Diçka e tillë është hedhur poshtë nga verdhezinjtë, që kanë dalë me një deklaratë dhe theksojnë se Magani është nën kontratë dhe do ta drejtojë Besën edhe sezonin e ri futbollistik.

Magani edhe në të shkuarën ka drejtuar në Kosovë. Trepça ’89 ka qenë klubi me të cilin ka bashkëpunuar peqinasi. Mbetet për t’ u parë se çfarë do të ndodhë në ditët në vijim.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Shimaj nuk është i vetmi lojtar i akademisë së Vllaznisë që i bashkohet Besës gjatë kësaj merkato vere.  Pak javë më parë klubi kavajas zyrtarizoi firmën me mesfushorin Uheid Hoxha. Të dy këta lojtarë zgjodhën skuadrën kavajase si vendin ku do hedhin hapat e parë në futbollin profesionist.

“Mosarritja e synimit për ngjitjen në Superiore sezonin e kaluar na ka mësuar shumë gjëra. Kemi ruajtur rreth 70% të lojtarëve nga sezoni që mbyllëm dhe fokusi ynë është përqendruar te lojtarë cilësorë dhe talente të reja. Në këtë merkato, së bashku me trajnerin Magani, po tregohemi të kujdesshëm me lëvizjet dhe  gjithçka e kemi zhvilluar me një strategji afatmesme e afatgjatë”, thekson Nexhat Bizhdili në këtë deklarim.

Ndërkohë, presidenti i Besës jep edhe një lajm të “fshehtë”, se, në mesjavën e ardhshme tre lojtarë nga Superiorja i bashkohen skuadrës së tij. “Në merkato ne nuk po synojmë lojtarë për të kaluar radhën, ka ikur ajo kohë te Besa. Në mesjavë do nënshkruajnë dy futbollistë cilësorë, të cilët vijnë nga Kategoria Superiore dhe tre të tjerë nga skuadra të njohura në Kategorinë e Parë. Paralel me përgatitjet, merkato do jetë e orientuar nga Superiorja, ky është synimi i Besës”.

AGRON KAJA

Klubi kavajas e ka shpërndarë gjithashtu dhe i uron shërim sa më të shpejte. Kullolli sezonin e fundit është aktivizuar në 20 ndeshje, 17 prej të cilave i ka nisur nga minuta e parë. Mbrojtësi ka shënuar edhe një gol, madje që i ka dhënë fitoren Elbasanit në tetor të vitit 2018.

Kulloli në të shkuarën është aktivizuar edhe me Sopotin e Tomorin në Kategorinë e Parë, ndërkohë që me kavajasit ka provuar edhe Superioren që në vitin 2013. Futbollisti 25-vjeçar tashmë duhet të rikuperohet dhe të kthehet i gatshëm për Besën në sezonin e ri.

Dy sezone më parë, Çelhaka luajti me Laçin e Tiranën dhe rikthimi i tij në Kavajë u bë me synim Superioren. “Unë nuk kam vendosur të lëviz në skuadra të tjera të Kategorisë së Parë, çdo lajm është spekulim. Te Besa erdha  vetëm për synimin e ngjitjes në Superiore. Duke qenë se nuk u arrit, po mendoj të rikthehem në Superiore”, theksoi Çelhaka për SportEkspres.com.

Ndërsa për skuadrën e ardhshme, sulmuesi kavajas deklaron se shumë shpejt do vendosë: “Realisht kam ofertë nga dy skuadra të Kategorisë Superiore dhe besoj se në dhjetë ditët e para të muajit korrik do kem vendosur”. Në tetë vite karrierë, Alked Çelhaka e ka nisur në pesë sezone radhazi me Besën, për ta kaluar më pas te Laçi e Tirana.

AGRON KAJA

Ngjitja në Kategorinë Superiore është deklaruar si objektivi kryesor nga presidenti Nexhat Bizhdili dhe rikthimin e Kajës në Kavajë e ka kërkuar me ngulm edhe vetë trajneri Gugash Magani.

32-vjeçari Ervis Kaja e ka nisur karrierën e tij te Besa në sezonin 2006-2007, por më pas ka luajtur në disa skuadra të tjera në futbollin shqiptar, si me Laçin, Tomorin, Dinamon, Tiranën, Apoloninë e Korabin.

Kavajasi ka provuar edhe dy eksperienca në futbollin kosovar, teksa është aktivizuar me Lirinë e Prizrenit dhe Dritën e Gjilanit. Sezonin e kaluar mbrojtësi Kaja e mbylli me Dinamon në Kategorinë e Parë.

AGRON KAJA

“E pashë më të arsyeshme ofertën që më bëri klubi i Bylisit. Pa hezituar kam nënshkruar të hënën në mbrëmje një kontratë 2-vjeçare, me opsion rinovimi edhe për një vit tjetër. Zgjodha Bylisin, jo vetëm se është skuadër e Kategorisë Superiore e do kishte prioritet para atyre në Kategorinë e Parë, por edhe për synimet ambicioze që ka kjo skuadër në këtë sezon”, theksoi mesfushori Mëllugja.

Ai flet edhe për ofertën e marrë nga Erzeni: “Unë i falenderoj drejtuesit e skuadrës së Erzenit, sepse ishin të parët në këtë merkato që më kontaktuan. Ata kërkuan që unë të bëhesha pjesë e kësaj skuadre për sezonin e ri. Besoj se duhet të më mirëkuptojnë në këtë zgjedhje personale, ndërsa në skuadrën e re do tregoj vlerat e mia më të mira”.

