. Edhe për ata që vijën nga Kukësi, pasi nuk kanë nevojë të futen në trafikun e Tiranës”.

NDESHJA E RADHËS – “Skënderbeu është Skënderbeu, duhet vlerësuar maksimalisht. Nuk janë ai ekipi që kanë qenë vitet e fundit, por mbeten Skënderbeu. Tifozët e kuptojnë se është një ndeshje shuymë e rëndësishme për ne, ndaj duhet të na mbështesin ekipi. Do mundohemi t’i ndihmojmë të jenë pranë ekipit. Ndeshja do të jetë e fortë dhe besoj tek ekipi dhe stafi”.

MERKATO – “Ndreu dhe Nexhipi po merren fort, jo shumë lojtarë, pasi jemi të kufizuar. Po punohet për 2-3, ose katër lojtarë që bëjnë diferencën. Jemi gati t’ia plotësojmë kërkesat trajnerit, pasi kampionati sa vjen e vështirësohet”.

MUSOLLI – “Me marrëveshjen e parë, i thashë që nëse nuk gjen ekip në Kosovë, e ke të hapur derën. je në shtëpinë tënde, duhet ta rrëzosh në shkelm derën nëse do të kthehesh. Nga shkurti do jetë me grupin, do jetë në fazë dhe do ketë një grup në dispozicion që të kthehet sa më shpejt. Ai do jetë i Kukësit derisa të lërë futbollin. Ne nuk hedhim në rrugë asnjë, jo më Musollin”.

Ai që duket se e ka përjetuar më keq ka qenë presidenti Safet Gjici. “mes Presidentit dhe 29-vjeçarit është rënë dakord që lojtari të qëndrojë te Kukësi, të vijojë rehabilitimin, të jetë pjesë e ekipit dhe për t’u rikthyer në fushën e lojës madje për të qenë përherë pjesë e skuadrës nënkampione të Shqipërisë”, njoftonte klubi verilindor një ditë më parë.

REVOLTA – Në rrjetet sociale kanë qenë të shumta ata që kanë kundërshtuar largimin e Musollit nga ekipit. I dëmtuar që në ndeshjen me Teutën fazën e parë, mesfushori po vijon fazën e rikuperimit dhe kthimi i tij vonon. Me t’u bërë publik lajmi i largimit, komentet e tifozëve ishin të shumta. Shumë prej tyre edhe fshiheshin, për shkak se nuk mungon as akuzat për klubin.

Veç tifozëve, Musollin e mbështetën edhe shokët e ekipit. Çyrbja në konferencë për shtyp, por edhe Rrumbullaku para ndeshje me Luftëtarin, hapur e thanë që nuk u ka ardhur mirë për largimin e mesfushorit. Edhe ish-lojtarë të Kukësit nuk ngurruan të dilnin krah Musollit.

QËNDRIMI I MUSOLLIT – “Jetës nuk i dihet asnjëherë dhe fatin tonë e vendos vetëm Zoti. Pas një aventure të gjatë, ku takova shumë miq të mirë, arrita shumë suksese, por kalova dhe shumë vështirësi, dua të njoftoj që aventura ime te Kukësi mbyllet këtu. Jam ndjerë si në shtëpinë time nga pritja e tifozëve, të cilët më kanë mbështetur që nga momenti i parë kur firmosa me Kukësin dhe vijojnë që ta bëjnë edhe tani kur po kaloj një moment jo pak të vështirë. Më besoni që nuk do doja që të ndahesha në këtë mënyrë, por rrethanat na shtynë që të merrnim një vendim ku të përshëndetesh me presidentin dhe drejtuesit. Dua të falënderoj këdo që më ka qëndruar pranë gjatë gjithë kësaj kohe. LAMTUMIRË. Forca Kukësi”, shkruante Musolli.

Në klubin e Kukësit është këmbëngulur që mesfushori 29-vjeçar e ka kërkuar vetë largimin. “Më besoni që nuk do doja që të ndahesha në këtë mënyrë, por rrethanat na shtynë që të merrnim një vendim ku të përshëndetesh me presidentin dhe drejtuesit”. Kjo fjali tregon qartazi që diçka ka ndodhur dhe Musolli është detyruar të kërkojë largimin, që fillimisht iu aprovua.

Në njoftimin e publikuar në llogarinë e klubit në “Facebook” thuhet se Musolli do të vazhdojë të jetë pjesë e Kukësit dhe mbas përfundimit të rehabilitimit nga dëmtimi në gju, 29-vjeçari do të rikthehet sërish në fushën e blertë.

Largoheni pas shtatë sezoneve nga Kukësi, si ishte kjo ndarje për ju?
-E kam thënë edhe më përpara, që aty jam ndjerë si në familjen time. Tifozët kukësianë do të jenë si një familje e dytë për mua.

Cili ka qenë momenti më i bukur gjatë këtyre viteve me ekipin?
-Momenti më i lumtur ka qenë fitimi i trofeut të parë në Kupën e Shqipërisë. Ishte trofeu i parë i klubit dhe isha kapiten. Një moment i paharruar!

