Bernard

Bernard-Milan, detajet e marrëveshjes

Sport Ekspres — Sun, 05 Aug 2018 13:42:18 +0000

Merkato e Milanit në hyrje nuk është mbyllur dhe me shumë mundësi braziliani Bernard do të vishet kuqezi. Dëshira e mesfushorit është pikërisht kalimi te skuadra e Serisë A, edhe pse për të nuk mungojnë ofertat nga Londra, ku Çelsi dhe Uest Hemi i janë vënë pas.

“Calciomercato.com” raporton se të martën ose të mërkurën pritet që të ketë një takim mes Leonardos dhe menaxherit të Bernard, për të diskutuar mbi kushtet e marrëveshjes. Mesfushori është lojtar i lirë pas largimit nga Shahtar Donjetsku.

Në çfarë kushtet mbyllet marrëveshja? Milani duhet të paguajë 3-4 milionë euro komision për mesfushorin, ndërkohë që paga e tij do të jetë 3.5 milionë euro. Pas Higuainit dhe Kaldarës, Bernard mund të jetë afrimi i radhës te Milani.

Duel pa fund, Milan e Çelsi i bëjnë ofertë ish-yllit të Shahtarit

Sport Ekspres — Mon, 30 Jul 2018 15:01:57 +0000

Milani kërkon Higuain dhe Kaldara? Edhe Çelsi i do dhe është gati të ofrojë edhe më shumë.

Duket një derbi në distancë ai mes kuqezinjve dhe bluve, sepse ndërkohë ka nisur dhe po luhet sfida e radhës.

Në mes është Bernard, braziliani shtatshkurtër i cili ka dalë i lirë në treg, pas përfundimit të kontratës me Shahtar Doneck, që e bleu për 25 milionë euro 5 vite më parë, nga Atletiko Mineiro.

Bernard, i aftë të luajë në të dy krahët e sulmit, ka takuar drejtuesit e Çelsit ka emëruar ofertën e tyre dhe sot pasdite ka takuar Leonardo.

Braziliani 25-vjeçar kërkon 3 milionë euro në sezon, por edhe agjentët e tij kërkojnë komisione milionere, pasi lojtari transferohet falas. Te Çelsi Bernard do pasonte brazilianin Uillian, ndërsa Milani ka emra di Bonaventura e Suso nga krahët, ndaj nuk ka urgjencë.

Konte dhe Bernard, zhvillimet e fundit te kuqezinjtë

Sport Ekspres — Mon, 30 Jul 2018 14:21:28 +0000

Ka një akord midis Milanit dhe Antonio Kontes. Palët kanë qenë gjithmonë në kontakt dhe javën e kaluar është arritur akordi. 6 milionë euro në sezon për trajnerin italian, por ka diçka që e bllokon këtë marrëveshje. Konte ka edhe një vit kontratë me Çelsin dhe ai nuk dëshiron të heqë dorë nga 11 milionë euro (paga e tij vjetore me anglezët). Përveç parave, italiani është ndjerë keq nga sjellja e drejtuesve londinezë dhe palët po shkojnë drejt gjyqit. Çelsi ka afruar një tip akordi dhe është gati për t’i paguar 5 milionë euro Antonio Kontes, por ky i fundit nuk ka folur ende.

Sa i përket Gatuzos, presidenca e re e kuqezinjve nuk e sheh me sy të mirë rinovimin e trajnerit për tri vite. Ish-drejtori sportiv, Mirabeli, i afroi një kontratë të re: 3 vite me Milan dhe rroga nga 200 mijë euro në 2 milionë euro në sezon. Megjithatë drejtuesit e Milanit nuk po nxitohen.

Për momentin do vazhdohet me Gatuzon me shpresën për të pasur një ecuri të mirë. Kohë e nevojshme dhe për Konten për të zgjidhur problemet me Çelsin. Nëse Milani i Gatuzos shfaq probleme, atëherë zgjidhja do të jetë gati dhe Konte do të merrte drejtimin e Milanit.

Një emër i ri shihet si përforcimi i kuqezinjve. Siç citon “Tuttosport”, Leonardo ka nisur kontaktet me agjentin e brazilianit, Bernard, i cili ka mbyllur eksperiencën me Shaktar Donjetsk. Lojtari është i lirë dhe palët po vazhdojnë bisedimet. Bernard shihet si një alternativë e mirë për Suson dhe Çalhanoglu. 25-vjeçari ka 5 vite që luan me ukrainasit e Shaktarit dhe numëron dhe 14 prezenca dhe 1 gol të shënuar me kombëtaren braziliane.