AGRON KAJA

]]> https://sportekspres.com/pritej-ne-shijak-mellugja-zgjedh-superioren-kam-firmosur/feed/ 0 https://sportekspres.com/merkato-e-beses-klejdi-zenelaj-zbulon-strategjine/ https://sportekspres.com/merkato-e-beses-klejdi-zenelaj-zbulon-strategjine/#respond Mon, 24 Jun 2019 10:35:33 +0000 http://sportekspres.com/?p=276121 Gugash Magani do të mbetet në krye të Besës, ndërkohë drejtuesit po punojnë pa shumë bujë në merkaton e kësaj vere. Sekretari i klubit kavajas, Klejdi Zenelaj, për SportEkspres.com deklaron se  Besa po i kushton vëmendje elementit të ri, njëherësh edhe përmirësimit të infrastrukturës në stadium.

“Nëse do të përmend dy të afruarit e fundit, Klevis Shaqe dhe Uheid Hoxha, kjo do të thotë se Besa do ketë prioritet talentet e rinj në moshë. Duke u bashkuar këta me pjesën e përvojës, si Mihani, Cara, Kullolli, Perja, Deliu, dy nigerianët Onuh dhe Ejoh, Ndraxhi, Miraka e lojtarët kosovarë Krasniqi, Thaçi, Shaljani e Zeqiri, këta do jenë baza e sezonit të ri”, u shpreh Zenelaj fillimisht.

Për emrat e rinj në merkato, ai nuk jep emra të veçantë. Më tej ai zbulon edhe programin e punës deri në nisjen e sezonit e në veçanti atë të fazës përgatitore. “Kanë nisur investimet në infrastrukturën e stadiumit, ndërsa përgatitjet do të nisin më 15 korrik.

Për dy javë skuadra do përgatitet këtu në Kavajë e më pas do udhëtojë në Pogradec ose në Korçë. Ndërkohë që në merkato do jemi aktivë, kryesisht me moshat e reja dhe në tregun kosovar të futbollit. Këto janë prioritetet tona për sezonin e ri”, ka përfunduar zyrtari i klubit kavajas.

AGRON KAJA

“Uheid Hoxha ka është lojtari me i ri në radhët verdhezi. Hoxha vjen nga akademia Vllaznisë dhe është një përforcim i vlefshëm për skuadrën”, njofton klubi kavajas. Hoxha te shkodranët ka qenë një nga lojtarët më të spikatur me moshat.

Sivjet ai do të ketë mundësinë të luajë në Kategorinë e Parë, ccka do t’i shërbejë të rritet dhe më pas të transferohet në ndonjë tjetër skuadër. Te Vllaznia U19 ai ka spikatur edhe me shënimin e golave, duke gjetur tetë herë rrugën e rrjetës.

Për SportEkspres.com, Shaqe deklaron se kontrata me Tomorin i mbaroi, por shpreh keqardhjen që skuadra zbriti në Kategorinë e Dytë. “Me Tomorin kalova një sezon të mirë, por më vjen keq që nuk ja arritëm mbijetesës në Kategorinë e Parë. Skuadra bëri shumë gabime, kryesisht pas fazës së dytë, por edhe fatin nuk e kishte shumë me vete. Gjithsesi, për mua ishte një përvojë që shpresoj të më shërbejë në vazhdimësinë e karrierës sime”.

Dhe menjëherë sapo sezoni i mbyll, Magani e kishte veçuar korçarin në planet e tij, për ta bërë realitet këtë verë. “Duke qenë lojtar i lirë, kisha edhe dy oferta të tjera në Kategorinë e Parë, por Besa më bindi me projektin e saj, sepse është skuadër që synon ngjitjen në Kategorinë Superiore. E mendoj një sezon më të fortë se me Tomorin, ndaj do jap maksimumin që të bind trajnerin Magani me formën time më të mirë”.

AGRON KAJA

“Ngacmimet” nga skuadra të tjera në Kategorinë e Parë duket se e kanë tunduar gardianin për të menduar lëvizje nga Kavaja. “Më kanë kontaktuar dy skuadra të Kategorisë së Parë, që do hyjnë me pretendime për t’u ngjitur në Kategorinë Superiore.

Duke qenë se ende nuk e kam mbyllur me Besën, dua të qëndroj korrekt. Për mua Besa është skuadër e respektuar, ashtu edhe drejtuesit e saj, ndaj pas datës 20 qershor do ulem të bisedoj me drejtuesit e klubit dhe së bashku do vendosim”, ka deklaruar portieri Miraka për SportEkspres.com.

Duke mos deklaruar skuadrën e interesuar dhe për çfarë do të vendosë me drejtuesit e klubit, Miraka e le të hapur gjithçka për vazhdimësinë. “Nuk dua t’i prish punë vetes të tregoj skuadrat e interesuara. Pasi ta kem mbyllur me Besën, natyrisht që ofertat do t’i bëj publike. Do flas pasi t’i kem rregulluar zyrtarisht punët”, përfundoi Miraka Në karrierën e tij, 31-vjeçari Festim Miraka ka luajtur me Lushnjen, Pogradecin e Luftëtarin, Turbinën, Luzin e Tërbunin.

AGRON KAJA

Klubi kavajas bën me dije se Shaqe do të jetë pjesë e Besës për katër sezone. I riu sezonin e parë si profesionist e ka regjistruar te skuadra e Tomorit. Lojtari i krahut të majtë është aktivizuar në 19 ndeshje me beratasit.