Aty shënuat edhe 11-metërshin vendimtar të finales, e cila e shton peshën e atij momenti?
-Gjithçka ka qenë më ndryshe, grupi ka qenë më i mirë. Ishte një kënaqësi, që nuk e kam përjetuar deri më tani.

E kishit menduar një largim të tillë nga Kukësi?
-Largimin tim e kisha menduar me një ndeshje të fundit, para tifozëve, për të marrë duartrokitjet e tyre. Megjithatë, jo gjithçka ndodh ashtu si mund ta dëshirosh, por i përshëndes të gjithë mbështetësit e Kukësit.

Pas largimit, opinioni sportiv në Kukës dhe tifozët ju kanë dhënë shumë mbështetje… çfarë besoni se ju ka bërë kaq të veçantë?
-Nuk më pëlqen të flas për veten. Jam ndjerë vërtetë shumë i respektuar, sepse në momentet e mia më të vështira, ata kanë bërë shumë për mua dhe do t’u jem gjithmonë mirënjohës.

Kur ju bashkuat në fillim Kukësit, e mendoje se do të ishte një rrugëtim kaq i gjatë?
-Kur erdha, isha një lojtar i ri, i sapo ardhur nga një kampionat ndryshe. Megjithatë, asnjëherë nuk mundohem ta parashikoj të ardhmen. Edhe me Kukësin, gjithçka rrodhi natyrshëm.

Cila do të jetë e ardhmja e Musollit?
-Për momentin nuk ka asgjë konkrete, por në harkun e pak ditëve do ta mësoni te cila skuadër do të jem. Shpresoj që të vijë një ofertë e duhur dhe të vendos për të ardhmen.

Do të vazhdoni të luani në Shqipëri, apo ndoshta të ktheheni në Kosovë?
-Edhe këtë nuk e di, megjithatë të jem i sinqertë, për momentin nuk kam asgjë konkrete.

“Kam qenë jashtë fushave shumë kohë, u bënë gjashtë javë. Kjo ndikon për një lojtar, kjo është jeta jonë. Me Kamzën ekipi tregoi cilësi, morëm tre pikët. Sot kemi ndeshje të vështirë me Luftëtarin dhe do bëjmë maksimumin të fitojmë”.

“Shameti ka shumë kohë këtu. Është gjë e mirë të jemi të gjithë bashkë dhe të arrijmë te fitorja. Si është përjetuar largimi i Musollit? Kjo gjë na ka mërzitur shumë, ai është lojtar i rëndësishëm dhe kapiten. I urojmë suksese në të ardhmen dhe të kthehet më i fortë. Nuk di të them pse erdhi largimi. Marrëdhënia e Musollit me ekipin ishte shumë e mirë, nuk e dimë çfarë ka ndodhur”.

Më pas Superkupa dhe titulli kampion. Kaq ka fituar Kukësi dhe Musolli ka qenë në fushë duke dhënë kontributin e tij. Gjithsesi, shtrëngim duarsh dhe tashmë lojtari duhet të mendojë të rikuperohet. Është vetëm 29 vjeç dhe e presin vite të tjera në futboll.

Së fundmi është zbuluar edhe një prapaskënë, që kishte ndodhur gjatë kësaj vere. Për Musollin ka pasur interesim nga Emiratet e Bashkuara Arabe, madje jo vetëm kaq. Oferta ka qenë konkrete dhe Kukësi do të përfitonte pak nga marrëveshja.

Por për Musollin oferta ishte super. Telesport raporton se bëhej fjalë për një pagë që shkonte në 20 mijë euro në muaj. Të përfshira edhe shtëpia e makina, sikurse ndodh zakonisht në Lindjen e Mesme. Mesfushori ishte dakord me kushtet dhe valixhet i bënte gati për pesë minuta.

Gjithsesi kontrata ishte pengesë. I përfundonte pas kupave të Europës dhe në këto kushte duhej paguar për kartonin e tij. Oferta u bë, por ishte e pamjaftueshme sipas drejtuesve verilindorë. Kukësi nuk e lëshoi as për kontratën e jetës, ndërsa sot është lojtar i lirë. Kanë kaluar pak muaj nga ajo ofertë, ndërkohë që Musolli pat pranuar më pas pa hezitim edhe rinovimin e kontratës

“Me aq sa u informova shkurtimisht, mësova se mes dy palëve është arritur një marrëveshja që lojtari të lihet të rehabilitohet në Kosovë dhe më pas do të jetë dera e hapur për të, për të qenë pjesë e Kukësit”, u shpreh Cungu, ndërkohë që tanimë vetë Musolli mes të tjerave i ka thënë LAMTUMIRË verilindorëve.

