Bernardo Silva

Benfika një “fabrikë” talentesh, mesfushori i do të gjithë te Siti

Sport Ekspres — Wed, 01 May 2019 15:18:49 +0000

Bernardo Silva po bën një sezon të mrekullueshëm me Mançester Sitin. Portugezi është kthyer në një nga pikat e referimit për Guardiolën. 24-vjeçari është një futbollist i dalë nga akademia e Benfikës. Ai u ble nga Siti në vitin 2017, pas tre viteve të mrekullueshme në Monako, ku ishte transferuar nga “skuadra e shqiponjave”.

Ai është kthyer të kalojë kohë në Portugali dhe i intervistuar nga mediat vendase është shprehur i lumtur se Benfika po punon shumë mirë me talentet. Bernardo Silva shprehet se katër prej tyre do të donte ti merrte te Mançester Siti. Lojtarët që ai dëshiron janë sulmuesit Zhoao Feliks (19 vjeç) dhe Jota (20 vjeç), mesfushori Florentino Luis (19 vjeç) dhe mbrojtësi 22-vjeçar, Ferro.

Zhoao Feliks

“Më vjen shumë mirë që Benfika po nxjerr të rinj cilësorë. Ferron, Zhoao Feliksin, Florentino Luis, dhe Jotën, që ka luajtur më pak, dua t’i marr të gjithë te Mançester Siti. Janë të katërt lojtarë me shumë potencial”, u shpreh mesfushori.

Ferro

Florentino Luis

Jota

VIDEO | Fitore me aromë titulli, Siti nuk e lëshon “fronin” e Anglisë

Sport Ekspres — Wed, 24 Apr 2019 21:01:23 +0000

Mançester Siti i afrohet gjithnjë e më shumë titullit kampion. Djemtë e Pep Guardiolës mundën 2 – 0 në “Old Trafford” Mançester Junajtid dhe rikthehen në krye te tabelës së së Premier Ligës, kur kanë mbetur dhe tri ndeshje nga fundi i kampionatit.

Pjesa e parë ishte e barabartë me të dyjat skuadrat që krijuan disa shanse për shënim. Situata ndryshoi krejtësisht në fraksionin e dytë të lojës, ku Siti tregoi qartazi që është skuadra me më cilësi. Golat e Sitit erdhën nga këmbët e dy mëngjarashëve të sulmit: Bernardo Silva dhe Liroi Sane.

Bërnli, Leister Siti dhe Brajton janë tri finalet që duhen fituar me çdo kusht nga “qytetarët” që tani kanë vënë njërën dorë te trofeu i dytë radhazi i kampionatit anglez.

Mançester Junajtid 0 – 2 Mançester Siti
Shënues: Silva 54’, Sane 66’

Standings provided by Sofascore LiveScore

VIDEO | Siti i afrohet titullit kampion, Silva dhe Sane nxjerrin nokaut Junajtid

Sport Ekspres — Wed, 24 Apr 2019 20:17:30 +0000

Mançester Siti ka zhbllokuar derbin kundër Junajtid falë një goli fantastik nga portugezi Bernardo Silva që vlen shumë më shumë se vetëm tri pikë.

Pas një pjese të parë të barabartë, djemtë e Guardiolës janë kthyer më të karikuar se kurrë në fraksionin e dytë të lojës dhe rastet e vazhdueshme u shpërblyen më në fund në minutën e 53-të. Pak minut më vonë Sane shënon të dytin për Sitin.

Guardiola elozhe për yllin e skuadrës: Lojtar për t’u marrë shembull!

Sport Ekspres — Fri, 15 Mar 2019 15:56:30 +0000

Pep Guardiola ka thënë se është një nder që Bernardo Silva është nën urdhrat e tij. Ylli portugez nënshkroi një kontratë të re me “Qytëtarët”, që do e mbajë atë në Mançester deri në vitin 2025. “Jam shumë i lumtur dhe mirënjohës që Bernardo ka ende dëshirën për të qëndruar me ne”, tha fillimisht Guardiola.

“Në fund, ne i gjykojmë lojtarët tanë në atë që japin në fushën e lojës dhe Bernardo, ka qenë lojtari më produktiv për ne. Ai është një djalë i mrekullueshëm, shokët e skuadrës e duan. Cilësitë e tij brenda fushës së lojës dihen, por ajo që më pëlqen më shumë është mënyra si sillet jashtë fushave. Një lojtar për t’u marrë shembull”, përfundoi strategu spanjoll.

Rinovimi i radhës, Guardiola “blindon” një nga yjet e Sitit

Sport Ekspres — Thu, 14 Mar 2019 11:51:37 +0000

Mançester Siti është duke zhvilluar një sezon madhështor dhe shpreson ta mbyllë duke fituar kampionat e Champions League, ndërkohë që klubi e ka të qartë se skuadra aktuale është shumë e talentuar dhe lojtarët duhen “blinduar” nga çdo tundim.

Kështu, sot e ka pasur radhën Bernardo Silva që të firmosë rinovimin me “Qytetarët”, duke zgjatur edhe për 3 vite kontratën e tij, që tashmë do të përfundojë në 2025.

Mesfushori portugez bëhet lojtari i 11-të që rinovon me kampionatin e Anglisë, që prej janarit 2018.

Mendohet se marrëveshja e re parashikon një pagë prej 150,000 sterlinash në javë, 8,4 milionë euro në vit, një shpërblim për sezonin madhështor të 24-vjeçarit, ndër më të mirët tek Siti, aty ku e ka kërkuar me ngulm trajneri Pep Guardiola.

https://t.co/Q9nFkMzJ9S

— Manchester City (@ManCity) March 13, 2019

Siti blindon yllin e mesfushës, firmos rinovimin 6-vjeçar

Sport Ekspres — Wed, 13 Mar 2019 18:45:16 +0000

Mançester Siti ka njoftuar rinovimin e kontratës deri në vitin 2025 me lojtarin portugez Bernardo Silva. Futbollisti i blerë nga Monako në verën e 2017-ës ka treguar një rritje të jashtëzakonshme këtë sezon.

Në vitin e parë në Angli, Silva u aktivizua më së shumti si zëvendësues, por tani Guardiola i ka dhënë besimin për të qenë një titullar i përhershëm te “qytetarët”.

Silva është një ndër shumë yjet e Sitit që kanë nënshkruar rinovime afatgjata me klubin gjatë muajve të fundit pas Stërling, De Brujn, Laport.

https://t.co/Q9nFkMzJ9S

— Manchester City (@ManCity) March 13, 2019

Reali piketon zëvendësuesin e Modriç, preferohet një portugez

Sport Ekspres — Mon, 21 Jan 2019 08:46:21 +0000

Luka Modriç konfirmoi dëshirën e tij për të qëndruar gjatë te Reali i Madridit, por kroati mbush 34 vjeç në shtator dhe mosha e tij nuk premton dhe shumë sezone në nivele të larta. Kjo gjë bën që drejtuesit e “Los Blancos” të synojnë një zëvendësues për fituesin e “Topit të Artë”.

Dëshira e Realit është një portugez dhe ai është Bernardo Silva. “Daily Star” raporton se kampionët e Europës pëlqejnë shumë mesfushorin me tipare sulmuese dhe janë gati të nisin negociatat për të.

24-vjeçari po bën paraqitje shumë të mira me Sitin e Guardiolës, me të cilët ka një kontratë deri në verën e vitit 2022, ndërsa çmimi i kartonit të tij vlerësohet 70 milionë sterlina.