Tanimë ai është gati të nisë një aventurë të re me Besën. Kavajasit në vazhdim pritet të bëjnë edhe afrime të tjera. Si zakonisht do të vëzhgohet me kujdes edhe tregu në Kosovë, ku verdhezinjtë kanë gjetur shpesh elementë cilësorë.

https://www.facebook.com/349873605028455/posts/2814251825257275/

SITUATA NË SKUADËR – “Skuadra i mbylli të gjitha përgatitjet, njëherësh edhe gjithë sezonin. Nuk e arritëm synimin, ndoshta se Bylisi kishte më shumë vite që e kishte zënë radhën për t’u ngjitur në Kategorinë Superiore. Me të gjithë lojtarët jemi në kontakt dhe për gjithçka do t’i njoftojmë të gjithë ata që mendojmë t’i kemi në dispozicion për sezonin tjetër”.

TRAJNERI – “Magani është rikonfirmuar dhe unë kam shumë besim se këtë sezon së bashku me të Besa do t’ia arrijë synimit për ngjitjen në Superiore. Së bashku jemi duke ndjekur lëvizjet e merkatos, edhe pse ende nuk ka nisur zyrtarisht. Do të shohim për lojtarë në kampionatin kosovar, por edhe këtu në Shqipëri”.

INFRASTRUKTURA – “Sezonin tjetër Besa nuk do të ketë infrastrukturën e sezonit që sapo mbyllëm. Kemi marrë modelin e rikonstruksionit të stadiumit “Selman Stërmasi” dhe mbi atë projekt do bëhen restaurimet në stadiumin tonë. Të hënën bashkia do zhvillojë tenderin e punimeve, ku përfshihen shtrimi i tapetit të ri, rikonstruksioni i ambienteve dhe i gjithë tribunës, si dhe rikonstruksioni i shkallëve përkarshi”.

FORMULA E KAMPIONATIT – “Lëvizjet që po bën FSHF-ja për formulën e kampionatit të Kategorisë së Parë i mendoj shumë pozitive. Projekti i tyre e nxit shumë pozitivisht garën në këtë kategori, por edhe e normalizon situatën që krijohej në fazën e tretë. Ne si klub e mbështesim iniciativën e FSHF-së”.

AGRON KAJA

“Unë do ta respektoj kontratën që nënshkrova në janar me Presidentin Nexhat Bizhdili dhe do jem përsëri te Besa edhe sezonin të ri. Natyrisht që për këtë kam marrë garanci nga presidenti, i cili si fillim ka menduar që ta nisë sezonin nga rregullimi i fushës dhe i ambienteve në stadium. Nga drejtuesit e klubit paralelisht është punuar edhe për merkaton, sepse në sezonin tjetër do ta synojmë më fuqishëm Superioren”, theksoi Magani.

Ndërsa për emrat në merkaton e Besës, Magani theksoi se së pari u ndalën largimet dhe më pas do ketë edhe përforcime. “Nga skuadra që mbylli këtë sezon u larguan pesë titullarë, por nuk do ketë më të tjerë. Do qëndrojë ky grup dhe gjatë muajit qershor do të hyjmë fuqishëm në merkato. Emra konktretë unë nuk mund të deklaroj, pasi me dy-tre futbollistë jemi ende në bisedime. Me fillimin e qershorit do zyrtarizohet merkato”.

AGRON KAJA

Pas ndeshjes presidenca e Bylisit ka planifikuar një event të veçantë ku janë ftuar këngëtarë të ndryshëm për të festuar së bashku me tifozët rikthimin në Superiore pas katër vitesh.

Viti 2019 ka qenë perfekt për skuadrën ballshiote që fitoi çdo ndeshje në Kategorinë e Parë, duke mbyllur disa javë para fundit të kampionatit çështjen e mbijetesës.

Bylis 4 – 0 Besa
Shënues: Guindo 2’, 28’, Lamçja 11’, Peposhi 47’

Para kësaj ndeshjes është trajneri Gugash Magani ai që flet:  “Ishim rivalë me Bylisin, ndërsa tani jemi jashtë objektivave. Do shkojmë në Ballsh që të respektojmë kampionatin, pa asnjë motiv e synim të veçantë. Ky është futbolli dhe Besa do ta mbyllë me seriozitet këtë sezon”.

Për të ardhmen e tij në krye të Besës, Magani për SportEkspres.com deklaron: “Presim ta mbyllim këtë  kampionat  dhe më pas do kemi kohë që të flasim më shumë për aktualitetin e për vazhdimësinë te Besa”. Peqinasi mori drejtimin e Besës në janar dhe objektivi ishte ngjitja në Superiore.

AGRON KAJA

VENDIMET E DISIPLINËS
-Zyrtari i KF “Besa”, Emiljano Bizhdili, për sjellje jo sportive ndaj zyrtarit të ndeshjes, në bazë të Nenit 49/2/a të KDS, dënohet me 8(tetë) ndeshje pezullim nga aktiviteti.

-KF “Besa”, për sjellje të gabuar të spektatorëve dhe hedhje te sendeve të forta në fushën e lojës duke shkaktuar ndërprerjen përfundimtare të ndeshjes si dhe duke shkaktuar akte dhune, në bazë të Nenit 49/5 dhe 66/3/c të KDS, dënohet me humbjen e ndeshjes në tavolinë me rezultatin 3 me 0 dhe zhvillimin e 8 (tetë) ndeshje pa spektator në stadiumin përkatës.

-Rrëzimin e kërkesës se lojtarit të KF “Tirana”, Michael Ayodeji Ngoo, si të pa bazuar në Kodin e Disiplinës Sportive.

I ftuar në emisionin “Ditë të mbarë” në RTSH 2, ishte trajneri Dorian Bubeqi ai që ka komentuar ngjarjet e ndodhura në takimin Besa-Bylisi. Kavajasi është i habitur me sjelljen e tifozëve, që nuk kanë reaguar ashtu edhe në momente më të vështira të verdhezinjve.