“Jetës nuk i dihet asnjëherë dhe fatin tonë e vendos vetëm Zoti. Pas një aventure të gjatë, ku takova shumë miq të mirë, arrita shumë suksese, por kalova dhe shumë vështirësi, dua të njoftoj që aventura ime te Kukësi mbyllet këtu. Jam ndjerë si në shtëpinë time nga pritja e tifozëve, të cilët më kanë mbështetur që nga momenti i parë kur firmosa me Kukësin dhe vijojnë që ta bëjnë edhe tani kur po kaloj një moment jo pak të vështirë. Më besoni që nuk do doja që të ndahesha në këtë mënyrë, por rrethanat na shtynë që të merrnim një vendim ku të përshëndetesha me presidentin dhe drejtuesit. Dua të falënderoj këdo që më ka qëndruar pranë gjatë gjithë kësaj kohe. LAMTUMIRË. Forca Kukësi”, shkruan mesfushori në llogarinë e tij në “Facebook”.

GJENDJA – “Në fillim shenjat ishin që nuk kisha një dëmtim të tillë. Pas shumë vizitave mora vesh që kisha këputur ligamentin. E kam kaluar pjesën më të vështirë. Tani po shtoj ritmin e stërvitjes. Jam mirë për momentin”, shprehet Musolli për “Supersport”.

Fizioterapisti Ervin Kapaj është i bindur se rikuperimi po shkon shumë mirë. “Duke parë Musollin, ai ka një fizik të mirë. Duket si 22-vjeçar, edhe pse është 29 vjeç. Edhe karakteri që ka e ndihmon. Përgjithësisht lojtarët e vuajnë shumë një dëmtim të tillë. Në periudhën janar-shkurt të fillojë të vrapojë, të prekë topin. Duhen tre muaj intensive. Nëse kjo fazë nis në janar, në shkurt ose mars i bie të jetë gati për lojë”, tregon Kapaj.

ANALIZA – Musolli më tej flet edhe për atë që po ndodh me ekipin e Kukësit këtë sezon. “Kemi zhvilluar ndeshje të mira, por rezultati ka munguar. Ky është futbolli. Ky moment ku jemi është dështim. Gjithsesi lufta nuk ka mbaruar dhe do tentojmë titullin deri në fund”, shprehet mesfushori.

RINOVIMI – Në verë Musolli del lojtar i lirë. Fillimisht mendon rikuperimin e tij dhe më pas nëse do jetë në lartësinë e duhur, me shumë mundësi do të qëndrojë. Por duhet pritur. “Kjo për mua është shtëpia ime e dytë. Nuk e di, gjërat janë vështirësuar. Nëse bëhem mirë, jam mirë këtu ku jam. Gjithsesi në futboll nuk i dihet”, thotë Musolli.

SUKSESI I KOSOVËS – Musolli do të donte të rikthehej e të luante për Kosovën, ndërkohë që komentin edhe vendin e parë të përfaqësueses së tij në Nations League. “U lumturova, paiis kam qenë pjesë e Kosovës. U ndjeva krenar, më ngelet t’u uroj suksese. Ëndrra është Europiani, nëse do bëhem mirë në vazhdim”, përfundoi mesfushor i Kukësit.

“Në radhë të i uroj Musollit shërim sa më të shpejtë dhe rikthim të shpejtë në fushën e lojës. Ai është prej atyre kolegëve që unë e kam si vëlla, pasi prej 6 vitesh luaj me të. Kemi luajtur afër njëri-tjetrit në fushë dhe merremi vesh me sy. Do na mungojë shumë në fushë, por janë gjëra që ndodhin në jetë. Lojtarët e tjerë do të mbushin si duhet hapësirën e lënë bosh nga ai”, u shpreh gjirokastrite fillimisht.

Më pas si flet për rikthimin e tij pas mungesës në ndeshjen kundër Teutën në transfertë. “Shpresoj që rikthimi im të ndikojë pozitivisht dhe të jem në 100% ta kapacitetit tim. Duhet që ekipi të jetë mirë dhe fusha e lojës do të tregojë gjithçka”.

Shameti vlerëson kundërshtarin e radhës: “Ky kampionat është i vështirë dhe duhet mobilizim ndaj çdo kundërshtari. E kemi provuar dhe vjet me Kamzën dhe na ka nxjerrë probleme. Do ta vlerësojmë në maksimum dhe padyshim që do të futemi në fushën e lojës për të marrë tre pikët. Teuta? Nuk kam luajtur në ndeshjen kundër Teutës. Ekipi shkoi shumë mirë, përveç disa momenteve të veçanta. Shpresoj se këtë javë t’i reduktojmë gabimet që kemi bërë. Do të japim më të mirën në fushën e lojës”.

Gjithashtu nuk ia del dot as mesfushori Besar Musolli. Ndaj Teutës ai la fushën e lojës në pjesën e parë dhe ende pret përgjigjen e rezonancës për të mësuar shkallën e dëmtimit dhe kohën e rikuperimit.

Për momentin e sigurt është që nuk do të jetë në ndeshjen e kësaj jave me Kamzën. Në dyshim mbetet ende kapiteni Ylli Shameti, i cili mungoi edhe në ndeshjen e javës së shkuar ndaj durrsakëve.