Mjatuan vetëm dy minuta që sfida të ndizej, pasi Mançester Junajtid gjeti avantazhin me anë të Romelo Lukakut. Një gafë në mbrojtje e vendasve u shfrytëzua në maksimum nga sulmuesi belg, i cili arriti të shmangë dhe Bufon, duke çuar topin në rrjetë.

Gjithsesi, festa nuk zgjati shumë, pasi në minutën e 11-të ishte Huan Bernat, i cili baraspeshoi gjithçka. Një dalje e Kilian Mbape, me këtë të fundit që hodhi një top të zonë, solli golin e dytë të ndeshjes, ku Huan Bernat shtyu topin në rrjetë, duke çuar peshë tifozët e tij.

Ekipi i Solskjaer duket se nuk e kishte thënë fjalën e fundit në këtë ndeshje dhe në minutën e 30-të shënoi përsëri, duke rihapur gjithçka. Një gafë e Bufon pas goditjes së Rashford, solli golin e dytë për “djajtë e kuq”, të cilët shënuan përsëri me Lukakun, duke mbyllur pjesën e parë në avantazh.

Në pjesën e dytë dominimi i PSG-së vijoi, por vetëm me lojë. Francezët e kanë në gjak dështimin këto vitet e fundit dhe duke mos arritur të shënonin golin e barazimit, i dhanë shpresë Junajtid.

Dhelpra Solskjaer, kampion Europe me gol në shtesë ndaj Bajernit në 1999, në fund hodhi në fushë ç’të gjente në stol, edhe një sulmues 17-vjeçar, por në shtesë, kur nuk e priste askush, Dalot gjuajti pa ndonjë synim të qartë dhe topi u përplas te krahu i Kimpembes.

Protesta nga Man Utd, por mbrojtësi ishte me shpinë dhe krahu shumë pak i hapur. Për siguri, pak VAR dhe… e pabesueshme, penallti për Junajtid!!! Mes protestave, Rashford me qetësi shënoi dhe kualifikoi Red Devils.

Dështimi e ka emrin PSG, edhe pse penalltia ishte tepër, tepër e dyshimtë!

Ndër të tjera, presidenti Uli Hënes ofendoi edhe ish-mbrojtësin e Bajernit, spanjollin Huan Bernat, për të cilin tha: “Na kritikoni pse shitëm Bernat? Ai luajti si m.. dhe ishte përgjegjës për golin e pësuar në Sevilje sezonin e shkuar, ku për pak u eliminuam nga Champions League. Për këtë arsye, në fund të sezonit vendosëm ta shisnim”.

Një ditë më vonë spanjolli u përgjigj me vepra, sepse ishte titullar dhe shkëlqeu në fitoren 5-0 që PSG arriti ndaj Amiensit në kampionatin francez, ndërsa më pas ka treguar klas, duke mos polemizuar dhe duke mos u përgjigjur egërsi ndaj sulmit të Hënes.

“Po, kam dëgjuar çfarë tha Hëness, por nuk kam asgjë për të thënë për të. Që fëmijë më kanë mësuar që të jem mirënjohës. Do t’u jem përgjithmonë Bajernit dhe tifozerisë bavareze për 4 vitet që më lejuan të kaloj në atë klub. I uroj Bajernit gjithë të mirat, sa më shumë fat, sepse kam kujtime të shkëlqyera prej periudhës së kaluar aty”, tha Bernat.

Gjithsesi gjërat jashtë fushe për të besuarit e Tuhel duket se po shkojnë po aq mirë sa dhe rezultatet e këtij fillim sezoni. Mbrëmjen e së hënës duket se lojtarët kanë kaluar një mbrëmje të këndshme pasi dhe janë argëtuar më njëri-tjetrin, ku në qendër të vëmendjes kanë qenë afrimet e verës.

Ccupo-Moting, Bernat dhe Kehrer kanw zbavitur shokët e tyre duke kënduar siç shihet dhe në videot e postuara nga lojtarët e Paris në rrjetet sociale dhe duket se sfidën e sotshme ndaj Liverpul po e përgatisin në harmoni të plotë.

Juan Bernat et Thilo Kehrer sont également passés par l’épreuve du bizutage ! #PSG pic.twitter.com/B9TX2q9gYb

— PSG Society (@PSGsociety) September 17, 2018

Bernat ka firmosur një kontratë 3-vjeçare me kampionët e Francës dhe pritet të jetë një titullar i padiskutueshëm te skuadra e drejtuar nga Tomas Tuhel. Mëngjarashi spanjoll luajti për katër sezone te Bajerni, ku u aktivizua në 113 takime.

?? Un contrat de 3 ans pour @JuanBernathttps://t.co/1cJrCRTzmp

— Paris Saint-Germain (@PSG_inside) August 31, 2018

Rudi – “Mund ta konfirmoj se Rudi tani është duke kryer vizitat mjekësore te klubi i Shalkes. Nëse i kalon me sukses, atëherë duhet të gjendet dhe mirëkuptimi për shumën e transfertës. I uroj gjithë të mirat. Ai është një djalë fantastik”

Boateng dhe Bernat – “Nuk e përjashtoj ende largimin e Boateng. Ne nuk mund të pranojmë oferta qesharake, por unë dhe Uli (Hënes) jemi në gatishmëri në çdo moment nëse na vjen një ofertë që i plotëson kërkesat tona. Për të ardhmen e Bernat ende nuk është marrë ndonjë vendim, ai akoma nuk e ndarë mendjen”

Bëhet fjalë për Filipe Luisin dhe Huan Bernatin. Për mbrojtësin brazilian interesohet PSG-ja, akordi për pagën e lojtarit është arritur, por mungon mirëkuptimi me klubin e Atletikos. Bernat hyn në lojë, si zëvendësuesi i Luisit tek Atletiko.

Bajerni nuk e konsideron të pashitshëm spanjollin, kontrata e të cilit mbaron në fund të këtij sezoni. Sipas medieve spanjolle Bernat mund të vishet “rojiblanco” për 15 milionë euro, ndërsa Luis mund të kalojë në Francë për të njëjtën shumë.