“Nuk e prisja atë reagim nga publiku kavajas. Të gjithë duan të fitojnë. Drejtuesit duhet të kishin bërë më shumë, siç bënë duke bërë thirrje për të mbështetur skuadrën. Kavaja nuk e meriton një sjellje të tillë në stadium. Besa ka qenë edhe më keq, ka rënë nga kategoria, por nuk ka pasur sjellje të tilla”, ka deklaruar me të tjerave Bubeqi.

I pyetur nëse gurët e hedhur në fushë mund të kishin qenë vdekjeprurës, trajneri aktuali i Korabit deklaron: “Hedhjet sendeve në fushë ndodhin, por jo sa aty. Mund të ishin vrarës ata gurë. Dënimi? Mund ta kalojnë edhe me ndeshje në fushën e vet”, u shpreh Bubeqi.

Trajneri i ekipit kavajas, Gugash Magani, ka folur për “RTSH SPORT” në përfundim të takimit. Tekniku peqinas mori përgjegjësitë për lojën e dobët të skuadrës së tij, por nuk ngurroi të sulmonte arbitrin Klajdi Kola, të cilin e akuzon për njëanshmëri.

Në fakt, dua ta filloj nga pjesa teknike e lojës. Mund të them që kemi zhvilluar një ndeshje të dobët. Kanë ndikuar dy faktorë: Presioni, që na duhej patjetër, por mund të luhej edhe për barazim. E dyta është që kur kanë ardhur arbitrat, kanë qenë të paragjykuar dhe pasi pashë lojën, jam dakord për paragjykimin.

Gjithsesi, unë mendoj që goli i Bylisit ka qenë faull para se topi të shkonte atje. Kemi dyshime për një penallti që na u mohua. Kartoni i kuq i vuri vule gjithçkaje. Lojtari godet topin, ai i nxjerr karton të kuq lojtarit tim. Për dy rastet e para, nuk mund të jap një mendim të saktë, por te kartoni i kuq ka qenë diçka e papranueshme.

Mendonim që do të vinte një gjyqtar i FIFA-s. Gjithsesi, loja fitohet në fushë dhe me drejtësi. Sot, nuk kishte drejtësi. I njëjti arbitër më ka ndëshkuar edhe në Durrës. Nuk mund ta them se pse mund ta paragjykoj arbitrin. Përderisa ai gjykon në Superiore, nuk është i paaftë. Ai na ka ndëshkuar me dashje. Trajnerët në Shqipëri nuk thonë gjithmonë të vërtetën, por unë po e them. Marr përsipër lojën e dobët të skuadrës dhe fjalët që thashë për arbitrin” përfundoi Magani.

Kategoria e Parë – Java 23
E shtunë, më 13 prill, ora 15:00

BESA-BYLIS 0-1
Shënues: Antoni 19′

Karton i kuq: Danaj 75’

EPISODET –

80’ – Ndërpritet ndeshja në Kavajë. Gjyqtari Klajdi Kola merr vendimin për ta ndërprerë takimin, pasi asistenti i tij i godit me shishe nga tribuna.

75’ – Danaj bën një ndërhyrje shumë të ashpër kundër sulmuesit të Bylisit dhe ndëshkohet menjëherë me karton të kuq nga gjyqtari Kola. Besa me 10 futbollistë.

57’ – Shumë tension në Kavajë. Shishet hidhen pa pushuar në fushën e lojës dhe gjyqtari ndërpret takimin për thuajse 3 minuta. Gjithsesi, pasi paralajmëroi kapitenin e Besës, takimi rifilloi

46′ – Murataj pranë portës nuk arrin ta dërgojë dot topin në rrjetë. Mundësi e artë

45+2′ – Mziu lëshon një silurë nga distanca, portieri Mario Bytyçi i kundërpërgjigjet duke e devijuar topin. Këndore për Besën.

45′ – Peposhi përparon nga e majta, kroson në zonë për Guindo. Sulmuesi e devijoi topin pak mbi traun e portës. Mundësi e mirë e Bylisit.

29′ – Antoni bën një ndërhyrje dhe ka tension. Tifozët nuk durojnë dhe lumë shishesh u hodhën në fushën e blertë.

19′ – GOOOOL Antoni merr një top në zonë dhe i vetëm me portierin Miraka arrin të realizojë. Ballshiotët në festë. Kavajasit protestojnë për faull.

PRETENDIMET PËR PENALLTI

15′ – Guindo, sulmuesi i Bylisit, fluturimthi në hyrje të zonës gjuajti krejtësisht gabim. Lojtari i ballshiotëve nuk arriti të koordinohej

8′ – Cara provon me një goditje dënimi, Janku me kokë largon rrezikun. Sinjali i parë i verdhezinjve

Besa: Miraka, Çaço, Danaj, Dikson, Biba, Mëlluxha, Mëziu, Ndraxhi, Cara (Thaci 55′), Çelhaka, Onuh. Trajner: Gugash Magani

Bylisi: Bytyçi, Samda, Kullira, Janku, Peposhi, Zefi, Lamçja, Murataj, Antoni, Guindo, Kofi. Trajner: Veljko Dovedan

Gjyqtarë: Klajdi Kola, Denis Rexha, Denis Agaraj
Karton i verdhë: Antoni 20′

“Ndeshja me Bylisin për ne është finalja e vërtetë për kalimin në Kategorinë Superiore. Natyrisht që e kemi vlerësuar si sfidë, por pa asnjë mbivlerësim. Besa i ka të gjitha kualitetet që ta kalojë me sukses këtë ndeshje. Nga ana e skuadrës duhet vetëm kujdes dhe përqendrim maksimal nga minuta e parë e deri në fundin e ndeshjes”, thotë mesfushori qendror.

Mihani kërkon edhe mbështetjen e tifozerisë vendase: “Natyrisht që në këtë përballje do të kemi shumë tifozë kavajas në stadium. I ftoj që të jenë sa më shumë dhe ta shijojmë së bashku suksesin. Me mbështetjen e tifozëve, Besa do ta arrijë synimin final për Superioren”.

AGRON KAJA

Gugash Magani, tekniku peqinas i Besës, e cilëson një finale përballjen me Bylisin. Për SportEkspres.com, ai deklaron: “Kjo është java më e rëndësishme për Besën, pasi Bylisin e kemi tre pikë para. E kemi vlerësuar maksimalisht këtë sfidë, madje edhe si një finale të parë për ta parakaluar skuadrën ballshiote. Ky është synimi ynë dhe për këtë Besa është përgatitur që ta arrijë në fushën e lojës”.

Besa do të jetë e plotë dhe kjo është shumë e rëndësishme, sikurse edhe shprehet trajneri Magani: “E rëndësishme është se nuk kemi mungesa e dëmtime të titullarëve, por edhe në të gjithë skuadrën. Ndaj do të tregojmë vlerat tona më të mira se e meritojmë që të jemi ne kreu i Grupit B. Tifozët tanë do të na mbështesin në këtë mision, që na orienton drejt Superiores”.

AGRON KAJA

Takime interesante ka pasur dhe në grupet e pjesës së poshtme të tabelës. Në Grupin A Vora ka barazuar 1 – 1 me Shënkollin në transfertë. Turhani zhbllokoi takimin në minutat e kohës shtesë, por e menjëhershme ka qenë përgjigja e vendasve që barazuan pak sekonda më vonë, duke shmangur “parakalimin” nga skuadra e vendit të fundit të tabelës.

Në Grupin B, Tomori është mundur nga Turbina e vendit të fundit. Pas kësaj humbje beratasit i bashkohen skuadrës cërrikase dhe Elbasanit në luftën e mbijetesës.

KATEGORIA E PARË – JAVA 22

Grupi A | Play-off

E shtunë, më 6 prill, ora 15:00

Dinamo-Erzeni 2-0
Shënues: Kolgega 8’, Ndreu 63’

E shtunë, më 6 prill, ora 16:00

Korabi-Besëlidhja 0-0

Vllaznia pushim

Grupi A | Play-out

E shtunë, më 6 prill, ora 16:00

Burreli-Veleçiku 1 – 0
Shënues: Kurbneshi 22’

Shënkolli 1-1 Vora
Shënues: Pelinku 91’ / Turhani 91’

Iliria pushim

GRUPI B | Play-off

E shtunë, më 6 prill, ora 16:00

Oriku-Besa 0 – 1
Shënues: Çelhaka 26’

Lushnja-Egnatia 2 – 2
Shënues: Sefa 41’, 47’ / Branica 48’, Ibrahimllari 83’

Bylis pushim

Grupi B | Play-out

E shtunë, më 6 prill, ora 16:00

Tomori-Turbina 0- 2
Shënues: Roshi 72′ (pen), Hasa 90′

Apolonia – Pogradeci 4 – 0
Shënues: Vladisavljeviç 33’, 69′, Mihana 48′, Gjata 70′

Elbasani pushim

“Nuk ka ndeshje të lehta për Besën në këtë fazë të tretë. Të gjitha skuadrat që luajnë në Play-off janë të denja,  kështu që edhe transferta në Orikum do të jetë e vështirë për ne. Gjithsesi asnjëherë nuk shkojmë të dorëzuar. Vetëm tri pikët janë synimi kryesor, për t’iu afruar më shumë Bylisit”, u shpreh Mihani për SportEkspres.com.

Mesfushori qendror është i qartë sa i takon objektivit që Besa ka këtë sezon: “Jo vetëm se Besa është një emër i madh në futbollin shqiptar, por edhe për vlerësimin e garës, ne do të luajmë më seriozitet deri në fund. Objektivi ynë kryesor është Superiorja”.

AGRON KAJA

Një ndeshje që vlen shumë, duke pasur parasysh ndërprerjen e kampionatit prej sfidave që kombëtarja zhvilloi me Turqinë dhe Andorrën. Fundjavën e shkuar Besa u përball me Kastriotin në Superiore dhe fitoi me rezultatin 2-1. Sfida me skuadrën e Ilir Dajës do të zhvillohet nesër prej orës 15:00 në Vlorë.

Për SportEkspres.com, trajneri Gugash Magani deklaroi shkurtimisht: “Kemi punuar gjatë këtyre javëve për të ruajtur formën fizike të lojtarëve. Paralelisht kemi luajtur edhe ndeshje miqësore me skuadra të Superiores. Sot besoj se të gjithë në skuadrën e Besës janë të gatshëm për sfidat në vazhdim”. Në javën e 20-të Besa fitoi me Lushnjën, ndërkohë që në javën e 22-të do të ndeshet me Orikun në transfertë.

AGRON KAJA

Verdhezinjtë e zhbllokuan ndeshjen shumë shpejt me qendërmbrojtësin Sadush Danaj. Pesë minuta nga fundi Besa fitoi edhe të drejtën e gjuajtjes së një 11-metershi. Mesfushori Donald Mëllugja u tregua i saktë.

Krutanët u kundërpërgjigjen me anë të mbrojtësit të majtë Edison Ndreca. Nga këndi ai e dërgoi topin drejt e në rrjetë dhe pjesa e parë u mbyll me rezultatin e ngushtë 2-1. Pas pushimit trajnerët bënë lëvizjet e tyre, që nuk prodhuan ndryshim në rezultat.

Miqësore – E shtunë, më 23 mars, ora 14:00
Besa-Kastrioti 2-1
Shënues: Danaj 14’, Mëllugja 40’ (p) / Ndreca 45’

Krutanët do të udhëtojnë drejt Kavajës ditën e shtunë, teksa do të përballen me Besën e drejtuar nga Gugash Magani. Kjo sfidë luhet prej orës 14:00. Kavajasit, sot luajnë edhe një ndeshje miqësore me Shqipërinë U20.

Devolli do mendojë në këtë ndeshje edhe për sfidën me Teutën, teksa i duhet të vendosë se kush do të zëvendësojë kapitenin Emiljano Çela. Qendërmbrojtësi është i pezulluar me kartonë dhe me shumë mundësi Dajan Shehi do e zëvendësojë.

Asnjë detaj për ndeshjen, jo më që të publikohet lista e futbollistëve që trajneri Ilir Biturku do të ketë në dispozicion. Një situatë e përsëritur dhe media informohet vetëm përmes rrjeteve sociale, ku shumë futbollistë të grumbulluar kanë postuar edhe foto nga grumbullimi. Sa i takon ndeshjes, është klubi kavajas që zbulon detajet.

Një periudhë ku të gjithë e kanë mendjen te kombëtarja e madhe dhe ndeshja me Turqinë, por sigurisht nuk mund të lihen pas dore edhe ato ekipe që sipas trajnerëve punojnë për të furnizuar me lojtarë ekipin tonë kombëtar.

“Ishim të papaguar dhe në formë proteste kishim vendosur të mos luanim. Nuk kishim qëllime për të shitur ndeshjen, apo luajtur baste”, thuhet në deponimet e futbollistëve të Egnatias në Komisionin e Etikës.

Ndërsa lojtarët e Besës u shprehën se ishin në dijeni të problemeve te skuadra kundërshtare, por e morën takimin lehtë në pjesën e parë, duke ia bërë punën shumë të vështirë vetes në fraksionin e dytë të lojës.

“Kishim mësuar që lojtarët e Egnatias kishin vendosur të mos impenjoheshin në atë ndeshje dhe për këtë arsye e morëm më lehtë se ç’duhet, prandaj u gjendëm në disavantazh 2-0 në pjesën e parë”, thuhet në deponimet e lojtarëve të Besës. “Ndërkohë, në të dytën u mobilizuam dhe arritëm ta kthejmë rezultatin”.

Nuk ka nisur ende ndonjë hetim nga Prokuroria. Futbollistët vazhdojnë të kenë probleme në futbollin shqiptar: Mungesë pagash, motivimi për të luajtur. Prandaj dhe gara e ka humbur cilësinë, dëshirën dhe përmirësimin, duke bërë që futbolli ynë të mos ecë përpara, por të bëjë hapa pas.

Për SportEkspres.com, tekniku i skuadrës kavajase deklaron: “Dy javë pushim pa kampionat na mundësuan që Biba, Dikson e Cara thuajse janë të rikuperuar, ndërsa Çekiçi me Onuh e kanë mbyllur dënimin. Do të kemi edhe dy të skualifikuar, por mendoj se ekipi do të jetë i plotë në këtë sfidë me lushnjarët”.

“Synimi ynë është vetëm fitorja, pa e nënvlerësuar asnjëherë Lushnjen. Ajo në përbërjen e saj ka lojtarë shumë cilësorë, por objektivi ynë në këtë fazë të tretë është që t’i fitojmë të gjitha ndeshjet”, theksoi Magani në mbyllje.

AGRON KAJA

“Lojtarët surprizojnë prof. Maganin gjatë seancës stërvitore ditën e sotme duke i uruar festën e mësuesit. Një ekip, një familje”, është diçitura e videos, ndërkohë që Maganit i është dhuruar një tortë. “Gëzuar festën! Urime për Superligën”, shkruhet në të.

Sikurse dihet, Besa renditet në vendin e dytë në grupin B dhe ka vetëm tre pikë më pak se Bylisi i vendit të parë. Objektivi është rikthimi në Superiore dhe kavajasit do të bëjnë maksimumin për ta realizuar objektivin sezonal.

Në grupin B Bylisi e Besa do duelojnë në distancë. Lushnja, që dy javë më parë mposhti kavajasit, këtë herë do tentojë të ndalojë ballshiotët. Ndërkohë verdhezinjtë luajnë në transfertë. Besa ka disa mungesa, por edhe tek Egnatia do të shohim sot një “revolucion” në formacion. Problemet financiare mbeten prezente dhe lojtarët kanë bojkotuar sërish stërvitjen. Mbetet të shihet se kush do ta ketë shëtitje sot. Në pesëshen e dytë Elbasani pret Pogradecin dhe do synojë tre pikët, për të tentuar lënien e vendit të parafundit në vazhdimësi.

KATEGORIA E PARË – Java 19

GRUPI A / PLAY-OFF
Datë 3 mars 2019
Besëlidhja-Erzeni        15:00

GRUPI B / PLAY-OFF
Datë 3 mars 2019
Lushnja-Bylis              15:00
Egnatia-Besa               15:00

GRUPI B / PLAY-OUT
Datë 3 mars 2019
Elbasani-Pogradeci     15:00

Trajneri i kavajasve, Gugash Magani, kërkon që skuadra e tij të mos përsëritë gabimet e bëra gjatë fazës së dytë, ndërkohë që sipas tij faza e tretë do jetë shumë e fortë. Për SportEkspres.com, tekniku peqinas deklaron se Besën e pret një takim i vështirë me rrogozhinasit.

“Egnatia ka qenë ekipi që na ka vënë në vështirësi, sepse ka një grup që mund të synonte Superioren. Ndaj e kemi vlerësuar si një përballje mjaft të vështirë, në të cilën ne mendojmë vetëm fitoren”, shprehet Magani fillimisht.

Besa e tij nuk do të ketë të gatshëm dy titullarë të rëndësishëm për sfidën e së shtunës. Gjithsesi trajneri peqinas mendon se verdhezinjtë i kanë elementët për t’i zëvendësuar me sukses sulmuesit Onuh dhe Çekiçi.

“Onuh dhe Çekiçi janë dy mungesa serioze për ne, por kjo është ritmika e kampionatit dhe ne jemi të detyruar që të përdorim çdo alternativë tjetër për të arritur synimin tonë. Besa ka kapacitete që t’i zëvendësojë të dy këta titullarë. Të dielën, të gjithë ata që do të veshin fanelën e Besës në takimin me Egnatian, do të luajnë me synimin e vetëm për fitore. Formula e fazës së tretë na motivon dhe na e shton besimin për kreun e grupit tonë”, përfundoi Magani.

AGRON KAJA

Besimi te skuadra e Gugash Maganit nuk mungon, siç e thekson dhe kapiteni i skuadrës kavajase Meglid Mihani. Në një prononcim për “sportekspres.com”, mesfushori flet për fitoren kundër Turbinës dhe për fazën e tretë që do përcaktojë se kush do të jetë fituesi dhe humbësi në garën për vendin e parë midis Besës dhe Bylisit.

“Shpirti i garës dhe sakrifica e ekipit tonë në këtë ndeshje na dha fitoren, pa e nënvleftësuar asnjëherë kundërshtarin (Turbinën). Kështu duhet të vazhdojmë edhe gjatë fazës së tretë, e cila pritet që të jetë e fortë në rivalitet. Të gjitha ndeshjet do jenë si finale, por jo të vështira për synimet tona”.

Duke qenë edhe 8 ndeshje e nisur nga përgjysmimi i pikëve, Mihani thekson më pas se në fazën e tretë do të shohim Besën e vërtetë. “Në fazën e tretë do të shihni Besën e vërtetë, një skuadër shumë herë më të motivuar dhe më të fortë. Nuk do të jetë e lehtë lufta për kreun e Grupit B, por mbetet një betejë e hapur si për ne, ashtu edhe për Bylisin, pse jo edhe për Egnatian”.

AGRON KAJA

Lagunarët shënuan nga një gol për pjesë. Alushi gjeti golin e avantazhit në minutën e 12-të, ndërsa Fatjon Sefa vulosi fitoren e ekipit vendas 11-të minuta përpara fundit të ndeshjes. Kjo fitore e ngjit Lushnjen në vendin e katërt me 27 pikë, ndërsa Besa e Maganit mbetet në vendin e dytë me 32 pikë (7 larg Bylisit kryesues.)

Ndeshja tjetër mes Bylisit dhe Tomorit nuk u zhvillua, pasi ekipi beratas nuk u paraqit, ashtu siç e kishte paralajmëruar më parë një gjë të tillë. Ekipi ballshiot do të fitojë ndeshjen në tavolinë me shumë mundësi, çka do e ngjiste në kuotën e 40 pikëve.

Lushnja-Besa 2-0
(Alushi 12’, Sefa 79’)

INTERVISTOI: AGRON KAJA

Duke ju referuar ndeshjes Besa-Egnatia, si ka qenë situata te skuadra e Besës gjatë kësaj jave?
-Te Besa ka një situatë normale në të gjithë treguesit e saj. Të gjitha ndeshjet ne i kemi vlërësuar maksimalisht për tri pikët, jo vetëm sepse Bylisi është 4 pikë para, por edhe pse Besa është profesioniste në garë dhe do të jetë serioze deri në fundin e saj.

Mendoni se kjo situatë do të ketë ndikim negativ te performanca e lojtarëve për ndeshjet e tjera?
-Detyra jonë është që ta motivojmë skuadrën për gjithçka, brenda rregullave e normave që futbolli i ka parësore. Gjatë gjithë kohës po mundohemi që ekuilibrin psikologjik ta mbajmë në kuota profesioniste, sepse Besa është skuadër e madhe dhe kështu meriton të respektohet.

Ku mendoni se duhet të përmirësohet dhe të reagojë më shumë Besa për ndeshjet në vazhdim?
-Më shumë te besimi që duhet të kenë lojtarët te forcat e tyre, dhe së bashku, e gjithë skuadra për një vazhdimësi më të mirë. Sepse çdo gjë tjetër është në favor dhe këtu kam parasysh historinë e kësaj fanele që duhet vlerësuar e respektuar nga të gjithë.

Si janë marrëdhëniet e klubit, Bashkisë e të presidentit me skuadrën, jo vetëm për anën ekonomike?
-Unë kam dy muaj në drejtimin e Besës dhe shoh se marrëdhëniet e presidentit Bizhdili në radhë të parë, dhe me Bashkinë nga ana tjetër, janë shumë korrekte. Për anën financiare as që nuk bëhet fjalë këtu te Besa, korrektesa është në nivele për t’u falënderuar.

Në javën e 17-të Besa luan në transfertë me Lushnjen, cili është synimi juaj për këtë sfidë?
-Do të jetë një ndeshje shumë e vështirë, të paktën për Besën. Jo vetëm se luajmë në transfertë, por edhe pse Lushnja do të kërkojë maksimumin për të përmirësuar renditjen e saj në grup. Ne kemi objektivin tonë, ata tyrin. Unë pres një ndeshje të luftuar, por edhe fair-play.

Rivalin në kreun e renditjes e keni 4 pikë para, besoni ende në synimin tuaj të këtij sezoni për ngjitje në Kategorinë Superiore?
-Patjetër që po, deri në ndeshjen e fundit ne do të rezistojmë që të arrijmë synimin tonë, ngjitjen në Kategorinë Superiore. Unë me këtë synim kam ardhur te Besa dhe jam besimplotë se gjatë zhvillimit të garës do ta arrijmë.

Sot paradite në Kavajë u luajt ndeshja Besa U17-Pepa U17, me kavajasit që fituan 2-0. Në minutën e 64-t për FC Pepa u aktivizua i riu Albi Gjolena, gjë që është pasqyruar edhe në protokollin në faqen zyrtare të Federatës Shqiptare të Futbollit. Problemi është se Gjolena nuk ishte fare i pranishëm, as në fushë, as në stol e as në Kavajë.

Gjolena këtë janar ka kaluar tek Apolonia dhe është i lirë ta bëjë këtë, për sa kohë është minoren dhe nuk ka firmosur asnjë kontratë, por me sa duket te Pepa kanë dashur të hakmerren, sepse kanë futur dikë tjetër në fushë, duke e regjistruar në protokollin e ndeshjes me emrin Albi Gjolena, siç shihet edhe nga zëvendësimet në faqen zyrtare të FSHF-së (azhornimi live i ndeshjes bëhet nga një prej zyrtarëve të ndeshjes dhe në Kavajë delegat ishte Sabri Kalleshi, arbitër Rigert Zeneli).

SportEkspres.com u sinjalizua për këtë absurditet dhe pas raportimit të ngjarjes, kontaktuam edhe zyrtarë të Federatës Shqiptare të Futbollit.

Pas verifikimeve të kryera, në FSHF kanë zbuluar se realisht ka pasur një shkelje.

“Ekipi FC Pepa ka ndërruar fanellën e lojtarit rezervë gjatë ndeshjes. Do ketë një hetim të plotë nga autoritetet përkatëse në FSHF dhe do ketë dënim drastik për çdo person të përfshirë në këtë ngjarje të shëmtuar“, ka qenë komenti zyrtar për këtë ngjarje, një lajm i mirë, pasi tregon që gjëra të tilla nuk mund të kalojnë pa vënë re e pa asnjë masë.

Kuqeblutë fituan me rezultatin 2-1, duke dërguar Kupën e Shqipërisë në Shkodër. Ardian Shaljani kaloi ekipin kavajas në avantazh në minutën e tetë, ndërsa Uheid Hoxha u tregua i saktë nga pika e penalltisë në minutën e 27-të duke barazuar rezultatin.

Vllaznia nuk u ndal dhe gjeti sërish golin pas pak minutash. Qardaku shënoi golin e avantazhit dhe të fitores në minutën e 32-të dhe pjesa e parë u mbyll me epërsinë e djemve të Zmijanit.

Shima u ndëshkua me karton të kuq në minutën e 67-të dhe Vllaznia u detyrua të luante gjysmën e pjesës së dytë me një lojtar më pak. Besa nuk përfitoi nga superioriteti numerik dhe ndeshja u mbyll me fitoren e Vllaznisë që festoi fitimin e trofeut të parë të sezonit.

Vllaznia: Qarri, Shimaj, Repaj, Ndreca, Hoxha, Kulla, Kovaci, Rrasa, Lekaj (C), Mali, Qardaku.

Besa: Dabijani, Rrushi, Kacbufi, Damarija, Mecja, Cara (C), Selita, Meraj, Zeqiri, Deliu, Shaliani.

Vllaznia-Besa 2-1
(Hoxha 27′, Qardaku 32′ / Shaliani 8′)

Korabi u ngjit në vendin e tretë, pasi mundi Veleçikun me golat e Skukës, autor i një tregolëshi. Në Shënkoll Besëlidhja mposhti me përmbysje vendasit. Vora e vendit të fundit ka marrë një fitore me vlera kundër Dinamos dhe shpreson të qëndrojë në të Parën.

KATEGORIA E PARË – Java e 15-të
GRUPI A
E shtunë, 2 shkurt 2019
Vora-Dinamo              1-0
Shënues: Ezike 37′
Shënkolli-Besëlidhja  1-2
Shënues: R. Danaj 28′ / Kamara 58′, Soumah 89′
Erzeni-Vllaznia            2-0
Shënues: Xhemalaj 2′, Marku 52′ (aut.)
Korabi-Veleçiku          3-1
Shënues: Skuka 11′, 44′, 57′ / Ujkaj 91′ (pen.)

E mërkurë, 6 shkurt 2019
Iliria-Burreli                14:00

Bylisi në grupin B vijon serinë e rezultateve potivive. Lushnja nuk ia ka dalë të rezistojë përballë ballshiotëve, që me “tris” morën pikët e plota. Kundërpërgjigjet edhe Besa, që 0-3 fitoi në transfertë kundër Elbasanit.

Verdheblutë gjithsesi mbeten të parafundit, pasi edhe Turbina është mundur në shtëpi nga Tomori me shifrat 0-2. Apolonia ka marrë një fitore me vlera dhe ka qenë i riu Mihana ai i cili ka nderuar fierakët me golin e shënuar.

GRUPI B
E shtunë, 2 shkurt 2019
Apolonia-Pogradeci    1-0
Shënues: Mihana 69′
Turbina-Tomori           0-2
Shënues: Sharavolli 2′, Dervishi 70′
Bylis-Lushnja               3-0
Shënues: Shyti 23′, Bytyçi 41′ (pen.), Bajramaj 66′
Elbasani-Besa              0-3
Shënues: Çelhaka 45′, Çekiçi 45+1′, Onuh 81′

E diel, 3 shkurt 2019
Egnatia-Oriku             14:00 (Luhet në Peqin)